Book List

<h2 style="text-align: center;">အခန်း (၆၉၂)</h2> <h2 style="text-align: center;">*</h2> <p> </p> <p> </p> <p style="text-align:justify">ပရမ်းပတာ အခြေအနေများကြားတွင် ရေတပ်မှူး ကူးမားကို မည်သူကမျှ ဂရုမစိုက်ကြတော့ပေ။</p> <p style="text-align:justify">သူ၏ အိုမင်းနေသော လက်မောင်းများနှင့် ခြေထောက်များသည် အခြားသူများကို မယှဉ်နိုင်သဖြင့် သူသည် အသက်ကယ်လှေပေါ်မှ တွန်းချခံလိုက်ရပြီး ပင်လယ်ထဲသို့ ပြုတ်ကျသွားလေသည်။</p> <p style="text-align:justify">သို့သော် ကံကောင်းထောက်မစွာဖြင့် သူ၏ ဘေးတွင် ရေပေါ်ပေါ်နေသော ရော်ဘာ တာယာကွင်း တစ်ခု ရှိနေသည်။ သူသည် တာယာကွင်းကို တင်းကျပ်စွာ ဖက်တွယ်ထားပြီး လှိုင်းလုံးများ၏ သယ်ဆောင်သွားမှုကြောင့် ဗီကရန့် လေယာဉ်တင်သင်္ဘောနှင့် ဝေးကွာသွားလေသည်။</p> <p style="text-align:justify">ထိုကဲ့သို့သော ဖရိုဖရဲ မြင်ကွင်းများသည် ဗီကရန့် လေယာဉ်တင်သင်္ဘောပေါ်ရှိ နေရာတိုင်းတွင် ဖြစ်ပွားနေပြီး အခြား စစ်သင်္ဘောများတွင်လည်း အလားတူပင် ဖြစ်သည်။</p> <p style="text-align:justify">အိန္ဒိယနိုင်ငံ၏ အကျင့်ပျက်ခြစားနေသော စစ်ဘက်ဆိုင်ရာ စည်းကမ်းများနှင့် ဥပဒေများသည် ကြည်းတပ်တွင်သာမက ရေတပ်တွင်လည်း တည်ရှိနေသည်။</p> <p style="text-align:justify">ယင်းကဲ့သို့ အကျင့်ပျက် ခြစားကာ အထက်အောက် ဖိနှိပ်သော အလေ့အကျင့်ကြောင့်ပင် ပဍိပက္ခများ ဖြစ်လာပြီး ပိုမို များပြားသော သေဆုံးမှုများကို ဖြစ်ပေါ်စေခဲ့သည်။ အိန္ဒိယ ရေတပ်၏ စစ်သား အများအပြားသည် ကျဲခယ်အဖွဲ့၏ တိုက်ခိုက်မှုကြောင့် သေဆုံးရခြင်း မဟုတ်ဘဲ သူတို့လူမျိုး အချင်းချင်း၏ လက်ချက်ဖြင့် သေဆုံးခဲ့ကြရခြင်း ဖြစ်သည်။</p> <p style="text-align:justify">ထိုအချိန်၌ နောက်ထပ် သင်္ဘောဖျက် ဒုံးကျည်များ ဗီကရန့် လေယာဉ်တင်သင်္ဘောဆီသို့ ရောက်ရှိလာသည်။ အဘယ်ကြောင့်ဆိုသော် ယခုအချိန်တွင် ရေပြင်ပေါ်ရှိ အခြားသော အိန္ဒိယ စစ်သင်္ဘောအားလုံး နစ်မြုပ်သွားပြီ ဖြစ်ပြီး ဗီကရန့် တစ်စီးတည်းသာ ကျန်ရစ်တော့သဖြင့် သင်္ဘောဖျက် ဒုံးကျည် အားလုံးသည် ၎င်းကိုသာ ပစ်မှတ်ထားလာကြသောကြောင့် ဖြစ်သည်။</p> <p style="text-align:justify">ဗီကရန့်သည် ရေတပ်စစ်ပွဲတွင် အဖြစ်အဆိုးဆုံး စစ်သင်္ဘောလည်း ဖြစ်လာခဲ့သည်။</p> <p style="text-align:justify">၎င်း၏ နစ်မြုပ်မှုကို ဆန့်ကျင်နိုင်သော စွမ်းရည်သည် ခနဲ့တဲ့တဲ့နိုင်စွာဖြင့် ၎င်းကို ပိုမို ပြင်းထန်သော ထိုးနှက်ချက်များ ခံရစေရန် ဖန်တီးပေးလိုက်သလို ဖြစ်သွားသည်။</p> <p style="text-align:justify">သင်္ဘောဖျက် ဒုံးကျည်များ ဆက်လက် ကျရောက်လာသဖြင့် သင်္ဘောပေါ်ရှိ များပြားလှသော အိန္ဒိယ ရေတပ်စစ်သားများသည် သင်္ဘောဖျက် ဒုံးကျည်များကြောင့် အပိုင်းပိုင်း အစစ ဖြစ်သွားကြသည်။</p> <p style="text-align:justify">ဗီကရန့် လေယာဉ်တင်သင်္ဘော၏ သင်္ဘောဦးပိုင်းမှ အမြီးပိုင်းအထိ ကြောက်မက်ဖွယ် ကောင်းသော ပေါက်ကွဲမှုများ အဆက်မပြတ် ဖြစ်ပေါ်နေလေသည်။ မီးတောက်များကလည်း လေယာဉ်တင်သင်္ဘောပေါ်တွင် သောင်းကျန်းနေသည်ကိုသာ အတိုင်းသား မြင်နေရ၏။ </p> <p style="text-align:justify">ဤတိုက်ပွဲအပြီး နောက်ပိုင်းတွင် ဗီကရန့် အနီး ပင်လယ်ထဲသို့ ခုန်ချခဲ့ပြီး ရေထဲတွင် အသက်ကယ် ဘောကွင်းကို ကိုင်တွယ်ထားရင်း လွတ်မြောက်လာခဲ့သော ရေတပ်စစ်သား တစ်ဦးက ဗီကရန့် လေယာဉ်တင်သင်္ဘောပေါ်တွင် အနည်းဆုံး ပေါက်ကွဲမှု ၁၃ ကြိမ် ဖြစ်ပွားခဲ့သည်ကို သူ မျက်မြင်ကိုယ်တွေ့ မြင်တွေ့ခဲ့ရသည်ဟု ဆိုသည်။</p> <p style="text-align:justify">နောင်တစ်ချိန်တွင် မီဒီယာများ၏ အင်တာဗျူးလုပ်ခြင်းကို ခံရသောအခါ ရေတပ်စစ်သားသည် ငိုသံဖြင့် ပြောကြားခဲ့သည်။ "ဗီကရန့် နစ်မြုပ်သွားတဲ့ အချိန်မှာ သူ့ရဲ့ ကိုယ်ထည် တည်ဆောက်ပုံ တစ်ခုလုံး လုံးဝ ပုံပျက်ရှုံ့မဲ့နေပါပြီ။ သူ့ရဲ့ ပုံစံကိုတောင် ကျွန်တော် မမှတ်မိနိုင်တော့ပါဘူး”</p> <p style="text-align:justify">ဗီကရန့် လေယာဉ်တင်သင်္ဘောကို လုံးလုံးလျားလျား မြုပ်သွားစေခဲ့သော ထိုးနှက်ချက်မှာ လောင်စာဆီ သိုလှောင်ရုံ အတွင်း ဖြစ်ပွားခဲ့သော ပေါက်ကွဲမှုပင် ဖြစ်သည်။</p> <p style="text-align:justify">သင်္ဘောဖျက် ဒုံးကျည်တစ်စင်းသည် လေယာဉ်တင်သင်္ဘော၏ လောင်စာဆီတိုင်ကီကို ဝင်တိုက်သွားပြီး သင်္ဘောပေါ်ရှိ များပြားလှသော ဆီများကို ပေါက်ကွဲသွားစေရန် မီးမွှေးပေးလိုက်သည်။</p> <p style="text-align:justify">ဘုန်း…</p> <p style="text-align:justify">၎င်းဧရာမ ပေါက်ကွဲမှုကြီးသည် လေယာဉ်တင်သင်္ဘောကြီးကို ရေပေါ်သို့ပင် ကြွတက်သွားစေပြီး ဒေါသတကြီး လောင်ကျွမ်းနေသော မီးတောက်များသည် ဗီကရန့် လေယာဉ်တင်သင်္ဘောကို ပင်လယ်ပေါ်တွင် ပေါလောပေါ်နေသော မီးလောင်နေသည့် အခေါင်းတလားကြီး တစ်ခုအဖြစ် ပြောင်းလဲပစ်လိုက်သည်။ ခန္ဓာကိုယ်များ၌ မီးစွဲနေသော သင်္ဘောသားများသည် ကျယ်လောင်စွာ အော်ဟစ်ကာ လွတ်မြောက်ရန် အလို့ငှာ ပင်လယ်ထဲသို့ ခုန်ချနေကြသည်။</p> <p style="text-align:justify">စစ်သင်္ဘော တစ်စီးလုံးသည် ပင်လယ်ပြင်ပေါ်တွင် အချိန်အတော်ကြာအောင် မီးလောင်နေခဲ့၏။ မျိုစင်္ကြာ အတန်းအစား ခရူဇာသင်္ဘောကြီး အချို့ ရောက်ရှိလာချိန်တွင် မီးတောက်များနှင့် မီးခိုးထူများ အတွင်း ဝါးမြိုခံထားရသော ဗီကရန့် လေယာဉ်တင်သင်္ဘောကြီး ဖြည်းညင်းစွာ မှောက်ကျသွားပြီး အေးစက်လှသော ပင်လယ်ထဲသို့ နစ်မြုပ်သွားသည်ကို မျက်မြင် မြင်တွေ့လိုက်ကြရသည်။</p> <p style="text-align:justify">လေယာဉ်တင်သင်္ဘော၏ ရေဒါတိုင်သည် ပင်လယ်ရေထဲသို့ နစ်မြုပ်သွားချိန်တွင်ပင် ဗီကရန့် အတွင်း၌ ငြိမ်းသတ်မရသော မီးတောက်များ လောင်ကျွမ်းနေသည်ကို ပင်လယ်ရေပြင်မှ တစ်ဆင့် မြင်တွေ့နေရဆဲ ဖြစ်သည်။</p> <p style="text-align:justify">၎င်းသည် ပင်လယ်ထဲသို့ ကျဆင်းသွားသော အနီရောင် ကြယ်ပျံကြီး တစ်ခုကဲ့သို့ပင် ထင်ရလေသည်။ ဗီကရန့် လေယာဉ်တင်သင်္ဘောသည် နက်ရှိုင်းပြီး မှောင်မိုက်လှသော သမုဒ္ဒရာကြီး၏ အပြီးသတ် ဝါးမြိုခြင်းကို မခံရမီအချိန်အထိ ပတ်ဝန်းကျင်ရှိ ရေပြင်ကို လင်းထိန်နေစေခဲ့သည်။</p> <p style="text-align:justify">ဤသို့ဖြင့် အိန္ဒိယနိုင်ငံ၏ ဂုဏ်ယူဝင့်ကြွားစရာဟု ချီးကျူးခံခဲ့ရသော ပြည်တွင်းထုတ် လေယာဉ်တင် သင်္ဘောကြီးသည် နစ်မြုပ်သွားခဲ့လေပြီ။ လေယာဉ်တင် သင်္ဘောပေါ်ရှိ ရေတပ်စစ်သား ၁,၄00 အနက် နောက်ဆုံးတွင် ၈၇ ဦးသာ ကယ်ဆယ်ခံခဲ့ရသည်။</p> <p