Book List

<h2 style="text-align: center;">အခန်း(၂၄၇၄)</h2> <h2 style="text-align: center;">*</h2> <p style="text-align:center"> </p> <p> </p> <p>“ကျန်းချန် ကြည့်ရတာ နန်းတော်သခင်မ မင်ယွဲ့ရဲ့ လက်ထဲမှာ ဝှက်ဖဲတစ်ခု ရှိနေသေးတဲ့ပုံပဲ”</p> <p> </p> <p> </p> <p>မင်ယွဲ့ရှင်း၏ စကားကိုကြားလျှင် စီနီယာစန်းမင်သည် အနည်းငယ် တုံ့ဆိုင်းသွားခဲ့သည်။</p> <p> </p> <p> </p> <p>ကျန်းချန်ကလည်း မျက်မှောင်ခပ်တင်းတင်း ကြုတ်သွားခဲ့၏။</p> <p> </p> <p> </p> <p>မင်ယွဲ့ရှင်းတွင် မည်ကဲ့သို့ ဝှက်ဖဲမျိုး ရှိသည်ကို ကျန်းချန် မသိသော်လည်း သူတို့လေးဦးနှင့် မင်ယွဲ့ရှင်း ပူးပေါင်းပြီး သွေးနတ်ဆိုးကို တိုက်ခိုက်မည်ဆိုလျှင် အနိုင်ရရန် အခွင့်အလမ်းသည် သေချာပေါက် အများဆုံး ဖြစ်ပေလိမ့်မည်။</p> <p> </p> <p> </p> <p>မည်သို့ပင် ဖြစ်စေကာမူ ဤတိုက်ပွဲသည် နတ်ဘုရားနယ်မြေ၏ သေခြင်း ရှင်ခြင်းနှင့် ပတ်သက်နေသရွေ့ ရှုံးနိမ့်၍ မဖြစ်ပေ။</p> <p> </p> <p> </p> <p>“စိတ်မပူပါနဲ့.. စီနီယာမင်ယွဲ့က အုပ်စိုးသူအဆင့် အင်အားစုဖြစ်တဲ့ လနတ်နန်းတော်ရဲ့ သခင်မပါ.. သူမ ဆီမှာ ဝှက်ဖဲတွေအများကြီး ရှိလောက်ပါတယ်.. အတိတ်တုန်းကဆိုရင် လနတ်နန်းတော်ရဲ့ အရှင်သခင်က သွေးနတ်ဆိုးဂိုဏ်းက မဟာယာနအဆင့် ကျင့်ကြံသူ အများအပြားကို တစ်ကိုယ်တော် စွမ်းရည်နဲ့ သတ်ဖြတ်ခဲ့ဖူးတယ်.. နတ်ဘုရားနယ်မြေ တစ်ခုလုံးမှာ လနတ်နန်းတော်ထက် သွေးနတ်ဆိုးဂိုဏ်းက ကျင့်ကြံသူတွေရဲ့ အားနည်းချက်ကို ပိုသိတဲ့သူ မရှိဘူး”</p> <p> </p> <p> </p> <p>ထိုအချိန်တွင် ဝူရှင်းက ရုတ်တရက် ဝင်ပြောလိုက်သည်။</p> <p> </p> <p> </p> <p>ထိုစကားကိုကြားလျှင် ကျန်းချန်သည် အသက်ကို ခပ်ပြင်းပြင်းရှူရှိုက်ကာ ပြောလိုက်၏။</p> <p> </p> <p> </p> <p>“ဒါဆိုရင်လည်း ငါတို့ စောင့်ကြည့်ကြတာပေါ့”</p> <p> </p> <p> </p> <p>ဝူရှင်းသည် ရှေးခေတ်ကာလက အုပ်စိုးသူအဆင့် ကျင့်ကြံသူ ပြန်လည်မွေးဖွားလာခြင်း ဖြစ်၍ လနတ်အရှင်သခင်နှင့် ခေတ်ပြိုင်ပုဂ္ဂိုလ်လည်း ဖြစ်သည်။</p> <p> </p> <p> </p> <p>ထို့ကြောင့် လနတ်နန်းတော် အပေါ် သူ၏ နားလည်မှုသည် ဤနေရာရှိ မည်သူ့ထက်မဆို ပို၍ သာလွန်နေခဲ့၏။</p> <p> </p> <p> </p> <p>ဝူရှင်းက ပြဿနာမရှိဟု ဆိုနေသည် ဖြစ်ရာ မင်ယွဲ့ရှင်းတွင် သွေးနတ်ဆိုးကို သတ်ဖြတ်နိုင်သည့် အထူးဝှက်ဖဲ အမှန်တကယ် ရှိနေနိုင်လောက်သည် မဟုတ်ပါလား။</p> <p> </p> <p> </p> <p>“ဟမ့်.. သေခါနီးတာတောင် လေကြီးလေကျယ် ပြောရဲသေးတယ်”</p> <p> </p> <p> </p> <p>မင်ယွဲ့ရှင်း၏ အထက်စီးဆန်သော စကားကိုကြားလျှင် သွေးနတ်ဆိုးသည် မထီမဲ့မြင်ပြုံးကာ လှောင်ပြောင်လိုက်သည်။</p> <p> </p> <p> </p> <p>“ဒီနေ့ မင်းငါ့ကို ဘယ်လိုသတ်မလဲဆိုတာ ငါကြည့်ချင်သေးတယ်”</p> <p> </p> <p> </p> <p>“အတိတ်တစ်ချိန်တုန်းက ရှင်တို့ သွေးနတ်ဆိုးဂိုဏ်းနဲ့ ငါတို့ လနတ်နန်းတော်ရဲ့ ကျင့်ကြံသူတွေ တိုက်ခိုက်ခဲ့ကြတယ်.. အဲဒီနောက်မှာ ရှင်တို့ သွေးနတ်ဆိုးဂိုဏ်းရဲ့ မဟာယာနအဆင့်ကျင့်ကြံသူတွေကို ရင်ဆိုင်ဖို့အတွက် ငါတို့ရဲ့ဘိုးဘေးက ပြိုင်ဘက်ကင်း စွမ်းအားတစ်ခုကို တီထွင်ခဲ့တယ်.. အဲဒီနောက်မှာ ဘိုးဘေးက အဲဒီ ပြိုင်ဘက်ကင်းစွမ်းအားကို အသုံးပြုပြီး ရှင်တို့ သွေးနတ်ဆိုးဂိုဏ်းရဲ့ မဟာယာနအဆင့် ကျင့်ကြံသူ အများအပြားကို သတ်ဖြတ်ခဲ့တယ်.. ဒီနေ့တော့ ငါက အဲဒီစွမ်းအားကို အသုံးပြုပြီး ရှင့်ကို တမလွန်က ရှင်တို့ သွေးနတ်ဆိုးဂိုဏ်းရဲ့ ဘိုးဘေးတွေဆီ အရောက်ပို့ပေးမယ်”</p> <p> </p> <p> </p> <p>မင်ယွဲ့ရှင်း၏ အေးစက်စက်စကားသံ အဆုံးသတ်သည်နှင့် သူမ၏ ခန္ဓာကိုယ်ကနေ လစွမ်းအားများသည် တစ်ခဏအတွင်း ပေါက်ကွဲထွက်လာခဲ့သည်။</p> <p> </p> <p> </p> <p>ထိုခဏဝယ် သူမ၏ ခန္ဓာကိုယ်တွင် နှိုင်းယှဥ်၍ မရလောက်အောင် သန့်စင်မွန်မြတ်သော အရှိန်အဝါများဖြင့် ပြည့်နှက်သွားခဲ့သည်။</p> <p> </p> <p> </p> <p>မကြာမီမှာပင် နတ်ဘုရားနယ်မြေမှ တောက်ပသော လနတ်အလင်းတန်း တစ်ခုသည် ကြယ်တာရာကောင်းကင်ယံ ထဲသို့ တိုက်ရိုက်ပင် ရောက်ရှိလာခဲ့ပြီး မင်ယွဲ့ရှင်း၏ ခန္ဓာကိုယ်ထဲသို့ ပေါင်းစပ် ဝင်ရောက်သွားခဲ့သည်။</p> <p> </p> <p> </p> <p>ထို့နောက်တွင်မူ ပိုမို သန့်စင်မွန်မြတ်သော အရှိန်အဝါများသည် မင်ယွဲ့ရှင်း၏ ခန္ဓာကိုယ်ကနေ ပျံ့နှံ့လာခဲ့ပြီး မင်ယွဲ့ရှင်းကို တကယ့် လနတ်သမီးတစ်ဦး ကဲ့သို့ ထင်မှတ်စေခဲ့၏။</p> <p> </p> <p> </p> <p>“ဒါ ဒါက ဘယ်လိုစွမ်းအားမျိုးလဲဟ”</p> <p> </p> <p> </p> <p>မင်ယွဲ့ရှင်း၏ ခန္ဓာကိုယ်မှ ထွက်ပေါ်လာသော အရှိန်အဝါကို ခံစားမိလျှင် သွေးနတ်ဆိုးသည် ရုတ်တရက် မျက်မှောင်ကြုတ်သွားခဲ့ပြီး သူ၏ မျက်နှာထက်တွင်လည်း ထိတ်လန့်တုန်လှုပ်သော အမူအရာများ ဖြစ်ပေါ်လာခဲ့သည်။</p> <p> </p> <p> </p> <p>မင်ယွဲ့ရှင်း၏ ခန္ဓာကိုယ်မှ ရုတ်တရက် ပေါက်ကွဲထွက်လာသော စွမ်းအားသည် အမှန်တကယ်ပင် ကြောက်မက်ဖွယ်ရာ ကောင်းလွန်းလှ၏။</p> <p> </p> <p> </p> <p>ထိုအရှိန်အဝါသည် သူ့ကို ထိန်းချုပ်နိုင်စွမ်း ရှိနေသည်ဟု သူ ခပ်ရေးရေး ခံစားမိလိုက်သည်။</p> <p> </p> <p> </p> <p>သွေးနတ်ဆိုးသည် သူ၏ ပင်ကိုသိစိတ်အရ ထိုအရှိန်အဝါက အလွန်အမင်း အန္တရာယ်ရှိသည်ဟု ခံစားမိခဲ့သည်။</p> <p> </p> <p> </p> <p>“ထွက်ပြေးမှဖြစ်မယ်”</p> <p> </p> <p> </p> <p>သွေးနတ်ဆိုးက ထိတ်လန့် တုန်လှုပ်သွားခဲ့ပြီး အနည်းငယ်မျှပင် တုံ့ဆိုင်းမနေရဲတော့ဘဲ ခန္ဓာကိုယ်ကို နောက်လှည့်ကာ ကြယ်တာရာ ကောင်းကင်ယံ၏ အနက်ရှိုင်းဆုံးနေရာ ဆီသို့ ထွက်ပြေးရန် ပြင်လိုက်သည်။</p> <p> </p> <p> </p> <p>သို့သော်လည်း အရာအားလုံးသည် သိသိသာသာပင် နောက်ကျသွားခဲ့ချေပြီ။</p> <p> </p> <p> </p> <p>“သန့်စင်မွန်မြတ်သော လစွမ်းအား”</p> <p> </p> <p> </p> <p>မင်ယွဲ့ရှင်း၏ အေးစက်စက် ကြုံးဝါးသံသည် ကြယ်တာရာကောင်းကင်ယံတွင် တစ်ခဏအတွင်း ပဲ့တင်ထပ်သွားခဲ့သည်။</p> <p> </p> <p> </p> <p>သူမ၏ လက်ဖဝါးထဲမှ သန့်စင် မွန်မြတ်သော စွမ်းအားများသည် ကမ္ဘာမြေပေါ်သို့ လရောင် ကျရောက်လာသကဲ့သို့ ကြယ်တာရာ ကောင်းကင်ယံတွင် လျင်မြန်စွာ ပျံ့နှံ့သွားခဲ့သည်။</p> <p> </p> <p> </p> <p>မိုင်ပေါင်းတစ်ထောင်ပင် မပြေးရသေးသော သွေးနတ်ဆိုးသည် ထိုနှိုင်းယှဥ်၍ မရလောက်အောင် သန့်စင်မွန်မြတ်သော လရောင်နတ်အလင်းများ ထဲတွင် နစ်မြုပ်သွားခဲ့၏။</p> <p> </p> <p> </p> <p>ယင်းအချိန်တွင် သူ၏ ခန္ဓာကိုယ်ထဲရှိ စွမ်းအားများသည် ထိုသန့်စင်မွန်မြတ်သော စွမ်းအားများ၏ လွှမ်းမိုးမှုအောက်တွင် ထိန်းချုပ်၍ မရတော့မှန်း သွေးနတ်ဆိုး အထိတ်တလန့် သတိပြုမိလိုက်သည်။</p> <p> </p> <p> </p> <p>“သွေးကောင်းကင်နတ်ဆိုး.. စုစည်းစမ်း”</p> <p> </p> <p> </p> <p>သွေးနတ်ဆိုးက