Book List

<h2 style="text-align: center;">အခန်း (၂၂၇)</h2> <h2 style="text-align: center;">သတင်းအချက်အလက် (၁)</h2> <h2 style="text-align: center;">*</h2> <h2 style="text-align: center;"> </h2> <p style="text-align:justify"> </p> <p style="text-align:justify">သူတို့လေးယောက်က အနီးအနားရှိ စာကြည့်တိုက်သို့ လမ်းလျှောက်သွားလိုက်ကြသည်။</p> <p style="text-align:justify">အပြင်ဘက်မှ ကြည့်လျှင် အဆောက်အအုံက အမျိုးသားပြတိုက်တစ်ခုနှင့် များစွာတူညီသည်။ စကျင်ကျောက်ကြမ်းခင်းများ၊ လေးနက်ပြီး ပွင့်လင်းသော လေထုနှင့် တိတ်ဆိတ်ငြိမ်သက်သော ပတ်ဝန်းကျင်တို့ ပေါင်းစပ်လိုက်သောအခါ နေရာတစ်ခုလုံးကို အေးချမ်းပြီး ခန့်ညားထည်ဝါသော ခံစားမှုမျိုး ပေးစွမ်းနေသည်။</p> <p style="text-align:justify">စာအုပ်ပြန်အပ်ရန်လာသော ကျောင်းသားများနှင့် ဆရာများ။ စာအုပ်ငှားရန် ဓာတ်လှေကားကို စောင့်နေသော လူများ။ ကျယ်ဝန်းသော လှေကားထစ်များမှ ဆင်းလာပြီး တိုးတိုးလေး စကားပြောနေကြသော ကျောင်းသားများ။</p> <p style="text-align:justify">လူတိုင်းက မသိစိတ်ဖြင့် သူတို့၏ အသံများကို တိုးထားကြသည်။</p> <p style="text-align:justify">ဆေးလိပ်မသောက်ရ၊ ဆူညံသံ မပြုလုပ်ရဟု ရေးသားထားသော ဆိုင်းဘုတ်ကြီးများကို နံရံပေါ်တွင် ချိတ်ဆွဲထားသည်။</p> <p style="text-align:justify">ပင်မခန်းမ၏ ဘယ်ဘက်ခြမ်းတွင် မှန်ကောင်တာအပိုင်းတစ်ခုရှိပြီး စာကြည့်တိုက်၏ အထပ်များအကြောင်း သတင်းအချက်အလက်များ ပါဝင်သည်။ အထပ်တစ်ခုစီကို မည်သည့်ရည်ရွယ်ချက်အတွက် သတ်မှတ်ထားကြောင်း ရှင်းလင်းစွာ ဖော်ပြထားသလို ဖွင့်ချိန်များနှင့် အသိပေးချက်အမျိုးမျိုးကိုလည်း ပြသထားသည်။</p> <p style="text-align:justify">တူရှောင်ရှန်းနှင့် သူ့အဖွဲ့က ဘယ်ဘက်ရှိ ကောင်တာသို့ ဦးစွာသွားရောက်ပြီး စာအုပ်များ ပြန်အပ်လိုက်ကြသည်။ ထို့နောက် ညာဘက်ရှိ ဓာတ်လှေကားဆီသို့ တန်းတန်းမတ်မတ် လျှောက်သွားကာ အခြားသူများနှင့်အတူ စောင့်ဆိုင်းနေလိုက်ကြသည်။</p> <p style="text-align:justify">“ငါတို့ကျောင်း စာကြည့်တိုက်မှာ စာအုပ်ပေါင်း သုံးသန်းလောက်ရှိတယ်လို့ ကြားတယ်… တော်တော် မိုက်တယ်နော်” ရှီရန်က အသံတိုးတိုးဖြင့် ပြောလိုက်သည်။</p> <p style="text-align:justify">“ငါ ဒီကျောင်းကို ရွေးလိုက်ရတဲ့ အကြောင်းရင်းက အဲဒါကြောင့်ပဲ” ဖန်ဝေ့တုန်းက ခေါင်းညိတ်လိုက်သည်။</p> <p style="text-align:justify">“မင်းက စာလည်း သိပ်ဖတ်တာ မဟုတ်ဘဲနဲ့… စာအုပ်အရေအတွက်က မင်းအပေါ် ဘယ်လိုသက်ရောက်မှုရှိမှာလဲ” ရှီရန်က ရယ်မောလိုက်သည်။</p> <p style="text-align:justify">“ရွေးချယ်စရာ ပိုများတာပေါ့ကွ” ဖန်ဝေ့တုန်းက ပေါ့ပေါ့ပါးပါး ပြန်ဖြေလိုက်သည်။</p> <p style="text-align:justify">ဓာတ်လှေကား၏ အနီရောင်ဒစ်ဂျစ်တယ်ကိန်းဂဏန်းများက မကြာမီ ပထမထပ်သို့ ရောက်ရှိလာသည်။ သူတို့လေးယောက် အလျင်အမြန် တိုးဝင်လိုက်ကြသည်။</p> <p style="text-align:justify">လင်းဖေးက နောက်ဆုံးတွင် ရပ်နေသည်။ ဓာတ်လှေကားစီးတိုင်း ဈေးဝယ်စင်တာတွင် ယန်ရှီ၏ ပုံရိပ် ဓာတ်လှေကားဘေးနံရံတွင် ထင်ဟပ်နေခဲ့သည့် အချိန်ကို ပြန်မတွေးဘဲ မနေနိုင်ပေ။ ထို့ကြောင့် ကြိမ်ဖန်များစွာ သူသည် ကြေးမုံပြင်ကဲ့သို့ဖြစ်နေသော ဓာတ်လှေကားနံရံကို မသိစိတ်ဖြင့် လှမ်းကြည့်မိနေတတ်သည်။</p> <p style="text-align:justify">တစ်ညလုံး ဆက်တိုက် ကုသမှုပြုလုပ်ပြီးနောက် သူ၏ ပုံမှန်လှုပ်ရှားမှုများက အဆင်ပြေရုံ အခြေအနေသာရှိသေးသည်။ သို့သော် ချီစွမ်းအင် အသုံးပြုရန် လိုအပ်သော မည်သည့်အားစိုက်ထုတ်မှုမျိုးမဆို တစ်ကိုယ်လုံးကို စူးရှသော နာကျင်မှု ခံစားရစေသည်။ ချီစွမ်းအင် စီးဆင်းရာ သွေးကြောများ ပြန်လည်မကောင်းမွန်သေးကြောင်း ပြသနေသော လက္ခဏာရပ်ပင်။ သူ ပြန်လည်သက်သာလာရန် အချိန်လိုအပ်သည်။ သူက အချိန်အတော်ကြာအောင် ကုသမှုအပေါ်သာ အာရုံစိုက်နိုင်တော့မည်ပုံရသည်။ ဤကာလအတွင်း ဓားသိုင်းပညာကို ဖြည်းညင်းစွာ လေ့ကျင့်သည်မှလွဲ၍ သူ စိတ်ရှည်ရှည်ဖြင့် စောင့်ဆိုင်းရုံသာ တတ်နိုင်တော့မည်။ လင်းဖေး၏ ခန့်မှန်းချက်အရ ပြန်လည်ကောင်းမွန်မှုကို အရှိန်မြှင့်ရန် ချီစွမ်းအင်ကို အသုံးပြုနိုင်ဖို့ တစ်လခန့် ကြာမြင့်ဦးမည်ဖြစ်သည်။ ဤကာလက သက်ဆိုင်ရာ အချက်အလက်များကို ရှာဖွေရန် အခွင့်အရေးကောင်း တစ်ရပ်ပင်။</p> <p style="text-align:justify">ဓာတ်လှေကားက ရူပဗေဒ သင်ကြားရေး အရင်းအမြစ်များနှင့် လက်စွဲစာအုပ်များ ထားရှိရာ သတ္တမထပ်သို့ လျင်မြန်စွာ ရောက်ရှိသွားသည်။</p> <p style="text-align:justify">“ငါ သင်ကြားရေး အရင်းအမြစ်တွေကနေ အရင်စလိုက်မယ်… ငါတို့က သာမန်ရူပဗေဒကို သင်မှာ မဟုတ်တော့ တခြားအရာတွေကို သွားကြည့်လိုက်ဦးမယ်” ဖန်ဝေ့တုန်းက ပြောရင်း ဦးစွာ ထွက်သွားလိုက်သည်။</p> <p style="text-align:justify">“ဒါဆို ငါ မင်းနဲ့ အရင် လိုက်ခဲ့မယ်… ဟိုကြည့်ဒီကြည့် လုပ်ပြီးမှ မဂ္ဂဇင်းကဏ္ဍကို သွားမယ်” ရှီရန်က နောက်မှ လိုက်သွားသည်။</p> <p style="text-align:justify">“လင်းဖေး… မင်း