Book List

<h2 style="text-align: center;">အခန်း (၄၅)</h2> <h2 style="text-align: center;">လုချန်၏ အရှိန်အဝါ</h2> <h2 style="text-align: center;">*</h2> <p> </p> <p> </p> <p style="text-align:justify">လော့နျန်ဝေက စာအိတ်ကို ချက်ချင်း ယူကာ ဖောက်ဖတ်လိုက်သည်။ စာထဲမှ အကြောင်းအရာများကို ဖတ်လိုက်ရသောအခါ သူမ၏ မျက်လုံးများက ချက်ချင်း ပြာနှမ်းသွားသည်။ သူမ၏ မျက်နှာပေါ်တွင် မျှော်လင့်ချက်မဲ့နေသော အရိပ်အယောင်များ အထင်းသား ပေါ်လွင်နေသည်။ လုချန်က သူမ၏ မျက်နှာပေါ်မှ အမူအရာကို သတိပြုမိလိုက်သည်။ သူမ၏ လက်ထဲမှ စာကို ညင်သာစွာ ယူကာ ဖတ်ကြည့်လိုက်သည်။</p> <p style="text-align:justify">"ချစ်ရတဲ့ နျန်ဝေ...<br /> မင်းရဲ့ ညီမလေး ငါ့ဆီမှာ ရှိတယ်...<br /> တစ်ရက်အတွင်းတော့ သူ့ကို ငါ ဘာမှမလုပ်ပါဘူး...<br /> သူ့ကို ကယ်ချင်ရင် ဒီအချိန်အတွင်း ငါ့ရဲ့ ဗီလာကို လာခဲ့...<br /> မဟာမိတ်အဖွဲ့ကို အကြောင်းမကြားနဲ့...<br /> ငါ့အဖေက အဆင့်D အကောင်ကြီးဆိုတာ မင်းလည်း သိတာပဲ...<br /> မင်း သူတို့ကို အကြောင်းကြားရင်တောင် သူတို့က ငါ့ကို ဘာလုပ်ရဲမှာလဲ..<br /> ဒါပေမဲ့ နျန်ယင်း အတွက်တော့ အခြေအနေက မတူဘူးလေ..<br /> သူက မင်းလိုပဲ တကယ့် အလှလေးပဲ... ငါ ဆိုလိုတာကို မင်း နားလည်မှာပါ...<br /> ဒါကြောင့် တစ်ယောက်တည်း လာခဲ့...<br /> မလာဘူးဆိုရင်တော့... ဟီးဟီးဟီး...<br /> ချစ်တဲ့ မာကျုံးရွေ့"</p> <p style="text-align:justify">လုချန် စာကို ဖတ်ပြီးသွားသောအခါ. သူ၏ မျက်လုံးများက အနည်းငယ် လက်သွားသည်။ သူက လော့နျန်ဝေကို ကြည့်ကာ ညင်သာစွာ မေးလိုက်သည်။</p> <p style="text-align:justify">"ဒီမာကျုံးရွေ့ဆိုတာ ဘယ်သူလဲ"</p> <p style="text-align:justify">လော့နျန်ဝေက ပြန်ဖြေသည်။</p> <p style="text-align:justify">"သူက အရင်တုန်းက ငါတို့ကို အတိုးနှုန်း အဆမတန်များတဲ့ အကြွေးတွေ ချေးပေးခဲ့တဲ့ သူဌေးရဲ့ သားလေ"</p> <p style="text-align:justify">"နျန်ယင်းရဲ့ ဆေးဖိုးတွေက အရမ်းများတယ်... လွန်ခဲ့တဲ့ နှစ်နှစ်လောက်က ငါ့အဖေ သူတို့ဆီကနေ အတိုးနှုန်း အဆမတန်များတဲ့ ငွေတွေ ချေးခဲ့ပြီး မကြာခင်မှာပဲ ဆုံးပါးသွားခဲ့တယ်"</p> <p style="text-align:justify">"အဲဒီအချိန်ကစပြီး သူတို့က ငါတို့ကို အမြဲတမ်း လာနှောင့်ယှက်နေခဲ့တာ... ငါတို့ တန်ဖိုးရှိတဲ့ ပစ္စည်းတွေရောင်းပြီး အရင်းကြေအောင် ဆပ်နိုင်ခဲ့တယ်"</p> <p style="text-align:justify">"ဒါပေမဲ့ အဲဒီ ခွေးသူတောင်းစားက ငါတို့ကို