Book List

<h2 style="text-align: center;">အခန်း(၂၄၇၉)</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p> </p> <p>“မင်းငါ့ကို ခြိမ်းခြောက်နေတာလား”</p> <p> </p> <p> </p> <p>ကျန်းချန်က မထီမဲ့မြင် အမူအရာဖြင့် လှောင်ပြုံးပြုံးကာ ပြောလိုက်သည်။</p> <p> </p> <p> </p> <p>“မင်းတို့ သွေးနတ်ဆိုးဂိုဏ်းက မဟာယာနတစ်ပိုင်းအဆင့် ကျင့်ကြံသူတွေကိုတောင် ငါသတ်ခဲ့ပြီးပြီ.. ကပ်ဘေးအထွတ်အထိပ် အဆင့်လောက်နဲ့တော့ ငါ့ကို ရင်ဆိုင်ဖို့ မင်းမှာအရည်အချင်းမရှိသေးဘူး”</p> <p> </p> <p> </p> <p>“တော်တော် လေလုံးထွားတဲ့ကောင်ပဲ.. အားလုံး သူ့ကို ဝိုင်းတိုက်ကြစို့”</p> <p> </p> <p> </p> <p>ရွှယ်ချန်ကျဲက အမိန့်ပေးလိုက်ပြီး ကပ်ဘေးအဆင့် ကျင့်ကြံသူရှစ်ဦးနှင့် အတူ ကျန်းချန်ထံ ပြေးဝင်သွားခဲ့သည်။</p> <p> </p> <p>ကျန်းချန် လက်တစ်ဖက်ကို ဆန့်ထုတ်လိုက်ရာ သူ၏ လက်ထဲတွင် ရှေးဟောင်း ရွှေရောင် ဓားတစ်လက် ဖျတ်ခနဲ ပေါ်လာခဲ့သည်။</p> <p> </p> <p>သူက ထိုဓားဖြင့် လူသားအဖြစ် ပြောင်းလဲစေသော ဓားချက်ကို ထုတ်ဖော်ကာ ရွှယ်ချန်ကျဲ တို့ကို တိုက်ခိုက်လိုက်သည်။</p> <p> </p> <p> </p> <p>ထိုဓားချက်သည် ကြယ်တာရာကောင်းကင်ယံကို ဖောက်ထွင်းသွားခဲ့ပြီး ကပ်ဘေး အစောပိုင်းအဆင့် ကျင့်ကြံသူလေးဦး၏ အရှိန်အဝါသည် ကမ်းပါးပြိုကျသကဲ့သို့ ရုတ်တရက် ကျဆင်းသွားခဲ့သည်။</p> <p> </p> <p> </p> <p>တစ်ခဏအတွင်းမှာပင် ကပ်ဘေး အစောပိုင်းအဆင့် ကျင့်ကြံသူများသည် ကျန်းချန်၏ ဓားချက် တစ်ချက်တည်းဖြင့်ပင် သာမန်လူများ အဖြစ်သို့ ပြောင်းလဲသွားခဲ့ပြီး ကြယ်တာရာကောင်းကင်ယံကနေ ထိတ်လန့် တုန်လှုပ်စွာဖြင့် ပြုတ်ကျသွားခဲ့သည်။</p> <p> </p> <p> </p> <p>ကပ်ဘေး အလယ်အလတ်အဆင့် ကျင့်ကြံသူသုံးဦးသည်လည်း ကျန်းချန်၏ ဓားချက်အောက်တွင် ကျင့်ကြံခြင်းအဆင့်များ ကျဆင်းသွားခဲ့ပြီး ကပ်ဘေးအဆင့်အောက်သို့ပင် ကျဆင်းသွားခဲ့သည်။</p> <p> </p> <p> </p> <p>သို့သော်လည်း