Book List

<h2 style="text-align: center;">အခန်း (၇၄၁)</h2> <h2 style="text-align: center;">ဘေးမှနေ၍ စောင့်ကြည့်ခြင်း</h2> <h2 style="text-align: center;">*</h2> <p> </p> <p> </p> <p>~ချီခယ်ချင်း ဦးဆောင်သော ဖူယောင် နယ်မြေ တပ်ဖွဲ့ကြီးသည် နင်ချီ နှင့် သူ၏ နောက်လိုက်များ သူတို့ မျက်စိရှေ့မှောက်တွင်ပင် ရုတ်ချည်း ပျောက်ကွယ်သွားသည်ကို မျက်ဝါးထင်ထင် တွေ့မြင်လိုက်ရ၏။</p> <p>သူတို့က ရှေ့ဘက်ရှိ လွတ်ဟာနေသော ဟင်းလင်းပြင်ကြီးကို ငေးကြည့်ရင်း သူတို့၏ ရင်တွင်း၌ မရေမတွက်နိုင်သော ခံစားချက်များက ရောထွေး ပြင်းထန်နေတော့သည်။</p> <p>အထူးသဖြင့် ယခုလေးတင် နက်ရှိုင်းသော သစ္စာတရား နယ်မြေ တပ်ဖွဲ့ကြီး၏ အခင်းအကျင်းကို သံသယဝင်ကာ မေးခွန်းထုတ်ခဲ့ကြသူများမှာ အလွန်တရာ အရှက်ကွဲသွားသလို ခံစားလိုက်ကြရ၏။</p> <p>သူတို့က သူတို့၏ ဝိညာဉ်အာရုံများကို ဖြန့်ကျက်ကာ ပတ်ဝန်းကျင် တစ်ဝိုက်ကို အသေအချာ စူးစမ်း ထောက်အကြည့်ပို့လွှတ်ကြသော်လည်း မည်သည့်အရာကိုမျှ မတွေ့ရှိခဲ့ကြချေ။</p> <p>အချိန်အတော်ကြာပြီးနောက်တွင်မှ လူတိုင်း သတိပြန်ဝင်လာကြပြီး အကူအညီမဲ့နေသော ခံစားချက်ဖြင့် သက်ပြင်းချလိုက်ကြ၏။</p> <p>ထိုအထဲတွင် အစွမ်းအထက်ဆုံး ဖြစ်သော ချီခယ်ချင်း ပင်လျှင် နင်ချီ တို့ ဘယ်ရောက်သွားမှန်း အာရုံခံ၍ မရနိုင်ခဲ့သဖြင့် သူမက အခင်းအကျင်း ကျင့်ကြံသူကို မေးလိုက်သည်။</p> <p>"သူတို့ ဘယ်နားမှာ ရှိနေလဲဆိုတာ မင်း အာရုံခံလို့ ရလား"</p> <p>အခင်းအကျင်း ကျင့်ကြံသူက ခေါင်းခါပြလိုက်ပြီး</p> <p>"စီနီယာအစ်မကြီး ချီ... ကျွန်တော် သူများကို အထင်ကြီးပြီး ပြောနေတာ မဟုတ်ပါဘူး... နင်ချီ ရဲ့ အခင်းအကျင်း ပညာရပ် ကျွမ်းကျင်မှုက ကျွန်တော်တို့ထက် အများကြီး သာလွန်လွန်းနေလို့ပါ။ သူတို့ရဲ့ အရိပ်အယောင်ကိုတောင် ကျွန်တော် လုံးဝ ရှာမတွေ့နိုင်ဘူးဗျ" ဟု ဖွင့်ဟဝန်ခံလိုက်သည်။</p> <p>ထိုစကားကို