အလွတ်မပေးသေးဘူး။ ငါ့ကို လာနှောင့်ယှက်ဖို့ အိမ်ကို ခဏခဏ လာတယ်... လွန်ခဲ့တဲ့ ရက်အနည်းငယ်ကတောင် ငါ့ကို လက်ထပ်ချင်တယ်လို့ ပြောသေးတယ်"</p> <p style="text-align:justify">"ငါ ပြတ်ပြတ်သားသား ငြင်းလိုက်တာ... အဲဒီအချိန်ကစပြီး သူ ငါ့ကို ခြိမ်းခြောက်နေခဲ့တာပဲ ဒါပေမဲ့ နျန်ယင်းကို ဖမ်းခေါ်သွားလိမ့်မယ်လို့တော့ ငါ တစ်ခါမှ မတွေးမိခဲ့ဘူး..."</p> <p style="text-align:justify">စကားပြောနေရင်း သူမ၏ မျက်လုံးများက တစ်ဖန် နီရဲလာပြန်သည်။ လုချန်က ဤစကားကို ကြားသောအခါ မျက်မှောင်အနည်းငယ် ကြုတ်သွားသည်။ သို့သော် သူ ဘာမှမပြောပေ။ ယုံကြည်မှုအပြည့်ဖြင့်သာ ဆိုလိုက်သည်။</p> <p style="text-align:justify">"စိတ်မပူပါနဲ့... လူသားမျိုးနွယ် မဟာမိတ်အဖွဲ့ထဲမှာ ငါသိတဲ့လူ တချို့ရှိတယ်... နျန်ယင်း မကြာခင် အိမ်ပြန်ရောက်လာနိုင်မှာပါ"</p> <p style="text-align:justify">လော့နျန်ဝေက လုချန် ပြောနေသော အဆက်အသွယ်ဆိုသည်မှာ ကောင်းချန်းဖုန်းကို ဆိုလိုသည်ဟု ထင်လိုက်သည်။ ပါရမီနိုးထခြင်း စမ်းသပ်မှုတွင် ကောင်းချန်းဖုန်းက လုချန်အပေါ် မျှော်လင့်ချက် ကြီးကြီးမားမား ထားခဲ့သည် မဟုတ်ပါလား။ သို့သော် ကောင်းချန်းဖုန်းက ဘာလုပ်နိုင်မည်နည်း။ သူ ဘယ်လောက်ပဲ အရည်အချင်းရှိရှိ အဆင့်E ဒသမအလွှာ စစ်သည်တော် တစ်ယောက်သာ ဖြစ်သည်။ </p> <p style="text-align:justify">မာကျုံးရွေ့၏ ဖခင်ကမူ တကယ့် အဆင့်-D ပညာရှင် စစ်စစ်ကြီး ဖြစ်နေသည်။ လုချန်က သူမ ဘာတွေတွေးနေသည်ကို လုံးဝ မသိပါပေ။ သူ ချက်ချင်း ဖုန်းထုတ်ကာ ချိုက်ကျိကွမ် ဆီသို့ ခေါ်လိုက်သည်။ မကြာမီ တစ်ဖက်မှ ချိုက်ကျိကွမ်၏ အသံ ထွက်ပေါ်လာသည်။</p> <p style="text-align:justify">"ဟေ့... လုချန် ဘာကိစ္စလဲ... မင်း ပြန်သွားတာ နှစ်နာရီတောင် မပြည့်သေးဘူးလေ... ဆုံးဖြတ်ချက် ချပြီးပြီလား"</p> <p style="text-align:justify">လုချန်က တိုက်ရိုက်ပင် ပြောလိုက်သည်။</p> <p style="text-align:justify">"ကြီးကြပ်ရေးမှူး ချိုက်... ကျွန်တော် ခင်ဗျားရဲ့ အကူအညီ လိုတယ်"</p> <p style="text-align:justify">ချိုက်ကျိကွမ်က အံ့အားသင့်သွားပုံရသည်။ ချက်ချင်း လေးနက်သော လေသံဖြင့် ပြန်ပြောလာသည်။</p> <p style="text-align:justify">"ဘာအကူအညီလဲ လုချန် ပြောစမ်း... ငါ ကူညီလို့ မရရင်တောင် မဟာမိတ်အဖွဲ့က အထက်လူကြီးတွေ ကိုယ်တိုင် ဝင်ပါလိမ့်မယ်"</p> <p style="text-align:justify">လုချန်က ပြန်ဖြေသည်။</p> <p style="text-align:justify">"မဟုတ်ဘူး မဟုတ်ဘူး ကြီးကြပ်ရေးမှူးချိုက် ခင်ဗျား အထင်လွဲနေပြီ... ကိစ္စက ဒီလိုဗျ..."