Book List

<h2 style="text-align: center;">အခန်း (၃၉၀)</h2> <h2 style="text-align: center;">ထိပ်တန်း ဝိညာဉ်အမြစ်၊ အထူး ခန္ဓာကိုယ်ဖွဲ့စည်းပုံ (အပိုင်း ၄)</h2> <h2 style="text-align: center;">*</h2> <h2 style="text-align: center;"> </h2> <p>~ယခုအချိန်တွင်မူ ထိုဧရာမ အစိမ်းရောင် ဝံပုလွေကြီးသည် ချင်းယွဲ့ တောင်ထွတ်၏ တောင်ခြေရှိ သစ်တောအုပ်ထဲသို့ ကျူးကျော် ဝင်ရောက်လာခဲ့လေပြီ။</p> <p> </p> <p>စုယွီ ယခင်က တောင်ခြေတစ်လျှောက် ခင်းကျင်းထားခဲ့သော ပထမအဆင့် သတိပေး အခင်းအကျင်း အားလုံးသည်၊ ထိုဧရာမ ဝံပုလွေကြီး၏ လက်သည်းတစ်ချက် အဝှေ့မှာတင် အကုန် ပျက်စီးသွားလေ၏။</p> <p> </p> <p>အစိမ်းရောင် ဝံပုလွေကြီး တောင်ပေါ်သို့ တက်လာတော့မည့် အခြေအနေကို မြင်လိုက်ရသောအခါ၊ စုယွီ၏ မျက်ဝန်းထဲ၌ စူးရှထက်မြက်သော အရိပ်အယောင်တစ်ခု ဖြတ်သန်းသွားသည်။</p> <p> </p> <p>သူသည် သူ၏ စိတ်စွမ်းအားနှင့် ဝိညာဉ်စွမ်းအား အားလုံးကို စုစည်းလိုက်ပြီး၊ စိတ်ထဲရှိ အင်မော်တယ် ကျင့်စဉ်လုံး ဆီသို့ လှုံ့ဆော် သွန်းလောင်းပေးလိုက်၏။</p> <p> </p> <p>တစ်ခဏချင်း အတွင်းမှာပင်...</p> <p> </p> <p>ထို အင်မော်တယ် ကျင့်စဉ်လုံးဆီမှ အလင်းမျှင်တန်းများ ဖြာထွက်လာပြီး၊ စိတ်ကူးဖြင့် မှန်းဆ၍ မရနိုင်သော ကြီးမားသည့် အရှိန်အဝါ တစ်ခု စုယွီ၏ ခန္ဓာကိုယ်မှ ရုန်းကြွလာသည်။ သူ၏ မျက်ဝန်းများသည် အဆုံးအစမဲ့ နက်ရှိုင်းသော တွင်းနက်ကြီးများ အသွင် ပြောင်းလဲသွားသည့်နှယ်။ သူ၏ အရှိန်အဝါသည် လုံးဝ အခြားလူတစ်ယောက် အဖြစ် ပြောင်းလဲသွားသကဲ့သို့ အလွန်တရာ ကြောက်မက်ဖွယ် ကောင်းလှ၏။</p> <p> </p> <p>အင်မော်တယ် နတ်ဘုရားတစ်ပါး လူ့ပြည်သို့ ဆင်းသက်လာသည့်နှယ်။</p> <p> </p> <p>“ဆုတ်မယ်...”</p> <p> </p> <p>စုယွီက အသံ ခပ်အုပ်အုပ်ဖြင့် အမိန့်ပေးလိုက်၏။</p> <p> </p> <p>"အုန်း"</p> <p> </p> <p> </p> <p> </p> <p>သူ လက်တစ်ဖက်ကို ဆန့်ထုတ်လိုက်ပြီး၊ တစ်ကိုယ်လုံးရှိ ဝိညာဉ်စွမ်းအင်နှင့် မန္တန်စွမ်းအားများကို အသုံးပြုကာ လေထုထဲတွင် စာလုံးတစ်လုံးကို ရေးဆွဲ ပုံဖော်လိုက်သည်။</p> <p> </p> <p>နောက်တစ်ခဏ၌...