Book List

<h2 style="text-align: center;">အခန်း ၁၆၀</h2> <h2 style="text-align: center;">မင်္ဂလာဆောင် ဝတ်စုံနှင့် အမျိုးသမီး</h2> <h2 style="text-align: center;">*</h2> <p> </p> <p> </p> <p>ကျန်းအာမောက်၏ နာရေးကိစ္စ ပြီးဆုံးသွားပြီးနောက် လီယီတောင်းသည် မစ်ရှင်ကို ပြီးမြောက်ခဲ့ပြီး စွမ်းရည် တစ်ခုနှင့် ရတနာသေတ္တာ နှစ်လုံးကို ရရှိခဲ့လေသည်။</p> <p>၎င်းတို့မှာ နောက်ဆက်တွဲ မစ်ရှင်များ ပြီးမြောက်ခြင်းအတွက် ပုံမှန် ဆုလာဘ်များ ဖြစ်ပုံရ၏။</p> <p>အခြားသော ဆုလာဘ်များ ပေါ်ထွက်လာရန် စနစ် အဆင့်မြှင့်တင်ခြင်းကို စောင့်ဆိုင်းရမည် ဖြစ်နိုင်သည်။</p> <p>ယာယီ မစ်ရှင်များနှင့် ပတ်သက်၍မူ လီယီတောင်း လက်ရှိတွင် ဇဝေဇဝါ ဖြစ်နေဆဲပင်။</p> <p>ယာယီ မစ်ရှင် နှစ်ခု ပြီးမြောက်ပြီးနောက် နောက်ထပ် မတွေ့ရတော့ပေ။</p> <p>' ငါ့ရဲ့ သက်တမ်း ကုန်ဆုံးတာ နှေးနေလို့များလား... '</p> <p>' အဲဒါကြောင့် စနစ်က ငါ့ကို မစ်ရှင်တွေ လျှော့ပေးနေတာလား... '</p> <p>သို့သော် ယခုအခါ အသက် တစ်ထောင်ကျော်သာ ရှိတော့သော သူ၏ သက်တမ်းကို သုံးစွဲရန် လီယီတောင်း သတိထားနေခဲ့၏။</p> <p>သေမင်း၏ အကာအကွယ် စွမ်းရည်မှာ ပမာဏ များပြားစွာ ကုန်ဆုံးသွားနိုင်သော အလိုအလျောက် စွမ်းရည် တစ်ခု ဖြစ်သဖြင့် သက်တမ်းကို ဖြစ်သလို မသုံးချင်ပေ။</p> <p>' တကယ်လို့ လူရာချီ၊ ထောင်ချီကသာ ငါ့ကို ဝိုင်းတိုက်ခိုက်ဖို့ ကြံစည်နေရင် ဘယ်လိုလုပ်မလဲ... '</p> <p>အဲဒါက မဖြစ်နိုင်တဲ့ ကိစ္စမှ မဟုတ်တာလေ...။</p> <p>ဤမစ်ရှင် ပြီးမြောက်ခြင်းမှ သူ ရရှိခဲ့သော စွမ်းရည်မှာ " ဝိညာဉ် စုစည်းခြင်း " ဟု အမည်ရ၏။</p> <p>[ ဝိညာဉ် စုစည်းခြင်း - သက်တမ်း ပမာဏ အချို့ကို အသုံးပြု၍ ဝိညာဉ်များကို ပုံဖော်နိုင်သည်။ အဆင့်မြင့် စွမ်းရည် ဖြစ်သော " ဝိညာဉ် ဖမ်းယူခြင်း " ကို ဝိညာဉ် စုစည်းခြင်း၏ သက်တမ်း ဆယ်ဆ အသုံးပြု၍ အသက်သွင်းနိုင်သည်။ " ဝိညာဉ် ဖမ်းယူခြင်း " ကို အသုံးပြု၍ ပုံဖော်ထားသော ဝိညာဉ်များကို မိမိစိတ်ကြိုက် ခြယ်လှယ်နိုင်သည်။ ]</p> <p>ရိုးရိုးသားသား ဆိုရလျှင် ဤစွမ်းရည်ကို မြင်သောအခါ လီယီတောင်း အတော်လေး ဇဝေဇဝါ ဖြစ်သွားခဲ့လေသည်။</p> <p>ဒါက ဘယ်လို စွမ်းရည်မျိုးလဲ...။</p> <p>စနစ်က သူ့ကို ဘက်စုံ ထောင့်စုံမှ ဖွံ့ဖြိုးလာစေရန် လုပ်ဆောင်ပေးနေပုံ ရ၏။</p> <p>ပထမဆုံး သူက " ဝိညာဉ် ရှာဖွေခြင်း " ကို ရခဲ့ပြီး ယခုအခါ " ဝိညာဉ် စုစည်းခြင်း " ကို ရရှိခဲ့လေပြီ။ ထို့ပြင် " ဝိညာဉ် စုစည်းခြင်း " ကို " ဝိညာဉ် ဖမ်းယူခြင်း " အဖြစ် အဆင့်မြှင့်တင်နိုင်သေး၏။</p> <p>ရိုးရိုးလေး ပြောရရင်တော့... လီယီတောင်းက အခု သက်ရှိ သတ္တဝါတွေ အားလုံးကို " သေမင်း ဓားကောက် " သုံးပြီး တိုက်ခိုက်လို့ ရတဲ့အပြင် " ဝိညာဉ် စုစည်းခြင်း " နဲ့ သူ့ရဲ့ အဆင့်မြင့် စွမ်းရည် ဖြစ်တဲ့ " ဝိညာဉ် ဖမ်းယူခြင်း " ကို သုံးပြီး သက်မဲ့ ဝိညာဉ် အားလုံးကိုပါ ကိုင်တွယ် ဖြေရှင်းလို့ ရနေပြီ ဆိုတဲ့ သဘောပဲ...။</p> <p>' ဘက်စုံ သုံးလို့ရတဲ့ စွမ်းရည် တစ်ခုများလား... '</p> <p>လီယီတောင်း အသက်ပြင်းပြင်း တစ်ချက် ရှူသွင်းလိုက်ပြီး ဝိညာဉ် စုစည်းခြင်းကို အသက်သွင်းလိုက်၏။</p> <p>သက်တမ်း ကုန်ဆုံးမှုက သိပ်မများလှပေ၊ သုံးနှစ်သာ ဖြစ်သည်။ လက်ခံနိုင်ဖွယ် အတိုင်းအတာ အတွင်းမှာပင် ရှိ၏။</p> <p>ဝိညာဉ် စုစည်းခြင်း စွမ်းရည်ကို အသုံးပြုလိုက်သည်နှင့် မှင်သွေးကျောက် ပတ်လည်တွင် ရစ်ခွေနေသော အနီရောင် ဖျော့ဖျော့ အငွေ့အသက်များ တဖြည်းဖြည်း ပုံသဏ္ဍာန် ပေါ်လာသည်ကို လီယီတောင်း ခံစားလိုက်ရလေသည်။</p> <p>ခရမ်းရောင် အငွေ့အသက်များကတော့ မှင်သွေးကျောက် ပတ်လည်တွင် အနည်ထိုင်သွား၏။</p> <p>အနီရောင် ဖျော့ဖျော့ အငွေ့အသက်များ ပိုမို ပီပြင်လာသည်နှင့်အမျှ အနီရောင် မင်္ဂလာဆောင် ဝတ်စုံ ဝတ်ဆင်ထားသော အမျိုးသမီး တစ်ဦး၏ ပုံရိပ်က ဖြည်းညင်းစွာ ထွက်ပေါ်လာလေသည်။</p> <p>သို့သော် သူမက ရှေးခေတ် အမျိုးသမီး တစ်ဦး၊ ပို၍ တိတိကျကျ ဆိုရလျှင် မင်္ဂလာဆောင် ဝတ်စုံ ဝတ်ဆင်ထားသော ရှေးခေတ် အမျိုးသမီး တစ်ဦး ဖြစ်၏။</p> <p>ဝိညာဉ် စုစည်းခြင်း၏ အကျိုးသက်ရောက်မှုနှင့် ဝိညာဉ် ရှာဖွေခြင်း၏ အဆင့်မြင့် စွမ်းရည်တို့ကြောင့် ပုံရိပ် တစ်ခုလုံးက လီယီတောင်း အတွက် အလွန် ရှင်းလင်းနေလေသည်။ အမျိုးသမီး၏ မျက်နှာ အသွင်အပြင်နှင့် မျက်နှာထားများကိုပင် အလွန် ပီပြင်စွာ မြင်တွေ့နေရ၏။</p> <p>" ဟူး... "</p> <p>သူ အသက်ပြင်းပြင်း တစ်ချက် အလိုလို ရှူသွင်းလိုက်မိသည်။</p> <p>' ဒါက တော်တော်လေး ကြက်သီးထဖို့ ကောင်းနေပြီ... '</p> <p>ဤကဲ့သို့သော အရာများကို သူ အသားကျနေပြီ ဖြစ်သော်လည်း ယခုလိုမျိုး မြင်ကွင်းမျိုးကိုတော့ တစ်ခါမျှ မမြင်တွေ့ခဲ့ဖူးပေ။</p> <p>" ဆရာ... ဒီမှင်သွေးကျောက်မှာ တစ်ခုခု မှားနေလို့လား... "</p> <p>အနီးတွင် ရပ်နေသော ဝေ့ဝမ်ချန်က လီယီတောင်း၏ မှင်သက်နေသော အမူအရာကို သတိထားမိလိုက်၏။</p> <p>" ဒီမှင်သွေးကျောက်မှာ ပြဿနာ တစ်ခုခု ရှိနေရင်... ကျွန်တော် အခုပဲ လွှင့်ပစ်လိုက်ရမလား... "</p> <p>သူ၏ အကြံအစည်က ရိုးရှင်းလှသည်။ မှင်သွေးကျောက်က ပြဿနာ ဖြစ်နေလျှင် လွှင့်ပစ်လိုက်ရုံသာ။</p> <p>သို့သော် သူ ရရှိလိုက်သည်က လီယီတောင်း၏ စိတ်ပျက်လက်ပျက် အကြည့်တစ်ချက်သာ ဖြစ်လေသည်။</p> <p>' ဒီတိုင်း လွှင့်ပစ်လိုက်ရုံပဲ ဟုတ်လား... ခင်ဗျား နောက်နေတာလား... အဲဒီလောက်သာ လွယ်မယ် ဆိုရင် ငါတို့လို ပရော်ဖက်ရှင်နယ် တွေက ဘာအသုံးကျတော့မှာလဲ... '</p> <p>လီယီတောင်းက ဝေ့ဝမ်ချန်၏ မေးခွန်းကို တိုက်ရိုက် မဖြေပေ။ ထိုအစား တည်ငြိမ်သော လေသံဖြင့် သူ ဆက်မေးလိုက်၏။</p> <p>" ခင်ဗျား အိမ်မှာ အဖြစ်အပျက်တွေနဲ့ ပတ်သက်နေတဲ့ လူတွေ အကုန်လုံးက ဒီအခန်းကို လာဖူးကြလား... ဒါမှမဟုတ် ဒီအခန်းနဲ့ တစ်နည်းနည်းနဲ့ ပတ်သက်ခဲ့ဖူးလား... "</p> <p>ဝေ့ဝမ်ချန် ခဏတာ တွေဝေနေပြီးမှ…</p> <p>" ဟုတ်တယ်... ဟုတ်တယ်... "</p> <p>" ပထမဆုံး အိမ်အကူ... စာကြည့်ခန်းကို သန့်ရှင်းရေး လုပ်နေတုန်း မတော်တဆ ဖြစ်သွားတဲ့ တစ်ယောက်လေ... ကျွန်တော်တို့ သူ့ကို တွေ့တော့ ဒီစာကြည့်ခန်းထဲမှာ ရှိနေတာ... ဒါပေမဲ့ ဆေးရုံကို အမြန် ပို့လိုက်ပေမဲ့ သူ အသက်မရှင်နိုင်ခဲ့ဘူး... "</p> <p>" ကျန်တဲ့ လူတွေ အကုန်လုံး... ကျွန်တော့် သား အပါအဝင်... အားလုံး ဒီစာကြည့်ခန်းကို လာခဲ့ဖူးကြတယ်... "</p> <p>ဤအချိန်တွင် ဝေ့ဝမ်ချန် တစ်ယောက် ရုတ်တရက် သဘောပေါက်သွားပုံ ရလေသည်။</p> <p>ပြဿနာ ရှိသော နေရာမှာ ဤစာကြည့်ခန်း ဖြစ်ကြောင်း သူ နားလည်လိုက်၏။</p> <p>ထိုမျှမကသေးပေ။ ပြဿနာက သူ၏ ရှေ့ရှိ ဤမှင်သွေးကျောက်နှင့် ဆက်စပ်နေရန် ရာခိုင်နှုန်း အလွန် များနေလေသည်။</p> <p>လီယီတောင်း ခပ်ဖွဖွ ခေါင်းညိတ်လိုက်၏။ အရာအားလုံးက သူ၏ စောစောက ခန့်မှန်းချက်များနှင့် ကိုက်ညီနေလေသည်။</p> <p>သို့သော် မင်္ဂလာဆောင် ဝတ်စုံနှင့် ဤအမျိုးသမီး၏ လက်ရှိ အခြေအနေမှာ ဇဝေဇဝါ ဖြစ်စရာ ကောင်းနေ၏။</p> <p>သူမတွင် နာကြည်းမှု သိပ်များများစားစား ရှိပုံမပေါ်ပေ။</p> <p>အိမ်အကူ တစ်ယောက်က အခန်း လာရှင်းရုံနဲ့ ဘယ်လိုလုပ် အသက် ဆုံးရှုံးသွားရတာလဲ...။</p> <p>ထိုစဉ် လီယီတောင်း အခြား အသေးစိတ် အချက်အလက် တစ်ခုကို သတိထားမိလိုက်လေသည်။</p> <p>မှင်သွေးကျောက်၏ ထောင့်တစ်နေရာ ပဲ့နေသည် မဟုတ်ပါလား။</p> <p>ထို့ပြင် လတ်တလောမှ ပဲ့သွားသည့်ပုံ ပေါက်နေ၏။</p> <p>လီယီတောင်း ထပ်မေးလိုက်သည်။</p> <p>" ဒီမှင်သွေးကျောက်ရဲ့ ပဲ့နေတာက အိမ်အကူ မတော်တဆ ဖြစ်တုန်းက ဖြစ်သွားတာလား... "</p> <p>ဝေ့ဝမ်ချန် ထပ်မံ တွေဝေသွားပြီး ခဏမျှ စဉ်းစားပြီးနောက် အနည်းငယ် အံ့အားသင့်နေသော မျက်နှာထားဖြင့် ခေါင်းညိတ်လိုက်လေသည်။</p> <p>' ခင်ဗျား ဒါကို ဘယ်လို သိတာလဲ ' ဟု သူ တွေးနေသည့်အလားပင်။</p> <p>လိုချင်သော အဖြေကို ရရှိသွားပြီးနောက် အဖြစ်အပျက်များကို အခြေခံအားဖြင့် လီယီတောင်း အတည်ပြုလိုက်နိုင်လေသည်။</p> <p>သို့သော် သူ့ထံတွင် မေးခွန်းများ ရှိနေဆဲပင်။</p> <p>မင်္ဂလာဆောင် ဝတ်စုံနှင့် ဤအမျိုးသမီးက မည်သူနည်း၊ အိမ်၏ ယခင် ပိုင်ရှင်က ဤအကြောင်းကို မည်မျှ သိထားသနည်း။</p> <p>လီယီတောင်း အသက်ပြင်းပြင်း တစ်ချက် ရှူသွင်းလိုက်၏။</p> <p>ယခု ပြဿနာကို သူ ရှာတွေ့သွားပြီ ဖြစ်သဖြင့် အခြေအနေကို ပိုမို လေ့လာပြီး ဖြေရှင်းနည်း ရှာဖွေရန် လိုအပ်ပေသည်။</p> <p>လက်ရှိ အခြေအနေများအရ သူက ဝိညာဉ် ဖမ်းယူခြင်း စွမ်းရည်ကို ရမ်းသမ်း အသုံးပြု၍ မရနိုင်ပေ။</p> <p>ပထမအချက် အနေဖြင့် သူ တစ်ခါမှ အသုံးမပြုဖူးသဖြင့် မည်မျှ ထိရောက်မည်ကို သူ မသိပေ။</p> <p>အကယ်၍ လက်ရှိ ပုံရိပ်က အစွမ်းထက်သော အရာတစ်ခု ဖြစ်နေပါက အလွတ်သဘော အသုံးပြုခြင်းက မရည်ရွယ်ထားသော အကျိုးဆက်များကို