Book List

<h2 style="text-align: center;">အခန်း (၁၅၄)</h2> <h2 style="text-align: center;">ယှဉ်ပြိုင် တိုက်ခိုက်ခြင်း.. သိုင်းလောကရဲ့ စည်းကမ်းဆိုတာ ဘာလဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>~မွန်းလွဲပိုင်း အချိန်။ မိစ္ဆာပေါင်း တစ်သောင်း တွေ့ဆုံပွဲ၏ ဗဟိုကွင်းပြင်ကျယ်၌ ဖြစ်၏။</p> <p>သွေးမိစ္ဆာဂိုဏ်း၏ ဂိုဏ်းချုပ်ကြီးထံမှ အမိန့် ထွက်ပေါ်လာသည်နှင့်... ဈေးဆိုင်များဖြင့် ပြည့်နှက်နေခဲ့သော ကျောက်ကွင်းပြင်ကြီးမှာ ချက်ချင်းပင် ရှင်းလင်းသွားပြီး ဧရာမ ကွင်းပြင်ကျယ်ကြီး တစ်ခု အဖြစ်သို့ ပြောင်းလဲသွားသည်။ ထောင့်လေးဘက်မှနေ၍ သွေးနီရောင် အခင်းအကျင်း တိုင်လုံးကြီးများ ထွက်ပေါ်လာပြီး... အလယ်ဗဟို၌ ပေတစ်ရာခန့် ကျယ်ဝန်းသော တိုက်ပွဲဝင် စင်မြင့်ကြီး တစ်ခုကို ဖန်တီးပေးလိုက်တော့၏။</p> <p>လေထုမှာလည်း ဆူညံပွက်လောရိုက်နေသော ဈေးတန်း မြင်ကွင်းမှသည်... တည်ကြည်လေးနက်ပြီး တင်းမာလှသော တိုက်ပွဲဝင် လေထုက အဖြစ်သို့ ချက်ချင်းပင် ကူးပြောင်းသွားခဲ့ပြီ ဖြစ်သည်။</p> <p>“ပထမ ပွဲစဉ်... သွေးမိစ္ဆာဂိုဏ်းရဲ့ အတွင်းစည်း တပည့် လီဖေးယွီ၊ ချီစုစည်းမှု အဆင့် (၉) အထွတ်အထိပ်ဟေ့"</p> <p>သွေးနီရောင် ဝတ်စုံကို ဆင်မြန်းထားပြီး မျက်နှာထား တင်းမာနေသော လူငယ်လေး တစ်ဦးသည် စင်မြင့်ထက်သို့ ခုန်တက်လာ၏။ လက်ထဲတွင် အရိုးဖြူ ဓားရှည်ကြီး တစ်လက်ကို ကိုင်ဆောင်ထားပြီး... သူ၏ ပတ်ပတ်လည်၌ မိစ္ဆာ အရှိန်အဝါများ ရစ်သိုင်းနေသဖြင့်... ကြည့်ရသည်မှာ ရက်စက်ကြမ်းကြုတ်မည့် ပုံစံ ပေါက်နေတော့သည်။</p> <p>“ဘယ်သူ ရှေ့ထွက်ပြီး ငါ့ကို စိန်ခေါ်ရဲသလဲ" လီဖေးယွီ က ဓားရှည်ဖြင့် ညွှန်ပြကာ လျှပ်စီးပမာ စူးရှလှသော အကြည့်များဖြင့် ကွင်းပြင် တစ်ခုလုံးကို ဝေ့ကြည့်လိုက်၏။</p> <p>စင်အောက်ရှိ မိစ္ဆာကျင့်ကြံသူများမှာ ဆူညံစွာ ဆွေးနွေးနေကြပြီး... ဘယ်သူက အရင်ဆုံး တက်ပြီး သေမလဲ ဆိုသည်ကို ခန့်မှန်းနေကြတော့သည်။</p> <p>“ငါ လာမယ်"</p> <p>ကြမ်းတမ်းလှသော ဟိန်းဟောက်သံ တစ်ခု ထွက်ပေါ်လာ၏။</p> <p>ဝမ်သဲ့ဖာ (ဒီဖရဲသီး မှည့်ပြီလား) သည် ယခုလေးတင် သူ ဝယ်ထားခဲ့သော အသွားမသွေးရသေးသည့် (ဟိတ်ဟန် ထုတ်ရန် သက်သက် ဝယ်ထားသော) ဧရာမ မိစ္ဆာခေါင်း ဓားမကြီးကို ထမ်းလျက် စင်မြင့်ထက်သို့ ခန့်ညားစွာ လျှောက်သွားသည်။</p> <p>ချီစုစည်းမှု အဆင့် (၅) သာ ရှိပြီး၊ အဆီတဝင်းဝင်းဖြင့် ကိုယ်လုံးကြီး တုန်ခါနေကာ... စုတ်ပြတ်နေသော လက်နက်ကိရိယာများကို ဝတ်ဆင်ထားသည့် ဤလူဝကြီးကို မြင်လိုက်ရသည့်အခါ လီဖေးယွီ သည် မျက်မှောင်ကြုတ်သွားပြီး သူ၏ မျက်လုံးများထဲတွင် အထင်သေးရိပ်များ ဖြတ်ပြေးသွားတော့၏။</p> <p>“ကွေ့ယွမ်ဂိုဏ်းကလား။ ဟက်... သူတို့က ဝက်တစ်ကောင်ကို သေဖို့ လွှတ်လိုက်တာလား"</p> <p>“စကားများမနေနဲ့ကွာ"</p> <p>ဝမ်သဲ့ဖာ က သူ၏ မိစ္ဆာခေါင်း ဓားမကြီးကို မြေပြင်ပေါ်သို့ ဒုန်းခနဲ မြည်အောင် စိုက်ချလိုက်ပြီးနောက်... လီဖေးယွီ ကို ရန်စသည့် မျက်နှာထားဖြင့် လက်ယပ်ခေါ်လိုက်၏။</p> <p>“ငါ့မြေးလေး... မင်းကို သုံးကွက် အရင် ပေးမယ်။ လာစမ်း။ ရှေ့ကနေ တည့်တည့်သာ ဝင်လာခဲ့စမ်းပါ"</p> <p>“သေချင်နေတာပဲ"</p> <p>လီဖေးယွီ မှာ ရှူးခနဲ ဒေါပွသွား၏။ သူသည် ဘာမှ ထပ်မပြောတော့ဘဲ သွေးနီရောင် အရိပ်တစ်ခု အဖြစ် ပြောင်းလဲသွားလေပြီ။... သူ၏ အရိုးဓားရှည်ကြီးဖြင့် လေကို ခွင်းလျက် ဝမ်သဲ့ဖာ၏ လည်မျိုဆီသို့ တည့်တည့်မတ်မတ် တိုးဝင်လာတော့၏။ သူ၏ တိုက်ခိုက်မှုမှာ လျှပ်စီးပမာ မြန်ဆန်လှပြီး သတ်ဖြတ်လိုစိတ်များ အပြည့်အဝ ပါဝင်နေကြောင်း သိသာလှသည်။</p> <p>ဓားသွားသည် ဝမ်သဲ့ဖာ ကို ထိတော့မည့် ဆဲဆဲမှာပင်...</p> <p>လူတိုင်း ထင်မှတ်ထားသလို ဝမ်သဲ့ဖာ သည် ဓားကို မြှောက်ကာ ခုခံခြင်း သို့မဟုတ် ရှောင်တိမ်းခြင်းများကို မပြုလုပ်ခဲ့ပေ။</p> <p>သူ၏ လက်သည် ပေါင်ကြားဆီသို့ (အမှန်တော့ ခါးရှိ ဝိညာဉ်သိုလှောင်အိတ် ဆီသို့ ဖြစ်သည်) ရုတ်တရက် ရောက်ရှိသွား၏။</p> <p>“ဖောင်း...”</p> <p>မည်သည့် ကြိုတင် အသိပေးချက်မှ မရှိဘဲ... အဖြူရောင် အမှုန့် တစ်ဆုပ်ကြီးမှာ လီဖေးယွီ ၏ မျက်နှာပေါ်သို့ အလုံးအရင်းနှင့် ပက်ခံလိုက်ရတော့သည်။</p> <p>“ဒါ ဘာတွေလဲဟ"</p> <p>လီဖေးယွီ မှာ ထိတ်လန့်သွားပြီး မသိစိတ်မှနေ၍ မျက်လုံးများကို မှိတ်ကာ အနောက်သို့ ဆုတ်လိုက်၏။ သို့သော်လည်း သူသည် အမှုန့်အချို့ကို ရှူရှိုက်မိသွားသဖြင့်... လည်ချောင်းထဲတွင် ချက်ချင်း ပူလောင်လာပြီး၊ မျက်လုံးများထဲသို့ သဲများ ဝင်သွားသကဲ့သို့ မျက်ရည်များ ထိန်းမရအောင် စီးကျလာတော့သည်။</p> <p>“အဟွတ်... အဟွတ်... အဟွတ်... ထုံးမှုန့်တွေလား။ မင်းက ကျင့်ကြံသူ တစ်ယောက် ဟုတ်သေးရဲ့လားကွ"</p> <p>လီဖေးယွီ က ကျယ်လောင်စွာ ကျိန်ဆဲလိုက်၏။</p> <p>“ဘယ်လို ကျင့်ကြံသူကများ... တိုက်ပွဲမှာ ထုံးမှုန့်တွေကို သုံးလို့လဲ။ ဒါ လူမိုက်တွေရဲ့ အကွက်တွေလေ"</p> <p>“စစ်ပွဲဆိုတာ လှည့်စားတာပဲလေ... မင်း နားမလည်ဘူးလား"</p> <p>ဝမ်သဲ့ဖာ က ရယ်မောလိုက်ပြီး... တစ်ဖက်လူ မျက်စိမမြင်ရသည့် အချိန်ကို အခွင့်ကောင်းယူကာ... လေးလံလှသော မိစ္ဆာခေါင်း ဓားမကြီးကို အားရပါးရ လွှဲချလိုက်၏။</p> <p>သို့သော် ခုတ်ချခြင်း မဟုတ်ဘဲ... ဓားနောက်ကျော ပြားပြားကြီးကို အသုံးပြုကာ လီဖေးယွီ ၏... ဒူးခေါင်းကို အားကုန် ရိုက်ချလိုက်ခြင်းပင် ဖြစ်တော့သည်။</p> <p>“ဂျွတ်...”</p> <p>“အား...” လီဖေးယွီ မှာ နာကျင်စွာ အော်ဟစ်လိုက်ပြီး ဒူးတစ်ဖက် ထောက်ကျသွား၏။</p> <p>ချက်ချင်းဆိုသလိုပင်... ဝမ်သဲ့ဖာ က နောက်ထပ် ခြေတစ်ချက် ကန်လိုက်ပြန်သည်။ ယခုတစ်ကြိမ်တွင်မူ တိကျစွာဖြင့် လီဖေးယွီ ၏ ဗိုက်ကို အားရပါးရ ကန်ချလိုက်သဖြင့်... သူသည် မြေပြင်ပေါ်သို့ ပုံလျက်သား လဲကျသွားတော့သည်။</p> <p>လီဖေးယွီ ပြန်ထရန်ပင် အချိန်မရလိုက်မီ... ဝမ်သဲ့ဖာ သည် အသားတောင်ကြီး တစ်ခုပမာ သူ၏ အပေါ်သို့ ဖိချလိုက်ပြီး... သူ၏ လည်ပင်းနှင့် ခြေလက်များကို တင်းကျပ်စွာ ချုပ်နှောင်ထားလိုက်၏။</p> <p>“အရှုံးပေးလား။ မင်း အရှုံးပေးပြီလားကွ"</p> <p>“လွှတ်စမ်း။ သတ္တိရှိရင် မျှမျှတတ ယှဉ်တိုက်လေကွာ"</p> <p> လီဖေးယွီ က အသည်းအသန် ရုန်းကန်ရင်း... ဤလူဝကြီးကို ခါချပစ်ရန် သူ၏ ဝိညာဉ်စွမ်းအင်များကို ထုတ်လွှတ်လိုက်၏။</p> <p>သို့သော် ဝမ်သဲ့ဖာ က လုံးဝ (လုံးဝ) မလွှတ်ပေးဘဲ... ပါးစပ်ကို အကျယ်ကြီး ဟကာ၊ ထောင့်လေး ပဲ့နေသော သွားတစ်ချောင်းကို ထုတ်ပြလျက် လီဖေးယွီ ၏ နားထဲသို့ အားရပါးရ ဟိန်းဟောက်လိုက်တော့သည်။</p> <p>“ဝိဉာဉ် တိုက်ခိုက်မှုဟေ့... အားးးးးး...”</p> <p>စူးရှလှသော အော်ဟစ်သံက သူ၏ နားစည်များကို ရိုက်ခတ်သွားသဖြင့်... လီဖေးယွီ ၏ ခေါင်းထဲတွင် အူသွားပြီး၊ ဝိညာဉ်စွမ်းအင်များကိုပင် စုစည်း၍ မရနိုင်တော့ချေ။</p> <p>“ဒိုင်လူကြီး... သူ စည်းကမ်း ဖောက်နေတယ်။ ထုံးမှုန့်တွေ သုံးတယ်။ ပြီးတော့ ကျွန်တော့်ကိုတောင် အော်နေသေးတယ်ဗျာ" လီဖေးယွီ မှာ လုံးဝကို စိတ်ဓာတ်ကျသွားပြီး... ဘေးဘက်ရှိ သွေးမိစ္ဆာဂိုဏ်းမှ အကြီးအကဲထံသို့ အကူအညီ တောင်းခံရရှာ၏။</p> <p>အကြီးအကဲ ၏ နှုတ်ခမ်းများမှာ တုန်ယင်သွားသည်။</p> <p> သူသည် ခေတ္တမျှ ဝေခွဲမရ ဖြစ်သွားပြီးနောက် ပြန်ပြောလိုက်၏။</p> <p> “မိစ္ဆာလမ်းစဉ်ရဲ့ တိုက်ပွဲတွေက ရက်စက်ကြမ်းကြုတ်တယ်။ ထုံးမှုန့် သုံးတာကို တားမြစ်ထားတာ မရှိပါဘူး... ဆက်လုပ်ကြ"</p> <p>ဤစကားကို ကြားလိုက်ရသည့်အခါ ဝမ်သဲ့ဖာ မှာ ပို၍ပင် စိတ်လှုပ်ရှားသွားတော့သည်။</p> <p>“ဟဲဟဲ... ကြားတယ် မဟုတ်လား။ ဘယ်နည်းလမ်းမဆို သုံးလို့ ရတယ်တဲ့ဗျို့”</p> <p>သူသည် အိတ်ကပ်ထဲမှ ဖန်ပုလင်းငယ်လေး တစ်လုံးကို (အထဲတွင် အဆိပ်များ ပါဝင်သည်) ဆွဲထုတ်လိုက်ပြီး လီဖေးယွီ ၏ မျက်နှာရှေ့တွင် ဝှေ့ယမ်းပြလိုက်၏။</p> <p>“မင်း အရှုံးမပေးဘူး ဆိုရင်... ဒီ ‘အပြင်းစား ရှဉ့်စော်နံ အရည်’ တစ်ပုလင်းလုံးကို မင်း ပါးစပ်ထဲ လောင်းထည့်လိုက်မှာနော်။ မင်းကို တစ်သက်လုံး နံစော်နေအောင် လုပ်ပစ်မယ်"</p> <p>လီဖေးယွီ သည် ဖန်ပုလင်းထဲမှ အစိမ်းရောင် အရည်များကို ကြည့်ကာ၊ ပျို့အန်ချင်စရာကောင်းသော အနံ့ဆိုးများကို ရှူရှိုက်မိလိုက်သည့်အခါ... နောက်ဆုံးတွင်တော့ လုံးဝ (လုံးဝ) အရှုံးပေးလိုက်ရရှာတော့၏။</p> <p>“ငါ... ငါ အရှုံးပေးပါပြီ။ လွှတ်ပါတော့... အဲ့ဒါကြီးကို ဖယ်လိုက်ပါတော့"</p> <p>“မြှောက်လွန်းပါပြီကွာ"</p> <p>ဝမ်သဲ့ဖာ က ချက်ချင်းပင် လွှတ်ပေးလိုက်ပြီး ဖန်ပုလင်းကို သိမ်းကာ... မတ်တတ်ရပ်၍ ဖုန်များကို ခါလိုက်သည်။ ထို့နောက် သူသည် ဆရာကြီး တစ်ပါးပမာ ပရိသတ်များကို လက်ဝှေ့ယမ်း ပြလိုက်တော့၏။</p> <p>စင်အောက်ရှိ မိစ္ဆာကျင့်ကြံသူများမှာ လုံးဝကို အူကြောင်ကြောင် ဖြစ်သွားကြသည်။</p> <p>“ဒီလိုပဲ... အနိုင်ရသွားတာလားဗျာ"</p> <p> “အဆင့်ငယ် လေးဆင့်တောင် ကျော်ပြီး... မြေကြီးပေါ်မှာ ပွတ်ဆွဲသွားတာ တဲ့လား"</p> <p> “ဒီ ကွေ့ယွမ်ဂိုဏ်းရဲ့ အကွက်တွေက... တကယ့်ကို အောက်တန်းကျလွန်းပါတယ်"</p> <p>သို့သော်လည်း... ဒါက အိပ်မက်ဆိုး၏ အစပျိုးခြင်းမျှသာ ရှိသေး၏။</p> <p>ဒုတိယ ပွဲစဉ်တွင်... ကွေ့ယွမ်ဂိုဏ်းမှ သွက်လက်မှုလိုင်း ကစားသမား ဖြစ်သော အသည်းနှလုံးသူခိုး ကို စေလွှတ်လိုက်သည်။</p> <p>သူ၏ ပြိုင်ဘက်မှာ အဆိပ်ပိုးမွှားများကို ထိန်းချုပ်ရာတွင် ကျွမ်းကျင်သော မိစ္ဆာမလေး တစ်ဦး ဖြစ်၏။</p> <p>မိစ္ဆာမလေးမှာ အဆိပ်ကင်းမြီးကောက် အချို့ကို လွှတ်ထုတ်ကာ... အဝေးမှနေ၍ ‘စွန်လွှတ်’ တိုက်ခိုက်ရန် ပြင်ဆင်နေစဉ်မှာပင်...</p> <p>ဘာမှ မပြောမဆိုဘဲ အသည်းနှလုံးသူခိုး သည် သူ၏ ကျောနောက်မှ ဧရာမ ပိုက်ကွန်ကြီး တစ်ခုကို ဆွဲထုတ်လိုက်ပြီး... ငါးဖမ်းသကဲ့သို့ ထိုမိစ္ဆာမလေးနှင့် ပိုးမွှားများကို အတူတကွ ဖမ်းယူလိုက်လေတော့သည်။</p> <p>ထို့နောက် သူသည် တိုက်ခိုက်ခြင်း မပြုတော့ဘဲ... ပိုက်ကွန်ကြီးကို ဆွဲကာ စင်မြင့်ပေါ်တွင် ပတ်ချာလည် ပြေးလွှားနေတော့၏။</p> <p>“ငါ့ကို အပြင်လွှတ်ပေးစမ်း။ နင့်ကို သတ်ပစ်မယ်"</p> <p>မိစ္ဆာမလေးမှာ ပိုက်ကွန်ထဲတွင် အော်ဟစ်နေသော်လည်း... ဆွဲရမ်းခံရလွန်းသဖြင့် ခေါင်းများ မူးနောက်လာပြီး၊ သူမ၏ အဝတ်အစားများပင် စုတ်ပြတ်သတ်ကုန်သည်။</p> <p>“ဟဲဟဲဟဲ... မင်း ငါ့ကို ဖမ်းလို့ မမိဘူးလေ" ကစားသမားက ပြေးလွှားရင်း နောက်ပြောင်နေတော့၏။</p> <p>နောက်ဆုံးတွင် မိစ္ဆာမလေးမှာ အန်ထွက်လာပြီး၊ ပါးစပ်မှ အမြှုပ်များ ထွက်ကာ မေ့လဲသွားရရှာသည်။</p> <p>တတိယ ပွဲစဉ်တွင်... ခွန်အားလိုင်း ကစားသမား လက်သီးတစ်ချက် ငိုသံတစ်ချက်သည် အလောင်းကောင်များကို ထိန်းချုပ်သည့် မိစ္ဆာကျင့်ကြံသူ တစ်ဦးနှင့် ရင်ဆိုင်ရ၏။</p> <p>ထို မိစ္ဆာကျင့်ကြံသူမှာ ကြေးဝါ အလောင်းကောင် တစ်ကောင်ကို ဆင့်ခေါ်လိုက်သော်လည်း... အမိန့်ပေးရန် အချိန်ပင် မရလိုက်ချေ။</p> <p>ကစားသမားမှာ အပြေးအလွှား ရောက်ရှိလာပြီး ကြေးဝါ အလောင်းကောင်၏ ခြေထောက်ကို ဆွဲကိုင်ကာ အော်ဟစ်လိုက်သည်။</p> <p> “ညီအစ်ကိုတို့... ဒီကောင်မှာ အသက်သွေးကြောတန်း မပါပေမယ့် သူ့ရဲ့ ချပ်ဝတ်က တော်တော် တန်ဖိုးရှိမယ့် ပုံပဲဗျို့။ ချွတ်ကြစမ်း"</p> <p>သူသည် လူပုံအလယ် စင်မြင့်ထက်တွင်... ကြေးဝါ အလောင်းကောင်ထံမှ လက်နက်ကိရိယာများကို အားရပါးရ စတင် ဖြုတ်ယူနေတော့၏။</p> <p>“ရပ်လိုက်စမ်း။ အဲ့ဒါ ငါ့ရဲ့ ကိုယ်ပိုင် အလောင်းကောင် ရုပ်သေးရုပ်ကွ။ သူ့ရဲ့ လက်မောင်းတွေကို ဆွဲမဖြုတ်နဲ့လေဗျာ" မိစ္ဆာကျင့်ကြံသူမှာ အထိတ်တလန့်ဖြင့် ခုန်ဆွခုန်ဆွ ဖြစ်နေသည်။</p> <p>သို့သော် ထိုကစားသမားမှာ အလွန်တရာ အားသန်လှသဖြင့်... ကြေးဝါ အလောင်းကောင်၏ လက်မောင်း တစ်ဖက်ကို အောင်မြင်စွာ ဆွဲဖြုတ်နိုင်ခဲ့၏။ ထို့နောက် သူသည် ထို ကြေးဝါ လက်မောင်းကြီးကို အသုံးပြုကာ မိစ္ဆာကျင့်ကြံသူ နောက်သို့ လိုက်လံ ရိုက်နှက်တော့သည်။</p> <p>“ငါ့ကို ပေးစမ်းပါ"</p> <p>---</p> <p>ပွဲစဉ် တစ်ပွဲပြီး တစ်ပွဲ ပြီးဆုံးသွားပြီးနောက်...