Book List

<h2 style="text-align: center;">အခန်း (၃၀)</h2> <h2 style="text-align: center;">ကောင်းကင်ပိုက်ကွန်ပေါ်မှ အကူအညီတောင်းခံချက် </h2> <h2 style="text-align: center;">*</h2> <p> </p> <p><br />  <br /> ယွမ်ကျုံး နယ်မြေစောင့်တပ်မှူးရုံး၏ အဓိကခန်းမဆောင်။ <br />  <br /> သူ့ရှေ့တွင် တန်းစီရပ်နေသော လူဆယ်ယောက်ကို ကြည့်ရင်း ကျန်းယွီဟယ်က ကျေနပ်စွာ ခေါင်းညိတ်လိုက်သည်။ ချန်းမိသားစုနှင့် ဆန်းမိသားစုတို့မှာ အတော်လေး လိမ္မာပါးနပ်ကြပေသည်။ သူတို့က မနက်စောစောကတည်းက လူလွှတ်ပေးခဲ့ကြပြီး မိသားစုတစ်ခုစီမှ ရွှေအမြုတေအဆင့် ကျင့်ကြံသူ ငါးဦးစီ ပါဝင်သည်။ ထိုလူဆယ်ယောက်မှာ သာမန်လူများ မဟုတ်ကြဘဲ မိသားစုနှစ်ခု၏ အထူးလေ့ကျင့်ထားသော မျိုးဆက်သစ် လူငယ်များ ဖြစ်ကြသည်မှာ သိသာလှသည်။ <br />  <br /> ထိုမိသားစုနှစ်ခုမှာ အမှန်တကယ်ပင် ကြိုးစားအားထုတ်ထားကြပြီး အထူးသဖြင့် ချန်းမိသားစုပင် ဖြစ်သည်။ ချန်းဝေကွမ်က သူ၏သားဖြစ်သူကိုပင် နယ်မြေစောင့်တပ်မှူးရုံးသို့ လွှတ်လိုက်ခြင်းမှာ ကျန်းယွီဟယ်အပေါ် သစ္စာခံကြောင်း ပြသလိုက်ခြင်းပင်ဖြစ်သည်။ <br />  <br /> ကျန်းယွီဟယ်က လူအုပ်ကို အကဲခတ်ကြည့်လိုက်ရာ ခေါင်းဆောင်ဖြစ်ဟန်တူသော လူငယ်မှာ ခန္ဓာကိုယ်ပိန်ပါးသော်လည်း သူ၏ ပတ်ပတ်လည်တွင် ခပ်ဖျော့ဖျော့ ဓားအလင်းများ ဝန်းရံနေသည်ကို တွေ့ရသည်။ သူက အစွမ်းထက်သော ဓားကျင့်ကြံသူ တစ်ဦး ဖြစ်သည်။ <br />  <br /> ထိုလူငယ်မှာ ချန်းဝေကွမ်၏သား ချန်းကျုံးရှု ဖြစ်ပြီး ရွှေအမြုတေအဆင့် ပြီးပြည့်စုံခြင်းသို့ ရောက်ရှိနေကာ နတ်ဘုရားသန္ဓေအဆင့်သို့ တက်လှမ်းရန် ခြေတစ်လှမ်းသာ လိုတော့သည်။ ချန်းဝေကွမ်က ထိုကဲ့သို့သော လူကို လွှတ်လိုက်ခြင်းမှာ ကျန်းယွီဟယ်၏ မျက်နှာသာပေးမှုကို လိုချင်သောကြောင့် ဖြစ်သည်။ <br />  <br /> "ကောင်းပြီ..." <br />  <br /> ချန်းမိသားစုနှင့် ဆန်းမိသားစုတို့၏ နားလည်မှုရှိသော လုပ်ရပ်ကို သူ အတော်လေး သဘောကျသွားသည်။ တစ်ဖက်က ကောင်းလျှင် မိမိကလည်း ပြန်လည် ကူညီပေးရန် ဝန်မလေးပေ။ ထိုအရာမှာ နှစ်ဦးနှစ်ဖက် အကျိုးရှိသော ကိစ္စဖြစ်သည်။ <br />  <br /> ကျန်းယွီဟယ်က သူ၏ ညာဘက်လက်ကို ဝေ့ယမ်းလိုက်ရာ တောက်ပနေသော