Book List

<h2 style="text-align: center;">အခန်း (၇၃၉)</h2> <h2 style="text-align: center;">မဟာမိတ် ဖွဲ့မလား (အပိုင်း ၃)</h2> <h2 style="text-align: center;">*</h2> <p> </p> <p> </p> <p>~"ဒီကောင်လေးကို သေချာပေါက် ပညာပေးမှ ရမယ်"</p> <p>ချီခယ်ချင်း ကိုယ်တိုင်လည်း အနည်းငယ် စိတ်ဓာတ်ကျသွားသော်လည်း၊ သူမက ချက်ချင်းပင် စိတ်ကို ပြန်လည် အားတင်းကာ လူအုပ်ကြီးကို ပြောလိုက်၏။</p> <p>"ထားလိုက်ပါတော့... သဘောတူညီမှု မရတာကလည်း သာမန် ကိစ္စတစ်ခုပါပဲ။ ကျွန်မတို့ ဆုံမှတ် ကို ရှာဖို့ပဲ အာရုံစိုက်ကြတာပေါ့"</p> <p>ထိုစကားကို ကြားလိုက်ရသောအခါ စစ်ခုန်လန် မှာ အလွန်တရာ နေရခက်သွားတော့သည်။</p> <p>'ကျစ်... အရင်တုန်းက ငါ စိမ်းပြာ နက်ရှိုင်း အင်မော်တယ်ဂိုဏ်း တပ်ဖွဲ့ကို ဦးဆောင်ပြီး သူမဆီ လာပူးပေါင်းတုန်းကကျတော့... သူက ငါ့တပ်ဖွဲ့ကို ဖျက်သိမ်းပြီး သူ့တပ်ဖွဲ့ထဲ ဝင်ရမယ်ဆိုပြီး အရမ်းကို အာဏာပြခဲ့တာ။ အခု နင်ချီ နဲ့ တွေ့တော့မှ သူက ဘာလို့ ဒီလောက်တောင် သတ္တိကြောင်သွားရတာလဲ'</p> <p>စစ်ခုန်လန် သည် ချီခယ်ချင်း ၏ တပ်ဖွဲ့ထဲမှ ခွဲထွက်ရန် ချက်ချင်း စဉ်းစားလိုက်၏။</p> <p>မည်သို့ပင်ဆိုစေ ဤအခြေအနေအတိုင်း ဆက်သွားနေမည် ဆိုပါက သူသည် ချီခယ်ချင်း ကို အသုံးချ၍ နင်ချီ ကို ရင်ဆိုင်နိုင်မည့် အခွင့်အရေး ရှိတော့မည် မဟုတ်ချေ။</p> <p>စစ်ခုန်လန် သည် ယခင်က ဖူယောင် နယ်မြေ မှ လူများ၏ (၃၀) ရာခိုင်နှုန်းကို ဦးဆောင်ခဲ့သူ ဖြစ်၏။ အကယ်၍ သူက ချီခယ်ချင်း ထံမှ ခွဲမထွက်ခဲ့လျှင် နောက်ပိုင်း ဆုံမှတ်များကို သိမ်းပိုက်ရာတွင် သူ ဘယ်လောက်တောင် အကျိုးအမြတ် ရနိုင်တော့မည်နည်း။</p> <p>ထိုအချက်ကို တွေးမိလိုက်သောအခါ စစ်ခုန်လန် က ဆုံးဖြတ်ချက် တစ်ခု ချလိုက်သည်။ သူတို့ နင်ချီ ၏ အာရုံခံနိုင်စွမ်း အကွာအဝေးမှ လွတ်ကင်းသွားသည်နှင့် တစ်ပြိုင်နက် သူ၏ လူများကို ဦးဆောင်ကာ ချက်ချင်း ထွက်ခွာသွားမည်ဟု