Book List

<h2 style="text-align: center;">အခန်း (၁၅၁)</h2> <h2 style="text-align: center;">မိစ္ဆာများ သောင်းကျန်းနေသော ပွဲတော်.. ဒီနေရာမှာ မွန်းစတားတွေ အများကြီးပါလား</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>~သုံးရက် ကြာပြီးနောက် ၊ ချန်ဝူတောင်တန်း၏ အနက်ရှိုင်းဆုံး နေရာ။ အရိုးသင်္ချိုင်း ချောက်ကမ်းပါး၌ ဖြစ်၏။</p> <p>ဤနေရာသည် တစ်နှစ်ပတ်လုံး အနက်ရောင် မိစ္ဆာစွမ်းအင်များဖြင့် ဖုံးလွှမ်းနေသော ဧရာမ ချောက်ကမ်းပါးကြီး တစ်ခု ဖြစ်၏။ ချောက်ကမ်းပါး အတွင်း၌ ကျောက်ဆောင်များ ပြည့်နှက်နေပြီး၊ သစ်ပင် ပန်းမန်ဟူ၍ မရှိဘဲ၊ နေရာအနှံ့တွင် ဖြူဖွေးနေသော အရိုးစုများသာ ပြန့်ကျဲနေတော့သည်။</p> <p>သို့သော်လည်း ယနေ့တွင်မူ ဤနေရာ၌ အလံများ တဝေဝေ လွင့်ပျံနေပြီး၊ မိစ္ဆာ အရှိန်အဝါများမှာလည်း ကောင်းကင်သို့တိုင် ထိုးတက်နေ၏။</p> <p>မိုင်ပေါင်း ထောင်ချီ ကျယ်ဝန်းသော မိစ္ဆာလမ်းစဉ်၏ အကြီးစား ပွဲတော်ကြီး ဖြစ်သည့် ‘မိစ္ဆာပေါင်း တစ်သောင်း တွေ့ဆုံပွဲ’ ကို ကျင်းပနေခြင်း ဖြစ်ရာ... မိစ္ဆာဂိုဏ်း (၃၆) ဂိုဏ်း၊ မိစ္ဆာဘုရင် (၇၂) ပါးနှင့် မရေမတွက်နိုင်သော ရက်စက်လှသည့် တစ်ကိုယ်တော် မိစ္ဆာကျင့်ကြံသူများ စုဝေးရောက်ရှိနေကြခြင်းပင် ဖြစ်တော့သည်။</p> <p>ကောင်းကင်ယံထက်ဝယ် သွေးနီရောင် အလင်းတန်းများ၊ တိမ်မည်းကြီးများနှင့်... ကြောက်မက်ဖွယ် မိစ္ဆာသားရဲများကို စီးနင်းလာသော အစွမ်းထက် ပညာရှင်များ... တစ်ယောက်ပြီး တစ်ယောက် ရောက်ရှိလာတိုင်း လူအုပ်ကြီးကြားတွင် အုတ်အော်သောင်းနင်း ဖြစ်သွားစေ၏။</p> <p>“ဟိုမှာ ကြည့်စမ်း။ ‘အရိုးဂိုဏ်း’ က ဘိုးဘေးကြီးဗျို့။ သူက အခြေခံအုတ်မြစ် တည်ဆောက်ခြင်း အဆင့် ပြီးပြည့်စုံတဲ့ ကြေးဝါ အလောင်းကောင် တစ်ကောင်ကို ဖန်တီးထားတယ်လို့ ကြားတယ်နော်"</p> <p>“ဟိုဘက်က ‘ဟယ်ဟွမ် (ကာမဂုဏ်) ဂိုဏ်း’ က မိစ္ဆာမလေးတွေပဲ။ ကျွတ်... ကျွတ်... ဝေးဝေးက ရှောင်နေမှ... မဟုတ်ရင် မင်းရဲ့ ယန် (အသက်) စွမ်းအင်တွေ အကုန် စုပ်ခံရလိမ့်မယ်”</p> <p>မိစ္ဆာကျင့်ကြံသူများ အချင်းချင်း ချီးမွမ်းကာ မိမိတို့၏ ကြောက်မက်ဖွယ် ဂုဏ်သတင်းများကို ကြွားဝါနေကြစဉ်မှာပင်...