Book List

<h2 style="text-align: center;">နတ်ဆိုးများကို ဒူးထောက်စေသူ</h2> <h2 style="text-align: center;">အခန်း (၄၁)</h2> <h2 style="text-align: center;">လူသားမျိုးနွယ် မဟာမိတ်အဖွဲ့ ဒုတိယဥက္ကဋ္ဌ ကိုယ်တိုင် ရောက်ရှိလာခြင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">D6 အခြေစိုက်မြို့တော်၊ မဟာမိတ်အဖွဲ့ ဌာနခွဲ။</p> <p style="text-align:justify">တင်းမာနေသော လေထုက လက်ဆုပ်လက်ကိုင် ပြနိုင်လောက်အောင် သိသာထင်ရှားနေသည်။ ချိုက်ကျိကွမ်က သူ၏ရုံးခန်းထဲတွင် သားဖွားခန်းအပြင်ဘက်၌ ကလေးမွေးမည့်အချိန်ကို စိုးရိမ်တကြီး စောင့်ဆိုင်းနေသော ဖခင်တစ်ဦးပမာ ဟိုဘက်ဒီဘက် ခေါက်တုံ့ခေါက်ပြန် လမ်းလျှောက်နေသည်။</p> <p style="text-align:justify">ကောင်းချန်းဖုန်းကမူ သူ၏ သတ္တမမြောက် လက်ဖက်ရည်ခွက်ကို အေးအေးဆေးဆေး ယူသောက်လိုက်သည်။ ထို့နောက် စိတ်ထဲမှ ညည်းတွားလိုက်ပြီး "ခင်ဗျား ဒီလောက်တောင် လမ်းလျှောက်နေရင် ကြမ်းပြင်ကို အခုချက်ချင်း အသစ်လဲရတော့မယ်" ဟု လှမ်းပြောလိုက်သည်။</p> <p style="text-align:justify">ရုတ်တရက် စူးရှသော သတိပေးသံကြီးက မဟာမိတ်အဖွဲ့ အဆောက်အအုံတစ်ခုလုံးသို့ ပဲ့တင်ထပ်သွားသည်။ လူသားမျိုးနွယ် မဟာမိတ်ဌာနချုပ်မှ အထူးလေယာဉ် ရောက်ရှိလာပြီဖြစ်သည်။ တစ်ချိန်တည်းမှာပင် လူသားအခြေစိုက်စခန်း၏ အလိုအလျောက် သတင်းပို့စနစ်က အမြင့်ဆုံးဦးစားပေးအဆင့်ဖြင့် ပွင့်သွားသည်။ အဆင့်B ဒသမအလွှာများအတွက် သီးသန့် အခွင့်အရေးပင်။</p> <p style="text-align:justify">ထိုအခိုက်အတန့်၌ မဟာမိတ်အဖွဲ့ အဆောက်အအုံထဲရှိ လူအားလုံး အံ့အားသင့်သွားကြသည်။ သန့်ရှင်းရေးလုပ်နေသူများပင် ကြမ်းတိုက်နေခြင်းကို ရပ်တန့်လိုက်ကြသည်။ ချိုက်ကျိကွမ်က ရုတ်တရက် မတ်တပ်ရပ်လိုက်ပြီး မိမိကိုယ်ကို ရေရွတ်လိုက်သည်။</p> <p style="text-align:justify">"သူကိုယ်တိုင် ရောက်လာတာလား..."</p> <p style="text-align:justify">ကောင်းချန်းဖုန်း၏ လက်ထဲမှ လက်ဖက်ရည်ခွက်က လွတ်ကျသွားခဲ့သည်။ ကြမ်းပြင်ပေါ်သို့ ခွပ်ခနဲ ပြုတ်ကျကာ ကွဲအက်သွားသည်ကိုပင် သူ သတိမထားမိလိုက်ပေ။ သူက ထိတ်လန့်နေသော မျက်နှာဖြင့် "သူရောက်လာပြီလား... ဘယ်သူ ရောက်လာတာလဲ" ဟု မေးလိုက်သည်။</p> <p style="text-align:justify">“လူသားမျိုးနွယ် မဟာမိတ်အဖွဲ့၏ ဒုတိယဥက္ကဋ္ဌ...”