Book List

<h2 style="text-align: center;">အခန်း (၇၄၉)</h2> <h2 style="text-align: center;">စစ်မြေပြင်နယ်မြေ၏ အရှင်သခင် (၂)</h2> <h2 style="text-align: center;">*</h2> <p> </p> <p> </p> <p>~မိစ္ဆာဘုရင်ကြီး ငါးပါးသည် အညံ့ခံရန် လုံးဝ ဆန္ဒမရှိကြသော်ငြားလည်း၊ ရုပ်ပိုင်းဆိုင်ရာ နာကျင်မှုများကြောင့် အသည်းအသန် အူဟစ်လိုက်ကြရ၏။ သို့သော် သူတို့၏ လည်ပင်းပေါ်ရှိ ဓာတ်ကြီးငါးပါး နတ်ဘုရား စည်းမျဉ်းစွမ်းအားမျှင် က သူတို့၏ အသံများကို ဖိနှိပ်ထားသဖြင့်၊ ထိုအူဟစ်သံများမှာ မှေးမှိန်ပြီး အလွန်တရာ အသံတိမ်နေခဲ့၏။</p> <p>နင်ချီ က သူ၏ လက်ကောက်ဝတ်ကို အနည်းငယ် လှည့်လိုက်ရာ၊ မိစ္ဆာဘုရင်ကြီး ငါးပါး၏ ခေါင်းများလည်း အလိုအလျောက် လှည့်သွားပြီး နောက်ဆုံးတွင် သူနှင့် မျက်နှာချင်းဆိုင် ဖြစ်သွားကြတော့သည်။</p> <p>"မင်းတို့က အခုထိ အညံ့မခံချင်ကြသေးဘူးလား"</p> <p>နင်ချီ အနေဖြင့် ဤမျှ အလျှော့မပေးတတ်သော မိစ္ဆာဘုရင်ကြီး ငါးပါးကို သတ်ပစ်လိုက်ရမည် ဆိုလျှင် အလွန် နှမြောစရာ ကောင်းသည်ဟု ခံစားနေရသည်။</p> <p>သို့သော် သူ ဘာမှ မတတ်နိုင်တော့ချေ။</p> <p>မိစ္ဆာဘုရင်ကြီး ငါးပါးသည် နင်ချီ ၏ ထိန်းချုပ်မှုအောက်တွင် သူ့ကို အတင်းအကျပ် မျက်နှာချင်းဆိုင် ကြည့်နေရချိန်၌၊ နင်ချီ က သူ၏ မျက်လုံးများကို မျက်တောင် တစ်ချက် ခတ်လိုက်ပြီး မူလဝိညာဉ် ဝင်ပူးခြင်း နည်းစနစ် ကို ချက်ချင်း အသက်သွင်းလိုက်တော့သည်။</p> <p>သူ၏ မူလဝိညာဉ် စွမ်းအားများက အပိုင်း ငါးပိုင်း ကွဲထွက်သွားပြီး မိစ္ဆာဘုရင်ကြီး ငါးပါး၏ မျက်ခုံး နှစ်ခုကြားဆီသို့ မျက်စိတစ်မှိတ် အတွင်း ပစ်ထွက်သွား၏။</p> <p>မိစ္ဆာဘုရင်ကြီး ငါးပါး အလွန်တရာ အံ့အားသင့်သွားကြပြီး သူတို့၏ မျက်လုံးများထဲရှိ အလျှော့မပေးသော အရိပ်အယောင်များမှာ တဖြည်းဖြည်း မှေးမှိန် ပျောက်ကွယ်သွားကြတော့သည်။</p> <p>သူတို့သည် မိမိတို့၏ မူလဝိညာဉ် ထဲတွင် ကမ္ဘာမြေကြီးကို ဖန်တီးနိုင်စွမ်းရှိသော ဧရာမ ပုံရိပ်ကြီး တစ်ခု ပေါ်လာပြီး၊ မျက်တောင်တစ်ခတ် အတွင်း သူတို့၏ ဝိညာဉ်များကို ဖမ်းဆုပ်သွားသကဲ့သို့ ခံစားလိုက်ကြရ၏။</p> <p>တစ်ခဏမျှ သူတို့သည် မိမိတို့ကိုယ်ကို မည်သူမည်ဝါ ဖြစ်ကြောင်း မေ့လျော့သွားကြပြီး၊ အရာအားလုံးကို မေ့လျော့သွားကာ အသက်နှင့် သေခြင်းတရား ကြားတွင် လွင့်မျောနေသကဲ့သို့ ဖြစ်သွားကြသည်။ သူတို့၏ ဝိညာဉ်များ ငြိမ်းသက်သွားပြီး အဆုံးအစမဲ့သော အမှောင်ထုနှင့် အထီးကျန်ဆန်မှုများသာ ကျန်ရစ်ခဲ့တော့သည်။</p> <p>ထို့နောက် အမှောင်ထုကြီး နောက်ဆုံးတွင် ပျောက်ကွယ်သွားပြီး အလင်းရောင် တစ်ချက်ကို ထပ်မံ မြင်တွေ့လိုက်ရချိန်တွင်မူ၊ မိစ္ဆာဘုရင်ကြီး တစ်ကောင်စီတိုင်းသည် သူတို့၏ မှတ်ဉာဏ်များကို ပြန်လည် ရရှိသွားကြပြီ ဖြစ်၏။</p> <p>နင်ချီ က မိစ္ဆာဘုရင်ကြီး ငါးပါး၏ လည်ပင်းမှ ဓာတ်ကြီးငါးပါး နတ်ဘုရား စည်းမျဉ်းစွမ်းအားမျှင် များကို ဖြုတ်ပေးလိုက်သည်။</p> <p>မိစ္ဆာဘုရင်ကြီး ငါးပါးသည် သူ၏ ရှေ့တွင် ဒူးထောက်ကာ ပြိုင်တူ အော်ဟစ်လိုက်ကြ၏။</p> <p>"သခင်..."</p> <p>ဤမြင်ကွင်းကို မြင်လိုက်ရသောအခါ ယခင်က နင်ချီ ယဉ်ပါးအောင် ဆုံးမထားခဲ့သော နဂါးနက်ကြီး နှင့် ပျားမိစ္ဆာ ဘုရင်မကြီး တို့မှာ အလွန်တရာ တုန်လှုပ်သွားကြတော့သည်။</p> <p>ကံကောင်းလို့ သူတို့က နင်ချီ ကို လိုလိုလားလား အညံ့ခံခဲ့လို့ပေါ့။ သို့မဟုတ်ပါက နင်ချီ က သူတို့ကိုလည်း ဤနည်းလမ်းကို အသုံးပြုခဲ့မည်မှာ သေချာလှပေသည်။</p> <p>ထိုအခိုက်အတန့်တွင် မိစ္ဆာဘုရင်ကြီး ငါးပါးသည် ယခင်က မိစ္ဆာဘုရင်ကြီး များ ဖြစ်နေသေးရဲ့လား ဆိုသည်ကို မည်သူမှ မသိနိုင်တော့ချေ။</p> <p>နက်ရှိုင်းသော သစ္စာတရား နယ်မြေ မှ လူများမှာမူ နင်ချီ ကို ပိုမို ယုံကြည် ကိုးစားသွားကြတော့သည်။</p> <p>အောက်ဘက်ရှိ နယ်မြေများ ပင်လယ် မှ ကြမ်းကြုတ်သားရဲများနှင့် မီးလျှံငှက် အင်မော်တယ်ဂိုဏ်း မှ လူများကို စတင် တိုက်ခိုက်ချိန်မှစ၍၊ နင်ချီ က မိစ္ဆာဘုရင်ကြီး ငါးပါးကို အပြည့်အဝ အညံ့ခံစေခဲ့သည့် အချိန်အထိ... ပြောရလျှင် ကြာသည်ဟု ထင်ရသော်လည်း