Book List

<h2 style="text-align: center;">အခန်း (၂၇)</h2> <h2 style="text-align: center;">ချန်းလင်လင် </h2> <h2 style="text-align: center;">*</h2> <p> </p> <p><br />  <br /> ပျံသန်းလှေပေါ်တွင်မူ မင်ဖူချန်းက ကောင်းကင်ယံကို မော့ကြည့်ရင်း သူ့ဘာသာ ရေရွတ်လိုက်သည်။ <br />  <br /> "ယွမ်ကျုံးစီရင်စုရဲ့ ရေက တော်တော်နောက်တယ်... ဂိုဏ်းတူညီလေးကျန်း တစ်ယောက် သူတို့ကို ထိန်းနိုင်ပါစေလို့ပဲ ဆုတောင်းရတော့မှာပဲ" <br />  <br /> အိမ်တော်ထိန်းအိုကြီးတစ်ဦးနှင့် တူသော အဘိုးအိုက ခေါင်းယမ်းကာ ပြောလိုက်၏။ <br />  <br /> "ပြောရခက်ပါတယ်... ဒီနယ်မြေစောင့်တပ်မှူးသစ်ရဲ့ ကျင့်ကြံမှုကို ကျွန်တော် ထိုးဖောက်မမြင်နိုင်ပေမဲ့ သူ ကျင့်ကြံလာတဲ့ သက်တမ်းက သိပ်မကြာသေးတော့ အစွမ်းကတော့ သိပ်မကြီးနိုင်ပါဘူး... တစ်ဖက်မှာလည်း ဟယ်မိသားစုက အဘက်ဘက်က သံသယဖြစ်စရာကောင်းနေပြီး သူတို့နောက်မှာ နောက်ခံအင်အား တစ်ခုခု ရှိနေသလိုပဲ... သခင်လေးကျန်း သူတို့ကို ထိန်းချုပ်နိုင်ဖို့ဆိုတာ မလွယ်လှဘူး" <br />  <br /> အိမ်တော်ထိန်းထံမှ ထွက်ပေါ်နေသော အရှိန်အဝါမှာ မင်ဖူချန်းထက်ပင် အားကောင်းနေပြီး သူသည် နတ်ဘုရားသန္ဓေအဆင့် ကျင့်ကြံသူ တစ်ဦးဖြစ်ကြောင်း သိသာလှသည်။ မင်ဖူချန်း နယ်မြေစောင့်တပ်မှူးအဖြစ် တာဝန်ထမ်းဆောင်စဉ်က မင်မိသားစုက ဤအကြီးအကဲကို အထူးစီစဉ်ပေးကာ အနီးကပ် ကူညီစေခဲ့ခြင်း ဖြစ်သည်။ အိမ်တော်ထိန်း၏ စကားကို ကြားသောအခါ မင်ဖူချန်းကလည်း သဘောတူသည့်အနေဖြင့် ခေါင်းညိတ်လိုက်သည်။ <br />  <br /> "ထားလိုက်ပါတော့... ငါတို့ ဒီရှုပ်ထွေးတဲ့ကိစ္စထဲကနေ လွတ်အောင် ထွက်လာနိုင်တာပဲ တော်လှပြီ" <br />  <br /> "ကျွန်တော်တို့ ဒီလိုပဲ ထွက်သွားရင် တစ်ခုခု ဖြစ်မသွားနိုင်ဘူးလား"  <br />  <br /> အိမ်တော်ထိန်းအိုကြီးက စိုးရိမ်တကြီး မေးမြန်းနေဆဲဖြစ်သည်။ <br />  <br /> "အဲဒါ ငါတို့နဲ့ မဆိုင်တော့ဘူး... ငါ ပြောသင့်တာတွေ အကုန်ပြောခဲ့ပြီးပြီ... ဟယ်မိသားစုကို သတိထားဖို့တောင် ငါ သူ့ကို သတိပေးခဲ့သေးတယ်" <br />  <br /> အိမ်တော်ထိန်းက ခဏမျှ တိတ်ဆိတ်သွားပြီးနောက် တိုးတိုးလေး ထပ်မေးလိုက်သည်။  <br />  <br /> "သခင်လေး... ဟယ်မိသားစုက နတ်ဆိုးဘုရင်ဂိုဏ်းနဲ့ ပူးပေါင်းနေတယ်လို့ ထင်လား" <br />  <br /> ထိုစကားကြောင့် မင်ဖူချန်းမှာ တုန်လှုပ်သွားပြီး ချက်ချင်း ငြင်းဆိုလိုက်သည်။ <br />  <br /> "မဖြစ်နိုင်တာ... သူတို့မှာ အဲဒီလောက်အထိ သတ္တိမရှိပါဘူး... နတ်ဆိုးဘုရင်ဂိုဏ်းနဲ့ ပူးပေါင်းတာသာ လူသိရှင်ကြား ဖြစ်သွားရင် တစ်မျိုးနွယ်လုံး အသတ်ခံရမှာကို ဟယ်မိသားစု နားလည်မှာပါ" <br />  <br /> ယွီဖန်ကောင်းကင်ဘုံတွင် အခြားကိစ္စများကို ညှိနှိုင်း၍ ရသော်လည်း နတ်ဆိုးဘုရင်ဂိုဏ်းနှင့် ပူးပေါင်းကြောင်း အတည်ပြုနိုင်ပါက မည်မျှပင် အင်အားကြီးသော အဖွဲ့အစည်းဖြစ်ပါစေ အမြစ်ပြတ် သုတ်သင်ခြင်း ခံရမည်ဖြစ်သည်။ တာအိုသန့်စင်ဂိုဏ်းက ထိုကဲ့သို့သော ကိစ္စများတွင် ဘယ်သောအခါမှ လက်တွန့်လေ့ မရှိပေ။ <br />  <br /> "ကျွန်တော်လည်း မှားနေပါစေလို့ပဲ ဆုတောင်းပါတယ်..."  <br /> အိမ်တော်ထိန်းအိုကြီးက ခပ်အေးအေးပင် ပြန်ပြောလိုက်သည်။ ပျံသန်းလှေသည် တယ်လီပို့ခန်းမသို့ ရောက်ရှိသွားပြီးနောက် သူတို့တစ်စုမှာ လျင်မြန်စွာပင် ထွက်ခွာသွားကြတော့သည်။ <br />  <br /> ကျန်းယွီဟယ်က အခန်းထဲတွင် ထိုင်နေပြီး သူ၏လက်ချောင်းများဖြင့် စားပွဲကို ခပ်မှန်မှန် ခေါက်နေမိသည်။ ခြင်္သေ့ပင် ဖြစ်စေကာမူ အထောက်အပံ့ကောင်းတော့ လိုအပ်ပေသည်။ သူတစ်ယောက်တည်းနှင့် တစ်ခုလုံးသော ယွမ်ကျုံးစီရင်စုကို စီမံခန့်ခွဲရန်မှာ မဖြစ်နိုင်မှန်း သူ ကောင်းကောင်း သိသည်။ သို့သော် မည်သူ့ကို အကူအညီတောင်းရမည်ကိုမသိပေ။ <br />  <br /> မင်ဖူချန်း၏ ပြောပြချက်အရ ချန်းမိသားစုနှင့် ဆန်းမိသားစုမှာ တာအိုသန့်စင်ဂိုဏ်းတွင် တပည့်များ ရှိနေသောကြောင့် ယုံကြည်ရနိုင်သော်လည်း ကျန်သုံးဖွဲ့မှာမူ မသေချာပေ။ ကျန်းယွီဟယ်က ထိုအချက်ကို အတော်အတန် သဘောတူလေသည်။ မိသားစုဝင်တစ်ဦးက ဂိုဏ်းအတွင်း ကျင့်ကြံနေပါက ထိုမိသားစုမှာ ဂိုဏ်း၏ အကာအကွယ်ကို ရယူလိုခြင်း ဖြစ်သောကြောင့် ပြဿနာရှာလေ့ မရှိပေ။ <br />  <br /> သို့သော် ဟယ်မိသားစုနှင့် လီမိသားစုမှာမူ သံသယဖြစ်ဖွယ် ကောင်းလှသည်။ သူတို့သည် နှစ်ပေါင်းသောင်းချီ သမိုင်းကြောင်း ရှိသော်လည်း ဂိုဏ်း၏ အပြင်စည်းတပည့် တစ်ဦးပင် မထွက်ပေါ်ခဲ့ခြင်းမှာ အလွန် ထူးဆန်းနေသည်။ သူတို့ဆီမှာ ပါရမီရှင် မရှိသည်မှာလည်း မဖြစ်နိုင်ပေ။ <br />  <br /> ထိုမျှ အင်အားကြီးပြီး လူဦးရေများသော မိသားစုကြီးနှစ်ခုတွင် ပါရမီရှင် တစ်ယောက်မှ မပေါ်ထွက်ခဲ့ခြင်းမှာ ယုတ္တိမရှိပေ။ ဖြစ်နိုင်သည်မှာ သူတို့ကိုယ်တိုင်က တာအိုသန့်စင်ဂိုဏ်းသို့ ဝင်ရောက်ရန် ဆန္ဒမရှိခြင်း သို့မဟုတ် ဂိုဏ်းနှင့် တမင်တကာ ခပ်ကွာကွာ နေလိုခြင်းကြောင့်သာ ဖြစ်လိမ့်မည်။ အကယ်၍ ထိုသို့ဆိုလျှင် ကြီးမားသော ပြဿနာတစ်ခု ရှိနေပေပြီ။ <br />  <br /> "သူတို့က နတ်ဆိုးဘုရင်ဂိုဏ်းနဲ့ ပူးပေါင်းနေတာများလား" <br />  <br /> ကျန်းယွီဟယ်၏ အတွေးထဲတွင် ထိုနိဂုံးကို ရောက်သွားသောအခါ သူကိုယ်တိုင်ပင် အနည်းငယ် ထိတ်လန့်သွားမိသည်။ <br />  <br /> "နောက်ပိုင်း ငါ တော်တော် သတိထားမှ ဖြစ်တော့မယ်" <br />  <br /> မင်ဖူချန်း ပြောသွားသော စကားများကို သူ ပြန်လည် စဉ်းစားကြည့်သောအခါ မင်ဖူချန်းက တစ်ခုခုကို သိထားသော်လည်း ခိုင်လုံသော သက်သေမရှိသဖြင့် မတင်ပြရဲဘဲ အကြောင်းပြချက်ပေးကာ ထွက်ပြေးသွားခြင်း ဖြစ်နိုင်ကြောင်း သူ ရိပ်မိလိုက်သည်။ <br />  <br /> ကျင့်ကြံမှု တက်လှမ်းတော့မည်ဆိုတာ အပိုတွေသာ ဖြစ်ပေလိမ့်မည်။ ဂိုဏ်းသို့ ပြန်မှသာ ကျင့်ကြံမှု တက်လှမ်းနိုင်မည်ဟူသော အချက်မှာ နတ်ဘုရားသန္ဓေအဆင့် ကျင့်ကြံသူတစ်ဦးအတွက် ယုတ္တိမတန်လှပေ။ ကျန်းယွီဟယ်သည် အန္တရာယ်တစ်ခု နီးကပ်လာနေပြီဟု ခံစားလိုက်ရသည်။ <br />  <br /> "အေးအေးဆေးဆေးနေပါ... မလောနဲ့..."  <br />  <br /> သူက မိမိကိုယ်ကို ပြန်လည် စိတ်အေးအောင် လုပ်လိုက်သည်။ ရုတ်တရက် ကျန်းယွီဟယ်က မတ်တတ်ရပ်ကာ အော်လိုက်၏။ <br />  <br /> "တစ်ယောက်ယောက် လာခဲ့ဦး" <br />  <br /> အပြာရောင်ဝတ်စုံနှင့် မိန်းကလေးတစ်ဦး လျင်မြန်စွာ ဝင်လာသည်။ "သခင်လေး... ဘာများ ခိုင်းစရာ ရှိလို့ပါလဲ" <br />  <br /> ကျန်းယွီဟယ်က သူမကို အကဲခတ်ကြည့်လိုက်သည်။ သူမက ချောမောလှပသော်လည်း ကျင့်ကြံမှုမှာ ချီကျင့်ကြံခြင်း ကိုးဆင့်သာ ရှိသေးသဖြင့် အားကိုးရမည့် ပုံမပေါ်ပေ။  <br />  <br /> “နယ်မြေစောင့်တပ်မှူးရုံးတစ်ခုလုံးမှာ လူတစ်ယောက်မှ မရှိတော့ဘူးလား။” <br />  <br /> "မင်း နာမည် ဘယ်လိုခေါ်လဲ" <br />  <br /> မိန်းကလေးက ခေါင်းလေးငုံ့ကာ ပြန်ဖြေသည်။ "ကျွန်မ နာမည် ချန်းလင်လင် ပါ" <br />  <br /> "မျိုးရိုးက ချန်းလား... ချန်းမိသားစုနဲ့ ဘယ်လို ပတ်သက်တာလဲ" ကျန်းယွီဟယ်က စိတ်ဝင်တစား မေးလိုက်သည်။ <br />  <br /> "ကျွန်မက ချန်းမိသားစုရဲ့ မျိုးနွယ်စုဝင် တစ်ယောက်ပါ... လူကြီးတွေက ဒီစံအိမ်မှာ သခင်လေးတို့ကို ပြုစုစောင့်ရှောက်ဖို့ လွှတ်လိုက်တာပါ" <br />  <br /> ကျန်းယွီဟယ်က ခေါင်းညိတ်လိုက်သည်။ မျှော်လင့်ထားသည့်အတိုင်းပင် ချန်းမိသားစုမှာ သူ့ထံသို့ လူလွှတ်ကာ ရင်းနှီးမှု ရယူရန် ကြိုးစားနေခြင်း ဖြစ်သည်။ <br />  <br /> "စံအိမ်ထဲက တခြားလူတွေရော အကုန်ထွက်သွားကြပြီလား" <br /> ခြောက်ကပ်နေသော ရုံးတော်ကို ကြည့်ရင်း ကျန်းယွီဟယ်မှာ စိတ်ပျက်သွားမိသည်။ သူက အေးအေးဆေးဆေး နေချင်သူ ဖြစ်သော်လည်း အလုပ်ကိစ္စများကိုတော့ စနစ်တကျ စီစဉ်ထားမှသာ ကျင့်ကြံခြင်းကို အာရုံစိုက်နိုင်ပေမည်။ <br />  <br /> "အများစုကတော့ သခင်လေးမင်နဲ့အတူ လိုက်သွားကြပါပြီ... အစေခံတွေပဲ ကျန်ပါတော့တယ်" <br />  <br /> အလုပ်လုပ်နိုင်သူ အကုန်လုံး ထွက်သွားကြပြီဟု ဆိုလိုခြင်းပင်။ <br />  <br /> "ထားလိုက်ပါတော့... အားလုံးကို အစည်းအဝေး ခေါ်ရမယ်" <br />  <br /> ကျန်းယွီဟယ်က သူ၏ အမှတ်အသား ကျောက်စိမ်းပြားကို ထုတ်ကာ စားပွဲပေါ်တင်လိုက်ပြီး ပြောလိုက်သည်။ <br />  <br /> "ငါ့ရဲ့ ကျောက်စိမ်းပြားကို ယူသွားပါ... ချန်းမိသားစု၊ ဆန်းမိသားစု၊ လီမိသားစု၊ ဟယ်မိသားစုနဲ့ လေသတင်းမျှော်စင်က လူတွေကို မနက်ဖြန် မနက်မှာ အစည်းအဝေး လာတက်ဖို့ သွားအကြောင်းကြားလိုက်" <br />  <br /> "ရှင်... ဟို..." <br />  <br /> ချန်းလင်လင်မှာ ကျန်းယွီဟယ်က သူ၏ အမှတ်အသား ကျောက်စိမ်းပြားကို အလွယ်တကူ ထုတ်ပေးလိုက်သဖြင့် မှင်တက်သွားရသည်။ နယ်မြေစောင့်တပ်မှူး၏ ကျောက်စိမ်းပြားဆိုသည်မှာ မည်မျှ အရေးကြီးကြောင်း သူမ သိထားသည် မဟုတ်ပါလား။ <br />  <br /> "ဘာ ဟို နေတာလဲ... အမြန်သွားတော့" <br />  <br /> တာအိုသန့်စင်ဂိုဏ်း၏ ကျောက်စိမ်းပြားများတွင် ပိုင်ရှင်၏ အရှိန်အဝါ ပါဝင်ပြီးသား ဖြစ်သဖြင့် သူတစ်ပါး ယူဆောင်သွားရုံဖြင့် အသုံးမပြုနိုင်သေးပေ။ ထို့အပြင် ခြေရာခံစနစ်လည်း ပါဝင်သေးသည်။ ကျန်းယွီဟယ်တွင် တခြား ခိုင်းစရာလူ မရှိသဖြင့် ချန်းလင်လင်ကိုသာ လွှတ်လိုက်ရခြင်း ဖြစ်သည်။ သူကိုယ်တိုင် လိုက်လံ အကြောင်းကြားနေရန်မှာလည်း နယ်မြေစောင့်တပ်မှူး တစ်ဦးအနေဖြင့် သိက္ခာကျစေသည်။ <br />  </p> <p> </p> <p> </p> <p style="text-align: center;">*** </p>


Save