Book List

<h2 style="text-align: center;">အခန်း (၁၃၉)</h2> <h2 style="text-align: center;">မိစ္ဆာဘုရင် မိုးကြိုးကပ်ဘေး</h2> <h2 style="text-align: center;">*</h2> <p> </p> <p> </p> <p style="text-align:justify">မိစ္ဆာစာလုံးများ ထွင်းထုခြင်း၊ ပေါင်းစပ်မှုများ စီစဉ်ခြင်း၊ မြေကြောများနှင့် ချိတ်ဆက်ခြင်း၊ သိုင်းကွက်အစီအရင် ပုံစံများ ဖန်တီးခြင်းစသည်တို့တွင် ဖူရှောင်ကွမ်းက ကိုယ်တိုင်ကိုယ်ကျ ပါဝင်ခဲ့သည်။</p> <p style="text-align:justify">သူက အချိန်အများစုတွင် အနည်းငယ်သာ နားလည်သော်လည်း သိုင်းကွက်အစီအရင်ကို တပ်ဆင်ရန် ညွှန်ကြားချက်များကို လိုက်နာကာ ထိုအစိတ်အပိုင်းလေးကို နားလည်ပြီး ကျွမ်းကျင်သွားခြင်းကပင် သူ့အတွက် ကြီးမားသော အကျိုးကျေးဇူး ဖြစ်စေခဲ့၏။</p> <p style="text-align:justify">သူက သိုင်းကွက်အစီအရင်များကို လေ့လာလာခဲ့သည်မှာ တစ်နှစ်ကျော်ပြီ ဖြစ်သည်။ တစ်ခါတစ်ရံတွင် သူက ရေကန်ထဲမှငါးနှင့် လှောင်ချိုင့်ထဲမှငှက် မဟာသိုင်းကွက်အစီအရင်ကို လေ့လာရန် အချုပ်ထောင်တွင် နေထိုင်တတ်သော်လည်း ရလဒ်အနည်းငယ်သာ ရရှိပြီး အပေါ်ယံမျှသာ ကြည့်ရှုနိုင်ခဲ့ကာ အခြေခံအဆင့်မှာပင် ရပ်တန့်နေခဲ့၏။</p> <p style="text-align:justify">ဤတစ်ကြိမ်တွင်တော့ သိုင်းကွက်အစီအရင် တပ်ဆင်ခြင်းက သူ၏ သိုင်းကွက်အစီအရင် ကျွမ်းကျင်မှုကို သိသိသာသာ တိုးတက်စေခဲ့သည်။ ယခုဆိုလျှင် သူက အခြေခံ သိုင်းကွက်အစီအရင် အချို့ကို တပ်ဆင်နိုင်ပြီ ဖြစ်ပြီး ဤအတွေ့အကြုံက သူ၏ အနာဂတ် အချိန် သိုင်းကွက်အစီအရင် သုတေသနအတွက်လည်း အခြေခံအုတ်မြစ် ချပေးခဲ့၏။</p> <p style="text-align:justify">ဖူရှောင်ကွမ်းတို့ မိစ္ဆာလေးကောင် အရပ်လေးမျက်နှာ ကန်းသတ္တု မဟာသိုင်းကွက်အစီအရင်ကို အပြည့်အဝ တပ်ဆင်ပြီးစီးချိန်တွင် ဧကရီ တံခါးပိတ်ကျင့်ကြံခြင်းမှ ထွက်လာရန် သုံးရက်သာ လိုတော့သည်။</p> <p style="text-align:justify">ယွီတောင်တန်း မိစ္ဆာမျိုးနွယ်စုက တဖြည်းဖြည်း တင်းမာလာကြ၏။ အပြင်ပန်းတွင် ပေါ့ပေါ့ပါးပါး ရှိနေဟန် ပေါ်သော်လည်း အတွင်းစိတ်ထဲတွင်တော့ တင်းကျပ်နေကြပြီး ဖူရှောင်ကွမ်းကဲ့သို့သော မိစ္ဆာသခင်များကလည်း သူတို့၏ စွမ်းအင်များကို စတင် ချွေတာလာကြသည်။</p> <p style="text-align:justify">အန်းလဲ့လမ်းကြား၊ နွေဦးနှင့် ဆောင်းဦး ဂူသင်္ချိုင်း…</p> <p style="text-align:justify">သက်သောင့်သက်သာ နိုးထလာသည့် အသံတစ်ခုက ဂူထဲတွင် ပဲ့တင်ထပ်သွား၏။</p> <p style="text-align:justify">ဖူရှောင်ကွမ်းက ခါးဆန့်လိုက်ပြီး သူ၏ မျက်နှာကို သစ်ရန် ရေခဲရေများကို ခေါ်ယူဖို့ လက်ကို