ကပ်ဘေးအဆင့်အောက်သို့ ရောက်ရှိသွားလျှင် ကြယ်တာရာကောင်းကင်ယံ၌ ရပ်တည်ရန် အရည်အချင်း မရှိတော့ပေ။</p> <p> </p> <p> </p> <p>သူတို့က တစ်ခဏမျှသာ တောင့်ခံနိုင်ခဲ့ပြီး ခဏအကြာမှာပင် ကြယ်တာရာကောင်းကင်ယံကနေ ပြုတ်ကျသွားခဲ့သည်။</p> <p> </p> <p> </p> <p>ကျန်ရှိသော ကပ်ဘေးနှောင်းပိုင်းအဆင့် ကျင့်ကြံသူနှစ်ဦးကမူ ကပ်ဘေးအဆင့်အောက်သို့ ကျမသွားသော်လည်း သူတို့၏ ကျင့်ကြံခြင်းအဆင့်များ ဖြတ်တောက်ခံလိုက်ရပြီး ကပ်ဘေးနှောင်းပိုင်း အဆင့်ကနေ အစောပိုင်းအဆင့် အထိ ကျဆင်းသွားခဲ့သည်။</p> <p> </p> <p> </p> <p>ကျန်းချန်၏ လက်ရှိခွန်အားဖြင့်သာ အပြာရောင်ဧကရာဇ် သက်ရှည်ကျင့်စဥ်မှ လူသားအဖြစ် ပြောင်းလဲစေသော ဓားချက်ကို အသုံးပြုမည်ဆိုလျှင် နတ်ဘုရင်အဆင့်ဖြစ်စေ၊ ကပ်ဘေးအဆင့် ကျင့်ကြံသူဖြစ်စေ ခုခံနိုင်သူ အရေအတွက်သည် လက်ချိုးရေတွက်၍ ရရုံမျှသာ ရှိပေလိမ့်မည်။</p> <p> </p> <p> </p> <p>“ဒါ ဒါ ဘယ်လိုလုပ်ဖြစ်နိုင်မှာလဲ”</p> <p> </p> <p> </p> <p>ဤမြင်ကွင်းကိုမြင်လျှင် ရွှယ်ချန်ကျဲနှင့် ကျန်ရှိသော ကျင့်ကြံသူ နှစ်ဦးသည် ချက်ချင်းဆိုသလို ထိတ်လန့် တုန်လှုပ်သွားခဲ့သည်။</p> <p> </p> <p> </p> <p>ကပ်ဘေးအဆင့် ကျင့်ကြံသူ ကိုးဦးအနက် ကပ်ဘေး အထွတ်အထိပ်အဆင့် ရှိသည့် ရွှယ်ချန်ကျဲ တစ်ဦးတည်းသာ ကြီးကြီးမားမား ထိခိုက်မှု မရှိခဲ့ဘဲ ကျန်ရှစ်ဦးစလုံးသည် ကျန်းချန်၏ ဓားချက် တစ်ချက်တည်းဖြင့်ပင် အားလုံးနီးပါး ပျက်စီးသွားခဲ့ရသည်။</p> <p> </p> <p> </p> <p>သူတို့ ရှေ့မှ အနက်ရောင်ဝတ်စုံဝတ် လူငယ်၏ ခွန်အားသည် အလွန်တရာပင် ကြောက်မက်ဖွယ်ရာ ကောင်းနေခဲ့၏။</p> <p> </p> <p> </p> <p>သာမန် မဟာယာနတစ်ပိုင်းအဆင့် ကျင့်ကြံသူပင်လျှင် ဤမျှအစွမ်းထက်ရန် မဖြစ်နိုင်ပေ။</p> <p> </p> <p> </p> <p>ရွှယ်ချန်ကျဲသည် မှင်တက်ရာကနေ ပြန်လည် သက်သာလာရန် အချိန်အတော်ကြာ ယူလိုက်ရ၏။</p> <p> </p> <p> </p> <p>သူက ကျန်းချန်ကို