တကယ်တမ်းတွင် အသက် အနည်းငယ် ရှူချိန်မျှသာ ကြာမြင့်ခဲ့ခြင်း ဖြစ်ပါ၏။</p> <p>နင်ချီ က ဓားဘိုးဘေးကြီး နှင့် နက်ရှိုင်းသော သစ္စာတရား နယ်မြေ မှ လူများဘက်သို့ လှည့်ကာ ပြောလိုက်သည်။</p> <p>"ဒီကိစ္စက မင်းတို့နဲ့ မဆိုင်တော့ဘူး... ဖူယောင် နယ်မြေ က လူတွေကို အရင် သွားကူညီလိုက်ကြ"</p> <p>လူတိုင်းက ချက်ချင်း ပြန်ဖြေလိုက်ကြ၏။</p> <p>"မှန်လှပါ ခင်ဗျာ"</p> <p>သူတို့က တိုက်ခိုက်ရေး အခင်းအကျင်း ကို ဖွဲ့စည်းထားပြီး ဖြစ်ရာ၊ အားလုံးက နောက်သို့ ချာခနဲ လှည့်ကာ ကျန်ရစ်နေသော မီးလျှံငှက် အင်မော်တယ်ဂိုဏ်း မှ ကျင့်ကြံသူများဆီသို့ ချက်ချင်းပင် ပြေးဝင် သတ်ဖြတ်ရန် ထွက်ခွာသွားကြတော့သည်။</p> <p>"သတ်..."</p> <p>သူတို့၏ ညာသံပေးကာ အော်ဟစ်လိုက်သော အသံ တစ်သံတည်းမှာပင် ကောင်းကင်နှင့် မြေကြီးကို ပြောင်းပြန်လှန်ပစ်နိုင်စွမ်း ရှိသည့်အလား ထင်မှတ်ရ၏။</p> <p>ထိုအသံကြီးက ကောင်းကင် စည်တော်ကြီး တစ်လုံးကို တီးခတ်လိုက်သည့်အလား နေရာအနှံ့ ရိုက်ခတ်သွားပြီး၊ ထိတ်လန့် ငိုင်သက်နေသော မီးလျှံငှက် အင်မော်တယ်ဂိုဏ်း မှ ကျင့်ကြံသူများ၏ အာရုံကို ချက်ချင်း ဖမ်းစားသွားတော့သည်။ သူတို့ အားလုံး၏ မျက်နှာသွင်ပြင်များ ပြောင်းလဲသွားကြ၏။</p> <p>"သတ်..."</p> <p>ထိုအခိုက်အတန့်မှာပင် သူတို့၏ ဘေးဘက်မှ နောက်ထပ် ကျောချမ်းဖွယ် အသံတစ်ခု ထွက်ပေါ်လာပြန်သည်။</p> <p>ချီခယ်ချင်း ၏ ဖူယောင် နယ်မြေ တပ်ဖွဲ့ကြီးကလည်း ပြိုင်တူ ညာသံပေးကာ အော်ဟစ်လိုက်ကြပြီး၊ ယခင်က အားအင် ဆုတ်ယုတ်နေသော တပ်ဖွဲ့ဝင်များမှာ ချက်ချင်းပင် စိတ်ဓာတ်များ တက်ကြွလာကြတော့သည်။</p> <p>တကယ်တမ်း ဆိုရလျှင် သူတို့သည် ယခင်က နက်ရှိုင်းသော သစ္စာတရား နယ်မြေ တပ်ဖွဲ့ကြီးကို ရန်သူများအဖြစ် မှတ်ယူထားခဲ့ကြပြီး၊ မိမိတို့နှင့် နှိုင်းယှဉ်ကြည့်ပြီးနောက် သူတို့၏ ရင်တွင်း၌ မကျေနပ်မှုများ သဘာဝကျကျ ရှိနေခဲ့ကြ၏။</p> <p>သို့သော် ယခုအခါ အခြေအနေများ ပြောင်းလဲသွားပြီးနောက်၊ တစ်ဖက်လူက ရန်သူမှနေ၍ ကူညီ ထောက်ပံ့သူများ အဖြစ် ရုတ်တရက် အသွင်ပြောင်းသွားရာ၊ ဖူယောင် နယ်မြေ တပ်ဖွဲ့ကြီးမှာ မျှော်လင့်ချက်များဖြင့် ပြည့်နှက်သွားကြတော့သည်။</p> <p>လူတိုင်းက အောင်ပွဲအတွက် အခွင့်အရေးကို မြင်တွေ့လိုက်ရပြီး၊ ဤကဲ့သို့သော အစွမ်းထက် ကူညီသူများ ရရှိလာသဖြင့် သဘာဝကျကျပင် အလွန်တရာ ဝမ်းသာ ပျော်ရွှင်သွားကြ၏။</p> <p>ကျန်ရစ်နေသော မီးလျှံငှက် အင်မော်တယ်ဂိုဏ်း မှ ကျင့်ကြံသူများမှာမူ၊ ချီခယ်ချင်း နှင့် အခြားသူများကို တိုက်ခိုက်ခဲ့စဉ်က အသာစီး ရနေခဲ့ကြသော်ငြားလည်း...</p> <p>ယခုအချိန်တွင်မူ ကြီးမားလှသော တပ်ဖွဲ့ကြီး နှစ်ခုက ရှေ့နောက် ညှပ်ကာ တိုက်ခိုက်လာသည်ကို မြင်တွေ့လိုက်ရသောအခါ၊ အထူးသဖြင့် သူတို့၏ လူတစ်ဝက်ခန့်ကို ယခုလေးတင် မျိုးတုံး သတ်ဖြတ်ခဲ့သော နက်ရှိုင်းသော သစ္စာတရား နယ်မြေ တပ်ဖွဲ့ကြီးကို မြင်လိုက်ရသောအခါ၊ သူတို့၏ ရင်တွင်း၌ ကြောက်ရွံ့ ထိတ်လန့်မှုများ ပြည့်နှက်သွားကြတော့သည်။</p> <p>တစ်ခဏမျှ သူတို့သည် မည်သည့်ဘက်သို့ လှည့်ရမှန်း မသိတော့ဘဲ လှောင်အိမ်ထဲ ပိတ်မိနေသလို ခံစားလိုက်ရပြီး၊ ဘယ်လိုပဲ ဖြစ်ဖြစ် သေခြင်းတရားမှ မလွတ်ကင်းနိုင်တော့ဘူးဟု ထင်မှတ်သွားကြ၏။</p> <p>သူတို့က မီးလျှံငှက် အခင်းအကျင်းကို ဆက်လက် ထိန်းသိမ်းထားကြသော်လည်း၊ ဧရာမ မီးလျှံငှက် ကြီးထံမှ ထွက်ပေါ်နေသော မီးတောက်များမှာ အနည်းငယ် မှေးမှိန်သွားခဲ့ပြီ ဖြစ်၏။</p> <p>မီးလျှံငှက် ၏ ဦးခေါင်းပိုင်းကို သူတို့ထဲမှ အစွမ်းအထက်ဆုံး သူများဖြင့် ဖွဲ့စည်းထားပြီး၊ အထက်ဆုံး နေရာတွင် ဝဲပျံနေသူမှာ ဤတပ်ဖွဲ့ကြီး၏ ခေါင်းဆောင် ဖြစ်ပေသည်။</p> <p>အခြေအနေ မကောင်းတော့သည်ကို မြင်လိုက်ရသောအခါ သူက လူအုပ်ကြီးကို ချော့မော့ နှစ်သိမ့်ရတော့မည်ကို သဘောပေါက်သွား၏။</p> <p>ချက်ချင်းပင် သူက လူတိုင်းထံသို့ အသံလွှင့်ကာ ပြောလိုက်သည်။</p> <p>"အားလုံး မထိတ်လန့်ကြနဲ့... ငါ အဆောင်ပြား ကို ချိုးပြီး နယ်မြေအရှင်သခင် ကို ပြန်ခေါ်ထားလိုက်ပြီ"</p> <p>"ဟုတ်တယ်... ငါတို့ဆီမှာ ပြိုင်ဘက်ကင်း နယ်မြေအရှင်သခင် ရှိသေးတယ်။ အားလုံး တည်တည်ငြိမ်ငြိမ် နေကြ" ဟု အောက်ဘက်ရှိ နောက်ထပ် လူတစ်ဦးကလည်း ထောက်ခံလိုက်သည်။</p> <p>"နယ်မြေအရှင်သခင်"</p> <p>နယ်မြေအရှင်သခင် ဟူသော ဘွဲ့နာမကို ကြားလိုက်ရုံမျှဖြင့် ထိတ်လန့် တုန်လှုပ်နေသော မီးလျှံငှက် အင်မော်တယ်ဂိုဏ်း မှ ကျင့်ကြံသူများ အားလုံး၏ စိတ်များ ချက်ချင်း တည်ငြိမ်သွားကြပြီး၊ မုန်တိုင်းများ အားလုံးကို တည်ငြိမ်ရေး စွမ်းအား တစ်ခုက အပြည့်အဝ ဖိနှိပ်ပစ်လိုက်သကဲ့သို့ ဖြစ်သွားတော့သည်။</p> <p>သူတို့၏ စိတ်ထဲတွင် ပုံရိပ်တစ်ခု ထွက်ပေါ်လာ၏။ ထိုသူမှာ သူတို့ ..ကျယ်ပြန့်သော ကမ္ဘာ ၏ လင်းချင်း နယ်မြေ မှ ယခု စစ်မြေပြင်နယ်မြေ သို့ ဝင်ရောက်လာသော ထိပ်တန်း ကျင့်ကြံသူ ပင် ဖြစ်ချေသည်။</p> <p>"ငါတို့ နည်းနည်းလောက် ထပ်ပြီး တောင့်ခံထားလိုက်ရင် နယ်မြေအရှင်သခင် ပြန်လာပြီး ငါတို့ကို ကယ်တင်ပေးနိုင်လိမ့်မယ်"</p> <p>ထိုစကားများအပြီးတွင် မီးလျှံငှက် အင်မော်တယ်ဂိုဏ်း မှ လူတိုင်းသည် တိုက်ပွဲကို ဆက်လက် ဆင်နွှဲနိုင်ရန် အားအင်ဖြစ်စေမည့် ယုံကြည်ချက် ပြန်ရသွားကြ၏။</p> <p>အနည်းငယ် မှေးမှိန်သွားခဲ့သော မီးလျှံငှက် ၏ ပုံရိပ်ကြီးမှာ သွေ့ခြောက်နေသော သစ်ပင်ကြီး ပြန်လည် ရှင်သန်လာသကဲ့သို့ ရုတ်တရက် တောက်ပလာတော့သည်။</p> <p>ချီခယ်ချင်း နှင့် သူမ၏ အဖွဲ့က သူတို့နှင့် အနီးဆုံးတွင် ရှိနေပြီး နှစ်ဖက်စလုံး ထပ်မံ ထိပ်တိုက် ရင်ဆိုင်မိသွားကြ၏။</p> <p>နက်ရှိုင်းသော သစ္စာတရား နယ်မြေ တပ်ဖွဲ့ကြီးသည်လည်း လျင်မြန်စွာ ရောက်ရှိလာပြီး ခပ်လှမ်းလှမ်းမှနေ၍ မီးလျှံငှက် အင်မော်တယ်ဂိုဏ်း မှ လူများကို ခုတ်ပိုင်း တိုက်ခိုက်လိုက်ကြသည်။</p> <p>ဤသည်မှာ တောင်နှင့် ပင်လယ် ကမ္ဘာ ၏ တပ်ဖွဲ့ နှစ်ခု ပထမဆုံး အကြိမ် ပူးပေါင်း ဆောင်ရွက်ခြင်း ဖြစ်သည်။ ယခင်က အတူတကွ လေ့ကျင့်ချိန် မရခဲ့သော်ငြားလည်း သူတို့၏ ပူးပေါင်းမှု ရလဒ်များက အတော်လေး ကောင်းမွန်လှ၏။</p> <p>မီးလျှံငှက် အင်မော်တယ်ဂိုဏ်း မှ လူများ ဖွဲ့စည်းထားသော ဧရာမ မီးလျှံငှက် ကြီးမှာ မျက်စိတစ်မှိတ် အတွင်း ကျုံ့ဝင်သွားသည်။</p> <p>၎င်း၏ အပြင်ဘက် အတောင်ပံများကို ဖွဲ့စည်းထားသော ကျင့်ကြံသူ များမှာ ဟင်းလင်းပြင်ထဲသို့ ဖက်ထုပ်များအလား ပြုတ်ကျသွားကြပြီး မီးတောက်များထဲတွင် အသက်ပျောက်သွားကြတော့၏။</p> <p>အဖွဲ့ သုံးဖွဲ့စလုံး ဆက်လက် တိုက်ခိုက်နေကြပြီး၊ နောက်ထပ် တိုက်ခိုက်မှု လှိုင်း အနည်းငယ် ထပ်မံ ထွက်ပေါ်လာမည် ဆိုပါက မီးလျှံငှက် အင်မော်တယ်ဂိုဏ်း မှာ သေချာပေါက် မျိုးတုံး ပျက်စီးသွားတော့မည် ဖြစ်သည်။</p> <p>ဤသည်မှာပင် နက်ရှိုင်းသော သစ္စာတရား နယ်မြေ တပ်ဖွဲ့ကြီးက သူတို့၏ စွမ်းအား အချို့ကို ချုပ်တည်းထားခြင်းကြောင့် ဖြစ်၏။ အဓိက ရည်ရွယ်ချက်မှာ ဖူယောင် နယ်မြေ တပ်ဖွဲ့ကြီးကို မတော်တဆ ထိခိုက်မိမည် စိုးသောကြောင့်ပင်။</p> <p>ထို့ကြောင့် သူတို့၏ တိုက်ခိုက်မှုများက ယခင်က မီးလျှံငှက် အင်မော်တယ်ဂိုဏ်း ၏ အခြား တစ်ဝက်ကို တိုက်ခိုက်ခဲ့စဉ်ကလောက် ပြတ်သား ထက်မြက်ခြင်း မရှိတော့ချေ။</p> <p>ယခင်က တိုက်ခိုက်မှုမှာ လုံးဝ မထင်မှတ်ထားသော ရန်သူများကို အငိုက်ဖမ်းကာ စနစ်တကျ အကွက်ချ တိုက်ခိုက်ခဲ့ခြင်း ဖြစ်ပေ၏။</p> <p>...</p> <p>နင်ချီ ကမူ တိုက်ပွဲထဲသို့ ဝင်ရောက် မပါဝင်ခဲ့ချေ။</p> <p>သူက သူ့ရှေ့ရှိ မိစ္ဆာဘုရင်ကြီး ငါးပါးကို အကြည့်ပို့လွှတ်လိုက်ရာ သူတို့မှာ အလွန်တရာ အားနည်းနေကြောင်း တွေ့လိုက်ရသည်။ သူက စည်းမျဉ်း အပိုင်းအစ သေးသေးလေး တစ်ခုကို ထုတ်ယူကာ ချေမွလိုက်ပြီး၊ တစ်ချိန်တည်းမှာပင် ဤနေရာရှိ ဝိညာဉ်ချီ များကို အသက်သွင်းကာ သူတို့၏ ခန္ဓာကိုယ်များထဲသို့ သွင်းနှံပေးလိုက်၏။</p> <p>မိစ္ဆာဘုရင်ကြီး ငါးပါးမှာ ချက်ချင်းပင် အားအင်များ ပြည့်ဝလာကြပြီး သူတို့၏ အရှိန်အဝါများ လျင်မြန်စွာ ပြန်လည် ကောင်းမွန်လာကြတော့သည်။</p> <p>ထို့နောက် နင်ချီ က စကားစလိုက်၏။</p> <p>"ငါ စောစောက အာရုံခံမိတယ်... ဆုံမှတ်ပုလဲ ကို မင်းတို့ မျိုချထားတယ် မဟုတ်လား"</p> <p> </p> <p> </p> <p style="text-align: center;">***</p>


Save