ဖြစ်ပေါ်စေနိုင်လေသည်။</p> <p>ထို့ပြင် သူ့ရှေ့ရှိ အမျိုးသမီး၏ အမူအကျင့်များကို ကြည့်ခြင်းအားဖြင့် ဤအရာ၏ နောက်ကွယ်တွင် ဇာတ်လမ်း တစ်ပုဒ် သေချာပေါက် ရှိနေလေသည်။</p> <p>လီယီတောင်းက ဤကဲ့သို့သော ကိစ္စများကို အရင် နားလည်အောင် မလုပ်ဘဲ မဆင်မခြင် ကိုင်တွယ် ဖြေရှင်းတတ်သူမျိုး မဟုတ်ပေ။</p> <p>အရေးအကြီးဆုံးမှာ အရှေ့ရှိ ပုံရိပ်က မပြည့်စုံသေးဟု လီယီတောင်း ခံစားနေရခြင်းပင်။</p> <p>ဘာပဲဖြစ်ဖြစ်... ဒီအရာရဲ့ လက်ရှိ အခြေအနေက ပုံမှန် အခြေအနေနဲ့ အများကြီး ကွာခြားနေတယ်လေ...။</p> <p>ခဏမျှ စဉ်းစားပြီးနောက် လီယီတောင်းက ဝေ့ဝမ်ချန်ကို ထပ်မံ မေးလိုက်၏။</p> <p>" ဒီအိမ်ရဲ့ အရင် ပိုင်ရှင်ကို ဆက်သွယ်လို့ ရမလား... ကိစ္စ တချို့နဲ့ ပတ်သက်ပြီး သူ့ကို မေးကြည့်ဖို့ လိုတယ်... "</p> <p>ဝေ့ဝမ်ချန် သက်ပြင်းချလိုက်ပြီး...</p> <p>" အရင် ပိုင်ရှင်ကို ကျွန်တော် ဆက်သွယ်လို့ မရတော့ဘူး... သူ့ကို ကျွန်တော် နည်းနည်း သိပါတယ်... ကျွန်တော် အိမ်ဝယ်ပြီး တစ်ပတ်လောက် အကြာမှာ သူ နိုင်ငံခြားကို ထွက်သွားတာ... အခု နိုင်ငံခြားမှာ... ဒါပေမဲ့... "</p> <p>ဝေ့ဝမ်ချန် ခဏတာ ရပ်တန့်သွားပြီး ဆက်ပြော၏။</p> <p>" သူနဲ့ အတူတူ နိုင်ငံခြား ပါမသွားတဲ့ သူ့သားကိုတော့ ကျွန်တော် ဆက်သွယ်လို့ ရပါတယ်... သူက အခု ကျန်းမြို့မှာ ရှိတယ်... လွန်ခဲ့တဲ့ နှစ်ရက်လောက်ကမှ ကျွန်တော် အဲဒီအကြောင်း သိလာရတာ... "</p> <p>" အဲဒါဆို ရပါတယ်... သူ့ကို ဆက်သွယ်ပေးပါ... ကျွန်တော် မေးစရာ တချို့ ရှိလို့ပါ... တချို့ ကိစ္စတွေကို သေချာ မသိရဘဲနဲ့ ဒါကို ဖြေရှင်းလို့ ရမှာ မဟုတ်ဘူး... ဒီနေ့တော့ နောက်ကျနေပြီ... သူ့ကို ဆက်သွယ်ထားလိုက်ပါ... မနက်ဖြန်ကျရင် သူ့သားဆီ သွားကြတာပေါ့... တချို့ ကိစ္စတွေက လူချင်း တွေ့မှ ပြောတာ အကောင်းဆုံးပါပဲ... "</p> <p>" ဟုတ်ကဲ့... ပြဿနာ မရှိပါဘူး... ကျွန်တော် အခုချက်ချင်း စီစဉ်လိုက်ပါ့မယ်... "</p> <p>ဝေ့ဝမ်ချန် စိတ်အားထက်သန်စွာ သဘောတူလိုက်၏။</p> <p>လီယီတောင်း အချိန်ကို ကြည့်လိုက်ရာ ည ၁၀ နာရီပင် ရှိနေပြီ ဖြစ်သည်။</p> <p>" သွားကြစို့... ဆေးရုံက ခင်ဗျား မြေးလေးဆီ အရင် သွားကြတာပေါ့... "</p> <p>ဆေးရုံသို့ သွားမည်ဟု ကြားသောအခါ ဝေ့ဝမ်ချန် မျက်လုံးများထဲတွင် ဝမ်းသာမှုများ ပြည့်နှက်သွားတော့၏။ ထို့နောက် အပြင်ဘက်တွင် စောင့်နေသော ကားပေါ်သို့ တက်ကာ ဆေးရုံဆီသို့ မောင်းနှင်သွားကြလေသည်။</p> <p>မိနစ် နှစ်ဆယ်ခန့် အကြာတွင် ကျန်းမြို့၏ အမှတ် ၁ ဆေးရုံသို့ သူတို့ ရောက်ရှိသွားကြပြီး အဆင့်မြင့် သီးသန့် အခန်း တစ်ခန်းဆီသို့ သူတို့ တန်းဝင်သွားကြ၏။</p> <p>ဝေ့ဝမ်ချန် ကဲ့သို့သော လူတစ်ယောက် အတွက် သာမန် လူနာခန်းတွင် နေရန် ဆိုသည်မှာ မဖြစ်နိုင်ပေ။</p> <p>ငွေကြေးက သူ့အတွက် ပြဿနာ မဟုတ်တော့ပေ။</p> <p>အခန်းဝတွင် ရပ်နေစဉ် ဝေ့ဝမ်ချန် မျက်နှာထားက ဗီလာတွင် ရှိနေစဉ်ကထက် ပို၍ပင် စိတ်လှုပ်ရှားနေလေသည်။</p> <p>သူက ရိုးသားစွာဖြင့်... " ဆရာ... ကျွန်တော့် မြေးလေးတော့ ဒီဘေးက လွတ်ပါပြီ... အရာအားလုံး ပြီးသွားရင် ကျွန်တော် ဝေ့ဝမ်ချန် ခင်ဗျားကို သေချာပေါက် ဆုလာဘ် အကြီးကြီး ပေးပါ့မယ်... " ဟု ပြောလိုက်၏။</p> <p>လီယီတောင်း ဘာစကားမျှ မဆိုဘဲ ခေါင်းသာ ညိတ်ပြလိုက်သည်။</p> <p>သူက အဘိုးအို၏ တောင်းဆိုချက်ကြောင့် လာရောက်ရန် သဘောတူခဲ့ခြင်း ဖြစ်သဖြင့် ကူညီရန် အစွမ်းကုန် ကြိုးစားမည် ဖြစ်ပေသည်။</p> <p>လီယီတောင်း တံခါးကို တွန်းဖွင့်ပြီး အခန်းထဲသို့ ဝင်သွားရာ ဝေ့ဝမ်ချန်ကလည်း အနီးကပ် လိုက်ပါလာလေသည်။</p> <p>သို့သော် လီယီတောင်း အခန်းထဲ ခြေချလိုက်သည်နှင့် တစ်ပြိုင်နက် နေရာမှာတင် ကြောင်အသွားတော့သည်။</p> <p>သူ တကယ်ကို ကြောက်လန့်သွားခဲ့ခြင်းပင်။ အဘယ်ကြောင့်ဆိုသော် သူ၏ အရှေ့ တည့်တည့်ရှိ ကုတင်ပေါ်တွင် သတိလစ်နေသော ကောင်လေး တစ်ယောက် လဲလျောင်းနေသောကြောင့်ပင်။</p> <p>သို့သော် သူ့ကို အကြောက်ဆုံး ဖြစ်စေခဲ့သည်မှာ ကောင်လေး၏ အထက်တွင် လွင့်မျောနေသော မင်္ဂလာဆောင် ဝတ်စုံနှင့် အမျိုးသမီး ဖြစ်လေသည်။</p> <p>ဤအမျိုးသမီးမှာ သူ၏ စွမ်းရည်ကို အသုံးပြုလိုက်ချိန်က ပေါ်လာခဲ့သော အမျိုးသမီးပင်။</p> <p>ဤအမျိုးသမီးက ယုတ်မာပြီး ကြက်သီးထဖွယ် အပြုံးတစ်ခု ဆင်မြန်းလျက် လီယီတောင်းကို စိုက်ကြည့်နေလေသည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save