ဘယ်သွားမလို့လဲ” တူရှောင်ရှန်းက မေးလိုက်သည်။</p> <p style="text-align:justify">“ငါ လျှောက်ကြည့်လိုက်ဦးမယ်” လင်းဖေးက ဂရုမစိုက်ဟန်ဖြင့် ပြောလိုက်သည်။</p> <p style="text-align:justify">“ဒါဆို ငါ သွားပြီနော်”</p> <p style="text-align:justify">“အင်း” တူရှောင်ရှန်း ဘေးဘက်စင်္ကြံလမ်းအတိုင်း လျှောက်သွားပြီး ထောင့်ချိုးတွင် ပျောက်ကွယ်သွားသည်ကို လင်းဖေး ကြည့်နေလိုက်သည်။</p> <p style="text-align:justify">ထို့နောက် သူက အခြားစင်္ကြံလမ်းတစ်ခုအတိုင်း အေးဆေးစွာ လျှောက်သွားလိုက်သည်။</p> <p style="text-align:justify">စင်္ကြံလမ်းဘေးမှ အောက်သို့ ငုံ့ကြည့်လိုက်လျှင် အထပ်တစ်ခုစီ၏ တစ်ဝက်ခန့်ကို မြင်တွေ့နိုင်သည်။ H ပုံသဏ္ဌာန် အဆောက်အအုံ၏ အလယ်ဗဟိုတွင် တည်ရှိသောကြောင့် ဘေးနှစ်ဖက်စလုံးကို တစ်ဝက်တစ်ပျက် မြင်တွေ့နိုင်သော်လည်း အပြည့်အစုံတော့ မဟုတ်ပေ။</p> <p style="text-align:justify">လင်းဖေးက ပြတင်းပေါက်မှတစ်ဆင့် အောက်သို့ ငုံ့ကြည့်လိုက်သည်။ ဒုတိယထပ်ရှိ နေရာတစ်ခုတွင် လူအများဆုံးဖြစ်နေသည်။ တံခါးအထက်တွင် "အီလက်ထရွန်နစ် စာဖတ်ခန်း" ဟူသော ဆိုင်းဘုတ်ကို ချိတ်ဆွဲထားသည်။</p> <p style="text-align:justify">“အီလက်ထရွန်နစ် စာဖတ်ခန်း… အဲဒါ အင်တာနက်ဆိုင်ပဲ မဟုတ်ဘူးလား” သူ၏စိတ်ဝင်စားမှု နိုးကြားသွားသဖြင့် လင်းဖေးက ဓာတ်လှေကားဧရိယာသို့ ပြန်လှည့်လာခဲ့သည်။</p> <p style="text-align:justify">ခဏကြာ စောင့်ဆိုင်းပြီးနောက် သူက ဓာတ်လှေကားဖြင့် ဒုတိယထပ်သို့ ပြန်ဆင်းလာပြီး အီလက်ထရွန်နစ် စာဖတ်ခန်းသို့ တန်းတန်းမတ်မတ် သွားလိုက်သည်။</p> <p style="text-align:justify">အီလက်ထရွန်နစ် စာဖတ်ခန်းတွင် အခန်းသုံးခန်းရှိပြီး တစ်ခန်းစီ၏ တံခါးနှင့် ပြတင်းပေါက်များတွင် ငွေရောင်သံတိုင်များ တပ်ဆင်ထားကာ ခိုးမှုကာကွယ်ရန်ဖြစ်ကြောင်း သိသာသည်။ ဖွင့်ထားသော တံခါးတစ်ပေါက်မှ အတွင်းသို့ ကြည့်လိုက်ရာ ကွန်ပျူတာတန်းများဖြင့် ပြည့်နှက်နေသော စာသင်ခန်းကျယ်ကြီးတစ်ခုနှင့် တူနေသည်။ သို့သော် လေထုက အနည်းငယ် အိုက်စပ်စပ်ဖြစ်နေသဖြင့် လေဝင်လေထွက် မကောင်းကြောင်း သိသာနေသည်။</p> <p style="text-align:justify">လင်းဖေးက ဝင်ပေါက်တွင် ရပ်နေစဉ် ကျောင်းသားများက သူ့ဘေးမှဖြတ်ပြီး အခန်းထဲဝင်လိုက်၊ အချို့က ပြန်ထွက်လာလိုက် လုပ်နေကြသည်။ ဝင်သူရော ထွက်သူပါ ကောင်တာတွင် ကတ်တစ်ခုကို ပွတ်ဆွဲရပြီး ၎င်းက စာအုပ်ငှားရန် စောစောက သူတို့ရရှိခဲ့သော