</p> <p>မူလက တည်ကြည်လေးနက်ပြီး၊ သွေးထွက်သံယိုများ ပြည့်နှက်နေကာ၊ နည်းပညာပိုင်းဆိုင်ရာ ဆန်းပြားလှသော မိစ္ဆာလမ်းစဉ် တိုက်ပွဲများမှာ... လုံးဝ (လုံးဝ) လူပြက်ပွဲကြီး တစ်ခု အဖြစ်သို့ ပြောင်းလဲသွားခဲ့ပြီ ဖြစ်၏။</p> <p>ထုံးမှုန့်များ ပက်ခြင်း၊ အဆိပ်ငွေ့များ ပစ်ပေါက်ခြင်း၊ အစွမ်းထက်သူများကို ဖက်တွယ်ထားခြင်း၊ လက်နက်များ ဖြုတ်ယူခြင်းနှင့် ဝိဉာဉ် ညစ်ညမ်းအောင် ပြုလုပ်ခြင်း...။ ကွေ့ယွမ်ဂိုဏ်း၏ တပည့်များက “အနိုင်ရဖို့ အတွက် ဘာမဆို စွန့်လွှတ်ရဲတယ်” ဆိုသည့် စကား၏ အဓိပ္ပာယ်ကို... သူတို့၏ လုပ်ရပ်များဖြင့် သက်သေပြသွားခဲ့ကြသည်။</p> <p>စင်အောက်ရှိ မိစ္ဆာကျင့်ကြံသူများမှာ အစပိုင်းက အံ့သြတုန်လှုပ်မှုများမှသည် ဒေါသထွက်မှုများသို့၊ ထိုမှတစ်ဆင့် ထုံကျဉ်မှုများနှင့် ကြောက်ရွံ့မှုများ အဖြစ်သို့ ပြောင်းလဲသွားကြတော့၏။</p> <p>စင်မြင့်ထက်တွင် ခန့်ညားစွာ လျှောက်လှမ်းနေကြသော ကွေ့ယွမ်ဂိုဏ်းသားများကို ကြည့်ရင်း... သူတို့၏ ခေါင်းထဲတွင် တူညီသော အတွေးတစ်ခု ပေါ်ထွက်လာသည်။</p> <p>ဒီလူတွေက... တကယ်ရော မိစ္ဆာကျင့်ကြံသူတွေ ဟုတ်ပါရဲ့လား။</p> <p>သူတို့နဲ့ ယှဉ်လိုက်ရင်... ငါတို့က တကယ့်ကို ယဉ်ကျေးပြီး အဆင့်အတန်း မြင့်လွန်းနေတယ်လေ။</p> <p>နောက်ဆိုရင် အပြင်သွားတဲ့အခါ ကွေ့ယွမ်ဂိုဏ်းသားတွေနဲ့တွေ့ရင်... သေချာပေါက် ကွေ့ရှောင်သွားရမယ်ဟေ့။ သူတို့က တကယ့်ကို အောက်တန်းကျလွန်းပါတယ်။</p> <p>(ကွေ့ယွမ်ဂိုဏ်းသားတွေလို့ မရေးထိုးထား၍ ဖတ်မရသည့်အတွက် မရှောင်နိုင်ပါ။)</p> <p>စင်မြင့်ထက်တွင်မူ...</p> <p>မိမိ၏ တပည့်များ တစ်ယောက်ပြီး တစ်ယောက်... လောကကြီးကို သံသယ ဝင်လျက် စင်ပေါ်မှ ထမ်းချခံနေရသည်ကို ကြည့်ရင်း... သွေးမိစ္ဆာဂိုဏ်း၏ ဂိုဏ်းချုပ်ကြီး၏ မျက်နှာမှာ အိုးမည်း သုတ်ထားသည့်အလား မည်းနက်နေတော့၏။</p> <p>သူသည် ဘေးနားတွင် အေးအေးဆေးဆေး လက်ဖက်ရည် သောက်နေသော ကျန်းချန်ကို လှည့်ကြည့်လိုက်ပြီး... အံကို ကြိတ်ကာ စကားတစ်ခွန်းကို ညှစ်ထုတ်လိုက်သည်။</p> <p>“ဂိုဏ်းချုပ်ကြီး ကျန်းချန်... ခင်ဗျားတို့ ဂိုဏ်းရဲ့ တိုက်ခိုက်ရေး ပုံစံတွေက