Book List

<h2 style="text-align: center;">အခန်း (၇၃၇)</h2> <h2 style="text-align: center;">မဟာမိတ် ဖွဲ့မလား (အပိုင်း ၁)</h2> <h2 style="text-align: center;">*</h2> <p> </p> <p> </p> <p>~"ဒါနဲ့ ကျွန်မတို့ ထိုင်ပြီး ဆွေးနွေးတိုင်ပင်ကြရင် မကောင်းဘူးလား ရှင်"</p> <p>ချီခယ်ချင်း က ချိုလွင်သောအသံ ဖြင့် မေးလိုက်သည်။</p> <p>သူမ၏ စကားကြောင့် သူမနောက်မှ လိုက်ပါလာသော ပေါင်းစည်းခြင်း နယ်ပယ် ကျင့်ကြံသူ (၈၀) ယောက်စလုံး ရုတ်တရက် ငိုင် သွားကြ၏။</p> <p>စီနီယာအစ်မကြီး ချီ ၏ မူလ အစီအစဉ်မှာ ဤဆုံမှတ်ကို လုယူရန် ဖြစ်သော်ငြားလည်း၊ အနီးသို့ ရောက်ရှိလာချိန်တွင်မူ သူမ၏ စိတ်ကူးကို ရုတ်တရက် ပြောင်းလဲလိုက်ပြီ ဖြစ်၏။</p> <p>ထိုသို့ ပြောင်းလဲသွားခြင်းမှာ နင်ချီ ကြောင့် ဖြစ်ကြောင်း သိသာ ထင်ရှားလှပေသည်။</p> <p>သူတို့၏ အကြည့်များက နက်ရှိုင်းသော သစ္စာတရား နယ်မြေ ၏ တပ်ဖွဲ့ကြီးဆီသို့ လှမ်းသွားကြသည်။</p> <p>နက်ရှိုင်းသော သစ္စာတရား နယ်မြေ တပ်ဖွဲ့ကြီး၏ ယေဘုယျ အင်အားမှာ သူတို့ရှေ့တွင် အထင်အရှား ပေါ်လွင်နေပြီး၊ အရေအတွက်ပိုင်းတွင် ဖူယောင် နယ်မြေ တပ်ဖွဲ့ကြီးကို မယှဉ်နိုင်သည်မှာ အမှန်ပင် ဖြစ်၏။</p> <p>အမှန်တကယ်တော့ တစ်ယောက်ချင်းစီ၏ စွမ်းအားကို ယှဉ်ကြည့်မည် ဆိုလျှင်ပင် ဖူယောင် နယ်မြေ မှ လူများထက် များစွာ နိမ့်ကျနေသေးသည်။</p> <p>သို့သော် အံ့ဩစရာ ကောင်းသည်မှာ သူတို့ အားလုံး စုစည်းလိုက်သောအခါ ဖူယောင် နယ်မြေ တပ်ဖွဲ့ကြီး၏ ယေဘုယျ အင်အားထက် လုံးဝ မညံ့သော စွမ်းအားတစ်ခုကို ထုတ်လွှတ်နိုင်စွမ်း ရှိနေခြင်းပင် ဖြစ်ချေသည်။</p> <p>ပေါင်းစည်းခြင်း နယ်ပယ် ကျင့်ကြံသူ များ၏ အကြည့်များက နင်ချီ ဆီသို့ ရောက်ရှိသွားကြပြန်သည်။</p> <p>ယခင်က သူတို့ မျက်စိထဲတွင် နက်ရှိုင်းသော သစ္စာတရား နယ်မြေ မှ ကျင့်ကြံသူများ ဆိုသည်မှာ တန်ဖိုးမရှိသော နယ်မြေငယ် နှစ်ခုမှ ကျင့်ကြံသူများကို စုပေါင်းထားသည့် အမှိုက်ပုံ တစ်ခုမျှသာ ဖြစ်ပေသည်။</p> <p>သို့သော် ယခုအခါ လူတိုင်းက သူတို့၏ ယခင်က မာနများကို ဘေးဖယ်ထားလိုက်ကြပြီ ဖြစ်၏။</p> <p>စီနီယာအစ်မကြီး ချီ ပင်လျှင် ဤလူငယ်လေးကြောင့် သူမ၏ သဘောထားကို ပြောင်းလဲလိုက်သေးသည် မဟုတ်ပါလော။ သူတို့ကရော