</p> <p style="text-align:justify">ထို့နောက် သူက တစ်ဖက်လူကို ဇာတ်ကြောင်းစုံ ရှင်းပြလိုက်သည်။ အကြောင်းစုံကို ကြားပြီးနောက် ချိုက်ကျိကွမ်က အေးစက်စက် နှာမှုတ်လိုက်သည်။</p> <p style="text-align:justify">"ဒီအခြေစိုက်မြို့တော်ထဲက ခွေးသူတောင်းစားတွေကို ရှင်းလင်းပစ်ဖို့ လိုနေပြီပဲ... အဲဒီ ခွေးသူတောင်းစားတွေက မဟာမိတ်အဖွဲ့ရဲ့ ထောက်ခံမှု ရှိရုံလေးနဲ့ သူတို့ လုပ်ချင်တာ လုပ်လို့ရတယ်လို့ ထင်နေကြတာ"</p> <p style="text-align:justify">"ဒါပေမဲ့ ဒီတစ်ကြိမ်တော့ သူတို့ တကယ်ကို ပြဿနာရှာမိပြီ"</p> <p style="text-align:justify">ချိုက်ကျိကွမ်က ရှောင်ဝမ်လုံထံမှ ရှင်းလင်းပြတ်သားသော အမိန့်များကို ရရှိထားပြီး ဖြစ်သည်။ လုချန်ကို စော်ကားရဲသူ မည်သူမဆိုသက်ညှာမှုကင်းမဲ့စွာ သတ်ပစ်ရမည်။ ချိုက်ကျိကွမ်က ထိုသို့ တွေးလိုက်သည်။ လော့နျန်ဝေက သူ့အတွက် အလွန် အရေးပါသူ ဖြစ်ရမည်။ ထို့ကြောင့် ချက်ချင်း ပြောလိုက်သည်။</p> <p style="text-align:justify">"လုချန်... စိတ်မပူနဲ့... ဒီကိစ္စကို ဘယ်လို ဖြေရှင်းချင်လဲ... သူတို့ကို သတ်ပစ်ပြီး လော့နျန်ယင်းကို ပြန်ခေါ်လာရမလား"</p> <p style="text-align:justify">"ဒါမှမဟုတ် အရှင်ဖမ်းလာခဲ့ရမလား"</p> <p style="text-align:justify">လုချန်က မူလက လော့နျန်ယင်းကိုသာ ပြန်ခေါ်လာချင်ခဲ့ခြင်း ဖြစ်သည်။ တစ်ဖက်လူများထဲတွင် အဆင့်D ပညာရှင် ပါဝင်နေသည်ကို တွေးကြည့်၍ ရနိုင်သည်။ ထို့အပြင် သူမ၏ ဆွေမျိုးများနှင့် သူငယ်ချင်းများစွာမှာလည်း သာမန်လူများသာ ဖြစ်ကြသည်။ သို့သော် သူ၏ လေသံက ရုတ်တရက် ပြောင်းလဲသွားသည်။ ရေခဲတမျှ အေးစက်သော လေသံဖြင့် ပြောလိုက်သည်။</p> <p style="text-align:justify">"သူတို့ကို ဖမ်းလိုက်ပါ... နှစ်ယောက်စလုံးကို ဒီခေါ်လာခဲ့... သူတို့ကို တောင်းပန်ခိုင်းမယ်... ပြီးမှ ကျွန်တော့်လက်နဲ့ ကိုယ်တိုင် သတ်ပစ်မယ်"</p> <p style="text-align:justify">ချိုက်ကျိကွမ်က လုချန်၏ လေသံထဲမှ အေးစက်မှုကို ခံစားလိုက်ရသည်။ </p> <p style="text-align:justify">သူက အနည်းငယ် ခေါင်းညိတ်လိုက်ပြီး "ကောင်းပြီ... မင်း သဘောအတိုင်းပါပဲ" ဟု ပြန်ဖြေလိုက်သည်။ ထို့နောက် D6 အခြေစိုက်မြို့တော် တစ်ခုလုံး၏ အမြင့်ဆုံး အဆင့်ရှိ ပုဂ္ဂိုလ်များအားလုံး ချက်ချင်း လှုပ်ရှားလာကြသည်။ လူသားမျိုးနွယ် မဟာမိတ်အဖွဲ့၊ မြို့တော်ခန်းမ နှင့် စစ်တပ်တို့ ပူးပေါင်းလိုက်ကြသည်။</p> <p