Book List

<h2 style="text-align:center">အခန်း(၂၄၈၀)</h2> <h2 style="text-align:center">*</h2> <p> </p> <p> </p> <p>ယခင်က ရွှယ်ချန်ကျဲသည် အင်မော်တယ် ကျင့်ကြံခြင်းစကြဝဠာ၏ အဖွဲ့ဝင် တစ်ဦး ဖြစ်ခဲ့ဖူးသည်။</p> <p> </p> <p> </p> <p> </p> <p>သူက ထူးခြားသောပါရမီ ရှိပြီး အ‌ကောင်းဆုံး ဝိညာဥ်  အရင်းအမြစ်ကို ပိုင်ဆိုင်ထားသူလည်း ဖြစ်၏။</p> <p> </p> <p> </p> <p>ထို့အပြင် သွေးနတ်ဆိုးဂိုဏ်း၏ ထိပ်တန်း တပည့်ရင်းများထဲမှ တစ်ဦး ဖြစ်ပြီး သွေးနတ်ဆိုးဂိုဏ်း၏ နောင်ထပ် ခေါင်းဆောင် ရာထူးကို ဆက်ခံရန် ရေပန်းစားသူ တစ်ဦးလည်း ဖြစ်သည်။</p> <p> </p> <p> </p> <p>သို့သော်လည်း သူ၏ အနာဂတ်တောက်ပနေသော အချိန်မှာပင် လုပ်ကြံမှုများနှင့် ကြုံတွေ့ခဲ့ရပြီး သွေးနတ်ဆိုးဂိုဏ်း၏ သစ္စာဖောက်အဖြစ် စွပ်စွဲခံခဲ့ရသည်။</p> <p> </p> <p>အကယ်၍ ဆရာသမားဖြစ်သူ၏ အသက်စွန့် ကူညီမှုသာ မရှိခဲ့လျှင် ရွှယ်ချန်ကျဲသည် အင်မော်တယ် ကျင့်ကြံခြင်း စကြဝဠာမှ အသက်ရှင်လျက် လွတ်မြောက်ရန်ပင် ခက်ခဲလိမ့်မည် ဖြစ်၏။</p> <p> </p> <p>ဤနှစ်များအတွင်း ကြယ်တာရာကောင်းကင်ယံတွင် နေထိုင်စဥ် ထိုစဥ်က ရှိခဲ့သော နာကျည်းမှုများ အတွက် ကလဲ့စားချေရန် အချိန်တိုင်းနီးပါး ဆန္ဒရှိခဲ့သည်။</p> <p> </p> <p> </p> <p>သို့သော်လည်း သွေးနတ်ဆိုးဂိုဏ်း၏ ကြောက်မက်ဖွယ်ရာကောင်းသော ခွန်အားကို တွေးမိသောအခါမျိုးတွင် ရွှယ်ချန်ကျဲသည် အလွန်အမင်း စိတ်ဓာတ်ကျသွားခဲ့၏။</p> <p> </p> <p> </p> <p>ထို့ကြောင့် သူက မဟာယာနအဆင့်ကို အလျင်မြန်ဆုံး ထိုးဖောက်နိုင်ရန်အတွက် ကြယ်တာရာဓားပြတစ်ဦး ဖြစ်လာခဲ့ပြီး အရင်းအမြစ်များကို လုယက်ခဲ့သည်။</p> <p> </p> <p> </p> <p>အကြောင်းရင်းမှာ မဟာယာနအဆင့်သို့ မရောက်မချင်း သူ့အနေဖြင့် အင်မော်တယ် ကျင့်ကြံခြင်း စကြဝဠာသို့ ပြန်ပြီး သွေးနတ်ဆိုးဂိုဏ်းကို ကလဲ့စားချေရန် အတွက် အရည်အချင်း ပြည့်မီလိမ့်မည် မဟုတ်မှန်း အလွန်ကောင်းမွန်စွာ သိရှိထားသောကြောင့်ပင်။</p> <p> </p> <p> </p> <p>သို့သော်လည်း ယခုအခါတွင်မူ ကျန်းချန်ကို လုယက်ရာတွင် ကျရှုံးခဲ့ပြီး