</p> <p>“ဝုန်း... ရွှမ်း...”</p> <p>အဝေးရှိ ကောင်းကင်ယံဆီမှ မိုးခြိမ်းသံပမာ ကျယ်လောင်လှသော ဟိန်းဟောက်သံ တစ်ခု ရုတ်တရက် ထွက်ပေါ်လာသည်။</p> <p>အားလုံး မော့ကြည့်လိုက်သောအခါ... ဖုန်လုံးကြီးများ အလယ်မှနေ၍ (အမှန်တော့ မြန်လွန်းသဖြင့် ထွက်လာသော ဖုန်များ ဖြစ်ပါသည်)... အလွန်တရာ ထူးဆန်းသော ပုံစံများ ရှိသည့် လူအုပ်ကြီး တစ်ခုသည် တောင်ကြားလမ်းဆီမှနေ၍ တည့်တည့်မတ်မတ် ချီတက်လာသည်ကို တွေ့လိုက်ကြရ၏။</p> <p>ထိုအဖွဲ့သည် မှော်ရတနာများ၊ သို့မဟုတ် မိစ္ဆာသားရဲများကို စီးနင်းလာခြင်း မဟုတ်ဘဲ... အားရပါးရ ပြေးလာကြခြင်း ဖြစ်သည်။</p> <p>သို့သော်လည်း သူတို့၏ အရှိန်အဝါမှာ... စစ်တပ်ကြီး တစ်ခုထက်ပင် ပိုမို ကြောက်စရာ ကောင်းနေတော့၏။</p> <p>ရှေ့ဆုံးမှ ဦးဆောင်လာသူမှာ ခရမ်းရွှေရောင် ဝတ်ရုံကို ဆင်မြန်းထားပြီး၊ ချောမောခန့်ညားကာ သီးသန့်ဆန်ဟန် ရှိသော လူငယ်လေး တစ်ဦး (ကျန်းချန်) ဖြစ်၏။ သူသည် လက်နှစ်ဖက်ကို နောက်ပစ်ကာ လေဟာနယ်ကို နင်းလျှောက်လာပြီး... ရွှေအမြုတေအဆင့် ပြီးပြည့်စုံခြင်း၏ ကျောချမ်းဖွယ် ကောင်းလှသော အရှိန်အဝါကြီးကို ထုတ်လွှတ်နေတော့သည်။</p> <p>သူ၏ အနောက်တွင်မူ... လှပလွန်းလှသော်လည်း မျက်နှာထား ရှုပ်ထွေးနေပုံ ရသည့် အဖြူရောင် ဝတ်စုံလေးနှင့် အမျိုးသမီး တစ်ဦး (ဆုချင်းကော) လိုက်ပါလာ၏။</p> <p>သူမ၏ အနောက်တွင်မှ... ထူးဆန်းသော အဝတ်အစားများ ဝတ်ဆင်ထားပြီး၊ ဆာလောင်နေသော ဝံပုလွေများပမာ ရူးသွပ် မျက်လုံးများ ရှိသော... ထူးဆန်းသည့် လူအုပ်ကြီး (အမှန်တော့ လက်ရွေးစင် သုံးရာခန့်သာ ခေါ်လာခဲ့သော်လည်း သုံးထောင်ခန့် ရှိမည်ဟု