style="text-align:justify">ဧရာမ လှုပ်ရှားမှုကြီးတစ်ခု စတင်ခဲ့သည်။ အဆင့်D သားရဲများ မြို့ကို ဝိုင်းရံတိုက်ခိုက်ချိန်မျိုးတွင်သာ ဖြစ်ပေါ်လေ့ရှိသော လှုပ်ရှားမှုမျိုးပင်။ စစ်တပ်မှ အဆင့်-D စစ်သည်တော် ၂၀ နှင့် အဆင့်-E စစ်သည်တော် ၈၀ တို့ ထွက်ခွာလာကြသည်။ သူတို့က စစ်သုံးကားများပါဝင်သော ဧရာမ ယာဉ်တန်းကြီးကို မောင်းနှင်လာကြသည်။ ကြီးမားသော ဗီလာကြီး တစ်လုံးဆီသို့ တန်းတန်းမတ်မတ် ဦးတည်သွားကြသည်။</p> <p style="text-align:justify">“အဆင့်D စစ်သည်တော်တစ်ဦး ပိုင်ဆိုင်သော ဗီလာ...”</p> <p style="text-align:justify">သူတို့၏ လှုပ်ရှားမှုများကို မည်သို့မျှ ဖုံးကွယ်မထားခဲ့ပေ။ ထိုသို့သော ခမ်းနားကြီးကျယ်သည့် မြင်ကွင်းကြီးကို အင်တာနက် အသုံးပြုသူများက ချက်ချင်း ဓာတ်ပုံရိုက်ကာ အွန်လိုင်းပေါ်သို့ တင်လိုက်ကြသည်။ တချို့သော သတင်းထောက်များနှင့် ရဲတင်းသော ဗီဒီယိုဘလော့ဂါများက ထိုသတင်းကို မြင်လိုက်ကြသည်။ သွေးနံ့ရသွားသော ငါးမန်းများပမာ ချက်ချင်း တုံ့ပြန်လိုက်ကြသည်။ </p> <p style="text-align:justify">သူတို့အားလုံး ကားကိုယ်စီဖြင့် ယာဉ်တန်း၏ နောက်မှ လိုက်သွားကြသည်။ တချို့လူများက တိုက်ရိုက်ထုတ်လွှင့်မှုပင် စတင်လုပ်ဆောင်နေကြပြီ ဖြစ်သည်။</p> <p style="text-align:justify">"ကြည့်ကြစမ်း... စစ်တပ်က စူပါစစ်သည်တော်တွေ၊ မဟာမိတ်အဖွဲ့က အဆင့်မြင့် အရာရှိကြီးတွေနဲ့ မြို့တော်ဝန်ကိုယ်တိုင် ပါလာကြတာဟ"</p> <p style="text-align:justify">"ဘာလို့ ဒီလောက် အရေးကြီးတဲ့ ပုဂ္ဂိုလ်တွေအကုန်လုံး လှုပ်ရှားနေကြတာလဲ.. ဘယ်သွားမလို့လဲ... ငါတို့ရဲ့ အခြေစိုက်မြို့တော်က အဆင့်D သားရဲတွေရဲ့ တိုက်ခိုက်မှုနဲ့များ ရင်ဆိုင်ရတော့မလို့လား"</p> <p style="text-align:justify">တိုက်ရိုက်ထုတ်လွှင့်မှုကို ကြည့်ပြီးနောက် နိုင်ငံသားများအားလုံး ထိတ်လန့်သွားကြသည်။ သို့သော် လုချန်၊ လော့နျန်ဝေ နှင့် သူမ၏ မိသားစုတို့မှာမူ ထိုအရာများနှင့် ပတ်သက်၍ ဘာမှမသိခဲ့ကြပေ။ တစ်ချိန်တည်းမှာပင် ကြီးမားသော ဗီလာကြီး တစ်လုံးအတွင်း၌ လူမိုက်ငယ်လေး တစ်ယောက် အပြေးအလွှား ဝင်လာသည်။</p> <p style="text-align:justify">"သူဌေး... သူဌေး ပြဿနာတက်ပြီ အခြေစိုက်မြို့တော်က အရေးကြီးတဲ့ ပုဂ္ဂိုလ်ကြီးတွေ အများကြီး ရောက်လာပြီး အပြင်မှာ ဝိုင်းထားကြပြီ"</p> <p style="text-align:justify">မာကျုံးရွေ့က အခန်းထဲတွင် အမျိုးသမီးတစ်ဦးနှင့် သာယာနေဆဲ ဖြစ်သည်။ ဤစကားကို ကြားသောအခါ သူ၏ ခန္ဓာကိုယ် ရုတ်တရက် တောင့်တင်းသွားသည်။ သူက ဒေါသတကြီး အော်ဟစ်လိုက်သည်။</p> <p style="text-align:justify">"မင်း ဘာပေါက်ကရတွေ လာပြောနေတာလဲ... ဘယ်က ပုဂ္ဂိုလ်ကြီးလဲ... ငါ့အဖေက အဆင့်-D စစ်သည်တော်ကွ"</p> <p style="text-align:justify">" D6 အခြေစိုက်မြို့တော် တစ်ခုလုံးမှာ... မဟာမိတ်အဖွဲ့နဲ့ စစ်တပ်ကလွဲရင် ဘယ်သူက ငါ့အဖေနဲ့ တစ်တန်းတည်းရှိတဲ့ ပုဂ္ဂိုလ်ကြီး ဖြစ်နေလို့လဲ"</p> <p style="text-align:justify">တပည့်ဖြစ်သူက အထစ်ထစ်အငေါ့ငေါ့ဖြင့် ပြန်ဖြေသည်။</p> <p style="text-align:justify">"သူဌေး... သူတို့က မဟာမိတ် စစ်တပ်က ပုဂ္ဂိုလ်ကြီးတွေပါ... အဆင့်D အရာရှိ ၂၀ နဲ့ အဆင့်E အရာရှိ ၈၀ လောက်တောင် ကိုယ်တိုင် ရောက်နေကြတာ"</p> <p style="text-align:justify">"သူဌေး... ဘာတွေဖြစ်နေလဲ သိလား... သူဌေးများ တစ်ခုခု ဖြစ်လို့လား"</p> <p style="text-align:justify">"သူဌေးအဖေရဲ့ ကိစ္စတွေများ ပေါ်သွားပြီလား"</p> <p style="text-align:justify">မာကျုံးရွေ့က သူ၏ တပည့်ကို အားကုန်လွှဲရိုက်လိုက်သည်။ ချက်ချင်းပင် အဝတ်အစားများကို ကောက်စွပ်ကာ လသာဆောင်သို့ ပြေးထွက်သွားသည်။ လသာဆောင်မှနေ၍ အောက်သို့ ငုံ့ကြည့်လိုက်သောအခါ သူတို့၏ ဗီလာတစ်ခုလုံး အဝိုင်းခံထားရပြီ ဖြစ်သည်။ သူက ဖခင်ဖြစ်သူ၏ အခန်းဆီသို့ အပြေးအလွှား သွားလိုက်သည်။ တံခါးကို အသည်းအသန် ထုလိုက်သည်။</p> <p style="text-align:justify">"အဖေ... ပြဿနာတက်ပြီ... တံခါးဖွင့်ပါဦး"</p> <p style="text-align:justify">ချက်ချင်းပင် အထဲမှ ဒေါသတကြီး အသံတစ်သံ ထွက်လာသည်။</p> <p style="text-align:justify">"မင်းလို ခွေးသူတောင်းစားက... ငါ ကောင်းခန်းရောက်နေတာကို နှောင့်ယှက်ရဲတယ်ပေါ့လေ... မင်းသာ သေသေချာချာ မရှင်းပြနိုင်ရင် မင်းခြေထောက်တွေကို ရိုက်ချိုးပစ်မယ်"</p> <p style="text-align:justify">မာကျုံးရွေ့က အော်ပြောလိုက်သည်။</p> <p style="text-align:justify">"အဖေ... မဟာမိတ်အဖွဲ့နဲ့ စစ်တပ်က အဆင့်D စစ်သည်တော် ၂၀ နဲ့ အဆင့်E ၆၀ လွှတ်ပြီး ငါတို့အိမ်ကို ဝိုင်းထားပြီ... ဘာတွေဖြစ်နေလဲ အဖေ သိလား"</p> <p style="text-align:justify">တံခါးက ရုတ်တရက် ပွင့်လာသည်။ သူ၏ ဖခင်က ညအိပ်ဝတ်ရုံရှည်ကြီး ဝတ်ကာ ထွက်လာသည်။ တံခါးဟနေသော ကြားမှတစ်ဆင့် အထဲတွင် စောင်ခြုံထားသော အမျိုးသမီးတစ်ဦး၏ ပုံရိပ်ကို မြင်တွေ့နိုင်သည်။ သူတို့သားအဖ နှစ်ယောက် အပြင်ဘက်သို့ အလျင်အမြန် ပြေးထွက်သွားကြလေတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save