Book List

<h2 style="text-align: center;">အခန်း (၂၄၆)</h2> <h2 style="text-align: center;">ပျို့အန်ချင်လောက်အောင် ရွံစရာကောင်းခြင်း</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">“ထွီ”</p> <p style="text-align:justify"> </p> <p style="text-align:justify">ဟင်းပွဲကို စားလိုက်သော အကဲဖြတ်ဒိုင် လေးဦးစလုံးက သူတို့ပါးစပ်ထဲရှိ အရာများကို တစ်ချိန်တည်းမှာပင် ထွေးထုတ်လိုက်ကြသည်။</p> <p style="text-align:justify"> </p> <p style="text-align:justify">လူတိုင်းက သူတို့၏ အကဲဖြတ်ချက်များကို စောင့်မျှော်နေကြဆဲ ဖြစ်သည်။ အထူးသဖြင့် လတ်ဆတ်သောဟင်းလျာသုံးမျိုး စားသောက်ဆိုင်မှ လူများဆိုလျှင် ယုံကြည်မှု အပြည့်ရှိနေကြသည်။ အဘယ်ကြောင့်ဆိုသော် ဤပုစွန်ကြီးများက ယခုအထိ သူတို့ ရှာတွေ့ခဲ့သမျှထဲတွင် အကောင်းဆုံး ပင်လယ်စာဖြစ်ပြီး သူတို့ကိုယ်တိုင်လည်း မြည်းစမ်းကြည့်ပြီးဖြစ်ကာ အရသာက အမှန်တကယ်ကို အလွန်ကောင်းမွန်သောကြောင့်ပင်။</p> <p style="text-align:justify"> </p> <p style="text-align:justify">သို့သော် သူတို့ မြည်းစမ်းခဲ့စဉ်က အနည်းငယ်မျှသာ စားခဲ့ကြသည်။ အဘယ်ကြောင့်ဆိုသော် ဤပုစွန်ကြီးများက ရှားပါးပြီး ပြိုင်ပွဲအတွက် ချန်ထားရမည်ဖြစ်သောကြောင့်တည်း။ တိုက်ဆိုင်စွာပင် ထိုအချိန်က သူတို့ မြည်းစမ်းခဲ့သော ပုစွန်နှစ်ကောင်၊ သုံးကောင်လောက်တွင် ပုစွန်အမည်းကြောင်း သိပ်မပါခဲ့ပေ။</p> <p style="text-align:justify"> </p> <p style="text-align:justify">သို့သော် ထိုသည်က အရေအတွက် အနည်းငယ်မျှသာ ဖြစ်သည်။ ယခု ဤပုစွန်ကြီးတစ်ပန်းကန်လုံးကို ချပေးလိုက်သောအခါ လုချန်က အခွံများမှတစ်ဆင့် အမည်းကြောင်းများကို ရှင်းလင်းစွာ မြင်နေရသည်။</p> <p style="text-align:justify"> </p> <p style="text-align:justify">လတ်ဆတ်သောဟင်းလျာသုံးမျိုး စားသောက်ဆိုင်မှ လူများက အကဲဖြတ်ဒိုင်များထံမှ အမြင့်မားဆုံး ချီးကျူးစကားများကို စောင့်မျှော်နေကြသည်။ ယခုတစ်ကြိမ် သူတို့၏ ပန်းတိုင်က ချန်ပီယံဆုပင်။ မနှစ်က ချန်ပီယံဆုနှင့် တစ်လှမ်းအကွာတွင် လွဲချော်ခဲ့ရပြီး ယခုနှစ်တွင်တော့ အသစ်ဆုံး ပင်လယ်စာဖြစ်သော ဤပုစွန်ကြီး တစ်ပန်းကန်က သူတို့ကို ချန်ပီယံပလ္လင်ဆီသို့ သေချာပေါက် ခေါ်ဆောင်သွားနိုင်လိမ့်မည်ဟု သူတို့ ယုံကြည်ထားခဲ့ကြသည်။</p> <p style="text-align:justify"> </p> <p style="text-align:justify">ဒါပေမဲ့ အခုတော့ရော...