Book List

<h2 style="text-align: center;">အခန်း (၂၂၈)</h2> <h2 style="text-align: center;">သတင်းအချက်အလက် (၂)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">ပြောရမည်ဆိုလျှင် သူသည် အတွင်းကမ္ဘာတစ်ခုလုံးအကြောင်းကို မသဲမကွဲသာ နားလည်ထားခဲ့သော်လည်း ဆစ် ပေးပို့လိုက်သော "မှော်ဆရာ့မျက်လုံး" မဂ္ဂဇင်းက သူ့ကို ကမ္ဘာကြီးအကြောင်း ခြုံငုံနားလည်နိုင်ရန် လမ်းစတစ်ခု ပေးလိုက်သည်။</p> <p style="text-align:justify">ဒုတိယစာမျက်နှာကို လှန်လိုက်ပြီး ဖျော်ဖြေရေးနှင့် နေထိုင်မှုပုံစံ သတင်းများကို ကျော်သွားလိုက်သည်။ နောက်ဆုံးပိတ်ပုဒ်မ ပါဝင်သော ပဉ္စမစာမျက်နှာသို့ ရောက်သည်အထိပင်။</p> <p style="text-align:justify">"နှစ်များတစ်လျှောက် ကျွန်ုပ်တို့၏ စာဖတ်ပရိသတ်များထံမှ ခိုင်မာသော ပံ့ပိုးမှုများကို ကျေးဇူးတုံ့ပြန်သောအားဖြင့်၊ မှော်ဆရာ့မျက်လုံး မဂ္ဂဇင်းသည် အတွင်းကမ္ဘာနှင့် အပြင်ကမ္ဘာ နှစ်ခုစလုံးရှိ အဓိကကုန်သွယ်ရေးစခန်းများ၏ ကုန်ပစ္စည်း ဦးစားပေးမှုများနှင့် အသေးစိတ် အချက်အလက်များကို စာရင်းပြုစု ဖော်ပြထားပါသည်"</p> <p style="text-align:justify">အပြင်ကမ္ဘာ -</p> <p style="text-align:justify">ဥရောပ ပထမ ကုန်သွယ်ရေးစခန်း - ....</p> <p style="text-align:justify">ဥရောပ ကြွယ်ဝမှု ဘေးမဲ့တော - ....</p> <p style="text-align:justify">လင်းဖေးက သတင်းအချက်အလက်များကို အမြန်ဖတ်ရှုလိုက်သည်။ ဤအချက်အလက်များက သူ့အတွက် အလွန်တန်ဖိုးရှိသည်မှာ သံသယဖြစ်စရာ မလိုပေ။ အကြောင်းမှာ သူသည် အတွင်းကမ္ဘာနှင့် အမှန်တကယ် ဆက်သွယ်နိုင်မည့် လမ်းကြောင်းတစ်ခု အမြဲတမ်း ကင်းမဲ့နေခဲ့သောကြောင့်ဖြစ်သည်။ ဤအရာက သူ့ကို ထိုအခွင့်အရေး ပေးနိုင်ပေလိမ့်မည်။ ကုန်သွယ်ရေးစခန်းတစ်ခုစီ၏ နောက်တွင် နောက်ခံသမိုင်းကြောင်း အကျဉ်းချုပ်နှင့် တည်နေရာ အတိအကျကို ပူးတွဲဖော်ပြထားသည်။ အဓိကအားဖြင့် မည်သည့် ကုန်သွယ်မှုများက အမြတ်အစွန်း အများဆုံးရနိုင်ကြောင်းနှင့် အခြားသော ပြည့်စုံသည့် အချက်အလက်များ ပါဝင်သည်။</p> <p style="text-align:justify">လင်းဖေး တန်ဖိုးအထားဆုံးမှာ ကုန်သွယ်ရေးစခန်းများ၏ တည်နေရာ၊ အရောင်းအဝယ် ပြုလုပ်သည့် နည်းလမ်းများနှင့် လုပ်ထုံးလုပ်နည်းများဖြစ်သည်။</p> <p style="text-align:justify">ဥရောပနှင့် အမေရိကတို့ကို အမြန်ကျော်သွားပြီးနောက် အာရှသို့ ရောက်ရှိလာသည်။</p> <p style="text-align:justify">ပစိဖိတ်သမုဒ္ဒရာ ကုန်သွယ်ရေးစခန်း… အထက်ပါစာရင်းတွင် ဖော်ပြထားသော အာရှတိုက်၏ တစ်ခုတည်းသော