ထင်မှတ်ရလေသည်) လိုက်ပါလာကြခြင်းပင်။</p> <p>“ဟို... ဟိုဟာက ဘယ်ဂိုဏ်းလဲ"</p> <p>“မိစ္ဆာ အရှိန်အဝါက တကယ့်ကို ပြင်းထန်လွန်းတယ်။ ဖွဲ့စည်းပုံကလည်း လုံးဝ ဖရိုဖရဲပဲ။ ပြီးတော့ သူတို့ရဲ့ အကြည့်တွေက... တကယ့်ကို ထူးဆန်းလွန်းတယ်</p> <p>ပွဲတော်သို့ ရောက်ရှိနေကြသော မိစ္ဆာကျင့်ကြံသူများမှာ ဤလူအုပ်ကြီးကို ကြည့်ကာ လုံးဝ အူကြောင်ကြောင် ဖြစ်သွားကြ၏။</p> <p> အကြောင်းမူကား ထိုထူးဆန်းသော လူများက သူတို့ကို ကြည့်နေသည့် အကြည့်များမှာ... ကျင့်ကြံသူ အချင်းချင်း ကြည့်သည့် အကြည့်မျိုး မဟုတ်ဘဲ... လမ်းလျှောက်နေသည့် ‘ဝက်သားနှပ်’ ပန်းကန်များကို ကြည့်နေသည့်အလား ဖြစ်နေသောကြောင့်ပင်။</p> <p>---</p> <p>ကွေ့ယွမ်ဂိုဏ်း အဖွဲ့ အတွင်း၌မူ၊</p> <p>“ဘုရားရေ..ဒါက မြေပုံအသစ် ဖြစ်တဲ့ ‘အရိုးသင်္ချိုင်း’ လား၊ အငွေ့အသက်က တကယ့်ကို အမိုက်စားပဲဟေ့"</p> <p>ဝမ်သဲ့ဖာ (ဒီဖရဲသီး မှည့်ပြီလား) သည် သူ၏ အဆင့် (၂) တောဝက်ကြီး ပက်ပါ ကို စီးလျက် အဖွဲ့၏ ရှေ့ဆုံးသို့ တိုးထွက်လာပြီး... ပတ်ဝန်းကျင်ရှိ အသည်းထိတ်ဖွယ် မိစ္ဆာကျင့်ကြံသူများကို ကြည့်ကာ မျက်လုံးများ အရောင်တောက်လျက် လက်ညှိုးထိုးပြလိုက်၏။</p> <p>“ညီအစ်ကိုတို့ ကြည့်စမ်း... အကုန်လုံးက နာမည်နီတွေချည်းပဲဟေ့။ မျက်နှာပြင် တစ်ခုလုံး နာမည်နီ မွန်းစတားတွေ ပြည့်နေတာပဲဗျို့"</p> <p>“ဟိုဘက်က အရိုးစုနဲ့ ကစားနေတဲ့ အဘိုးကြီးက ပစ္စည်းကောင်းတွေ ပါတဲ့ ပုံပဲ။ သူ့လက်ထဲက အရိုးတောင်ဝှေးက သေချာပေါက် အဆင့်မြင့် မှော်ရတနာပဲ ဖြစ်ရမယ်"</p> <p>“ညာဘက်က အဝတ်အစား ခပ်ဟော့ဟော့လေးနဲ့ ကောင်မလေးကိုကော... ဟဲဟဲ... အိမ်ပြန်ခေါ်သွားပြီး ဇနီးလေး လုပ်လို့ ရမလား မသိဘူးနော် (အဲ့ဒီ လုပ်ဆောင်ချက် မပါပါ)"</p> <p>ကောင်းကင်ခွင်း ဓားတစ်လက် မှာလည်း ဓားရိုးကို ကိုင်ထားရင်း စိတ်လှုပ်ရှားလွန်းသဖြင့် လက်ချောင်းများပင် တုန်ယင်နေသည်။</p> <p>“ဒီ နေရာမှာ မွန်းစတားတွေ အများကြီးပါလား။ ပြီးတော့ အကုန်လုံးက အဆင့်မြင့်တွေချည်းပဲ။ ဒီမှာသာ အားရပါးရ ကြိတ်ခွင့် ရမယ်ဆိုရင်... ငါ့ရဲ့ အတွေ့အကြုံ အမှတ်တွေတော့ အကြီးအကျယ် တက်သွားမှာ သေချာတယ်"</p> <p>“စိတ်မလောကြနဲ့လေ"</p> <p>ထိုသို့ ၊  ဆောက်လုပ်ရေးခွင်မှ ဦးလေးကျန်း က ဆေးတံကို တစ်ချက်ဖွာလိုက်ရင်း သတိပေးလိုက်သည်။</p> <p> “ဂိုဏ်းချုပ်ကြီးက ဒါကို ‘ဇာတ်လမ်း မုဒ်’ လို့ ပြောထားတယ်လေ။ တိုက်ခိုက်လို့ မရသေးဘူး။ အရင်ဆုံး တာဝန်လေး ဘာလေး ယူလို့ ရမလား ကြည့်ကြသေးတာပေါ့"</p> <p>ကစားသမားများ၏ လှုပ်ရှားမှုများကို ကန့်သတ်ထားသော်လည်း... သူတို့၏ လောဘဇောများ၊ စပ်စုချင်စိတ်များနှင့် လုံးဝ (လုံးဝ) ရိုသေမှု မရှိသော အကြည့်များကြောင့်... ပတ်ဝန်းကျင်ရှိ မိစ္ဆာကျင့်ကြံသူများမှာ ကျောချမ်းသွားရရှာ၏။</p> <p>ယုန်ငယ်လေး တစ်အုပ်က ဝံပုလွေအုပ်ကြားထဲ ဝင်လာပြီး... ဝံပုလွေသားကို ဘယ်လို ချက်စားမလဲ ဆိုတာကို သွားရည်ကျလျက် ဆွေးနွေးနေကြသည့် ခံစားချက်မျိုးပင် ဖြစ်တော့သည်။</p> <p>လူအုပ်ကြီးမှာ ပွဲတော် အဝင်ဝ၌ ရပ်တန့်သွားသည်။</p> <p>ဧည့်ခံကြိုဆိုရေး တာဝန်ယူထားသူမှာ အခြားသူ မဟုတ်... သွေးမိစ္ဆာဂိုဏ်း၏ အိမ်တော်ထိန်း လီသွေးညဉ့် ပင် ဖြစ်၏။</p> <p>ကျန်းချန် ကိုယ်တိုင် ရောက်လာသည်ကို မြင်လိုက်ရသည့်အခါ သူမှာ စိတ်လှုပ်ရှားလွန်းသဖြင့် မျက်နှာကြီးပင် နီမြန်းသွားရသည်။ သူသည် အမြန် ပြေးထွက်လာပြီး အလွန်တရာ ရိုသေစွာဖြင့် ခါးညွတ် ဂါရဝပြုလိုက်တော့၏။</p> <p>“ကျွန်တော် လီသွေးညဉ့်... ဂိုဏ်းချုပ်ကြီး ကျန်းချန်ကို ကြိုဆိုပါတယ် ခင်ဗျာ။ ကွေ့ယွမ်ဂိုဏ်းက စီနီယာကြီးတွေကိုလည်း ကြိုဆိုပါတယ် ခင်ဗျာ"</p> <p>“စီနီယာကြီးတို့ ရောက်လာတာဟာ...