Book List

<h2 style="text-align: center;">အခန်း (၁၃၇)</h2> <h2 style="text-align: center;">အံ့အားသင့်သွားသော မြေခွေးမိစ္ဆာနှစ်ယောက်</h2> <h2 style="text-align: center;">*</h2> <p> </p> <p> </p> <p style="text-align:justify">ဝှစ်… ဝှစ်…</p> <p style="text-align:justify">လေခွင်းသံများ ထွက်ပေါ်လာသည်။</p> <p style="text-align:justify">ကျိုကွမ်းနှင့် မီးလျှံနီတို့ တစ်ယောက်ပြီး တစ်ယောက် ရောက်ရှိလာကြ၏။</p> <p style="text-align:justify">မိစ္ဆာသခင် အားလုံး စုံလင်သွားသည်နှင့် ကျောင်းအုပ်ကြီး ဂျီမို၏ ကျော့ရှင်းလှပသော မျက်နှာလေးက တည်ကြည်လေးနက်သွားသည်။ သူမက လိုရင်းကို တိုက်ရိုက်ပြောလိုက်၏။</p> <p style="text-align:justify">"ဧကရီက လဝက်လောက်နေရင် မိုးကြိုးကပ်ဘေးကို ဖြတ်ကျော်ဖို့ တံခါးပိတ် ကျင့်ကြံတာကနေ ထွက်လာတော့မယ်လို့ သတင်းပို့လာပါတယ်... ကျွန်မတို့ကို ပြင်ဆင်မှုတွေ လုပ်ထားဖို့ အမိန့်ပေးထားပါတယ်"</p> <p style="text-align:justify">ထိုစကားကို ကြားသောအခါ မိစ္ဆာသုံးကောင်စလုံး၏ မျက်နှာများက လေးနက်သွားကြသည်။</p> <p style="text-align:justify">ဧကရီယွီလီက ယွီတောင်တန်း၏ ကောင်းကင်ကြီး ဖြစ်ပြီး သူမ၏ မိုးကြိုးကပ်ဘေး ဖြတ်ကျော်မှုက အလွန် အရေးကြီးပေသည်။ ယခုတစ်ခေါက် ဖြတ်ကျော်မှုက မိစ္ဆာဘုရင် မိုးကြိုးကပ်ဘေး တစ်ခု ဖြစ်နေသည်ကတော့ ဆိုဖွယ်ရာပင် မရှိတော့ပေ။ ဤဖြတ်ကျော်မှုက ယွီတောင်တန်း မိစ္ဆာမျိုးနွယ်စု၏ ရှင်သန်ရေးနှင့် သက်ဆိုင်နေသည်ဟု ဆိုလျှင်ပင် ချဲ့ကားပြောဆိုရာ မရောက်ချေ။</p> <p style="text-align:justify">သူမ ဆိုသည့် သစ်ပင်ကြီး ရှင်သန်ကြီးထွားလာမှသာ သူတို့လို လက်အောက်ငယ်သားများက အရိပ်ခိုခွင့် ရကြမည် ဖြစ်၏။</p> <p style="text-align:justify">"ဧကရီက ညွှန်ကြားချက်တွေ ပေးထားတယ်ဆိုရင် ကျောင်းအုပ်ကြီးက အမိန့်ပေးပါ... ကျွန်တော်တို့က အသက်ပေးရမယ် ဆိုရင်တောင် သေချာပေါက် တုံ့ဆိုင်းနေမှာ မဟုတ်ပါဘူး"</p> <p style="text-align:justify">မီးလျှံနီက သူ၏ ရပ်တည်ချက်ကို ဦးစွာ ဖော်ပြလိုက်သည်။</p> <p style="text-align:justify">ကျိုကွမ်းကလည်း ချက်ချင်းပင် လိုက်ပါ ပြောဆို၏။</p> <p style="text-align:justify">ဖူရှောင်ကွမ်းကလည်း ဤတစ်ကြိမ်တွင် မငြင်းဆန်ခဲ့ချေ။</p> <p style="text-align:justify">တချို့ကိစ္စများကို ရှောင်လွှဲ၍ ရသော်လည်း တချို့ကိစ္စများကိုတော့ ရှောင်လွှဲ၍ မရနိုင်ပေ။</p> <p style="text-align:justify">ကျောင်းအုပ်ကြီး ဂျီမိုက မိစ္ဆာသုံးကောင်၏ သဘောထားကို ကျေနပ်အားရစွာဖြင့် ခေါင်းညိတ်လိုက်သည်။ ယဉ်ကျေးပျူငှာမှုများဖြင့် အချိန်ဖြုန်းမနေတော့ဘဲ သူမက အမိန့်များ ထုတ်ပြန်လိုက်၏။</p> <p style="text-align:justify">"မိစ္ဆာမိတ်ဆွေ ကျိုကွမ်း... ကျေးဇူးပြုပြီး ယွီဖုန်းခရိုင်ကို သွားပြီး ရွှေဖားပြုတ် မိစ္ဆာသခင်နဲ့ ဆက်သွယ်ပေးပါ... သူ့ကို အတိတ်က အပြန်အလှန် ကူညီကြမယ်ဆိုတဲ့ သစ္စာဆိုချက်ကို လေးစားတဲ့အနေနဲ့ ယွီတောင်တန်းကို လာပြီး ဧကရီအတွက် အစောင့်အရှောက် လုပ်ပေးဖို့ တောင်းဆိုလိုက်ပါ"</p> <p style="text-align:justify">"မိစ္ဆာမိတ်ဆွေ ရှောင်ကွမ်း... ကျေးဇူးပြုပြီး လိုအပ်တဲ့ ပစ္စည်းတချို့ ဝယ်ဖို့ ယူနန် မိစ္ဆာဈေးတန်းကို တစ်ခေါက်လောက် သွားပေးပါ... ဧကရီ မိုးကြိုးကပ်ဘေး မဖြတ်ကျော်ခင်မှာ အရပ်လေးမျက်နှာ ကန်းသတ္တု နတ်ဘုရားသတ် မဟာသိုင်းကွက်အစီအရင်ကို ကျွန်မတို့ တပ်ဆင်ဖို့ လိုပါတယ်... သာမညကောင်တွေက အခြေအနေကို အခွင့်ကောင်းယူဖို့ ကြိုးစားလာရင် သူတို့ကို သတ်ဖို့ အစီအရင်ကို ချက်ချင်း အသက်သွင်းလိုက်ပါ"</p> <p style="text-align:justify">"မိစ္ဆာမိတ်ဆွေ မီးလျှံနီ... လုံကျယ်ရေကန်ကို အခုချက်ချင်းသွားပြီး မိစ္ဆာမိတ်ဆွေ အောက်ရွေ့ကို လာရောက် ကူညီပေးဖို့ ဖိတ်ခေါ်လိုက်ပါ"</p> <p style="text-align:justify">"ဒီကိစ္စက ဧကရီရဲ့ ဘေးကင်းလုံခြုံရေးနဲ့ ကျွန်မတို့ ယွီတောင်တန်း မိစ္ဆာမျိုးနွယ်စုရဲ့ သေခြင်းရှင်ခြင်း၊ ဂုဏ်သိက္ခာနဲ့ အရှက်တကွဲ ဖြစ်မှုတွေ အားလုံးနဲ့ သက်ဆိုင်နေပါတယ်... ဒီခက်ခဲတဲ့ အချိန်ကာလကို ဖြတ်ကျော်နိုင်ဖို့ ရှင်တို့ အားလုံး ကျွန်မနဲ့အတူ လက်တွဲ လုပ်ဆောင်ပေးကြဖို့ တောင်းဆိုချင်ပါတယ်"</p> <p style="text-align:justify">မိစ္ဆာသုံးကောင်စလုံးက တူညီသော တည်ကြည်လေးနက်သည့် အမူအရာများဖြင့် တစ်သံတည်း ပြန်ဖြေလိုက်ကြ၏။</p> <p style="text-align:justify">"ကျွန်တော်တို့ အစွမ်းကုန် ကြိုးစားပါ့မယ်"</p> <p style="text-align:justify">အချိန်က မည်သူ့ကိုမျှ မစောင့်ပေ။ လဝက်ဆိုသည်မှာ ကြာမြင့်သည်ဟု ထင်ရသော်လည်း ပြင်ဆင်စရာများစွာ ရှိနေ၏။ မိစ္ဆာများက အချိန်မဖြုန်းကြချေ။ သူတို့က ကိုယ်ပိုင် ညွှန်ကြားချက်များ ရရှိပြီးနောက် အသီးသီး ထွက်ခွာသွားကြသည်။</p> <p style="text-align:justify">မိစ္ဆာသခင်မ ကျိုကွမ်းက အတောင်ပံများကို ခတ်ကာ ထွက်ခွာသွား၏။</p> <p style="text-align:justify">မိစ္ဆာသခင် မီးလျှံနီက တောင်တန်းများနှင့် လွင်ပြင်များကို ဖြတ်သန်း ပြေးလွှားသွားသည်။</p> <p style="text-align:justify">ဖူရှောင်ကွမ်းက တစ်လမ်းလုံး နေရာရွှေ့ပြောင်းခြင်း ဓမ္မစွမ်းအားကို အသုံးပြု၍ သွား၏။</p> <p style="text-align:justify">ကျောင်းအုပ်ကြီး ဂျီမိုကလည်း အားမနေပေ။ သူမက ဝိညာဉ်စုတ်တံနှင့် ဝိညာဉ်မင်ရည်တို့ကို ထုတ်ယူလိုက်ပြီး လက်ဝါးအရွယ်အစားရှိသော ဝိညာဉ်ဝါးတံဆိပ်ပြားများကို ယူကာ မိစ္ဆာစာလုံးများကို အာရုံစူးစိုက်စွာဖြင့် တစ်ချက်ချင်း ရေးဆွဲနေသည်။</p> <p style="text-align:justify">ငါးခုမျှသာ ရေးဆွဲပြီးချိန်တွင် သူမ၏ ကိုယ်ပေါ်၌ မွှေးပျံ့သော ချွေးများဖြင့် ရွှဲနစ်နေပြီ ဖြစ်၏။</p> <p style="text-align:justify">…</p> <p style="text-align:justify">ယူနန်ခရိုင် အပြင်ဘက်…</p> <p style="text-align:justify">စိမ်းလန်းစိုပြည်သော ကျူပင်များက ညနေခင်း လေပြေနှင့်အတူ ယိမ်းနွဲ့နေကြသည်။ လရောင်က ရေပြင်ပေါ်သို့ ဖြာကျနေပြီး တောက်ပသော လှိုင်းပယင်းများကို ဖန်တီးပေးနေ၏။</p> <p style="text-align:justify">ငွေရောင်ဆံပင်နှင့် လူငယ်လေးက လရောင်ထဲမှ ထွက်ပေါ်လာပြီး အသံတိတ် ရောက်ရှိလာသည်။ နောက်ကျောမှ အတောင်ပံများကို တုန်ခါစေရင်း ဖူရှောင်ကွမ်းက အထူး ရွှေရောင်တံဆိပ်ပြား တစ်ခုကို ထုတ်ယူကာ ဓမ္မစွမ်းအား ထည့်သွင်းပြီး ရေထဲသို့ ပစ်ချလိုက်၏။</p> <p style="text-align:justify">တံဆိပ်ပြားက ရွှေရောင်အလင်းတန်းအဖြစ် ပြောင်းလဲသွားပြီး မျက်စိတစ်မှိတ်အတွင်း ပျောက်ကွယ်သွားသည်။</p> <p style="text-align:justify">ဤသည်က ယူနန် မြေအောက် မိစ္ဆာဈေးတန်း၏ အဝင်တံဆိပ်ပြား ပင်တည်း။</p> <p style="text-align:justify">ဖူရှောင်ကွမ်းက ကုန်သည်ယာဉ်တန်းနှင့် အတူ ခရီးသွားစဉ်က လှေသမားအိုကြီးက ဤနေရာတွင် ကြိုတင် စောင့်ဆိုင်းနေတတ်သည်။ အဘယ်ကြောင့်ဆိုသော် ယွီတောင်တန်း ကုန်သည်ယာဉ်တန်း၏ အချိန်ဇယားက ပုံသေ သတ်မှတ်ထားသောကြောင့် ဖြစ်၏။ မိစ္ဆာသခင်မ ကျိုကွမ်း အနေဖြင့် ဤသို့ ပြုလုပ်ရန် မလိုအပ်ဘဲ လှေသမားအိုကြီးကို ပြသရန်သာ လိုအပ်သည်။</p> <p style="text-align:justify">မိစ္ဆာမြူခိုးများ ထွက်ပေါ်လာပြီး မကြာမီမှာပင် လှော်ခတ်သံများ ထွက်ပေါ်လာ၏။ လှေငယ်လေး တစ်စင်းက အဝေးမှ ချဉ်းကပ်လာသည်။ ထိုလှေငယ်လေး ဖူရှောင်ကွမ်း၏ အမြင်အာရုံထဲသို့ ဝင်ရောက်လာသည်နှင့် တစ်ပြိုင်နက် သူက လှေပေါ်သို့ နေရာရွှေ့ပြောင်းလိုက်သည်။</p> <p style="text-align:justify">"မိတ်ဆွေလေး ကျေးဇူးပြုပြီး လှည့်ပြီးတော့ မိစ္ဆာဈေးတန်းဘက်ကို သွားပေးပါ"</p> <p style="text-align:justify">လှော်ခတ်ရန်သာ အာရုံစိုက်နေသော ဖားပြုတ်မိစ္ဆာမှာ အငိုက်မိသွား၏။ ကြောက်လန့်တကြား အော်ဟစ်လိုက်ပြီးနောက် သူက ရေထဲသို့ ရုတ်တရက် ခုန်ဆင်းသွားရာ ရေများ အကြီးအကျယ် ပန်းထွက်သွားတော့သည်။</p> <p style="text-align:justify">ထို့နောက် သူက ခေါင်းပြူကြည့်လိုက်၏။ လှေဦးတွင် ရပ်နေသော ငွေရောင်ဆံပင်နှင့် လူငယ်လေးကို မြင်သောအခါ သူ၏ ဖားမျက်လုံးများက အံ့အားသင့် ဝမ်းသာမှုများဖြင့် ပြူးကျယ်သွားသည်။</p> <p style="text-align:justify">"မိစ္ဆာသခင်ကြီး ရှောင်ကွမ်းလား"</p> <p style="text-align:justify">"ကျုပ်ပါပဲ... မင်းကို လိုက်ပို့ခိုင်းရတာ ဒုက္ခပေးသလို ဖြစ်သွားပြီ မိစ္ဆာလေး"</p> <p style="text-align:justify">ဖားပြုတ်မိစ္ဆာက သူ့ကို မှတ်မိနေခြင်းအပေါ် ဖူရှောင်ကွမ်း မအံ့ဩပေ။ ယွီတောင်တန်း ပတ်ဝန်းကျင်ရှိ မိစ္ဆာအသိုင်းအဝိုင်းများက သိပ်မကြီးသလို သိပ်လည်း မသေးဘဲ ဒေသခံ မိစ္ဆာသခင်များကလည်း လက်ချိုးရေတွက်၍ ရနိုင်သည်သာ။</p> <p style="text-align:justify">တစ်နေ့တာပိုး