မြှောက်လိုက်သည်။ မျက်နှာသစ်ပြီးနောက် သူ၏ အိပ်ချင်မူးတူး ဖြစ်နေမှုက ချက်ချင်း ပျောက်ကွယ်သွားပြီး သူ၏ ခန္ဓာကိုယ်တစ်ခုလုံးမှာလည်း ခွန်အားများ ပြည့်ဝကာ တက်ကြွ လန်းဆန်းသွားတော့၏။</p> <p style="text-align:justify">ဆယ်ရက် ဆက်တိုက် မနားတမ်း အလုပ်လုပ်ပြီး သူ၏ ဝိညာဉ်အာရုံကို အဆက်မပြတ် အသုံးပြုခဲ့ရခြင်းက သူ၏ စိတ်ကို တင်းကျပ်နေစေခဲ့သည်။ သူ၏ ကိုယ်ပိုင်ဂူသို့ ပြန်ရောက်ပြီးနောက် ဖူရှောင်ကွမ်းက မနက်ခင်းအလင်းရောင်ထဲတွင် လှဲလျောင်းကာ အချိန်ရေဖြင့် ရေချိုးရင်း သုံးရက်တိုင်တိုင် အိပ်မောကျနေခဲ့ပြီး သူ၏ ခန္ဓာကိုယ်က မာယာအိပ်မက် သိုင်းကျင့်စဉ်ကို အလိုအလျောက် လည်ပတ်နေခဲ့၏။</p> <p style="text-align:justify">မမျှော်လင့်ဘဲ ပေါ့ပေါ့ပါးပါး လုပ်ဆောင်မှုတစ်ခုက အသီးအပွင့်များသော ရလဒ်တစ်ခုကို ဖြစ်ပေါ်စေခဲ့သည်။ သူ၏ ဝိညာဉ်အာရုံက ၎င်း၏ ကန့်သတ်ချက်အထိ ဖိသိပ်ခံထားရသော စပရိန်တစ်ခုကဲ့သို့ ရုတ်တရက် ပြန်ကန်ထွက်လာပြီး နောက်ထပ် ဆယ်ပေခန့် ထပ်မံ ကြီးထွားလာကာ လက်ရှိ သူ၏ ဝိညာဉ်အာရုံ အကျယ်အဝန်းက ပေ ၁၄၀ အထိ ရောက်ရှိသွား၏။</p> <p style="text-align:justify">ဤရလဒ်ကြောင့် ဖူရှောင်ကွမ်းမှာ အလွန် ဝမ်းသာသွားသည်။</p> <p style="text-align:justify">ဧကရီယွီလီက သူမ၏ မိုးကြိုးကပ်ဘေးကို ဖြတ်ကျော်တော့မည် ဖြစ်ပြီး ယနေ့ညတွင် ပြင်းထန်သော တိုက်ပွဲတစ်ခု ဖြစ်လာနိုင်ခြေ ရှိ၏။ သူ၏ ကိုယ်ပိုင် ခွန်အားက ပိုမို အားကောင်းလေလေ၊ အောင်ပွဲရရန် မျှော်လင့်ချက် ပိုများလေလေ ဖြစ်ပြီး အဆိုးရွားဆုံး အခြေအနေ ဖြစ်ပေါ်လာပါကပင် သူ့တွင် ထွက်ပြေးရန် ခွန်အား ပိုရှိနေမည် ဖြစ်သည်။</p> <p style="text-align:justify">အားရပါးရ စားသောက်ပြီးနောက် သူက သူ၏ ဝိညာဉ်ပစ္စည်းများကို သိမ်းဆည်းလိုက်ပြီး အပြာရောင် သားရေဘူးကျောက်ကို ခါးတွင် ချိတ်ဆွဲကာ ကွေ့ယွမ်ဇီသာ၊ မနက်ခင်းအလင်းရောင်နှင့် အခြားပစ္စည်းများကို ယူဆောင်လိုက်၏။</p> <p style="text-align:justify">အပြည့်အဝ ပြင်ဆင်ပြီးသည်နှင့် ဖူရှောင်ကွမ်းက နွေဦးနှင့် ဆောင်းဦး ဂူသင်္ချိုင်းမှ ပျံထွက်လာပြီး မိစ္ဆာဈေးတန်း၏ အပြင်ဘက်သို့ တိုက်ရိုက် ဦးတည်သွားလိုက်သည်။</p> <p style="text-align:justify">…</p> <p style="text-align:justify">မိစ္ဆာဈေးတန်း အပြင်ဘက်…</p> <p style="text-align:justify">အပြင်ဘက်တွင် မိုးဖွဲဖွဲလေး ရွာကျနေပြီး ကြာရွက်များပေါ်တွင် နှင်းပေါက်လေးများ တွယ်ကပ်နေကာ သလဲပင်များကလည်း လှပစွာ ပွင့်လန်းနေပြီး ကောင်းကင်ယံရှိ လမင်းကြီးက ကျောက်စိမ်းဘီးတစ်ခုကဲ့သို့ သန့်စင်နေ၏။</p> <p