Book List

<h2 style="text-align: center;">အခန်း (၂၆)</h2> <h2 style="text-align: center;">ယွမ်ကျုံးစီရင်စု၏ အင်အားကြီးအဖွဲ့အစည်း ငါးခု </h2> <h2 style="text-align: center;">*</h2> <p> </p> <p><br />  <br /> ကျန်းယွီဟယ်က လွန်ခဲ့သော နှစ်တစ်ရာခန့်က တံဆိပ်ပြားတစ်ခုဖြင့် အတွင်းစည်းသို့ ဝင်ရောက်လာခဲ့သော ဂိုဏ်းတူညီလေးဖြစ်ကြောင်း သိလိုက်ရသောအခါ မင်ဖူချန်းမှာ ရင်ထဲ၌ တိတ်တဆိတ် အံ့အားသင့်သွားမိသည်။ <br />  <br /> အကြီးအကဲများ၏ ခန့်အပ်မှုဖြင့် ယွမ်ကျုံးစီရင်စု၏ နယ်မြေစောင့်တပ်မှူး ဖြစ်လာရန်မှာ အနည်းဆုံး နတ်ဘုရားသန္ဓေအဆင့် ကျင့်ကြံခြင်း ရှိရန် လိုအပ်ပေသည်။ မိမိကိုယ်တိုင်က အစွမ်းမရှိဘဲ နယ်မြေစောင့်တပ်မှူးဟူသော ဂုဏ်ပုဒ်တစ်ခုတည်းကိုသာ အားကိုးနေမည်ဆိုပါက တစ်ဖက်လူများ၏ လှည့်စားမှုကို ခံရမည့်အပြင် အူကြောင်ကြောင်တစ်ယောက် ဖြစ်သွားပေလိမ့်မည်။ <br />  <br /> "သူက နှစ်တစ်ရာအတွင်းမှာတင် ချီကျင့်ကြံခြင်းအဆင့်ကနေ နတ်ဘုရားသန္ဓေအဆင့်ကို ရောက်သွားတာလား" <br />  <br /> "ဒါတော့ မဖြစ်နိုင်ဘူးထင်တယ်..." <br />  <br /> မင်ဖူချန်းက သူ၏ နတ်ဘုရားအာရုံကို တိတ်တဆိတ် ထုတ်လွှတ်လိုက်ပြီး ကျန်းယွီဟယ်၏ အရှိန်အဝါကို စမ်းသပ်ကြည့်လိုက်သည်။ သို့သော် ထိုသို့စမ်းသပ်မှုကြောင့် သူ ပို၍ပင် အံ့အားသင့်သွားရ၏။ ကျန်းယွီဟယ်၏ တည်ရှိမှုကို သူ လုံးဝ အာရုံခံ၍ မရပေ။ <br />  <br /> "ဒါဆို သူက နတ်ဘုရားသန္ဓေအဆင့်ကို တကယ်ပဲ ကျော်ဖြတ်သွားပြီလား" <br />  <br /> "လုံးဝ မဖြစ်နိုင်တာ..." <br /> မင်ဖူချန်းက စိတ်ထဲမှ ခေါင်းယမ်းလိုက်သည်။ နှစ်တစ်ရာအတွင်း နတ်ဘုရားအဆင့်သို့ ရောက်ရန်မှာ မသေမျိုးတစ်ဦး လူပြန်ဝင်စားလျှင်ပင် မဖြစ်နိုင်သည့် အရာပင်။ သူ၏ရှေ့တွင် အေးအေးဆေးဆေး လက်ဖက်ရည် သောက်နေသော ကျန်းယွီဟယ်ကို ကြည့်ရင်း မင်ဖူချန်း အနည်းငယ် မနာလိုဖြစ်သွားမိသည်။ ကျန်းယွီဟယ်၏ ကျင့်ကြံမှုမှာ မည်သည့်အဆင့်သို့ ရောက်နေသည်ကို သူ သိချင်လှသော်လည်း တိုက်ရိုက်မေးရန်မှာ မသင့်တော်ပေ။ <br />  <br /> "ယွမ်ကျုံးစီရင်စုရဲ့ လက်ရှိအခြေအနေက ဘယ်လိုရှိလဲဆိုတာ ဂိုဏ်းတူအစ်ကိုကြီး ကျွန်တော့်ကို ပြောပြပေးနိုင်မလား" <br />  <br /> လက်ဖက်ရည်သောက်ပြီးနောက် ကျန်းယွီဟယ်က နှိမ့်ချစွာ မေးလိုက်သည်။ ယွမ်ကျုံးစီရင်စုတွင် အချိန်ကြာမြင့်စွာ နေထိုင်ရတော့မည် ဖြစ်သောကြောင့် ဤနေရာ၏ အခြေအနေကို ကြိုတင်နားလည်ထားရန် လိုအပ်သည်။ မင်ဖူချန်းမှာ ဤနေရာတွင် ဆယ်စုနှစ်ပေါင်းများစွာ နေထိုင်ခဲ့သူ ဖြစ်သဖြင့် သတင်းအချက်အလက်များစွာ သိထားပေလိမ့်မည်။ <br />  <br /> မင်ဖူချန်းက ခဏမျှ စဉ်းစားပြီးမှ စကားကို စတင်လိုက်သည်။ <br />  <br /> "ကြယ်နှစ်ပွင့်အောက် အင်အားစုတွေကို ထည့်မတွက်ဘူးဆိုရင် ယွမ်ကျုံးမြို့တော်မှာ ကြယ်သုံးပွင့်အဆင့် အင်အားစု ငါးခု ရှိတယ်... အဲဒါတွေကတော့ ချန်းမိသားစု၊ ဆန်းမိသားစု၊ လီမိသားစု၊ ဟယ်မိသားစုနဲ့ လေသတင်းမျှော်စင်တို့ပဲ" <br />  <br /> "အဲဒီထဲမှာ ချန်းမိသားစုနဲ့ ဆန်းမိသားစုက နယ်မြေစောင့်တပ်မှူးရုံးနဲ့ ဆက်ဆံရေးကောင်းတယ်... သူတို့မိသားစုဝင်အချို့က တာအိုသန့်စင်ဂိုဏ်းရဲ့ အပြင်စည်းမှာ ကျင့်ကြံနေကြတာဆိုတော့ သူတို့ကို ယုံကြည်လို့ရတယ်" <br /> "လီမိသားစုနဲ့ ဟယ်မိသားစုကတော့ ယွမ်ကျုံးစီရင်စုမှာ အမြစ်တွယ်နေတာ နှစ်ပေါင်းသောင်းချီနေပြီ... သူတို့ရဲ့ သြဇာအာဏာက စီရင်စုအတွင်းက မြို့ပေါင်းများစွာအထိ ပျံ့နှံ့နေတော့ သူတို့ရဲ့ အစွမ်းကို လျှော့တွက်လို့မရဘူး... ဒါပေမဲ့ သူတို့ကတော့ အေးအေးဆေးဆေး နေတတ်ကြပါတယ်... သူတို့ရဲ့ မိသားစုဝင်တွေကို တာအိုသန့်စင်ဂိုဏ်းထဲ သွင်းဖို့ အမြဲကြိုးစားနေပေမဲ့ အခုထိတော့ မအောင်မြင်သေးဘူး" <br />  <br /> "ဒါနဲ့ စကားမစပ်... ဟယ်မိသားစုရဲ့ ဘိုးဘေးက လွန်ခဲ့တဲ့ နှစ်ရာပေါင်းများစွာကတည်းက နတ်ဘုရားသန္ဓေအဆင့် ပြီးပြည့်စုံခြင်းကို ရောက်နေတာ... အခု သူ သေသွားပြီလား ဒါမှမဟုတ် နတ်ဘုရားအသွင်ပြောင်းလဲခြင်းအဆင့်ကို