ကုန်သွယ်ရေးစခန်း။</p> <p style="text-align:justify">"စွမ်းအားကြီးသူ အများစုက အတွင်းကမ္ဘာတွင်သာ လှုပ်ရှားကြသောကြောင့် နှိုင်းယှဉ်ကြည့်လျှင် အပြင်ကမ္ဘာရှိ ကုန်သွယ်ရေးစခန်းများမှာ အလွန်ရှားပါးသည်။ အာရှတွင် ငါးခုသာရှိသည်။ အကြီးဆုံးဖြစ်သော ပစိဖိတ်သမုဒ္ဒရာ ကုန်သွယ်ရေးစခန်းသည် ဟွာနိုင်ငံ မြို့တော်၏ ကုန်းတွင်းပိုင်းအနီးတွင် တည်ရှိသည်။ နတ်ဘုရားဗိမာန်တော်၏ ကျောထောက်နောက်ခံရှိသည်ဟု ဆိုကြပြီး အဓိကအားဖြင့် ဈေးသက်သာသော ကုန်ပစ္စည်းများ၊ လူသုံးကုန်ပစ္စည်းများနှင့် ကုန်ကြမ်းပစ္စည်းအမျိုးမျိုးကို စုဆောင်းရောင်းဝယ်ကြသည်။</p> <p style="text-align:justify">ကုန်သွယ်ရေးစခန်းသို့ ဝင်ရောက်နိုင်သည့် နည်းလမ်း...." ဤစာသား၏ နောက်တွင် လူအချို့ကို မည်သို့ရှာဖွေရမည်၊ ကုန်သွယ်ရေးစခန်းသို့ အသုတ်လိုက် မည်သို့ဝင်ရောက်ရမည် စသည့် လုပ်ထုံးလုပ်နည်း အဆင့်ဆင့် ပါရှိသည်။ လိုအပ်သော ကြိုတင်ကာကွယ်မှုများနှင့် အခြားအချက်အလက်များလည်း ပါဝင်သည်။</p> <p style="text-align:justify">လင်းဖေးက တိတ်တဆိတ် မှတ်သားလိုက်သည်။ လက်ရှိ သူ၏ မှတ်ဉာဏ်စွမ်းရည်ဖြင့် မြင်လိုက်သည်ကို မမေ့ရန် အလွန်လွယ်ကူသည်။</p> <p style="text-align:justify">"နွေးထွေးသော အကြံပြုချက် - ပစိဖိတ်သမုဒ္ဒရာ ကုန်သွယ်ရေးစခန်းသည် အလွန်ကျယ်ဝန်းပြီး အာရှကြေးစားစစ်သည်တော်များ ဂိုဏ်းနှင့် ဇီဝဆေးဝါးလုပ်ငန်းစု နှစ်ခုစလုံး၏ ရုံးခွဲများ အတွင်းပိုင်းတွင်ရှိသည်။ အထူးဆေးဝါးများ ဝယ်ယူလိုသူများနှင့် ကြေးစားစစ်သည်တော်များ ငှားရမ်းလိုသူများ အဆင်ပြေစွာ ရှာဖွေတွေ့ရှိနိုင်ပါသည်"</p> <p style="text-align:justify">ဤသတင်းအတိုအထွာများမှတစ်ဆင့် လင်းဖေးက ရှင်းလင်းသော သတင်းအချက်အလက် တစ်ခုကို ပိုင်းခြားသိမြင်လိုက်သည်။</p> <p style="text-align:justify">ထိုအရာမှာ ဟွာနိုင်ငံရှိ ရှူအဲရှာသည် စစ်မှန်သော အတွင်းကမ္ဘာနှင့် အပြင်ကမ္ဘာကြားတွင် မျောပါနေသော အဖွဲ့အစည်းတစ်ခု အမြဲတမ်းဖြစ်ခဲ့သည် ဟူသော အချက်ပင်။ ဤသည်မှာ သူ ယခင်က ဤလမ်းကြောင်းများကို ဝင်ရောက်ခွင့် မရခဲ့သည့် အကြောင်းရင်းဖြစ်နိုင်သည်။</p> <p style="text-align:justify">အတွင်းကမ္ဘာတွင် ကိုယ်ပိုင် ပြီးပြည့်စုံသော လူနေမှုပုံစံ၊ ကိုယ်ပိုင် ပြီးပြည့်စုံသော စက်ဝန်းရှိပြီး အပြင်ကမ္ဘာနှင့် အဆက်ဖြတ်ခံလိုက်ရလျှင်ပင် ကြီးမားသော ထိခိုက်မှုရှိနိုင်မည် မဟုတ်ပေ။ ၎င်းသည် သီးခြားလွတ်လပ်ပြီး သီးသန့်ဖြစ်နေသော စက်ဝန်းတစ်ခုဖြစ်သည်။</p> <p style="text-align:justify">သတင်းအချက်အလက်များကို အလဟဿ မဖြစ်စေချင်သဖြင့် လင်းဖေးက မဂ္ဂဇင်းပါ အကြောင်းအရာ အားလုံးကို အလွတ်မှတ်သားလိုက်ပြီး အီးမေးလ်ကို ပိတ်လိုက်သည်။ ပိတ်လိုက်သည်နှင့် အီးမေးလ်က အလိုအလျောက် ပျောက်ကွယ်သွားပြီး စာတစ်ကြောင်း ပေါ်လာသည်။</p> <p style="text-align:justify">"ဒီမဂ္ဂဇင်းရဲ့ ဖတ်ရှုနိုင်တဲ့ အကြိမ်ရေက သုညဖြစ်သွားပါပြီ… ပြန်လည်စာရင်းသွင်းဖို့ ကြိုဆိုပါတယ်။ စံပေါက်ဈေး - တစ်စောင်လျှင် ယူရို ၁၅၀,၀၀၀။ ဖတ်ရှုနိုင်သည့် အကြိမ်အရေအတွက် - ငါးကြိမ်။ စာရင်းသွင်းရန် နည်းလမ်း - ငွေပေးချေရန် အသုံးပြုလိုသော ဘဏ်ကတ် သို့မဟုတ် ဘဏ်စာအုပ်တွင် ဤစွမ်းအင်အရှိန်အဝါကို ပူးတွဲပေးပို့ပါ… ငွေပေးချေရန်အတွက် သက်ဆိုင်ရာ ယူရိုငွေကြေးသို့ ကျွန်ုပ်တို့ အဝေးမှ ပြောင်းလဲပေးပါမည်" ဤဂျာမန်စာသားသည် မျက်နှာပြင်အလယ်တွင် ဆယ်စက္ကန့်ကျော်ကြာ လက်နေပြီးနောက် ဖြည်းညင်းစွာ ပျောက်ကွယ်သွားသည်။ ထို့နောက် အရောင်မဲ့ပြီး ဖောက်ထွင်းမြင်နိုင်သော လှိုင်းတစ်ခု မျက်နှာပြင်မှ ပျံထွက်လာပြီး ဂီတသင်္ကေတကဲ့သို့ တွန့်လိမ်နေသော သင်္ကေတတစ်ခုအဖြစ် ဖွဲ့စည်းကာ ဖဲကြိုးတစ်စသဖွယ် လင်းဖေး၏ ညာဘက်လက်ပေါ်သို့ အလိုအလျောက် ပျံဝဲရောက်ရှိလာသည်။</p> <p style="text-align:justify">ဤစွမ်းအင် သတင်းအချက်အလက်မှာ အလွန်စင်ကြယ်ပြီး ပုံမှန်မဟုတ်သော အရာများ မရှိဘဲ အလွန်တည်ငြိမ်နေကြောင်း လင်းဖေး ရှင်းရှင်းလင်းလင်း ခံစားလိုက်ရသည်။ ချီစွမ်းအင်၏ မြင့်မားသော အာရုံခံနိုင်စွမ်းဖြင့် လေ့လာကြည့်ရာ ဤသတင်းအချက်အလက်တွင် အလိုအလျောက် ပေးပို့ခြင်းနှင့် ခြေရာခံခြင်း လုပ်ဆောင်ချက်များ မပါရှိသလို အန္တရာယ်ဖြစ်စေသော သက်ရောက်မှုများလည်း မရှိကြောင်း တွေ့ရသည်။ ထူးခြားသော အရှိန်အဝါများကို မှတ်တမ်းတင်ရန် ရည်ရွယ်ချက်သက်သက် အတွက်သာဖြစ်ပုံရသည်။</p> <p style="text-align:justify">သူက ညာဘက်လက်ဖမိုးကို မြှောက်ပြီး အာရုံစိုက်လိုက်သည်။ စာတစ်ကြောင်း အလိုအလျောက် ပေါ်လာသည်။</p> <p style="text-align:justify">"ဤသတင်းအချက်အလက်တွင် မှတ်တမ်းတင်ခြင်းနှင့် ဦးတည်ရာ ပျံသန်းခြင်း လုပ်ဆောင်ချက်သာ ပါရှိသည်။ ကျေးဇူးပြု၍ ဖယ်ရှားခြင်း မပြုပါနှင့်။ ထုတ်ကုန်ကို ကြီးကြပ်ရေးကော်မတီမှ ဘေးကင်းရေးလက်မှတ် ထုတ်ပေးထားပါသည်" စာကြောင်း၏ အဆုံးတွင် ဖျော့တော့သော ရွှေရောင် ငှက်ပုံသဏ္ဌာန် အမှတ်အသားတစ်ခု ကျန်ရစ်ခဲ့သည်။ စာသားက လျင်မြန်စွာ ပျောက်ကွယ်သွားသည်။</p> <p style="text-align:justify">ငွေရောင် ဂီတသင်္ကေတ၏ အရောင်အဝါလည်း တဖြည်းဖြည်း မှေးမှိန်သွားသည်။</p> <p style="text-align:justify">အီးမေးလ်ကို