Book List

<h2 style="text-align: center;">အခန်း(၂၄၇၃)</h2> <h2 style="text-align: center;">*</h2> <p style="text-align:center"> </p> <p> </p> <p>သူ၏ လက်ထဲရှိ အင်‌မော်တယ်ကျောက်တိုင်အတွက် ဆိုလျှင် အင်မော်တယ် စကြဝဠာနှင့် စစ်ပွဲကို ရှောင်လွဲ၍မရနိုင်ပေ။</p> <p> </p> <p> </p> <p>အင်မော်တယ်ကျောက်တိုင် နတ်ဘုရားနယ်မြေတွင် ရှိနေသဖြင့် အင်မော်တယ် ကျင့်ကြံခြင်းစကြဝဠာ နတ်ဘုရားနယ်မြေအပေါ် ကျူးကျော်မှုသည် မည်သို့မျှ ရပ်တန့်သွားလိမ့်မည်မဟုတ်ပေ။</p> <p> </p> <p> </p> <p>ယခုတစ်ကြိမ် အင်မော်တယ် ကျင့်ကြံခြင်း စကြဝဠာ၏ စစ်တပ်ကို သူတို့ အနိုင်ယူနိုင်ခဲ့လျှင်ပင် အင်မော်တယ်ကျင့်ကြံခြင်း စကြဝဠာသည် နတ်ဘုရားနယ်မြေသို့ ပိုမို သန်မာသော အင်အားစုများကို နောက်တစ်ကြိမ် ထပ်မံ စေလွှတ်ဦးမည်သာ ဖြစ်သည်။</p> <p> </p> <p> </p> <p>ဆိုရလျှင် အင်မော်တယ် ကျင့်ကြံခြင်းစကြဝဠာ တစ်ကျော့ပြန် ကျူးကျော်လာမည့် အချိန်ကို နတ်ဘုရားနယ်မြေတွင် အင်အားစုဆောင်း၍ စောင့်ဆိုင်းနေခြင်းသည် ဥာဏ်မရှိသော လုပ်ရပ် ဖြစ်သည်။</p> <p> </p> <p> </p> <p>ယခုအခါ သူ၏ လက်ထဲတွင် ကြယ်တာရာစစ်သင်္ဘော ရှိနေပြီဖြစ်ရာ အင်မော်တယ် ကျင့်ကြံခြင်း စကြဝဠာသို့ ခရီးထွက်၍ ပြဿနာအချို့ သွားပေးခြင်းဖြင့် ၎င်းတို့ နတ်ဘုရားနယ်မြေသို့ ကျူးကျော်ရန် အခွင့်အရေး မပေးခြင်းသည် ပို၍ ကောင်းမွန်လိမ့်မည် မဟုတ်ပါလော။</p> <p> </p> <p> </p> <p>အထူးသဖြင့် ကြယ်စကြဝဠာမှ လူများကို တွေ့ပြီးနောက်တွင် ကျန်းချန်၏ အတွေးများသည် ပို၍ပင် ခိုင်မာလာခဲ့သည်။</p> <p> </p> <p> </p> <p>အချိန်ကျလာလျှင် သူက အင်မော်တယ် ကျင့်ကြံခြင်းစကြဝဠာကို အတူတူ တိုက်ခိုက်ရန် အတွက် ကြယ်စကြဝဠာမှ လူများနှင့် ပူးပေါင်းရန် အတွက်လည်း ထည့်သွင်းစဥ်းစားနိုင်သည် မဟုတ်ပါလော။</p> <p> </p> <p> </p> <p>ကျန်းဝူရက‌ လေးနက်စွာ ပြောလိုက်သည်။</p> <p> </p> <p> </p> <p>“အင်မော်တယ် ကျင့်ကြံခြင်းစကြဝဠာမှာ ငါတို့ နတ်ဘုရားနယ်မြေထက် အစွမ်းထက် ကျင့်ကြံသူတွေများတယ်.. ဒါ့အပြင် ငါတို့က အင်မော်တယ် ကျင့်ကြံခြင်းစကြဝဠာ အကြောင်းကို ဘာမှမသိသေးဘူး.. အဲဒီကို သွားတာ အရမ်းကို အန္တရာယ်မများဘူးလား ချန်အာ”</p> <p> </p> <p> </p> <p>“အဖေ စိတ်မပူပါနဲ့.. ကျွန်တော့်မှာ ဒီကိစ္စအတွက် ကိုယ်ပိုင်အစီအစဥ်ရှိပါတယ်”</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>ထို့နောက် ခေါင်းမော့၍ ကြယ်တာရာ ကောင်းကင်ယံ၏ အနက်ရှိုင်းဆုံးနေရာ ဆီသို့ ကြည့်ကာ မျက်မှောင်ကြုတ်၍ ပြောလိုက်သည်။</p> <p> </p> <p> </p> <p>“စီနီယာမင်ယွဲ့နဲ့ မဟာယာနအဆင့် ကျင့်ကြံသူတို့ရဲ့ တိုက်ပွဲက ဘယ်လို ရလဒ်ထွက်လာမလဲ မသိဘူး”</p> <p> </p> <p> </p> <p>ထိုစကားကိုကြားလျှင် ကျန်းဝူရသည်လည်း ကြယ်တာရာကောင်းကင်ယံ၏ အနက်ရှိုင်းဆုံး နေရာ ဆီသို့ လှမ်းကြည့်မိလိုက်သည်။</p> <p> </p> <p> </p> <p>သူတို့က အင်မော်တယ် ကျင့်ကြံခြင်း စကြဝဠာ၏ စစ်တပ်ကို အမြစ်ပြတ် သုတ်သင်ပြီးပြီ ဖြစ်သော်လည်း မင်ယွဲ့ရှင်းနှင့် သွေးနတ်ဆိုးဟု အမည်ရသည့် မဟာယာနအဆင့် ကျင့်ကြံသူတို့၏ တိုက်ပွဲသည် ဤတိုက်ပွဲ၏ အောင်ပွဲ အတွက် အဓိကသော့ချက် ဖြစ်နေဆဲပင်။</p> <p> </p> <p> </p> <p>အကယ်၍ မင်ယွဲ့ရှင်းသာ ထိုမဟာယာနအဆင့် ကျင့်ကြံသူကို မတားဆီးနိုင်လျှင် အင်မော်တယ် ကျင့်ကြံခြင်း စကြဝဠာသည် မဟာယာနအဆင့် ကျင့်ကြံသူတစ်ဦးတည်းသာ ကျန်ရှိတော့သည့်တိုင် ယင်းသည် နတ်ဘုရားနယ်မြေ အတွက် ခုခံနိုင်စွမ်းမရှိလောက်သည်အထိ ဖြစ်သွားစေရန် လုံလောက်၏။</p> <p> </p> <p> </p> <p>“ဝုန်း..”</p> <p> </p> <p> </p> <p>ကျန်းချန်တို့က မင်ယွဲ့ရှင်းတို့ တိုက်ခိုက်နေသော ကြယ်တာရာကောင်းကင်ယံ၏ အနက်ရှိုင်းဆုံး နေရာသို့ စိုက်ကြည့်နေစဥ်မှာပင် ကြယ်တာရာကောင်းကင်ယံတွင် ရုတ်တရက် ကျယ်လောင်သော ပေါက်ကွဲသံတစ်သံ ထွက်ပေါ်လာခဲ့သည်။</p> <p> </p> <p> </p> <p>မကြာမီမှာပင် ပရမ်းပတာ ဖြစ်နေသော