</p> <p style="text-align:justify">အဆင့်B ဒသမအလွှာရှိ ထိပ်တန်းစစ်သည်တော်တစ်ဦးက D6 အခြေစိုက်မြို့တော်သို့ ရောက်ရှိလာသည်။ အဆောက်အအုံအပြင်ဘက်တွင် အမည်းရောင် လေယာဉ်တစ်စင်းက နတ်ဘုရားတစ်ပါးပမာ ကောင်းကင်မှ ဆင်းသက်လာသည်။ ပြင်းထန်သော လေဆင်နှာမောင်းက ရင်ပြင်တစ်ခုလုံးကို တိုက်ခတ်သွားသည်။ အနီးအနားရှိ စစ်သည်တော်များအားလုံး ထိုအရာကို အလိုအလျောက် ခံစားလိုက်ရသည်။ ရှင်းပြ၍မရနိုင်သော ဖိအားကြီးတစ်ခု ကျဆင်းလာသဖြင့် ခါးညွတ်ကာ အရိုအသေပေးရုံမှလွဲ၍ အခြားရွေးချယ်စရာ မရှိတော့ပေ။</p> <p style="text-align:justify">အမည်းရောင် လေယာဉ်က လေထုထဲတွင် “ဝုန်း ဝုန်း ဝုန်း...” ဟု မြည်ဟည်းသွားသည်။ ရုတ်တရက် တံခါးပွင့်လာသည်။ ထို့နောက် ရိုးရှင်းသော အမည်းရောင် ကုတ်အင်္ကျီရှည်ကို ဝတ်ဆင်ထားသည့် လူလတ်ပိုင်းအရွယ် အမျိုးသားတစ်ဦး အထဲမှ ထွက်လာသည်။</p> <p style="text-align:justify">မည်သည့် အထူးအဆန်း လှုပ်ရှားမှုမှ မပါပေ။ လှေကားထစ် သို့မဟုတ် ကော်ဇောနီ ခင်းထားခြင်းမျိုးလည်း မရှိပေ။ သူက ခြေလှမ်းကျဲကြီးများဖြင့် လေထုထဲသို့ လျှောက်လှမ်းလာသည်။ လှေကားပေါ်မှ ဆင်းလာသည့်အလား လေပေါ်တွင် လမ်းလျှောက်လာခြင်းပင်။ သူလှမ်းလိုက်သော ခြေလှမ်းတိုင်း၌ ခြေဖဝါးအောက်ရှိ လေထုက အနည်းငယ် တုန်ခါသွားသည်။ လက်နှစ်ဖက်ကို နောက်ပစ်ထားပြီး သူ၏ အဝတ်အစားများက လေထဲတွင် တလွင့်လွင့် ဖြစ်နေသည်။</p> <p style="text-align:justify">“သူက ဘယ်သူလဲ...”</p> <p style="text-align:justify">လူသားမျိုးနွယ် မဟာမိတ်အဖွဲ့၏ ဒုတိယဥက္ကဋ္ဌရှောင်ဝမ်လုံပင်ဖြစ်သည်။ သူ့ကို အခြားအမည်တစ်ခုဖြင့်လည်း ခေါ်ဝေါ်ကြသေးသည်။ ၎င်းမှာ လူသားမျိုးနွယ်၏ အရုဏ်ဦး ဟူ၍တည်း။ သူက ကပ်ဘေးကြီး အပြီးတွင် လူသားတို့၏ ရှေ့ဆောင် စစ်သည်တော်များထဲမှ တစ်ဦးဖြစ်သည်။ အသန်မာဆုံး စစ်သည်တော် ချန် နှင့်အတူ ယှဉ်တွဲတိုက်ပွဲဝင်ခဲ့ပြီး သားရဲများ၏ ကျူးကျော်မှုကို တွန်းလှန်ခဲ့သူဖြစ်သည်။ စွန့်ပစ်မြေရိုင်းပေါ်တွင် လူ့ယဉ်ကျေးမှုကို ပြန်လည်တည်ထောင်ပေးခဲ့သူလည်း ဖြစ်သည်။</p> <p style="text-align:justify">လွန်ခဲ့သော ဆယ့်ငါးနှစ်က ဖြစ်ပွားခဲ့သည့် စစ်ပွဲကြီးတစ်ခုတွင် သူက အဆင့်B ဒသမအလွှာသို့ အဆင့်ဖောက်ထွက်နိုင်ခဲ့သည်။ နောက်ထပ် ဆယ့်ငါးနှစ်တိုင်တိုင် သူက A1 အခြေစိုက်မြို့တော်မှ တစ်ကြိမ်တစ်ခါမျှ ထွက်ခွာခဲ့ခြင်း မရှိပေ။</p> <p style="text-align:justify">ယနေ့တွင်တော့ ချိုက်ကျိကွမ်၊ ကောင်းချန်းဖုန်းနှင့် မဟာမိတ်အဖွဲ့မှ အခြားသော အဆင့်မြင့် အရာရှိကြီးများအားလုံး သူတို့၏ ခန္ဓာကိုယ်များ တုန်ယင်နေလျက် ခါးကို နက်နက်ရှိုင်းရှိုင်း ညွတ်ကာ အရိုအသေပေးနေကြသည်။ ချွေးပြန်နေသော လက်ဝါးများဖြင့် အမြင့်ဆုံးသော ဂါရဝပြုခြင်းကို လုပ်ဆောင်နေကြသည်။ ရှောင်ဝမ်လုံက တည်ငြိမ်စွာ ပြောလိုက်သည်။</p> <p style="text-align:justify">"အဲဒီကောင်လေးဆီ ငါ့ကို ခေါ်သွား"</p> <p style="text-align:justify">မည်သူမျှ အချိန်မဆွဲဝံ့ကြပေ။ လူတိုင်းက စင်္ကြံတစ်လျှောက် အပြေးအလွှား သွားနေကြရသည်။ ချိုက်ကျိကွမ်၏ ရုံးခန်းထဲတွင်မူ လုချန်က ဆိုဖာပေါ်တွင် သက်တောင့်သက်သာ ထိုင်နေသည်။ သူက စာအုပ်စင်ပေါ်မှ ကျင့်ကြံခြင်းသီအိုရီ စာအုပ်တစ်အုပ်ကို ယူကာ အပတ်စဉ်ထုတ် မဂ္ဂဇင်းတစ်အုပ်ကို ဖတ်နေသကဲ့သို့ လှန်လှောကြည့်ရှုနေသည်။</p> <p style="text-align:justify">ရုတ်တရက် ကောင်းကင်မှ ဆင်းသက်လာသော ဖိအားကြီးတစ်ခုကို သူ ခံစားလိုက်ရသည်။ သက်ရှိလောကတွင် သဘာဝရန်သူနှင့် ရင်ဆိုင်လိုက်ရသကဲ့သို့ ထူးဆန်းပြီး ရင်တုန်ဖွယ်ကောင်းသော ဖိအားကြီးကို ခံစားလိုက်ရသည်။ သူက မော့ကြည့်လိုက်ပြီး မိမိကိုယ်ကို ရေရွတ်လိုက်သည်။</p> <p style="text-align:justify">"အင်း... အားကောင်းလွန်းတဲ့ ပညာရှင်ကြီးတစ်ယောက် ရောက်လာတာပဲ"</p> <p style="text-align:justify">သူက မူလအစ ထာဝရဇာစ်မြစ် ကျင့်စဉ်ကို အလျင်စလို အသက်သွင်းလိုက်ပြီး သူ၏ ကျင့်ကြံခြင်းအဆင့်ကို အဆင့်F ဒသမအလွှာ တွင် ပုံသေထားလိုက်သည်။</p> <p style="text-align:justify">“ဘန်း... “</p> <p style="text-align:justify">တံခါးက ရုတ်တရက် ပွင့်သွားသည်။ သို့သော်လည်း လုချန်၏ စိတ်ဝိညာဉ်နယ်ပယ် ထဲတွင်မူ... ကြောက်မက်ဖွယ်ကောင်းသော ဓာတ်သဘာဝ စွမ်းအင်ဝဲကယောက် ကြီးတစ်ခု ရုတ်တရက် ပေါက်ကွဲထွက်လာသကဲ့သို့ ခံစားလိုက်ရသည်။</p> <p style="text-align:justify">ထို့နောက် ချိုက်ကျိကွမ်က အပြင်ဘက်မှ ဝင်လာသည်။ မိဘတစ်ဦးက ကလေးကို ကျောင်းသားမိဘအစည်းအဝေးသို့ ဆွဲခေါ်လာသကဲ့သို့ သူသည် လုချန်အနီးသို့ ချက်ချင်း ပြေးသွားကာ သူ့ကို ဆွဲထူလိုက်သည်။</p> <p style="text-align:justify">"ဒုတိယဥက္ကဋ္ဌကြီး... သူက လုချန်ပါ"</p> <p style="text-align:justify">ရှောင်ဝမ်လုံက အခန်းထဲသို့ ဝင်လာသည်။ သူ၏ကိုယ်မှ အသက်ရှူကြပ်လုမတတ် စိုးမိုးနိုင်စွမ်းရှိသော အငွေ့အသက် များ ထွက်ပေါ်နေသည်။ သူ ဝင်လာသည့် အခိုက်အတန့်မှာပင် လေထုက ခဲအက်သွားသည်။ ရုံးခန်းထဲရှိ မီးရောင်များပင် မှေးမှိန်သွားသကဲ့သို့ ထင်ရသည်။ အခန်းထဲရှိ စားပွဲများနှင့် စာအုပ်စင်များက ထိုဖိအားအောက်တွင် အက်ကွဲလုမတတ် ဖြစ်သွားကြသည်။</p> <p style="text-align:justify">ဆင်တစ်ကောင်က အခန်းငယ်လေးထဲသို့ ကျူးကျော်ဝင်ရောက်လာသကဲ့သို့ပင်။ သူ၏ ဧရာမအရွယ်အစားက အခန်းထဲရှိ သတ္တဝါငယ်လေးများကို အနေရခက်သွားစေသည်။ လုချန်က မျက်တောင်တစ်ချက် ခတ်လိုက်သည်။ ထို့နောက် လက်ကိုမြှောက်ကာ ပြောလိုက်သည်။</p> <p style="text-align:justify">"ဟိုင်း... နေကောင်းလား"</p> <p style="text-align:justify">ရှောင်ဝမ်လုံ၏ မျက်နှာက ရှုံ့မဲ့သွားသည်။</p> <p style="text-align:justify">“ဒါပဲလား...”</p> <p style="text-align:justify">“ဒါက သူ့ရဲ့ တုံ့ပြန်မှုလား...”</p> <p style="text-align:justify">“ဒီကောင်လေးက လူသားမျိုးနွယ် မဟာမိတ်အဖွဲ့ရဲ့ ဒုတိယ အသန်မာဆုံးလူကို ဒီလိုပဲ နှုတ်ဆက်လိုက်တာလား...”</p> <p style="text-align:justify">“ဟိုင်း တဲ့လား...”</p> <p style="text-align:justify">ရှောင်ဝမ်လုံက လုချန်အား စိုက်ကြည့်လိုက်သည်။ လုချန်ကလည်း အကြည့်ကို မလွှဲဘဲ သူ၏အကြည့်များကို တိတ်ဆိတ်စွာ ပြန်လည်ရင်ဆိုင်လိုက်သည်။ တိတ်ဆိတ်သော တိုက်ပွဲတစ်ခု ဖြစ်ပွားနေသည့်အလားပင်။ ချိုက်ကျိကွမ်မှာမူ အလွန်ထိတ်လန့်သွားသဖြင့် လုချန်၏ အင်္ကျီလက်ကို အလျင်အမြန် ဆွဲကာ တိုးတိုးလေး ပြောလိုက်သည်။</p> <p style="text-align:justify">"လုချန်၊ ကျေးဇူးပြုပြီး သူ့ကို မဆွပါနဲ့... သူ နှာတစ်ချက်ချေလိုက်ရင်တောင် ငါတို့ရဲ့ အဆောက်အအုံတစ်ခုလုံး အပျက်အစီးပုံဘဝ ရောက်သွားလိမ့်မယ်"</p> <p style="text-align:justify">ရှောင်ဝမ်လုံက ဖြည်းညင်းစွာ ရှေ့သို့ လျှောက်လာသည်။ သူ၏ မျက်လုံးများကို အနည်းငယ် ကျဉ်းမြောင်းလိုက်ကာ မေးလိုက်သည်။</p> <p style="text-align:justify">"မင်းက ပါရမီနိုးထပြီး ငါးရက်အတွင်းမှာပဲ အဆင့်F စစ်သည်တော် ဒသမအလွှာ ကို အဆင့်ဖောက်ထွက်နိုင်ခဲ့တဲ့ ကောင်လေးလား"</p> <p style="text-align:justify">လုချန်က ခေါင်းညိတ်လိုက်သည်။</p> <p style="text-align:justify">"ဟုတ်ပါတယ်... ဒါပေမဲ့ ရိုးရိုးသားသား ပြောရရင် ကျွန်တော် တစ်ယောက်တည်း လုပ်ခဲ့တာတော့ မဟုတ်ပါဘူး... လျှို့ဝှက်ဆန်းပြားတဲ့ ပညာရှင်ကြီးတစ်ယောက်ဆီကနေ ရတနာတစ်ခု ရခဲ့လို့ပါ"</p> <p style="text-align:justify">ရှောင်ဝမ်လုံ၏ စွမ်းအင်အငွေ့အသက်က အနည်းငယ် တုန်ခါသွားသည်။</p> <p style="text-align:justify">“နှိမ့်ချတာလား ဒါက ပိုပြီးတောင် ကြောက်စရာကောင်းသေးတယ် ဘီလူးတစ်ကောင်ရဲ့ နှိမ့်ချမှုဆိုတာ သားရဲတစ်ကောင်က မင်းကို မကိုက်ခင် တောင်းပန်စကား ဆိုနေတာနဲ့ တူတူပဲ...”