တစ်ကောင် မိစ္ဆာဖြစ်လာခြင်းကပင် လုံလောက်အောင် ရှားပါးနေပြီ ဖြစ်ပြီး မိစ္ဆာသခင် တစ်ပါး အဖြစ်သို့ ကျင့်ကြံနိုင်သူဆိုသည်မှာတော့ အရင်က တစ်ခါမှ မရှိခဲ့ဖူးချေ။ သူ တစ်ယောက်တည်းသာ ရှိသည်။ ယူနန် မြေအောက် မိစ္ဆာဈေးတန်းသို့ အရင်က လာရောက်ဖူးသဖြင့် သူ၏ ဒဏ္ဍာရီများ ရှိနေခြင်းက ထူးဆန်းသည့် ကိစ္စတော့ မဟုတ်ပေ။</p> <p style="text-align:justify">သူ၏ ငွေရောင်ဝတ်ရုံနှင့် ငွေရောင်ဆံပင် အသွင်အပြင်က သူ့ကို မှတ်မိရန် ပို၍ပင် လွယ်ကူစေ၏။</p> <p style="text-align:justify">ဖူရှောင်ကွမ်းက ဝန်ခံလိုက်သည်ကို ကြားသောအခါ ဖားပြုတ်မိစ္ဆာ၏ စိတ်အေးသွားမှုက ရုတ်တရက် စိတ်လှုပ်ရှားမှုအဖြစ် ပြောင်းလဲသွားသည်။ ဤသူက ယွီတောင်တန်း ပတ်ဝန်းကျင်ရှိ မိစ္ဆာအသိုင်းအဝိုင်းများကြားတွင် သတင်းအမွှေးဆုံး မိစ္ဆာသခင် ဖြစ်၏။</p> <p style="text-align:justify">မိစ္ဆာသခင်ကြီးတွင် လုပ်စရာကိစ္စများ ရှိကြောင်း သိထားသဖြင့် ဖားပြုတ်မိစ္ဆာက အချိန်မဆွဲရဲပေ။ သူက ရေထဲမှ လှေပဲ့ပိုင်းသို့ ခုန်တက်လိုက်သည်။</p> <p style="text-align:justify">ဤဒဏ္ဍာရီလာ မိစ္ဆာသခင်ကြီးကို ခိုးကြည့်ရင်းနှင့် သူ ထုတ်လွှတ်နေသော အငွေ့အသက်များကို တိတ်တဆိတ် ရှူရှိုက်ရင်း ဖားပြုတ်မိစ္ဆာက အားကုန်သုံး၍ လှော်ခတ်တော့၏။ ဤအခိုက်အတန့်၌ သူ့တွင် ကုန်ဆုံးသွားခြင်း မရှိနိုင်သော ခွန်အားများ ရှိနေသကဲ့သို့ ခံစားလိုက်ရသည်။</p> <p style="text-align:justify">လူသားကိုယ်ထည်နှင့် ဖားခေါင်း ရှိသော လူသားတစ်ပိုင်း အသွင်ပြောင်း မိစ္ဆာလေးကို ကြည့်ရင်း ဖူရှောင်ကွမ်းက သူ၏ အသေးအဖွဲ လှုပ်ရှားမှုများကို လျစ်လျူရှုကာ မေးလိုက်၏။</p> <p style="text-align:justify">"မိတ်ဆွေလေး... လှေသမားအိုကြီး ဘယ်ရောက်နေလဲဆိုတာ မင်း သိလား"</p> <p style="text-align:justify">ဖားပြုတ်မိစ္ဆာက ရိုးသားစွာ ပြန်ဖြေလိုက်သည်။</p> <p style="text-align:justify">"မိစ္ဆာသခင်ကြီးကို ဖြေကြားရမယ်ဆိုရင်... ပြီးခဲ့တဲ့နှစ်က လှေသမားအိုကြီး မိစ္ဆာသခင်ကြီးကို လိုက်ပို့ပေးပြီး သုံးရက်မြောက်နေ့မှာပဲ သူ့လှေကို ယွီမြစ်ဆီကို တစ်ယောက်တည်း လှော်သွားပါတယ်... အဲဒီအချိန်ကစပြီး ဘာသတင်းမှ ပြန်မကြားရတော့တဲ့အတွက် ဒီမိစ္ဆာလေးလည်း အတိအကျ မသိပါဘူးခင်ဗျာ"</p> <p style="text-align:justify">ဖူရှောင်ကွမ်းက ခေါင်းညိတ်လိုက်ပြီး လှေဦးတွင် ရပ်နေလိုက်သည်။ သူ၏ အတွေးများက ရေလှိုင်းသံများနှင့်အတူ လူးလွန့်နေ၏။ ဖားပြုတ်မိစ္ဆာ ရေထဲ ကျသွားသည့် မြင်ကွင်းကို တွေးမိပြီး ရေထဲတွင် သူကိုယ်တိုင် မွေးဖွား ကြီးပြင်းလာခဲ့ရသည်ကို တွေးမိသောအခါ ရုတ်တရက် အသိဉာဏ်ပွင့်လင်းမှု တစ်ခု ရသွားသည်။ နောက်ထပ် ဘယ်လို နည်းစနစ်မျိုး ဖန်တီးရမည်ဆိုသည်ကို သူ ခပ်ရေးရေး သဘောပေါက်သွား၏။</p> <p style="text-align:justify">ဖားပြုတ်မိစ္ဆာက အားကြိုးမာန်တက် အလုပ်လုပ်နေသည်။</p> <p