Book List

<h2 style="text-align: center;">အခန်း (၇၄၇)</h2> <h2 style="text-align: center;">ပြတ်သားသော ဆုံးဖြတ်ချက် (၅)</h2> <h2 style="text-align: center;">*</h2> <p> </p> <p> </p> <p>~ဓားဘိုးဘေးကြီး က ဆက်မေးလိုက်သည်။</p> <p>"ငါတို့ ဘယ်နေရာကို အရင် ဝင်တိုက်ကြမလဲ"</p> <p>နင်ချီတွင် သူ၏ အင်အားများကို နှစ်ပိုင်းခွဲကာ နေရာနှစ်ခုကို တစ်ပြိုင်နက် တိုက်ခိုက်ရန် ရည်ရွယ်ချက် လုံးဝ မရှိချေ။ သူ၏ အစီအစဉ်မှာ အင်အား အားလုံးကို တစ်နေရာတည်းတွင် စုစည်းပြီး ထိုနေရာကို အပြတ်အသတ် သိမ်းပိုက် ခြေမှုန်းရန်သာ ဖြစ်၏။</p> <p>သူက လက်ညှိုးညွှန်ပြကာ ပြောလိုက်၏။</p> <p>"ဒီနေရာကို အရင် တိုက်မယ်ဗျာ။ ချီခယ်ချင်း ကတော့ လောလောဆယ် တောင့်ခံထားနိုင်ဦးမှာပါ။ ဒီဘက်က ကိစ္စကို ရှင်းပြီးတာနဲ့ သူတို့ကို သွားကူညီကြတာပေါ့"</p> <p>ဓားဘိုးဘေးကြီး က ချက်ချင်း သဘောတူလိုက်သည်။</p> <p>"ကောင်းပြီလေ"</p> <p>နင်ချီ၏ အမိန့်ပေးသံ ထွက်ပေါ်လာသည်နှင့် တစ်ပြိုင်နက် လူတိုင်းက လက်ဝါးချင်း ပွတ်ကာ စိတ်အား ထက်သန်နေကြပြီး၊ ယခင်က ကျယ်ပြန့်သော ကမ္ဘာမှ အခြား ကျင့်ကြံသူများကို ရင်ဆိုင်ခဲ့စဉ်ကကဲ့သို့ပင် သူတို့၏ အခင်းအကျင်းကို ဖြန့်ကျက်ကာ တိုက်ခိုက်ရန် ပြင်ဆင်လိုက်ကြ၏။ မျက်တောင် တစ်ခတ်စာ အချိန်အတွင်းမှာပင် သူတို့သည် အောက်ဘက်တွင် နယ်မြေများ ပင်လယ် မှ ကြမ်းကြုတ်သားရဲများနှင့် တိုက်ခိုက်နေသော မီးလျှံငှက် အင်မော်တယ်ဂိုဏ်း ၏ တပ်ဖွဲ့ကို အပြည့်အဝ ဝန်းရံ ပိတ်ဆို့လိုက်ကြတော့သည်။</p> <p>လူတိုင်းက အသက်ရှူဖို့ပင် မေ့လျော့နေကြပြီး နင်ချီ၏ နောက်ဆုံး အမိန့်ပေးမှုကိုသာ စောင့်ဆိုင်းနေကြ၏။</p> <p>နင်ချီ သည် အလယ်ဗဟို အကျဆုံး နေရာသို့ ရောက်ရှိသွားပြီးနောက် သူ၏ လက်ကို ရုတ်တရက် ဝှေ့ယမ်းကာ အမိန့်ပေးလိုက်တော့သည်။</p> <p>ဓားဘိုးဘေးကြီး က ရှေ့ဆုံးမှ ဦးဆောင်ကာ သူ၏ ဓားကို အားကုန် လွှဲခုတ်လိုက်၏။ သူက အကောင်းဆုံးသော ထောင့်ချိုး တစ်ခုကို ရွေးချယ်လိုက်ပြီး အောက်ဘက်ရှိ မီးလျှံငှက် အင်မော်တယ်ဂိုဏ်း မှ အထွတ်အထိပ် ဘိုးဘေးကြီး သုံးပါးဆီသို့ တည့်မတ်စွာ ပစ်မှတ်ထားလိုက်ခြင်းပင် ဖြစ်ချေသည်။</p> <p>“ရွှီး…”</p> <p>အေးစက်ပြီး တိတ်ဆိတ်လှသော ဤဓားချက်သည် မည်သည့် အသံမျှ ထွက်ပေါ်မလာခဲ့ပေ။ အဆုံးအစမဲ့သော