စိုက်ကြည့်ရင်း မေးခွန်းထုတ်လိုက်သည်။</p> <p> </p> <p> </p> <p>“မင်းက သိုင်းပညာယဥ်ကျေးမှု အထူးပြုတဲ့ စကြဝဠာကနေ လာတာပဲ.. မင်းဘယ်သူလဲ”</p> <p> </p> <p> </p> <p>ကျန်းချန်သည် အပြာရောင်ဧကရာဇ် သက်ရှည်ကျင့်စဥ်ကို ကျင့်ကြံထားသည့် အပြင် အရှိန်အဝါ ဖုံးကွယ်ခြင်းပညာရပ်ဖြင့်ပါ သူ၏ အရှိန်အဝါကို ပြောင်းလဲထား၍ သာမန်လူများသည် ကျန်းချန်၏ အထောက်အထားကို သိရှိရန် မလွယ်ကူပေ။</p> <p> </p> <p> </p> <p>သို့သော်လည်း ရွှယ်ချန်ကျဲသည် ကပ်ဘေး အထွတ်အထိပ်အဆင့်ရှိ ကျင့်ကြံသူ ဖြစ်ရာ ကျန်းချန် အစောပိုင်းက အသုံးပြုလိုက်သည့် ဓားချက်ထဲတွင် အင်မော်တယ်ကျင့်ကြံသူများနှင့် မတူညီသည့် စွမ်းအားပါဝင်နေသည်ကို သတိပြုမိသွားခဲ့သည်။</p> <p> </p> <p> </p> <p>ထို့ကြောင့် အနက်ရောင်ဝတ်စုံဝတ် လူငယ်သည် သူ ယခင်က ထင်ထားသလို အင်မော်တယ် ကျင့်ကြံခြင်းစကြဝဠာမှ ထိပ်တန်း ဂိုဏ်းကြီးတစ်ဂိုဏ်းဂိုဏ်း၏ ပါရမီရှင် မဟုတ်ဘဲ သိုင်းပညာ ယဥ်ကျေးမှု ထွန်းကားသော စကြဝဠာမှ ဖြစ်ရန် အခွင့်အလမ်း အလွန်များနေခဲ့၏။</p> <p> </p> <p> </p> <p>သို့သော်လည်း သူသိထားသလောက်ဆိုလျှင် အင်မော်တယ်ကျင့်ကြံခြင်း စကြဝဠာအနီးရှိ အခြားသော စကြဝဠာများသည် အင်မော်တယ် ကျင့်ကြံခြင်းယဥ်ကျေးမှုကို အထူးပြုသော စကြဝဠာများနှင့် နည်းပညာကို အထူးပြုသော စကြဝဠာများသာ ဖြစ်ကြသည်။</p> <p> </p> <p> </p> <p>တစ်ခုတည်းသော သိုင်းပညာ ယဥ်ကျေးမှု စကြဝဠာသည် အင်မော်တယ်ကျောက်တိုင် ပေါ်ထွက်ခဲ့ဖူးပြီး အင်မော်တယ်ကျင့်ကြံခြင်း စကြဝဠာ ကျူးကျော်ခဲ့ဖူးသည့် နတ်ဘုရားနယ်မြေ သာလျှင် ရှိ၏။</p> <p> </p> <p> </p> <p>သို့သော်လည်း ထိုစဥ်က စကြဝဠာအဆင့် တိုက်ပွဲတွင် နတ်ဘုရားနယ်မြေသည် ပျက်စီးသွားသည်ဟု သူကြားသိထားသည်ဖြစ်ရာ ထိုကဲ့သို့ ပြိုကွဲနေသော စကြဝဠာထဲကနေ ဤကဲ့သို့ ပြိုင်ဘက်ကင်းပါရမီရှင် တစ်ဦး မည်ကဲ့သို့ ထွက်ပေါ်လာနိုင်ပါမည်နည်း။</p> <p> </p> <p> </p> <p>“ငါက