Book List

<h2 style="text-align: center;">အခန်း ၃၈၆</h2> <h2 style="text-align: center;">အစွမ်းထက်သူများ၏ ထိပ်တိုက်ရင်ဆိုင်ပွဲ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>“အခု အဖွဲ့အသီးသီးက အနိုင်ရသူတွေဟာ ချန်လုံစင်မြင့် နံပါတ် ၁ မှာ ထိပ်တိုက်တွေ့ဆုံဖို့အတွက် မဲနှိုက်ရတော့မှာ ဖြစ်တယ်”</p> <p>ထန်ထိုင်ကျုံးတယ်၏ စကားဆုံးသည် နှင့်တစ်ပြိုင်နက် လူရိပ်များမှာ နံပါတ် ၁ ချန်လုံစင်မြင့်ပေါ်သို့ တစ်ဦးပြီးတစ်ဦး လျှပ်ခနဲ ပျံတက်သွားကြရာ အမျိုးသားနှင့် အမျိုးသမီး တပည့် စုစုပေါင်း ၂၄ ဦး ရှိပြီ ဖြစ်၏။</p> <p>ဆေးဝါးအုပ်စု တပည့်များ၏ ရှေ့တွင် တရားထိုင်နေသော ထန်ယွင်က မုမုန့်ဂျီ နှင့်အတူ စင်မြင့်ပေါ်သို့ တက်ရန် ပြင်လိုက်စဉ်မှာပင် ရှန်ချင်းချိုးက စိုးရိမ်တကြီး တားမြစ်လိုက်သည်။</p> <p>“ထန်ယွင်... မင်းရဲ့ ဒဏ်ရာက တော်တော် ပြင်းထန်နေတာပဲ... ဆက်ပြီး မပါဝင်ပါနဲ့တော့... မုန့်အာ တစ်ယောက်တည်းပဲ ယှဉ်ပြိုင်ပါစေတော့”</p> <p>ထိုစကားကို ကြားရသည့်အခါ ထန်ယွင်ကို သတ်ဖြတ်ချင်နေသော ပြိုင်ပွဲဝင်များမှာ ထန်ယွင် နုတ်ထွက်သွားမည်ကို စိုးရိမ်သဖြင့် တစ်ယောက်ပြီးတစ်ယောက် ရင်တထိတ်ထိတ် ဖြစ်သွားကြရ၏။</p> <p>သို့သော်လည်း ထန်ယွင်က ရှန်ချင်းချိုးကို ဦးညွှတ်ကာ ပြောလိုက်သော စကားများကြောင့် သူတို့မှာ မကြာမီပင် သက်ပြင်းချနိုင်သွားကြသည်။ </p> <p>“အဘိုးရှန်... ကျွန်တော်က ခက်ခက်ခဲခဲနဲ့ အနိုင်ရလာခဲ့တာလေ... အခု ကျွန်တော် အရှုံးမပေးချင်သေးဘူး... ဆက်ပြီး ယှဉ်ပြိုင်ချင်ပါသေးတယ်”</p> <p>“ဒါပေမဲ့ စိတ်မပူပါနဲ့... တကယ်လို့ ကျွန်တော် သူတို့ကို မယှဉ်နိုင်ဘူးဆိုရင် အချိန်မီ စင်ပေါ်ကနေ ဆင်းပြေးပါ့မယ်”</p> <p>ထိုစကားကို ကြားမှ ရှန်ချင်းချိုးက ခေါင်းညိတ်ပြကာ မှာကြားလိုက်၏။</p> <p>“ထန်ယွင်... မုန့်အာ... မင်းတို့ အစွမ်းကုန် ကြိုးစားကြပါ... မှတ်ထားရမှာက ချန်လုံစာရင်းရဲ့ ထိပ်တန်း ၈ နေရာဆိုတာ အသက်ထက် အရေးမကြီးဘူးဆိုတာပဲ”</p> <p>“ဟုတ်ကဲ့... ကျွန်တော်တို့ မှတ်သားထားပါ့မယ်”</p> <p>ထန်ယွင်နှင့် မုမုန့်ဂျီတို့က လေးစားစွာ ပြန်ပြောပြီးနောက် နံပါတ် ၁ ချန်လုံစင်မြင့်ပေါ်သို့ အတူတကွ ခုန်တက်လိုက်ကြတော့သည်။</p> <p>ဤအခိုက်အတန့်တွင် စင်မြင့်ပေါ်၌ ရပ်နေသော လူ ၂၆ ဦးမှာ ဟောင်ဖူနတ်ဘုရားဂိုဏ်း အတွင်းစည်း တပည့်များထဲတွင် အစွမ်းထက်ဆုံးသူများ ဖြစ်ကြသည်မှာ သေချာလှပေ၏။</p> <p>၎င်းတို့ထဲတွင် သန့်စင်သောဝိညာဉ်အုပ်စုမှ အနိုင်ရခဲ့သူများ ဖြစ်ကြသည့် ရှန့်ရှန့်ထျန်း၊ ခယ်ရှင်းယီ၊ ခန်းရှီယွန်း တို့ ပါဝင်ပြီး လက်နက်အစီအရင်အဖွဲ့မှ အနိုင်ရသူ ၂ ဦး ဖြစ်သည့် ဟိုယဲ့ နှင့် လီရှီကျန်း တို့လည်း ပါဝင်ကြသည်။</p> <p>ရှန့်ရှန့်ထျန်းက သန့်စင်သောဝိညာဉ်ပိုင်ရှင်၏ တပည့်ရင်း ဖြစ်သည်။ လွန်ခဲ့သော ၃ နှစ်၊ တောင်စဉ် ၉ခု ပြိုင်ပွဲတွင် သူသည် ဝိညာဉ်သန္ဓေအဆင့် ၉ ဖြင့် ချန်လုံစာရင်း၏ နံပါတ် ၉ နေရာကို ရရှိခဲ့သူ ဖြစ်၏။</p> <p>ခယ်ရှင်းယီမှာမူ သန့်စင်သောဝိညာဉ်ပိုင်ရှင်၏ တစ်ဦးတည်းသောတပည့် ဖြစ်သည်။ သူမက လွန်ခဲ့သော နှစ်တွင်မှ သန့်စင်သောဝိညာဉ်အုပ်စုသို့ ရုတ်တရက် ရောက်ရှိလာခြင်းဖြစ်ပြီး သူမ၏ နောက်ကြောင်းနှင့် ခွန်အားမှာ လျှို့ဝှက်ချက်တစ်ခု ဖြစ်နေဆဲပင်။</p> <p>ခန်းရှီယွမ်မှာလည်း သန့်စင်သောဝိညာဉ်ပိုင်ရှင်၏ တပည့်ရင်း တစ်ဦး ဖြစ်သည်။ သူသည် စာပေပညာရှင်တစ်ဦးနှင့် တူသော်လည်း သန့်စင်သောဝိညာဉ်အုပ်စုမှ တပည့်များက သူ့ကို ‘အမှောင်မိစ္ဆာ’ ဟု ခေါ်ဆိုကြ၏။</p> <p>ဟိုယဲ့နှင့် လီရှီကျန်း တို့၏ အဆင့်အတန်းနှင့် ခွန်အားမှာလည်း မသေးလှပေ။ ဟိုယဲ့သည် လက်နက်အစီအရင်အဖွဲ့မှ ဒုတိယအကြီးအကဲ၏ တပည့်ရင်း ဖြစ်ပြီး လီရှီကျန်းမှာမူ ပဉ္စမအကြီးအကဲ၏ တပည့်ရင်း ဖြစ်သည်။</p> <p>သားရဲဝိညာဉ်အဖွဲ့မှ လင်းတုန်း၊ ထိုက်ရှန်း၊ ချန်ဆုန့်နှင့် လက်နက်အဖွဲ့၏ ချန်ပီယံနေရာကို ရယူထားသော ရှောင်ကျင်ခုန်း တို့ အပါအဝင် စုစုပေါင်း ၄ ဦး ပါဝင်သည်။</p> <p>လင်းတုန်းနှင့် ထိုက်ရှန်းတို့မှာ ဝူဟုန်၏ တပည့်ရင်းများ ဖြစ်ကြပြီး သူတို့၏ ခွန်အားမှာ သားရဲဝိညာဉ်အဖွဲ့တွင် အဆင့် ၁ နေရာ၌ ပူးတွဲ တည်ရှိနေကြ၏။ မည်သူက ပို၍ သန်မာသည်ဆိုသည်ကိုမူ သေခြင်းတိုက်ပွဲ တိုက်မှသာ သိနိုင်ပေလိမ့်မည်။</p> <p>ချန်ဆုန့်က သားရဲဝိညာဉ်အဖွဲ့မှ ဒုတိယအကြီးအကဲ မူရုန်ဟုန်၏ မြေးဖြစ်သည်။ သူသည် သားရဲဝိညာဉ်အဖွဲ့တွင် အဆင့် ၂ ရှိသူဖြစ်ပြီး အလွန်အစွမ်းထက်သူ ဖြစ်၏။ ထန်ယွင် သတ်လိုက်သော မူရုန်ကွန်းမှာ သူ၏ ဝမ်းကွဲညီ ဖြစ်သည်။</p> <p>ရှောင်ကျင်ခုန်းမှာမူ သားရဲဝိညာဉ်အဖွဲ့တွင် ခပ်အေးအေး နေတတ်သူဖြစ်ပြီး အဆင့်သတ်မှတ်ပွဲများတွင် တစ်ခါမျှ မပါဝင်ဖူးပေ။ သားရဲဝိညာဉ်အဖွဲ့မှ တပည့်များသည် သူ အစွမ်းထက်ကြောင်းသာ သိကြပြီး မည်မျှအထိ သန်မာသည်ကိုမူ မသိကြပေ။</p> <p>ရှေးဟောင်းဝိညာဉ်အဖွဲ့မှ ကျွင်းပုဖျင်၊ ရှောင်ချင်းရွှမ်း၊ ရှန်ကွန်းပင်းပင်း နှင့် ပိုင်လီလုံထျန်း တို့ စုစုပေါင်း ၄ ဦး ပါဝင်သည်။</p> <p>ရှေးဟောင်းဝိညာဉ်အဖွဲ့တွင် ‘ချင်းရွှမ်းနဲ့ ပင်းပင်းတို့ထဲက ဘယ်သူ အဆင့် ၁ ဖြစ်မလဲဆိုတာက ကျွင်းပုဖျင်က သဘောတူသလားနဲ့ လုံထျန်းက အလျှော့ပေးသလားဆိုတဲ့အပေါ်မှာ မူတည်တယ်’ ဟူသော ကောလာဟလတစ်ခု ရှိ၏။</p> <p>ထိုကောလာဟလအရ ရှေးဟောင်းဝိညာဉ်အဖွဲ့၏ ပြိုင်ပွဲတွင် ရှောင်ချင်းရွှမ်း နှင့် ရှန်ကွန်းပင်းပင်း တို့ထဲမှ မည်သူ အဆင့် ၁ ရမည်ကို ကျွင်းပုဖျင် နှင့် ပိုင်လီလုံထျန်း တို့က ဆုံးဖြတ်ပေးသကဲ့သို့ ဖြစ်နေပေသည်။</p> <p>သူတို့ ၄ ဦးလုံး၏ ခွန်အားမှာ မတိမ်းမယိမ်း ရှိနေမည်ကို ခန့်မှန်းရန် မခက်ခဲလှပေ။ တစ်ချိန်တည်းမှာပင် ရှောင်ချင်းရွှမ်း နှင့် ရှန်ကွန်းပင်းပင်း တို့မှာ အတွင်းစည်း၏ အလှဆုံး အမျိုးသမီး ၁၃ ဦး စာရင်းဝင်များလည်း ဖြစ်ကြသည်။</p> <p>လေနှင့်မိုးကြိုးအဖွဲ့မှ အန်းရန်ရွှမ်းအာ၊ လုရန်၊ ကုရိရှန်းတို့ ပါဝင်ပြီး အစီအရင်အဖွဲ့မှ အနိုင်ရသူ ၂ ဦး ဖြစ်သည့် ဖန်းချန်ဟိုင် နှင့် တွန့်ယွီတို့လည်း ပါဝင်ကြ၏။ လက်နက်အဖွဲ့မှ အနိုင်ရသူတစ်ဦး