ကတ်ပြားပင်ဖြစ်သည်။ ထို့အပြင် သူတို့က ဦးစွာ ငွေဖြည့်ရပြီး အသုံးပြုပြီးမှသာ လက်ကျန်ငွေကို ပြန်လည်ထုတ်ယူနိုင်သည်။ ပုံစံက အင်တာနက်ကဖေးဆိုင်နှင့် ဆင်တူသော်လည်း ကျောင်းက ဖွင့်လှစ်ထားခြင်းဖြစ်သည်။</p> <p style="text-align:justify">လုပ်ဆောင်ပုံအဆင့်ဆင့်ကို လေ့လာပြီးနောက် လင်းဖေးက အခုမှ ဝင်သွားသော ကျောင်းသားတစ်ယောက်နောက်သို့ လိုက်ကာ ကောင်တာသို့ သွားလိုက်သည်။ သူက စာကြည့်တိုက်ကတ်ကို ထုတ်ပြီး ကောင်တာနောက်မှ အန်တီကြီးကို ပေးလိုက်သည်။ သူမက ကတ်ဖတ်စက်ပေါ်သို့ ကျွမ်းကျင်စွာ တင်လိုက်သည်။</p> <p style="text-align:justify">“ပိုက်ဆံ ဘယ်လောက်ဖြည့်မလဲ”</p> <p style="text-align:justify">လင်းဖေးက ဆယ်ယွမ်တန်တစ်ရွက် ပေးလိုက်သည်။ ကတ်ကို လျင်မြန်စွာ ပွတ်ဆွဲလိုက်၏။ ကောင်တာမှ ထွက်ခွာလာပြီးနောက် သူက အနီးနားတွင် ကပ်ထားသော အင်တာနက် ညွှန်ကြားချက်များကို တစ်ချက်ကြည့်လိုက်သည်။ ဆိုင်းဘုတ်တွင် ဝင်ရောက်ရန် အသုံးပြုရမည့် ပုံစံကို ဖော်ပြထားသည်။ အကောင့်အမည်မှာ စာကြည့်တိုက်ကတ်နံပါတ်ဖြစ်ပြီး စကားဝှက်မှာ ဂဏန်း ၁ ခြောက်လုံးဖြစ်သည်။</p> <p style="text-align:justify">သူက လူရှင်းသော အနောက်ဘက်ဆုံးရှိ ကွန်ပျူတာတစ်လုံးကိုရှာပြီး ထိုင်လိုက်သည်။ ကွန်ပျူတာက ပွင့်နေပြီးသားဖြစ်သော်လည်း screen lock ကျနေသဖြင့် တစ်ယောက်ယောက် ထသွားသည်မှာ မကြာသေးကြောင်း သိသာသည်။</p> <p style="text-align:justify">အနီးဆုံး အွန်လိုင်းအသုံးပြုနေသူမှာ ရှေ့တန်းမှ မိန်းကလေးတစ်ဦးဖြစ်ပြီး နောက်တစ်ယောက်မှာ ဟိုဘက်တန်းတွင်ရှိသည်။ လူအများအပြားရှိသော်လည်း အီလက်ထရွန်နစ် စာဖတ်ခန်းမှာ အနည်းငယ် ခြောက်ကပ်နေသကဲ့သို့ဖြစ်နေသည်။ ကွန်ပျူတာ အများအပြားရှိနေသောကြောင့် လူကျဲနေသကဲ့သို့ ထင်ရခြင်းဖြစ်သည်။</p> <p style="text-align:justify">အကောင့်နှင့် စကားဝှက် ရိုက်ထည့်ပြီးနောက် သူ ချောမွေ့စွာ ဝင်ရောက်နိုင်ခဲ့သည်။</p> <p style="text-align:justify">လင်းဖေး ပထမဆုံး လုပ်သည်မှာ သူ၏အီးမေးလ်ကို ဖွင့်ခြင်းဖြစ်သည်။ ထင်ထားသည့်အတိုင်းပင် မက်ဆေ့ချ်အသစ်တစ်ခု ရောက်နေသည်။ ပေးပို့သူမှာ ဆစ်ဖြစ်သည်။</p> <p style="text-align:justify">အနီးနားတွင် မည်သူမျှ သူ့ကို အာရုံစိုက်မနေကြောင်း သေချာအောင် ကြည့်ပြီးနောက် လင်းဖေးက အီးမေးလ်ကို ဖွင့်လိုက်သည်။</p> <p style="text-align:justify">ရွှီး…</p> <p style="text-align:justify">ကလစ်တစ်ချက် နှိပ်လိုက်ပြီးနောက် မျက်နှာပြင်တစ်ခုလုံးနီးပါး