ပိတ်ပြီးနောက် လင်းဖေးက ပစိဖိတ်သမုဒ္ဒရာ ဆူနာမီကြီးနှင့် ပတ်သက်သော သတင်းများကို ရှာဖွေလိုက်သည်။ မျှော်လင့်ထားသည့်အတိုင်း မီဒီယာများစွာက ဤကြီးမားသောဖြစ်ရပ်ကို အပြိုင်အဆိုင် သတင်းယူနေကြသည်။ ကံကောင်းထောက်မစွာ ၎င်းသည် ပစိဖိတ်သမုဒ္ဒရာ အလယ်ပိုင်းဒေသတွင်ဖြစ်ပွားခဲ့ပြီး ပြင်းထန်သော သေဆုံးဒဏ်ရာရမှု မရှိခဲ့သော်လည်း အမေရိကန်နှင့် ဖိလစ်ပိုင်ကဲ့သို့ နိုင်ငံများ၏ ကမ်းရိုးတန်းများတွင် သက်ရောက်မှုနှင့် ပျက်စီးဆုံးရှုံးမှု အချို့ဖြစ်ပေါ်စေခဲ့သည်။ တိကျသော အကြောင်းရင်းကို စုံစမ်းစစ်ဆေးနေဆဲဖြစ်သည်။</p> <p style="text-align:justify">နောက်ဆုံးတွင် ဆစ်၏ ကိစ္စနှင့် ပတ်သက်ပြီး လင်းဖေးက ခဏတာ တုံ့ဆိုင်းနေသော်လည်း သူ့ထံ အီးမေးလ် ပေးပို့လိုက်သည်။ ဘာပဲဖြစ်ဖြစ် သူက ဆစ်ကို မကြိုက်သော်လည်း သူ့ကို အပ်နှင်းထားသော တာဝန်တစ်ခုကြောင့် ဒဏ်ရာရခဲ့ခြင်းဖြစ်သဖြင့် စစ်မှန်သော လိမ်ညာမှုမျိုးစေ့ကို အသုံးပြုပြီး ပြန်လည်သက်သာအောင် ကူညီပေးခြင်းက မှန်ကန်ပေသည်။ ဤသည်မှာ B အဆင့် စွမ်းအားကြီးပုဂ္ဂိုလ်တစ်ဦးကို သူ့လက်ထဲတွင် မြဲမြံစွာ ဆုပ်ကိုင်ထားနိုင်ရန်လည်း အာမခံချက်ဖြစ်စေလိမ့်မည်။</p> <p style="text-align:justify">နောက်ထပ် ခဏကြာ ထိုင်ပြီးနောက် လင်းဖေးက မတ်တတ်ရပ်ကာ ကတ်ပွတ်ပြီး log out လုပ်လိုက်သည်။</p> <p style="text-align:justify">အီလက်ထရွန်နစ် စာဖတ်ခန်းမှ ထွက်လာရာ အေးမြသောလေပြည်က သူ့မျက်နှာကို လာရောက်ထိတွေ့သည်။ အတွင်းဘက်ရှိ ကွန်ပျူတာ အများအပြားမှ ထွက်ပေါ်နေသော အပူရှိန်နှင့် နှိုင်းယှဉ်လျှင် အပြင်ဘက် အပူချိန်က သိသိသာသာ နိမ့်ကျနေသည်။</p> <p style="text-align:justify">စစ်ရေးလေ့ကျင့်မှု ဝတ်စုံထည့်ထားသော အိတ်ကို သယ်ဆောင်လျက် ကစားကွင်းမှ အော်ဟစ်သံများနှင့် ဘတ်စကတ်ဘောဘောလုံး ဘိလပ်မြေကြမ်းပြင်ကို ရိုက်ခတ်သံများကို သူ ကြားနေရဆဲပင်။ စင်္ကြံလမ်း၏ အရိပ်ထဲတွင် ရပ်နေစဉ် အပြင်ဘက် နေရောင်ခြည်က အနည်းငယ် စူးရှနေသည်။ လေထုထဲတွင် စာကြည့်တိုက်ရှိ စာအုပ်အမြောက်အမြားမှ မင်နံ့သင်းသင်းလေးနှင့်အတူ လန်းဆန်းစေသော အေးမြသည့် အရိပ်အယောင်များ ရောနှောနေသည်။</p> <p style="text-align:justify">ပုံမှန်မဟုတ်သော တည်ငြိမ်မှုတစ်ခု လင်းဖေး၏ နှလုံးသားတစ်ခုလုံးကို ဖြည့်ဆည်းသွားသည်။</p> <p style="text-align:justify">အတွင်းကမ္ဘာမှသည် အပြင်ကမ္ဘာရှိ သူ၏ ကိုယ်ပိုင်ဘဝ၊ အပြင်ကမ္ဘာရှိ သာမန်တက္ကသိုလ်တစ်ခု၊ ထိုတက္ကသိုလ်၏ စာကြည့်တိုက်တစ်ခုဆီသို့…</p> <p style="text-align:justify">နှစ်ခုကြား ကွာခြားချက်က