Book List

<h2 style="text-align: center;">အခန်း (၇၄၃)</h2> <h2 style="text-align: center;">ပြတ်သားသော ဆုံးဖြတ်ချက်</h2> <h2 style="text-align: center;">*</h2> <p> </p> <p> </p> <p>~စစ်ခုန်လန်သည် စိတ်သဘောထား အလွန် အကောက်ကြံသူ တစ်ဦး ဖြစ်ပေသည်။</p> <p>ယခင်က ချီခယ်ချင်းကို ချော့မော့ပြောဆို ကာ နင်ချီအား ပစ်မှတ်ထားရန် ဆွဲဆောင်၍ မရခဲ့သဖြင့်၊ ကျောက်စိမ်းအလင်း အင်မော်တယ်ဂိုဏ်း တပ်ဖွဲ့မှ ခွဲထွက်သွားရန် သူ စဉ်းစားခဲ့၏။</p> <p>သို့သော် တိုက်ဆိုင်စွာပင် နင်ချီထံ၌ ဆုံမှတ်များကို ထောက်လှမ်း ရှာဖွေနိုင်စွမ်းရှိသော သံလိုက်အိမ်မြှောင်တစ်ခု ရှိနေပုံရကြောင်း သူ သတိပြုမိလိုက်၏။</p> <p>ထို့ကြောင့် သူက ချက်ချင်း စိတ်ပြောင်းသွားပြီး ချီခယ်ချင်း နောက်သို့ ဆက်လက် လိုက်ပါကာ အခြေအနေကို အရင်ဆုံး စောင့်ကြည့်ရန် ဆုံးဖြတ်လိုက်တော့သည်။</p> <p>အကယ်၍ နင်ချီက ဆုံမှတ်များကို တကယ်ပဲ ရှာဖွေနိုင်စွမ်း ရှိနေမည် ဆိုပါက၊ ဤကိစ္စနှင့် ပတ်သက်၍ သူ တစ်ခုခု စနစ်တကျ အကွက်ချ ကြံစည် နိုင်ကောင်းပါရဲ့ဟု သူ တွေးလိုက်မိသည်။</p> <p>သို့ဖြစ်၍ ဤနေရာသို့ ရောက်ရှိလာသောအခါ၊ ရှေ့ဘက်တွင် ပေါ်လာသော ကြီးမားသည့် ဆုံမှတ်ကြီးက နင်ချီ၏ အိမ်မြှောင် မည်မျှ တန်ဖိုးကြီးမားကြောင်းကို အပြည့်အဝ သက်သေပြနေပြီ ဖြစ်၏။</p> <p>စစ်ခုန်လန်သည် နင်ချီနှင့် နက်ရှိုင်းသော သစ္စာတရား နယ်မြေ တပ်ဖွဲ့ကြီးကို မျက်စိဖြင့် မမြင်ရသော်ငြားလည်း၊ သူတို့ သေချာပေါက် အနီးအနားတွင် ရှိနေမည်ဟု ယုံကြည်ထား၏။</p> <p>ဆိုလိုသည်မှာ နင်ချီက ဆုံမှတ်ကို တကယ် ရှာတွေ့နိုင်ခြင်းပင် ဖြစ်ချေသည်။</p> <p>ထိုအခိုက်အတန့်၌ မီးလျှံငှက် အင်မော်တယ်ဂိုဏ်း ၏ တပ်ဖွဲ့ကြီးက သူတို့ကို ရှာတွေ့သွားပြီး၊ သူတို့ကို တားဆီးရန် အထွတ်အထိပ် ဘိုးဘေးကြီး နှစ်ပါးကို စေလွှတ်လိုက်၏။</p> <p>စစ်ခုန်လန် လုံးဝ မထင်မှတ်ထားသည်မှာ ချီခယ်ချင်းက အလွန်တရာ ပြတ်သားလွန်းနေပြီး၊ ထိုလူနှစ်ယောက်ကို တိုက်ရိုက် မျိုးတုံး သတ်ဖြတ်ပစ်လိုက်ခြင်းပင် ဖြစ်၏။ ဤလုပ်ရပ်ကြောင့် မီးလျှံငှက် အင်မော်တယ်ဂိုဏ်း တပ်ဖွဲ့၏ အင်အား တစ်ဝက်ခန့်ကို ဆွဲဆောင်လိုက်သလို ဖြစ်သွားတော့သည်။</p> <p>'ကျစ်... နင်ချီက အရိပ်အယောင်လေးတောင် မပြသေးဘူး၊ သူတို့အချင်းချင်း အရင် သတ်ပုတ်နေကြပြီ။' စစ်ခုန်လန် အနေဖြင့် ဤကဲ့သို့ အရှုံးပေါ်မည့် ကိစ္စမျိုးကို ဘယ်လိုလုပ်ပြီး ဝင်ပါနိုင်မည်နည်း။</p> <p>ဤမျှ အရေးကြီးသော အခြေအနေတွင် စစ်ခုန်လန်သည် စိမ်းပြာ နက်ရှိုင်း အင်မော်တယ်ဂိုဏ်း နှင့် သူ၏ လက်အောက်ခံများကို တိုက်ရိုက် ဆက်သွယ်လိုက်ပြီး၊ ချီခယ်ချင်းတို့ တစ်စု မီးလျှံငှက် အင်မော်တယ်ဂိုဏ်း နှင့် သည်းကြီးမည်းကြီးတိုက်ခိုက် နေစဉ်အတွင်း တိုက်ပွဲထဲမှ ချက်ချင်း ဆုတ်ခွာရန် ရွေးချယ်လိုက်တော့သည်။</p> <p>စစ်ခုန်လန်သည် နောက်ကျောကို ဓားနှင့် ထိုးမည့် တကယ့် ပရော်ဖက်ရှင်နယ် လူယုတ်မာ တစ်ဦး ဖြစ်ကြောင်း ထင်ရှားလှသည်။</p> <p>ယခင်က ကျောက်စိမ်းအလင်း အင်မော်တယ်ဂိုဏ်း တပ်ဖွဲ့မှ သူ မထွက်ခွာခဲ့ခြင်းမှာ ချီခယ်ချင်း၏ အငြိုအငြင်ကို ခံရမည် စိုးသောကြောင့် ဖြစ်၏။</p> <p>ယခုအချိန်တွင်မူ ချီခယ်ချင်းသည် မီးလျှံငှက် အင်မော်တယ်ဂိုဏ်း ၏ ဖိနှိပ် ချုပ်ချယ်မှုကို ခံနေရပြီ ပင်။</p> <p>‘သူမ မကျေနပ်ရင်ကော ဘာလုပ်နိုင်မှာလဲ။ စွမ်းနိုင်ရင် နောက်ကနေ လိုက်လာခဲ့ရုံသာ။’</p> <p>မထွက်ခွာမီ စစ်ခုန်လန်က ခပ်ပြုံးပြုံး ဖြင့် အသံလွှင့်ကာ ပြောလိုက်၏။</p> <p>"စီနီယာအစ်မကြီး ချီ... အစ်မကြီးက ကျွန်တော့်လူတွေကို ခေါ်ပြီး အချိန်မရွေး ထွက်သွားခွင့် ရှိတယ်လို့ ပြောထားခဲ့တယ်နော်။ ဒါကြောင့် ကျွန်တော်တို့ အစ်မကြီးကို ဆက်ပြီး အဖော်မလုပ်ပေးနိုင်တော့ဘူးဗျာ"</p> <p>စိမ်းပြာ နက်ရှိုင်း အင်မော်တယ်ဂိုဏ်း တပ်ဖွဲ့ကြီး လျင်မြန်စွာ ပျောက်ကွယ်သွားသည်ကို ကြည့်ရင်း ချီခယ်ချင်းနှင့် ကျောက်စိမ်းအလင်း အင်မော်တယ်ဂိုဏ်း မှ လူများ မျက်နှာ ကွက်ခနဲ ပျက် သွားကြပြီး ဒေါသထွက်လွန်းသဖြင့် ရင်ကွဲမတတ် ဖြစ်သွားကြသည်။</p> <p>စစ်ခုန်လန်သည် အပြင်ပန်းတွင် သူတော်ကောင်း ယောင်ဆောင်ထားသော်ငြားလည်း၊ ဤမျှ အရှက်ကင်းမဲ့သော လုပ်ရပ်ကို ကျူးလွန် လိမ့်မည်ဟု မည်သူကမျှ ထင်မှတ်မထားခဲ့ကြချေ။ သူတို့အားလုံး သူ့အပေါ် အထင်မှားခဲ့ကြပြီ ဖြစ်၏။</p> <p>လူတိုင်းအတွက် တစ်ခုတည်းသော ဖြေသိမ့်စရာမှာ စစ်ခုန်လန်.. မူလက ဦးဆောင်လာခဲ့သော တပ်ဖွဲ့ကြီး တစ်ခုလုံးက သူနှင့် တူမနေခြင်းပင် ဖြစ်သည်။ သူတို့ထဲမှ သုံးပုံ တစ်ပုံခန့်က ကျောက်စိမ်းအလင်း အင်မော်တယ်ဂိုဏ်း ၏ တပ်ဖွဲ့ထဲတွင် ဆက်လက် ကျန်ရစ်နေခဲ့ကြ၏။</p> <p>ကျန်ရစ်ခဲ့သော သူများမှာ တိုက်ပွဲမှ ထွက်ပြေးရမည်ကို ရှက်ရွံ့သူများ ဖြစ်လျှင်ဖြစ်မည်။ သို့မဟုတ်ပါက စစ်ခုန်လန် ထက်စာလျှင် ချီခယ်ချင်းက ပိုမို အားထားရသည်ဟု ယုံကြည်သူများ ဖြစ်ပေလိမ့်မည်။</p> <p>လူသုံးပုံတစ်ပုံက ကျောက်စိမ်းအလင်း အင်မော်တယ်ဂိုဏ်း တွင် ဆက်နေရန် ရွေးချယ်လိုက်သည့် အချက်အပေါ်  စစ်ခုန်လန်က ပေါ့ပေါ့ပါးပါး ဟားတိုက်လိုက်သော်လည်း၊ သူ၏ ရင်တွင်း၌တော့ အနည်းငယ် လန့်သွားမိ၏။</p> <p>ကံကောင်းလို့သာ သူက ဒီအချိန်မှာ ထွက်ခွာလာဖို့ ရွေးချယ်လိုက်၍။</p> <p>သို့မဟုတ်ပါက ချီခယ်ချင်း နောက်သို့သာ ဆက်လိုက်နေမည် ဆိုလျှင် အနာဂတ်တွင် ပိုမိုများပြားသော လူများက သူမ၏ သဘောထားကို လက်ခံသွားကြပေလိမ့်မည်။</p> <p>ထိုသို့ ဆိုပါက၊  သူနှင့် သူ၏ စိမ်းပြာ နက်ရှိုင်း အင်မော်တယ်ဂိုဏ်း က တစ်ကိုယ်တော် အထီးကျန် စစ်သူကြီး ဖြစ်သွားမှာ မဟုတ်ပါလား။</p> <p>ချီခယ်ချင်းက သူမ၏ လူများကို ဦးဆောင်ကာ မီးလျှံငှက် အင်မော်တယ်ဂိုဏ်း နှင့် ဆက်လက် တိုက်ခိုက်နေရ၏။ စစ်ခုန်လန် ကို ပြဿနာ သွားရှာရန် သူမတွင် အချိန်မရှိချေ။ လောလောဆယ်တွင် မည်သည့်အရာက ပိုမို အရေးကြီးကြောင်းကို သူမ ကောင်းကောင်း ရှင်းလင်းစွာ သိထား၏။</p> <p>ထို့အပြင် ချီခယ်ချင်းက မီးလျှံငှက် အင်မော်တယ်ဂိုဏ်း ၏ အထွတ်အထိပ် ဘိုးဘေးကြီး နှစ်ပါးကို မျက်တောင်တစ်ခတ် အတွင်း ပြိုင်တူ ဝင်ရောက် သတ်ဖြတ်ရန် အမိန့်ပေးခဲ့ပြီး ဖြစ်သည်။</p> <p>ဤမျှ ကြီးမားလှသော သွေးရန်ကြွေးကြီး ဖြစ်တည်နေပြီ ဖြစ်ရာ၊ ချီခယ်ချင်း အနေဖြင့် စစ်ခုန်လန်ကို ပြဿနာ သွားရှာချင်လျှင်တောင်မှ မီးလျှံငှက် အင်မော်တယ်ဂိုဏ်း က သူတို့ကို အလွယ်တကူ ထွက်သွားခွင့် ပေးပါမည်လော။</p> <p>...</p> <p>နင်ချီ နှင့် သူ၏ တပ်ဖွဲ့ကြီးမှာ ဆုံမှတ် ဗဟိုချက်၏ အပြင်ဘက် ဆယ်လီ အကွာရှိ ဟင်းလင်းပြင်ထဲတွင် တိတ်တဆိတ် ပုန်းအောင်းနေကြ၏။</p> <p>မီးလျှံငှက် အင်မော်တယ်ဂိုဏ်း မှ လူများ အဖွဲ့နှစ်ဖွဲ့ ကွဲသွားပြီး နယ်မြေများ ပင်လယ် မှ ကြမ်းကြုတ်သားရဲများနှင့် ချီခယ်ချင်း ၏ လူများကို တစ်ပြိုင်နက်တည်း ခွဲ၍ တိုက်ခိုက်နေသည်ကို မြင်လိုက်ရသောအခါ၊ သူတို့၏ အခွင့်အရေး ရောက်ရှိလာပြီဟု ရုတ်တရက်.. ခံစားလိုက်ကြရ၏။</p> <p>လူတိုင်းက နင်ချီ ကို မမှိတ်မသုန်ကြည့်လိုက်ကြပြီး သူ၏ အမြော်အမြင် ကြီးမားမှုကို တိတ်တဆိတ် ချီးကျူး အားကျနေကြတော့သည်။</p> <p> </p> <p> </p> <p style="text-align: center;">***</p>


Save