ကျယ်လောင်စွာ ကြုံးဝါးလိုက်ရာ သူ၏ ခန္ဓာကိုယ် တစ်ခုလုံးသည် ရုတ်တရက် သန်မာထွားကျိုင်းလာခဲ့ပြီး ဧရာမ သွေးပုံရိပ်ကြီး အဖြစ် ပြောင်းလဲသွားခဲ့သည်။</p> <p> </p> <p> </p> <p>သူ၏ လက်မောင်းသည် ကောင်းကင်ထောက်တိုင် ကဲ့သို့ပင် ကြောက်မက်ဖွယ်ရာကောင်းသော အရှိန်အဝါဖြင့် ကြယ်တာရာ ကောင်းကင်ယံကို ရိုက်ခွဲကာ သူ့ကို လွှမ်းခြုံထားသည့် သန့်စင်မွန်မြတ်သော လရောင်နတ်အလင်းကို ဖျက်ဆီးရန် ကြိုးစားလိုက်သည်။</p> <p> </p> <p> </p> <p>သို့သော်လည်း သူ၏ ကြီးမားသော သွေးလက်မောင်းကြီးသည် သန့်စင်သောအလင်းကို ထိတွေ့လိုက်သည်နှင့် တစ်ပြိုင်နက် မီးလျှံပေါ်သို့ ကျရောက်သွားသော ရေစက်တစ်စက် ကဲ့သို့ လေထဲမှာတင် အလိုအလျောက် ပျောက်ကွယ်သွားခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>သန့်စင်သော လရောင်နတ်အလင်းသည် ကြီးမားသော သွေးလက်မောင်းကို ပျောက်ကွယ်သွားစေပြီးနောက်တွင် သွေးနတ်ဆိုး၏ ကြီးမားလှသော ခန္ဓာကိုယ်ပေါ်သို့ တိုက်ရိုက်ပင် သက်ရောက်လာခဲ့၏။</p> <p> </p> <p> </p> <p>ဤသို့ဖြင့်ပင် သန့်စင်သော လရောင်နတ်အလင်းတန်း အောက်တွင် သွေးနတ်ဆိုးသည် ပေတစ်သောင်းခန့် မြင့်‌သော ခန္ဓာကိုယ်ကြီးသည် ပြိုလဲလုနီးပါး ဖြစ်သွားခဲ့သည်။</p> <p> </p> <p> </p> <p>သိပ်မကြာခင်မှာပင် သွေးနတ်ဆိုး၏ ပေတစ်သောင်းအမြင့် ရှိသော ခန္ဓာကိုယ်သည် ကောင်းကင်ယံတွင် အစနအနပင် မကျန်ရှိတော့ဘဲ ပျောက်ကွယ်သွားခဲ့၏။</p> <p> </p> <p> </p> <p>အဆုံးသတ်တွင် သွေးနတ်ဆိုး၏ ဝိညာဥ်ပင်လျှင် ထိုသန့်စင်သော နတ်အလင်းတန်းထဲတွင် တိုက်ရိုက် ပျောက်ကွယ်သွားခဲ့ပြီး ကြယ်တာရာ ကောင်းကင်ယံတွင် သွေးနတ်ဆိုး၏ မည်သည့် အရှိန်အဝါမျှ ကျန်ရစ်ခြင်း မရှိတော့ပေ။</p> <p> </p> <p> </p> <p>“သွေးနတ်ဆိုးဂိုဏ်ကများ ငါတို့လနတ်နန်းတော်ကို ယှဥ်ရဲသေးတယ်”</p> <p> </p> <p> </p> <p>သွေးနတ်ဆိုး ပျောက်ကွယ်သွားသည့် နေရာကို တည်ငြိမ်စွာ ကြည့်လိုက်ပြီး မင်ယွဲ့ရှင်းက အေးစက်စက် ရေရွတ်လိုက်သည်။</p> <p> </p> <p> </p> <p>သူမ၏ စကားသံသည် ကြယ်တာရာကောင်းကင်ယံတွင် ပဲ့တင်ထပ်နေခဲ့၏။</p> <p> </p> <p> </p> <p>သန့်စင်သော