နေရာယူထားသော ငွေရောင်စာအုပ်တစ်အုပ် လင်းဖေး၏ ရှေ့တွင် ပေါ်လာသည်။ မျက်နှာဖုံးစာသားမှာ ဂျာမန်ဘာသာဖြင့် "မှော်ဆရာ့မျက်လုံး" ဟု ရေးထားသည်။ အောက်ဘက်တွင် ဗားရှင်းမှာ ဂျာမန်ဖြစ်ကြောင်း ဖော်ပြထားသည်။ သို့သော် လင်းဖေးက ဆစ်၏ မက်ဆေ့ချ်ကို ဦးစွာ ဖတ်လိုက်သည်။</p> <p style="text-align:justify">"မင်း မြင်တဲ့အတိုင်းပဲ… ပြီးခဲ့တဲ့တစ်ခေါက်လိုပဲ ငါ့ရဲ့မှော်ဆရာ သူငယ်ချင်းတစ်ယောက်ဆီကနေ ဒီအတွင်းတွင်း မဂ္ဂဇင်းကို ရထားတယ်… အပြင်လောကမှာဖြစ်ပျက်နေတဲ့ အဖြစ်အပျက်ကြီးတွေကို နားလည်ဖို့ ရှေ့ဆုံးစာမျက်နှာက နောက်ဆုံးရသတင်းတွေကို ဖတ်နိုင်တယ်… အိုင်ဆာဟားနဲ့ တွေ့ဆုံမှုက ငါ့ရဲ့ဒဏ်ရာတွေကို ပိုဆိုးသွားစေတယ်… ငါ ပြန်လည်ကုသဖို့ နေရာတစ်ခုကို မရွေးချယ်လို့ မရတော့ဘူး… ဒါပေမဲ့ မကြာခင် အနာဂတ်မှာ မင်းဘေးကို ငါ ပြန်လာခဲ့မယ်… အဲဒီမတိုင်ခင် မင်းမှာ အခက်အခဲ တစ်စုံတစ်ရာရှိရင် ဒီလိပ်စာကို အီးမေးလ်ပို့လိုက်… တစ်ယောက်ယောက်က မင်းကို ကူညီလိမ့်မယ်" - ဆစ်။ ဤစာသားနောက်တွင် အီးမေးလ်ပေးပို့ရန် အထူးနည်းလမ်းများကို ပူးတွဲဖော်ပြထားသည်။ သူ မေးမြန်းခဲ့သော ပုဂ္ဂိုလ်က ထူးခြားစွာ သတိကြီးသူဖြစ်ကြောင်း ထင်ရှားသည်။</p> <p style="text-align:justify">ဆစ်၏ မက်ဆေ့ချ်များကို ဖတ်တိုင်း လင်းဖေး ကြက်သီးထသလို ခံစားရသည်။ လက်ရှိအချိန်တွင် သူ့အတွက် ထိုကဲ့သို့ ခံစားချက်မျိုးမှာ အလွန်ရှားပါးသည်။ ဒီတစ်ကြိမ်လည်း ခြွင်းချက် မဟုတ်ပေ။ တစ်ချက် တုန်ယင်သွားပြီးနောက် လင်းဖေးက မဂ္ဂဇင်းဆီသို့ အာရုံပြောင်းလိုက်သည်။</p> <p style="text-align:justify">"မှော်ဆရာ့မျက်လုံး" မဂ္ဂဇင်းကို ပြီးခဲ့တဲ့တစ်ခေါက်က သူ အကြမ်းဖျင်း ဖတ်ဖူးသည်။ ၎င်းမှာ မှော်ပညာ လေ့ကျင့်သော မှော်ဆရာများအတွက် ဒဏ္ဍာရီလာ အတွင်းတွင်း မဂ္ဂဇင်းဖြစ်သည်။</p> <p style="text-align:justify">ငွေရောင်မျက်နှာဖုံး၏ အနားသတ်များတွင် နက်နဲဆန်းကြယ်ပြီး ထူးခြားသော သင်္ကေတများဖြင့် အလှဆင်ထားပြီး အမြိတ်များသဖွယ်ဖြစ်နေသည်။</p> <p style="text-align:justify">သူ ပထမစာမျက်နှာကို ညင်သာစွာ ဖွင့်လိုက်သည်။</p> <p style="text-align:justify">သတင်းတိုများ အတန်းလိုက် ပါဝင်ပြီး တစ်ခုစီ၏ နောက်တွင် ပုံငယ်လေးများ ပါရှိသည်။ သတင်းတိုတစ်ခုခုအပေါ် မောက်စ်တင်လိုက်လျှင် ပုံများက အလိုအလျောက် ကြီးလာမည်ဖြစ်သည်။</p> <p style="text-align:justify">ပထမဆုံးအတန်း၏ ထိပ်ဆုံးရှိ အကြီးမားဆုံး ခေါင်းစဉ်မှာ…</p> <p