ရိုးရှင်းစွာပင် ကြီးမားလွန်းလှသည်။</p> <p style="text-align:justify">သိပ်ကြီးမားလွန်းလှသဖြင့် လင်းဖေးအနေဖြင့် မတွေးဘဲနေရန် ရွေးချယ်လိုက်လျှင် တိတ်ဆိတ်အေးဆေးစွာဖြင့် သာမန်လူတစ်ယောက်၏ ဘဝအတိုင်း ဆက်လက်ရှင်သန်သွားနိုင်သည်ဟု ခံစားမိသည်။ စွမ်းအားရှင်များဆိုတာ ဘာလဲ၊ အတွင်းကမ္ဘာဆိုတာ ဘာလဲဆိုသည်ကို သူ ဘယ်တော့မှ သိလိမ့်မည် မဟုတ်ပေ။</p> <p style="text-align:justify">သာမန်တက္ကသိုလ်ကျောင်းသားတစ်ယောက်လို အတန်းတက်၊ အဆောင်ပြန်၊ ဂိမ်းဆော့၊ စာလေ့လာ၊ ဈေးဝယ်ထွက်ပြီး အတူတူ ထမင်းစားဖို့ ကောင်မလေးတစ်ယောက်ယောက်ရှာ၊ အဆောင်သူငယ်ချင်းတွေနဲ့ အပြင်ထွက် သောက်စား… ပြီးရင် အနာဂတ်အလုပ်အကိုင်၊ မိသားစုပူပန်မှုတွေနဲ့ ပညာရေးအခက်အခဲတွေကို ဆွေးနွေး…</p> <p style="text-align:justify">ထိုကဲ့သို့သော ဘဝမျိုးက တိတ်ဆိတ်ပြီး ငြိမ်းချမ်းလှသည်။</p> <p style="text-align:justify">ဒါပေမဲ့ အဲဒါက လင်းဖေး လိုချင်သော ဘဝမဟုတ်ပေ။</p> <p style="text-align:justify">သို့သော် လက်ရှိအချိန်တွင် သူ တတ်နိုင်သည်မှာ စိတ်ရှည်ရှည်ဖြင့် စောင့်ဆိုင်းရန်၊ သူ့ခန္ဓာကိုယ် ပြန်လည်ကောင်းမွန်လာမည့်အချိန်ကို စောင့်ဆိုင်းရန်သာဖြစ်သည်။ သူက ချီစွမ်းအင်ကို မသုံးနိုင်၊ ဓားသိုင်းပညာကို အလွန်အကျွံ မလေ့ကျင့်နိုင်။ သူ စောင့်ဆိုင်းရုံသာ တတ်နိုင်တော့သည်။</p> <p style="text-align:justify">သူက ဓာတ်လှေကားထဲသို့ ဝင်လိုက်သည်။ အတွင်းတွင် သူတစ်ယောက်တည်းသာရှိပြီး ပထမထပ် ခလုတ်ကို နှိပ်လိုက်ရုံသာရှိသေးသည်။</p> <p style="text-align:justify">“ခဏလောက် စောင့်ပါဦး”</p> <p style="text-align:justify">သာယာသော အမျိုးသမီးအသံတစ်သံ တံခါးအပြင်ဘက်မှ ရုတ်တရက် ထွက်ပေါ်လာပြီး စာအုပ်များကို ပိုက်ထားသော မျက်မှန်နှင့် ဆံပင်ရှည်ရှည် ကောင်မလေးတစ်ယောက် ဓာတ်လှေကားထဲသို့ အလျင်အမြန် ဝင်လာသည်။ သူမ၏ နောက်တွင် အနက်ရောင် ကျောပိုးအိတ်ကို လွယ်ထားသော အရပ်ရှည်ရှည်၊ အချိုးကျပြီး ရုပ်ဖြောင့်ဖြောင့် လူငယ်တစ်ဦး ဓာတ်လှေကားထဲသို့ ဝင်လာသည်။</p> <p style="text-align:justify">လူငယ်က ဓာတ်လှေကားထဲရှိ လင်းဖေးကို လှမ်းကြည့်လိုက်သည်။ သူ ခဏတာ တုံ့ဆိုင်းသွားပြီးနောက် လင်းဖေးနှင့် ကောင်မလေးကြား အလယ်တည့်တည့်တွင် ဝင်ရပ်လိုက်သည်။</p> <p style="text-align:justify">တင်း!