အင်မော်တယ် ကျင့်ကြံခြင်း စကြဝဠာကို ပြဿနာပေးဖို့ ခရီးထွက်လာတဲ့လူပဲ”</p> <p> </p> <p> </p> <p>ကျန်းချန်က တည်ငြိမ်စွာ ပြောလိုက်သည်။</p> <p> </p> <p> </p> <p>“ရွှယ်ချန်ကျဲ.. မင်းနဲ့ သွေးနတ်ဆိုးဂိုဏ်း ကြားမှာ မပြေလည်နိုင်တဲ့ ရန်ငြိုးရှိတယ် ဆိုတာ ငါသိတယ်.. မင်းလည်း ဒီကြယ်တာရာကောင်းကင်ယံမှာ ဒီလိုမျိုး ပုန်းနေရတာကို ကျေနပ်မှာ မဟုတ်လောက်ဘူးထင်တယ်.. ငါ့ဆီမှာ အညံ့ခံမယ်ဆိုရင် သွေးနတ်ဆိုးဂိုဏ်းကို ကလဲ့စားချေနိုင်တဲ့ အခွင့်အရေး ငါဖန်တီးပေးမယ်”</p> <p> </p> <p> </p> <p>ထိုစကားကိုကြားလျှင် ရွှယ်ချန်ကျဲ၏ မျက်နှာအမူအရာသည် ချက်ချင်းဆိုသလို ပြောင်းလဲသွားခဲ့သည်။</p> <p> </p> <p> </p> <p>အနက်ရောင်ဝတ်စုံဝတ် လူငယ်၏ ခွန်အားသည် အတိုင်းအဆမရှိ နက်ရှိုင်းလှပြီး သာမန် မဟာယာနတစ်ပိုင်းအဆင့် ကျင့်ကြံသူ ပင်လျှင် ယှဥ်နိုင်လောက်မည် မဟုတ်ပေ။</p> <p> </p> <p> </p> <p>သူ၏ လက်ရှိခွန်အားဖြင့်သာ ဆက်လက် ခုခံနေမည်ဆိုလျှင် သေချာပေါက် အသက်ပျောက်ရလိမ့်မည် ဖြစ်၏။</p> <p> </p> <p> </p> <p>ထို့အပြင် ဤမျှ ငယ်ငယ်ရွယ်ရွယ်ဖြင့် အစွမ်းထက်ပုံထောက်လျှင် ထိုလူငယ်၏ နောက်ခံသမိုင်းကြောင်းသည် သေချာပေါက် ထူးခြားနေလောက်သည်။</p> <p> </p> <p> </p> <p>ထိုလူငယ်သည် နတ်ဘုရားနယ်မြေ၏ ထိပ်တန်း အင်အားစုတစ်ခုခုမှ ဖြစ်နိုင်ခြေ အလွန်များ၏။</p> <p> </p> <p> </p> <p>ထိုလူငယ်၏ ရည်ရွယ်ချက်သည် အင်မော်တယ် ကျင့်ကြံခြင်း စကြဝဠာကို ဖျက်ဆီးရန်ဖြစ်ရာ ထိုလူငယ်ထံ အညံ့ခံလိုက်လျှင် သွေးနတ်ဆိုးဂိုဏ်းကို ကလဲ့စားချေနိုင်မည့် အခွင့်အရေး အမှန်တကယ် ရှိလာနိုင်လောက်သည် မဟုတ်ပါလော။</p> <p> </p> <p> </p> <p>ထိုသို့တွေးမိလျှင် ရွှယ်ချန်ကျဲသည် အသက်ကို ခပ်ပြင်းပြင်းရှူရှိုက်လိုက်ပြီး ကျန်းချန်၏ ရှေ့တွင် ဒူးတစ်ဖက်ထောက်ကာ ပြောလိုက်သည်။</p> <p> </p> <p> </p> <p>“ကျွန်တော် ရွှယ်ချန်ကျဲက သခင်ကြီးကို