Book List

<h2 style="text-align: center;">အခန်း (၄၂)</h2> <h2 style="text-align: center;">လုချန် မဟာမိတ်အဖွဲ့၏ အမြင့်ဆုံး အခွင့်အရေးကို ခံစားရခြင်း</h2> <h2 style="text-align: center;">*</h2> <p> </p> <p> </p> <p style="text-align:justify">လုချန်က ဆွံ့အသွားသည်။ “ဆင်ခြေတွေအားလုံး ပေါက်ကွဲသွားပြီပဲ… သူ ဘာဆက်ပြောနိုင်တော့မှာလဲ…”</p> <p style="text-align:justify">ထို့နောက် လုချန်နှင့် ရှောင်ဝမ်လုံတို့ မျက်နှာချင်းဆိုင် ထိုင်လိုက်ကြသည်။ ဘာကြောင့်မှန်းတော့ မသိပေ။ မိမိရှေ့ရှိ လူကို ရင်ဆိုင်နေရသော်လည်း လုချန် စိုးရိမ်ထိတ်လန့်ခြင်း အလျဉ်းမရှိခဲ့ပေ။ </p> <p style="text-align:justify">အချိန်ကာလတစ်ခု ကြာပြီးနောက် သူ၏ရှေ့မှ လူကို ကျော်လွန်နိုင်လိမ့်မည်ဟု သိနေသောကြောင့်လည်း ဖြစ်နိုင်သည်။ သို့သော် သူ၏ စွမ်းအားတစ်စိတ်တစ်ပိုင်းကို ထုတ်ဖော်ပြသရန် မဆုံးဖြတ်မီကတည်းက ဤအခြေအနေကို မျှော်လင့်ထားပြီးဖြစ်သောကြောင့်လည်း ဖြစ်နိုင်သည်။ သို့မဟုတ် သူက သတ္တိကောင်းလွန်းနေ၍လည်း ဖြစ်မည်။ ရှောင်ဝမ်လုံက ကိုယ်ကို အနည်းငယ် ကိုင်းညွတ်လိုက်သည်။ လုချန်၏ မျက်လုံးများကို စိုက်ကြည့်ကာ မေးလိုက်သည်။</p> <p style="text-align:justify">"ပြောစမ်း... မင်း ဘာလိုချင်တာလဲ"</p> <p style="text-align:justify">လုချန်က မျက်တောင်တစ်ချက် ခတ်လိုက်သည်။</p> <p style="text-align:justify">"ကျွန်တော် ဘာလိုချင်တာလဲ ဟုတ်လား"</p> <p style="text-align:justify">ရှောင်ဝမ်လုံက ဖြည်းညင်းစွာ ခေါင်းညိတ်လိုက်သည်။ </p> <p style="text-align:justify">"အာဏာလား... ငွေလား... ဂုဏ်သတင်းလား..."</p> <p style="text-align:justify">လုချန်က တိုးတိုးလေး ရယ်မောလိုက်ပြီး ပြောလိုက်သည်။</p> <p style="text-align:justify">"ကျွန်တော်က ပိုပြီး အစွမ်းထက်လာဖို့ပဲ လိုချင်တာပါ"</p> <p style="text-align:justify">ရှောင်ဝမ်လုံ၏ မျက်နှာက မှုန်ကုပ်သွားသည်။ ဤအဖြေက အမှန်ပင်။ သူ့ကို မည်သည့်အရာကမှ သွေးဆောင်ဖြားယောင်း၍ မရနိုင်ပေ။ ဤသည်က ကိုင်တွယ်ရ အခက်ခဲဆုံးသော ပါရမီရှင်မျိုး ဖြစ်သည်။ ကျင့်ကြံခြင်းကိုသာ စွဲလမ်းနေသော ပါရမီရှင်တစ်ယောက်ပင်။ သူက မတ်တပ်ရပ်လိုက်ပြီး ချိုက်ကျိကွမ်ဘက်သို့ လှည့်လိုက်သည်။</p> <p style="text-align:justify">"ဒီနေ့ကစပြီး လုချန်ဟာ မဟာမိတ်အဖွဲ့ဆီကနေ အမြင့်ဆုံး အခွင့်အရေးကို ရရှိလိမ့်မယ်... ဘယ်သူမှ သူ့ရဲ့ ကျင့်ကြံခြင်းလမ်းစဉ်ကို အနှောင့်အယှက်ပေးတာ၊ ကန့်သတ်တာမျိုး မလုပ်ရဘူး"</p> <p style="text-align:justify">"သူ ဘာပဲလိုလို... ပေးလိုက်"</p> <p style="text-align:justify">"တကယ်လို့ တစ်ယောက်ယောက်ကများ မိုက်မဲစွာနဲ့ သူ့ကို သွားစော်ကားမိမယ်ဆိုရင်..."</p> <p style="text-align:justify">ရှောင်ဝမ်လုံက ခေတ္တရပ်တန့်လိုက်ပြီး ပြောလိုက်သည်။</p> <p style="text-align:justify">"သတ်ပစ်လိုက်..."</p> <p style="text-align:justify">ချိုက်ကျိကွမ်က တံတွေးကို ခက်ခဲစွာ မျိုချလိုက်ပြီး ပြန်ဖြေလိုက်သည်။</p> <p style="text-align:justify">"ဟုတ်... ဟုတ်ကဲ့ပါ ဒုတိယဥက္ကဋ္ဌကြီး"</p> <p style="text-align:justify">ရှောင်ဝမ်လုံက လုချန်ဘက်သို့ လှည့်ကြည့်လိုက်သည်။</p> <p style="text-align:justify">"နောက်ထပ် တစ်ခုရှိသေးတယ်"</p> <p style="text-align:justify">လုချန်က မျက်ခုံးတစ်ဖက် ပင့်လိုက်သည်။ </p> <p style="text-align:justify">"ဘာများလဲ"</p> <p style="text-align:justify">ရှောင်ဝမ်လုံက အခန်းထဲ ဝင်လာကတည်းက ပထမဆုံးအကြိမ်အဖြစ် ပြုံးလိုက်သည်။ အနည်းငယ် ပင်ပန်းနွမ်းနယ်နေပုံရသော ရှားပါးသည့် အပြုံးတစ်ခုပင်။</p> <p style="text-align:justify">"ကျေးဇူးပြုပြီး... လူသားမျိုးနွယ်ရဲ့ ရန်သူတော့ မဖြစ်လာပါနဲ့"</p> <p style="text-align:justify">ထို့နောက် သူက အင်္ကျီလက်ကို တစ်ချက် ခါလိုက်သည်။ ဖိအားများအားလုံး ပျောက်ကွယ်သွားသည်။ လူတိုင်း၏ ပခုံးပေါ်မှ ဧရာမ တောင်ကြီးတစ်လုံးကို ဖယ်ရှားလိုက်သကဲ့သို့ပင်။ ဒုတိယဥက္ကဋ္ဌ၏ လေယာဉ် ပျံတက်သွားသောအခါ D6 အခြေစိုက်မြို့တော်က ကာလကြာရှည် တိတ်ဆိတ်ငြိမ်သက်မှုထဲသို့ ကျရောက်သွားခဲ့သည်။</p> <p style="text-align:justify">ချိုက်ကျိကွမ်က ကြမ်းပြင်ပေါ်သို့ ခွေကျသွားသည်။ ရေခဲတမျှ အေးစက်နေသော ချွေးများဖြင့် ရွှဲရွှဲစိုနေခဲ့သည်။ ကောင်းချန်းဖုန်းသည်လည်း နံရံကိုမှီကာ အရုပ်ကြိုးပြတ် ထိုင်ချလိုက်သည်။ အရာအားလုံးက အိပ်မက်တစ်ခုလို မယုံနိုင်စရာ ကောင်းနေဆဲပင်။</p> <p style="text-align:justify">"ဒီတော့... ငါတို့ရဲ့ နောက်ထပ် တာဝန်က ဆယ့်ရှစ်နှစ်အရွယ် ကောင်လေးတစ်ယောက်အတွက် တရားဝင် အထူးဝန်ဆောင်မှု ပေးရမှာပေါ့လေ" </p> <p style="text-align:justify">ချိုက်ကျိကွမ်က ညည်းတွားလိုက်သည်။ </p> <p style="text-align:justify">"ဘာမှလာမပြောနဲ့တော့... ငါ အခုလေးတင် ကလေးမွေးလိုက်ရသလို ခံစားနေရတယ်"</p> <p style="text-align:justify">ရုံးခန်းထဲတွင်မူ လုချန်က သူ၏ရှေ့ရှိ ဖန်သားပြင်ကို ကြည့်ကာ သက်ပြင်းချလိုက်သည်။</p> <p style="text-align:justify">“အမည် : လုချန်”<br /> “ခွန်အား : ၅၇၆၈၀”<br /> “စိတ်ဝိညာဉ် : ၅၇၆၈၀”<br /> “ဝိညာဉ်စွမ်းရည် : အမြင့်ဆုံးအဆင့် နားလည်သဘောပေါက်နိုင်စွမ်း”</p> <p style="text-align:justify">"ပိုပြီး အားကောင်းတဲ့ သားရဲတွေနဲ့ တကယ် သွားတိုက်ခိုက်ဖို့ လိုနေပြီပဲ"</p> <p style="text-align:justify">သူက မိမိကိုယ်ကို ရေရွတ်လိုက်သည်။</p> <p style="text-align:justify"><br /> A1 အခြေစိုက်မြို့တော် မဟာမိတ် ဌာနချုပ်။</p> <p style="text-align:justify">ရှောင်ဝမ်လုံက လေယာဉ်ပေါ်မှ ဆင်းလာသည်။ သူ၏ ကုတ်အင်္ကျီရှည်ကို ချွတ်လိုက်ပြီး စားပွဲတွင် ထိုင်လိုက်သည်။ မဟာမိတ်အဖွဲ့မှ အခြား အဆင့်မြင့် အရာရှိကြီးများက သူ့ကို တွေ့ဆုံရန် အပြေးအလွှား ရောက်လာကြသည်။</p> <p style="text-align:justify">"ဒုတိယဥက္ကဋ္ဌကြီး... အဲဒီကောင်လေးက တကယ်ပဲ အဲဒီလောက် ထူးခြားနေလို့လား"</p> <p style="text-align:justify">ရှောင်ဝမ်လုံက မပြန်ဖြေပေ။ သူက သက်ပြင်းသာ ချလိုက်သည်။ ရမ်အရက်ပုလင်းတစ်ပုလင်းကို ယူကာ အငမ်းမရ တစ်ကျိုက်တည်း မော့သောက်လိုက်သည်။ ထို့နောက် သူက ခပ်တိုးတိုး ရေရွတ်လိုက်သည်။</p> <p style="text-align:justify">"တကယ်လို့ သူကသာ မကောင်းတဲ့ဘက်ကို ကူးပြောင်းသွားရင်... ငါတို့ လူ့ယဉ်ကျေးမှုတစ်ခုလုံး ပျက်သုဉ်းသွားလိမ့်မယ်... ငါတို့အားလုံး ပေါင်းပြီး သူ့ကို ဖျက်ဆီးပစ်ရမယ်... ဒါမှမဟုတ် သူ့ရှေ့မှာ ဒူးထောက် အညံ့ခံရလိမ့်မယ်"</p> <p style="text-align:justify">"ဒါပေမဲ့ သူကသာ လူသားမျိုးနွယ်အတွက် အဖိုးတန်တဲ့ အင်အားတစ်ရပ် ဖြစ်လာခဲ့ရင်တော့ ငါတို့တွေ ၅ နှစ်အတွင်း စွန့်ပစ်မြေရိုင်းတစ်ခုလုံးကို ပြန်လည်သိမ်းပိုက်နိုင်မယ့် အခွင့်အရေး ရလာလိမ့်မယ် ဒီကိစ္စအတွက်တော့ ငါတို့ အကောင်းဆုံးဖြစ်ဖို့ပဲ မျှော်လင့်ရမှာပဲ"</p> <p style="text-align:justify">အရာရှိကြီးများ အားလုံး ဆွံ့အသွားကြသည်။ သူတို့က တကယ်ကို စိတ်ကူးမယဉ်နိုင်ခဲ့ပေ။ ထိုကောင်လေးက ဘယ်လို ပါရမီရှင်မျိုး ဖြစ်နေလို့နည်း။ လူသားမျိုးနွယ် မဟာမိတ်အဖွဲ့၏ ဒုတိယ အသန်မာဆုံးလူဆီမှ ဤမျှ မြင့်မားသော ချီးကျူးစကားကို ရရှိရန် သူက တကယ်ပဲ ထိုက်တန်နေသလော။</p> <p style="text-align:justify">D6 အခြေစိုက်မြို့တော် ချိုက်ကျိကွမ်၏ ရုံးခန်း။</p> <p style="text-align:justify">လုချန်က ချိုက်ကျိကွမ်၏ မျက်နှာချင်းဆိုင်ရှိ ကုလားထိုင်တွင် ထိုင်လိုက်ပြီး စကားစလိုက်သည်။</p> <p style="text-align:justify">"ကြီးကြပ်ရေးမှူး... ကျွန်တော်က အခုဆို ဒသမအလွှာ စစ်သည်တော် ဖြစ်နေပြီလေ... တစ်ယောက်တည်း အမဲလိုက်ထွက်လို့ ရပြီလား"</p> <p style="text-align:justify">ချိုက်ကျိကွမ်က သူ့ကို ကြည့်ကာ အသက်ကို ပြင်းပြင်းတစ်ချက် ရှူလိုက်သည်။</p> <p