</p> <p style="text-align:justify">ဓာတ်လှေကားတံခါးများ အလိုအလျောက် ပိတ်သွားသည်။</p> <p style="text-align:justify">လူငယ်က ဆင်းသက်နေသော အထပ်များကို မော့ကြည့်လိုက်သည်။</p> <p style="text-align:justify">သက်ပြင်းချသံနှင့် တူနေသည်။</p> <p style="text-align:justify">“ဒီနေ့ ဓာတ်လှေကားက ဘာလို့ ဒီလောက် နှေးနေတာလဲ… တမြန်နေ့ကလည်း ပျက်ထားတာ… ဒီနေ့လည်း ထပ်ဖြစ်ပြန်ပြီလို့တော့ မပြောနဲ့နော်”</p> <p style="text-align:justify">“တကယ်လား” မျက်မှန်နှင့် ကောင်မလေးက ဝင်ပြောလိုက်သည်။</p> <p style="text-align:justify">“ငါ ဒီရက်ပိုင်း ဒီမှာရှိနေတာပဲ… ဓာတ်လှေကားပျက်တာ ဘာလို့ မသိလိုက်ရတာလဲ”</p> <p style="text-align:justify">“သူတို့ အမြန်ပြင်လိုက်တာလေ” ရုပ်ဖြောင့်ဖြောင့်နဲ့ ကောင်လေးက ပြုံးပြီး ပြောလိုက်သည်။ သူ့အကြည့်က လင်းဖေး ကိုင်ထားသော စစ်ရေးလေ့ကျင့်မှု ဝတ်စုံအိတ်ပေါ်သို့ ကျရောက်သွားသည်။</p> <p style="text-align:justify">“ကျောင်းသား… မင်းက ဒီနှစ် ကျောင်းသားသစ်မလား”</p> <p style="text-align:justify">လင်းဖေးက ခေါင်းညိတ်လိုက်သည်။</p> <p style="text-align:justify">“ငါ့ဝမ်းကွဲညီလေးလည်း ဒီနှစ် ယန်မြို့တော်တက္ကသိုလ်ကို ဝင်တာ… သူက မင်းနဲ့ အတန်းတူပဲ”</p> <p style="text-align:justify">ဒီကောင်လေးက အတော်လေး ဖော်ရွေပုံရသည်။ သူက သူ့ဝမ်းကွဲညီလေး၏ မေဂျာအကြောင်းနှင့် ကျောင်းသားသစ်များ သတိထားသင့်သော ကိစ္စရပ်အချို့ကို ချက်ချင်း စပြောတော့သည်။ သူက လင်းဖေး၏ မျက်နှာအမူအရာကို ဂရုတစိုက် လေ့လာရင်း မရပ်မနား ပြောနေသည်။</p> <p style="text-align:justify">“ဟွမ်ရော့ဖေး… တစ်ယောက်ယောက်နဲ့ စကားစမြည်ပြောဖို့ ဒီလိုရိုးအီနေတဲ့ နည်းလမ်းကို သုံးတာ ရပ်လိုက်လို့ မရဘူးလား” မျက်မှန်နှင့် ကောင်မလေးက မတတ်သာသည့်ဟန်ဖြင့် ပြောလိုက်ရာ ဒီကောင်လေးကို သိပုံရသည်။</p> <p style="text-align:justify">“သူတို့က ယဉ်ကျေးမှုအရ မင်းကို သည်းခံနားထောင်ပေးနေရတာဖြစ်နိုင်တယ်… မင်းက သူများတွေကို အနေခက်အောင် လုပ်နေတာပဲ”</p> <p style="text-align:justify">ဟွမ်ရော့ဖေးက မကြားချင်ယောင်ဆောင်ပြီး လင်းဖေးကို ကျောင်းသားသစ်များနှင့် သက်ဆိုင်သော အကြောင်းအရာမျိုးစုံကို ရင်းနှီးကျွမ်းဝင်စွာ ဆက်ပြောနေသည်။ သူ ဘာကြံစည်နေသလဲဆိုတာ အရူးတောင် မြင်နိုင်သည်။</p> <p style="text-align:justify">တင်း!