style="text-align:justify">ကယ်ဆယ်ခံရသူများထဲတွင် ရေတပ်မှူး ကူးမားလည်း ပါဝင်သည်။</p> <p style="text-align:justify">စစ်ပွဲမှ သူ အသက်ရှင် ကျန်ရစ်ခဲ့ခြင်းမှာ ကံကောင်းခြင်းပင်။ ကျဲခယ်အဖွဲ့မှ စစ်သားများ သူ့ကို ရှာတွေ့ချိန်တွင် သူသည် သတိလစ်လုနီးပါး ဖြစ်နေပြီဖြစ်ပြီး အကြီးအကျယ် ဆေးကုပေးပြီးမှသာ အသက်ရှင်ခဲ့ရသည်။ ဤသို့ဖြင့် သူသည် ကျဲခယ်အဖွဲ့၏ ဖမ်းဆီးခြင်းခံရသော ရာထူးအမြင့်ဆုံး အိန္ဒိယ အရာရှိ ဖြစ်လာခဲ့သည်။</p> <p style="text-align:justify">နာရီအနည်းငယ် ကြာပြီးနောက်... </p> <p style="text-align:justify">ဧရာဝတီ မျိုစင်္ကြာ အတန်းအစား ခရူဇာစစ်သင်္ဘောကြီးပေါ်တွင် တပ်မှူး ဖန်ဟုန်ထိုက်သည် သင်္ဘောဦးပိုင်း၌ ရပ်ကာ အပြင်ဘက်သို့ ငေးကြည့်နေသည်။</p> <p style="text-align:justify">သမုဒ္ဒရာထဲတွင် ရေထဲမှနေ၍ အကူအညီ တောင်းခံနေသော အိန္ဒိယ ရေတပ်စစ်သားများဖြင့် ပြည့်နှက်နေပြီး ကျဲခယ်အဖွဲ့၏ ကယ်ဆယ်ရေး အမြန်ရေယာဉ်များက သူတို့ကို တစ်ယောက်ပြီး တစ်ယောက် ဆယ်ယူနေကြသည်။</p> <p style="text-align:justify">ပင်လယ်ပြင်ပေါ်တွင် လှိုင်းလုံးများ၏ ရိုက်ခတ်မှုကို ဆက်တိုက် ခံနေရသော အလောင်းများစွာလည်း ပေါလောပေါ်နေသည်။</p> <p style="text-align:justify">သွေးနံ့များသည် အသေကောင်စားသော ငမန်းအချို့ကို ဆွဲဆောင်နိုင်ခဲ့သော်လည်း လူသားများသည် ငမန်းများ နှစ်သက်သော အစာ မဟုတ်ပေ။ သူတို့သည် တစ်ကိုက်မျှ ကိုက်ကြည့်လေ့ရှိပြီး အဆီဓာတ် မပါဝင်ကြောင်း တွေ့ရှိရသောအခါ သူတို့၏ အမြီးဆူးတောင်များကို ခတ်ကာ ထွက်သွားကြလေသည်။ </p> <p style="text-align:justify">ပင်လယ်ထဲသို့ ခုန်ချခဲ့သော စစ်သားအများစုကိုမူ ရှာ၍ပင် မတွေ့နိုင်တော့ဘဲ သမုဒ္ဒရာထဲသို့ နစ်မြုပ်သွားခဲ့ပြီဖြစ်ရာ ပျောက်ဆုံးစာရင်းတွင်သာ ထည့်သွင်းနိုင်တော့သည်။</p> <p style="text-align:justify">အိန္ဒိယ စစ်သင်္ဘော အချို့သည်လည်း သေနေသော ငါးများကဲ့သို့ ဗိုက်လန်ကာ ပင်လယ်ပြင်ပေါ်တွင် မှောက်ကျနေကြပြီး မျိုစင်္ကြာ အတန်းအစား ခရူဇာသင်္ဘောကြီးများက ၎င်းတို့ကို တော်ပီဒိုများဖြင့် အဆုံးသတ်ပေးကာ ပင်လယ်ထဲသို့ လုံးလုံးလျားလျား နစ်မြုပ်သွားစေခဲ့သည်။</p> <p style="text-align:justify">ယခုအချိန်သည် နံနက် ၁၁ နာရီ ၂၀ မိနစ်သာ ရှိသေးပြီး နေမင်းကြီး တောက်ပနေသော်လည်း ရေစီးကြောင်းများနှင့်အတူ မျောပါနေသော အလောင်းများစွာရှိသည့် ပင်လယ်ပြင်သည် ငရဲမြစ် တစ်စင်းနှင့် တူနေပြီး လူကို အရိုးထဲထိ စိမ့်တက်သွားစေသော အအေးဒဏ်ကို ပေးစွမ်းနေသည်။</p> <p style="text-align:justify">အမြန်ရေယာဉ် တစ်စင်းသည် ဧရာဝတီ ခရူဇာသင်္ဘောအနီးသို့ ချဉ်းကပ်လာပြီး လူတစ်ယောက်ကို ကုန်းပတ်ပေါ်သို့ ခေါ်ဆောင်လာသည်။</p> <p style="text-align:justify">ထိုသူမှာ အခြားသူမဟုတ်ဘဲ ရေတပ်မှူး ကူးမားပင် ဖြစ်သည်။</p> <p style="text-align:justify">ယခုအခါ ကူးမားသည် အလွန်အမင်း ထိတ်လန့်နေသည်။ သူသည် အမေရိကန်ပြည်ထောင်စု၏ နျူကလီးယားစွမ်းအင်သုံး လေယာဉ်တင်သင်္ဘောပေါ်သို့ တစ်ချိန်က တက်ရောက်ဖူးသော်လည်း မျိုစင်္ကြာ အတန်းအစား ခရူဇာသင်္ဘောကြီးကို ရင်ဆိုင်ရချိန်တွင် ဇီဝဗေဒနှင့် သံမဏိ ပေါင်းစပ်ထားသော လက်နက်တိုက် စစ်သင်္ဘောကြီးက သူ့အား နျူကလီးယားစွမ်းအင်သုံး လေယာဉ်တင်သင်္ဘောထက် မလျော့သော တုန်လှုပ်ချောက်ချားမှုကို ပေးစွမ်းနိုင်ကြောင်း သူ ခံစားနေရသည်။</p> <p style="text-align:justify">"ကျုပ်က ကျဲခယ်အဖွဲ့ ပထမ ရေတပ်စုရဲ့ တပ်မှူး ဖန်ဟုန်ထိုက်ပဲ။ ဒါက ကျုပ်တို့ရဲ့ ပထမဆုံး တွေ့ဆုံခြင်း ဖြစ်သလို... နောက်ဆုံး တွေ့ဆုံခြင်းလည်း ဖြစ်ကောင်းဖြစ်နိုင်ပါတယ်” </p> <p style="text-align:justify">တပ်မှူး ဖန်ဟုန်ထိုက်သည် လှည့်လာပြီး တပ်မှူး ကူးမားကို အကဲခတ်လိုက်သည်။</p> <p style="text-align:justify">ကူးမား၏ ခမ်းနားလှသော ရေတပ်ဗိုလ်ချုပ် ဝတ်စုံသည် ယခုအခါ ပင်လယ်ရေများ စိုရွှဲနေပြီး သူ၏ ဆံပင်များမှာ ဖရိုဖရဲနှင့် စိုစွတ်နေသဖြင့် တပ်မှူး ဖန်ဟုန်ထိုက်၏ သပ်ရပ်လှသော အသွင်အပြင်နှင့် ယှဉ်လိုက်လျှင် သူသည် အလွန်အမင်း သနားစရာကောင်းပြီး ဖရိုဖရဲ ဖြစ်နေသည်။</p> <p style="text-align:justify">အစောင့်စစ်သားသည် သူ၏ ခါးမှ သေသပ်လှသော ကိုယ်ရံစောင့် ပစ္စတိုကို