ကျွန်တော်တို့ မိစ္ဆာဂိုဏ်းတော်ကြီး အတွက်တော့ တကယ့်ကို ဂုဏ်ယူစရာပါပဲ ခင်ဗျာ။ အတွင်းကို ကြွပါ"</p> <p>ကျန်းချန်က သူ၏ အထီးကျန် ဆရာကြီး ဟန်ပန်ကို ထိန်းသိမ်းလျက် အနည်းငယ် ခေါင်းညိတ်လိုက်ပြီး... “အင်း” ဟု တစ်လုံးတည်းသာ ပြန်ပြောလိုက်သည်။</p> <p>ထို့နောက် သူသည် ဆုချင်းကောနှင့် တပည့်များကို ဦးဆောင်ကာ... လူအများ၏ အကြည့်များ အောက်တွင် ပွဲတော်၏ အလယ်ဗဟိုဆီသို့ ခန့်ညားစွာ ဝင်ရောက်သွားလေတော့သည်။</p> <p>လမ်းတစ်လျှောက်တွင် ကစားသမားများမှာ သူတို့၏ လက်များနှင့် ပါးစပ်များကို လုံးဝ (လုံးဝ) မထိန်းချုပ်နိုင်ကြတော့ချေ။</p> <p>“ဟေး... သူငယ်ချင်း၊ မင်းရဲ့ အနက်ရောင် ဝတ်ရုံကြီးက တော်တော် မိုက်တာပဲ။ ဘယ်က ဝယ်တာလဲဗျ။ ငါ့ကို ရောင်းမလား"</p> <p>ကစားသမား တစ်ဦးသည် ဖြတ်သွားသော မိစ္ဆာကျင့်ကြံသူ တစ်ဦးကို တားကာ ဈေးမေးလိုက်ခြင်းပါ။</p> <p>ထို မိစ္ဆာကျင့်ကြံသူမှာ ဒေါသတကြီးဖြင့် ဟိန်းဟောက်လိုက်၏။ “သွားစမ်း။ ဒါ ငါ့ရဲ့ ကိုယ်ပိုင် ဝိညာဉ် ဝတ်ရုံကွ"</p> <p>“မရောင်းရင်လည်း ပြီးတာပဲလေ။ ဘာလို့ ဒီလောက်တောင် ရိုင်းစိုင်းနေရတာလဲ”</p> <p> ထိုကစားသမားက နှုတ်ခမ်းကို စူလိုက်ပြီး တိုးတိုးလေး ကျိန်ဆဲလိုက်သည်။</p> <p>“တိုက်ပွဲ စတာနဲ့... မင်းက ပထမဆုံး အသတ်ခံရမယ့် ကောင်ပဲဟေ့"</p> <p>အခြား ကစားသမား တစ်ဦးမှာလည်း လမ်းဘေး၌ အလှပြထားသော ဦးခေါင်းခွံ တစ်ခုကို တွေ့လိုက်ရသဖြင့်... သူ၏ ဝိညာဉ်သိုလှောင်အိတ်ထဲသို့ အတင်း ထိုးထည့်ရန် ကြိုးစားနေ၏။</p> <p>“ဒါက အများသုံး ပစ္စည်းလေဗျာ... ယူလို့ မရဘူး"</p> <p>လီသွေးညဉ့်မှာ ချွေးအေးများ ထွက်လာပြီး ချက်ချင်း သွားရောက် တားဆီးရရှာတော့သည်။</p> <p>“ဟွန်း... ကပ်စေးနှဲလိုက်တာ။ ငါက ကောက်လို့ရတဲ့ ပစ္စည်းများ မှတ်လို့</p> <p>ကျန်းချန်၏ အနောက်မှ လိုက်ပါလာသော ဆုချင်းကောသည်... ဤ မိစ္ဆာလမ်းစဉ်၏ ပွဲတော်ကြီးကို ဈေးဝယ်ထွက်လာသည့်အလား ပေါ့ပေါ့ပါးပါး လျှောက်သွားနေကြပြီး၊ နာမည်ကြီး မိစ္ဆာခေါင်းဆောင်များကိုပင် ဝေဖန်နေကြသော ထို ‘စီနီယာ အစ်ကိုကြီး’ များကို ကြည့်ကာ... သူမ၏ နှလုံးသားမှာ အပြင်သို့ပင် ခုန်ထွက်လာတော့မည့်အလား ခံစားနေရ၏။</p> <p>“ဂိုဏ်းချုပ်ကြီး...”