Book List

<h2 style="text-align: center;">အခန်း (၁၆၀)</h2> <h2 style="text-align: center;">လောကကြီးမှာ မင်းကို ဘယ်သူက မသိဘဲ နေမှာလဲ.. မိစ္ဆာလမ်းစဉ်ရဲ့</h2> <h2 style="text-align: center;">ခေါင်းဆောင် ကွေ့ယွမ်ဂိုဏ်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~ရက်အနည်းငယ် ကြာပြီးနောက် ၊ ချန်ဝူတောင်တန်း တစ်ဝိုက်ရှိ ကျင့်ကြံခြင်း လောက တစ်ခုလုံးမှာ ပွက်လောရိုက်သွားခဲ့ပြီ ဖြစ်၏။</p> <p>မိစ္ဆာပေါင်း တစ်သောင်း တွေ့ဆုံပွဲ နှင့် ပတ်သက်သော တုန်လှုပ်ဖွယ် ကောလာဟလကြီး တစ်ခုသည်... ဂိုဏ်းအသီးသီး၊ ဈေးကွက်များနှင့် လူ့ပြည်ရှိ တိုင်းပြည်များအထိပင် လေပြင်းအလျင်  ရိုက်ခတ်သွားတော့၏။ သို့သော် ယခုတစ်ကြိမ် ကောလဟာလများ၏ အဓိက ဇာတ်လိုက်မှာ... ဝါရင့် မိစ္ဆာခေါင်းဆောင်ကြီးများ မဟုတ်တော့ဘဲ၊ ယခင်က နာမည်ပင် မကြားဖူးခဲ့သော ဂိုဏ်းငယ်လေး တစ်ခု ဖြစ်သည့် ‘ကွေ့ယွမ်ဂိုဏ်း’ ပင် ဖြစ်နေတော့သည်။</p> <p>(လျိုယွင် ဈေးကွက်၊ လက်ဖက်ရည်ဆိုင်)</p> <p>“ဟေ့ကောင်တွေ... ကြားပြီးကြပြီလား။ မိစ္ဆာ တစ်သောင်း တွေ့ဆုံပွဲမှာလေ... ကွေ့ယွမ်ဂိုဏ်းက ဖြောင့်မတ်တဲ့ လမ်းစဉ် ဂိုဏ်းကြီး ငါးဂိုဏ်းရဲ့ ပူးပေါင်း တိုက်ခိုက်မှုကို အမွှေးတစ်ပင်တောင် အကျွတ်မခံဘဲ ပြန်ရိုက်ချလိုက်တယ်တဲ့ကွ"</p> <p>“အဲ့ဒါတင် ဘယ်ကမလဲ။ ဖြောင့်မတ်တဲ့ လမ်းစဉ် မဟာမိတ်တပ်ကြီးကိုတောင် ပြောင်သလင်းခါအောင် လုယက်သွားသေးတာတဲ့ဗျို့။ ချင်ရွှမ် အရှင် ဆိုရင် အတွင်းခံ ဘောင်းဘီလေးတောင် မနည်း ဆွဲပြေးလာရတယ် ဆိုပဲ"</p> <p>“သောက်ရမ်း ကြောက်စရာ ကောင်းတာပဲ။ ဂိုဏ်းချုပ် ကျန်းချန် ဆိုတာ... ရှေးခေတ်က မိစ္ဆာသခင်ကြီး ဝင်စားတာတဲ့ဟေ့။ သူ့လက်အောက်မှာ မသေနိုင်တဲ့ မိစ္ဆာစစ်သည် သုံးထောင် ရှိပြီး၊ သူတို့ ဖြတ်သွားတဲ့ နေရာတိုင်းမှာ ဘာတစ်ခုမှ မကျန်အောင် သုတ်သင်သွားတတ်တယ်လို့ ပြောကြတယ်ဗျို့"</p> <p>(ချင်းယန်ဂိုဏ်း၊ အတွင်းစည်း)</p> <p>လေထုမှာ အသက်ရှူကျပ်မတတ် လေးလံနေ၏။ တပည့်များ အားလုံးမှာ ဂိုဏ်းချုပ်ကြီးကိုပင် အနိုင်ယူသွားခဲ့သော ထို ကြောက်မက်ဖွယ် မိစ္ဆာဂိုဏ်းအကြောင်းကို