စိတ်ပိုင်းဖြတ်လိုက်၏။</p> <p>ပထမအချက် အနေဖြင့် သူ ကိုယ်တိုင် ဆုံမှတ် တစ်ခုကို သိမ်းပိုက်နိုင်ခဲ့လျှင် ပိုမိုများပြားသော အကျိုးအမြတ်များကို ရရှိနိုင်မည် ဖြစ်၏။</p> <p>ဒုတိယအချက် အနေဖြင့် သူသည် အခြားသူများကို အသုံးချကာ နင်ချီ ကို ရှင်းလင်းရန် အခွင့်အရေးများကို ရှာဖွေလိုသေးသည်။</p> <p>အကယ်၍ ချီခယ်ချင်း ထံမှ ထိုအခွင့်အရေးကို မရနိုင်ဘူး ဆိုလျှင်တောင် လန်ယာ နယ်မြေ မှ ကျင့်ကြံသူများ ရှိနေသေးသည် မဟုတ်ပါလော။ သူတို့နဲ့မှ အဆင်မပြေဘူး ဆိုလျှင်တောင် ကျယ်ပြန့်သော ကမ္ဘာ မှ ကျင့်ကြံသူများ ရှိနေသေး၏။</p> <p>နင်ချီ ကို သေတွင်းပို့ရန် နည်းလမ်း မရှာနိုင်ဘူး ဆိုတာကို စစ်ခုန်လန် လုံးဝ မယုံကြည်ပေ။</p> <p>နင်ချီ ၏ တိုးတက်မှု အရှိန်အဟုန်မှာ အလွန်တရာ မြန်ဆန်လွန်းလှသည်။ အကယ်၍ သူသာ ဆက်လက် ကြီးထွားလာမည် ဆိုပါက ဘိုးဘေးကြီး ကိုယ်တိုင် ရောက်လာလျှင်တောင်မှ နင်ချီ ကို ဒုက္ခပေးနိုင်စွမ်း ရှိပါဦးမည်လား ဆိုသည်ကို စစ်ခုန်လန် မခန့်မှန်းနိုင်တော့ချေ။</p> <p>...</p> <p>ချီခယ်ချင်း ဦးဆောင်သော ရှေ့ပြေးတပ်ဖွဲ့သည် ပင်မ တပ်ဖွဲ့ကြီးနှင့် ပြန်လည် ပူးပေါင်းတော့မည့် အချိန်မှာပင်...</p> <p>နင်ချီ သည် သူ ဆောင်ထားသော ဆက်သွယ်ရေး ကျောက်စိမ်းပြား ထံမှ တုန်ခါမှု တစ်ခုကို ခံစားလိုက်ရသည်။</p> <p>သူက ချက်ချင်း ထုတ်ယူ၍ သတင်းစကားများကို ဖတ်ကြည့်လိုက်ရာ သတင်း နှစ်စောင် ဝင်နေကြောင်း တွေ့လိုက်ရ၏။</p> <p>ပထမ သတင်းမှာ - "ကိုးလေး... နောက်ဆုံးတော့ တောင်နဲ့ ပင်လယ် ကမ္ဘာ ထဲမှာ မင်းနဲ့ ပြန်ဆုံရပြီပေါ့ကွာ"</p> <p>ပေးပို့သူ - တာအိုဆရာ လုံရှန်း</p> <p>ဒုတိယ သတင်းမှာ - "ဂျူနီယာမောင်လေး...