</p> <p style="text-align:justify"> </p> <p style="text-align:justify">ထွေးထုတ်ခံလိုက်ရတယ်လေ။</p> <p style="text-align:justify"> </p> <p style="text-align:justify">မိမိချက်ပြုတ်ထားသော ဟင်းလျာများကို ထွေးထုတ်ခံရခြင်းက စားဖိုမှူးတစ်ဦးအတွက် အကြီးမားဆုံး စော်ကားမှုပင်။</p> <p style="text-align:justify"> </p> <p style="text-align:justify">သက်လတ်ပိုင်း အမျိုးသမီးအကဲဖြတ်ဒိုင်က သေချာပေါက် ဤအချက်ကို သိထားသော်လည်း သူမပါးစပ်ထဲမှ ညှီစော်က အလွန်ပြင်းထန်လွန်းသဖြင့် ဘယ်လိုမှ တောင့်မခံနိုင်ခဲ့ခြင်း ဖြစ်သည်။</p> <p style="text-align:justify"> </p> <p style="text-align:justify">“ဒါက ငါ စားဖူးသမျှထဲမှာ အဆိုးရွားဆုံးအရာပဲ...”</p> <p style="text-align:justify">အဝလွန်သူတစ်ဦးက ပြောလိုက်ပြီးနောက် ချက်ချင်းပင် လှည့်ကာ ပျို့အန်တော့သည်။</p> <p style="text-align:justify"> </p> <p style="text-align:justify">ဤကဲ့သို့ အစားအသောက်မက်သူတစ်ဦးကပင် ရွံစရာကောင်းသည်ဟု ပြောရလျှင် အရသာက တကယ်ကို တွေးကြည့်လို့တောင်မရနိုင်လောက်အောင် ပျို့အန်ချင်စရာကောင်းနေကြောင်း ပြသနေသည်။</p> <p style="text-align:justify"> </p> <p style="text-align:justify">အခြားပြိုင်ပွဲဝင် စားဖိုမှူးများနှင့် ပွဲကြည့်ပရိသတ်များက အချင်းချင်း အကဲခတ်ကြည့်လိုက်ကြပြီး အားလုံး၏ မျက်နှာတွင် နားမလည်နိုင်မှုများ ဖြစ်ပေါ်နေသည်။ အဘယ်ကြောင့်ဆိုသော် သူတို့နားလည်ထားသလောက်ဆိုလျှင် လတ်ဆတ်သောဟင်းလျာသုံးမျိုး စားသောက်ဆိုင်က အင်မော်တယ်အရသာနန်းဆောင်ကို ချန်ပီယံလုပွဲတွင် ယှဉ်ပြိုင်နိုင်စွမ်း အပြည့်အဝ ရှိနေသောကြောင့်ပင်။</p> <p style="text-align:justify"> </p> <p style="text-align:justify">လတ်ဆတ်သောဟင်းလျာသုံးမျိုး စားသောက်ဆိုင်မှ စားဖိုမှူး၏ မျက်နှာက အလွန်တရာ အကျည်းတန်သွားသည်။</p> <p style="text-align:justify"> </p> <p style="text-align:justify">လတ်ဆတ်သောဟင်းလျာသုံးမျိုး စားသောက်ဆိုင်သူဌေး၏ သံသယဖြစ်နေသော အကြည့်ကို မြင်သောအခါ သက်လတ်ပိုင်း အမျိုးသမီးအကဲဖြတ်ဒိုင်က ပုစွန်ပန်းကန်ကို လူတိုင်းဆီသို့ တွန်းပို့ပေးလိုက်သည်။</p> <p style="text-align:justify">“ရှင်တို့ဘာသာ မြည်းစမ်းကြည့်ကြပါ...”