မာနထောင်လွှားနေရန် လိုသေးသလား။</p> <p>ဓားဘိုးဘေးကြီး က နင်ချီ ကို တစ်ချက် အကြည့်ပို့လွှတ်လိုက်သည်။ သူက ယတိပြတ် မဆုံးဖြတ် ဘဲ အရာအားလုံးကို နင်ချီ စီမံခန့်ခွဲရန် လွှဲအပ်ထားလိုက်၏။</p> <p>စကားပြောမည်လား၊ တိုက်ခိုက်မည်လား။ သူက မည်သို့ပင် ဖြစ်စေ အပြည့်အဝ ထောက်ခံပေလိမ့်မည်။</p> <p>သူတို့ နောက်ကွယ်ရှိ နက်ရှိုင်းသော သစ္စာတရား နယ်မြေ တပ်ဖွဲ့ကြီးမှာလည်း ဓားဘိုးဘေးကြီး ၏ စိတ်ဓာတ်မျိုး သဘာဝကျကျ ရှိနေကြ၏။</p> <p>နင်ချီ က ရှေ့သို့ အကြည့်ပို့လွှတ်လိုက်သည်။</p> <p>ချီခယ်ချင်း ဦးဆောင်သော ပေါင်းစည်းခြင်း နယ်ပယ် ကျင့်ကြံသူ များသည် ဓားဘိုးဘေးကြီး ဖန်တီးထားသော ဓားနံရံကြီး၏ အပြင်ဘက်သို့ ရောက်ရှိနေကြပြီး၊ သူမက နင်ချီ ကို ဖိအားပေးနေသယောင် အကြည့်များဖြင့် မမှိတ်မသုန်ကြည့် နေ၏။</p> <p>ဤကဲ့သို့သော အကြည့်မျိုးသည် အာဏာကို အချိန်ကြာမြင့်စွာ ဆုပ်ကိုင်ထားနိုင်သူများသာ ပိုင်ဆိုင်လေ့ရှိသော အကြည့်မျိုး ဖြစ်ပေသည်။</p> <p>သူတို့ နှစ်ဦး၏ အကြည့်များ လေထဲတွင် ဆုံတွေ့သွားကြပြီး၊ ဟင်းလင်းပြင်မှာ ဂျုံနယ်နေသည့်အလား သိမ်မွေ့စွာ တွန့်လိမ် ကောက်ကွေးသွားသလို ခံစားလိုက်ကြရသည်။</p> <p>ကျင့်ကြံသူများ အားလုံးက ထိုအကြည့်များမှတစ်ဆင့် ပစ်လွှတ်လိုက်သော မျက်စိဖြင့် မမြင်နိုင်၊ လက်ဖြင့် စမ်းသပ်၍ မရနိုင်သော မူလဝိညာဉ် စွမ်းအားများ လေထဲတွင် ထိတိုက်မိသွားကြောင်း ချက်ချင်း အာရုံခံမိလိုက်ကြ၏။</p> <p>ဤအရာမှာ သူတို့ နှစ်ဦးကြားရှိ သိမ်မွေ့သော ထိပ်တိုက်ရင်ဆိုင်မှု တစ်ခု ဖြစ်ပြီး၊ တစ်ယောက်ကို တစ်ယောက် လေ့လာ အကဲခတ်သည့် နည်းလမ်း တစ်ခုလည်း ဖြစ်ပေသည်။</p> <p>ချီခယ်ချင်း ၏ နောက်မှ လိုက်ပါလာသော ပေါင်းစည်းခြင်း နယ်ပယ် ကျင့်ကြံသူ များ၏ မျက်နှာပေါ်တွင် ယုံကြည်မှု အပြည့်ရှိသော အမူအရာများ ပေါ်လွင်နေကြသည်။</p> <p>ချီခယ်ချင်း သည် အလွန်တရာ ခိုင်မာသော စိတ်ဆန္ဒကို ပိုင်ဆိုင်ထားသူ ဖြစ်ပြီး၊ သေမျိုး ခန္ဓာကိုယ်ဖြင့် ကျောက်စိမ်းအလင်း အင်မော်တယ်ဂိုဏ်း ၏ အကြီးအကဲ အဖြစ်သို့ တက်လှမ်းလာနိုင်ခဲ့ကာ ဖူယောင် နယ်မြေ တစ်ခုလုံးကို ငြိမ်းချမ်းရေး ရရှိစေရန် တွန်းအားပေးခဲ့သူ ဖြစ်ရာ၊ သူမ အနေဖြင့် နင်ချီ ကို လုံးဝ အရှုံးပေးလိမ့်မည် မဟုတ်ချေ။</p> <p>စစ်ခုန်လန် က သူတို့ နှစ်ဦး၏ လျှို့ဝှက် အားပြိုင်မှုကို ကြည့်ရင်း ရင်ထဲတွင် ဝမ်းသာအားရ ဖြစ်နေကာ၊ 'ချကြ... ချကြစမ်း...' ဟု ရင်တွင်း  ရေရွတ်နေ၏။</p> <p>သူ့အနေဖြင့် မည်သူ နိုင်သည် ရှုံးသည်ကို ဂရုမစိုက်ပေ။ ထိုနှစ်ဦး သည်းကြီးမည်းကြီးတိုက်ခိုက် ကြသရွေ့ သူတို့ စိမ်းပြာ နက်ရှိုင်း အင်မော်တယ်ဂိုဏ်း က အကျိုးအမြတ် ရရှိမည် မဟုတ်ပါလော။</p> <p>နက်ရှိုင်းသော သစ္စာတရား နယ်မြေ မှ ကျင့်ကြံသူများ အနေဖြင့်လည်း နင်ချီ အပေါ် အလားတူ ယုံကြည်မှု အပြည့် ရှိနေကြ၏။</p> <p>အထူးသဖြင့် မကြာသေးမီကမှ နင်ချီ ၏ ယဉ်ပါးအောင် ဆုံးမခြင်းကို ခံလိုက်ရသော ပျားမိစ္ဆာ ဘုရင်မကြီး ဖုန်းပိုင်ဟွာ ပင် ဖြစ်၏။ သူမသည် ကြောက်မက်ဖွယ်ကောင်းသော အထွတ်အထိပ် ဘိုးဘေးကြီး ၏ စွမ်းအားနှင့် နတ်ဘုရား မှော်နည်းစနစ် အများအပြားကို ပိုင်ဆိုင်ထားသော်ငြားလည်း နင်ချီ ၏ အကြည့်တစ်ချက်အောက်တွင် အလွယ်တကူ အရှုံးပေးလိုက်ရသည် မဟုတ်ပါလော။</p> <p>ထို့ကြောင့် ချီခယ်ချင်း တစ်ယောက် သူမ၏ သခင်ကို အနိုင်ယူနိုင်လိမ့်မည်ဟု သူမ လုံးဝ မယုံကြည်နိုင်ချေ။</p> <p>နင်ချီ နှင့် ချီခယ်ချင်း တို့၏ အားပြိုင်မှုမှာ သိမ်မွေ့သော်ငြားလည်း၊ တွန့်လိမ်နေသော ဟင်းလင်းပြင် ၏ အလယ်ဗဟိုကို ကြည့်ခြင်းအားဖြင့် မည်သူက အသာစီး ရနေကြောင်းကို လူတိုင်း ပိုင်းခြား သိမြင်နိုင်ပေသည်။</p> <p>အစပိုင်းတွင် ချီခယ်ချင်း ၏ ထိုးစစ်ဆင်လိုသော ရည်ရွယ်ချက်မှာ ထင်ရှားလှပြီး၊ တွန့်လိမ်နေသော ဟင်းလင်းပြင် မှာ နင်ချီ ဘက်သို့ တဖြည်းဖြည်း ရွေ့လျားလာကာ ဆက်လက် ဖိအားပေးနေ၏။</p> <p>လူတိုင်းက နင်ချီ ကို အကြည့်ပို့လွှတ်လိုက်ရာ သူ၏ မျက်နှာသွင်ပြင်မှာ ရေပြင်အလား တည်ငြိမ်နေပြီး မျက်လုံးများတွင် မည်သည့် အားလှိုင်းမျှ မရှိကြောင်း တွေ့လိုက်ရ၏။</p> <p>လူတိုင်းက စိတ်ထဲမှ ကြိတ်ပြီး ဟားတိုက်လိုက်ကြသည်။ 'နင်ချီ က တည်ငြိမ်တဲ့ဟန် ဆောင်တဲ့ နေရာမှာ တကယ်ကို ကျွမ်းကျင်တာပဲ...'