ကျန်းချန်ထံတွင် အညံ့ခံကာ ကျန်းချန်နှင့်အတူ အင်မော်တယ် ကျင့်ကြံခြင်း စကြဝဠာဆီ ပြန်လာခဲ့ရသည်။</p> <p> </p> <p> </p> <p>ကျန်းချန်သည် လျှို့ဝှက်ဆန်းကြယ်သော နောက်ခံနှင့် အစွမ်းထက် ခွန်အားများကို ပိုင်ဆိုင်ထားသော်လည်း သွေးနတ်ဆိုးဂိုဏ်းသည် အင်မော်တယ် ကျင့်ကြံခြင်းစကြဝဠာ အတွင်းရှိ ထိပ်တန်း ဂိုဏ်းကြီးဆယ်ဂိုဏ်းထဲတွင် တစ်ဂိုဏ်းအပါအဝင် ဖြစ်ကာ မဟာယာနအဆင့် ကျင့်ကြံသူ အများအပြားရှိသော ဂိုဏ်း ဖြစ်သည်။</p> <p> </p> <p> </p> <p>အကယ်၍ သူတို့သာ သွေးနတ်ဆိုးဂိုဏ်း၏ ရန်သူ ဖြစ်လာလျှင် အနိုင်ရရန် အခွင့်အရေး မရှိမည်ကို သူစိုးရိမ်နေမိသည်။</p> <p> </p> <p> </p> <p>သို့သော်လည်း သူက ယခုအခါတွင် ကျန်းချန်၏အစေခံအဖြစ် အမှုထမ်းနေပြီ ဖြစ်ရာ အရာအားလုံးသည် ကျန်းချန်၏ အမိန့်ကိုသာ နာခံရမည်ဖြစ်ပြီး သေခြင်း၊ရှင်ခြင်းသည် ကံတရားအပေါ်၌သာ မူတည်တော့၏။</p> <p> </p> <p> </p> <p>“ဒါက အင်မော်တယ် ကျင့်ကြံခြင်းစကြဝဠာက တည်ဆောက်ထားတဲ့ မြို့တော်လား”</p> <p> </p> <p> </p> <p>ကျန်းချန်က သူ့ရှေ့မှ မြို့တော်ကိုကြည့်ရင်း မသိစိတ်ကနေ မျက်မှောင်ကြုတ်မိလိုက်သည်။</p> <p> </p> <p> </p> <p>ဤမြို့တော်၏ နောက်ကွယ်တွင် ဧရာမ စကြဝဠာပုံရိပ် တစ်ခု ရှိနေခဲ့ပြီး ယင်းသည် သေချာပေါက် အင်မော်တယ် ကျင့်ကြံခြင်း စကြဝဠာ ဖြစ်နိုင်၏။</p> <p> </p> <p> </p> <p>သို့သော်လည်း သူတို့အနေဖြင့် အင်မော်တယ် ကျင့်ကြံခြင်းစကြဝဠာ ထဲသို့ ဝင်ရောက်လိုလျှင် သူတို့ရှေ့ရှိ မြို့တော်ကို ဖြတ်ကျော်ရလိမ့်မည် ဖြစ်သည်။</p> <p> </p> <p> </p> <p>“အင်မော်တယ် ကျင့်ကြံခြင်းစကြဝဠာကို အင်မော်တယ်ကျင့်ကြံသူတွေပဲ ဝင်ခွင့်ရှိတယ်.. တခြား စကြဝဠာကလူတွေ အင်မော်တယ် ကျင့်ကြံခြင်းစကြဝဠာထဲကို ရောနှောမဝင်လာနိုင်ဖို့အတွက် ကြယ်တာရာ ကောင်းကင်ယံမှာ စခန်းအများအပြား တည်ဆောက်ထားတယ်.. ဒီမြို့တော်က အဲဒီစခန်းတွေထဲက တစ်ခုပဲ.. ဒါပေမဲ့ သခင်ကြီးစိတ်မပူပါနဲ့.. ဒီမြို့တော်က သွေးနတ်ဆိုးဂိုဏ်းနဲ့ ဘာမှမသက်ဆိုင်ပါဘူး.. ဒါကြောင့် ဒီက အစောင့်တွေ ကျွန်တော်တို့ရဲ့ အထောက်အထားကို