style="text-align:justify">ဖူရှောင်ကွမ်း၏ နက်ရှိုင်းသော အာရုံစူးစိုက်မှုနှင့် ပေါင်းစပ်လိုက်သောအခါ သူတို့က သတိမထားမိလိုက်ဘဲ တောင်ဂူထဲသို့ ဝင်ရောက်လာကြ၏။</p> <p style="text-align:justify">ဂူကို ဖြတ်သန်းသွားပြီးနောက် ကမ်းကပ်မည့်အစား ဖူရှောင်ကွမ်းက အတောင်ပံများကို ခတ်ကာ လရောင်ထဲသို့ ပျံသန်းသွားပြီး အမြင်အာရုံထဲမှ ပျောက်ကွယ်သွားတော့သည်။</p> <p style="text-align:justify">ဖားပြုတ်မိစ္ဆာမှာ ထိုမြင်ကွင်းကြောင့် ဆွံ့အသွား၏။</p> <p style="text-align:justify">ဒဏ္ဍာရီလာ မိစ္ဆာသခင်ကြီးဆိုတဲ့ နာမည်နဲ့ တကယ့်ကို ထိုက်တန်တာပဲ…</p> <p style="text-align:justify">ဆိပ်ခံတံတားဘေးတွင် သတင်းရရချင်း ပြေးလာခဲ့သော မိစ္ဆာသခင်မ ရှီးဖုန်းက မျှော်လင့်တကြီး စောင့်ဆိုင်းနေ၏။</p> <p style="text-align:justify">ရှောင်ကွမ်း... ဒီတစ်ခေါက်တော့ ဘယ်မိစ္ဆာကမှ နင့်ကို ကြိုပြီး ချိန်းမထားဘူး... ပြီးတော့ နင်က တံခါးပိတ် ကျင့်ကြံနေတာလည်း မဟုတ်ဘူး... ဒီတစ်ခါ နင် ငါ့ကို ဘယ်လို ငြင်းဦးမလဲ ကြည့်ရသေးတာပေါ့…</p> <p style="text-align:justify">လှေငယ်လေး ချဉ်းကပ်လာသည်နှင့်အမျှ မိစ္ဆာသခင်မ ရှီးဖုန်း၏ အပြုံးက ပွင့်လန်းနေသော ပန်းတစ်ပွင့်ကဲ့သို့ လှပနေ၏။ လှေပေါ်တွင် ဖားပြုတ်မိစ္ဆာ တစ်ကောင်တည်းကိုသာ မြင်လိုက်ရသောအခါ သူမ၏ အပြုံးက ချက်ချင်း အေးခဲသွားတော့သည်။ သူမက လှေပေါ်သို့ ပျံတက်သွားပြီး ဖားပြုတ်မိစ္ဆာ၏ ကော်လာကို ဆွဲကိုင်ကာ ဒေါသတကြီး မေးလိုက်၏။</p> <p style="text-align:justify">"မိစ္ဆာသခင် ရှောင်ကွမ်း ဘယ်ရောက်သွားပြီလဲ"</p> <p style="text-align:justify">"သူ... ကြိုတင်ပြီး... ထွက်သွား... ပါပြီ..."</p> <p style="text-align:justify">…</p> <p style="text-align:justify">ဖူရှောင်ကွမ်းက မိစ္ဆာသခင်မ ရှီးဖုန်း၏ စိတ်ခံစားချက်များကို ဂရုမစိုက်အားပေ။ သူက အချိန်ရေစီးကြောင်း ဓမ္မစွမ်းအားကို အသုံးပြု၍ မမြင်ရသော အလင်းတန်း တစ်ခုမှတစ်ဆင့် နေရာရွှေ့ပြောင်းကာ ထုံပေါက် အလုပ်ရုံဆီသို့ တိုက်ရိုက် ဦးတည်သွားလိုက်၏။</p> <p style="text-align:justify">ဟူယောင်လင်နှင့် ပြန်လည်ဆုံတွေ့သောအခါ ဖူရှောင်ကွမ်းက ရိုးရှင်းသော နှုတ်ဆက်စကား အနည်းငယ် ဆိုပြီးနောက် လိုရင်းကို တိုက်ရိုက် သွားလိုက်သည်။ ကျောင်းအုပ်ကြီး ဂျီမို ပြင်ဆင်ပေးလိုက်သော စာရင်းကို ထုတ်ယူကာ ထိုပစ္စည်းများကို အမြန်ဆုံး ပြင်ဆင်ပေးရန် မြေခွေးမိစ္ဆာမကို တောင်းဆိုလိုက်၏။</p> <p style="text-align:justify">ဟူယောင်လင်က ဖြူဖွေးသော လက်လေးဖြင့် စာရင်းကို ယူလိုက်ပြီးနောက် တစ်ချက် ကြည့်လိုက်သည်။ သူမက မျက်ခုံးပင့်လိုက်သော်လည်း စကားသိပ်မပြောပေ။</p> <p style="text-align:justify">ထို့နောက် သူမက ပိတောက်ကို ခေါ်လိုက်ပြီး ပစ္စည်းများ ပြင်ဆင်ရန် မန်နေဂျာထံ စာရင်းကို ယူသွားခိုင်းလိုက်ကာ သူမကတော့ ဖူရှောင်ကွမ်းနှင့်အတူ လက်ဖက်ရည်သောက်ရင်း စကားစမြည် ပြောဆိုရန် ကျန်ရစ်ခဲ့၏။</p> <p style="text-align:justify">စောင့်ဆိုင်းနေစဉ်အတွင်း ဖူရှောင်ကွမ်းက ကြွေဗူးလေး တစ်ဗူးကို ထုတ်ယူကာ စားပွဲပေါ်တွင် တင်လိုက်ပြီး တံဆိပ်ကို ခွာ၍ ဟူယောင်လင်ဘက်သို့ ညင်သာစွာ တွန်းပေးလိုက်သည်။</p> <p style="text-align:justify">ဟူယောင်လင်က စပ်စုချင်စိတ်ဖြင့် ယူလိုက်၏။ သူမက ကြွေဗူးလေးကို ဖွင့်လိုက်သည်နှင့် တစ်ပြိုင်နက် လတ်ဆတ်ပြီး ကျော့ရှင်းသော အထူးရနံ့တစ်ခုက ပျံ့လွင့်လာသည်။ သူမက ထိုရနံ့ကို အလွန် သဘောကျသွား၏။</p> <p style="text-align:justify">"သာမန် ဝိညာဉ်အလှဆီတစ်ခုက မိစ္ဆာမိတ်ဆွေ တစ်ယောက်ရဲ့ အထူးအားစိုက်ထုတ်မှုနဲ့ မတန်ပါဘူး... ဒီဝိညာဉ်အလှဆီဗူးရဲ့ နက်နဲဆန်းကြယ်မှုက ဘာများလဲ သိပါရစေ"</p> <p style="text-align:justify">"အလှအပကို ထိန်းသိမ်းပေးနိုင်ပြီး နုပျိုမှုကိုလည်း ထိန်းထားပေးနိုင်တယ်"</p> <p style="text-align:justify">ဟူယောင်လင်၏ မြေခွေးမျက်လုံးများက အရောင်လက်သွား၏။</p> <p style="text-align:justify">သူမ သေချာ ကြားလိုက်သည်။ ထိုအလှဆီဗူး၏ အကျိုးအာနိသင်က အလှအပကို ထိန်းသိမ်းခြင်း သက်သက်တင် မဟုတ်ဘဲ နုပျိုမှုကိုပါ ထိန်းသိမ်းပေးနိုင်ခြင်း ဖြစ်၏။</p> <p style="text-align:justify">"ဘယ်လောက်ကြာကြာလဲ"</p> <p style="text-align:justify">"လောလောဆယ်တော့ သုံးနှစ်အတွက်ပဲ ရသေးတယ်"</p> <p style="text-align:justify">ဟူယောင်လင်၏ တောက်ပသော မျက်လုံးများက ပို၍ပင် တောက်ပလာ၏။ အနာဂတ်တွင် နုပျိုမှုကို ပို၍ကြာရှည်စွာ ထိန်းသိမ်းထားနိုင်လိမ့်မည် ဆိုသည်ကို သူမ သဘောပေါက်လိုက်သည်။</p> <p style="text-align:justify">မြေခွေးမျိုးနွယ်စုတွင် ကြီးမားသော စီးပွားရေးလုပ်ငန်း ရှိ၏။ နုပျိုမှုကို သုံးနှစ်တိုင်တိုင် ထိန်းသိမ်းပေးနိုင်သော ဝိညာဉ်ပစ္စည်းများက ရှားပါးသော်လည်း သူမက အထူးတလည် တန်ဖိုးထားမည် မဟုတ်ပေ။ သို့သော် ပို၍ကြာရှည်စွာ ဆိုသည်ကတော့ မှတ်သားထားသင့်ပေသည်။</p> <p style="text-align:justify">အမြီးသုံးချောင်း မြေခွေးနီ တစ်ကောင်ဟူသော သူမ၏ အဆင့်အတန်းအရ သူမက ဆယ်နှစ်တိုင်တိုင် နုပျိုမှုကို ထိန်းသိမ်းပေးနိုင်သော ဝိညာဉ်ပစ္စည်းများကိုသာ အသုံးပြုနိုင်ပြီး ၎င်းတို့ကို မည်မျှအကြိမ် အသုံးပြုနိုင်သည် ဆိုသည့် ကန့်သတ်ချက်များလည်း ရှိ၏။</p> <p style="text-align:justify">"ဒီပစ္စည်း နာမည်က ဘာလဲ"</p> <p style="text-align:justify">"အခုလေးတင် စဉ်းစားလိုက်တာပါ... ကျောက်စိမ်းဝိညာဉ်အဆီအနှစ်လို့ပဲ ခေါ်ကြရအောင်"</p> <p style="text-align:justify">"ကျောက်စိမ်းလို လှပတဲ့ အရွယ်... ကောင်းမွန်တဲ့ နိမိတ်ပါပဲ"</p> <p style="text-align:justify">"ချီးကျူးတဲ့အတွက် ကျေးဇူးတင်ပါတယ် မိစ္ဆာမိတ်ဆွေ"</p> <p style="text-align:justify">"မိစ္ဆာမိတ်ဆွေ ရှောင်ကွမ်းက ဒီအရာကို ထုံပေါက် အလုပ်ရုံကို ရောင်းချင်တာလား... ဒါမှမဟုတ် လေလံတင်ချင်တာလား"</p> <p style="text-align:justify">ဟူယောင်လင်က မေးလိုက်၏။</p> <p style="text-align:justify">ဖူရှောင်ကွမ်းက ခေါင်းခါယမ်းလိုက်ပြီး ပြောလိုက်သည်။</p> <p style="text-align:justify">"သက်တမ်းတိုး သိုင်းကျင့်စဉ်နဲ့ လဲလှယ်ဖို့ဆိုရင် ကျောက်စိမ်းဝိညာဉ်အဆီအနှစ် ဘယ်နှဗူးလောက် လိုမယ်ထင်လဲ"</p> <p style="text-align:justify">ဟူယောင်လင်က ပြန်ဖြေလိုက်၏။</p> <p style="text-align:justify">"သက်တမ်းတိုး သိုင်းကျင့်စဉ်က တန်ဖိုးကြီးပါတယ်... ဓမ္မနယ်ပယ် သတ္တဝါ တစ်ကောင်ရဲ့ သက်တမ်းကို ဆယ့်ငါးနှစ်အထိ တိုးပေးနိုင်ပါတယ်... နုပျိုမှုထိန်းသိမ်းတဲ့ ဝိညာဉ်ပစ္စည်းတွေကလည်း ရှားပါးတယ်ဆိုပေမဲ့ သူတို့ရဲ့ တန်ဖိုးက သက်တမ်းတိုးတဲ့ဟာတွေနဲ့တော့ မယှဉ်နိုင်ပါဘူး...”</p> <p style="text-align:justify">“သုံးနှစ်ခံတဲ့ ကျောက်စိမ်းဝိညာဉ်အဆီအနှစ်ဆိုရင် ဗူးနှစ်ဆယ်လောက် လိုကောင်း လိုပါလိမ့်မယ်... ဆိုလိုတာက အဝါရောင်အဆင့် နုပျိုခြင်းအလှဆီ ပန်း အပွင့်နှစ်ဆယ် ရှာဖို့ လိုတယ်ဆိုတဲ့ သဘောပါပဲ"</p> <p style="text-align:justify">"ဒါက ဈေးကွက်ပေါက်ဈေးမို့လို့ စိတ်မဆိုးပါနဲ့ရှင်"</p> <p style="text-align:justify">ဖူရှောင်ကွမ်းက ပြောလိုက်၏။</p> <p style="text-align:justify">"ကျုပ် နားလည်ပါတယ်... စီးပွားရေးက စီးပွားရေးပါပဲ... အမြတ်ဆိုတာတော့ ရှိရမှာပေါ့... ဒီ ကျောက်စိမ်းဝိညာဉ်အဆီအနှစ်ဗူးကို ကုသရေး ဝိညာဉ်ပစ္စည်း တချို့နဲ့ လဲလှယ်ပေးပါဦး"</p> <p style="text-align:justify">ဟူယောင်လင်က ပြန်ပြောလိုက်သည်။</p> <p style="text-align:justify">"ဒါက ဘာမှ ဒုက္ခမများပါဘူး"</p> <p style="text-align:justify">လက်ဖက်ရည် သုံးခွက် သောက်ပြီးနောက် ပစ္စည်းများ အဆင်သင့် ဖြစ်နေပြီ ဖြစ်၍ ဖူရှောင်ကွမ်းက ဟူယောင်လင်ကို နှုတ်ဆက်ကာ ထွက်ခွာလာခဲ့သည်။</p> <p style="text-align:justify">ဟူယောင်လင်က ကိုယ်တိုင် တံခါးဝအထိ လိုက်ပို့ခဲ့ပြီး ထိုငွေရောင်ပုံရိပ် ထောင့်ချိုးကွေ့၍ ပျောက်ကွယ်သွားမှသာ သူတို့က ထုံပေါက် အလုပ်ရုံထဲသို့ ပြန်ဝင်ခဲ့ကြ၏။</p> <p style="text-align:justify">သီးသန့်ခန်းထဲသို့ ပြန်ရောက်သောအခါ ဟူယောင်လင်က ပြန်ထိုင်လိုက်သည်။</p> <p style="text-align:justify">ပိတောက်က အောင့်မထားနိုင်ဘဲ မေးလိုက်၏။</p> <p style="text-align:justify">"အဒေါ်... ယွီတောင်တန်းမှာ ဘာတွေ ဖြစ်နေတာလဲ... မြေအဆင့် ဝိညာဉ်ပစ္စည်း တချို့ အပါအဝင် ကောင်းကင်နဲ့ မြေကြီးရဲ့ ရတနာတွေ အများကြီးကို ရုတ်တရက်ကြီး လိုချင်နေကြတာ"</p> <p style="text-align:justify">"ဘာလို့ မိစ္ဆာသခင် ရှောင်ကွမ်း ကိုယ်တိုင် လိုအပ်နေတာ မဖြစ်နိုင်ရမှာလဲ"</p> <p style="text-align:justify">"မိစ္ဆာသခင် ရှောင်ကွမ်းမှာသာ အဲဒီလောက် ကြွယ်ဝချမ်းသာမှု မျိုးရှိရင် ပြီးခဲ့တဲ့ အခေါက်တုန်းက သက်တမ်းတိုး သိုင်းကျင့်စဉ်ကို သူ ယူသွားမှာပေါ့"</p> <p style="text-align:justify">ပိတောက်၏ ဝိုင်းစက်နေသော ပန်းရောင် ပါးပြင်လေးများကို လှမ်းဆွဲလိုက်ရင်း ဟူယောင်လင်က ပြောလိုက်၏။</p> <p style="text-align:justify">"နင်က မတုံးအပါဘူး"</p> <p style="text-align:justify">ထို့နောက် သူမက ရှင်းပြလိုက်သည်။</p> <p style="text-align:justify">"ယွီတောင်တန်းက တကယ်ကို ကြီးကျယ်ခမ်းနားလာတော့မယ့် ပုံပဲ"</p> <p style="text-align:justify">ပိတောက်က မျက်တောင် ပုတ်ခတ်ပုတ်ခတ် လုပ်လိုက်ပြီး အံ့အားသင့်စွာဖြင့် မေးလိုက်၏။</p> <p style="text-align:justify">"အဒေါ်... ယွီတောင်တန်းကနေ မိစ္ဆာဘုရင် တစ်ပါး ထွက်ပေါ်လာနိုင်တယ်လို့ ပြောချင်တာလား"</p> <p style="text-align:justify">ဟူယောင်လင်က ခေါင်းညိတ်လိုက်ပြီး ပိတောက်ကို ချီးကျူးသည့် အကြည့်ဖြင့် ကြည့်လိုက်သည်။</p> <p style="text-align:justify">ပိတောက်က သူမ၏ ဖြူဖွေးသော ရှေ့သွားများကို ဖော်ကာ ပြုံးလိုက်၏။</p> <p style="text-align:justify">"ဒါက မိစ္ဆာမျိုးနွယ်စုအတွက် ကောင်းတဲ့ကိစ္စပါပဲ"</p> <p style="text-align:justify">ဟူယောင်လင်က ပြုံးလိုက်သည်။</p> <p style="text-align:justify">"ဒါက တကယ်ကို ဝမ်းသာစရာ ကိစ္စပါပဲ"</p> <p style="text-align:justify">ထို့နောက် သူမက စားပွဲပေါ်တွင် ခေတ္တချထားသော ကျောက်စိမ်းဝိညာဉ်အဆီအနှစ်ကို ကောက်ယူလိုက်ပြီး အဖုံးကို ဖွင့်ကာ သေချာစွာ ရှူရှိုက်ကြည့်လိုက်၏။ ရုတ်တရက် သူမ၏ မျက်နှာအမူအရာက အနည်းငယ် ပြောင်းလဲသွားပြီး အံ့ဩတကြီးဖြင့် ပြောလိုက်သည်။</p> <p style="text-align:justify">"ဒီအထဲမှာ နုပျိုမှုထိန်းသိမ်းတဲ့ ဝိညာဉ်ပစ္စည်းတွေ လုံးဝ မပါဘူးပဲ"</p> <p style="text-align:justify">"အဒေါ် အနံ့ခံမှားတာများလား"</p> <p style="text-align:justify">"မဖြစ်နိုင်တာ... ငါက နုပျိုမှုထိန်းသိမ်းတဲ့ ဝိညာဉ်ပစ္စည်းတွေကို ဂရုအစိုက်ဆုံးပဲ... ငါ ဘယ်တော့မှ အနံ့ခံ မမှားနိုင်ဘူး"</p> <p style="text-align:justify">ပိတောက်က ခေါင်းစောင်း၍ မေးလိုက်၏။</p> <p style="text-align:justify">"နုပျိုမှုထိန်းသိမ်းတဲ့ ဝိညာဉ်ပစ္စည်းတွေ မသုံးဘဲနဲ့ နုပျိုမှုကို ထိန်းသိမ်းပေးနိုင်တဲ့ အရာမျိုး ဒီလောကမှာ တကယ်ပဲ ရှိနိုင်လို့လား"</p> <p style="text-align:justify">ဟူယောင်လင်က မသေချာမရေရာစွာဖြင့် ပြန်ဖြေလိုက်သည်။</p> <p style="text-align:justify">"အခုတော့ ရှိလာပြီ ထင်တယ်"</p> <p style="text-align:justify">မိစ္ဆာသခင် ရှောင်ကွမ်းက အချိန်တာအို လမ်းစဉ်ကို ကျင့်ကြံသည်ဆိုသော သတင်းပေးပို့ချက်များကို သူမ မေ့မသွားသေးပေ။</p> <p style="text-align:justify">…</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save