ကြားလိုက်ရသောအခါ လူတိုင်း နောက်တစ်ကြိမ် အံ့အားသင့် တုန်လှုပ်သွားကြပြန်သည်။</p> <p>ဤမျှ ကြီးမားလှသော တပ်ဖွဲ့ကြီး တစ်ခုလုံး သူတို့ မျက်စိရှေ့တွင် အသံတိတ် ပျောက်ကွယ်သွားခြင်းက တစ်ပိုင်း ဖြစ်သော်လည်း၊ တစ်ဖက်လူ၏ အရိပ်အယောင် အနည်းငယ်ကိုမျှ သူတို့ လုံးဝ ထောက်လှမ်း၍ မရနိုင်ခြင်းက အနည်းငယ် ကြောက်စရာ ကောင်းမနေဘူးလော။</p> <p>ကံကောင်းထောက်မစွာဖြင့် ထို အခင်းအကျင်း ကျင့်ကြံသူက သူတို့အတွက် မျှော်လင့်ချက် ရောင်ခြည်လေး တစ်ခုကို နောက်ဆုံးတွင် ပြသပေးခဲ့၏။</p> <p>"ကျွန်တော်တို့ သူတို့ရဲ့ ခြေရာကို ရှာနေစရာ မလိုပါဘူး။ သူတို့ အရင်က သွားနေတဲ့ လမ်းကြောင်းအတိုင်း ဆက်ပြီး လိုက်သွားမယ် ဆိုရင် တစ်ခုခုတော့ တွေ့နိုင်မှာပါ"</p> <p>လူအုပ်ကြီးထဲမှ အကြီးအကဲ တစ်ဦးက ဝင်ပြောလိုက်သည်။</p> <p>"နင်ချီ က ငါတို့ကို လမ်းမှားအောင်.. တမင် သက်သက် လုပ်သွားတာ မဟုတ်ဘူးလို့.. မင်း ဘယ်လို လုပ် သိမှာလဲ။ အကယ်လို့ သူက ကိုယ်ယောင်ဖျောက်ပြီးတဲ့ အချိန်ကျမှ လမ်းကြောင်း ပြောင်းသွားရင်ကော ဘယ်လို လုပ်မလဲ"</p> <p>အခင်းအကျင်း ကျင့်ကြံသူက နှာခေါင်းရှုံ့လိုက်ပြီး ထိုစကားကို အလွန် မကျေမနပ် ဖြစ်သွားပုံ ရ၏။</p> <p>"အကြီးအကဲ လီ... ကျွန်တော် ပြောတဲ့ စကားက ရာခိုင်နှုန်းပြည့် မှန်ကန်တယ်လို့ အာမမခံနိုင်ပါဘူး။ ဒါပေမယ့် စီနီယာအစ်မကြီး ချီ က သူတို့ကို ဆက်ပြီး လိုက်ချင်သေးတယ် ဆိုရင်တော့... ရှေ့ကို ဆက်သွားတာက အဖြစ်နိုင်ဆုံး လမ်းကြောင်းပါပဲ"</p> <p>သူက ချီခယ်ချင်း ကို အကြည့်ပို့လွှတ်လိုက်ပြီး ဆက်ပြောသည်။</p> <p>"စီနီယာအစ်မကြီး ချီ... ကျွန်တော် ပြောစရာ ရှိတာ အကုန် ပြောပြီးပါပြီ။ ဒီနောက်ပိုင်း ဘာဆက်လုပ်မလဲ ဆိုတာကတော့ အစ်မကြီး အပေါ်မှာပဲ မူတည်ပါတယ်ဗျ"</p> <p>စကားဆုံးသည်နှင့် အခင်းအကျင်း ကျင့်ကြံသူက သူ၏ မူလ နေရာသို့ ပြန်သွား၏။</p> <p>သူ အသံထွက် မပြောခဲ့သော