သိမြင်နိုင်မှာမဟုတ်ဘူး.. ကျွန်တော်တို့တွေ အင်မော်တယ် ကျင့်ကြံခြင်းစကြဝဠာထဲကို ချောချောမွေ့မွေ့ ဝင်ရောက်နိုင်မှာပါ”</p> <p> </p> <p> </p> <p>ရွှယ်ချန်ကျဲက ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>သူက သွေးနတ်ဆိုးဂိုဏ်း၏ သစ္စာဖောက်အဖြစ် သတ်မှတ်ခံထားရသော်လည်း သူ့ထံတွင် သွေးနတ်ဆိုးဂိုဏ်း၏ တပည့်များသာ ကိုင်ဆောင်သည့် တံဆိပ်ပြား ရှိနေဆဲဖြစ်သည်။</p> <p> </p> <p> </p> <p>ထိုတံဆိပ်ပြားဖြင့် ဆိုလျှင် မြို့တော်မှ တစ်ဆင့် အင်မော်တယ်ကျင့်ကြံခြင်းစကြဝဠာ ထဲသို့ ဝင်ရောက်ရန်မှာ ပြဿနာ မဟုတ်ပေ။</p> <p> </p> <p> </p> <p>အခြေအနေများသည် မျှော်လင့်ထားသည့် အတိုင်းပင် ဖြစ်လာခဲ့သည်။</p> <p> </p> <p> </p> <p>ရွှယ်ချန်ကျဲက သွေးနတ်ဆိုးဂိုဏ်း၏ တပည့်ရင်း အမှတ်အသား တံဆိပ်ပြားကို ပြသပြီးနောက်တွင် ကျန်းချန်တို့ အားလုံးသည် မြို့တော်၏ စစ်ဆေးမှုကို လုံးဝ မခံရတော့ဘဲ အင်မော်တယ် ကျင့်ကြံခြင်း စကြဝဠာထဲသို့ ချောမွေ့စွာ ဝင်ရောက်နိုင်ခဲ့ကြသည်။</p> <p> </p> <p> </p> <p>ဤမြင်ကွင်းကိုမြင်လျှင် ကျန်းချန်သည် ကြယ်တာရာကောင်းကင်ယံ အတွင်း ရွှယ်ချန်ကျဲနှင့် တွေ့ဆုံခဲ့သည်မှာ အလွန်တရာ ကံကောင်းသည်ဟု မှတ်ယူမိလိုက်သည်။</p> <p> </p> <p> </p> <p>သို့မဟုတ်လျှင် သူတို့သည် အင်မော်တယ် ကျင့်ကြံခြင်းစကြဝဠာထဲသို့ ဝင်ရောက်ရန်အတွက် သေချာပေါက် အခက်အခဲ တွေ့ရပေလိမ့်မည် မဟုတ်ပါလား။</p> <p> </p> <p> </p> <p>---------------------</p> <p> </p> <p> </p> <p>“စီနီယာအစ်ကို.. သွေးနတ်ဆိုးဂိုဏ်းက အခုတလော တော်တော်လေး လှုပ်ရှားနေပါလား.. လွန်ခဲ့တဲ့နှစ်အနည်းငယ်ကလည်း သွေးနတ်ဆိုးဂိုဏ်းရဲ့ ကြယ်တာရာ စစ်သင်္ဘော တစ်စီး ဒီကနေ ထွက်သွားခဲ့သေးတယ်”</p> <p> </p> <p> </p> <p>မြို့တော်၏ အစောင့်တစ်ဦးက အင်မော်တယ်ကျင့်ကြံခြင်းစကြဝဠာထဲသို့ ပျံသန်းကာ ဝင်ရောက်သွားသော ကြယ်တာရာစစ်သင်္ဘောကို ကြည့်ရင်း ရုတ်တရက် ပြောလိုက်သည်။</p> <p> </p> <p> </p> <p>“မင်းပြောတာ ဟုတ်သားပဲ”</p> <p> </p> <p> </p> <p>အပြာရောင်ဝတ်စုံဝတ် လူငယ်တစ်ဦးက