ဓားဆန္ဒများနှင့် ကျောချမ်းဖွယ် ကောင်းလှသော ဓားအလင်းတန်းများသာ လင်းလက်သွားတော့သည်။</p> <p>ဓားသွား ဖြတ်သန်းသွားရာ လမ်းကြောင်း တစ်လျှောက်တွင် ဟင်းလင်းပြင်ကြီး ပင်လျှင် ထိုးဖောက် စုတ်ပြဲသွား၏။</p> <p>နယ်မြေများ ပင်လယ် မှ မဟာ မိစ္ဆာဘုရင်ကြီး ငါးပါးနှင့် အကြိတ်အနယ် တိုက်ခိုက်နေကြသော အထွတ်အထိပ် ဘိုးဘေးကြီး သုံးပါးမှာ မျက်စိတစ်မှိတ် အတွင်းမှာပင် ထို ဓားချက်၏ ရိုက်ခတ်ခြင်းကို မရှူမလှ.. ခံလိုက်ကြရတော့သည်။</p> <p>မဟာ မိစ္ဆာဘုရင်ကြီး ငါးပါးစလုံး အလွန်တရာ အံ့အားသင့် မှင်သက်သွားကြ၏။</p> <p>မီးလျှံငှက် အင်မော်တယ်ဂိုဏ်း မှ လူများမှာလည်း ထိတ်လန့် တုန်လှုပ်သွားကြတော့သည်။</p> <p>သူတို့ ထိတ်လန့် ငိုင်သက်သွားသည့် ထို အခိုက်အတန့်လေး အတွင်းမှာပင်၊ နက်ရှိုင်းသော သစ္စာတရား နယ်မြေ တပ်ဖွဲ့ကြီးက သူတို့၏ ပူးပေါင်း တိုက်ခိုက်မှုများကို ထုတ်လွှတ်လိုက်ကြပြီး အောက်ဘက်ဆီသို့ ရေခဲ မှော်နည်းစနစ် မုန်တိုင်းကြီး တစ်ခုကို တဟုန်ထိုး ရိုက်ခတ်စေလိုက်၏။</p> <p>ချက်ချင်း ဆိုသလိုပင် နောက်ထပ် ရေသဘာဝ တိုက်ခိုက်မှု တစ်ခုက ဧရာမ သမုဒ္ဒရာကြီး တစ်ခုအလား စုစည်း ဖွဲ့တည်လာပြီး အောက်ဘက်သို့ အရှိန်အဟုန်ပြင်းစွာ ပြိုကျလာတော့သည်။</p> <p>ထိုအထဲတွင် မိုးကြိုး သဘာဝ စွမ်းအင်များကို ပိုင်ဆိုင်ထားသော ကျင့်ကြံသူများကလည်း ချက်ချင်း ပူးပေါင်း ပါဝင်လာကြပြီး၊ ထို ရေလှိုင်း သမုဒ္ဒရာကြီးထဲသို့ မရေမတွက်နိုင်သော မိုးကြိုး လျှပ်စီးတန်းများကို အဆက်မပြတ် ပစ်ခတ် ထည့်သွင်းလိုက်ကြ၏။</p> <p>“ဖြောင်း... ဖြောင်း…ဖြောင်း…”</p> <p>ထို ကြောက်မက်ဖွယ် တိုက်ခိုက်မှု သုံးခုစလုံးသည် အချိန်ကိုက် နီးပါး ရောက်ရှိလာကြပြီး မျက်တောင် တစ်ခတ်စာ အချိန်အတွင်းမှာပင် အောက်ဘက်သို့ တဟုန်ထိုး ကျဆင်းသွားတော့သည်။</p> <p>အောက်ဘက်တွင် အသေအလဲ တိုက်ခိုက်နေကြသော နှစ်ဖက်စလုံးသည်... သူတို့၏ အနီးအနားတွင် ကြီးမားလှသော တပ်ဖွဲ့ကြီး တစ်ခုက တိတ်ဆိတ်စွာ ပုန်းအောင်းနေပြီး အကောင်းဆုံး အခွင့်အရေးကို စောင့်ဆိုင်းနေလိမ့်မည်ဟု အိပ်မက်ထဲတွင်ပင် ထင်မှတ်မထားခဲ့ကြချေ။</p> <p>သူတို့သည် အောင်မြင်မှု သေချာပြီဟု မယုံကြည်ရသရွေ့ လုံးဝ မလှုပ်ရှားကြပေ။ သို့သော် လှုပ်ရှားလိုက်ပြီ ဆိုသည်နှင့် မျက်တောင်တစ်ခတ် အတွင်း အပြတ်အသတ် မျိုးတုံး