ငါနဲ့ ဆရာက ဖူယောင် နယ်မြေ တပ်ဖွဲ့ကြီးထဲမှာ ရောက်နေတာ... ငါတို့ ဘယ်တော့လောက် တွေ့ကြမလဲ... အရင်တစ်ခေါက်က နင်.. ကတိပေးထားတဲ့ သေရည်ကိုတော့ မမေ့နဲ့နော်"</p> <p>ပေးပို့သူ - ယဲ့ချင်းဟယ်</p> <p>မိတ်ဟောင်းဆွေဟောင်းများထံမှ သတင်းစကားများကို မြင်လိုက်ရသောအခါ နင်ချီ ၏ မျက်နှာပေါ်တွင် ခပ်ပြုံးပြုံး အမူအရာလေး တစ်ခု အလိုအလျောက် ပေါ်လာတော့သည်။</p> <p>သူက ဖူယောင် နယ်မြေ တပ်ဖွဲ့ကြီး ရှိရာဘက်သို့ အကြည့်ပို့လွှတ်လိုက်ပြီး တစ်ချိန်တည်းမှာပင် သူ၏ ဝိညာဉ်အာရုံကို ဖြန့်ကျက်ကာ ထိုတပ်ဖွဲ့ကြီးထဲတွင် ရှာဖွေကြည့်လိုက်ရာ၊ မကြာမီမှာပင် ထိုနှစ်ဦး၏ ပုံရိပ်များကို ရှာတွေ့သွား၏။</p> <p>ဤအခိုက်အတန့်တွင် ထိုနှစ်ဦးကလည်း နင်ချီ ကို သူတို့၏ ဝိညာဉ်အာရုံများဖြင့် လှမ်း၍ ရှာဖွေနေပုံ ရ၏။</p> <p>သူတို့ သုံးဦး၏ အာရုံခံမှုများ လေထဲတွင် ဆုံတွေ့သွားကြသောအခါ သူတို့၏ ရင်တွင်း၌ လှိုက်မောဖွယ် ခံစားချက်များ တဟုန်ထိုး မြင့်တက်လာကြတော့သည်။</p> <p>သို့သော် သူတို့ သုံးဦးစလုံး၏ မျက်နှာသွင်ပြင်များကမူ လုံးဝ ပြောင်းလဲသွားခြင်း မရှိဘဲ အခြားသူများ ရိပ်မိသွားစေမည့် မည်သည့် အရိပ်အယောင်မျှ မပြသခဲ့ကြချေ။</p> <p>နင်ချီ က သူတို့ တစ်ယောက်စီထံသို့ ပြန်စာ ပို့လိုက်သည်။</p> <p>"ဆရာ... ဆရာက အရမ်းကို ခန့်ညားလာတာပဲဗျာ။ နောက်ရက်အနည်းငယ် နေရင် တာအိုဆရာ ပိုင်ရှန်နဲ့ ကျွမ်းချန် တို့ကို ခေါ်ပြီး ဆရာ့ဆီ လာခဲ့ပါ့မယ်"</p> <p>"စီနီယာအစ်မကြီး... ကျွန်တော်တို့ တွေ့ရမယ့်နေ့က သိပ်မဝေးတော့ပါဘူး။ အစ်မ အတွက် သေရည်ကို ကျွန်တော် ကြိုတင် ပြင်ဆင်ထားပြီးပါပြီ"</p> <p>နင်ချီ ၏ ပြန်စာများကို ရရှိလိုက်သောအခါ တာအိုဆရာ လုံရှန်း နှင့် ယဲ့ချင်းဟယ် တို့က တစ်ယောက်ကို တစ်ယောက် မျက်နှာချင်းဆိုင် ကြည့်လိုက်ကြပြီး သူတို့၏ မျက်လုံးများထဲတွင် စိတ်လှုပ်ရှားမှုများ အထင်အရှား ပေါ်လွင်နေတော့၏။</p> <p>နင်ချီ သည် မည်သည့်အခါကမျှ လေလုံးမိုးလုံးကြီး မပြောတတ်ချေ။ သူက သိပ်မကြာတော့ဘူးဟု ပြောလျှင် အမှန်တကယ်ပင် သိပ်မကြာတော့ကြောင်း သေချာလှပေသည်။</p> <p>သူတို့က နောက်ထပ် ပြန်စာများ ထပ်ပို့လိုက်ကြပြန်၏။</p> <p>"ကိုးလေး... စိမ်းပြာ နက်ရှိုင်း အင်မော်တယ်ဂိုဏ်း က မင်းအပေါ် ရန်ငြိုးထားနေပုံ ရတယ်။ မင်းက သူတို့ကို ဂရုစိုက်မှာ မဟုတ်ဘူး ဆိုတာ ငါ သိပေမဲ့လည်း မင်းအတွက် ငါ စောင့်ကြည့်ပေးထားပါ့မယ်"</p> <p>"ကိုးလေး... နင်က တကယ် တော်လွန်းပါတယ်။ နောက်တစ်ခါ ငါတို့ တွေ့တဲ့အခါကျရင် ငါနဲ့ ဆရာက နက်ရှိုင်းသော မိန်းမပျို ဂိုဏ်း က လူတွေကို ဦးဆောင်ပြီး နင့်ဆီ တိုက်ရိုက် လာပူးပေါင်းမယ်လေ... အမှောင်ထဲကနေ အလင်းဆီကို ကူးပြောင်းလာတယ်လို့ပဲ သဘောထားလိုက်ပါတော့"</p> <p>သူတို့ သုံးဦးသည် မရေမတွက်နိုင်သော သတင်းစကားများကို အပြန်အလှန် ဖလှယ်ခဲ့ကြပြီး၊ အစစ်အမှန်သိုင်း ကမ္ဘာ တွင် အတူရှိခဲ့စဉ်က ရရှိခဲ့သော ပျော်ရွှင်မှုများကို တစ်ဖန် ပြန်လည် ခံစားလိုက်ကြရသည်။</p> <p>...</p> <p>နက်ရှိုင်းသော သစ္စာတရား နယ်မြေ တပ်ဖွဲ့ကြီးသည် တောင်နှင့် ပင်လယ် ကမ္ဘာ့ဆန္ဒတော် ကို ဆင့်ခေါ်သည့် နောက်ဆုံးအဆင့်သို့ ရောက်ရှိနေပြီ ဖြစ်၏။</p> <p>ကောင်းကင်ကြယ် နှင့် မြေကမ္ဘာကြယ် တို့က တစ်ခုနှင့်တစ်ခု ထိပ်တိုက် ရင်ဆိုင်နေကြပြီး ဤနေရာရှိ အခြားသော စွမ်းအင် အားလုံးကို ယင်ယန် အပြန်အလှန် ချေဖျက်သည့် အဆင့်အထိ ဖိနှိပ်ထားလိုက်ကြသည်။</p> <p>ဤတစ်ကြိမ်တွင်မူ နင်ချီ က လုံးဝ ဝင်ရောက် မစွက်ဖက်တော့ပေ။ သူတို့က ကိုယ်ပိုင် စွမ်းအားကိုသာ အားကိုး၍ ကျန်ရှိနေသော လုပ်ငန်းစဉ် အားလုံးကို အောင်မြင်စွာ ပြီးမြောက်ခဲ့ကြ၏။</p> <p>ရုတ်တရက် တောင်နှင့် ပင်လယ် ကမ္ဘာ့ဆန္ဒတော် က ဆင်းသက်လာပြီး ဆုလာဘ်များကို တစ်ဖန် ခွဲဝေပေးပြန်သည်။</p> <p>ဤအရာမှာ ကျယ်ပြန့်သော ကမ္ဘာ မှ ကျင့်ကြံသူများ၏ လက်ထဲမှ လုယူခဲ့သော အလယ်အလတ်အဆင့် ဆုံမှတ် တစ်ခု ဖြစ်သည့်အပြင်၊ ကျယ်ပြန့်သော ကမ္ဘာ မှ ကျင့်ကြံသူ အများအပြားကို အနိုင်ယူနိုင်ခဲ့ခြင်းကြောင့် ဖြစ်၏။</p> <p>ထို့ကြောင့် တောင်နှင့် ပင်လယ် ကမ္ဘာ့ဆန္ဒတော် ထံမှ ရရှိသော ဆုလာဘ်များမှာလည်း ပုံမှန်ထက် များစွာ ပိုမို များပြားနေခဲ့ပေသည်။</p> <p>အလယ်အလတ်အဆင့် စည်းမျဉ်း အပိုင်းအစ (၁၃) ခု၊ အလွန်သေးငယ်သော စည်းမျဉ်း အပိုင်းအစ (၃၉) ခု။</p> <p>တစ်ချိန်တည်းမှာပင် နယ်မြေအရှင်သခင် ဖြစ်သော နင်ချီ ကိုလည်း ကမ္ဘာ့စွမ်းအား (၂၀) မျှင် တိတ်တဆိတ် ချီးမြှင့်လိုက်၏။</p> <p>မီးလျှံငှက် အင်မော်တယ်ဂိုဏ်း ထံမှ ရရှိခဲ့သော အရင်းအမြစ် အမျိုးမျိုးနှင့် ပေါင်းစပ်လိုက်သောအခါ နက်ရှိုင်းသော သစ္စာတရား နယ်မြေ တပ်ဖွဲ့ကြီးသည် ကြီးမားလှသော အကျိုးအမြတ်ကြီး တစ်ခုကို ထပ်မံ ရရှိသွားခဲ့ပြန်သည်။</p> <p>အရာအားလုံး ပြီးစီးသွားသောအခါ နင်ချီ က ဝိညာဉ်ရှာဖွေရေး သံလိုက်အိမ်မြှောင် ကို ထုတ်ယူလိုက်ပြီး တပ်ဖွဲ့ကြီးကို ဦးဆောင်ကာ နောက်ထပ် ဆုံမှတ် ဆီသို့ ချီတက်သွား၏။</p> <p>နောက်ထပ် ဆုံမှတ် မှာ ဤနေရာမှ လီတစ်သောင်းကျော် ကွာဝေးသော အရှေ့မြောက် အရပ်တွင် တည်ရှိပေသည်။</p> <p>နင်ချီ က ရှေ့ဆုံးမှ ဦးဆောင်ပျံသန်းနေရင်း ယခင် ဆုံမှတ် မှ ရရှိခဲ့သော အချက်အလက်များကို အသေအချာ ခွဲခြမ်းစိတ်ဖြာ လေ့လာလိုက်ပြီး၊ ဝိညာဉ်ရှာဖွေရေး သံလိုက်အိမ်မြှောင် ကို အနည်းငယ် ပြုပြင်မွမ်းမံကာ ပိုမို တိကျလာစေရန် ဖန်တီးလိုက်၏။</p> <p>ယခုအခါ နင်ချီ တွင် အသေးစား ဆုံမှတ် များ၊ အလယ်အလတ်အဆင့် ဆုံမှတ် များနှင့် ရန်သူ့နယ်မြေ တစ်ဝက် များ၏ အချက်အလက်များ ရှိနေပြီ ဖြစ်ရာ၊ ထိုအရာများကို စုစည်းကာ ဝိညာဉ်ရှာဖွေရေး သံလိုက်အိမ်မြှောင် ထဲသို့ အပြည့်အဝ ပေါင်းစပ် ထည့်သွင်းလိုက်သည်။</p> <p>ထို့ကြောင့် ဝိညာဉ်ရှာဖွေရေး သံလိုက်အိမ်မြှောင် သည် ၎င်းထောက်လှမ်းတွေ့ရှိသော ဆုံမှတ် များမှာ အသေးစားလား၊ အလယ်အလတ်အဆင့်လား ဆိုသည်ကို ခွဲခြား သိမြင်နိုင်လာခဲ့ပြီ ဖြစ်၏။</p> <p>ကြီးမားသော ဆုံမှတ် တစ်ခုကိုသာ ရှာတွေ့သွားမည် ဆိုပါက နင်ချီ အနေဖြင့် ဝိညာဉ်ရှာဖွေရေး သံလိုက်အိမ်မြှောင် ၏ လုပ်ဆောင်ချက်များကို အပြည့်အဝ ပြည့်စုံ ကောင်းမွန်အောင် ဖန်တီးနိုင်တော့မည် ဖြစ်၏။</p> <p>သူက ဝိညာဉ်ရှာဖွေရေး သံလိုက်အိမ်မြှောင် ထဲသို့ ဝိညာဉ်ချီ များကို ထပ်မံ သွင်းနှံလိုက်ရာ၊ ၎င်းအပေါ်ရှိ အပ်တံလေးက လှုပ်ခါသွားပြီး နောက်ဆုံးတွင် အရှေ့မြောက် အရပ်ဆီသို့ တည့်မတ်စွာ ညွှန်ပြသွားတော့သည်။</p> <p>ဤတစ်ကြိမ်မှာ ယခင်နှင့် မတူတော့ချေ။ ယခင်က အရှေ့မြောက်ဘက်သို့ ညွှန်ပြစဉ်က အပ်တံလေးမှာ ယိမ်းယိုင်ကာ မရေမရာ ဖြစ်နေခဲ့သော်လည်း၊ ယခုတစ်ကြိမ်တွင်မူ လုံးဝ တိကျ သေချာသွားခဲ့ပြီ ဖြစ်၏။</p> <p>နင်ချီ က သံလိုက်အိမ်မြှောင်ကို တစ်ချက် ငုံ့ကြည့်လိုက်ရာ မကြာသေးမီကမှ အသစ် ထည့်သွင်းထားသော ဆုံမှတ် ၏ အရွယ်အစားကို ခွဲခြားသည့် လုပ်ဆောင်ချက်မှာ အလုပ်မလုပ်ကြောင်း သတိပြုမိလိုက်၏။</p> <p>ဆိုလိုသည်မှာ ၎င်းညွှန်ပြနေသော ဆုံမှတ် အသစ်မှာ သေချာပေါက် ကြီးမားသော ဆုံမှတ် တစ်ခု ဖြစ်ရပေမည်။ အကြောင်းမူကား သူသည် ကြီးမားသော ဆုံမှတ် များ၏ အချက်အလက်များကို သံလိုက်အိမ်မြှောင်ထဲသို့ မထည့်သွင်းရသေးသောကြောင့်ပင်။</p> <p>"တပ်ဖွဲ့အားလုံး အရှိန်မြှင့်ကြ... နောက်ထပ် ဆုံမှတ် က အကြီးစား ဆုံမှတ် တစ်ခုပဲ"</p> <p>ထိုစကားကို ကြားလိုက်ရသောအခါ နက်ရှိုင်းသော သစ္စာတရား နယ်မြေ မှ ကျင့်ကြံသူ အားလုံးမှာ တပြိုင်နက်တည်း တုန်လှုပ် သွားကြပြီး၊ သူတို့၏ ပျံသန်းမှု အရှိန်ကို ချက်ချင်းပင် (၃၀) ရာခိုင်နှုန်းခန့် မြှင့်တင်လိုက်ကြ၏။</p> <p>တိုက်ဆိုင်စွာပင် ချီခယ်ချင်း ဦးဆောင်သော ဖူယောင် နယ်မြေ တပ်ဖွဲ့ကြီးသည်လည်း အရှေ့မြောက် အရပ်ဆီသို့ ဦးတည် ချီတက်နေကြခြင်း ဖြစ်ပေသည်။</p> <p>နင်ချီ နှင့် သူ၏ တပ်ဖွဲ့ကြီး အနောက်မှ ဒရောသောပါး လိုက်ပါလာသည်ကို မြင်လိုက်ရသောအခါ ချီခယ်ချင်း နှင့် သူမ၏ အဖွဲ့မှာ ချက်ချင်းပင် ရပ်တန့်သွားကြတော့သည်။</p> <p> </p> <p> </p> <p style="text-align: center;">***</p>


Save