</p> <p style="text-align:justify">နောက်ဆုံးတွင် ဓာတ်လှေကားက ပထမထပ်သို့ ရောက်ရှိသွားသည်။ တံခါးများ ဖြည်းညင်းစွာ ပွင့်လာသည်။ ဓာတ်လှေကားစီးရန် စောင့်ဆိုင်းနေသော ကျောင်းသားများ အပြင်ဘက်တွင် ရပ်နေကြသည်။</p> <p style="text-align:justify">ဟွမ်ရော့ဖေးက နောက်ဆုံးတွင် သူ၏စကားများကို ရပ်တန့်လိုက်သည်။ လင်းဖေးက ဘာမှမတုံ့ပြန်ဘဲ ဓာတ်လှေကားထဲမှ ထွက်ခွာတော့မည်ကို မြင်သောအခါ သူ ရုတ်တရက် စိုးရိမ်လာပြီး အလျင်အမြန် မေးလိုက်သည်။</p> <p style="text-align:justify">“အလှလေး… နာမည် ဘယ်လိုခေါ်လဲ”</p> <p style="text-align:justify">“ဆောရီးပါ… ငါက ယောက်ျားလေးပါ” လင်းဖေးက ပြုံးလျက်ပြောပြီး ဓာတ်လှေကားထဲမှ ခြေလှမ်းကျဲကြီးများဖြင့် ထွက်ခွာသွားသည်။</p> <p style="text-align:justify">ဓာတ်လှေကားထဲတွင် လူနှစ်ယောက် ပါးစပ်အဟောင်းသား ကျန်ရစ်ခဲ့သလို အပြင်ဘက်ရှိ အခြားကျောင်းသားများလည်း တုန်လှုပ်သွားကြသည်။</p> <p style="text-align:justify">ဟွမ်ရော့ဖေးက တံတွေးမြိုချလိုက်သည်။</p> <p style="text-align:justify">“သောက်ကျိုးနည်း!! အဲဒါက တကယ်ပဲ…” သူ နောက်ထပ် စကားတစ်ခွန်း ထွက်လာဖို့ ခဏကြာသွားသည်။</p> <p style="text-align:justify">“အဲဒါက တကယ်ပဲ ထိပ်တန်းအဆင့်ပဲ”</p> <p style="text-align:justify">မျက်မှန်နှင့် ကောင်မလေးက သူ့ကို မျက်လုံးလှန်ကြည့်ပြီး ဓာတ်လှေကားထဲမှ ထွက်ခွာသွားသည်။</p> <p style="text-align:justify"> </p> <p style="text-align:justify">***</p> <p style="text-align:justify"> </p> <p style="text-align:justify">ဖိန်မြို့</p> <p style="text-align:justify">လင်းယိုက သူ့အိပ်ခန်းထဲရှိ ခုတင်ပေါ်တွင် ထိုင်နေပြီး အနည်းငယ် စိတ်မသက်မသာဖြစ်နေသည်။</p> <p style="text-align:justify">ဖေးလ်က စာကြည့်စားပွဲပေါ်တွင် နားနေပြီး အလားတူပင် တိတ်ဆိတ်နေသည်။</p> <p style="text-align:justify">လေထုက တင်းမာနေသည်။</p> <p style="text-align:justify">ခဏအကြာတွင် လင်းယိုက တိုးတိုးလေး ပြောလိုက်သည်။</p> <p style="text-align:justify">“ဖေးလ်… ငါတို့ အခု ဘာလုပ်ကြမလဲ… အက်ဗရယ်မိသားစုက ဒီကိစ္စကို လွှတ်ထားမှာ မဟုတ်ဘူး”</p> <p style="text-align:justify">“မှန်တယ်” ဖေးလ်က ခေါင်းညိတ်လိုက်သည်။</p> <p style="text-align:justify">“ငါတို့ချည်းပဲဆိုရင် အက်ဗရယ်မိသားစုက လူတွေကို ရင်မဆိုင်နိုင်ဘူး… အခု အဓိကဦးစားပေးက နောက်ထပ် စွမ်းအင်တောင်ဝှေး စာချုပ်ရှင်ကို အမြန်ဆုံး ရှာတွေ့ဖို့ပဲ… လူတိုင်းရဲ့ အင်အားကို စုစည်းမှသာ ဒီရန်သူတွေကို အနိုင်ယူနိုင်မှာ… အက်ဗရယ်မိသားစုမှာ D အဆင့် စွမ်းအားရှင် သုံးယောက်ရှိတယ်… ငါတို့ သူတို့ကို ထိပ်တိုက် မရင်ဆိုင်နိုင်ဘူး”</p> <p style="text-align:justify"> </p> <p style="text-align:justify">***</p> <p style="text-align:justify"> </p> <p style="text-align:justify">ဓားသိုင်းကလပ်</p> <p style="text-align:justify">ရွှီရော့ရော့က ဓားရှည်ကို ညင်သာစွာ ဝှေ့ယမ်းလိုက်ရာ သူမ၏ မျက်လုံးများက အေးစက်နေသည်။ ဓား၏ ငွေရောင်အဖျားက မြန်လိုက်နှေးလိုက် ရွေ့လျားနေပြီး ဖြည်းညင်းစွာ ရစ်ပတ်နေသော သလင်းကျောက်မျှင်လေးတစ်ခုကဲ့သို့ဖြစ်နေသည်။</p> <p style="text-align:justify">တီ....