</p> <p> </p> <p>‘ယင်’ ဆိုသော အင်မော်တယ် စာလုံးသည် ကောင်းကင်ယံကို ဖြတ်သန်းသွားပြီး ချင်းယွဲ့ တောင်ထွတ်ကို ဖုံးလွှမ်းထားသော တိမ်တိုက်မြူခိုးများကို ထိုးဖောက်သွားသည်။ မျက်စိတစ်မှိတ် အတွင်းမှာပင် ထိုစာလုံးသည် အခင်းအကျင်းများကို ဖျက်ဆီးကာ တောင်ပေါ်သို့ တက်လာနေသော ဝံပုလွေကြီး၏ ခေါင်းပေါ်သို့ ကျရောက်သွားလေ၏။</p> <p> </p> <p>ဧရာမ ဝံပုလွေကြီး၏ ခြေလှမ်းများ ရုတ်တရက် ရပ်တန့်သွားသည်။ ၎င်း၏ မျက်လုံးများ သိသိသာသာ ပြောင်းလဲသွားသည်။ ယခင်က အေးစက်ပြီး လူသတ်လိုသော အကြည့်များ နေရာတွင်၊ ယခုအခါ အလွန်အမင်း ထိတ်လန့်ကြောက်ရွံ့မှုများ အထင်းသား ပေါ်လာသည်။ ၎င်း၏ ကိုယ်ပိုင် အရှိန်အဝါများလည်း ဖရိုဖရဲ ဖြစ်သွားရ၏။</p> <p> </p> <p>အသက်တစ်ရှိုက်စာ အချိန်ခန့် တစ်နေရာတည်းတွင် ကြက်သေသေကာ ရပ်တန့်နေပြီးနောက်၊ အစိမ်းရောင် ဝံပုလွေကြီးသည် နောက်လှည့်ကာ ထွက်ပြေးလေတော့သည်။</p> <p> </p> <p>“ဂျွတ်…”</p> <p> </p> <p>ပြင်းထန်သော လေပြင်းများ တိုက်ခတ်သွားပြီး ရှေးဟောင်း သစ်ပင်ကြီးများ ကျိုးပဲ့လဲပြို ကုန်၏။ မျက်စိတစ်မှိတ် အတွင်းမှာပင် အစိမ်းရောင် ဝံပုလွေကြီးသည် အလင်းတန်း တစ်ခုအသွင် ပြောင်းလဲကာ ချင်းယွဲ့ တောင်ထွတ်မှ အဝေးသို့ ထွက်ပြေး လွတ်မြောက်သွားလေသည်။</p> <p> </p> <p>တောင်ပေါ်တွင်မူ...</p> <p> </p> <p>စုယွီ၏ မျက်နှာသည် အနည်းငယ် ဖြူဖျော့နေ၏။ စိတ်ထဲရှိ အင်မော်တယ် ကျင့်စဉ်လုံး၏ အရှိန်အဝါကို လှုံ့ဆော် အသုံးပြုလိုက်ရခြင်းက သူ၏ ဝိညာဉ်စွမ်းအားနှင့် စိတ်စွမ်းအား အများစုကို ကုန်ခန်းသွားစေခဲ့သည်။</p> <p> </p> <p>အင်မော်တယ် စာလုံး၏ အရှိန်အဝါကြောင့် ကြောက်လန့်တကြား ထွက်ပြေးသွားသော ဝံပုလွေကြီးကို မြင်လိုက်ရမှသာ သူ သက်ပြင်းချနိုင်တော့၏။ သူ၏ မျက်လုံးများထဲတွင် ဝမ်းသာရိပ်များ ယှက်သန်းနေသည်။</p> <p> </p> <p>“ခြောက်ထုတ်လိုက်နိုင်ပြီပဲ...”</p> <p> </p> <p>သူ့ကိုယ်ပိုင် ဝိညာဉ် အခြေအနေကို ပြန်လည် စစ်ဆေးပြီးနောက် စုယွီ ခပ်တိုးတိုး သက်ပြင်းချလိုက်မိ၏။</p> <p> </p> <p>‘နှမြောစရာ ကောင်းတာက ငါ့မှာ လုံလောက်တဲ့ စွမ်းအား မရှိတာပဲ... အင်မော်တယ် စာလုံးရဲ့ အရှိန်အဝါ အနည်းငယ်လောက်ကိုပဲ ထုတ်သုံးနိုင်သေးတယ်... မဟုတ်ရင်...’</p> <p> </p> <p>ခုနက ထွက်ပြေးသွားသည့် ဝံပုလွေကြီး၏ အခြေအနေကို သူ ပြန်စဉ်းစားလိုက်မိ၏။</p> <p> </p> <p>အကယ်၍ သူသာ အင်မော်တယ် စာလုံးအပေါ် နားလည်သဘောပေါက်မှု ပိုမို နက်ရှိုင်းခဲ့မည် ဆိုလျှင်၊ အဲဒီ ကြောက်မက်ဖွယ် အရှိန်အဝါကို အသုံးပြုပြီး တတိယအဆင့် အထွတ်အထိပ် မိစ္ဆာသားရဲကြီးကို ယဉ်ပါးအောင် ဖိနှိပ် ချုပ်ကိုင်နိုင်လောက်၏။ ဒါက အင်မော်တယ် စာလုံး ဖြစ်နေသည်ကိုး။</p> <p> </p> <p>ဒါပေါ့လေ...