Book List

<h2 style="text-align: center;">အခန်း (၅၇၆)</h2> <h2 style="text-align: center;">မူလင်း၏ ရှားပါးကျင့်စဉ်များ</h2> <h2 style="text-align: center;">*</h2> <p> </p> <p> </p> <p>​"ဒါက သားရဲ့ ကျင့်ကြံခြင်း ပါရမီကို အားလုံးက သိသွားကြတုန်းက သားကို ဆုလာဘ်အနေနဲ့ ပေးခဲ့တဲ့ ပထမဆုံး နားလည်သဘောပေါက်ခြင်း စာလိပ်ပဲ။ ဒါက တစ္ဆေကျောင်းတော်ရဲ့ အကောင်းဆုံး ကျင့်စဉ်တစ်ခုပေါ့" မူယွမ်က ပြောရင်း လုံချန်းကို ပထမဆုံးစာလိပ်အား ကမ်းပေးလိုက်သည်။</p> <p>​"ဒါကို တစ္ဆေကိုးပါးကျင့်စဉ်လို့ ခေါ်တယ်။ ဒီကျင့်စဉ်က တကယ်ကို ထိရောက်ပြီး ကျင့်ကြံခြင်းအရှိန်ကိုလည်း မြှင့်တင်ပေးနိုင်တယ်။ ကျောင်းတော်သခင် ကိုယ်တိုင်တောင် ဒီကျင့်စဉ်ကို သုံးပြီး ကျင့်ကြံတာ။ သားရဲ့ ကျင့်ကြံခြင်းကို ပြန်စနိုင်ဖို့ ဒါကို အရင်ဆုံး နားလည်အောင် လုပ်တာ အကောင်းဆုံးပဲ" သူမက လုံချန်းကို ဆိုသည်။</p> <p>​"ဖွင့်ကြည့်လိုက်လေ" သူမက ခိုင်းလိုက်သည်။</p> <p>​လုံချန်းသည် စာလိပ်ကို ကြည့်ကာ စတင်ဖွင့်လိုက်သည်။</p> <p>​'တစ္ဆေကျောင်းတော်ရဲ့ အကောင်းဆုံးကျင့်စဉ် ဟုတ်လား။ ငါကျင့်ကြံနေတဲ့ အမည်မဲ့ကျင့်စဉ်ထက် တကယ်ပဲ ပိုကောင်းနိုင်ပါ့မလား' လုံချန်းက တွေးတောရင်း စာလိပ်ကို ဖြန့်လိုက်သည်။</p> <p>စာ​လိပ် ပွင့်သွားသည်နှင့် တစ်ပြိုင်နက် လုံချန်းသည် ကမ္ဘာသစ်တစ်ခုသို့ ရောက်ရှိသွားသကဲ့သို့ ခံစားလိုက်ရသည်။ သူ၏ ပတ်လည်တွင် ဧရာမ တစ္ဆေကြီး ကိုးကောင် ပျံဝဲနေသည်ကို မြင်လိုက်ရသည်။ လုံချန်း၏ ရှေ့တွင်မူ ဧရာမ ကျောက်ဂူသင်္ချိုင်းကြီးတစ်ခုရှိပြီး ၎င်းပေါ်တွင် ကျင့်စဉ်နည်းလမ်းများကို ရေးထိုးထားသည်။</p> <p>​'ကောင်းကင်ဖျက်ဆီးခြင်း တစ္ဆေကိုးကောင်လို သန်မာလာစေဖို့ ကောင်းကင်နဲ့ မြေကြီးရဲ့ စွမ်းအင်တွေကို မျိုတဲ့ နည်းလမ်းပေါ့... ဒီကျင့်စဉ်က တကယ်ကို စိတ်ဝင်စားဖို့ကောင်းသလို ကျင့်ကြံပုံကလည်း သိပ်မခက်လှဘူး။ ကျင့်ကြံတဲ့အရှိန်ကလည်း မဆိုးဘူး။ ငါမြင်ဖူးသမျှ ကျင့်စဉ်တွေထက် အများကြီး