</p> <p style="text-align:justify"> </p> <p style="text-align:justify">ချက်ချင်းပင် လက်များစွာ ထွက်လာကြသည်။ အားလုံးက အခြားစားသောက်ဆိုင်များမှ စားဖိုမှူးများ ဖြစ်ကြသည်။ ပုစွန်ကြီးများက လူကြီးတစ်ယောက်၏ လက်အရွယ်အစားခန့် ရှည်လျားပြီး မည်မျှ ပြည့်ဖြိုးကာ အရည်ရွှမ်းကြောင်း ပြသနေသည်။ အခွံများကို ခွာလိုက်သောအခါ ပုစွန်သားက အနည်းငယ် ခုန်ထွက်သွားပြီး အရည်များ ပန်းထွက်လာသည်။</p> <p style="text-align:justify"> </p> <p style="text-align:justify">သူတို့လက်ထဲရှိ ပြည့်ဖြိုးနေသော ပုစွန်များကို ကြည့်ပြီး ပင်လယ်စာ၏ ထူးခြားသောရနံ့ကို ရှူရှိုက်မိသောအခါ ဤဟင်းပွဲက ဘာကြောင့် လူတွေကို ထွေးထုတ်ပစ်ချင်လောက်အောင် ရွံစရာကောင်းနေသလဲဆိုတာကို ဘယ်သူမှ နားမလည်နိုင်ခဲ့ကြပေ။</p> <p style="text-align:justify"> </p> <p style="text-align:justify">သူတို့က အချဉ်ရည် အနည်းငယ်တို့ကာ ပါးစပ်ထဲသို့ ထည့်လိုက်ကြသည်။</p> <p style="text-align:justify"> </p> <p style="text-align:justify">အင်း... အရသာရှိလိုက်တာ... အသားက အိစက်နေပြီး စကားနဲ့တောင် ဖော်ပြလို့မရတဲ့ ရနံ့တစ်ခုက အထဲကနေ ပျံ့နှံ့လာတယ်... ပင်လယ်စာရဲ့ သီးသန့်ရနံ့ပဲ... အရမ်းကောင်းတာပဲ...</p> <p style="text-align:justify"> </p> <p style="text-align:justify">နေပါဦး...</p> <p style="text-align:justify"> </p> <p style="text-align:justify">သူတို့၏ သွားများက ဆက်လက်ဝါးစားလိုက်ချိန်၊ ပုစွန်ကိုယ်ထည်၏ ပြည့်ဖြိုးသောအသားများကို ဝါးကြိတ်ပြီးသွားချိန်တွင်တော့ သူတို့၏ သွားများက မည်းနက်နေသော ပုစွန်အမည်းကြောင်းများနှင့် ထိတွေ့သွားလေသည်။</p> <p style="text-align:justify"> </p> <p style="text-align:justify">မည်းနက်နေသော ပုစွန်အမည်းကြောင်းများက အနည်းငယ် ကိုက်လိုက်သည်နှင့် ပေါက်ထွက်သွားပြီး အကြောများထဲမှ အမည်းရောင် အညစ်အကြေးများက သူတို့၏ သွားကြားထဲသို့ ညှစ်ထုတ်ခံလိုက်ရသည်။</p> <p style="text-align:justify"> </p> <p style="text-align:justify">နောက်တစ်ချက် ဝါးလိုက်သောအခါ အညစ်အကြေးများက သူတို့၏ သွားမျက်နှာပြင်များကို ဖုံးလွှမ်းသွားကာ သဲလိုကြိတ်မိနေသော ခံစားချက်ကို ဖြစ်ပေါ်စေပြီးနောက် ပြင်းထန်လှသော ညှီစော်ကြီးက သူတို့၏ ပါးစပ်ထဲတွင် ပေါက်ကွဲထွက်လာတော့သည်။</p> <p style="text-align:justify"> </p> <p style="text-align:justify">ပျို့အန်သံများ ချက်ချင်း ထွက်ပေါ်လာပြီး လူများစွာက သူတို့ပါးစပ်ထဲရှိ အရာများကို မြေကြီးပေါ်သို့ တစ်ပြိုင်နက်တည်းနီးပါး ထွေးထုတ်ပစ်လိုက်ကြသည်။</p> <p style="text-align:justify"> </p> <p style="text-align:justify">ဒါက တကယ်ကို သူတို့အမှား မဟုတ်ပေ။ အငန်၊ အစပ်၊ အချို စသည်တို့ကို