</p> <p> </p> <p>လက်ရှိ စုယွီ ပိုင်ဆိုင်ထားသော အင်မော်တယ် စာလုံး၏ အရှိန်အဝါက ဟန်ပြ သက်သက်ပါပင်။</p> <p> </p> <p>ဒါက လွန်ခဲ့သည့် (၂) နှစ်အတွင်း အင်မော်တယ် စာလုံးကို လေ့လာရင်း သူ တတ်မြောက်ထားသည့် နည်းလမ်းသစ် တစ်ခုသာ ဖြစ်သည်။</p> <p> </p> <p>ရန်သူကို ခြိမ်းခြောက် ဟန့်တားတာကလွဲလျှင် တခြား ဘာမှ သုံးမရသေးပေ။</p> <p> </p> <p>“ကိစ္စ မရှိပါဘူး... အနည်းဆုံးတော့ တတိယအဆင့် အထွတ်အထိပ် မိစ္ဆာသားရဲ တစ်ကောင်ကို ဟန်ပြသက်သက်နဲ့ ခြောက်ထုတ်နိုင်ခဲ့တာပဲ...”</p> <p> </p> <p>စုယွီသည် ဤနည်းလမ်း၏ ခြိမ်းခြောက်နိုင်စွမ်းအပေါ် အတော်အတန် ကျေနပ်အားရနေမိသည်။ သူ့ကြိုးစားအားထုတ်မှုတွေ အလကား မဖြစ်ခဲ့ပေ။</p> <p> </p> <p>တတိယအဆင့် အထွတ်အထိပ် မိစ္ဆာဝံပုလွေကြီး ထွက်ပြေးသွားပြီးနောက်၊ ချင်းယွဲ့ တောင်ထွတ် အနီးတဝိုက်တွင် မည်သည့်အခါမျှ ပြန်ပေါ်မလာတော့ပေ။</p> <p> </p> <p>ချင်းယွဲ့ တောင်ထွတ် ပတ်ဝန်းကျင်သည် ယခင်ကထက် များစွာ ဘေးကင်းလုံခြုံသွားလေ၏။</p> <p> </p> <p>(၃) နှစ် ကြာပြီးနောက်၊</p> <p> </p> <p>ရုတ်တရက် ဆိုသလိုပင် ခြံဝင်း၏ နောက်ဖေးတွင် ကောင်းကင်နှင့် မြေကြီး ဝိညာဉ်စွမ်းအင်များ ဆူပွက်လှုပ်ရှားလာသည်။ ဒုတိယအဆင့် အထွတ်အထိပ် မှ တတိယအဆင့် အဆင့်နိမ့် သို့ ထိုးဖောက် တက်လှမ်းနေသော အစွမ်းထက် မိစ္ဆာသားရဲ အရှိန်အဝါ တစ်ခု ထွက်ပေါ်လာ၏။ ထိုအရှိန်အဝါကြောင့် ချင်းယွဲ့ တောင်ထွတ် တစ်ခုလုံးမှ သဘာဝ ဝိညာဉ်စွမ်းအင်များသည် နောက်ဖေးဆီသို့ စုဝေးရောက်ရှိလာကြပြီး ဧရာမ ဝိညာဉ်စွမ်းအင် ဝဲကတော့ကြီး တစ်ခု ဖြစ်ပေါ်လာလေသည်။</p> <p> </p> <p>စုယွီ၊ ယွီခယ်အာ၊ လော့ချင်းယာ၊ ယွီချန်ချင်း၊ စုချီ နှင့် အခြားသူများအားလုံး ထိတ်လန့်သွားကြပြီး၊ အခန်းအသီးသီးမှ ထွက်လာကာ နောက်ဖေးဘက်သို့ မျှော်ကြည့်လိုက်ကြ၏။</p> <p> </p> <p>တတိယအဆင့် အဆင့်နိမ့်သို့ တက်လှမ်းရန် ကြိုးပမ်းနေသော အရှိန်အဝါကို အာရုံခံမိလိုက်ပြီးနောက် ယွီခယ်အာက တအံဘတဩ ရေရွတ်လိုက်သည်။</p> <p> </p> <p>“ဒါ နောက်ဖေးက ရေခဲကြေးခွံ ငါးဘုရင် မလား... သူက အဆင့်တက်ဖို့ ပိတ်ဆို့နေတဲ့ အဟန့်အတား ကို ချိုးဖြတ်ပြီး တတိယအဆင့် အဆင့်နိမ့်ကို တက်လှမ်းနေတာပဲ...”