တီးတိုး ဆွေးနွေးနေကြတော့သည်။</p> <p>“စီနီယာ အစ်ကိုကြီး... ကွေ့ယွမ်ဂိုဏ်းက တကယ်ပဲ အဲ့ဒီလောက်တောင် အစွမ်းထက်တာလားဗျ"</p> <p>“ရှူး... တိုးတိုး။ အရမ်း မပြောနဲ့။ ငါ ကြားတာတော့ သူတို့ဆီမှာ လူတွေကို သတိမထားမိဘဲ ကခုန်လာအောင် လုပ်နိုင်တဲ့ မိစ္ဆာပညာ တစ်ခု ရှိတယ်တဲ့။ ပြီးရင် အသက်စွမ်းအင်တွေကို စုပ်ယူသွားတာဟေ့။ နောက်ဆိုရင် အပြင်မှာ ကွေ့ယွမ်ဂိုဏ်းက လူတွေနဲ့ တွေ့ရင်... သူတို့ မျက်လုံးကို လုံးဝ (လုံးဝ) သွားမကြည့်မိစေနဲ့နော်"</p> <p>(သွေးမိစ္ဆာဂိုဏ်း၊ ပင်မ ဌာနချုပ်)</p> <p>သွေးခြောက်သွေ့ အရှင် သည် ကွေ့ယွမ်ဂိုဏ်းထံမှ သူ ဝယ်ယူလာခဲ့သော ‘အုတ်ခဲ’ (အမှန်တော့ သာမန် အုတ်ခဲတစ်လုံးသာ ဖြစ်သည်) ကို ကိုင်ဆောင်ကာ... အထင်ကြီး လေးစားမှုများ အပြည့်ပါဝင်သော မျက်နှာထားဖြင့် သူ၏ တပည့်များကို ဆုံးမနေ၏။</p> <p>“သူတို့ကို ကြည့်စမ်း။ ဒါကမှ မိစ္ဆာလမ်းစဉ် အစစ်ကွ။ အရှင်းလင်းဆုံး လက်နက်တွေကို သုံးပြီး အကြမ်းတမ်းဆုံး အာနိသင် ရအောင် လုပ်ပြသွားတာပဲ။ ဒီနေ့ကစပြီး ငါတို့ ဂိုဏ်းက တပည့်တွေ အကုန်လုံး... ကွေ့ယွမ်ဂိုဏ်းကို စံနမူနာ ယူရမယ်။ ရက်စက်ရုံတင် မကဘူး... အောက်တန်းလည်း ကျရမယ်ဟေ့"</p> <p>---</p> <p>ကွေ့ယွမ်ဂိုဏ်း။ ခန်းမဆောင်ကြီး အတွင်း၌၊</p> <p>ကျန်းချန် သည် စနစ် မျက်နှာပြင်ပေါ်တွင် ရူးသွပ်စွာ ခုန်တက်နေသော ဂုဏ်သတင်း အမှတ်များကို ကြည့်ရင်း... သူ၏ ရင်ထဲတွင် အလွန်တရာ ရှုပ်ထွေးသော ခံစားချက်များ ဖြစ်ပေါ်နေရသည်။</p> <p>(လက်ရှိ ဂိုဏ်း၏ ဂုဏ်သတင်း - နာမည်ဆိုးဖြင့် ကျော်ကြားခြင်း)</p> <p>(ရရှိသော အထူး ဘွဲ့အမည် - မိစ္ဆာလမ်းစဉ်၏ ခေါင်းဆောင် (တပ်ဆင်ထားပါက မိစ္ဆာလမ်းစဉ်၏ တိုက်ခိုက်မှုများကို ခုခံကာကွယ်နိုင်စွမ်း ရှိသည်။))</p> <p>(ကျင့်ကြံသူများကို ခြိမ်းခြောက်နိုင်စွမ်း ၅၀ ရာခိုင်နှုန်း တိုးလာမည်၊ ဖြောင့်မတ်သော လမ်းစဉ်၏ မုန်းတီးမှု ၁၀၀ ရာခိုင်နှုန်း တိုးလာမည်။)</p> <p>(စနစ်၏ မှတ်ချက် - သင်သည် ကျင့်ကြံခြင်း လောက တစ်ခုလုံး၏ အာရုံစိုက်မှုကို အောင်မြင်စွာ ရယူနိုင်ခဲ့ပါပြီ။ သင့်ကို သတ်ချင်သူများ ဖြစ်စေ၊ သင့်ထံတွင် တပည့်ခံချင်သူများ ဖြစ်စေ... အားလုံး သင့်ဆီသို့ လာနေကြပါပြီ။)</p> <p>“မိစ္ဆာလမ်းစဉ်ရဲ့ ခေါင်းဆောင် တဲ့လားကွာ...”</p> <p>ကျန်းချန် က ခါးသက်သက် ပြုံးလိုက်ပြီး နှာခေါင်းကို ပွတ်သပ်လိုက်၏။</p> <p>“ငါက အေးအေးဆေးဆေး ကျင့်ကြံချင်လို့ပါ ဆိုနေမှ... ဘယ်လိုလုပ်ပြီး မိစ္ဆာခေါင်းဆောင်ကြီး ဖြစ်သွားရတာလဲ"</p> <p>“ဒီလူတွေကလည်း...”</p> <p>သူသည် ခန်းမဆောင် အပြင်ဘက်သို့ လှမ်းကြည့်လိုက်သည်။</p> <p>ကျောက်ကွင်းပြင်ကျယ်၌ ကစားသမား သုံးထောင်ကျော်မှာ ခမ်းနားလှသော ‘အောင်ပွဲခံ စားသောက်ပွဲ’ ကြီးကို ဆင်နွှဲနေကြ၏။</p> <p>ကောင်းကင်ခွင်း ဓားတစ်လက် သည် လုယူလာခဲ့သော ဓားပျံ အချို့ကို ထမ်းလျက် လူသစ်လေးများကို ‘ဓားပြတိုက်နည်း လျှို့ဝှက်ချက်’ များ သင်ကြားပေးနေလေသည်။</p> <p>ဆောက်လုပ်ရေးခွင်မှ ဦးလေးကျန်း ကမူ လူတစ်အုပ်ကို ဦးဆောင်ကာ... ယခုလေးတင် သူတို့ လုယူလာခဲ့သော သွေးမိစ္ဆာဂိုဏ်း၏ တိုင်လုံးကြီးကို ဂိုဏ်း၏ အလံတိုင်အဖြစ် ပြောင်းလဲရန် ကြိုးစားနေတော့၏။ ကျောက်ကပ်ကြော် သည်လည်း လုယူလာသော ဆေးဖိုကြီး တစ်ခုကို အသုံးပြုကာ အိုးပူဟင်းလျာ ချက်ပြုတ်နေပြီး... အမွှေးနံ့များမှာ မိုင်ပေါင်းများစွာ အထိ လွင့်ပျံနေသည်။</p> <p>ဘယ်ကနေ ဘယ်လို ရလာမှန်း မသိသော အနက်ရောင် ဝတ်စုံလေးကို ဆင်မြန်းထားသည့် ဆုချင်းကော ပင်လျှင်... လက်ထဲတွင် ပေသီး တစ်လုံးကို ကိုင်ကာ ကစားသမားများ လုယူလာသော ပစ္စည်းများကို စာရင်း တွက်ပေးနေ၏။ သူမ၏ မျက်နှာပေါ်ရှိ တည်ငြိမ်သော အပြုံးလေးက... “နင်တို့ အစွမ်းပြနေတာကို ငါ တိတ်တိတ်လေးပဲ ထိုင်ကြည့်နေတော့မယ်” ဆိုသည့် အဓိပ္ပာယ်ကို ဖော်ဆောင်နေတော့၏ (သေချာသည်မှာ သူမသည် ဤအုပ်စုနှင့် အပြည့်အဝ တစ်သားတည်း ဖြစ်သွားခဲ့လေပြီ)။</p> <p>ပူပင်သောက ကင်းမဲ့ပြီး ပျော်ရွှင်နေကြသော ဤတပည့်များကို ကြည့်ရင်း...