ပျံသန်းဓား ဆယ်စင်မှာ လူအုပ်ထံသို့ ဖြည်းညှင်းစွာ ပျံသန်းသွားတော့သည်။ <br />  <br /> "ဒီပျံသန်းဓားတွေကို မင်းတို့အတွက် နှုတ်ဆက်လက်ဆောင်လို့ပဲ သဘောထားလိုက်ကြ... ငါ့ဆီမှာ အလုပ်လုပ်ရင် လစာတော့ မရဘူး ဒါပေမဲ့ မင်းတို့ကို အလကားတော့ ခိုင်းမှာမဟုတ်ဘူး" <br />  <br /> သူတို့ရှေ့ရှိ ပျံသန်းဓားများကို မြင်သောအခါ လူတိုင်း၏ မျက်လုံးများမှာ တောက်ပသွားပြီး ဝမ်းသာအားရဖြင့် ကျေးဇူးတင်စကား ဆိုကြတော့သည်။ <br />  <br /> "ကျေးဇူးတင်ပါတယ် တပ်မှူးကြီး" <br />  <br /> ကျန်းယွီဟယ် ပေးလိုက်သော ပျံသန်းဓားများမှာ အပေါစား ပစ္စည်းများ မဟုတ်ပေ။ သူကိုယ်တိုင် အပျော်သဘော ထုလုပ်ထားခြင်း ဖြစ်သော်လည်း အားလုံးမှာ အလတ်စား မှော်လက်နက်များ ဖြစ်ကြသည်။ သူ၏ လက်ရှိ လက်နက်သွန်းလုပ်ခြင်း အဆင့်အတန်းအရ အလတ်စား မှော်လက်နက်များကို ထုလုပ်ရန်မှာ သူ့အတွက် လက်ဖျားခါလောက်အောင် လွယ်ကူလှသည်။ <br />  <br /> သို့သော် ချန်းမိသားစုနှင့် ဆန်းမိသားစုမှ လူငယ်များအတွက်မူ အလတ်စား မှော်လက်နက်ဆိုသည်မှာ အကောင်းဆုံး လက်နက်တစ်ခုပင် ဖြစ်သည်။ သူတို့၏ မိသားစုအတွင်းမှာပင် အလတ်စား မှော်ရတနာများမှာ အလွန်တန်ဖိုးကြီးလှပြီး မျိုးနွယ်စု၏ အဖိုးတန်ရတနာအဖြစ်သာ သိမ်းဆည်းထားလေ့ ရှိကြသည်။ <br />  <br /> သာမန် ရွှေအမြုတေအဆင့် ကျင့်ကြံသူတစ်ဦးအတွက် အဆင့်နိမ့် မှော်လက်နက် တစ်ခုရှိရုံနှင့်ပင် တော်တော်လေး ဟန်ကျနေပြီ ဖြစ်သည်။ ထိပ်တန်း အင်အားစုများမှ မျိုးနွယ်စုဝင်များသာလျှင် ရွှေအမြုတေအဆင့်တွင် အလတ်စား မှော်ရတနာများကို ပိုင်ဆိုင်နိုင်ကြခြင်း ဖြစ်သည်။ <br />  <br /> "ကဲ... မင်းတို့ ဆယ်ယောက်က နှစ်ဖွဲ့ခွဲလိုက်... တစ်ဖွဲ့က စံအိမ်ထဲမှာပဲ ကျင့်ကြံနေပြီး ကျန်တဲ့တစ်ဖွဲ့က မြို့ထဲမှာ ကင်းလှည့်ပေးရမယ်... အဖွဲ့နှစ်ဖွဲ့က အလှည့်ကျ လုပ်ကြပေါ့... ဘယ်လို စီစဉ်မလဲဆိုတာတော့ မင်းတို့ဘာသာ ဆုံးဖြတ်လိုက်ကြ... အခုတော့ သွားလို့ရပြီ" <br />  <br /> ကျန်းယွီဟယ် စကားဆုံးသည်နှင့် လူစုခွဲရန် လက်ဝေ့ယမ်းပြလိုက်သည်။ သူက လူခေါ်ရခြင်းမှာ သူ့အတွက် တိုက်ခိုက်ပေးရန် မဟုတ်ပေ။ သူ့အစွမ်းနှင့်ဆိုလျှင် ရွှေအမြုတေအဆင့် ကျင့်ကြံသူများက သူ့ကို ဘာမှ ကူညီနိုင်မည် မဟုတ်ပေ။ သူ့ရည်ရွယ်ချက်မှာ အင်အားစုများ၏ သဘောထားကို စမ်းသပ်ရန်နှင့် အမိန့်ပေးစေခိုင်းရန် လူအချို့ လိုအပ်သောကြောင့်သာ ဖြစ်သည်။ <br />  <br /> လူတိုင်း ထွက်သွားပြီးနောက် ကျန်းယွီဟယ်က သူ၏နောက်ရှိ ချန်းလင်လင်ကို လှမ်းခေါ်လိုက်သည်။ <br />  <br /> "မြို့ထဲမှာ လျှောက်သွားပြီး သတင်းအချက်အလက်တွေ စုဆောင်းပေးဖို့ လူအချို့ကို ရှာပေးပါ... ကောလာဟလတွေပဲ ဖြစ်ဖြစ် အတင်းအဖျင်းတွေပဲ ဖြစ်ဖြစ် အကုန်စုပြီး စာအုပ်တစ်အုပ်အဖြစ် ပြုစုပေးရမယ်" <br />  <br /> ထို့နောက် သူက နောက်ထပ် ကျောက်စိမ်းပုလင်း တစ်လုံးကို ထုတ်ပေးလိုက်ပြန်သည်။ <br />  <br /> "ကျင့်ကြံခြင်းကို ပိုကြိုးစားဦး... မင်းရဲ့ အဆင့်က နိမ့်လွန်းသေးတော့ ဘာမှ သိပ်လုပ်လို့ မရသေးဘူး" <br />  <br /> ချန်းလင်လင်မှာ မျက်နှာလေး နီမြန်းသွားကာ ကျောက်စိမ်းပုလင်းကို လှမ်းယူရင်း "ကျေးဇူးတင်ပါတယ် သခင်လေး" ဟု ပြန်ပြောရှာသည်။ <br />  <br /> ကျန်းယွီဟယ် တစ်ယောက်တည်း ကျန်ခဲ့သောအခါ စဉ်းစားခန်း ဝင်နေမိသည်။ ချန်းလင်လင်ကို သတင်းစုခိုင်းခြင်းမှာ တစ်ဖက်လူများကို သူ ငြိမ်မနေကြောင်း သတိပေးရန်သာ ဖြစ်သည်။ <br />  <br /> "ဒီကိစ္စကို အမြန်ဆုံး ဖြေရှင်းမှ ဖြစ်မယ်... လေသတင်းမျှော်စင်နဲ့ ဟယ်၊ လီ မိသားစုတွေ ဘာတွေ ကြံစည်နေလဲဆိုတာ သိရမှ အေးအေးဆေးဆေး ကျင့်ကြံနိုင်မှာ" <br />  <br /> သူသည် ဂိမ်းစနစ်ကို ဖွင့်လိုက်ပြီး စကားပြောခန်းကို ကြည့်လိုက်သည်။ အစောပိုင်းနှင့် မတူဘဲ ယခုအခါ စကားပြောခန်းမှာ တိတ်ဆိတ်နေပြီး ကစားသမား အနည်းငယ်သာ မက်ဆေ့ခ်ျ ပို့နေကြသည်။ <br />  <br /> ထိုအရာမှာ ယွီဖန်ကောင်းကင်ဘုံရှိ ကစားသမား အရေအတွက် အဆမတန် လျော့နည်းသွားခြင်းကြောင့် ဖြစ်သည်။ အစပိုင်းတွင် ကစားသမား သန်းနှင့်ချီ ရှိခဲ့သော်လည်း ယခုမူ ငါးသိန်းထက် မပိုတော့ပေ။ အဓိက အကြောင်းရင်းမှာ ကမ္ဘာဂြိုဟ် နှင့် ယွီဖန်ကောင်းကင်ဘုံကြားရှိ အချိန်စီးဆင်းမှု ကွာခြားချက်ကြောင့် ဖြစ်သည်။ ကမ္ဘာပေါ်ရှိ တစ်ရက်မှာ ယွီဖန်ကောင်းကင်ဘုံ၌ ရက်ပေါင်း တစ်ရာနှင့် ညီမျှသည်။ <br />  <br /> အကယ်၍ ကစားသမားတစ်ဦးက ယွီဖန်ကောင်းကင်ဘုံ၌ အချိန်ကြာမြင့်စွာ နေထိုင်မည်ဆိုပါက သူသည် အသက်ကြီး၍ သေဆုံးသွားနိုင်ပေသည်။ အခြေတည်အဆင့် ရောက်နေသော ကစားသမားများမှာမူ သက်တမ်း ရှည်သွားသဖြင့် ပြဿနာ မရှိသော်လည်း အများစုမှာ အဆင့်နိမ့် ဝိညာဉ်ကြောများသာ ရှိကြသဖြင့် အခြေတည်ရန် မလွယ်ကူကြပေ။ ထို့ကြောင့် လူအများစုမှာ ကမ္ဘာပေါ်၌သာ ကျင့်ကြံရန် ရွေးချယ်ကြတော့သည်။ <br />  <br /> စကားပြောခန်း တိတ်ဆိတ်နေသည်ကို မြင်သောအခါ ကျန်းယွီဟယ်က စိတ်ကူးပြောင်းသွားသည်။ <br />  <br /> "ထားလိုက်ပါတော့... ကောင်းကင်ပိုက်ကွန် ကနေပဲ မက်ဆေ့ခ်ျ ပို့လိုက်တော့မယ်... လော့ဂ်အောက် လုပ်ဖို့ အချိန်လည်း နီးနေပြီပဲ" <br />  <br /> ညမှောင်လာသောအခါ စိတ်ထဲတွင် လော့ဂ်အောက် လုပ်ရန် အကြောင်းကြားချက် ပေါ်လာသည်။ <br />  <br /> "လော့ဂ်အောက် လုပ်မယ်" <br />  <br /> ကမ္ဘာဂြိုဟ်ရှိ သူ၏ အိမ်ဝရန်တာတွင် ရပ်ရင်း ရင်းနှီးနေသော လေထုကို ရှူရှိုက်ကာ ကျန်းယွီဟယ် ကောင်းကင်ကို ကြည့်လိုက်သည်။ ကောင်းကင်ယံတွင် ဓားပျံစီးနေသော လူအချို့ကို ရံဖန်ရံခါ မြင်တွေ့နေရ၏။ ယွီဖန်ကောင်းကင်ဘုံ ဖြစ်ရပ် ဖြစ်ပွားခဲ့သည်မှာ တစ်နှစ်ကျော် ရှိခဲ့ပြီဖြစ်သဖြင့် လူများမှာ ဓားပျံစီးခြင်းကို ကျင့်သားရနေကြပြီ ဖြစ်သည်။ <br />  <br /> ကျန်းယွီဟယ်က သူ၏ ဖုန်းကို ထုတ်ကာ ကောင်းကင်ပိုက်ကွန်သို့ ဝင်လိုက်သည်။ ထို့နောက် ပို့စ်တစ်ခုကို ရေးသားလိုက်၏။ <br />  <br /> 【အကူအညီ လိုအပ်နေပါသည်။ ယွမ်ကျုံးစီရင်စုရှိ အင်အားစုများ အထူးသဖြင့် နတ်ဆိုးဘုရင်ဂိုဏ်းနှင့် ပတ်သက်သော သတင်းအချက်အလက်များအတွက် ဆုလာဘ် အမြောက်အမြား ပေးပါမည်။】 <br />  <br /> သူက ပို့စ်၏ အောက်တွင်လည်း အကြောင်းအရာအချို့ကို ထည့်သွင်းလိုက်သည်။ <br />  <br /> 【ကျွန်တော်က ယွမ်ကျုံး နယ်မြေစောင့်တပ်မှူးရုံးသို့ ရောက်ရှိနေပြီး လက်ရှိတွင် သတင်းအချက်အလက်များ စုဆောင်းနေပါသည်။ နတ်ဆိုးဘုရင်ဂိုဏ်းနှင့် ပတ်သက်သည့် မည်သည့်သတင်းကိုမဆို စျေးနှုန်း ညှိနှိုင်းနိုင်ပြီး သင့်ကို စိတ်ပျက်စေမည် မဟုတ်ကြောင်း ကတိပေးပါသည်။】 <br />  <br /> ပို့စ်တင်ပြီးနောက် ကျန်းယွီဟယ်က ခုံတန်းလျားပေါ်တွင် လှဲလျောင်းကာ မျက်စိမှိတ်၍ အနားယူနေလိုက်တော့သည်။ </p> <p> </p> <p> </p> <p style="text-align: center;">*** </p>


Save