</p> <p> </p> <p>မြေကမ္ဘာ မီးလျှံမျောက်ဝံ၊ အမွှေးနက် လင်းယုန်၊ ကောင်းကင် စိမ်းပြာ စပါးအုံးမြွေ စသည့် ဝိညာဉ်သားရဲများသည် စုယွီ ပေးသနားသော တတိယအဆင့် ထိပ်တန်း ဝိညာဉ်အရည်များကို သောက်သုံးပြီး သူတို့၏ မိစ္ဆာစွမ်းအားများကို ပြုစုပျိုးထောင်ခဲ့ကြ၏။</p> <p> </p> <p>သို့သော် နောက်ဖေး ရေကန်ထဲတွင် တိတ်တဆိတ် နေထိုင်နေသော ရေခဲကြေးခွံ ငါးဘုရင်က ဦးဆုံးအနေဖြင့် တတိယအဆင့် အဟန့်အတားကို ချိုးဖြတ်နိုင်လိမ့်မည်ဟု ဘယ်သူမှ ထင်မှတ်မထားခဲ့ကြပေ။</p> <p> </p> <p>ရေခဲကြေးခွံ ငါးဘုရင်၏ တိုးတက်လာသော အရှိန်အဝါကို ခံစားရင်း စုယွီ၏ မျက်နှာပေါ်တွင် အပြုံးပန်း တစ်ခု သီးဝေလာ၏။</p> <p> </p> <p>“တကယ် မလွယ်ကူပါဘူး... နှစ်တွေ အများကြီး ကြာပြီးမှ နောက်ဆုံးတော့ တစ်ကောင်က တတိယအဆင့် အဟန့်အတားကို ချိုးဖြတ်နိုင်ခဲ့ပြီပဲ...”</p> <p> </p> <p>နောက်ဖေးကို လှမ်းကြည့်ရင်း စုချီ ဟူသော မိန်းကလေးငယ်၏ မျက်လုံးများထဲတွင် အံ့သြမှုနှင့် အားကျမှုများ ရောပြွမ်းနေရ၏။</p> <p> </p> <p> </p> <p> ဤ ကောင်းကင်ဂူ လျှို့ဝှက်နယ်မြေထဲသို့ စတင် ရောက်ရှိလာစဉ်က သူမသည် အခြေခံတည်ဆောက်ခြင်း အဆင့် (၄) သာ ရှိသေးသည်။</p> <p> </p> <p>နှစ်အနည်းငယ် ကုန်လွန်သွားပြီးနောက်၊ ဤနေရာ၏ သိပ်သည်းလှသော ဝိညာဉ်စွမ်းအင်များနှင့် စုယွီ ထောက်ပံ့ပေးသော အစွမ်းထက် အရင်းအမြစ်များကြောင့် သူမသည် အခြေခံတည်ဆောက်ခြင်း အဆင့် (၆) သို့ ရောက်ရှိလာခဲ့ပြီ ဖြစ်၏။</p> <p> </p> <p>သို့သော် တတိယအဆင့် မိစ္ဆာသားရဲနှင့် ညီမျှသော ရွှေအမြုတေ အဆင့် သို့ ရောက်ရှိရန် ဘယ်လောက် ကြာဦးမည်ကိုတော့ သူမ မခန့်မှန်းနိုင်ပေ။</p> <p> </p> <p>ရုတ်တရက် စုချီက အတွေးတစ်ခု ဝင်လာပြီး စုယွီကို မေးလိုက်၏။</p> <p> </p> <p>“ဦးလေးယွီ... သမီးတို့ ကျင့်ကြံသူတွေ ရွှေအမြုတေ အဆင့်ကို တက်လှမ်းရင် ကပ်ဘေး သုံးပါး ကို ဖြတ်ကျော်ရတယ်လေ... မိစ္ဆာသားရဲတွေကရော တတိယအဆင့်ကို တက်ရင် ကပ်ဘေး သုံးပါး ကြုံရလားဟင်...”</p> <p> </p> <p>စုယွီ ခဏမျှ စဉ်းစားလိုက်ပြီး ပြန်ဖြေလိုက်သည်။</p> <p> </p> <p>“သူတို့မှာတော့ ကပ်ဘေး နှစ်ပါးပဲ ရှိလောက်တယ်... တစ်ခုက မိစ္ဆာဝိညာဉ် အသွင်ပြောင်းလဲခြင်း နဲ့ နောက်တစ်ခုက တတိယအဆင့် မိစ္ဆာအမြုတေ စုစည်းခြင်းတို့ပဲ...”