ဖြစ်သည့် ချန်လုံ အပါအဝင် စုစုပေါင်း ၆ ဦး ဖြစ်သည်။</p> <p>လုရန်၊ ကုရိရှန်းနှင့် အန်းရန်ရွှမ်းအာ တို့သည် လေနှင့်မိုးကြိုး ပိုင်ရှင်၏ တပည့်ရင်း ၃ ဦး ဖြစ်ကြသည်။ လွန်ခဲ့သောနှစ်က သူတို့ ၃ ဦး ပြိုင်ပွဲတွင် လုရန်က အန်းရန်ရွှမ်းအာအား သီသီလေး အနိုင်ယူပြီး လေနှင့်မိုးကြိုးအဖွဲ့တွင် အစွမ်းထက်ဆုံး ဖြစ်လာခဲ့ကာ အန်းရန်ရွှမ်းအာက အဆင့် ၂၊ ကုရိရှန်းက အဆင့် ၃ ရရှိခဲ့ကြသည်။ ဖန်းချန်ဟိုင်၊ တွန့်ယွီ နှင့် ချန်လုံတို့မှာမူ ကုရိရှန်းထက် အနည်းငယ် ခွန်အား လျော့နည်းကြ၏။</p> <p>အန်းရန်ရွှမ်းအာသည်လည်း အလှဆုံး အမျိုးသမီး ၁၃ ဦးထဲမှ တစ်ဦး ဖြစ်ကြောင်း ဖော်ပြရန် လိုအပ်ပေလိမ့်မည်။</p> <p>ဝိညာဉ်ငါးပါးအဖွဲ့မှ ၃ ဦးမှာ ရွှယ်ဇီယန်၊ ဝူလင်နှင့် ချန်ကျင်ယွဲ့ တို့ ဖြစ်ကြသည်။</p> <p>ရွှယ်ဇီယန်က ဝိညာဉ်ငါးပါးပိုင်ရှင်၏ တပည့်ရင်းဖြစ်ပြီး ဝူလင်မှာမူ ဝိညာဉ်ငါးပါးအဖွဲ့၏ ဘုရင်အဖြစ် အသိအမှတ်ပြု ခံထားရသူဖြစ်ကာ ဝိညာဉ်ငါးပါးပိုင်ရှင်၏ မြေးလည်း ဖြစ်၏။ ချန်ကျင်ယွဲ့မှာမူ ဝိညာဉ်ငါးပါးပိုင်ရှင်၏ တပည့်ရင်း ဖြစ်သည်။</p> <p>အစီအရင်အဖွဲ့တွင် ရှောင်လုံ တစ်ဦးတည်းသာ ရှိပြီး သူက ထိုအဖွဲ့တွင် အစွမ်းထက်ဆုံး ဖြစ်သည်မှာ သံသယဖြစ်ဖွယ် မရှိပေ။</p> <p>လက်နက်အစီအရင်အဖွဲ့တွင် ဟောင်ဖူထင်ဖုန်း တစ်ဦးတည်းသာ ရှိသည်။ သူသည် ထူးခြားသော နောက်ခံရှိသူဖြစ်ပြီး ဂိုဏ်းတည်ထောင်သူ ဘိုးဘေးများ၏ မျိုးဆက်တစ်ခုမှ ဆင်းသက်လာသူ ဖြစ်၏။</p> <p>ဆေးဝါးအုပ်စုတွင်မူ ထန်ယွင်နှင့် မုမုန့်ဂျီ တို့ ရှိနေကြသည်။</p> <p>ကျန်အဖွဲ့တစ်ခုမှာမူ ပြိုင်ပွဲဝင်များ အားလုံး ရှုံးနိမ့်သွားသဖြင့် ချန်လုံစာရင်း၏ ထိပ်တန်း ၈ နေရာအတွက် ယှဉ်ပြိုင်ခွင့် လုံးဝ ဆုံးရှုံးသွားရပြီ ဖြစ်၏။</p> <p>သို့သော် မူရုန်ဆရာမက ကုန်းစွန်းရို့ရှီကို အကာအကွယ်တိုက်ပွဲ မတိုက်ခိုင်းခဲ့သဖြင့် အလွန်အမင်း ဒေါသထွက်ခြင်း မရှိပေ။ ကုန်းစွန်းရို့ရှီမှာ သူမ၏ တပည့်ရင်းဖြစ်ပြီး သူမအနေဖြင့် ကုန်းစွန်းရို့ရှီကို