</p> <p>‘မိစ္ဆာခေါင်းဆောင်’ ဆိုသည့် ဘွဲ့အမည်ကြောင့် ဖြစ်ပေါ်နေသော ကျန်းချန်၏ စိုးရိမ်ပူပန်မှုများမှာ ချက်ချင်းပင် လွင့်စင်သွားတော့သည်။</p> <p>ဖြောင့်မတ်တာဖြစ်ဖြစ်၊ ယုတ်မာတာဖြစ်ဖြစ် ဘယ်သူက ဂရုစိုက်နေမှာလဲ။</p> <p>ကျန်းချန်၏ နှုတ်ခမ်းထောင့်တွင် စိတ်သက်သာရာ ရသွားသော အပြုံးတစ်ခု ပေါ်လာ၏။</p> <p>‘ဒီ အရူးအုပ်စုကို ဦးဆောင်ပြီး... ဒီလောက် ရက်စက်တဲ့ ကျင့်ကြံခြင်း လောကကြီးထဲမှာ အသက်ရှင်ရပ်တည်နိုင်ရုံတင် မကဘူး... ဒီလောက်တောင် သက်တောင့်သက်သာ နေနိုင်အောင် လုပ်ပေးနိုင်တာကမှ တကယ့် ခေါင်းဆောင်ကောင်း အစစ်ပဲလေ’</p> <p>‘သူတို့ ဒီမှာ ရှိနေသရွေ့တော့... ငါတို့ ကွေ့ယွမ်ဂိုဏ်းရဲ့ ကောင်းကင်ကြီးက လုံးဝ (လုံးဝ) ပြိုကျလာမှာ မဟုတ်ဘူး’</p> <p>သူသည် ထိုအတွေးနှင့်အတူ.. မတ်တတ်ရပ်လိုက်ပြီး ခန်းမဆောင် အဝင်ဝသို့ လျှောက်သွားကာ... အဝေးရှိ တန်းစီနေသော တောင်တန်းကြီးများကို လှမ်းကြည့်လိုက်၏။ သူ၏ မျက်လုံးများထဲတွင် ရည်မှန်းချက် အသစ်များ တောက်ပလာတော့သည်။</p> <p>မိစ္ဆာ တစ်သောင်း တွေ့ဆုံပွဲ ဆိုသည်မှာ အစပျိုးခြင်း သက်သက်သာ ဖြစ်၏။</p> <p>ကစားသမားများ၏ အင်အား တိုးတက်လာသည်နှင့်အမျှ... ချန်ဝူတောင်တန်း ဆိုသည့် ရေကန်ငယ်လေးမှာ ဤ နဂါးများကို (ပြဿနာကောင်များကို) ထိန်းသိမ်းထားနိုင်ရန် သေးငယ်လွန်းနေပြီ မဟုတ်ပါလော။</p> <p>(စနစ်... စတုတ္ထအဆင့် ခွင့်ပြုချက်တွေကို ဖွင့်လိုက်စမ်း။)</p> <p>ကျန်းချန် သည် စိတ်ထဲမှနေ၍ တိတ်တဆိတ် အမိန့်ပေးလိုက်သည်။</p> <p>(အချက်ပေးသံ။ ပိုင်ရှင်သည် ‘ဒေသတစ်ခုလုံးကို လွှမ်းမိုးခြင်း’ အောင်မြင်မှုကို ပြီးမြောက်သွားကြောင်း တွေ့ရှိရပါသည်။)</p> <p>(ဂိုဏ်း စနစ် ဗားရှင်း ၄.၀ ကို ကြိုတင် ထည့်သွင်းနေပါသည်...)</p> <p>(မြေပုံ အချက်အလက် အသစ်များကို ပေါင်းစပ်နေပါသည် - အလယ်ပိုင်း တိုက်ကြီး၊ အရှေ့ပင်လယ် ကျွန်းစုများ၊ ရှေးဟောင်း လျှို့ဝှက် နယ်မြေ...)</p> <p>(လုပ်ဆောင်ချက် အသစ် ကြိုတင် မိတ်ဆက် - ဓားပျံ စီးနင်းခြင်း (အန်ပီစီ အားလုံးအတွက်)၊ အကြီးစား လျှို့ဝှက် တိုက်ခိုက်ရေး အခင်းအကျင်း၊ ဆာဗာဖြတ်ကျော် (နယ်စပ်ဖြတ်ကျော်) စစ်ဆင်ရေး...)</p> <p>ဇာတ်လမ်း အခန်းကဏ္ဍ အသစ်တစ်ခု စတင်တော့မည် ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save