</p> <p> </p> <p>စုယွီ၊ ယွီခယ်အာနှင့် အခြားသူများ၏ စောင့်ကြည့်မှုအောက်တွင် ရေခဲကြေးခွံ ငါးဘုရင်၏ အဆင့်တက်ခြင်း လုပ်ငန်းစဉ်သည် (၅) ရက် ကြာမြင့်ခဲ့၏။</p> <p> </p> <p>(၅) ရက် ကြာပြီးနောက်၊ ကောင်းကင်နှင့် မြေကြီး ဝိညာဉ်စွမ်းအင်များ ပြန်လည် ငြိမ်သက်သွားသည်။</p> <p> </p> <p>သို့သော် ရေခဲကြေးခွံ ငါးဘုရင်၏ အဆင့်တက်ခြင်းက မပြီးဆုံးသေးပေ။ ၎င်းသည် ရေကန်အောက်ခြေတွင် ငြိမ်သက်စွာ နေထိုင်ရင်း မိစ္ဆာဝိညာဉ် အသွင်ပြောင်းလဲခြင်း အဆင့်ကို ဖြတ်သန်းနေ၏။ ထိုအဆင့် ပြီးဆုံးမှသာ စစ်မှန်သော တတိယအဆင့် မိစ္ဆာသားရဲ တစ်ကောင် ဖြစ်လာပေလိမ့်မည်။</p> <p> </p> <p>ရေခဲကြေးခွံ ငါးဘုရင် တတိယအဆင့်သို့ တက်လှမ်းနေစဉ်မှာပင်၊ ထိုရေကန်ထဲရှိ ရေခဲကြေးခွံ ငါးမျိုးနွယ်စုထဲမှ နောက်ထပ် ငါး (၃) ကောင်သည်လည်း သွေးမျိုးဆက် ကန့်သတ်ချက်ကို ချိုးဖြတ် အောင်မြင်သွားကြ၏။ ဒါက စုယွီ၏ ပုံမှန် ဝိညာဉ်အရည် တိုက်ကျွေး ပြုစုပျိုးထောင်မှုကြောင့် ဖြစ်သည်။ လက်ရှိတွင် တစ်ကောင်က ဒုတိယအဆင့် အဆင့်နိမ့်သို့ ရောက်ရှိနေပြီး၊ ကျန်နှစ်ကောင်က ပထမအဆင့် အထွတ်အထိပ်သို့ ရောက်ရှိနေကြ၏။</p> <p> </p> <p>ကောင်းကင်မိုးကြိုး ကြွက်အုပ်စုနှင့် မတူသည်မှာ၊ ရေခဲကြေးခွံ ငါးမျိုးနွယ်စုသည် သွေးမျိုးဆက် ထူးခြားပြီး "ဝိညာဉ်သားရဲ" ဖြစ်လာရန် ပိုမို နီးစပ်ကြသည်။</p> <p> </p> <p>မိစ္ဆာသားရဲ နှင့် ဝိညာဉ်သားရဲ ကြား ကွာခြားချက်မှာ ကြီးမားလှ၏။ မိစ္ဆာသားရဲများ၏ သွေးမျိုးဆက်သည် သိပ်မသန့်စင်ဘဲ အဆင့်တက်ရန် ခက်ခဲသည်။</p> <p> </p> <p>သို့သော် ဝိညာဉ်သားရဲများတွင် မွေးရာပါ အားသာချက်များစွာ ရှိသည်။ သူတို့သည် ကောင်းကင်နှင့် မြေကြီး ဝိညာဉ်စွမ်းအင်များကို စုစည်းနိုင်စွမ်း ရှိ၏။ နေရာတစ်ခုတွင် ကြာရှည်စွာ နေထိုင်ပါက ထိုနေရာကို ဝိညာဉ်စွမ်းအင် ကြွယ်ဝသော "ကောင်းချီးမင်္ဂလာ မြေ" အဖြစ်သို့ပင် ပြောင်းလဲပေးနိုင်၏။</p> <p> </p> <p> </p> <p> </p> <p> </p> <p>နေရာတစ်နေရာတည်းတွင် ငြိမ်သက်စွာ နေထိုင် ကျင့်ကြံခြင်းဖြင့် သူတို့သည် လွယ်ကူစွာ အဆင့်တက်နိုင်ပြီး၊ သူတို့၏ ကြီးထွားနိုင်စွမ်း အလားအလာသည် တိုင်းတာ၍ မရနိုင်ပေ။</p> <p> </p> <p> </p> <p> </p> <p> </p>


Save