style="text-align:justify">ရှေးဟောင်းအရှေ့တိုင်း၏ နောက်ဆုံးရောင်နီပျိုးချိန်လော။</p> <p style="text-align:justify">ကျူပင်ချောက်နက်ကို စူးစမ်းရှာဖွေခြင်း၊ ဟွာနိုင်ငံ ရှူအဲရှာ၏ ကြယ်ငါးပွင့်အဖွဲ့ အထိအခိုက်အကျအဆုံး များပြားခြင်း။</p> <p style="text-align:justify">လင်းဖေး အနည်းငယ် လန့်သွားသည်။ "ကြယ်ငါးပွင့်" ဟူသော အသုံးအနှုန်းကို သူ ကြားဖူးသည်။ လုရှို့ယာ၊ ကောင်းကဲ၊ ပင်းလော်နှင့် အခြားနှစ်ဦးတို့ ပါဝင်ပြီး အားလုံးမှာ B အဆင့် စွမ်းအားရှင်များဖြစ်ကြကာ ကြယ်ငါးပွင့်အဖွဲ့ဟု လူသိများသည်။ ဤငါးဦးမှာ ဟွာနိုင်ငံတစ်ခုလုံး၏ ထိပ်တန်းစွမ်းအားရှင်များဖြစ်သည်။ သို့သော် ဤကိစ္စများက ယခု သူ့နှင့် မသက်ဆိုင်တော့ပေ။</p> <p style="text-align:justify">သူ ဆက်ဖတ်လိုက်သည်။</p> <p style="text-align:justify">သန့်ရှင်းသော ဘုရားကျောင်းတော်၏ အယူဝါဒဂိုဏ်းများကြား အသေးစား တိုက်ပွဲများ ထပ်မံဖြစ်ပွားခဲ့ပြီး ပစိဖိတ်သမုဒ္ဒရာ အလယ်ပိုင်းတွင် အဆင့်သုံး ဆူနာမီဖြစ်ပေါ်စေကာ နိုင်ငံအသီးသီး၏ ကမ်းရိုးတန်းမြို့များကို ထိခိုက်စေလိမ့်မည်။ ဗိမာန်တော်၏ အထက်တန်းလွှာများက သတိပေးထားသည်မှာ - အလားတူ အခြေအနေမျိုး ထပ်ဖြစ်လျှင် အပြစ်ပေးအရေးယူမှုများ ပြုလုပ်မည် ဟုဖြစ်သည်။ အခြေအနေက စစ်အေးကာလ အကျပ်အတည်းသို့ ရုတ်တရက် ရောက်ရှိသွားသည်။</p> <p style="text-align:justify">မှော်ကျောက်တိုင် လုယူပွဲပြီးနောက် နတ်ဘုရားလက်နက် အဲလ်ရစ်၏ တန်းတူညီမျှခြင်း ဝက်အူရစ်ကို လွန်ခဲ့သော ၁၅ ရက်က အောင်မြင်စွာ သွန်းလုပ်နိုင်ခဲ့သည်။ ဤအရာက မှော်လောကအတွက် သုံးပွင့်ဆိုင်ခေတ်တစ်ခေတ် ရောက်ရှိလာခြင်းကို ရှေ့ပြေးနိမိတ်ပြလိုက်ခြင်းပင်။ ဝက်အူရစ်မျှော်စင်သည် နတ်ဘုရားလက်နက် ပိုင်ဆိုင်ထားသော တတိယမြောက် မှော်မျှော်စင်ဖြစ်လာပြီး မှော်ကျောက်တိုင်အတွက် တိုက်ပွဲအသစ်တွင် ပါဝင်လာတော့မည်။</p> <p style="text-align:justify">အာဖရိကတွင် နဂါးလှံ ပဋိပက္ခသည် သန့်ရှင်းသော ဘုရားကျောင်းတော်၏ ရှုံးနိမ့်မှုဖြင့် ပြီးဆုံးခဲ့ပြီး နဂါးသတ်လှံ ပျောက်ဆုံးနေကြောင်း ကြေညာခဲ့သည်။ ဒေသခံ မှော်ဆရာများက အခြေအနေကို မသိနားမလည်ကြောင်း ကြေညာခဲ့ကြသည်။ သီရိလင်္ကာမှ ကာဒီနယ်က တာဝန်ယူသည့်အနေဖြင့် နုတ်ထွက်ကြောင်း ကြေညာခဲ့သည်။</p> <p style="text-align:justify">အတွင်းကမ္ဘာ၏ တောက်ပသောကြယ်ပွင့် နိုလန်လာမြို့က ညဉ့်နက်မျှော်စင်ထံသို့ ရာဇသံပေးပို့လိုက်သည်မှာ - သစ္စာဖောက်ခေါင်းဆောင်ကို လက်မအပ်ပါက အတင်းအကျပ် အရေးယူဆောင်ရွက်မှုများ ပြုလုပ်မည် ဟုဖြစ်သည်။</p> <p style="text-align:justify">......</p> <p style="text-align:justify">.......</p> <p style="text-align:justify">သတင်းအချက်အလက် စာကြောင်းများက သာမန်လူများ လုံးဝမသိရှိသော ဤကမ္ဘာ၏ အခြားဘက်ခြမ်းကို ကိုယ်စားပြုနေသည်။</p> <p style="text-align:justify">အနည်းငယ် စဉ်းစားပြီးနောက် လင်းဖေးက ကြယ်ငါးပွင့်အဖွဲ့၏ ထိခိုက်သေဆုံးမှု သတင်းကို ဖွင့်လိုက်သည်။</p> <p style="text-align:justify">မျက်နှာပြင်တစ်ခုလုံးနီးပါး နေရာယူထားသော ဓာတ်ပုံတစ်ပုံ ပေါ်လာသည်။ အလယ်ဗဟိုတွင် ကြံ့ခိုင်သန်စွမ်းသော အမျိုးသမီးတစ်ဦးရှိနေပြီး လုရှို့ယာပင်ဖြစ်သည်။</p> <p style="text-align:justify">အဝေးမှကြည့်လျှင် သူမသည် တစ်ချိန်က ပိုင်ဆိုင်ခဲ့သော အားကောင်းသည့် အရှိန်အဝါ လုံးဝ ပျောက်ဆုံးနေပြီး ဓားမကြီးတစ်ဝက်ကိုသာ ကိုင်ဆောင်ထားကာ ခြောက်သွေ့သော သဲမြေပြင်ပေါ်တွင် သွေးများဖြင့် လျှောက်လှမ်းနေသည်။ သူမ၏ နောက်ဘက်တွင် မည်းနက်ပြီး အောက်ခြေမမြင်ရသော ချောက်ကမ်းပါးနက်ကြီး တစ်ခုရှိနေသည်။</p> <p style="text-align:justify">အောက်ဘက်ရှိ အသေးစိတ် အချက်အလက်များမှာ ဂျာမန်ဘာသာဖြင့်ဖြစ်သည်။</p> <p style="text-align:justify">"ရှူအဲရှာရဲ့ ကြယ်ငါးပွင့်အဖွဲ့က ဒီတစ်ခေါက် ကျူပင်ချောက်နက်ထဲကို ဘာလို့ ဝင်သွားသလဲ ဆိုတာ ကျွန်တော်တို့ မသိရသလို၊ လေးယောက်ထဲက လုရှို့ယာ တစ်ယောက်တည်း ဘာလို့ ပြန်ရောက်လာသလဲ ဆိုတာကိုလည်း နားမလည်ပါဘူး။ တခြား B အဆင့် စွမ်းအားရှင် သုံးယောက်ကရော ဘယ်ရောက်သွားပါသလဲ။ ကျွန်တော်တို့ ဘာမှ မသိရပါဘူး"</p> <p style="text-align:justify">"အတွင်းကမ္ဘာရဲ့ အန္တရာယ်အရှိဆုံး နေရာဆယ်ခုထဲက တစ်ခုလို့ သတ်မှတ်ထားတဲ့ ကျူပင်ချောက်နက်… ဒီဖြစ်ရပ်က လူသားတွေအတွက် ကျူးကျော်၍မရနိုင်တဲ့ ဂုဏ်သိက္ခာကို ပြသလိုက်တာဖြစ်ကောင်းဖြစ်နိုင်ပါတယ်။ ဒီစူးစမ်းရှာဖွေမှုမှာ ဟွာနိုင်ငံက ပြင်ဆင်ထားတဲ့ ကြီးမားတဲ့ လူအင်အားနဲ့ အရင်းအမြစ်တွေ ပါဝင်ခဲ့ပါတယ်။ ကြယ်ငါးပွင့်အဖွဲ့ထဲက ကောင်းကဲကလွဲပြီး အားလုံး ကျူပင်ချောက်နက်ထဲ ဝင်ရောက်ခဲ့ပါတယ်။ သူတို့ရဲ့ ရည်ရွယ်ချက်ကို မသိရပေမဲ့ လက်ရှိလက္ခဏာတွေအရ သူတို့ ကျရှုံးခဲ့တာ သေချာပါတယ်။ တစ်ချိန်တည်းမှာပဲ သူတို့ရဲ့ ပြိုင်ဘက်ဟောင်း ညဉ့်နက်မျှော်စင်က တောက်ပသောကြယ်ပွင့် နိုလန်လာမြို့ရဲ့ ပုန်ကန်မှုမုန်တိုင်း အလယ်ဗဟိုကို ရောက်နေပါတယ်။ ဒီအရာအားလုံးက တိုက်ဆိုင်မှုလား… ဒါမှမဟုတ် ကြိုတင်ကြံစည်မှုလား"</p> <p style="text-align:justify">လင်းဖေးက မောက်စ်ကို နှစ်ချက်နှိပ်လိုက်ရာ လုရှို့ယာ၏ ပုံရိပ်က မျက်နှာပြင်တစ်ခုလုံး ချက်ချင်း ပြည့်သွားသည်။</p> <p style="text-align:justify">"သူ့လိုလူကိုတောင် ဒီလောက် ဒဏ်ရာရစေတယ်ဆိုတော့… ဒီကမ္ဘာကြီးက တကယ်ပဲ ကျယ်ပြောတာပဲ"</p> <p style="text-align:justify">ဒါပေမဲ့ မကြာခင်… သိပ်မကြာခင်မှာ သူလည်း သူတို့နဲ့ တန်းတူအဆင့်ကို ရောက်ရှိလာတော့မည်။ သူတို့ကို ကျော်တက်နိုင်ရမည်။</p> <p style="text-align:justify">သူ သတင်းကို ပိတ်လိုက်သည်။ လင်းဖေးက မာတိကာ စာမျက်နှာကို လှန်လိုက်သည်။ သူ့အတွက် စိတ်ဝင်စားစရာကောင်းပြီး အသုံးဝင်မည့် သတင်းများကို သူ့အကြည့်က အဆက်မပြတ် ရှာဖွေနေသည်။</p> <p style="text-align:justify">ဒုတိယစာမျက်နှာ၏ အလယ်လောက်တွင် ခေါင်းစဉ်တစ်ခုက သူ့အာရုံကို ဖမ်းစားလိုက်သည်။</p> <p style="text-align:justify">အသစ်ရှာဖွေတွေ့ရှိထားသော အတွင်းကမ္ဘာ ဝင်ပေါက် - အဲလိဆာတံခါးပေါက်။</p> <p style="text-align:justify">သူက ဤခေါင်းစဉ်ကို ညင်သာစွာ ဖွင့်လိုက်သည်။</p> <p style="text-align:justify">မရေမတွက်နိုင်သော ထူးဆန်းသည့် ပုံစံများ ထွင်းထုထားသည့် လေးထောင့်စပ်စပ် အနက်ရောင် သတ္တုတံခါးတစ်ချပ်က သစ်ရွက်များနှင့် သစ်ကိုင်းများ ဝန်းရံထားမှုကြားမှ အထီးကျန်စွာ ပေါ်ထွက်နေသည်။ တံခါးကို ထူထဲသော စပျစ်နွယ်ပင်များနှင့် ရေညှိများ ဖုံးလွှမ်းနေသည်။ ၎င်း၏ဘေးတွင် အစိမ်းရောင်စပါးအုံးမြွေကြီးတစ်ကောင် ဓာတ်ပုံထဲ မတော်တဆ ပါလာသည်။</p> <p style="text-align:justify">"အတွင်းကမ္ဘာ ဝင်ပေါက်ကို ပထမဆုံး ရှာဖွေတွေ့ရှိခဲ့သူ အဲလိဆာကို အစွဲပြုပြီး အဲလိဆာတံခါးပေါက်လို့ အမည်ပေးထားပါတယ်။ ဒီဓာတ်ပုံကို ပေးပို့ခဲ့သူ ပျောက်ဆုံးသွားခဲ့ပေမဲ့ ဒီလျှို့ဝှက်ဆန်းကြယ်တဲ့ ပုဂ္ဂိုလ်က ဓာတ်ပုံပို့ပြီး နောက်တစ်နေ့မှာ ခြေရာလက်ရာမကျန် ပျောက်ကွယ်သွားပါတယ်။ အခု ဗိမာန်တော်က ဒီဖြစ်ရပ်မှန်ကန်မှုကို စုံစမ်းစစ်ဆေးရာမှာ ပါဝင်လာပါပြီ"</p> <p style="text-align:justify">"အဲလိဆာတံခါးပေါက်က အတွင်းကမ္ဘာထဲကို ဝင်ရောက်နိုင်တာလား" လင်းဖေးက ဒီနာမည်ကို မှတ်သားလိုက်သည်။ သူ သတင်းကို ပိတ်လိုက်သည်။</p> <p style="text-align:justify"> </p> <p style="text-align:justify"> </p> <p style="text-align: center;">အခန်း (၂၂၇) ပြီး</p> <p style="text-align: center;">***</p>


Save