ခေါင်းညိတ်ကာ ပြောလိုက်သည်။</p> <p> </p> <p> </p> <p>“ဒါပေမဲ့ အင်မော်တယ်လမ်းစဥ် ပြတ်တောက်သွားကတည်းက ငါတို့ အင်မော်တယ် ကျင့်ကြံခြင်းစကြဝဠာရဲ့ ထိပ်တန်းဂိုဏ်းကြီးတွေက အင်မော်တယ်လမ်းစဥ်ကို ရှာဖွေဖို့အတွက် ကြယ်တာရာ ကောင်းကင်ယံ ထဲကို မကြာခဏ သွားနေကြတာပဲ.. ဒါက ကိစ္စကြီးကြီးမားမားတော့ မဟုတ်ပါဘူး”</p> <p> </p> <p> </p> <p>ထိုစကားကိုကြားလျှင် ပထမဆုံး ပြောခဲ့သော အစောင့်က တွေဝေသော အမူအရာဖြင့် ပြောလိုက်သည်။</p> <p> </p> <p> </p> <p>“ဒီကမ္ဘာမှာ တကယ်ပဲ အင်မော်တယ်လမ်းစဥ် ဆိုတာ ရှိလို့လား”</p> <p> </p> <p> </p> <p>“အဲဒါတော့ ငါလည်း ဘယ်သိမလဲ”</p> <p> </p> <p> </p> <p>အပြာရောင်ဝတ်စုံဝတ် လူငယ်က ခေါင်းခါရမ်းကာ ပြောလိုက်သည်။</p> <p> </p> <p> </p> <p>ထို့နောက် သူက အနည်းငယ် စဥ်းစားဟန်ပြုပြီးမှ ထပ်ပြောလိုက်သည်။</p> <p> </p> <p> </p> <p>“အစောတုန်းက သွေးနတ်ဆိုးဂိုဏ်းရဲ့ တပည့်ရင်းက အတော်လေးအစွမ်းထက်တာပဲ.. သူက သွေးနတ်ဆိုးဂိုဏ်းရဲ့ တပည့်ရင်းတွေထဲမှာ ထိပ်တန်းအဆင့်ကပဲ ဖြစ်ရမယ်”</p> <p> </p> <p> </p> <p>“စီနီယာအစ်ကို.. လွန်ခဲ့တဲ့နှစ်အနည်းငယ် ကြယ်တာရာစစ်သင်္ဘောကလွဲရင် သွေးနတ်ဆိုးဂိုဏ်းက တခြား ဘယ်စစ်သင်္ဘောမှ ဒီနေရာကနေ ထွက်မသွားခဲ့ဘူး.. ဒါက နည်းနည်းတော့ ထူးဆန်းနေသလိုပဲ”</p> <p> </p> <p> </p> <p>အစောင့်က လေးနက်သော လေသံဖြင့် ပြောလိုက်သည်။</p> <p> </p> <p> </p> <p>“ဘာပဲဖြစ်ဖြစ် ကျွန်တော်တို့ ဒီကိစ္စကို သွေးနတ်ဆိုးဂိုဏ်းဆီ  အကြောင်းကြားထားရင် ကောင်းမယ်ထင်တယ်”</p> <p> </p> <p> </p> <p>“ကောင်းပြီ.. ငါအခုပဲ သွေးနတ်ဆိုးဂိုဏ်းက လူတွေနဲ့ ဆက်သွယ်လိုက်မယ်”</p> <p> </p> <p> </p> <p>ထိုစကားကို ပြောပြီးသည်နှင့် အပြာရောင်ဝတ်စုံဝတ်လူငယ်၏ ပုံရိပ်သည် လေထဲတွင် ဖျတ်ခနဲ ပျောက်ကွယ်သွားခဲ့သည်။</p> <p> </p> <p> </p> <p>ကျန်းချန်တို့ လူစုသည် မြို့တော်မှ အစောင့်နှစ်ဦး၏ စကားများကို လုံးဝ မသိရှိခဲ့ကြပေ။</p> <p> </p> <p> </p> <p>မြို့တော်ကို ဖြတ်ကျော်လာပြီးနောက်တွင် သူတို့သည် မကြာမီမှာပင် ကြယ်တာရာ စစ်သင်္ဘောကို ထိန်းချုပ်ကာ အတားအဆီးများကို ဖြတ်ကျော်၍ အင်မော်တယ် ကျင့်ကြံခြင်း စကြဝဠာထဲသို့ ဆင်းသက်နိုင်ခဲ့ကြသည်။</p> <p> </p> <p> </p> <p>ခမ်းနားသော အရှိန်အဝါတစ်ခုသည် ကျန်းချန်တို့လူစုကို တစ်ခဏအတွင်း လွှမ်းခြုံသွားခဲ့သည်။</p> <p> </p> <p> </p> <p>“ဒါက အင်မော်တယ် ကျင့်ကြံခြင်း စကြဝဠာက တကယ်ကို ထူးခြားတာပဲ”</p> <p> </p> <p> </p> <p>အင်မော်တယ် ကျင့်ကြံခြင်း စကြဝဠာ၏ ပတ်ဝန်းကျင်အခြေအနေကို ခံစားမိလျှင် ကျန်းချန်သည် အံ့ဩတုန်လှုပ်သွားခဲ့သည်။</p> <p> </p> <p> </p> <p>ရှေးခေတ်ကာလက စကြဝဠာအဆင့် တိုက်ပွဲတွင် နတ်ဘုရားနယ်မြေသည် အင်မော်တယ် ကျင့်ကြံခြင်း စကြဝဠာကို ယှဥ်ပြိုင်ရန် အဘယ်ကြောင့် ခက်ခဲခဲ့သည်မှာ အံ့ဩစရာ မဟုတ်တော့ပေ။</p> <p> </p> <p> </p> <p>ဆိုရလျှင် အင်မော်တယ် ကျင့်ကြံခြင်း စကြဝဠာ၏ ပတ်ဝန်းကျင်သည် နတ်ဘုရားနယ်မြေထက် များစွာ သာလွန်ကောင်းမွန်ပြီး ထာဝရသက်ရှည်တောင်တန်း၏ အပြင်ဘက်ပိုင်းနှင့် နှိုင်းယှဥ်လျှင် အနည်းငယ်မျှ နိမ့်ကျမည် မဟုတ်ချေ။</p> <p> </p> <p> </p> <p>“သခင်ကြီး.. ကျွန်တော်တို့အခု ဘယ်ကိုသွားကြမလဲ”</p> <p> </p> <p> </p> <p>ကျန်းချန်က အင်မော်တယ် ကျင့်ကြံခြင်း စကြဝဠာ၏ ပတ်ဝန်းကျင်ကြောင့် အံ့အားသင့်နေစဥ်မှာပင် ရွှယ်ချန်ကျဲ၏ စကားသံသည် သူ၏ နားထဲတွင် တိုက်ရိုက်ပင် ထွက်ပေါ်လာခဲ့သည်။</p> <p> </p> <p> </p> <p>ကျန်းချန်၏ မျက်ဝန်းများတွင် စဥ်းစားသော အရိပ်အယောင်များ ဖြစ်‌ပေါ်လာခဲ့သည်။</p> <p> </p> <p> </p> <p>သူက ယခုမှ အင်မော်တယ် ကျင့်ကြံခြင်း စကြဝဠာသို့ စတင်ရောက်ရှိလာခြင်းဖြစ်ရာ အလျင်စလို မလှုပ်ရှားသင့်ပေ။</p> <p> </p> <p> </p> <p>ယခုအခါတွင် အရေးကြီးဆုံးမှာ အခြေချနေထိုင်ရန် အတွက် နေရာတစ်ခုကို ရှာဖွေရန်သာ ဖြစ်၏။</p> <p> </p> <p> </p> <p>အကြောင်းရင်းမှာ ကြယ်တာရာ စစ်သင်္ဘောပေါ်တွင် လူသားဧကရာဇ်နန်းတော်မှ တပည့်များနှင့် ကြယ်စကြဝဠာမှ လူများ ရှိနေသေးသောကြောင့်ပင်။</p> <p> </p> <p> </p> <p>အကယ်၍ ၎င်းတို့ကို အင်မော်တယ် ကျင့်ကြံခြင်း စကြဝဠာမှ လူများတွေ့ရှိသွားခဲ့လျှင် အခြေအနေသည် အလွန်တရာ ခက်ခဲသွားနိုင်ပေသည်။</p> <p> </p> <p> </p> <p>“ဒီ အင်မော်တယ် ကျင့်ကြံခြင်း စကြဝဠာထဲမှာ သွေးနတ်ဆိုးဂိုဏ်းရဲ့ အကြီးမားဆုံးရန်သူက ဘယ်သူလဲ”</p> <p> </p> <p> </p> <p>ကျန်းချန်က ခဏမျှ စဥ်းစားပြီးနောက်တွင် ရွှယ်ချန်ကျဲကို မေးလိုက်သည်။</p> <p> </p> <p> </p> <p>ရွှယ်ချန်ကျဲက တစ်ခဏ မှင်တက်သွားခဲ့ပြီးနောက်တွင် အလျင်အမြန်ပင် ပြန်ဖြေလိုက်၏။</p> <p> </p> <p> </p> <p>“အင်မော်တယ် ကျင့်ကြံခြင်း စကြဝဠာထဲမှာ သွေးနတ်ဆိုးဂိုဏ်းရဲ့အကြီးမားဆုံးရန်သူက သွေးဓားအင်မော်တယ်ဂိုဏ်းပါ”</p> <p> </p> <p> </p> <p>ရွှယ်ချန်ကျဲက မည်သည့်အရာကိုမှ ဖုံးကွယ်မထားဘဲ ကျန်းချန်ကို အလျင်အမြန်ပင် ရှင်းပြလိုက်သည်။</p> <p> </p> <p> </p> <p>သွေးဓားအင်မော်တယ်ဂိုဏ်းသည် အင်မော်တယ် ကျင့်ကြံခြင်း စကြဝဠာတွင် အလွန် ရှည်လျားသော သမိုင်းကြောင်းရှိသည့် ရှေးဟောင်း အင်အားစုတစ်စု ဖြစ်သည်။</p> <p> </p> <p> </p> <p>သွေးဓားအင်မော်တယ်ဂိုဏ်း၏ အထွတ်အထိပ်ကာလတွင် သွေးဓားအင်မော်တယ်ဂိုဏ်းသည် အင်မော်တယ် ကျင့်ကြံခြင်း စကြဝဠာ၏ ထိပ်တန်း ဂိုဏ်းကြီးများထဲမှ တစ်ဂိုဏ်း  ဖြစ်ခဲ့၏။</p> <p> </p> <p> </p> <p>နောက်ပိုင်းတွင် အကြောင်းအမျိုးမျိုးကြောင့် သွေးဓားအင်မော်တယ်ဂိုဏ်းတွင် ကြောက်မက်ဖွယ်ရာကောင်းသော   အတွင်းပိုင်း တိုက်ပွဲတစ်ပွဲ ဖြစ်ပွားခဲ့သည်။</p> <p> </p> <p> </p> <p>အဆုံးသတ်တွင် သွေးဓားအင်မော်တယ်ဂိုဏ်းမှ လူတချို့သည် သွေးဓားအင်မော်တယ်ဂိုဏ်းကနေ ခွဲထွက်သွားခဲ့ပြီး သွေးနတ်ဆိုးဂိုဏ်းကို တည်ထောင်ခဲ့ကြသည်။</p> <p> </p> <p> </p> <p>ဤအကြောင်းကြောင့်ပင် သွေးဓားအင်မော်တယ်ဂိုဏ်းနှင့် သွေးနတ်ဆိုးဂိုဏ်းသည် တစ်ဂိုဏ်းနှင့် တစ်ဂိုဏ်း မပြေလည်နိုင်သော ရန်ဘက်များ အဖြစ် သတ်မှတ်ထားခဲ့ကြ၏။</p> <p> </p> <p> </p> <p>ထိုဂိုဏ်းနှစ်ဂိုဏ်းမှ တပည့်များ ဆုံတွေ့သည့်အခါတွင် သေကြေသည်အထိ တိုက်ခိုက်လေ့ပင် ရှိကြသည်။</p> <p> </p> <p> </p> <p>သို့သော်လည်း ထိုစဥ်က အဖြစ်အပျက် ဖြစ်ပွားခဲ့ပြီးကတည်းကပင် သွေးဓားအင်မော်တယ်ဂိုဏ်း၏ အင်အားသည် အကြီးအကျယ်ထိခိုက်ခဲ့ပြီး တစ်နေ့ထက်တစ်နေ့ အခြေအနေ ပိုမို ဆိုးရွားလာခဲ့သည်။</p> <p> </p> <p> </p> <p>ဆန့်ကျင်ဘက်အနေဖြင့် သွေးနတ်ဆိုးဂိုဏ်းကမူ ဤနှစ်အများအတွင်း အလွန် လျင်မြန်စွာ တိုးတက်လာခဲ့ပြီး အင်မော်တယ် ကျင့်ကြံခြင်း စကြဝဠာ၏ အထွတ်အထိပ်ဂိုဏ်းကြီး ဆယ်ဂိုဏ်းထဲတွင်ပင် ပါဝင်လာခဲ့သည်။</p> <p> </p> <p> </p> <p>ယနေ့အချိန်အခါတွင် သွေးဓားအင်မော်တယ်ဂိုဏ်းသည် ၎င်းတို့၏ ဘိုးဘေးများ ချန်ထားရစ်ခဲ့သည့် အမွေအနှစ်များကို အမှီသဟဲပြု၍သာ မနည်း ရှင်သန်နေကြရသည်။</p> <p> </p> <p> </p> <p>ဆိုရလျှင် သွေးဓားအင်မော်တယ်ဂိုဏ်း၏ အင်အားကုန်ဆုံးသွားသည်နှင့် တစ်ပြိုင်နက် သွေးဓားအင်မော်တယ်ဂိုဏ်းသည် သွေးနတ်ဆိုးဂိုဏ်း၏ ဖျက်ဆီးခြင်းကို သေချာပေါက် ခံရလိမ့်မည် ဖြစ်၏။</p> <p> </p> <p> </p> <p>“ဒါဆိုရင် ငါတို့ သွေးဓားအင်မော်တယ်ဂိုဏ်းဆီ သွားကြစို့”</p> <p> </p> <p> </p> <p>ရွှယ်ချန်ကျဲ၏ ရှင်းပြချက်ကို နားထောင်ပြီးနောက်တွင် ကျန်းချန်သည် တွေဝေမနေဘဲ ချက်ချင်းပင် ဆုံးဖြတ်ချက် ချလိုက်သည်။</p> <p> </p> <p> </p> <p>သူက ယခုအခါတွင် အင်မော်တယ် ကျင့်ကြံခြင်း စကြဝဠာဆီ တစ်ကိုယ်တည်း ရောက်ရှိလာခဲ့ခြင်းဖြစ်ရာ သူ၏ တစ်ကိုယ်တော် စွမ်းအားဖြင့် အင်မော်တယ် ကျင့်ကြံခြင်းစကြဝဠာကို ပြဿနာရှာရန်မှာ မလွယ်ကူသောကိစ္စ ဖြစ်သည်။</p> <p> </p> <p> </p> <p>ထို့ကြောင့် သွေးဓားအင်မော်တယ်ဂိုဏ်းသည် သူ့အတွက် အလွန်တရာ ကောင်းမွန်သော နယ်ရုပ်တစ်ရုပ်ဖြစ်လာနိုင်၏။</p> <p> </p> <p> </p> <p>အကယ်၍ သူသာ နောက်ကွယ်မှ နေ၍ အရာအားလုံးကို ထိန်းချုပ်ပြီး အင်မော်တယ် ကျင့်ကြံခြင်း စကြဝဠာရှိ ထိပ်တန်းဂိုဏ်းကြီးများ အကြားတွင် ပြဿနာများ ဖန်တီးနိုင်မည် ဆိုလျှင် ယင်းသည် သေချာပေါက် အလွန်တရာကောင်းမွန်သော စွမ်းဆောင်ရည်တစ်ခု ဖြစ်လာပေလိမ့်မည်မဟုတ်ပါလော။</p> <p> </p> <p> </p> <p> </p> <p style="text-align:center">အခန်း(၂၄၈၀)ပြီး၏။</p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center">***</p>


Save