တကယ့်ကို... ထူးခြားလွန်းလှပါတယ်"</p> <p>ကျန်းချန်က လက်ဖက်ရည် ပန်းကန်လုံးကို ချလိုက်ပြီး၊ သိမ်မွေ့စွာ ပြုံးလိုက်ကာ... ဂုဏ်ယူမှုများ (နှင့် အကူအညီမဲ့မှုများ) ပါဝင်နေသည့် လေသံဖြင့် ဆိုလိုက်၏။</p> <p>“မြှောက်လွန်းပါပြီဗျာ။ ရှင်သန်ရပ်တည်ရတာ ခက်ခဲလွန်းလို့... ဒီကလေးတွေလည်း သူတို့ရဲ့ ဉာဏ်ပညာတွေကို အတင်းအကြပ် ဖော်ထုတ်ခဲ့ရတာပါ"</p> <p>“ဘာပဲဖြစ်ဖြစ်လေ...ကျုပ်တို့ ကွေ့ယွမ်ဂိုဏ်းမှာက... အသက်ရှင်ကျန်ရစ်တဲ့ သူကမှ စကားပြောခွင့် ရှိတာကိုးဗျ"</p> <p>အလွန် နက်နဲလှသော ဤစကားကို ကြားလိုက်ရသည့်အခါ သွေးမိစ္ဆာဂိုဏ်း၏ ဂိုဏ်းချုပ်ကြီးမှာ ချက်ချင်းပင် လေးစားသွားလေတော့သည်။</p> <p>အော်... ဒီလိုကိုး။ ဒီလို ရက်စက်လှတဲ့ ရှင်သန်ရေး စိတ်ဓာတ်ကမှ... မိစ္ဆာလမ်းစဉ်ရဲ့ စစ်မှန်တဲ့ အနှစ်သာရပဲလေ။ ကြည့်ရတာ ငါတို့ သွေးမိစ္ဆာဂိုဏ်းက အရမ်းကို သက်တောင့်သက်သာ ဖြစ်နေခဲ့ပြီ ထင်တယ်။ ကွေ့ယွမ်ဂိုဏ်းဆီကနေ သင်ယူစရာတွေ အများကြီး ရှိသေးတာပဲ။</p> <p>ဤနည်းဖြင့် ကွေ့ယွမ်ဂိုဏ်းသည် မိစ္ဆာပေါင်း တစ်သောင်း တွေ့ဆုံပွဲ၏ ပြိုင်ပွဲကြီးကို... အလွန်တရာ ထူးဆန်းလှသော နည်းလမ်းများဖြင့် အနိုင်ရသွားခဲ့ရုံသာမက... နေရာရှိ မိစ္ဆာကျင့်ကြံသူ အားလုံး၏ ‘လေးစားမှု’ (အမှန်တော့ ကြောက်လန့်မှု) များကိုပါ ရရှိသွားပြီ ဖြစ်၏။</p> <p>---</p> <p>[t.n-</p> <p>* ချီစုစည်းမှု အဆင့်: ကျင့်ကြံခြင်း၏ ပထမဆုံး အဆင့်။</p> <p>* စွန်လွှတ် တိုက်ခိုက်သည် ,: ရန်သူနှင့် အကွာအဝေး တစ်ခု ထားရှိကာ အဝေးမှ လှည့်ပတ် တိုက်ခိုက်သည့် နည်းဗျူဟာ။</p> <p>* အသက်သွေးကြောတန်း: ဂိမ်းအတွင်းရှိ အန်ပီစီများ၏ အသက်ရှင်သန်နိုင်စွမ်းကို ပြသသည့် အမှတ်။</p> <p>* ရုပ်ပိုင်းဆိုင်ရာ ကာကွယ်ရေး လေ့ကျင့်မှု: ကိုယ်ခန္ဓာကို အကြိမ်ကြိမ် ရိုက်နှက်၍ ကာကွယ်ရေး စွမ်းအားကို မြှင့်တင်သော လေ့ကျင့်နည်း။]</p> <p> </p> <p> </p> <p style="text-align: center;">***</p>


Save