အချက်တစ်ခု ရှိသေးသည်။ ၎င်းမှာ နင်ချီ က သူတို့ နောက်မှ လိုက်ပါလာခြင်းကို လုံးဝ ဂရုမစိုက်ဘဲ အရပ်မျက်နှာ တစ်ခုဆီသို့ ပေါ်ပေါ်တင်တင် သွားနေခဲ့ခြင်း ဖြစ်၏။</p> <p>သို့သော် ဤနေရာသို့ ရောက်သောအခါ နင်ချီ နှင့် သူ၏ နောက်လိုက်များက ရုတ်တရက် ပျောက်ကွယ်သွားကြ၏။</p> <p>ဤအချက်က နင်ချီ သည် သူသွားလိုသော ပစ်မှတ် နေရာသို့ နီးကပ်လာပြီ ဖြစ်သောကြောင့် ရုတ်တရက် ကိုယ်ယောင်ဖျောက်သွားခြင်း ဖြစ်ကြောင်း အထင်အရှား ပြသနေပေသည်။</p> <p>ချီခယ်ချင်း ကမူ ခပ်လှမ်းလှမ်းသို့ ငေးကြည့်ရင်း အတွေးပေါင်း မြောက်မြားစွာကို စဉ်းစား တွက်ချက်နေပြီး နောက်ဆုံးတွင် ဆုံးဖြတ်ချက် ချလိုက်၏။</p> <p>"ရှေ့ကို ဆက်သွားကြမယ်"</p> <p>နင်ချီ နှင့် စတင် ဆုံတွေ့ခဲ့ချိန်မှစ၍ နှစ်နာရီပင် မပြည့်သေးသော်ငြားလည်း၊ ဤလူငယ်လေး၏ ပတ်လည်တွင် အဆုံးအစမဲ့သော လျှို့ဝှက်ချက်များ လွှမ်းခြုံနေပြီး သူမကို အဆက်မပြတ် အံ့အားသင့်စေခဲ့သည်ဟု ချီခယ်ချင်း ခံစားနေရသည်။</p> <p>နင်ချီ ၏ လက်ထဲရှိ အိမ်မြှောင်သည် ဆုံမှတ် ကို တကယ်ပဲ ရှာဖွေနိုင်စွမ်း ရှိမရှိ ဆိုသည်ကို သူမ သိချင်နေမိသည်။</p> <p>သို့မဟုတ် ထိုထက်ပိုသော အရာများကို သူမ ဖော်ထုတ် သိရှိချင်နေခြင်းလည်း ဖြစ်နိုင်ပေသည်။ ထိုအကြောင်းပြချက်များကပင် ချီခယ်ချင်း ကို ရှေ့သို့ ဆက်လက် ချီတက်ရန် တွန်းအားပေးနေတော့သည်။</p> <p>မကြာမီမှာပင် ရှေ့ဘက်ရှိ မြင်ကွင်းက ပြောင်းလဲသွား၏။</p> <p>ကမ္ဘာ နှစ်ခု၏ ကမ္ဘာ့စွမ်းအားများ ပေါင်းစပ် ဖွဲ့စည်းထားသော စစ်မြေပြင်နယ်မြေ ၏ မြေမျက်နှာသွင်ပြင်မှာ ညီညာ ပြန့်ူးနေခြင်း မရှိသလို၊ အလွန် ထူးခြားသော ရှုခင်းများ ရှိနေသည်လည်း မဟုတ်ချေ။</p> <p>သို့သော် ဤအခိုက်အတန့်တွင် ချီခယ်ချင်း က လီတစ်ရာခန့် အကွာအဝေး၌ အလွန်တရာ ထူးခြားသော နေရာတစ်ခု ရှိနေကြောင်း အာရုံခံမိလိုက်သည်။</p> <p>ထိုဒေသရှိ ဝိညာဉ်ချီ များမှာ မြူခိုးများအလား သိပ်သည်း ထူထပ်နေပြီး၊ ခပ်လှမ်းလှမ်းမှ ကြည့်မည်ဆိုပါက ထိုဒေသ တစ်ခုလုံး မြူခိုးများ လွှမ်းခြုံနေကာ ကောင်းကင်နှင့် မြေကြီးကို ဆက်စပ်ပေးထားသကဲ့သို့ ထင်ရ၏။</p> <p>သူမ၏ ဝိညာဉ်အာရုံဖြင့်ပင် ထိုအထဲကို ရှင်းလင်းစွာ မမြင်နိုင်ချေ။</p> <p>ချီခယ်ချင်း က ချက်ချင်း ညွှန်ကြားလိုက်သည်။</p> <p>"ရှေ့မှာ အကြီးစား ဆုံမှတ် တစ်ခု ရှိနေပုံရတယ်... သတိထားပြီး ဆက်သွားကြ"</p> <p>ထိုစကားကို ကြားလိုက်ရသောအခါ လူတိုင်းက သူတို့၏ ကိုယ်ပိုင် အခင်းအကျင်းများကို ချက်ချင်း စတင် ဖွဲ့စည်းလိုက်ကြ၏။</p> <p>သူတို့သည် နင်ချီ ကဲ့သို့ တပ်ဖွဲ့ကြီး တစ်ခုလုံးကို အပြည့်အဝ ကိုယ်ယောင်ဖျောက်နိုင်စွမ်း မရှိသော်ငြားလည်း၊ တစ်ဝက်တစ်ပျက် ကိုယ်ယောင်ဖျောက်သည့် အခြေအနေကိုတော့ ဖန်တီးနိုင်စွမ်း ရှိကြပေသည်။</p> <p>တစ်ဝက်တစ်ပျက် ကိုယ်ယောင်ဖျောက်ခြင်း ဆိုသည်မှာ အဘယ်နည်း။ ၎င်းမှာ တစ်ဖက်လူက အသေအချာ စူးစမ်း ထောက်လှမ်းခြင်း မပြုသရွေ့ သူတို့၏ တည်ရှိမှုကို သတိမထားမိနိုင်ခြင်းပင် ဖြစ်၏။</p> <p>သို့သော် အသေအချာ စစ်ဆေးကြည့်မည် ဆိုပါက သူတို့ကို သေချာပေါက် ရှာတွေ့သွားမည်သာ ဖြစ်ချေသည်။</p> <p>...</p> <p>ဝိညာဉ်ရှာဖွေရေး သံလိုက်အိမ်မြှောင် ၏ လမ်းညွှန်မှုအောက်တွင် နင်ချီ က နက်ရှိုင်းသော သစ္စာတရား နယ်မြေ တပ်ဖွဲ့ကြီးကို ဦးဆောင်ကာ ဤ ကြီးမားသော ဆုံမှတ် ကို ရှာဖွေတွေ့ရှိခဲ့ပြီ ဖြစ်၏။</p> <p>ယခုအခါ သူတို့သည် ထို ကြီးမားသော ဆုံမှတ် ၏ လီငါးဆယ် အကွာအဝေး အတွင်းသို့ ရောက်ရှိနေကြပြီ ဖြစ်၏။</p> <p>ဤ လီငါးဆယ် နယ်နိမိတ် တစ်ခုလုံးမှာ ဝိညာဉ်မြူခိုးများဖြင့် အပြည့်အဝ ဖုံးလွှမ်းနေ၏။</p> <p>သူတို့က ဟင်းလင်းပြင်ထဲတွင် ကိုယ်ယောင်ဖျောက်ထားရင်း လေကို ညင်သာစွာ ရှူသွင်းလိုက်ရာ၊ မြူခိုးများအလား သိပ်သည်းနေသော ဝိညာဉ်ချီ များကို ခံစားလိုက်ရပြီး သူတို့၏ စိတ်ဝိညာဉ်များပင် လန်းဆန်း