</p> <p> ဆုချင်းကောက အသံကို နှိမ့်ကာ စိုးရိမ်တကြီး မေးလိုက်၏။</p> <p> “ဒီနေရာမှာ မိစ္ဆာကျင့်ကြံသူတွေ အများကြီးပဲနော်။ အချို့ဆိုရင် အခြေခံအုတ်မြစ် တည်ဆောက်ခြင်း အဆင့် နှောင်းပိုင်းတွေ၊ ပြီးပြည့်စုံတဲ့ အဆင့်တွေတောင် ရှိနေတာ။ ကျွန်မတို့ အရမ်းကို မာနထောင်လွှားလွန်းနေပြီ မဟုတ်လားရှင်"</p> <p>ကျန်းချန်က သူမကို တစ်ချက် ကြည့်လိုက်ပြီး... နှုတ်ခမ်းထောင့်တွင် အပြုံး တစ်ခု ပေါ်လာကာ အသံဖြင့် ဆက်သွယ် ပြောဆိုလိုက်၏။</p> <p>“မာနထောင်လွှားတယ် ဟုတ်လား"</p> <p>“ချင်းကော... မှတ်ထားလိုက်။ မိစ္ဆာလမ်းစဉ်မှာက... ဘယ်သူက ပိုပြီး ရက်စက်လဲ၊ ဘယ်သူက ပိုပြီး ရူးသွပ်လဲ ဆိုတာက အဓိကပဲလေ"</p> <p>“ပတ်ဝန်းကျင်က မိစ္ဆာကျင့်ကြံသူတွေကို သေချာ ကြည့်လိုက်စမ်း... အခု သူတို့ရဲ့ မျက်လုံးတွေ ဘယ်လို ဖြစ်နေပြီလဲ ဆိုတာကို"</p> <p>ဆုချင်းကောသည် ခေတ္တမျှ ရပ်တန့်သွားပြီးနောက်... ပတ်ဝန်းကျင်ကို တိတ်တဆိတ် ဝေ့ကြည့်လိုက်၏။</p> <p>အံ့သြစရာ ကောင်းလောက်အောင်ပင်... မူလက ရက်စက်ပြီး ရိုင်းစိုင်းလှသော မိစ္ဆာကျင့်ကြံသူ တစ်ယောက်မှ... ဆူညံပွက်လောရိုက်ပြီး စည်းကမ်းမဲ့နေသော ကွေ့ယွမ်ဂိုဏ်းသားများကို သွားရောက် ပြဿနာ မရှာရဲကြသည်ကို တွေ့လိုက်ရသည်။</p> <p>ထိုအစား... သူတို့၏ မျက်လုံးများထဲတွင် စိုးရိမ်မှုများ၊ သံသယများနှင့်... ‘ကြောက်လန့်မှု’ အရိပ်အယောင် အချို့ပင် ပြည့်နှက်နေကြတော့၏။</p> <p>အဘယ်ကြောင့်ဆိုသော် သူတို့ ခန့်မှန်း၍ မရသောကြောင့် ဖြစ်သည်။</p> <p>ဤလူအုပ်ကြီးက ဘာကြောင့်များ မိစ္ဆာပေါင်း တစ်သောင်း တွေ့ဆုံပွဲကြီးမှာ ဒီလောက်အထိ ရမ်းကားရဲသလဲ ဆိုတာကို သူတို့ နားမလည်နိုင်ကြပေ။</p> <p>“သူတို့ရဲ့ ကျင့်စဉ်အဆင့်တွေက သိပ်မမြင့်ပေမယ့်... အချိန်မရွေး ကိုယ်နဲ့အတူ အသေခံတော့မယ့် ပုံစံမျိုးတွေ ရှိနေတယ်” ဆိုသည့် ဤလူအုပ်ကြီး၏ ရူးသွပ်သော သဘာဝကို သူတို့ လုံးဝ (လုံးဝ) ခန့်မှန်း၍ မရနိုင်ကြသောကြောင့် ဖြစ်၏။</p> <p>ကျန်းချန် ပြောသလိုပင်... မိစ္ဆာလမ်းစဉ်တွင် ‘အစွမ်းထက်သူ’ ထက် ‘အရူး’ များကို ပိုပြီး ကြောက်ကြရသည် မဟုတ်ပါလော။</p> <p>ကွေ့ယွမ်ဂိုဏ်း ဆိုသည်မှာလည်း ထိပ်တန်း အရူးအုပ်စုကြီး တစ်ခုသာ ဖြစ်သည်။</p> <p>“နေရာယူကြစမ်း"</p> <p>ကျန်းချန်သည် သွေးမိစ္ဆာဂိုဏ်း၏ အဓိက နေရာပြီးလျှင် ဒုတိယ အကောင်းဆုံး ဖြစ်သော... ကွေ့ယွမ်ဂိုဏ်းအတွက် သတ်မှတ်ထားသည့် နေရာသို့ လျှောက်သွားလိုက်၏။</p> <p>သူသည် ခမ်းနားကြီးကျယ်စွာ ထိုင်ချလိုက်ပြီး... သူ၏ ကိုယ်ခန္ဓာမှ ရွှေအမြုတေအဆင့် ပြီးပြည့်စုံခြင်း၏ ကြီးမားလှသော ဖိအားကြီးကို မည်သည့် ထိန်းချုပ်မှုမှ မရှိဘဲ အစွမ်းကုန် ထုတ်လွှတ်လိုက်ရာ... အကဲစမ်းရန် လာရောက်သည့် ဂိုဏ်းငယ်လေးအချို့မှ လူများကို ချက်ချင်းပင် ဖိနှိပ်လိုက်တော့၏။</p> <p>“တပည့်တို့...”</p> <p>ကျန်းချန်က လက်ကို ဝှေ့ယမ်းလိုက်၏။</p> <p>“လွတ်လွတ်လပ်လပ် နားလို့ ရပြီ။ ဒါပေမဲ့ မှတ်ထား... ငါ့ကို အရှက်တော့ မခွဲနဲ့နော်"</p> <p>“ဟုတ်ကဲ့ပါဗျို့"</p> <p>ကစားသမား ရာပေါင်းများစွာမှာ ချက်ချင်းပင် လူစုကွဲသွားကြတော့၏။</p> <p>အချို့က အခြား ဂိုဏ်းများ၏ နေရာများသို့ သွားရောက်ကာ အလကား စားသောက်နေကြ၏။ အချို့ကမူ အဝတ်စုတ် တစ်ခုကို မြေပြင်ပေါ် ခင်းကာ ‘ကွေ့ယွမ်ဂိုဏ်း အထူးထုတ်’ (အဆိပ်ဆေးလုံးများနှင့် ကြွက်သားရေများ) ဟု ဆိုကာ ဈေးရောင်းနေကြတော့သည်။</p> <p>အခြား သူများကလည်း မိစ္ဆာကျင့်ကြံသူ အချို့ကို အတင်း ဆွဲခေါ်ကာ... ယောကျ်ားစစ် မစစ် ‘လက်မောင်းလှဲ’ ပြီး ဆုံးဖြတ်ရမည်ဟု ဇွတ်အတင်း ပြုလုပ်နေကြလေ၏။</p> <p>အလွန် တည်ကြည်လေးနက်ပြီး မှိုင်းညို့နေသော မိစ္ဆာပေါင်း တစ်သောင်း တွေ့ဆုံပွဲကြီးမှာ... ဤလူများ ရောက်လာပြီးနောက်တွင် ရုတ်တရက် အနည်းငယ် ‘ပျက်ရယ်စရာ’ ကောင်းသော ပွဲတော်ကြီး အဖြစ်သို့ ပြောင်းလဲသွားတော့သည်။</p> <p>အဓိက နေရာတွင် ထိုင်နေသော သွေးမိစ္ဆာဂိုဏ်း၏ ဂိုဏ်းချုပ်ဖြစ်သူ... ပိန်လှီခြောက်ကပ်နေသည့် ရွှေအမြုတေ အစောပိုင်းအဆင့် အဘိုးကြီးသည် အောက်ဘက်ရှိ ဖရိုဖရဲ မြင်ကွင်းကို ကြည့်ကာ မျက်ခုံးများ တုန်ယင်လာပြီး... ဘေးနားရှိ လီသွေးညဉ့်ကို လှည့်မေးလိုက်၏။</p> <p>“ဒါက မင်းပြောတဲ့... ပုန်းကွယ်နေတဲ့ မိစ္ဆာဂိုဏ်းကြီး ဆိုတာလား"</p> <p>လီသွေးညဉ့်က အလွန်တရာ အထင်ကြီး လေးစားနေသည့် မျက်နှာပေးဖြင့် ခေါင်းညိတ်ပြလိုက်၏။</p> <p>“ဂိုဏ်းချုပ်ကြီး... သူတို့ရဲ့ မာနထောင်လွှားတဲ့ ဟန်ပန်တွေကို ကြည့်လိုက်ပါ။ စည်းကမ်းတွေကို အမှိုက်လို သဘောထားတဲ့ သူတို့ရဲ့ အပြုအမူတွေကို ကြည့်လိုက်စမ်းပါ။ ဒါဟာ စစ်မှန်တဲ့ မိစ္ဆာကြီးတွေရဲ့ ဟန်ပန်ပဲ မဟုတ်လားခင်ဗျ"</p> <p>သွေးမိစ္ဆာဂိုဏ်း၏ ဂိုဏ်းချုပ်ကြီးမှာ ခေတ္တမျှ တိတ်ဆိတ်သွားပြီးနောက်... နောက်ဆုံးတွင် သူသည်လည်း အလွန် သဘောတူသည့်အလား ခေါင်းညိတ်လိုက်လေတော့သည်။</p> <p>“တကယ်ပါပဲ... သူတို့ရဲ့ မိစ္ဆာစိတ်တွေက တကယ့်ကို နက်ရှိုင်းပြီး ထူးခြားလွန်းလှပါတယ်"</p> <p>---</p> <p>[t.n-* ရွှေအမြုတေအဆင့်: ကျင့်ကြံသူ တစ်ဦး၏ အစွမ်း အထွတ်အထိပ်သို့ ရောက်ရှိနေသော အဆင့်။</p> <p>* အခြေခံအုတ်မြစ် တည်ဆောက်ခြင်း အဆင့် ကျင့်ကြံခြင်း၏ ဒုတိယအဆင့်။</p> <p>* တစ်ကိုယ်တော် ကျင့်ကြံသူ: မည်သည့် ဂိုဏ်းနှင့်မှ မသက်ဆိုင်သော ကျင့်ကြံသူ။</p> <p>* နာမည်နီ: ရန်သူ သို့မဟုတ် တိုက်ခိုက်ရမည့် မွန်းစတားများကို ပြသသည့် အမှတ်အသား။</p> <p>* ဇာတ်လမ်း မုဒ်: တိုက်ခိုက်ခြင်းထက် ဇာတ်လမ်းကို အဓိကထားသော ကစားနည်း စနစ်။</p> <p>* လက်မောင်းလှဲခြင်း: လက်မောင်း အင်အား ယှဉ်ပြိုင်သည့် ကစားနည်း။]</p> <p> </p> <p> </p> <p style="text-align: center;">***</p>


Save