ကြယ်တာရာကောင်းကင်ယံထဲတွင် တစ်ချိန်တည်းမှာပင် ပုံရိပ်နှစ်ခုသည် ရုတ်တရက် ထွက်ပေါ်လာကြသည်။</p> <p> </p> <p> </p> <p>“ဟားဟား မင်ယွဲ့ရှင်း.. အုပ်စိုးသူ အ‌စောပိုင်းအဆင့် ခွန်အားလေးနဲ့ ငါ့ကို ယှဥ်ပြိုင်ချင်နေတယ်လား.. မင်းက အရမ်းနုသေးတာပဲ”</p> <p> </p> <p> </p> <p>ကြယ်တာရာကောင်းကင်ယံတွင် သွေးနတ်ဆိုးသည် အောင်နိုင်သူအလား တဟားဟား ရယ်မောကာ ရေရွတ်လိုက်သည်။</p> <p> </p> <p> </p> <p>ထို့နောက်တွင် သွေးနတ်ဆိုးသည် တောက်ပသော သွေးအလင်းတန်း အဖြစ် ပြောင်းလဲသွားခဲ့ပြီး မင်ယွဲ့ရှင်း၏ ရင်ဘတ်ကို လက်ဝါးဖြင့် ရိုက်ချလိုက်သည်။</p> <p> </p> <p> </p> <p>သူ၏ လက်ဝါးက သာမန်ဟုသာ ထင်ရသော်လည်း ထိုလက်ဝါးသည် လောကတစ်ခုလုံးကို ပြည့်နှက်သွားခဲ့ပြီး လူ့လောကထဲသို့ ဆင်းသက်လာသော အင်မော်တယ်တစ်ပါး၏ လက်ဝါးကဲ့သို့ပင် ကြယ်တာရာ ကောင်းကင်ယံ၏ မိုင်ပေါင်းထောင်ချီ ဧရိယာကို တစ်ခဏအတွင်း အေးခဲသွားစေခဲ့သည်။</p> <p> </p> <p> </p> <p>“ပျက်စီးစမ်း”</p> <p> </p> <p> </p> <p>မင်ယွဲ့ရှင်း၏ အကြည့်က အေးစက်နေခဲ့ပြီး ပါးစပ်ကနေလည်း အေးစက်စက် ရေရွတ်လိုက်သည်။</p> <p> </p> <p> </p> <p>တစ်ချိန်တည်းမှာပင် တောက်ပသော လရောင်နတ်အလင်းတန်းများသည် မင်ယွဲ့ရှင်း၏ ခန္ဓာကိုယ်အနှံ့ကနေ ထွက်ပေါ်လာခဲ့ပြီး သူမ၏ ကျောဘက်တွင် လပြည့်ဝန်းကြီးတစ်ခု အဖြစ် ပြောင်းလဲသွားခဲ့ကာ ပတ်ဝန်းကျင်ရှိ အေးခဲနေသော စွမ်းအားကို တိုက်ရိုက်ပင် တွန်းလှန်လိုက်သည်။</p> <p> </p> <p> </p> <p>သွေးနတ်ဆိုးနှင့် တိုက်ပွဲတွင် မင်ယွဲ့ရှင်း အသာမရ ဖြစ်နေသည်ကို မြင်လျှင် ကျန်းချန်၏ မျက်နှာအမူအရာသည် ပြောင်းလဲသွားခဲ့သည်။</p> <p> </p> <p> </p> <p>ထိုခဏဝယ် သူ၏ အေးစက်စက် စကားသံသည် ကြယ်တာရာကောင်းကင်ယံကို ဖောက်ထွင်းသွားခဲ့ပြီး သွေးနတ်ဆိုး၏ နားထဲတွင် ပဲ့တင်ထပ်သွားခဲ့သည်။</p> <p> </p> <p> </p> <p>“သွေးနတ်ဆိုး.. မင်းတို့ အင်မော်တယ် ကျင့်ကြံခြင်းစကြဝဠာရဲ့ စစ်တပ်ကို ငါတို့ နတ်ဘုရားနယ်မြေက အမြစ်ပြတ်သုတ်သင်လိုက်ပြီ.. အခု