သွားကြတော့သည်။</p> <p>ဤ ကြီးမားသော ဆုံမှတ် ၏ အံ့မခန်း စွမ်းအင်များက တကယ်ကို ရင်သပ်ရှုမောဖွယ် ကောင်းလှကြောင်း သူတို့ မချီးကျူးဘဲ မနေနိုင်အောင် ဖြစ်သွားကြရ၏။</p> <p>အောက်ဘက်မှနေ၍ သားရဲများ၏ ဟိန်းဟောက်သံများ အဆက်မပြတ် ထွက်ပေါ်လာနေပြီး၊ ကောင်းကင်ယံတွင်ပင် ဝေဝါးသော အော်ဟစ်သံများကို ကြားနေရ၏။</p> <p>နင်ချီ က ရှေ့သို့ အကြည့်ပို့လွှတ်လိုက်ရာ ကြည်လင်သော အလင်းတန်း တစ်ခု ထွက်ပေါ်နေသည်ကို တွေ့လိုက်ရသော်လည်း၊ ဝိညာဉ်မြူခိုးများ ကြောင့် အများစုမှာ ဖုံးကွယ်ခံထားရပြီး ရှင်းလင်းစွာ မမြင်ရချေ။</p> <p>သူက သူ၏ ဝိညာဉ်အာရုံကို တိတ်ဆိတ်စွာ ဖြန့်ကျက်လိုက်ရာ၊ မည်သည့် အကာအကွယ်ကမှ သူ့ကို ဆက်လက် မတားဆီးနိုင်တော့ဘဲ အရာအားလုံးက သူ၏ အာရုံခံမှု အောက်တွင် အပြည့်အဝ ထင်ရှား ပေါ်လွင်လာတော့သည်။</p> <p>ဤ အလယ်ဗဟို ဆုံမှတ် ကို သူ ပထမဆုံး ရှာတွေ့ခဲ့ခြင်း မဟုတ်ချေ။</p> <p>လောလောဆယ်တွင် အလယ်ဗဟို၌ တပ်ဖွဲ့တစ်ခု နေရာယူထားပြီး ဤနေရာရှိ နယ်မြေများ ပင်လယ် မှ ကြမ်းကြုတ်သားရဲများကို လိုက်လံ သတ်ဖြတ်နေကြ၏။</p> <p>သူတို့၏ လှုပ်ရှားမှုများမှာ အလွန်တရာ လျှို့ဝှက် သိုသိပ်လှပြီး၊ တိုက်ခိုက်မှုတိုင်းကို အသေအချာ ထိန်းချုပ်ထားကာ သူတို့၏ တည်ရှိမှု ပေါက်ကြားသွားပြီး ရန်သူများကို ဆွဲဆောင်မိမည်ကို ကြောက်ရွံ့နေသည့်အလား ဖြစ်နေပေသည်။</p> <p>ဤတပ်ဖွဲ့၏ အရေအတွက်မှာ နက်ရှိုင်းသော သစ္စာတရား နယ်မြေ မှ ကျင့်ကြံသူများထက်ပင် များပြားနေပြီး၊ သူတို့၏ ဝတ်စုံများကို ကြည့်ခြင်းအားဖြင့် သူတို့ အားလုံးမှာ မီးတောက်များပမာ နီရဲတောက်ပနေသော ဝတ်ရုံများကို ဆင်မြန်းထားကြရာ ကျယ်ပြန့်သော ကမ္ဘာ ၏ ဝိညာဉ်ငှက်နယ်မြေ မှ မီးလျှံငှက် အင်မော်တယ်ဂိုဏ်း က ကျင့်ကြံသူများ ဖြစ်ကြောင်း ထင်ရှားလှပေသည်။</p> <p>ယခင်က နင်ချီ သည် မီးလျှံငှက် အင်မော်တယ်ဂိုဏ်း ၏ တပ်ဖွဲ့ငယ် တစ်ခုကို မျိုးတုံး