သတ်ဖြတ်ခြင်းသာ ဖြစ်ပေ၏။</p> <p>မျက်စိတစ်မှိတ် အတွင်းမှာပင်၊ မီးလျှံငှက် အင်မော်တယ်ဂိုဏ်း မှ ကျင့်ကြံသူများ ဖြစ်စေ၊ နယ်မြေများ ပင်လယ် မှ ကြမ်းကြုတ်သားရဲ ငါးကောင် ဖြစ်စေ... အားလုံးသည် နက်ရှိုင်းသော သစ္စာတရား နယ်မြေ တပ်ဖွဲ့ကြီး၏ တိုက်ခိုက်မှုများအောက်တွင် လုံးလုံးလျားလျား လွှမ်းမိုး ဝါးမြိုခံလိုက်ကြရတော့သည်။</p> <p>ချက်ချင်းပင် မရေမတွက်နိုင်သော သက်ရှိများ၏ သက်စောင့်စွမ်းအင် အရှိန်အဝါများမှာ လုံးဝ ပျက်သုဉ်း ပျောက်ကွယ်သွားကြ၏။</p> <p>ဤနေရာမှ ပေါက်ကွဲမှု အသံလှိုင်းများမှာ အလွန်တရာ ကြီးမား ပြင်းထန်လှသဖြင့် ချီခယ်ချင်း တို့ အဖွဲ့၏ အာရုံကို သဘာဝကျကျပင် ဖမ်းစားသွား၏။</p> <p>သူတို့၏ တိုက်ခိုက်မှုများ ခေတ္တ ရပ်တန့်သွားကြပြီး၊ လူတိုင်းက ဤ မြင်ကွင်းကို မယုံကြည်နိုင်လောက်အောင် မှင်သက်စွာ ငေးကြည့်နေကြတော့သည်။</p> <p>ချီခယ်ချင်း နှင့် အခြားသူများမှာမူ နင်ချီ နှင့် သူ၏ အဖွဲ့က အနီးအနားတွင် ပုန်းအောင်းနေကြောင်းကို ကြိုတင် သိရှိထားပြီး ဖြစ်ကာ၊ ယခင်ကလည်း နင်ချီက မီးလျှံငှက် အင်မော်တယ်ဂိုဏ်း ၏ အခြား တပ်ဖွဲ့ငယ် တစ်ခုကို သတ်ဖြတ်ခဲ့သည်ကို မျက်မြင်ကိုယ်တွေ့ ကြုံခဲ့ဖူးသဖြင့် အနည်းငယ် အခြေအနေကို လက်ခံနိုင်ကြပါသေးသည်။</p> <p>သို့သော် လူအများအပြားကမူ နင်ချီ ဤအချိန်ကြီးတွင် ဝင်ရောက် လှုပ်ရှားလာလိမ့်မည်ဟု လုံးဝ ထင်မှတ်မထားခဲ့ကြချေ။</p> <p>အထူးသဖြင့် အကြီးအကဲ လီ ပင် ဖြစ်၏။</p> <p>သူသည် မျက်နှာပူပြီး အလွန်တရာ အရှက်ရသွားသလို ခံစားလိုက်ရသည်။ ယခုလေးတင် သူက ချီခယ်ချင်း ကို နင်ချီ တို့၏ နေရာကို ထုတ်ဖော် ပြောပြရန် ဆွဲဆောင်နေခဲ့သည် မဟုတ်ပါလော။</p> <p>အကယ်၍သာ သူတို့က တစ်ဖက်လူကို သတင်းပေးလိုက်မိမည် ဆိုလျှင်၊ နင်ချီ၏ တပ်ဖွဲ့ကြီး အနေဖြင့် ယခုကဲ့သို့ ဝင်ရောက် တိုက်ခိုက်နိုင်စွမ်း ရှိပါဦးမည်လော။</p> <p>ချီခယ်ချင်းက နင်ချီ ရှိရာဘက်သို့ အကြည့်ပို့လွှတ်လိုက်သည့် အခိုက်၊ သူမ၏ မျက်လုံးများထဲတွင် အလင်းရောင်များ တလက်လက် တောက်ပနေ၏။</p> <p>သူမ ထင်ထားသည့် အတိုင်းပင် ဖြစ်ပါသည်။</p> <p>နင်ချီ သည် စစ်ခုန်လန် ကဲ့သို့သော အောက်တန်းကျသည့် လူယုတ်မာ တစ်ယောက် လုံးဝ မဟုတ်ကြောင်း သေချာသွားခဲ့ပြီ ဖြစ်၏။</p> <p> </p> <p> </p> <p style="text-align: center;">***</p>


Save