</p> <p style="text-align:justify">အနီးနားရှိ ကုလားထိုင်ပေါ်တွင် တင်ထားသော ဖုန်းက ရုတ်တရက် မြည်လာသည်။</p> <p style="text-align:justify">ရွှီရော့ရော့က ဓားကစားခြင်းကို ရပ်လိုက်ပြီး ဖုန်းကို သွားကောက်လိုက်သည်။</p> <p style="text-align:justify">လုကျွင်း၏ အသံက ဖုန်းထဲမှ ထွက်ပေါ်လာသည်။</p> <p style="text-align:justify">“ရောက်လာတဲ့ အက်ဗရယ်မိသားစုက လူတွေကို ခွဲခြားသတ်မှတ်ပြီးပြီ… သူတို့က သူတို့ရဲ့ တည်နေရာကို ဖုံးကွယ်မထားဘူး… အခု လိုချင်လား”</p> <p style="text-align:justify">“ဟုတ်ကဲ့” ရွှီရော့ရော့က တိုးတိုးလေး ပြောလိုက်သည်။</p> <p style="text-align:justify">“ဒါပေမဲ့ မင်းတစ်ယောက်တည်း ကိုင်တွယ်နိုင်ပါ့မလား” လုကျွင်းက စိုးရိမ်တကြီး မေးလိုက်သည်။</p> <p style="text-align:justify">“ကိစ္စမရှိပါဘူး”</p> <p style="text-align:justify">ရွှီရော့ရော့က ဖုန်းချလိုက်ရာတွင် အလွန်တည်ငြိမ်နေသည်။ သူမက ချီစွမ်းအင်ကို အခုမှ လက်ခံရရှိထားသော လူသစ်တစ်ယောက် မဟုတ်တော့ပေ။ မနေ့ညက ရုတ်တရက် အပြောင်းအလဲက သူမအတွင်း၌ မကြုံစဖူး ခွန်အားတစ်ခုကို ခံစားမိစေခဲ့သည်။ မရေမတွက်နိုင်သော ရွှေရောင်အမျှင်တန်းများက သူမ၏ ခန္ဓာကိုယ်ထဲတွင် အဆက်မပြတ် ရွေ့လျားနေပြီး ယခုအခါ တောက်ပသော ရွှေရောင်အလင်းတန်းတစ်ခုအဖြစ် ပေါင်းစပ်သွားပြီဖြစ်သည်။</p> <p style="text-align:justify"> </p> <p style="text-align:justify">***</p> <p style="text-align:justify"> </p> <p style="text-align:justify">မြို့တော်</p> <p style="text-align:justify">ဆင်ခြေဖုံး လေဆိပ် အဆောက်အအုံ</p> <p style="text-align:justify">ယွမ်ယီချန်က အိတ်ကပ်ထဲမှ ဖုန်းကို ထုတ်လိုက်သည်။ သူက မျက်နှာပြင်ပေါ်ရှိ စာတိုကို တစ်ချက်ကြည့်လိုက်သည်။</p> <p style="text-align:justify">“D အဆင့် သုံးယောက်လား… ဒီလောက် သေးငယ်တဲ့ ကိစ္စလေးအတွက် လူကြီးတွေကို ဒုက္ခပေးစရာ မလိုပါဘူး”</p> <p style="text-align:justify"> </p> <p style="text-align:justify"> </p> <p style="text-align: center;">အခန်း (၂၂၈) ပြီး</p> <p style="text-align: center;">***</p>


Save