ဂါဝရပြုပါတယ်”</p> <p> </p> <p> </p> <p>“ထပါ”</p> <p> </p> <p> </p> <p>ကျန်းချန်က လက်တစ်ဖက်ကို ဝှေ့ယမ်းလိုက်ပြီး ရွှယ်ချန်ကျဲ၏ အနောက်မှ လူနှစ်ဦးကို ကြည့်ကာ တည်ငြိမ်စွာ ပြောလိုက်သည်။</p> <p> </p> <p> </p> <p>“မင်းတို့နှစ်ယောက် ဒီက ထွက်သွားမလား ဒါမှမဟုတ် ရွှယ်ချန်ကျဲနဲ့ အတူ ငါ့နောက်ကို လိုက်ခဲ့မလား ဆိုတာ မင်းတို့အပေါ်မှာပဲ မူတည်တယ်”</p> <p> </p> <p> </p> <p>“ကျွန်‌တော်တို့ သခင်ကြီးနောက်ကို လိုက်ဖို့ ဆန္ဒရှိပါတယ်”</p> <p> </p> <p> </p> <p>ကပ်ဘေးအဆင့် ကျင့်ကြံသူ နှစ်ဦးက အလျင်အမြန်ပင် တရိုတသေ ပြောလိုက်သည်။</p> <p> </p> <p> </p> <p>ကြယ်တာရာဓားပြများ အတွက် ကြယ်တာရာ ကောင်းကင်ယံတွင် ရှင်သန်ရသည်မှာ အလွန်ပင် အန္တရာယ်များ၏။</p> <p> </p> <p> </p> <p>ဤနှစ်ပေါင်းများစွာ ကြယ်တာရာ ကောင်းကင်ယံတွင် တစ်ကိုယ်တော် ရှင်သန်ရန်မှာ အလွန်တရာ ခက်ခဲ၍ ရွှယ်ချန်ကျဲ၏ ဦးဆောင်မှုအောက်တွင် သူတို့သည် အဖွဲ့ငယ်လေး ဖွဲ့စည်းထားခဲ့ကြခြင်း ဖြစ်သည်။</p> <p> </p> <p> </p> <p>ယခုအခါတွင် သွေးဓားပြအဖွဲ့က ပြိုကွဲသွားပြီး သူတို့နှစ်ဦးသည်လည်း ကျင့်ကြံခြင်း အဆင့်များ လျော့ကျသွားခဲ့ပြီဖြစ်၍ အချိန်တိုအတွင်း အထွတ်အထိပ် အခြေအနေသို့ ပြန်ရောက်ရန် ခက်ခဲလိမ့်မည် ဖြစ်၏။</p> <p> </p> <p> </p> <p>ဤအခြေအနေဖြင့် ကြယ်တာရာ ကောင်းကင်ယံတွင် ဆက်လက် ရှင်သန်ရန်မှာ မလွယ်ကူပေ။</p> <p> </p> <p> </p> <p>သူတို့အတွက် အသက်ရှင်ရန် တစ်ခုတည်းသော နည်းလမ်းမှာ ကျန်းချန်ထံတွင် အညံ့ခံရန်သာ ရှိတော့၏။</p> <p> </p> <p> </p> <p>ကျန်းချန်က ဘာစကားမျှ ထပ်မပြောခဲ့ပေ။</p> <p> </p> <p> </p> <p>ကပ်ဘေးအဆင့် ကျင့်ကြံသူနှစ်ဦးမျှသည် သူ့အတွက် အရေးမပါချေ။</p> <p> </p> <p> </p> <p>သို့သော်လည်း အင်မော်တယ် ကျင့်ကြံခြင်းစကြဝဠာ ထဲသို့ ရောက်ရှိသွားလျှင် သူ့အတွက် အခိုင်းအစေ တချို့ လိုအပ်မည်ဖြစ်ရာ ကပ်ဘေးအဆင့် ကျင့်ကြံသူ နှစ်ဦးသာ အလုပ်အကျွေးပြုမည် ဆိုလျှင် သူ့အနေဖြင့် ငြင်းပယ်စရာ အကြောင်း မရှိပေ။</p> <p> </p> <p> </p> <p>ကျန်းချန်က ရွှယ်ချန်ကျဲတို့ စီးနှင်းလာသော ကြယ်တာရာစစ်သင်္ဘောကို ကြည့်ရင်း အနည်းငယ် စဥ်းစားကာ ပြောလိုက်သည်။</p> <p> </p> <p> </p> <p>“ရွှယ်ချန်ကျဲ.. မင်းတို့ရဲ့ စစ်သင်္ဘောကို အင်မော်တယ် ကျင့်ကြံခြင်းစကြဝဠာက လူတွေ မြင်ဖူးကြလား”</p> <p> </p> <p> </p> <p>“မြင်ဖူးတဲ့လူ မရှိသလောက်ပါပဲ.. သွေးနတ်ဆိုးဂိုဏ်းကို စိုးရိမ်တဲ့အတွက် ကျွန်တော်တို့တွေ အင်မော်တယ်ကျင့်ကြံခြင်း စကြဝဠာရှိတဲ့ဘက်ကို သိပ်မသွားဖြစ်ဘူး.. သွေးနတ်ဆိုးဂိုဏ်းက လူတချို့က လွဲရင် ကျန်တဲ့သူတွေက ဒီသင်္ဘောကို မြင်ဖူးမှာ မဟုတ်ဘူး”</p> <p> </p> <p> </p> <p>ရွှယ်ချန်ကျဲက အနည်းငယ် အံ့အားသင့်သွားသော်လည်း အလျင်အမြန်ပင် ပြန်ဖြေလိုက်သည်။</p> <p> </p> <p> </p> <p>“ဒါဆိုရင် မင်းရဲ့ စစ်သင်္ဘောကိုပဲ အသုံးပြုပြီး သွားကြစို့”</p> <p> </p> <p> </p> <p>ထိုစကားကို ပြောပြီးနောက်တွင် ကျန်းချန်သည် ယီယွင်နှင့် အခြားသူများကို ခေါ်ကာ ရွှယ်ချန်ကျဲတို့၏ ကြယ်တာရာစစ်သင်္ဘောပေါ်သို့ ပြောင်းရွှေ့လိုက်သည်။</p> <p> </p> <p> </p> <p>အကြောင်းရင်းမှာ ယခု သူတို့စီးနှင်းလာသည့် စစ်သင်္ဘောသည် သွေးနတ်ဆိုးဂိုဏ်းထံမှ သိမ်းယူထားခြင်း ဖြစ်ရာ အင်မော်တယ် ကျင့်ကြံခြင်း စကြဝဠာရှိ လူများသည် ထိုစစ်သင်္ဘောကို သိနေကြလိမ့်မည် ဖြစ်သောကြောင့်ပင်။</p> <p> </p> <p> </p> <p>ယင်းသည် သူ၏ အထောက်အထားကို ဖုံးကွယ်ရန် အလွန်တရာ ခက်ခဲသွားစေလောက်သည်။</p> <p> </p> <p> </p> <p>အကယ်၍ ရွှယ်ချန်ကျဲတို့ စစ်သင်္ဘောနှင့် ပြောင်းလဲလိုက်လျှင်မူ အန္တရာယ်သည် သေချာပေါက် ပိုမို၍ နည်းပါးသွားလိမ့်မည် ဖြစ်၏။</p> <p> </p> <p> </p> <p>သွေးနတ်ဆိုးဂိုဏ်းမှ လူများက ရွှယ်ချန်ကျဲ၏ စစ်သင်္ဘောကို မှတ်မိလျှင်ပင် သူတို့ကို ရွှယ်ချန်ကျဲ၏ အပေါင်းအပါများအဖြစ်သာ သတ်မှတ်ကြပေလိမ့်မည်။</p> <p> </p> <p> </p> <p>ဤသည်ဖြင့် သူတို့ ရင်ဆိုင်ရမည့် တစ်ခုတည်းသော ပြဿနာသည် သွေးနတ်ဆိုးဂိုဏ်း တစ်ဂိုဏ်းတည်းသာ ဖြစ်ပေလိမ့်မည် မဟုတ်ပါလော။</p> <p> </p> <p> </p> <p>ထိုသို့မဟုတ်ဘဲ သူသာ နတ်ဘုရားနယ်မြေမှ ကျင့်ကြံသူတစ်ဦး ဖြစ်မှန်း ပေါက်ကြားသွားခဲ့လျှင် သူအနေဖြင့် အင်မော်တယ် ကျင့်ကြံခြင်း စကြဝဠာ တစ်ခုလုံးနှင့် ရင်ဆိုင်ရပေလိမ့်မည်။</p> <p> </p> <p> </p> <p>သူ၏ လက်ရှိ ခွန်အားဖြင့်ဆိုလျှင် အင်အားကြီးမားလှသော အင်မော်တယ် ကျင့်ကြံခြင်း စကြဝဠာ တစ်ခုလုံးနှင့် ယှဥ်ပြိုင်ရန်မှာ အရည်အချင်း မပြည့်မီသေးပေ။</p> <p> </p> <p> </p> <p>ထို့ကြောင့် မလွှဲသာသည့် အခြေအနေမျိုးမှလွဲ၍ ကျန်းချန်သည် အင်မော်တယ် ကျင့်ကြံခြင်း စကြဝဠာတွင် သူ၏ အထောက်အထားကို အလွယ်တကူ ‌ဖော်ပြလိမ့်မည်မဟုတ်ပေ။</p> <p> </p> <p> </p> <p>ရွှယ်ချန်ကျဲ တို့၏ ကြယ်တာရာစစ်သင်္ဘော ပေါ်သို့ အားလုံးရောက်ရှိပြီးနောက်တွင် ကျန်းချန်သည် သူတို့ စီးနင်းလာသည့် ကြယ်တာရာ စစ်သင်္ဘောကို သိုလှောင်လက်စွပ်ထဲတွင် သိမ်းဆည်းလိုက်ပြီး အင်မော်တယ် ကျင့်ကြံခြင်း စကြဝဠာဆီသို့ ဆက်လက် ခရီးနှင်ခဲ့ကြသည်။</p> <p> </p> <p> </p> <p>သုံးလခန့် ကြာပြီးနောက်တွင် ခမ်းနားထည်ဝါသော ဧရာမမြို့တော်ကြီး တစ်ခုသည် ကျန်းချန်တို့၏ မြင်ကွင်းရှေ့တွင် ထွက်ပေါ်လာခဲ့သည်။</p> <p> </p> <p> </p> <p>“သခင်ကြီး.. အင်မော်တယ် ကျင့်ကြံခြင်း စကြဝဠာဆီ ရောက်ပါပြီ”</p> <p> </p> <p> </p> <p>ရွှယ်ချန်ကျဲက သူ၏ မြင်ကွင်းထဲတွင် ပေါ်လာသည့် ဧရာမမြို့တော်ကြီးကို ကြည့်ကာ ကျန်းချန်ကို ပြောလိုက်သည်။</p> <p> </p> <p> </p> <p>သူ၏ သွေးရောင်တောက်ပနေသော မျက်ဝန်းထဲတွင် ရှုပ်ထွေးသော အမူအရာများ ဖြစ်ပေါ်လာခဲ့၏။</p> <p> </p> <p> </p> <p style="text-align: center;">အခန်း(၂၄၇၉)ပြီး၏။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save