</p> <p style="text-align:justify">ရှောင်ဝမ်လုံက ဆက်ပြောသည်။</p> <p style="text-align:justify">"ရတနာကြောင့် ဟုတ်လား... ပညာရှင်ကြီးတစ်ယောက်ဆီကနေ မင်း ရတနာ ရခဲ့တယ်ပေါ့... ချိုက်ကျိကွမ်က မင်းရဲ့ အစောင့်အဖြစ် လွှတ်လိုက်တဲ့ ပညာရှင်ကြီးကို ဆိုလိုတာလား"</p> <p style="text-align:justify">"မင်း ရတနာတစ်ခု ရခဲ့တယ်ဆိုရင်တောင် သမိုင်းမှာ ဒီလောက်မြန်မြန် ကျင့်ကြံခြင်းအဆင့်ကို ဖောက်ထွက်နိုင်စေတဲ့ ရတနာမျိုး တစ်ခါမှ မရှိခဲ့ဖူးဘူး"</p> <p style="text-align:justify">"ငါ့ဆီမှာ စွန့်ပစ်မြေရိုင်းထဲက ထိပ်တန်း အရင်းအမြစ်တွေနဲ့ ရတနာတွေအားလုံးရဲ့ စာရင်းရှိတယ်... အဲဒီအထဲက ဘယ်ရတနာမှ ဒီအရာနဲ့ မယှဉ်နိုင်ဘူး"</p> <p style="text-align:justify">"ဒါ့အပြင် မင်းက သာမန် အဆင့်F စစ်သည်တော်လေးပဲ ရှိသေးတာ ကျင့်ကြံခြင်းအဆင့်ကို အဲဒီလောက် မြန်မြန်တက်စေနိုင်တဲ့ ရတနာမျိုးကို မင်း ဘယ်လိုလုပ် ရနိုင်မှာလဲ"</p> <p style="text-align:justify">"မင်းဘာသာမင်း ညတွင်းချင်း ဒသမအလွှာ ကို ဖောက်ထွက်နိုင်ခဲ့တာမျိုးကလွဲရင်ပေါ့"</p> <p style="text-align:justify">ရှောင်ဝမ်လုံက စကားဆက်သည်။</p> <p style="text-align:justify">"ပြီးတော့ မဟာမိတ်အဖွဲ့က ဒီလိုလူမျိုး တာဝန်ပေးထားတာကို ငါ မမှတ်မိပါဘူး ဒါမှမဟုတ် မင်းရဲ့ လု မိသားစုထဲက တစ်ယောက်ယောက်များလား"</p> <p style="text-align:justify">လုချန်က မျက်တောင်တစ်ချက် ခတ်လိုက်သည်။</p> <p style="text-align:justify">"ကျွန်တော့်မိသားစုကို ဒုတိယဥက္ကဋ္ဌကြီး သိလို့လား"</p> <p style="text-align:justify">ရှောင်ဝမ်လုံက အေးစက်စက် နှာမှုတ်လိုက်သည်။</p> <p style="text-align:justify">"သေချာပေါက် သိတာပေါ့ မင်းရဲ့ ဘိုးဘေးကြီး လုဟုန်တောက်က လူသားမျိုးနွယ် မဟာမိတ်အဖွဲ့ရဲ့ အဆင့်မြင့် အရာရှိတစ်ယောက်ပဲလေ"</p> <p style="text-align:justify">"ပြီးတော့ မင်းက နေ့ချင်းညချင်း စစ်သည်တော်အဆင့်ကို ဖောက်ထွက်နိုင်ခဲ့တယ်ဆိုရင် မဟာမိတ်အဖွဲ့က မင်းရဲ့ နောက်ခံနဲ့ မှတ်တမ်းတွေအားလုံးကို သဘာဝကျကျ စုံစမ်းစစ်ဆေးရမှာပဲ"</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save