တောင့်ခံနိုင်လျှင်တောင် ဤညှီစော်ကြီးကတော့ တကယ်ကို သည်းခံနိုင်စရာ မရှိပေ။</p> <p style="text-align:justify"> </p> <p style="text-align:justify">အဘယ်ကြောင့်ဆိုသော် ဤအရသာမျိုးက လူ့လျှာ၏ ခံနိုင်ရည်စွမ်းထက် လုံးဝ ကျော်လွန်နေပြီး ကြီးမားသော မသက်မသာဖြစ်မှုများကို ဖြစ်ပေါ်စေနိုင်သောကြောင့်တည်း။ အတင်းအကျပ် မျိုချလိုက်မည်ဆိုလျှင်လည်း သေချာပေါက် ပျို့အန်ချင်လာစေပြီး နောက်ဆုံးတွင် ဟန်ဆောင်ပျို့အန်ခြင်းမှ တကယ့် အော့အန်ခြင်းအဖြစ်သို့ ပြောင်းလဲသွားစေလိမ့်မည်။</p> <p style="text-align:justify"> </p> <p style="text-align:justify">လုချန်က ဤမြင်ကွင်းကို ကြည့်နေပြီး ကြိုတင်မျှော်လင့်ထားပြီးသား ဖြစ်သည်။</p> <p style="text-align:justify"> </p> <p style="text-align:justify">ပုစွန် ကြီးလေလေ၊ ပုစွန်အမည်းကြောင်းထဲက ညှီစော်က ပြင်းထန်လေလေဖြစ်သည်။ ဤမျှ ကြီးမားသော ပုစွန်မျိုးဆိုလျှင် အစပ်ကြော်သည့် နည်းလမ်းဖြင့်ပင်လျှင် အမည်းကြောင်းထဲမှ ညှီစော်ကို ဖုံးကွယ်ရန် ခက်ခဲလိမ့်မည်။ ဤရေနွေးဖျောနည်းလမ်းကိုတော့ ဆိုဖွယ်ရာပင် မရှိတော့ချေ။</p> <p style="text-align:justify"> </p> <p style="text-align:justify">လူတိုင်း၏ တုံ့ပြန်မှုကို မြင်သောအခါ အင်မော်တယ်အရသာနန်းဆောင် သူဌေးက မနေနိုင်တော့ဘဲ ရှေ့ထွက်ကာ ကိုယ်တိုင် တစ်လုပ် မြည်းစမ်းကြည့်လိုက်သည်။</p> <p style="text-align:justify"> </p> <p style="text-align:justify">သူအရင်မြည်းစမ်းကြည့်တုန်းကလိုပဲ အရသာက သိသိသာသာ ကောင်းမွန်နေတာကြောင့် လူတိုင်းက သရုပ်ဆောင်နေကြတယ်လို့ သူ ခံစားလိုက်ရသည်။</p> <p style="text-align:justify"> </p> <p style="text-align:justify">သို့သော် နောက်ပိုင်းတွင် ညှီစော်ကြီး ထောင်းခနဲ ထွက်လာချိန်၌ သူပင်လျှင် တောင့်မခံနိုင်တော့ဘဲ ထွေးထုတ်လိုက်ရတော့သည်။</p> <p style="text-align:justify"> </p> <p style="text-align:justify">ဤမြင်ကွင်းက စောင့်ကြည့်နေသူအားလုံးကို အံ့သြတကြီး ရေရွတ်သွားစေသည်။</p> <p style="text-align:justify"> </p> <p style="text-align:justify">တကယ်ကြီး အဲဒီလောက်တောင် ရွံစရာကောင်းနေတာလား... လတ်ဆတ်သောဟင်းလျာသုံးမျိုး စားသောက်ဆိုင် သူဌေးကိုယ်တိုင်တောင် ထွေးထုတ်လိုက်ရတယ်...</p> <p style="text-align:justify"> </p> <p style="text-align:justify">မဖြစ်နိုင်တာ... အဲဒီပုစွန်ကြီးတွေက ကြည့်ရတာ အရမ်းပြည့်ဖြိုးပြီး အရသာရှိမယ့်ပုံပဲ... အဝေးကနေတောင် ရနံ့ကို ရှူရှိုက်မိပြီး တံတွေးတွေ မြိုချနေရတာလေ...</p> <p style="text-align:justify"> </p> <p style="text-align:justify">လတ်ဆတ်သောဟင်းလျာသုံးမျိုး စားသောက်ဆိုင် သူဌေး၏ မျက်နှာက အလွန်တရာ မှုန်ကုပ်သွားသည်။ ဤသည်မှာ သေသေချာချာ ပြင်ဆင်ထားသော ဟင်းပွဲဖြစ်သော်လည်း ဤကဲ့သို့ မမျှော်လင့်ထားသော အလှည့်အပြောင်း ဖြစ်ပေါ်လာခဲ့သည်။ ဤအရသာမျိုးဖြင့်ဆိုလျှင် ချန်ပီယံဆုကို အိပ်မက်မက်ရန် နေနေသာသာ လတ်ဆတ်သောဟင်းလျာသုံးမျိုး စားသောက်ဆိုင်က ယနေ့မှစ၍ လှောင်ပြောင်စရာတစ်ခု ဖြစ်လာတော့မည်။</p> <p style="text-align:justify"> </p> <p style="text-align:justify">“ဟွန့်... စောစောကတော့ အရသာမကောင်းလို့ တခြားလူတွေ မစားတာဆိုပြီး မင်းက ကြီးကျယ်ခမ်းနားစွာ ပြောနေခဲ့တာလေ... ငါထင်တာတော့ မစားဘဲနေတာက ဒီလိုကြီး ထွေးထုတ်လိုက်ရတာထက် ပိုကောင်းမယ်ထင်တယ်...”</p> <p style="text-align:justify"> </p> <p style="text-align:justify">အကဲဖြတ်မှု၏ တရားမျှတမှုကို မေးခွန်းထုတ်ခဲ့သဖြင့် လတ်ဆတ်သောဟင်းလျာသုံးမျိုး စားသောက်ဆိုင် သူဌေး၏ ရိုင်းရိုင်းစိုင်းစိုင်း ဆူပူကြိမ်းမောင်းခြင်း ခံခဲ့ရသူက ယခု ပြန်လည်ချေပလိုက်ခြင်း ဖြစ်သည်။</p> <p style="text-align:justify"> </p> <p style="text-align:justify">“တခြားသူတွေက တစ်နှစ်ထက်တစ်နှစ် တိုးတက်လာပေမယ့် တချို့လူတွေကတော့ တကယ်ကို တစ်နှစ်ထက်တစ်နှစ် နောက်ဆုတ်သွားတာကို ငါ မြင်နေရတယ်...”</p> <p style="text-align:justify"> </p> <p style="text-align:justify">လှောင်ပြောင်ရယ်မောသံများ ဆက်တိုက် ထွက်ပေါ်လာပြီး လတ်ဆတ်သောဟင်းလျာသုံးမျိုး စားသောက်ဆိုင် သူဌေး၏ မျက်နှာကို ဖြတ်ရိုက်လိုက်သကဲ့သို့ပင်။</p> <p style="text-align:justify"> </p> <p style="text-align:justify">“ကဲပါ... လူတိုင်းက တစ်ခါတလေတော့ အမှားလုပ်မိတတ်ကြတာပါပဲ... ငါတို့အားလုံးက လုပ်ဖော်ကိုင်ဖက်တွေပဲလေ... တခြားသူတွေကို ဆက်ဆံတဲ့နေရာမှာ လမ်းကြုံလေး ချန်ထားပေးတာ အကောင်းဆုံးပါပဲ...”</p> <p style="text-align:justify">အင်မော်တယ်အရသာနန်းဆောင် သူဌေးက အခြေအနေကို ချောမွေ့သွားစေရန် ကြိုးစားကာ ဝင်ပြောလိုက်သည်။</p> <p style="text-align:justify"> </p> <p style="text-align:justify">သို့သော် ပြိုင်ဘက်ဆိုသည်မှာ ရန်သူဖြစ်ကြောင်း ဘယ်သူက မသိဘဲ နေမည်နည်း။ သူ၏စကားများက မှန်ကန်သည့်ပုံပေါ်သော်လည်း တကယ်တမ်းတွင်မူ အလွန် ဟန်ဆောင်ကောင်းလွန်းနေလေသည်။</p> <p