လရောင်နတ်စွမ်းအားကို အတိတ်တစ်ချိန်ကသွေးနတ်ဆိုးဂိုဏ်းမှ ကျင့်ကြံသူများနှင့် တိုက်ခိုက်စဥ်တွင် လနတ် အရှင်သခင်က တီထွင်ခဲ့ခြင်း ဖြစ်ပြီး ယင်းသည် သွေးလမ်းစဥ်ကို ကျင့်ကြံသူအားလုံး၏ ရန်သူတော်လည်း ဖြစ်သည်။</p> <p> </p> <p> </p> <p>လနတ်အရှင်သခင်သည် ဤထူးခြားသော စွမ်းအားကို အသုံးချပြီ မဟာယာနအဆင့် ကျင့်ကြံသူ အများအပြားကို သတ်ဖြတ်နိုင်ခဲ့၏။</p> <p> </p> <p> </p> <p>အင်မော်တယ် ကျင့်ကြံခြင်းစကြဝဠာက သွေးနတ်ဆိုးဂိုဏ်းမှ မဟာယာနအဆင့် ကျင့်ကြံသူတစ်ဦးသာ စေလွှတ်လိုက်သည်ဟု သိလိုက်ရစဥ်ကတည်းကပင် မင်ယွဲ့ရှင်းသည် နတ်ဘုရားနယ်မြေက ဤတိုက်ပွဲတွင် အောင်နိုင်မည် ဖြစ်ကြောင်း ခန့်မှန်းမိခဲ့သည်။</p> <p> </p> <p> </p> <p>“သွေးနတ်ဆိုး သေသွားပြီ”</p> <p> </p> <p> </p> <p>မင်ယွဲ့ရှင်းက သွေးနတ်ဆိုးကို ရှင်းပစ်လိုက်သည်အား မြင်လျှင် ကြယ်တာရာကောင်းကင်ယံ တစ်ခုလုံးသည် ထိုအချိန်တွင် တစပြင်နှယ် တိတ်ဆိတ်သွားခဲ့သည်။</p> <p> </p> <p> </p> <p>ကျန်းချန်နှင့် အခြားသူများသည် ထိုမြင်ကွင်းကို မှင်တက်စွာ စိုက်ကြည့်နေခဲ့ကြပြီး အချိန်အတော်ကြာသည်အထိ သတိပြန်ဝင်မလာခဲ့ကြပေ။</p> <p> </p> <p> </p> <p>မင်ယွဲ့ရှင်းတွင် သွေးနတ်ဆိုးကို ကိုင်တွယ်ရန် ဝှက်ဖဲတစ်ခုခု ရှိလိမ့်မည်ဟု သူတို့ ခန့်မှန်းထားကြသော်လည်း ထိုဝှက်ဖဲမှာ ဤမျှအထိ ကြောက်မက်ဖွယ်ကောင်းလိမ့်မည်ဟု မမျှော်လင့်ထားခဲ့ကြပေ။</p> <p> </p> <p> </p> <p>အလွန်တရာ အစွမ်းထက်သော သွေးနတ်ဆိုးဂိုဏ်း၏ မဟာယာနအဆင့် ကျင့်ကြံသူပင်လျှင် သူမ၏ တိုက်ကွက်အောက်တွင် ခန္ဓာကိုယ် တစ်ခုလုံး ပျောက်ကွယ်သွားခဲ့ရပြီ မဟုတ်ပါလား။</p> <p> </p> <p> </p> <p>“ဒီလို ထူးခြားတဲ့ စွမ်းအားမျိုးကိုတောင် တီထွင်နိုင်ခဲ့တယ်ဆိုတော့ လနတ်နန်းတော်က တကယ်ကို နာမည်နဲ့လိုက်အောင် အစွမ်းထက်တာပဲ.. ဒီစွမ်းအားက သွေးလမ်းစဥ်ကို အထူးပြုကျင့်ကြံသူ အားလုံး အတွက် ရန်သူတော်ပဲ.. အဲဒီအချိန်တုန်းက သွေးနတ်ဆိုးဂိုဏ်းရဲ့ မဟာယာနအဆင့် ကျင့်ကြံသူ အများအပြားကို လနတ်အရှင်သခင် သတ်နိုင်ခဲ့တာ ဘာမှမထူးဆန်းတော့ဘူး”</p> <p> </p> <p> </p> <p>သူ၏ ရှေ့မှ အခြေအနေကို ကြည့်ကာ ဝူရှင်းက ပါးစပ်ကနေ ခပ်တိုးတိုး ရေရွတ်လိုက်သည်။</p> <p> </p> <p> </p> <p>“ကျန်းချန်.. အင်‌မော်တယ် ကျင့်ကြံခြင်းစကြဝဠာရဲ့ စစ်တပ်ကို အပြတ်ရှင်းပစ်လိုက်ပြီ ဆိုတော့ နတ်ဘုရားနယ်မြေက တစ်ခဏ အတွင်းတော့ ဘာအန္တရာယ်မှ ရှိမှာမဟုတ်ဘူး.. ငါတစ်ခဏလောက် တံခါးပိတ်ပြီး ကျင့်ကြံချင်တယ်.. မင်းလည်း မင်းရဲ့ခွန်အားကို အမြန်ဆုံး မြှင့်တင်ဖို့ ကြိုးစားပါ”</p> <p> </p> <p> </p> <p>ကျန်းချန်တို့ အားလုံး မှင်တက်ရာကနေ ပြန်လည် သတိမဝင်လာခင်မှာပင် မင်ယွဲ့ရှင်း၏ပုံရိပ်သည် ကြယ်တာရာကောင်းကင်ယံတွင် ပျောက်ကွယ်သွားခဲ့သည်။</p> <p> </p> <p> </p> <p>ကျန်းချန်၏ နားထဲတွင် မင်ယွဲ့ရှင်း၏ အေးစက်စက် အသံတစ်သံသာ ပဲ့တင်ထပ်၍ ကျန်ရစ်ခဲ့၏။</p> <p> </p> <p> </p> <p>ပျောက်ကွယ်သွားသော မင်ယွဲ့ရှင်း၏ ပုံရိပ်ကို ကြည့်ကာ ဝူရှင်းသည် မျက်မှောင်အနည်းငယ် ကြုတ်သွားခဲ့သည်။</p> <p> </p> <p> </p> <p>ဖျက်ဆီးခြင်းလမ်းစဥ်ကို အထူးပြုသည့် အုပ်စိုးသူ အဆင့် ကျင့်ကြံသူ ပြန်လည်မွေးဖွားလာသူ ဖြစ်၍ ဝူရှင်း၏ မြင်နိုင်စွမ်းသည် သာမန်လူများထက် သာလွန်နေခဲ့သည်။</p> <p> </p> <p> </p> <p>မင်ယွဲ့ရှင်းက သိပ်အခြေအနေ မကောင်းသည်ကို သဘာဝကျစွာပင် သူမြင်နိုင်ခဲ့သည်။</p> <p> </p> <p> </p> <p>မင်ယွဲ့ရှင်း အစောပိုင်းက ထုတ်ဖော်လိုက်သော စွမ်းအားသည် အလွန်တရာ အားကောင်းပြီး မဟာယာနအဆင့် သွေးလမ်းစဥ် ကျင့်ကြံသူများကိုပင် ထိန်းချုပ်နိုင်သော်လည်း ထိုစွမ်းအားသည် အလွန်အမင်းကြီးမားသော အဖိုးအခ တစ်ခုကို ပေးဆပ်ရသည်မှာ ထင်ရှားနေခဲ့၏။</p> <p> </p> <p> </p> <p>ယခုမှပင် ပါရမီ အလွန်တရာ ထူးချွန်သော ပြိုင်ဘက်ကင်းကျင့်ကြံသူ ဖြစ်သည့် လနတ်အရှင်သခင် မည်ကဲ့သို့ ရုတ်တရက် ကျဆုံးသွားခဲ့မှန်း ဝူရှင်း နားလည်သွားခဲ့သည်။</p> <p> </p> <p> </p> <p>ယင်းမှာ ဤစွမ်းအားကို တစ်ကြိမ် အသုံးပြုလိုက်သည်နှင့် ရရှိလာမည့် တန်ပြန်ခံစားရမှုသည် အုပ်စိုးသူအဆင့် ကျင့်ကြံသူတစ်ဦး ဖြစ်နေလျှင်ပင် ခံနိုင်ရည်ရှိရန် မဖြစ်နိုင်သောကြောင့်ပင်။</p> <p> </p> <p> </p> <p style="text-align: center;">အခန်း(၂၄၇၄)ပြီး၏။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save