Book List

<h2 style="text-align: center;">အခန်း (၇၅၀)</h2> <h2 style="text-align: center;">စစ်မြေပြင်နယ်မြေ၏ အရှင်သခင် (၃)</h2> <h2 style="text-align: center;">*</h2> <p> </p> <p> </p> <p>~မိစ္ဆာဘုရင်ကြီး ငါးပါးက တစ်ယောက်ကို တစ်ယောက် မျက်နှာချင်းဆိုင် ကြည့်လိုက်ကြသည်။</p> <p>ခြင်္သေ့ မိစ္ဆာဘုရင်ကြီး က ပြန်ဖြေလိုက်၏။</p> <p>"သခင်... ကျွန်တော်တို့က နယ်မြေများ ပင်လယ် ကနေ ထွက်လာနိုင်ခဲ့ပြီလေ။ ဒါကြောင့် စုပ်ယူဖို့ လွယ်ကူတဲ့ ဆုံမှတ်ပုလဲ လိုမျိုး ပစ္စည်းနဲ့ တွေ့တဲ့အခါ... အပိုင်း ငါးပိုင်း ခွဲပြီး တစ်ကောင် တစ်ပိုင်းစီ မျိုချလိုက်တာပါ"</p> <p>နင်ချီ ဆွံ့အသွားရ၏။ ဤလုပ်ရပ်ကို သားရဲ၏ ပါးစပ်ထဲမှ အစာလုခြင်းဟု ခေါ်ဆိုနိုင်မည်လား။</p> <p>သို့သော် သူ လုပ်ရမည်သာ ဖြစ်၏။ သူက ပြောလိုက်၏။</p> <p>"ပြန်ထုတ်ပေးကြ... မင်းတို့ရဲ့ နည်းလမ်းတွေက အရမ်း ကြမ်းတမ်းလွန်းတယ်။ နောက်မှ လျော်ကြေး အနေနဲ့ တခြား တစ်ခုခု ငါ ပြန်ပေးပါ့မယ်"</p> <p>ထိုစကားကို ကြားလိုက်ရသောအခါ မိစ္ဆာဘုရင်ကြီး ငါးပါးမှာ လုံးဝ တွေဝေ မနေတော့ဘဲ၊ ဟင်းလင်းပြင်ထဲတွင် စက်ဝိုင်းပုံ နေရာယူလိုက်ကြပြီးနောက် ပြိုင်တူ ပါးစပ် ဟလိုက်ကြသည်။</p> <p> </p> <p>သူတို့က ဆုံမှတ်ပုလဲ ၏ အပိုင်းအစ ငါးခုကို ပြန်အန်ထုတ်လိုက်ကြရာ၊ တစ်ခုစီတိုင်းမှာ အလယ်အလတ်အဆင့် ဆုံမှတ်ပုလဲ တစ်ခုခန့် အရွယ်အစား ရှိ၏။</p> <p>ထိုအပိုင်းအစများ အပြင်သို့ ရောက်ရှိလာသည်နှင့် တစ်ပြိုင်နက်၊ ထူးဆန်းသော ဆွဲငင်အား တစ်ခုကြောင့် အချင်းချင်း ချိတ်ဆက်သွားကြပြီး မျက်စိတစ်မှိတ် အတွင်းမှာပင် တစ်ခုတည်း အဖြစ် ပေါင်းစပ်သွားကြတော့သည်။</p> <p>စကော တစ်ချပ်စာခန့် ကြီးမားသော ဆုံမှတ်ပုလဲကြီး တစ်ခုက နင်ချီ နှင့် မိစ္ဆာဘုရင်ကြီး ငါးပါး၏ ရှေ့တွင် ရုတ်တရက် ဖွဲ့တည်လာ၏။</p> <p>ပတ်ပတ်လည်၌  နူးညံ့သော အဖြူရောင် အလင်းတန်းများ ဖြာထွက်နေ၏။</p> <p>ဆုံမှတ်ပုလဲ ပေါ်လာခြင်းကြောင့် ဤနေရာရှိ ဝိညာဉ်ချီ များမှာ ဆူပွက်နေသော ရေများအလား ကခုန်သွားကြကာ နောက်တစ်ကြိမ် ထပ်မံ၍ အကြီးအကျယ် တိုးပွားလာတော့သည်။</p> <p>ဤသည်မှာ နင်ချီ ပထမဆုံး အကြိမ် မြင်ဖူးသော ကြီးမားသည့် ဆုံမှတ်ပုလဲကြီးပင် ဖြစ်ချေသည်။ သူက လက်ကို ဝှေ့ယမ်းလိုက်ရာ ထို ပုလဲ ကြီးက သူ၏ အနီးသို့ ပျံသန်းလာ၏။</p> <p>နင်ချီ က မုန်ညင်းစေ့ တစ်စေ့စာမျှ သေးငယ်သော နေရာလေးထဲသို့ ကျယ်ပြောလှသော ဟင်းလင်းပြင်ကို ဆွဲသွင်း ကျုံ့ဝင်စေနိုင်သည့် နည်းစနစ် ကို အသုံးပြုလိုက်သည်။ ပုလဲ က သူ့အနီးသို့ ရောက်ရှိလာချိန်တွင်မူ လက်သီးဆုပ် တစ်လုံးစာ အရွယ်အစားခန့်သာ ကျန်ရှိတော့ပြီး သူက လက်ဖြင့် ဖမ်းဆုပ်ထားလိုက်၏။</p> <p>၎င်း၏ အရွယ်အစားမှာ သေးငယ်သွားသော်ငြားလည်း ၎င်းအပေါ်ရှိ စွမ်းအင်များမှာမူ လုံးဝ ပြောင်းလဲသွားခြင်း မရှိချေ။</p> <p>နင်ချီ က သေချာစွာ အကဲခတ် ကြည့်ရှုတော့မည့် အချိန်မှာပင်၊ ရုတ်တရက် ကမ္ဘာမြေကြီး တစ်ခုလုံး အရောင်များ ပြောင်းလဲသွား၏။</p> <p>ဤနေရာရှိ ဟင်းလင်းပြင် တစ်ခုလုံး မည်သို့ ဖြစ်သွားမှန်း မသိဘဲ နီရဲသော အရောင်များ လွှမ်းခြုံသွားတော့သည်။</p> <p>သူ၏ အဖြူရောင် ဝတ်ရုံပေါ်တွင်လည်း အနီရောင်များ ရောင်ပြန်ဟပ်နေပြီး၊ သူ၏ ခန္ဓာကိုယ်ထဲသို့ နွေးထွေးမှု တစ်ခု စိမ့်ဝင်လာသလို ခံစားလိုက်ရ၏။</p> <p>သူက မိစ္ဆာဘုရင်ကြီး ငါးပါးကို တစ်ချက် အကြည့်ပို့လွှတ်လိုက်ရာ၊ သူတို့လည်း တွေဝေသွားကြပြီး အနီရောင် အလင်းတန်းများ ဘယ်ကလာသလဲ ဆိုတာကို သိနိုင်ရန် ဟိုဟိုဒီဒီ လိုက်လံ ရှာဖွေနေကြ၏။</p> <p>အနီရောင် အလင်းတန်းများက ဆက်လက် ပျံ့နှံ့ ဖြာထွက်နေပြီး၊ ကောင်းကင်ယံ အထက်တွင် နံနက်ခင်း နေရောင်ခြည်များအလား တောက်ပလှသော တိမ်လွှာများ ရုတ်တရက် ဖွဲ့တည်လာတော့သည်။</p> <p>ခပ်လှမ်းလှမ်းတွင် အကြိတ်အနယ် တိုက်ခိုက်နေကြဆဲ ဖြစ်သော ကျင့်ကြံသူ အဖွဲ့ သုံးဖွဲ့မှာလည်း ထိုအနီရောင် အလင်းတန်းများ လွှမ်းခြုံခံလိုက်ရ၏။</p> <p>ထို မျက်တောင်တစ်ခတ်စာ အချိန်လေး အတွင်းမှာပင် မီးလျှံငှက် အင်မော်တယ်ဂိုဏ်း ၏ တစ်ဝက်ခန့်မှာ မျိုးတုံး ပျက်စီးသွားခဲ့ပြီ ဖြစ်၏။ ကျင့်ကြံသူ အားလုံး၏ မျက်နှာများမှာ နီရဲနေကြပြီး သူတို့၏ သူငယ်အိမ်များပင် အနီရောင် အဖြစ် ပြောင်းလဲသွားကြတော့သည်။</p> <p>လူအများအပြားက အော်ဟစ်လိုက်ကြ၏။</p> <p>"နယ်မြေအရှင်သခင် ပြန်လာပြီ"</p> <p>"နယ်မြေအရှင်သခင် က ငါတို့ကို ကယ်တင်ဖို့ လာပြီ"</p> <p>"ဟားဟား... မင်းတို့ အားလုံး သေဖို့သာ ပြင်ထားကြတော့"</p> <p>ချီခယ်ချင်း