style="text-align:justify"> </p> <p style="text-align:justify">လတ်ဆတ်သောဟင်းလျာသုံးမျိုး စားသောက်ဆိုင်၏ သေသေချာချာ ပြင်ဆင်ထားသော ပါဝင်ပစ္စည်းများက နောက်ဆုံးတွင် ပြက်လုံးတစ်ခုအနေဖြင့်သာ အဆုံးသတ်သွားခဲ့ရသည်။ နောက်တစ်ပွဲကတော့ အင်မော်တယ်အရသာနန်းဆောင်၏ ဟင်းပွဲများကို မြည်းစမ်းရမည့် အချိန်ပင်။</p> <p style="text-align:justify"> </p> <p style="text-align:justify">အင်မော်တယ်အရသာနန်းဆောင်က ၎င်း၏ ဘဲကင်ကြောင့် အကျော်ကြားဆုံး ဖြစ်သည်။</p> <p style="text-align:justify"> </p> <p style="text-align:justify">ပုံမှန်ဘဲကင်များနှင့်မတူဘဲ အင်မော်တယ်အရသာနန်းဆောင်က ဟင်းခတ်အမွှေးအကြိုင် အမျိုးမျိုးကို အသုံးပြုသည်။ ဘဲကင် ပြုလုပ်ရန်အတွက် တစ်ပတ်ကြိုတင်၍ ဆားနယ်စိမ်ထားရသည်။ ဤသို့ ဆားနယ်စိမ်ထားခြင်းက ပါဝင်ပစ္စည်းများကိုယ်တိုင် ပုပ်သိုးသွားစေမည် မဟုတ်ပေ။ အဘယ်ကြောင့်ဆိုသော် သူတို့အသုံးပြုသော ပါဝင်ပစ္စည်းများက ဝိညာဉ်သန္ဓေသားအဆင့်ရှိ စိတ်ဝိညာဉ်သားရဲများ ဖြစ်ကြပြီး မွေးရာပါ အားကောင်းသော စိတ်ဝိညာဉ်ချီများ ပြည့်နှက်နေသောကြောင့်ပင်။ လျှို့ဝှက်ဆားနယ်နည်းစနစ်မှတစ်ဆင့် စိတ်ဝိညာဉ်ချီ အငွေ့အသက် အနည်းငယ်ကိုပင် အရသာထဲသို့ ပေါင်းစပ်ထည့်သွင်းနိုင်ကြသည်။ ဤသည်မှာ လုပ်ဆောင်ရန် အလွန်ခက်ခဲလှသည်။</p> <p style="text-align:justify"> </p> <p style="text-align:justify">၎င်းက အသက်ရှူလိုက်သကဲ့သို့ပင်။ ချီစွမ်းအင်ထဲရှိ ရနံ့ကို နှာခေါင်းဖြင့် ရှူရှိုက်မိနိုင်သော်လည်း ပါးစပ်ကတော့ အရသာမခံနိုင်ပေ။</p> <p style="text-align:justify"> </p> <p style="text-align:justify">သို့သော် အင်မော်တယ်အရသာနန်းဆောင်တွင်တော့ သူတို့က ၎င်းကို အောင်မြင်အောင် လုပ်ဆောင်နိုင်ခဲ့သည်။ နှာခေါင်းဖြင့် အသက်ရှူရန် မလိုဘဲ ပါးစပ်ကို အသုံးပြုရုံမျှဖြင့် လေထုထဲရှိ ရနံ့ကို အရသာခံနိုင်လေသည်။</p> <p style="text-align:justify"> </p> <p style="text-align:justify">ဤသည်က ကောင်းကင်ဘုံကို ဆန့်ကျင်သော နည်းစနစ်တစ်ခု ဖြစ်နေပြီဖြစ်သည်။ အင်မော်တယ်အရသာနန်းဆောင်က ကုန်းမြေတိုက်ငါးခုတွင် နှစ်ပေါင်းများစွာ အခိုင်အမာ ရပ်တည်နိုင်ခဲ့ပြီး ကုန်းမြေတိုက်ငါးခု၏ အကောင်းဆုံး ရှားပါးဟင်းလျာဆိုသည့် ဂုဏ်ပုဒ်ကို နှစ်ပေါင်းများစွာ ဆက်တိုက် ရရှိခဲ့ခြင်းမှာလည်း တိတိကျကျပြောရလျှင် ဤနည်းစနစ်ကြောင့်ပင် ဖြစ်သည်။</p> <p style="text-align:justify"> </p> <p style="text-align:justify">လေထု၏ အရသာကိုပင် ပြောင်းလဲနိုင်စွမ်းရှိသော လျှို့ဝှက်ပါဝင်ပစ္စည်းများကို ယခုအခါ ပါဝင်ပစ္စည်းများအား ခုနစ်ရက်ကြာ ဆားနယ်စိမ်ရန် အသုံးပြုထားသဖြင့် အရသာက မည်မျှ ဆွဲဆောင်မှုရှိမည်ကို တွေးကြည့်နိုင်ပေသည်။</p> <p style="text-align:justify"> </p> <p style="text-align:justify">ဘဲတစ်ကောင်လုံးကို ပန်းကန်ပြားပေါ်တွင် တင်ထားသည်။ အထူးဆားနယ်နည်းစနစ်ကြောင့် ဘဲ၏ ကိုယ်ခန္ဓာထဲတွင် အဆီများများစားစား မကျန်ရှိတော့ဘဲ ဘဲကင်များ အဆီများလွန်းတတ်သည့် သာမန်ပြဿနာကို ရှောင်ရှားနိုင်ခဲ့သည်။</p> <p style="text-align:justify"> </p> <p style="text-align:justify">တင်ဆက်မှုအတွက် ဘဲကင်ကို ကြာဖက်များဖြင့် ဝန်းရံထားသည်။ အသက်ရှင်နေသော ဘဲတစ်ကောင်က ကြည်လင်သော ရေလှိုင်းလေးများပေါ်တွင် ပေါလောပေါ်နေသည့်အလား ပုံပေါက်နေသည်။ သေချာစွာ ကြည့်လိုက်သောအခါ ၎င်းတို့က ကြာဖက်များ လုံးဝမဟုတ်ဘဲ ကြာဖက်ပုံစံ ပန်းပုထုဆစ်ထားသော ပူစီနံရွက်ငယ်လေးများ ဖြစ်နေသည်။</p> <p style="text-align:justify"> </p> <p style="text-align:justify">ပူစီနံက သူ့အလိုလို လန်းဆန်းစေသော အရည်အသွေးကို သယ်ဆောင်ထားသည်။ ယခု ဘဲကင်နှင့်အတူ တွဲဖက်ထားသောအခါ ဘဲကင်၏ အီဆိမ့်သော ခံစားချက်ကို များစွာ လျော့ပါးသွားစေသည်။</p> <p style="text-align:justify"> </p> <p style="text-align:justify">၎င်းက အသားဟင်းဖြစ်ကြောင်း ထင်ရှားနေသော်လည်း ပုံမှန်အားဖြင့် ဆီများသောအစာများကို မနှစ်သက်သည့် အဝလွန်သူနှစ်ဦး၏ မျက်လုံးများကိုပင် တောက်ပသွားစေခဲ့သည်။ အဘယ်ကြောင့်ဆိုသော် ဤဘဲကင်၏ ရနံ့က ပြင်းထန်လွန်းနေသောကြောင့်ပင်။</p> <p style="text-align:justify"> </p> <p style="text-align:justify">သေသပ်လှပသော ပန်းပုဓားတစ်လက်ကို အကဲဖြတ်ဒိုင်များရှေ့တွင် ချထားပေးပြီး ဘဲ၏ ကျောဘက်ကို ဖြည်းညှင်းစွာ လှီးဖြတ်ဖွင့်ဟလိုက်သည်။</p> <p style="text-align:justify"> </p> <p style="text-align:justify">အပေါက် ပေါ်လာသည့် အခိုက်အတန့်မှာပင် ဘဲကင်၏ အတွင်းပိုင်းမှ နောက်ထပ် ရနံ့လှိုင်းတစ်ခုက လေထုထဲသို့ ပြည့်နှံ့သွားလေသည်။</p> <p style="text-align:justify"> </p> <p style="text-align:justify">ယနေ့တွင် တကယ်ကို ရနံ့ပေါင်း တစ်ရာကျော် ထွက်ပေါ်နေခဲ့သော်လည်း ဤဘဲကင်ကတော့ အထူးကို ထင်ရှားပေါ်လွင်နေခဲ့သည်။ ၎င်း၏ ရနံ့က အခြားအရာအားလုံးကို ကျော်လွန်သွားခဲ့ပြီ ဖြစ်သည်။</p> <p style="text-align:justify"> </p> <p style="text-align: center;">***</p>


Save