style="text-align:justify">"ကိစ္စတွေက ဒီအခြေအနေထိ ရောက်နေပြီကို ငါက မင်းကို တားနိုင်ဦးမယ် ထင်လို့လား ငါကရော မင်းကို တားရဲပါ့မလား သွား... သွား... မင်း လုပ်ချင်တာလုပ် ငါတော့ အေးအေးချမ်းချမ်းပဲ နေချင်တော့တယ်... ဟူး"</p> <p style="text-align:justify">လုချန်ကို ရှာမတွေ့မီက ချိုက်ကျိကွမ်သည် C2 အခြေစိုက်မြို့တော်တွင် နေထိုင်ခဲ့သည်။ သူက D အခြေစိုက်မြို့တော် ၁၀ ခု၏ ကြီးကြပ်ရေးမှူး ဖြစ်သည်။ ယခုမူ လုချန်ကြောင့် D6 အခြေစိုက်မြို့တော်တွင် အချိန်အတော်ကြာ နေထိုင်ရုံမှလွဲ၍ သူ့တွင် အခြားရွေးချယ်စရာ မရှိတော့ပေ။</p> <p style="text-align:justify">ချိုက်ကျိကွမ်က ခဏမျှ စဉ်းစားလိုက်ပြီး ရုတ်တရက် ပြောလိုက်သည်။</p> <p style="text-align:justify">"ဒါနဲ့ လုချန်... အရင်တုန်းက ငါတို့ လက်မှတ်ထိုးခဲ့တဲ့ သဘောတူညီချက်ကို မှတ်မိလား အဲဒီ သဘောတူညီချက်က အခု အကျုံးမဝင်တော့ဘူး"</p> <p style="text-align:justify">လုချန်က အံ့အားသင့်သွားသည်။</p> <p style="text-align:justify">"ကြီးကြပ်ရေးမှူး... ဘာဖြစ်လို့လဲ ကျွန်တော် တစ်ခုခု အမှားလုပ်မိလို့လား မဟာမိတ်အဖွဲ့က ကျွန်တော့်ကို ငြင်းပယ်လိုက်တာလား"</p> <p style="text-align:justify">ချိုက်ကျိကွမ်က မျက်လုံးလှန်ပြလိုက်သည်။</p> <p style="text-align:justify">"မင်းကို ဘယ်သူက မလိုချင်တော့ဘူး ပြောလို့လဲ ဘယ်အရူးက မင်းကို မလိုချင်ဘဲ နေမှာလဲ"</p> <p style="text-align:justify">ချိုက်ကျိကွမ်က ဆက်ပြောသည်။</p> <p style="text-align:justify">"အဲလိုမဟုတ်ဘူး ဒီမှာ သဘောတူညီချက် အသစ်... အဲဒီမှာ စာတစ်ကြောင်းတည်းပဲ ပါတယ် မင်းက လူသားမျိုးနွယ်ဘက်က ရပ်တည်ပေးနေသရွေ့ မင်း လိုချင်တာအားလုံး ရနိုင်တယ်တဲ့"</p> <p style="text-align:justify">လုချန်က ဤစကားကို ကြားသောအခါ အလိုအလျောက် မျက်တောင်ခတ်မိသွားသည်။</p> <p style="text-align:justify">"လူသားမျိုးနွယ်ဘက်က ရပ်တည်ပေးတယ်ဆိုတာ ဘာအဓိပ္ပာယ်လဲ... ကျွန်တော်က သားရဲနဲ့ တူနေလို့လား... ကျွန်တော်က လူသားပဲလေ သေချာပေါက် လူသားမျိုးနွယ်ဘက်က ရပ်တည်ရမှာပေါ့"</p> <p style="text-align:justify">ချိုက်ကျိကွမ်က အေးစက်စက် နှာမှုတ်လိုက်သည်။</p> <p style="text-align:justify">"မင်းက သားရဲ မဟုတ်ဘူးလို့ ဘယ်သူက သိမှာလဲ... သာမန်လူသားတစ်ယောက်က ဒီလိုကိစ္စမျိုး လုပ်နိုင်ပါ့မလား... မင်းကိုယ်မင်း ပြန်မေးကြည့်စမ်း"</p> <p style="text-align:justify">လုချန်က တစ်ဖန် ဆွံ့အသွားပြန်သည်။ ထို့နောက် သူက ပခုံးတွန့်လိုက်ကာ ပြောသည်။</p> <p style="text-align:justify">"ဒါပေမဲ့ ကျွန်တော်က နည်းနည်းလေး ပါရမီပိုပါရုံတင်ပါဗျာ"</p> <p style="text-align:justify">သူ၏ မျက်နှာပြောင်တိုက်မှုကို ချိုက်ကျိကွမ်က ဆဲဆိုချင်သွားသည်။ သို့သော် သူက ဘာပြောနိုင်မည်နည်း။ ဤကောင်လေးက အမှန်ပင် ပါရမီရှင်တစ်ယောက် ဖြစ်နေသည်။ ယခင်က တစ်ခါမှ မပေါ်ပေါက်ခဲ့ဖူးသော ပြိုင်ဘက်ကင်း ပါရမီရှင် တစ်ယောက်ပင်တည်း။ ထို့နောက် သူက လုချန်အား ပြောလိုက်သည်။</p> <p style="text-align:justify">"A1 အခြေစိုက်မြို့တော်ကို ပြောင်းရွှေ့ဖို့ရော စဉ်းစားဖူးလား"</p> <p style="text-align:justify">"အဲဒီမှာ ပါရမီရှင်တွေ အများကြီးရှိတယ်... မင်းလောက် ဖောက်ပြန်တဲ့အဆင့် မဟုတ်ပေမဲ့ ထူးချွန်တဲ့ ရွယ်တူတွေ အများကြီးပဲ"</p> <p style="text-align:justify">"ဒါ့အပြင် အဲဒီက ကျင့်ကြံခြင်း အရင်းအမြစ်တွေက ပိုပြီး ပေါများတယ် ပြီးတော့ မင်းရဲ့ လု မိသားစုကလည်း အဲဒီမှာ ရှိတယ်လေ"</p> <p style="text-align:justify">"မဟာမိတ် ဌာနချုပ်နားက မြို့လယ်ခေါင်မှာ အဆင့်မြင့် ဗီလာကြီး တစ်လုံးလည်း မင်း ရနိုင်တယ်"</p> <p style="text-align:justify">"မင်းရဲ့ မိသားစုလည်း မင်းနဲ့အတူ A1 အခြေစိုက်မြို့တော်ကို ပြောင်းရွှေ့လာလို့ ရတယ် ဘယ်လိုသဘောရလဲ"</p> <p style="text-align:justify">လုချန်က ခဏမျှ စဉ်းစားလိုက်ပြီး သတိထားကာ ပြောလိုက်သည်။</p> <p style="text-align:justify">"ဒီကိစ္စအတွက် ကျွန်တော့် မိဘတွေနဲ့ တိုင်ပင်ဖို့ လိုတယ် ဆုံးဖြတ်ချက်ချပြီးတာနဲ့ ကြီးကြပ်ရေးမှူးကို ချက်ချင်း အကြောင်းကြားပါ့မယ်"</p> <p style="text-align:justify">လုချန်က မဟာမိတ်အဖွဲ့ အဆောက်အအုံထဲမှ ထွက်လာခဲ့သည်။ ချိုက်ကျိကွမ်၏ A1 အခြေစိုက်မြို့တော်သို့ ပြောင်းရွှေ့ရေး စကားများက သူ၏ စိတ်ထဲတွင် ပဲ့တင်ထပ်နေသည်။ သူ့ဘာသာ တွေးလိုက်မိသည်။</p> <p style="text-align:justify">"ဒီကိစ္စအတွက် အဖေ့ကို မေးကြည့်ဖို့ လိုတယ် လုမိသားစုကရော ဘယ်လိုနေမလဲ..."</p> <p style="text-align:justify">"ငါတို့ အဲဒီကို အလျင်စလို ပြန်ပြောင်းသွားရင် သူတို့က ငါတို့ကို လက်ခံမှာမဟုတ်ဘူးလို့ ခံစားနေရတယ်"</p> <p style="text-align:justify">"ငါက သူတို့ကို တိုက်ရိုက် ဖိနှိပ်ပစ်နိုင်လောက်တဲ့အထိ အားမကောင်းသေးဘူးလေ ငါ ဘာလုပ်သင့်သလဲ"</p> <p style="text-align:justify">သူ၏ မိသားစုကို တစ်ဖက်လူက လက်ခံမည်၊ လက်မခံမည်နှင့် ပတ်သက်၍ သူ စိုးရိမ်နေချိန်တွင် A1 အခြေစိုက်မြို့တော်ရှိ လ မိသားစု၏ ဗီလာတွင်မူ ဧရာမ မုန်တိုင်းကြီးတစ်ခု တိုက်ခတ်ရန် အစပျိုးနေသည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save