အန္တရာယ် မကျရောက်စေလိုသောကြောင့်ပင်။</p> <p>တစ်ချိန်တည်းမှာပင် မူရုန်ဆရာမသည် ကုန်းစွန်းရို့ရှီအနေဖြင့် ချန်လုံစာရင်း၏ ထိပ်တန်း ၁၅ နေရာအထိ ယှဉ်ပြိုင်နိုင်သော်လည်း ထိပ်တန်း ၈ နေရာအတွက်ဆိုလျှင်မူ လုံးဝ မဖြစ်နိုင်ကြောင်း သိထားသည်။</p> <p>အမှန်စင်စစ် ကုန်းစွန်းရို့ရှီသည် လက်နက်ဖော်စပ်ခြင်း ပညာကိုသာ အချိန်ပေး လေ့လာနေသူဖြစ်သဖြင့် သူမ၏ တိုက်ခိုက်ရေးစွမ်းရည်မှာ အစွမ်းထက်သော်လည်း အခြားသော ထိပ်တန်း ကျင့်ကြံသူများကို ယှဉ်နိုင်စွမ်း မရှိသေးပေ။</p> <p>အဖွဲ့ ၈ ခုမှ အစွမ်းထက်သူ ၂၆ ဦးထဲတွင် အလှပဂေးများစွာ ပါဝင်သည်။ ရွှယ်ဇီယန်နှင့် ခယ်ရှင်းယီတို့မှအပ ကျန်အမျိုးသမီးများမှာ အလှဆုံး ၁၃ ဦး စာရင်းဝင်များ ဖြစ်ကြ၏။</p> <p>“တိတ်ကြစမ်း”</p> <p>ထန်ထိုင်ကျုံးတယ်က ကျောက်စိမ်းအဆောက်အဦပေါ်၌ ဖြည်းညှင်းစွာ ထရပ်လိုက်ပြီး တပည့်များကို တိတ်ဆိတ်ရန် အမိန့်ပေးလိုက်သည်။ ထို့နောက် သူက နံပါတ် ၁ ချန်လုံစင်မြင့်ပေါ်ရှိ လူ ၂၆ ဦးကို ကျေကျေနပ်နပ်ကြီး ကြည့်ကာ ကျယ်လောင်စွာ ပြောလိုက်၏။</p> <p>“မင်းတို့အားလုံးဟာ ငါ့ရဲ့ ဟောင်ဖူနတ်ဘုရားဂိုဏ်း အတွင်းစည်း တပည့်တွေထဲက ပါရမီရှင်တွေ၊ ထူးချွန်သူတွေနဲ့ ဂိုဏ်းရဲ့ အနာဂတ် မျှော်လင့်ချက်တွေ ဖြစ်ကြတယ်”</p> <p>“မင်းတို့ကို လေ့ကျင့်ပေးရတာ မလွယ်ကူလှဘူး... စည်းမျဉ်းတွေအရ ဒဏ်ရာရတာ ဒါမှမဟုတ် အသတ်ခံရတာက ပြဿနာမရှိဘူးဆိုပေမဲ့ ဒီဂိုဏ်းချုပ်ကတော့ မင်းတို့ကို ငြိမ်းငြိမ်းချမ်းချမ်းနဲ့ ယှဉ်ပြိုင်စေချင်ပြီး သတ်ဖြတ်မှုတွေကို လျှော့စေချင်တယ်”</p> <p>“ချန်လုံစာရင်းရဲ့ ထိပ်တန်း ၈ နေရာအတွက် ပြိုင်ပွဲကို အဆင့် ၅ ဆင့် ခွဲခြားထားတယ်”</p> <p>“ပထမအဆင့်မှာ အစွမ်းထက်သူများရဲ့ ထိပ်တိုက်ရင်ဆိုင်ပွဲအနေနဲ့ ၂၆ ယောက်ကနေ ၁၃ ယောက်အထိ ရွေးချယ်မယ်”</p> <p>“ဒုတိယအဆင့်မှာ ၁၃ ယောက်ကနေ ၇ ယောက်အထိ”</p> <p>“တတိယအဆင့်မှာ ၇ ယောက်ကနေ ၄ ယောက်အထိ”</p> <p>“စတုတ္ထအဆင့်မှာ ၄ ယောက်ကနေ ၂ ယောက်အထိ”</p> <p>“ပဉ္စမအဆင့်ကတော့ အမြင့်ဆုံး ထိပ်တိုက်တွေ့ဆုံပွဲအနေနဲ့ နံပါတ် ၁ နဲ့ နံပါတ် ၂ နေရာအတွက် ယှဉ်ပြိုင်ရမှာ ဖြစ်တယ်”</p> <p>“အခု မင်းတို့အားလုံး ကိုယ့်ရဲ့ အမှတ်အသား တံဆိပ်တွေကို အပ်ကြစမ်း”</p> <p>ထန်ထိုင်ကျုံးတယ်၏ စကားအဆုံးတွင် ၂၆ ဦးလုံးက ဒူးထောက်ပြီးနောက် သူတို့၏ ချန်ခွန်းလက်စွပ်ထဲမှ အမှတ်အသား တံဆိပ်များကို ထုတ်လိုက်ကြသည်။</p> <p>“ဝှစ်... ဝှစ်... ဝှစ်...”</p> <p>ထန်ထိုင်ကျုံးတယ်က လက်ယပ်ခေါ်လိုက်သည့်အခါ တံဆိပ် ၂၆ ခုသည် ထိုလူ ၂၆ ဦး၏ လက်ထဲမှ ပျံတက်သွားပြီး ထန်ထိုင်ကျုံးတယ်၏ ရှေ့တွင် ဆိုင်းငံ့နေတော့၏။</p> <p>“ဝုန်း”</p> <p>ထန်ထိုင်ကျုံးတယ်က ညာဘက်လက်ကို ဝှေ့ယမ်းလိုက်သည့်အခါ တံဆိပ် ၂၆ ခုလုံး၏ မျက်နှာပြင်ပေါ်တွင် အလင်းကုလားကာတစ်ခု ပေါ်လာသည်။</p> <p>၎င်းမှာ ဝိညာဉ်အာရုံဖြင့် ကြည့်ရှုခြင်းနှင့် အမြင်အာရုံကို ပိတ်ဆို့ထားသည့် တားမြစ်ချက် ဖြစ်၏။ ဤအခိုက်အတန့်တွင် မည်သည့်တံဆိပ်က မည်သူ့တံဆိပ် ဖြစ်သည်ကို မည်သူမျှ မခွဲခြားနိုင်တော့ပေ။</p> <p>ထန်ထိုင်ကျုံးတယ်၏ စိတ်အမိန့်ဖြင့် တံဆိပ် ၂၆ ခုလုံးမှာ အရှိန်အဟုန်ဖြင့် ပတ်ချာလည် လည်ပတ်နေတော့သည်။</p> <p>“ဝှစ်... ဝှစ်... ဝှစ်...”</p> <p>၎င်းနောက် တံဆိပ် ၂၆ ခုလုံးမှာ အလွန်လျင်မြန်သော အရှိန်ဖြင့် အရပ်မျက်နှာအနှံ့ ပျံ့နှံ့သွားပြီး နံပါတ် ၁ ချန်လုံစင်မြင့်၏ အထက်တွင် တန်းစီလျက် ဆိုင်းငံ့နေကြ၏။</p> <p>ထန်ထိုင်ကျုံးတယ်က ထပ်မံ ပြောလိုက်သည်။</p> <p>“မင်းတို့ ၂၆ ယောက်ထဲက ၁၃ ယောက်ဟာ ပြိုင်ဘက်ကို ဆုံးဖြတ်ဖို့အတွက် တံဆိပ်တစ်ခုစီကို ရွေးချယ်ခွင့် ရှိတယ်... တကယ်လို့ ကိုယ့်တံဆိပ်ကိုယ် ပြန်ရွေးမိရင်တော့ တားမြစ်ချက်ကနေ ဖယ်ထုတ်ပေးလိမ့်မယ်”</p> <p>“ခဏနေရင် ငါ့ရဲ့ အမိန့်သံကို နားထောင်ပြီးတော့မှ တံဆိပ်တွေကို လုယူကြစမ်း”</p> <p> </p> <p> </p> <p> </p> <p style="text-align: center;">အခန်း ၃၈၆ ပြီး</p> <p style="text-align: center;">***</p>


Save