မင်းတစ်ယောက်တည်းပဲ ကျန်တော့တယ်.. ဘာလို့ လက်နက်မချသေးတာလဲ”</p> <p> </p> <p> </p> <p>ကျန်းချန်၏ စကားသံကိုကြားလိုက်ရလျှင် သွေးနတ်ဆိုးသည် မျက်နှာပျက်သွားခဲ့သည်။</p> <p> </p> <p> </p> <p>ဤကြယ်တာရာ ကောင်းကင်ယံတွင် မည်သည့် အင်မော်တယ်ကျင့်ကြံသူ၏ အရှိန်အဝါမှ မရှိတော့သည်ကို သူခံစားမိခဲ့ပြီး ကြယ်တာရာစစ်သင်္ဘော ပင်လျှင် ကျန်းချန်တို့၏ သိမ်းပိုက်ခြင်းကို ခံလိုက်ရပြီမှန်း သိလိုက်ရလျှင် ထိတ်လန့် တုန်လှုပ်သွားခဲ့သည်။</p> <p> </p> <p> </p> <p>နတ်ဘုရားနယ်မြေ၏ ခွန်အားသည် လွန်ခဲ့သောနှစ်အနည်းငယ်က သူတို့ ရရှိထားသော အချက်အလက်များထက် နှစ်ဆမက ပိုမို သန်မာနေခဲ့သော်လည်း သူတို့ အင်မော်တယ် ကျင့်ကြံခြင်း စကြဝဠာ၏ စစ်တပ်သည် နတ်ဘုရားနယ်မြေထက် သာလွန်နေဆဲပင်။</p> <p> </p> <p> </p> <p>သို့သော်လည်း မင်ယွဲ့ရှင်းနှင် သူ တိုက်ခိုက်နေသည့် အချိန်အတွင်း နတ်ဘုရားနယ်မြေသည် သူခေါ်ဆောင်လာခဲ့သော စစ်တပ်တစ်ခုလုံးကို အမြစ်ပြတ် သုတ်သင်ပစ်လိုက်မည်ဟု သွေးနတ်ဆိုး လုံးဝ မထင်မှတ်ထားခဲ့ပေ။</p> <p> </p> <p> </p> <p>မဟာယာနတစ်ပိုင်းအဆင့် ကျင့်ကြံသူသုံးဦး၊ ကပ်ဘေးအဆင့် ကျင့်ကြံသူ ရာပေါင်းများစွာနှင့် လမ်းစဥ်ပေါင်းစည်းခြင်းအဆင့် ကျင့်ကြံသူထောင်ချီ ရှိသည့် အနက် တစ်ဦးမျှပင် အသက်မရှင်ခဲ့ကြပေ။</p> <p> </p> <p> </p> <p>“ဒါ ဒါ ဘယ်လိုလုပ်ဖြစ်နိုင်မှာလဲ”</p> <p> </p> <p> </p> <p>နတ်ဘုရားနယ်မြေသည် သူခေါ်ဆောင်လာခဲ့သော စစ်တပ်ကို ဤမျှ တိုတောင်းသော အချိန်အတွင်း အမြစ်ပြတ်သုတ်သင်ရန်မှာ မည်ကဲ့သို့ ဖြစ်နိုင်ပါမည်နည်း။</p> <p> </p> <p> </p> <p>“သွေးနတ်ဆိုး.. ရှင်တို့ရဲ့ ဒီတစ်ခေါက် ကျူးကျော်မှုက ရှုံးနိမ်ဖို့ ကံပါလာပုံပဲ”</p> <p> </p> <p> </p> <p>မင်ယွဲ့ရှင်းက သွေးနတ်ဆိုးကိုကြည့်ကာ လှောင်ပြုံး ပြုံးလိုက်သည်။</p> <p> </p> <p> </p> <p>ယခုတစ်ကြိမ် နတ်ဘုရားနယ်မြေသို့ စစ်ချီလာသည့် အင်မော်တယ် ကျင့်ကြံခြင်း စကြဝဠာ၏ အင်အားသည် အလွန်တရာတောင့်တင်းသော်လည်း နတ်ဘုရားနယ်မြေနှင့် နှိုင်းယှဥ်လျှင်မူ အကန့်အသတ်မျှသာ ရှိသည်။</p> <p> </p> <p> </p> <p>ကျန်းချန်၏ စွမ်းဆောင်ရည်ဖြင့်သာ ဆိုလျှင် ထိုအင်‌မော်တယ်ကျင့်ကြံသူများ၏ တိုက်ခိုက်မှုကို ခုခံနိုင်လိမ့်မည်ဟု မင်ယွဲ့ရှင်း ယုံကြည်ထားခဲ့သော်လည်း ဤမျှ တိုတောင်းသောအချိန်အတွင်း အင်မော်တယ် ကျင့်ကြံခြင်း စကြဝဠာ၏ စစ်တပ်ကို လုံးဝ အပြတ်ရှင်းပစ်နိုင်လိမ့်မည်ဟု မမျှော်လင့်ထားခဲ့ပေ။</p> <p> </p> <p> </p> <p>“မင်ယွဲ့ရှင်း မင်းအရမ်းစောပြီး ဝမ်းသာမနေနဲ့ဦး.. ငါတစ်ယောက်တည်း ကျန်ခဲ့ရင်လည်း ဘာဖြစ်လဲ.. ငါမင်းကို သတ်ပြီးတာနဲ့ မင်းရဲ့နတ်ဘုရားနယ်မြေကို ငါတစ်ယောက်တည်းနဲ့တင် ဖျက်ဆီးပစ်နိုင်တယ်”</p> <p> </p> <p> </p> <p>စကားဆုံးသည်နှင့် သွေးနတ်ဆိုး၏ လက်ဝါးသည် မင်ယွဲ့ရှင်း၏ ရင်ဘတ်ဆီသို့ နောက်တစ်ကြိမ် သက်ရောက်လာခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>အဆုံးမဲ့ဖိအားများသည် အရပ်မျက်နှာ အသီးသီးကနေ မင်ယွဲ့ရှင်း ဆီသို့ သက်ရောက်လာကြ၏။</p> <p> </p> <p> </p> <p>မင်ယွဲ့ရှင်း၏ ကျောဘက်ရှိ တောက်ပသော လမင်းကြီးသည်ပင် ထိုကြောက်မက်ဖွယ်ရာကောင်းသော ဖိအားများအောက်တွင် အဆက်မပြတ်တွန့်လိမ်ကာ ပုံပျက်သွားခဲ့သည်။</p> <p> </p> <p> </p> <p>မင်ယွဲ့ရှင်း၏ မျက်ဝန်းများက အေးစက်သွားခဲ့၏။</p> <p> </p> <p> </p> <p>ထိုခဏမှာပင် သူမ၏ ကျောဘက်ရှိ လမင်းကြီးသည် သူမ၏ ခန္ဓာကိုယ်ထဲသို့ တစ်ခဏအတွင်း ဝင်ရောက်သွားခဲ့ကာ သူမ၏ ခန္ဓာကိုယ် တစ်ခုလုံးရှိ စွမ်းအားများကို အထွတ်အထိပ် ရောက်ရှိသွားစေခဲ့သည်။</p> <p> </p> <p> </p> <p>ထို့နောက်တွင် မင်ယွဲ့ရှင်းသည် သွေးနတ်ဆိုး ဆီသို့ လက်ညှိုးတစ်ချောင်းကို ဆန့်ထုတ်လိုက်သည်။</p> <p> </p> <p> </p> <p>“လနတ်သမီးရဲ့ ကောင်းကင်ဖျက်ဆီး လက်ညှိုးသိုင်း”</p> <p> </p> <p> </p> <p>မင်ယွဲ့ရှင်းသည် အုပ်စိုးသူအဆင့်၏ ကြောက်မက်ဖွယ်ရာကောင်းသော စွမ်းအားများကို