ပိုမြန်ပေမဲ့ အမည်မဲ့ကျင့်စဉ်နဲ့တော့ ယှဉ်လို့မရသေးဘူး' လုံချန်းက တွေးရင်း ခေါင်းခါလိုက်သည်။</p> <p>​'ဒါက ဖြစ်သင့်တာပါပဲ။ အဆင့်မြင့်ကမ္ဘာက ပညာရပ်တစ်ခုက နတ်ဘုရားတွေအတွက် ရည်ရွယ်ပြီး ဖန်တီးထားတာ၊ နောက်တစ်ခုကတော့ သာမန်လူသားတွေအတွက် ကျင့်စဉ်လေ။ ဒီကမ္ဘာက ပညာရပ်တွေနဲ့ ယှဉ်ရင်တော့ ကောင်းပေမဲ့ ငါ့မှာ ရှိပြီးသားအရာထက်တော့ မသာနိုင်ဘူး' သူ တွေးမိသည်။</p> <p>​'ဒီလောကမှာ ငါ့ကျင့်စဉ်နဲ့ ယှဉ်နိုင်မယ့် တစ်ခုတည်းသော ပညာရပ်က သူတော်စင်ဘုရင် ရှန်းဝူရဲ့ ပညာရပ်ပဲ ရှိလိမ့်မယ်။ ကံမကောင်းတာက အဲဒီသူတော်စင်ဘုရင် ဘာကျင့်စဉ်ကို ကျင့်ခဲ့သလဲဆိုတာ ဘယ်သူမှ မသိကြတော့တာပဲ'</p> <p>​'အခုလောလောဆယ်တော့ ကျင့်စဉ်ပြောင်းနေဖို့ မလိုပါဘူး။ ဒါကို နားလည်သွားသလိုမျိုးပဲ ဟန်ဆောင်လိုက်ရုံပေါ့' သူ ဆုံးဖြတ်လိုက်သည်။</p> <p>​"ဒီ ကောင်းကင်ဖျက်ဆီးခြင်း တစ္ဆေကိုးကောင်က ဘယ်သူတွေလဲ သိချင်မိတယ်။ သူတို့နာမည်က တကယ် စိတ်ဝင်စားဖို့ကောင်းတာပဲ။ ကိုယ့်ကိုယ်ကိုယ် ကောင်းကင်ဖျက်ဆီးသူတွေလို့တောင် အမည်ပေးရဲတယ်ဆိုတော့ ဒီပညာရပ်ကို ဖန်တီးခဲ့တုန်းက သူတို့ တကယ်ပဲ သန်မာခဲ့ကြမှာပဲ" လုံချန်းက သူ့ပတ်လည်တွင် ပျံဝဲနေသော တစ္ဆေကိုးကောင်ကို ကြည့်ရင်း ရေရွတ်လိုက်သည်။</p> <p>​"ကဲ... ဒီနေရာကနေ ဘယ်လိုထွက်ရမလဲ။ ဒီကျင့်စဉ်က ငါ့အတွက် အသုံးမဝင်တော့ ဒီမှာ အချိန်ဖြုန်းနေတာပဲ ရှိမှာ" လုံချန်းက ဆိုကာ ကျင့်စဉ်ကို နားလည်အောင် ကြိုးစားမည့်အစား မတ်တတ်ရပ်လိုက်သည်။ သို့သော် သူ မတ်တတ်ရပ်လိုက်သည်နှင့် တစ်ပြိုင်နက် ပြင်းထန်သော ဖိအားတစ်ခုက သူ့ကို မြေပြင်ပေါ်သို့ ဖိချရန် ကြိုးစားလာသည်။ သူ လှည့်ကြည့်လိုက်ရာ တစ္ဆေကိုးကောင်စလုံးမှာ မျက်လုံးများ ပွင့်လာသည်ကို မြင်လိုက်ရသည်။</p> <p>​"ဒီကျင့်စဉ်ကို အသုံးမဝင်ဘူးလို့ ပြောလိုက်လို့ မင်းတို့က စိတ်ဆိုးနေကြတာလား။ ဟုတ်တယ်... အသုံးမဝင်ဘူး။ ပိုကြီးမားတဲ့ အရာတွေနဲ့ ယှဉ်ရင် ဒါက ဘာမှမဟုတ်ဘူး။ ငါ မကစားချင်တဲ့ သာမန်လူတွေရဲ့ ကစားစရာတစ်ခုပဲ။ ငါ့ကို နှောင့်ယှက်နေတာ ရပ်လိုက်စမ်း၊ မဟုတ်ရင် မင်းတို့က ဒီပညာရပ်ရဲ့ အနှစ်သာရတွေပဲ ဖြစ်နေပါစေဦး၊ ငါ အကုန်လုံးကို ပိုင်းဖြတ်ပစ်မယ်" လုံချန်းက ကြုံးဝါးရင်း သူ၏ မိစ္ဆာဘုရင် ခန္ဓာကိုယ်အား အသက်သွင်းကာ ထိုဖိအားကို တွန်းလှန်လျက် မတ်မတ်ရပ်လိုက်သည်။</p> <p>​သူ ပြောသော်လည်း သူ့ကို ဖိချနေသည့် အားက ရပ်မသွားဘဲ ပိုမိုပြင်းထန်လာသည်။ လုံချန်း၏ ခြေထောက်များမှာ မြေကြီးထဲသို့ ကျွံဝင်သွားသော်လည်း သူ၏ ဒူးကိုမူ အကွေးမခံပေ။</p> <p>​"တော်ပြီ၊ မင်းတို့က ငါ့ကို ဒူးထောက်ခိုင်းနိုင်မယ် ထင်နေတာလား။ မင်းတို့က ကျင့်စဉ်တစ်ခုရဲ့ အနှစ်သာရတွေပဲ ရှိသေးတာ။ တကယ့် တစ္ဆေကိုးကောင် ရှိနေရင်တောင် ငါ့ကို ဒူးထောက်အောင် လုပ်နိုင်မှာ မဟုတ်ဘူး။ သေစမ်း" လုံချန်းက ဟိန်းဟောက်လိုက်ရာ သူ၏ ကျောပြင်တွင် လှပသော တောင်ပံများ ထွက်ပေါ်လာသည်။ ထိုတောင်ပံများကြောင့် ပြင်းထန်သော ဖိအားများ ရှိနေလင့်ကစား သူသည် မြေကြီးထဲမှ ရုန်းထွက်ကာ လေထဲသို့ ပျံတက်သွားနိုင်ခဲ့သည်။</p> <p>​လုံချန်း၏ တောင်ပံများမှာ အမှောင်နတ်မိမယ်မျိုးနွယ်စုတွင် ရှိနေစဉ် ဟင်းလင်းပြင်အဆင့်သို့ တက်ရောက်ပြီးနောက် ဆင့်ကဲပြောင်းလဲမှု ဖြစ်ပေါ်ထားခြင်းဖြစ်သည်။</p> <p>​ယခင်က သူ၌ အရောင်မတူသော တောင်ပံနှစ်ဖက်သာ ရှိသည်။ တစ်ဖက်မှာ ရွှေရောင်ဖြစ်ပြီး အခြားတစ်ဖက်မှာ အနက်ရောင်ဖြစ်သည်။ သို့သော် ဆင့်ကဲပြောင်းလဲမှုဖြစ်ပြီးနောက် သူ၏ တောင်ပံများမှာ တိုးပွားလာခဲ့သည်။</p> <p>​ယခုအခါ သူ၌ တောင်ပံလေးဖက် ရှိနေပြီဖြစ်သည်။ ဘယ်ဘက်တွင် တောင်ပံနှစ်ဖက်၊ ညာဘက်တွင် တောင်ပံနှစ်ဖက် ရှိသည်။ အရောင်များမှာမူ ရွှေရောင်နှင့် အနက်ရောင်အတိုင်းပင် ဖြစ်သော်လည်း ပိုမိုဆန်းကြယ်ပြီး ထူးခြားသော အသွင်ကို ဆောင်နေသည်။ လုံချန်းသည် ကောင်းကင်ယံသို့ ပျံတက်သွားချိန်တွင် တောင်ပံလေးဖက်ပါသော ကောင်းကင်တမန်တစ်ပါးနှင့် တူနေတော့သည်။</p> <p>​တစ္ဆေကိုးကောင်မှာ ခေါင်းမော့ကာ လုံချန်းကို ကြည့်လိုက်ကြသည်။ သူတို့၏ မျက်လုံးများမှာ နီရဲလာပြီး လေများမှာ အေးစက်လာကာ ကောင်းကင်မှ မိုးကြိုးများ စတင်ထစ်ချုန်းလာသည်။ မိုးကြိုးများမှာ နေရာအနှံ့သို့ ကျဆင်းလာသည်။</p> <p>​လုံချန်းသည် ထိုမိုးကြိုးများကို ကျွမ်းကျင်စွာ ရှောင်တိမ်းနေသည်။</p> <p>​"မင်းတို့က ကောင်းကောင်းပြောလို့ နားမလည်ဘူးပဲ။ တကယ့် မိုးကြိုးဆိုတာ ဘာလဲဆိုတာ ငါပြမယ်" လုံချန်းက ဆိုရင်း လက်ကို ကောင်းကင်သို့ မြှောက်လိုက်သည်။</p> <p>​"မိုးကြိုးဓားသွား" လုံချန်းက ဟိန်းဟောက်လိုက်သည်။</p> <p>​ကောင်းကင်မှာ ပိုမိုမှောင်မိုက်လာပြီး တိမ်တိုက်အသစ်များ ဖုံးလွှမ်းသွားသည်။</p> <p>​ယခင်က မိုးကြိုးများမှာ တစ္ဆေကိုးကောင်ကို ဘာမှ မထိခိုက်စေနိုင်သည်မှာ ၎င်းတို့မှာ ကောင်းကင်မိုးကြိုး မဟုတ်ဘဲ ကျင့်စဉ်အနှစ်သာရမှ ဖန်တီးထားသော မိုးကြိုးများကြောင့်ဖြစ်ကြောင်း လုံချန်း သိသည်။ အကယ်၍သာ တကယ့် ကောင်းကင်မိုးကြိုးဖြစ်ပါက တစ္ဆေများနှင့် ဝိညာဉ်များ၏ အဆိုးဝါးဆုံး ရန်သူဖြစ်သဖြင့် ထိုတစ္ဆေများကို ပြာဖြစ်အောင် လောင်ကျွမ်းစေမည် ဖြစ်သည်။</p> <p>​လုံချန်းက တစ္ဆေတစ်ကောင်ကို လက်ညှိုးညွှန်လိုက်သည်။ ကောင်းကင်မှ မိုးကြိုးတစ်စင်းမှာ နတ်ဘုရားဧကရာဇ်၏ လှံတော်ကဲ့သို့ ကျဆင်းလာပြီး လုံချန်း ညွှန်ပြသည့် တစ္ဆေပေါ်သို့ ကျရောက်သွားသည်။</p> <p>​ထိုတစ္ဆေမှာ စတင်လောင်ကျွမ်းသွားပြီး မကြာမီမှာပင် ပျောက်ကွယ်သွားတော့သည်။</p> <p>​လုံချန်းသည် ဤနေရာမှ တစ္ဆေကိုးကောင်စလုံးကို ဖျက်ဆီးမှသာ ဤနေရာမှ ထွက်နိုင်မည်ဟု ထင်ထားခဲ့သော်လည်း တစ်ကောင်ကို ဖျက်ဆီးလိုက်သည်နှင့် ဝန်းကျင်တစ်ခုလုံးမှာ ဝေဝါးလာသည်ကို မြင်လိုက်ရသည်။ ဤနေရာမှာ ပျက်စီးသွားပြီဖြစ်သဖြင့် သူ မကြာခင် ပြန်ထွက်ရတော့မည်မှာ ထင်ရှားသည်။</p> <p>​'ဒါဆိုရင်တော့ အကုန်လုံးကို ဖျက်ဆီးနေဖို့ မလိုတော့ဘူးပေါ့။ ဒီပညာရပ်က တစ္ဆေကိုးကောင်အပေါ် အခြေခံထားတာဆိုတော့ တစ်ကောင် မရှိတော့တာနဲ့ ဒီကျင့်စဉ်က အရင်လို မဟုတ်တော့ဘူး၊ ဒါကြောင့် ဒီနားလည်သဘောပေါက်ခြင်း ကမ္ဘာကြီးလည်း ပျက်စီးသွားတာပဲ' လုံချန်းက တွေးတောရင်း ခေါင်းခါလိုက်သည်။</p> <p>​မကြာမီမှာပင် သူ မျက်လုံးပွင့်လာပြီး မူယွမ်၏ ရှေ့တွင် ထိုင်နေသည်ကို တွေ့လိုက်ရသည်။</p> <p>​"နားလည်သဘောပေါက်ခြင်း ကမ္ဘာထဲကနေ ဒီလောက်တောင် မြန်မြန် ပြန်ထွက်လာတာလား။ အရင်ကလည်း သား ဒါကို လုပ်ဖူးတာဆိုတော့ မြန်မယ်လို့ အမေ သိထားပေမဲ့ ဒါက အမေ မျှော်လင့်ထားတာထက်တောင် ပိုမြန်နေသေးတယ်။ တော်တယ် ငါ့သား" မူယွမ်က ဝမ်းသာအားရဖြင့် လုံချန်း၏ ခေါင်းကို ပွတ်သပ်ကာ ချီးကျူးလိုက်သည်။</p> <p>​"ဟုတ်ကဲ့... ဒီကျင့်စဉ်ကို ကျွန်တော် သိနေသလိုပဲ ခံစားရတယ်။ ကျွန်တော့်အတွက် သီးသန့် ဖန်တီးထားတဲ့အတိုင်းပဲ" လုံချန်းက အပြစ်ကင်းစင်သော မျက်နှာထားဖြင့် ပြန်ပြောလိုက်သည်။ သူသည် စာလိပ်ကို ပြန်လိပ်ကာ မူယွမ်အား ပေးလိုက်သည်။</p> <p>​မူယွမ်သည် ထိုစာလိပ်ကို ပြန်သိမ်းကာ သူမ၏ သိုလှောင်အိတ်ထဲမှ အပြာရောင် စာလိပ်တစ်စောင်ကို ထပ်ထုတ်လိုက်သည်။</p> <p>​"ဒါကတော့ အမေ့ရဲ့ အဖိုးတန်ဆုံး ရတနာတွေထဲက တစ်ခုပဲ။ ဒါက သားအဖေ မထွက်သွားခင်က ထားရစ်ခဲ့တဲ့ နားလည်သဘောပေါက်ခြင်း စာလိပ်ပဲ။ အဲဒီထဲမှာ တစ္ဆေကျောင်းတော်က တခြားဘယ်ပညာရပ်ထက်မဆို ပိုပြီး အစွမ်းထက်တဲ့ ထူးခြားတဲ့ ပညာရပ်တစ်ခု ပါဝင်တယ်။ ကဲ... ဒါကို ဖတ်ကြည့်လိုက်ဦး" ထိုသို့ ဆိုကာ သူမက လုံချန်းကို ပေးလိုက်သည်။</p> <p>​လုံချန်းသည် စာလိပ်ကို ဖွင့်လိုက်ပြန်ရာ ကမ္ဘာသစ်တစ်ခုသို့ ရောက်ရှိသွားပြန်သည်။ ဤစာလိပ်များသည် ကျင့်ကြံသူများ ပညာရပ်ကို လွယ်ကူစွာ နားလည်နိုင်ရန် စိတ်ကူးယဉ်ကမ္ဘာတစ်ခုအား ဖန်တီးပေးခြင်း ဖြစ်သည်။</p> <p>​ယခုတစ်ကြိမ် လုံချန်း ရောက်ရှိသွားသော ကမ္ဘာမှာ ရေများသာ ရှိသည်။ နေရာအနှံ့တွင် ရေများသာ ရှိနေပြီး လုံချန်း ရပ်နေသည့် နေရာလေးမှာသာ ကုန်းမြေအနည်းငယ် ရှိနေသည်။ တစ်ကမ္ဘာလုံးက ရေများသာ ဖြစ်နေပြီး သူရပ်နေသည့် တစ်စတုရန်းမီတာလောက်သာ ကုန်းမြေ ရှိနေတော့သည်။</p> <p> </p> <p> </p> <p style="text-align: center;">***</p>


Save