နှင့် အခြားသူများ ဖြစ်စေ၊ ဓားဘိုးဘေးကြီး နှင့် အခြားသူများ ဖြစ်စေ... အားလုံးက လုံးဝ နားမလည်နိုင်အောင် တွေဝေသွားကြတော့သည်။</p> <p>နယ်မြေအရှင်သခင် ဟုတ်လား။</p> <p>သူတို့ဆီမှာလည်း ရှိတာပဲလေ။ ဒီလောက်အထိ အုတ်အော်သောင်းတင်း ဖြစ်နေဖို့ တကယ်ပဲ လိုလို့လား။</p> <p>သူတို့ ထိုသို့ တွေးနေစဉ်မှာပင်၊ သူတို့အပေါ် ရောင်ပြန်ဟပ်နေသော အနီရောင် အလင်းတန်းများထံမှ ကြီးမားလှသော စွမ်းအားတစ်ခုက သူတို့၏ ခန္ဓာကိုယ်များအပေါ်သို့ ဖိချလာပြီး လေးလံသွားသကဲ့သို့ ရုတ်တရက် ခံစားလိုက်ကြရ၏။</p> <p>အခြားတစ်ဖက်တွင်မူ မီးလျှံငှက် အင်မော်တယ်ဂိုဏ်း မှ လူများသည် အားဆေး တစ်ခွက် သောက်လိုက်ရသည့်အလား၊ နဂါးများကဲ့သို့ ရုတ်တရက် အားအင်များ ပြည့်ဝလာကြပြီး သူတို့၏ ကျင့်ကြံခြင်း အဆင့်အတန်းများမှာ သုံးပုံတစ်ပုံခန့် တိုးတက်သွားကြတော့သည်။</p> <p>နီရဲနေသော နံနက်ခင်း အလင်းရောင်ထဲတွင် ကြောက်မက်ဖွယ်ကောင်းသော အသံတစ်ခုက လေထဲတွင် ဝေဝါးစွာ ပျံ့လွင့်လာ၏။</p> <p>"ဘယ်သူက ငါ့ရဲ့ မီးလျှံငှက် အင်မော်တယ်ဂိုဏ်း က လူတွေကို လာထိခိုက်နေတာလဲ"</p> <p>ထိုအသံက လူတိုင်း၏ နှလုံးသားထဲတွင် ပဲ့တင်ထပ်သွားသကဲ့သို့ ခံစားလိုက်ရ၏။</p> <p>ချီခယ်ချင်း နှင့် အခြားသူများ နောက်ဆုံးတွင် မျက်နှာ ကွက်ခနဲ ပျက် သွားကြတော့သည်။</p> <p> </p> <p>ဒါက မီးလျှံငှက် အင်မော်တယ်ဂိုဏ်း က ကျင့်ကြံသူ တွေ ပြောတဲ့ နယ်မြေအရှင်သခင် ဆိုတာလား။</p> <p>ဘာလို့ သူ့ရဲ့ စွမ်းရည်တွေက ဝိညာဉ်ကမ္ဘာ ဆန္ဒတော် နဲ့ အနည်းငယ် ဆင်တူနေရတာလဲ။</p> <p>ဓားဘိုးဘေးကြီး နှင့် အခြားသူများ မျက်မှောင် အနည်းငယ် ကြုတ်သွားကြ၏။</p> <p>နယ်မြေအရှင်သခင် မှာ ဤမျှ ကြီးမားသော စွမ်းရည်များ ရှိနေမည် ဆိုပါက... မဟာမိတ် ခေါင်းဆောင်ကြီး ထံမှ ဤကဲ့သို့သော စွမ်းအားမျိုးကို သူတို့ ဘာကြောင့် တစ်ခါမှ မခံစားခဲ့ရသနည်း။</p> <p>ချီခယ်ချင်း ဦးဆောင်သော ဖူယောင် နယ်မြေ တပ်ဖွဲ့ကြီးမှ လူအများအပြားသည် သူတို့၏ တိုက်ခိုက်မှုများကို ရပ်တန့်လိုက်ကြပြီး၊ မျက်နှာပေါ်တွင် အံ့အားသင့်မှုများ အပြည့်အဝဖြင့် ပတ်ဝန်းကျင်ကို လိုက်လံ ကြည့်ရှုနေကြတော့သည်။</p> <p> </p> <p> </p> <p style="text-align: center;">***</p>


Save