သတ်ဖြတ်ခဲ့ဖူးသည်။ သူတို့သည် ဤကျယ်ပြောလှသော ဒေသမှတစ်ဆင့် စစ်မြေပြင်နယ်မြေ ထဲသို့ ဝင်ရောက်လာခဲ့ကြပုံ ရ၏။</p> <p>ထို့ကြောင့် နင်ချီ အနေဖြင့် မီးလျှံငှက် အင်မော်တယ်ဂိုဏ်း မှ လူများနှင့် ထပ်ခါတလဲလဲ ဆုံတွေ့နေရခြင်းမှာ သဘာဝပင် ဖြစ်ချေသည်။</p> <p>ယခင်က တွေ့ခဲ့ရသော မီးလျှံငှက် အင်မော်တယ်ဂိုဏ်း ၏ တပ်ဖွဲ့ငယ်မှာ နက်ရှိုင်းသော သစ္စာတရား နယ်မြေ တပ်ဖွဲ့ကြီး၏ သုံးပုံတစ်ပုံခန့်သာ ရှိခဲ့သော်လည်း၊ ယခုအခါတွင်မူ သူတို့၏ အရေအတွက်က နက်ရှိုင်းသော သစ္စာတရား နယ်မြေ မှ လူများထက်ပင် များပြားနေပြီ ဖြစ်၏။</p> <p>မီးလျှံငှက် အင်မော်တယ်ဂိုဏ်း မှ ကျင့်ကြံသူများသည် ဤနေရာတွင် လာရောက် စုဝေးနေကြသည်မှာ ထင်ရှားလှပေသည်။</p> <p>သူတို့က ဤ ကြီးမားသော ဆုံမှတ် ကို သိမ်းပိုက်ရန် ရောက်ရှိနေခြင်းလား၊ သို့မဟုတ် သူတို့ ခွဲထုတ်လိုက်သော တပ်ဖွဲ့ငယ် မျိုးတုံး သတ်ဖြတ်ခံလိုက်ရသည်ကို အာရုံခံမိသွားသဖြင့် အတူတကွ ပြန်လည် စုစည်းလိုက်ကြခြင်းလား ဆိုသည်ကိုတော့ သေချာ မသိရသေးချေ။</p> <p>နင်ချီ က မီးလျှံငှက် အင်မော်တယ်ဂိုဏ်း မှ အဖွဲ့ဝင် အားလုံးကို တစ်ချက် ဝေ့ကြည့်လိုက်ပြီး သူတို့၏ ကျင့်ကြံခြင်း အဆင့်အတန်းများကို တိတ်ဆိတ်စွာ ကဲဖြတ်လိုက်သည်။</p> <p>ခဏအကြာတွင် အခြေအနေ အားလုံးကို သူ အပြည့်အဝ နားလည် သဘောပေါက်သွားတော့သည်။</p> <p>သူတို့အထဲတွင် ပေါင်းစည်းခြင်း နယ်ပယ် အဆင့်ရှိ အထွတ်အထိပ် ဘိုးဘေးကြီး (၉) ပါး၊ ထိပ်တန်း ဘိုးဘေးကြီး (၂၀)၊ သာမန် ဘိုးဘေးကြီး (၅၀) နှင့် အခြားသော ပေါင်းစည်းခြင်း နယ်ပယ် ကျင့်ကြံသူ (၆၀) ပါဝင်နေပေသည်။</p> <p>ဟင်းလင်းပြင် လမ်းစဉ် နယ်ပယ် နှင့် မူလဝိညာဉ် နယ်ပယ် အောက်ရှိ သူများမှာမူ နက်ရှိုင်းသော သစ္စာတရား နယ်မြေ တပ်ဖွဲ့ကြီးနှင့် အကြမ်းဖျင်းအားဖြင့် အရေအတွက် တူညီ၏။</p> <p> </p> <p> </p> <p style="text-align: center;">***</p>


Save