</p> <p>ထို့နောက် တွန့်လိမ်နေသော ဟင်းလင်းပြင် သည် နင်ချီ ရှိရာဘက်၏ သုံးပုံတစ်ပုံ အကွာအဝေးသို့ ရောက်ရှိလာတော့သည်။</p> <p>ထိုအခိုက်အတန့်၌ ချီခယ်ချင်း မှာ ရှေ့သို့ ဆက်လက် မတိုးနိုင်တော့သလို ဖြစ်သွားပြီး၊ သူမ၏ မျက်လုံးများ အံ့အားသင့်မှုကြောင့် ပြူးကျယ်သွား၏။ ဧရာမ ရေလှိုင်းကြီးများအလား ကြီးမားလှသော ဝိညာဉ်စွမ်းအား တစ်ခုက အဟုန်ပြင်းစွာ ဝင်ရောက်လာပြီး သူမ၏ မူလဝိညာဉ် စွမ်းအားကို နောက်သို့ တွန်းထုတ်လိုက်သည်ကို သူမ အာရုံခံမိလိုက်တော့သည်။</p> <p>တွန့်လိမ်နေသော ဟင်းလင်းပြင် မှာ အလယ်မျဉ်းဆီသို့ ပြန်လည် ရောက်ရှိသွားပြီး ချီခယ်ချင်း ရှိရာဘက်သို့ လျင်မြန်စွာ လွင့်စဉ်သွား၏။</p> <p>ချီခယ်ချင်း ၏ မျက်နှာ ကွက်ခနဲ ပျက် သွားပြီး နှာခေါင်းထိပ်တွင် ချွေးစေးများ သီးလာတော့သည်။</p> <p>သူမ၏ မျက်လုံးများ နက်ရှိုင်းသွားပြီး ပိုမိုများပြားသော မူလဝိညာဉ် စွမ်းအားများကို တဟုန်ထိုး ထုတ်လွှတ်လိုက်သော်ငြားလည်း၊ နင်ချီ ၏ ဝိညာဉ်စွမ်းအားနှင့် ရင်ဆိုင်ရချိန်တွင် ရလဒ်မှာ မပြောင်းလဲသွားခဲ့ချေ။</p> <p>ချီခယ်ချင်း ၏ နောက်ကွယ်ရှိ ကျင့်ကြံသူ များမှာ ဤမျှ လျင်မြန်စွာ အားပြိုင်မှု ပြီးဆုံးသွားလိမ့်မည်ဟု လုံးဝ ထင်မှတ်မထားခဲ့သဖြင့် အံ့အားသင့်ကာ အရောင်ပြောင်းသွားကြတော့သည်။</p> <p>နောက်ဆုံးတွင် နင်ချီ က သူမ၏ ဝိညာဉ်စွမ်းအားကို သူမရှိရာဘက် လေးပုံတစ်ပုံ အကွာအဝေးသို့ ရောက်သည်အထိ တွန်းထုတ်လိုက်ပြီးမှ လျင်မြန်စွာ ပြန်လည် ရုပ်သိမ်းသွား၏။</p> <p>ချီခယ်ချင်း တစ်ယောက် ရုတ်တရက် ငိုင် သွားပြီး နင်ချီ က သူတို့၏ မူလဝိညာဉ် စွမ်းအား အားပြိုင်မှုကို ဤမျှ အလွယ်တကူ ဖြတ်တောက်လိုက်လိမ့်မည်ဟု လုံးဝ မထင်မှတ်ထားခဲ့ပေ။ တစ်ဖက်လူက ရုတ်တရက် ရုပ်သိမ်းသွားသောအခါ သူမ၏ စွမ်းအားများက မထင်မှတ်ဘဲ နောက်ပြန် ရိုက်ခတ်လာသဖြင့် သူမ ကိုယ်တိုင်ပင် ယိမ်းယိုင်သွားရ၏။</p> <p>မူလဝိညာဉ် သည် ခန္ဓာကိုယ်နှင့် တိုက်ရိုက် ဆက်နွှယ်နေသဖြင့် ချီခယ်ချင်း ၏ မှော်ခန္ဓာကိုယ် မှာ အနည်းငယ် ယိမ်းထိုးသွားတော့သည်။</p> <p>ကံကောင်းထောက်မစွာဖြင့် ချီခယ်ချင်း သည် မိမိကိုယ်ကိုယ် ထိန်းချုပ်နိုင်စွမ်း အလွန်တရာ မြင့်မားလှသဖြင့် သူမ၏ အရှုံးကို အပြင်ပန်းတွင် အထင်အရှား မပေါ်လွင်စေရန် ထိန်းသိမ်းထားနိုင်ခဲ့၏။</p> <p>ဤမြင်ကွင်းကို မြင်လိုက်ရသောအခါ သူမ၏ နောက်ကွယ်ရှိ ပေါင်းစည်းခြင်း နယ်ပယ် ကျင့်ကြံသူ များမှာ သိမ့်သိမ့်ခါသွားအောင် လှုပ်ယမ်းခံလိုက်ရတော့သည်။</p> <p>ချီခယ်ချင်း ပင်လျှင် မူလဝိညာဉ် စွမ်းအား အားပြိုင်မှုတွင် အရေးနိမ့်သွားခဲ့သည်တဲ့လား။ နင်ချီ ၏ ခွန်အားက တကယ်ပဲ ဒီလောက်တောင် ကြောက်စရာ ကောင်းနေတာလား။</p> <p>စစ်ခုန်လန် ၏ မျက်နှာသွင်ပြင်မှာ သိသိသာသာ ပြောင်းလဲသွား၏။ သူသည် ချီခယ်ချင်း ကို မယှဉ်နိုင်ကြောင်း သူ့ကိုယ်သူ ကောင်းကောင်း သိထား၏။ အကယ်၍ ချီခယ်ချင်း ပင်လျှင် နင်ချီ ၏ ပြိုင်ဘက် မဟုတ်ခဲ့လျှင်၊ သူ့အနေဖြင့် မည်သည့် အခွင့်အရေးများ ရှိနိုင်တော့မည်နည်း။</p> <p>သူက နင်ချီ ကို မသိမသာ ခိုးကြည့်လိုက်ပြီး၊ နင်ချီ နှင့် လုံးဝ ပြဿနာ မတက်ရန် ၊ ပိုကောင်းသည်က နင်ချီ ၏ အာရုံစိုက်မှုကို မခံရစေရန် ပညာရှိစွာ ဆုံးဖြတ်လိုက်တော့သည်။</p> <p>နင်ချီ နှင့် ချီခယ်ချင်း တို့၏ အချိန်တိုလေး အတွင်း ဖြစ်ပွားခဲ့သော အားပြိုင်မှု ပြီးဆုံးသွားပြီ ဖြစ်၏။</p> <p>"ဓားဘိုးဘေးကြီး... ဓားနံရံကို ရုပ်သိမ်းပြီး သူတို့ကို ဝင်လာခွင့် ပေးလိုက်ပါဗျာ"</p> <p>ထိုစကားကို ကြားလိုက်ရသောအခါ ဓားဘိုးဘေးကြီး က သူ၏ ဓားလက်ညှိုး နှစ်ချောင်းကို ပူးလိုက်ပြီး သူ ထုတ်လွှတ်ထားသော ဓားအလင်းတန်း နံရံဆီသို့ ညွှန်ပြကာ လျင်မြန်စွာ ခေါက်သိမ်းလိုက်၏။</p> <p>မီတာ ထောင်ပေါင်းများစွာ ရှည်လျားသော စက်ဝိုင်းပုံ ဓားနံရံကြီးမှာ လုံးဝ တည်ရှိမနေခဲ့သည့်အလား ခြေရာလက်ရာမကျန် ပျောက်ကွယ်သွားတော့သည်။</p> <p>ဤလုပ်ရပ်က ဖူယောင် နယ်မြေ မှ လူများကို အံ့အားသင့်သွားစေသည်။</p> <p>နင်ချီ က မီတာ ငါးရာခန့် အကွာအဝေးသို့ ဝဲပျံသွားပြီးနောက် ဖိတ်ခေါ်သည့် လက်ဟန်အမူအရာ ပြုလုပ်ကာ ချော့မော့ပြောဆို လိုက်သည်။</p> <p>"ကျေးဇူးပြုပြီး ဝင်လာခဲ့ပါဗျာ"</p> <p>ချီခယ်ချင်း က အဓိပ္ပာယ်ပါပါ တစ်ချက် ကြည့်လိုက်ပြီး သူမ၏ နောက်ကွယ်ရှိ ပေါင်းစည်းခြင်း နယ်ပယ် ကျင့်ကြံသူ (၈၀) ယောက်ကို အမိန့်ပေးလိုက်၏။</p> <p>"မင်းတို့ ဒီမှာပဲ စောင့်နေကြ။ ငါ ခဏနေရင် ပြန်လာခဲ့မယ်"</p> <p>"ဟုတ်.."</p> <p>ထို့နောက် ချီခယ်ချင်း က နင်ချီ အနီးသို့ ချဉ်းကပ်သွား၏။</p> <p>ချီခယ်ချင်း ၏ ဤမျှ ပွင့်လင်းမြင်သာသော လုပ်ရပ်ကို ကြည့်ရင်း နင်ချီ .. ကြိတ်၍ ခေါင်းညိတ်လိုက်မိသည်။</p> <p>'ဒီမိန်းမက မိန်းမသား တစ်ယောက် ဖြစ်ပေမဲ့ တကယ့်ကို ခန့်ညား ထည်ဝါတဲ့ အရည်အချင်းတွေ ရှိတာပဲ…’</p> <p> </p> <p> </p> <p style="text-align: center;">***</p>


Save