ကောင်းကင်နှင့် မြေကြီးကိုပင် ဖျက်ဆီးပစ်နိုင်သော လက်ညှိုးတစ်ချောင်း အဖြစ်သို့ တိုက်ရိုက်ပင် ပြောင်းလဲလိုက်ပြီး သွေးနတ်ဆိုးကို တိုက်ခိုက်လိုက်သည်။</p> <p> </p> <p> </p> <p>ထိုခဏဝယ် သွေးနတ်ဆိုး၏ ခန္ဓာကိုယ်တွင် သတ်ဖြတ်လိုသော စိတ်ဆန္ဒများ ပြည့်နှက်သွားခဲ့သည်။</p> <p> </p> <p> </p> <p>သူက လက်ဟန်များကို လျင်မြန်စွာ ပြုလုပ်လိုက်ရာ မကြာခင်မှာပင် သွေးပုံရိပ်ယောင် တစ်ခုသည် သွေးနတ်ဆိုး၏ ရှေ့တွင် တိုက်ရိုက်ပင် စုစည်းလာခဲ့၏။</p> <p> </p> <p> </p> <p>သွေးပုံရိပ်ယောင်သည် မင်ယွဲ့ရှင်းကို တည်ငြိမ်စွာ စိုက်ကြည့်လိုက်ပြီးနောက်တွင် ကြောက်မက်ဖွယ်ရာကောင်းသော သွေးစွမ်းအားများကို ထုတ်ဖော်ကာ မင်ယွဲ့ရှင်းကို လက်သီးချက်ဖြင့် ထိုးနှက်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကောင်းကင်နှင့်မြေကြီး ပေါက်ကွဲသွားသကဲ့သို့ပင် ကျယ်လောင်သော အသံကြီးသည် ကြယ်တာရာကောင်းကင်ယံထက်တွင် ပဲ့တင်ထပ်သွားခဲ့သည်။</p> <p> </p> <p> </p> <p>ကောင်းကင်နှင့်မြေကြီးကိုပင် ဖျက်ဆီးပစ်နိုင်ရန် လုံလောက်သော မင်ယွဲ့ရှင်း၏ လက်ညှိုးသည် သွေးပုံရိပ်ယောင်၏ လက်သီးချက်အောက်တွင် အစိတ်စိတ်အမြွှာမြွှာ ကွဲကြေသွားခဲ့သည်။</p> <p> </p> <p> </p> <p>တစ်ချိန်တည်းမှာပင် မင်ယွဲ့ရှင်း၏ ခန္ဓာကိုယ် တစ်ခုလုံးသည် ကြယ်တာရာ ကောင်းကင်ယံတွင် မိုင်ပေါင်းထောင်ချီ လွင့်စင်သွားခဲ့ပြီး သူမအနေဖြင့် ခန္ဓာကိုယ်ဟန်ချက်ကို ခက်ခက်ခဲခဲ ပြန်လည် ထိန်းချုပ်လိုက်ရသည်။</p> <p> </p> <p> </p> <p>ဤအချိန်တွင် မင်ယွဲ့ရှင်း၏ နှုတ်ခမ်းထောင့်၌ သွေးစအချို့ပင် ထွက်ပေါ်လာခဲ့ချေပြီ။</p> <p> </p> <p> </p> <p>“စီနီယာမင်ယွဲ့”</p> <p> </p> <p> </p> <p>ဤမြင်ကွင်းကိုမြင်လျှင် ကျန်းချန်သည် စိတ်အနည်းငယ် လေးလံသွားခဲ့သည်။</p> <p> </p> <p> </p> <p>အုပ်စိုးသူအဆင့်ကို သိပ်မကြာခင်ကမှ စတင်ဝင်ရောက်ခဲ့သော မင်ယွဲ့ရှင်းသည် အင်မော်တယ် ကျင့်ကြံခြင်းစကြဝဠာ၏ မဟာယာနအဆင့် ကျင့်ကြံသူကို ယှဥ်ပြိုင်နိုင်စွမ်း မရှိသေးပုံရသည်။</p> <p> </p> <p> </p> <p>“စီနီယာစန်းမင်.. စီနီယာဝူ.. ညီနောင်ဝူရှင်း.. ငါတို့ စီနီယာမင်ယွဲ့ကို သွားကူကြရအောင်”</p> <p> </p> <p> </p> <p>ကျန်းချန်က အသက်ကို ခပ်ပြင်းပြင်းရှူရှိုက်လိုက်ပြီး ဝူရှင်းတို့သုံးဦးကို တိုက်ရိုက်ပင် ပြောလိုက်သည်။</p> <p> </p> <p> </p> <p>ယခု နတ်ဘုရားနယ်မြေ တစ်ခုလုံးတွင် မင်ယွဲ့ရှင်းမှ လွဲလျှင် သူတို့လေးဦးသာ ခြေလှမ်းတစ်ဝက် အုပ်စိုးသူအဆင့်ကို ရောက်ရှိထားကြသူများ ဖြစ်ကြ၏။</p> <p> </p> <p> </p> <p>ယခုအခါတွင် သူတို့ လေးဦးနှင့် မင်ယွဲ့ရှင်းတို့ ပူးပေါင်းမှသာ အင်မော်တယ် ကျင့်ကြံခြင်းစကြဝဠာမှ မဟာယာနအဆင့်ကျင့်ကြံသူကို တားဆီးနိုင်ပေလိမ့်မည် မဟုတ်ပါလား။</p> <p> </p> <p> </p> <p>သို့သော်လည်း ကျန်းချန်တို့ သွားရောက် ကူညီရန် ပြင်နေစဥ်မှာပင် မင်ယွဲ့ရှင်း၏ အေးစက်စက် အသံသည် သူတို့၏ နားထဲတွင် တိုက်ရိုက်ပင် ပဲ့တင်ထပ်သွားခဲ့သည်။</p> <p> </p> <p> </p> <p>“မင်းတို့ ဝင်ပါစရာမလိုဘူး.. ဒီသွေးနတ်ဆိုးကို ကိုင်တွယ်ဖို့ ငါတစ်ယောက်တည်းနဲ့ လုံလောက်တယ်”</p> <p> </p> <p> </p> <p>ထိုစကားကို ပြောလိုက်ပြီးနောက်တွင် မင်ယွဲ့ရှင်းသည် သွေးနတ်ဆိုးကို တည်ငြိမ်စွာ စိုက်ကြည့်လိုက်သည်။</p> <p> </p> <p> </p> <p>“သွေးနတ်ဆိုး ရှင်တို့ အင်မော်တယ်ကျင့်ကြံခြင်းစကြဝဠာရဲ့ တခြားဂိုဏ်းတွေကသာ မဟာယာနအဆင့် ကျင့်ကြံသူတွေကို စေလွှတ်လိုက်တာ ဆိုရင် ဒီသခင်မ တစ်ယောက်တည်းနဲ့ ယှဥ်နိုင်မှာမဟုတ်ဘူး.. ဒါပေမဲ့ နှမြောစရာပဲ.. သူတို့က သွေးနတ်ဆိုးဂိုဏ်းက မဟာယာနအဆင့် ကျင့်ကြံသူဖြစ်တဲ့ ရှင် တစ်ယောက်တည်းကိုပဲ စေလွှတ်လိုက်တယ်.. ရှင် ဘယ်လောက်ပဲ သန်မာပါစေ.. ဒီနေ့ ရှင် ကျွန်မ လက်ထဲမှာ သေချာပေါက် သေရလိမ့်မယ်”</p> <p> </p> <p> </p> <p style="text-align: center;">အခန်း(၂၄၇၃)ပြီး၏။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save