ရောက်သွားပြီလားဆိုတာ ဘယ်သူမှ မသိဘူး... ညီလေး သတိထားဖို့တော့ လိုလိမ့်မယ်" <br />  <br /> "လေသတင်းမျှော်စင်ကတော့ နည်းနည်းတော့ လျှို့ဝှက်ဆန်းကြယ်သလို ရှိပေမဲ့ သိပ်တော့ အားမကောင်းလှပါဘူး... သူတို့ရဲ့ မျှော်စင်သခင်က နတ်ဘုရားသန္ဓေအဆင့် အစောပိုင်းပဲ ရှိပါသေးတယ်" <br />  <br /> မင်ဖူချန်းက ယွမ်ကျုံးစီရင်စုရှိ အဓိက အင်အားစုများအကြောင်းကို အကြမ်းဖျင်း ရှင်းပြလိုက်သည်။ ကျန်းယွီဟယ်က ငြိမ်သက်စွာ နားထောင်ရင်း ခေါင်းညိတ်လိုက်၏။ <br />  <br /> ယွီဖန်ကောင်းကင်ဘုံရှိ အင်အားစုများကို သတ်မှတ်ရာတွင် - အခြေတည်အဆင့် ကျင့်ကြံသူ ရှိပါက ကြယ်တစ်ပွင့် ရွှေအမြုတေအဆင့် ကျင့်ကြံသူ ရှိပါက ကြယ်နှစ်ပွင့် နတ်ဘုရားသန္ဓေအဆင့် ရှိပါက ကြယ်သုံးပွင့်ဟု သတ်မှတ်ပြီး နတ်ဘုရားအသွင်ပြောင်းလဲခြင်းအဆင့် ရှိမှသာ ကြယ်လေးပွင့်ဟု ခေါ်ဆိုကြသည်။ <br /> အမြင့်ဆုံးမှာ ကြယ်ငါးပွင့်အဆင့်ဖြစ်ပြီး ဝိညာဉ်သန့်စင်ခြင်းအဆင့် ကျင့်ကြံသူ ရှိရန် လိုအပ်သည်။ သို့သော် ကြယ်ငါးပွင့်အင်အားစုမှာ ယွီဖန်ကောင်းကင်ဘုံ တစ်ခုလုံးတွင်ပင် အနည်းငယ်သာ ရှိပြီး အဓိက မြို့ကြီးများတွင်သာ အခြေစိုက်ကြသည်။ တာအိုသန့်စင်ဂိုဏ်းမှာမူ ဤစည်းမျဉ်းများထက် ကျော်လွန်နေပြီး မဟာယာနအဆင့် ကျင့်ကြံသူများပင် ရှိသောကြောင့် ကြယ်ခုနစ်ပွင့်အဆင့်ဟု ဆိုနိုင်သည်။ <br />  <br /> ယွမ်ကျုံးစီရင်စုတွင် ကြယ်သုံးပွင့်အင်အားစု ငါးခုရှိသော်လည်း ကျန်းယွီဟယ်အတွက်မူ ထိုအရာများက သိပ်ပြီး စိုးရိမ်စရာ မဟုတ်ပေ။ သူ အကြောက်ဆုံးမှာ အမှောင်ထဲတွင် ပုန်းကွယ်နေသော အင်အားစုများပင် ဖြစ်သည်။ <br />  <br /> "ဂိုဏ်းတူအစ်ကိုကြီးမင်... ယွမ်ကျုံးစီရင်စုမှာ တခြား ပုန်းကွယ်နေတဲ့ အင်အားစုတွေရော ရှိသေးလား" <br />  <br /> မင်ဖူချန်းက ခေါင်းယမ်းလိုက်သည်။  <br />  <br /> "ငါလည်း မသိဘူး... အနည်းဆုံးတော့ ငါ မကြားဖူးသေးဘူး" <br />  <br /> ကျန်းယွီဟယ်က ဆက်မေးလိုက်သည်။  <br />  <br /> "ယွမ်ကျုံးစီရင်စုရဲ့ သမိုင်းမှာ နတ်ဆိုးမျိုးနွယ်တွေ ဒါမှမဟုတ် နတ်ဆိုးဘုရင်ဂိုဏ်းရဲ့ လှုပ်ရှားမှုတွေရော ရှိခဲ့ဖူးလား" <br />  <br /> "မရှိပါဘူး... နတ်ဆိုးမျိုးနွယ်တွေဆိုတာ ကောင်းကင်ပြင်ပ သတ္တဝါတွေလေ... သူတို့ ပေါ်လာတာနဲ့ သူတို့ဆီက ထွက်တဲ့ နတ်ဆိုးအရှိန်အဝါကို မိုင်ပေါင်းရာချီကတည်းက အာရုံခံလို့ရတယ်... သူတို့ရဲ့ ခြေရာကို ဖုံးကွယ်ဖို့ဆိုတာ မဖြစ်နိုင်သလောက်ပဲ" <br />  <br /> "နတ်ဆိုးဘုရင်ဂိုဏ်းအကြောင်း ပြောရရင်တော့ ငါ ဒီမှာနေခဲ့တဲ့ ဆယ်စုနှစ်တွေအတွင်းမှာ ဘာသတင်းမှ မရခဲ့ဘူး... တကယ်တော့ လွန်ခဲ့တဲ့ နှစ်ပေါင်းထောင်ချီ သမိုင်းကြောင်းမှာတောင် ယွမ်ကျုံးစီရင်စုမှာ သူတို့ လှုပ်ရှားခဲ့တဲ့ မှတ်တမ်း မရှိပါဘူး" <br />  <br /> ကျန်းယွီဟယ်က နားလည်ကြောင်း ခေါင်းညိတ်ပြလိုက်သည်။ သူက အမှတ်မထင် မေးမြန်းကြည့်ခြင်းသာ ဖြစ်သည်။ နတ်ဆိုးဘုရင်ဂိုဏ်းဆိုသည်မှာ လျှို့ဝှက်သောအဖွဲ့အစည်း ဖြစ်သဖြင့် သူတို့ ပေါ်ထွက်လာခြင်းသည်ပင် ဂိုဏ်းအတွက် ကြီးမားသော ကိစ္စရပ် ဖြစ်ပေလိမ့်မည်။ နှစ်ဦးသား ခဏမျှ ထပ်မံစကားပြောပြီးနောက် မင်ဖူချန်းက မတ်တတ်ရပ်ကာ နှုတ်ဆက်လိုက်သည်။ <br />  <br /> "ကဲ... အလုပ်ကိစ္စတွေကို အရင် လွှဲပြောင်းပေးမယ်... ပြီးရင် ငါ ဂိုဏ်းကို အမြန်ပြန်ပြီး တံခါးပိတ်ကျင့်ကြံရမယ်... ခုနက ငါ့ရဲ့ ကျင့်ကြံမှု တက်လှမ်းဖို့ အခွင့်အရေးတစ်ခုကို အာရုံရလိုက်တယ်... ဒီအခွင့်အရေး လက်လွတ်သွားရင် နောက်တစ်ခါ ဘယ်တော့မှ ပြန်ရမလဲ မသိနိုင်ဘူး" <br />  <br /> "ကောင်းပါပြီ" <br />  <br /> သူတို့နှစ်ဦးက ရာထူးတံဆိပ်တုံးများနှင့် မြို့တော်၏ အစီရင်စု ထိန်းချုပ်ရေးဗဟိုချက်များကို လျင်မြန်စွာ လွှဲပြောင်းပေးလိုက်ကြသည်။ အလုပ်ကိစ္စများ ပြီးဆုံးသွားသောအခါ စံအိမ်တော်အပြင်ဘက်သို့ ထွက်လာကြသည်။ မင်ဖူချန်းက ပျံသန်းလှေကို ထုတ်လိုက်ပြီး ကျန်းယွီဟယ်ကို ပြောလိုက်သည်။ <br />  <br /> "ညီလေး... ဒီမှာပဲ အခြေအနေကို စောင့်ကြည့်ပေးပါဦး... ငါတော့ ဂိုဏ်းကို ပြန်တော့မယ်" <br /> "ဂိုဏ်းတူအစ်ကိုကြီးမင်... လမ်းခရီး အဆင်ပြေပါစေ... နောက်ပိုင်း သိချင်တာရှိရင် ကျောက်စိမ်းပြားကနေတစ်ဆင့် လှမ်းမေးပါရစေဦး" <br />  <br /> "ရပါတယ်... ပြဿနာမရှိဘူး" <br />  <br /> မင်ဖူချန်းက သူ၏လူများကို ခေါ်ဆောင်ကာ ပျံသန်းလှေပေါ်တက်၍ ထွက်ခွာသွားတော့သည်။ တာအိုသန့်စင်ဂိုဏ်း၏ တပည့်အများစုမှာ မိသားစု နောက်ခံအင်အား အသီးသီးရှိကြပြီး ကျန်းယွီဟယ်ကဲ့သို့ တစ်ကိုယ်တည်းသမားမှာ အလွန်ရှားပေသည်။ <br />  <br /> မင်ဖူချန်း ထွက်ခွာသွားပြီးနောက် တစ်ခုလုံးသော နယ်မြေစောင့်တပ်မှူးရုံးမှာ ချက်ချင်းပင် ခြောက်ကပ်သွားလေသည်။ ကျန်ရစ်ခဲ့သော လူအနည်းငယ်ကို ကြည့်ပြီး ကျန်းယွီဟယ်မှာ စကားပင် မဆိုနိုင်တော့ပေ။ <br />  <br /> "ဒီလို လူအင်အားနဲ့ ငါ ဘယ်လိုလုပ်ရမလဲ..." <br />  <br /> သူ့ကို ကူညီမည့်သူ မရှိပါက သူသည် မျက်စိကန်း၊ နားပင်းနေသူကဲ့သို့ ပြင်ပလောက၏ သတင်းအချက်အလက်များကို သိနိုင်တော့မည် မဟုတ်ပေ။ ကျင့်ကြံခြင်းကို ပစ်ပယ်ပြီး တစ်နေ့ကုန် လှည့်ပတ် ကင်းလှည့်နေရန်မှာလည်း မဖြစ်နိုင်ပေ။ ထို့အပြင် ယွမ်ကျုံးစီရင်စုဆိုသည်မှာ ဤမြို့တော်တစ်ခုတည်း မဟုတ်ဘဲ လက်အောက်ရှိ မြို့ငယ်ပေါင်း ရာချီကိုပါ စောင့်ကြည့်ရမည် ဖြစ်သည်။ <br />  <br /> "အလုပ်တွေ ဝိုင်းကူပေးဖို့ လူအချို့ ရှာမှဖြစ်တော့မယ်" <br />  <br /> ကျန်းယွီဟယ်၏ စိတ်ထဲတွင် မည်သည့်နေရာမှ လူရှာရမည်ကို တွေးတောနေမိသည်။ အခြား ကစားသမားများကို အကူအညီတောင်းရန် စဉ်းစားမိသော်လည်း လက်ရှိတွင် ကစားသမားများမှာ အားနည်းလွန်းသေးသည်။ အမြင့်ဆုံးမှ အခြေတည်အဆင့်သာ ရှိသေးပြီး ရွှေအမြုတေအဆင့်ကိုပင် မကြားမိသေးပေ။ <br />  <br /> ထို့ကြောင့် ကစားသမားများကိုသာ အားကိုးနေ၍ မရဘဲ ဒေသခံ အင်အားစုများထဲမှ ကူညီမည့်သူကို ရှာဖွေရမည် ဖြစ်ပေသည်။ <br />  </p> <p> </p> <p style="text-align: center;"> </p> <p style="text-align: center;">*** </p>


Save