ဖြုတ်ယူကာ တပ်မှူး ဖန်ဟုန်ထိုက်ထံသို့ ကမ်းပေးလိုက်သည်။ ကူးမားသည် ဒေါသတကြီး စိုက်ကြည့်နေရုံမှလွဲ၍ မည်သို့မျှ မတတ်နိုင်ခဲ့ပေ။</p> <p style="text-align:justify">တပ်မှူး ဖန်ဟုန်ထိုက်က ပစ္စတိုကို တစ်ချက်ကြည့်လိုက်ပြီး ဘေးရှိ စစ်သားထံ ကမ်းပေးလိုက်ကာ ပင်လယ်ပြင်ကို လက်ညှိုးထိုးပြလိုက်သည်။ "ဒီတိုက်ပွဲအကြောင်း ပြောရမယ်ဆိုရင်တော့... ခင်ဗျားရဲ့ ပူးပေါင်းဆောင်ရွက်မှုအတွက် ကျုပ်က ကျေးဇူးတင်ရမှာပဲ။ ခင်ဗျားရဲ့ အကူအညီသာ မပါရင် ခင်ဗျားတို့ရဲ့ ရေတပ်စုကြီးကို အမြစ်ပြတ် ချေမှုန်းနိုင်ခဲ့မှာ မဟုတ်ဘူး” </p> <p style="text-align:justify">ဤစကားကို ကြားသောအခါ ကူးမား၏ မျက်နှာသည် အလွန်အမင်း တင်းမာသွားလေသည်။</p> <p style="text-align:justify">ယခုအချိန်၌ သူသည် အလွန်အမင်း နောင်တရနေသည်။ အကယ်၍သာ မျိုစင်္ကြာ အတန်းအစား ခရူဇာသင်္ဘောကြီး၏ စွမ်းအားကို သူ စောစောကတည်းက သိခဲ့ပါက လေယာဉ်တင်သင်္ဘော တိုက်ခိုက်ရေးအုပ်စုကို ဤနေရာသို့ ဘယ်တော့မှ ခေါ်လာမည် မဟုတ်ပေ။ သို့သော် ယခုအခါ အရာအားလုံး နောက်ကျသွားပြီ ဖြစ်သည်။</p> <p style="text-align:justify">"မင်းတို့ရဲ့ ထူးဆန်းတဲ့ စစ်သင်္ဘောတွေကို အားကိုးပြီး ခဏတဖြုတ် မောက်မာနေတာပါ။ မင်းတို့ရဲ့ စစ်သင်္ဘောတွေကို သေသေချာချာ လေ့လာပြီးသွားလို့ အမေရိကန်ရဲ့ လေယာဉ်တင် သင်္ဘော တိုက်ခိုက်ရေးအုပ်စု နှစ်ခု ရောက်လာတဲ့အခါ... အဲဒီနေ့က မင်းတို့ရဲ့ သေနေ့ပဲ” </p> <p style="text-align:justify">စစ်ရှုံးသော်လည်း ကူးမားသည် မျက်နှာအပျက်မခံပေ။ သူ၏ ကံကြမ္မာ ကောင်းမည် မဟုတ်ကြောင်း ကူးမား သိသဖြင့် သိပ်စဉ်းစားမနေတော့ဘဲ အာခံကာ ပြောလိုက်သည်။</p> <p style="text-align:justify">"လူအများအပြားက ငါတို့ရဲ့ စက်ရုပ်တွေကို ဖျက်ဆီးပြမယ်လို့ ပြောခဲ့ကြတာပဲလေ။ ဒါပေမဲ့ ဒီနေ့အထိ ဘယ်အင်အားစုကမှ ရလဒ်ကောင်းတွေ မထုတ်ပြနိုင်သေးပါဘူး”</p> <p style="text-align:justify">တပ်မှူး ဖန်ဟုန်ထိုက်သည် ပြုံးကာ ခေါင်းခါလိုက်ပြီး ကူးမား၏ ဒေါသများကို ဂရုမစိုက်ပေ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save