style="text-align:justify">သို့သော်လည်း မိစ္ဆာသခင် လေးကောင်ကတော့ ထိုသို့သော သာယာလှပသည့် ရှုခင်းများကို ခံစားရန် စိတ်ကူးမရှိကြပေ။ သူတို့က အရပ်မျက်နှာ တစ်ခုစီတွင် နေရာယူထားကြပြီး သူတို့၏ ပုံရိပ်များကို ဖျောက်ထားကာ အားလုံးက တည်ကြည်လေးနက်သော အမူအရာများဖြင့် တိုက်ပွဲဝင်ရန် အသင့်ဖြစ်နေကြ၏။</p> <p style="text-align:justify">ဆယ်မိုင်အကွာတွင်တော့ လက်နက်များ ကိုင်ဆောင်ကာ သံချပ်ကာများ ဝတ်ဆင်ထားသော လူသားတစ်ပိုင်း အသွင်ပြောင်း မိစ္ဆာ အများအပြားက အဆက်မပြတ် ကင်းလှည့်နေကြ၏။ သူတို့က အဆင့်တူ ရန်သူများကို ကာကွယ်ရန် ဖြစ်ပြီး ဓမ္မနယ်ပယ်မှ အားကောင်းသော ရန်သူများအတွက်မူ ဤမိစ္ဆာငယ်လေးများက ဝင်ရောက် စွက်ဖက်နိုင်စွမ်း မရှိသဖြင့် မိစ္ဆာသခင်များကသာ ကိုင်တွယ်ဖြေရှင်းကြမည် ဖြစ်သည်။</p> <p style="text-align:justify">မည်မျှ ကြာသွားသည်မသိ။ ပတ်ဝန်းကျင် လေထုက တဖြည်းဖြည်း လေးလံလာ၏။</p> <p style="text-align:justify">ညဉ့်မနက်သေးသော်လည်း မိစ္ဆာဈေးတန်း၏ အပြင်ဘက်ရှိ ပတ်ဝန်းကျင်က သေမင်းတမန်အလား တိတ်ဆိတ်မှု တစ်ခု ကျရောက်လာသည်။ ဖားအော်သံများ မကြားရ၊ အင်းဆက်အော်သံများ မကြားရဘဲ လေပြေကပင် ခွန်အားများ စုစည်းနေသည့်အလား ပုန်းကွယ်သွားသကဲ့သို့ ရှိနေ၏။ ၎င်းက မုန်တိုင်းမလာမီ တိတ်ဆိတ်ငြိမ်သက်နေခြင်းနှင့် အတိအကျ တူညီနေသည်။</p> <p style="text-align:justify">တောက်ပသော လမင်းကြီးကို မည်းမှောင်သော တိမ်တိုက်များက ဖုံးကွယ်သွားပြီး ပို၍ပို၍ပင် ထူထပ်စွာ စုစည်းလာကြ၏။ ယင်နှင့် ယန်တို့ ရိုက်ခတ်သွားပြီး လျှပ်စီးတန်းများက တဖျစ်ဖျစ် မြည်ကာ စတင် လက်လာတော့သည်။</p> <p style="text-align:justify">ဖူရှောင်ကွမ်းနှင့် အခြား မိစ္ဆာသခင် သုံးကောင်က အကြိမ်ကြိမ် ဆုတ်ခွာလိုက်ကြ၏။</p> <p style="text-align:justify">ငါးမိုင်ခန့် အကွာအဝေးသို့ ဆုတ်ခွာပြီးမှသာ သူတို့ ရပ်တန့်လိုက်ကြသည်။ လေးမိုင်ခန့် ကျယ်ဝန်းသော မိုးကြိုးတိမ်တိုက်များကို ကြည့်ရင်း သူတို့၏ နှလုံးသားများက လည်ချောင်းဝသို့ ရောက်နေကြ၏။</p> <p style="text-align:justify">လရောင် ဖုံးကွယ်သွားသဖြင့် ဖူရှောင်ကွမ်းက ပုန်းကွယ်နေဆဲပင်။ သူ့ရှေ့ရှိ မိုးကြိုးတိမ်တိုက်များကို ကြည့်လျက် သူက တဖြည်းဖြည်း စုစည်းလာသော ကောင်းကင်နှင့် မြေကြီး၏ အရှိန်အဝါ ကြီးမားမှုကို ခံစားရင်း သူ၏ အတွေးများက ထိတ်လန့်တုန်လှုပ်မှုများ ကြားတွင် ပြေးလွှားနေ၏။</p> <p style="text-align:justify">ပြီးခဲ့သည့် အကြိမ်က ဧကရီယွီလီ တရားဟောစဉ်က မိစ္ဆာဘုရင် မိုးကြိုးကပ်ဘေး အကြောင်းကို အကျဉ်းချုံး ပြောပြခဲ့ဖူးပြီး ဤမိုးကြိုးကပ်ဘေးကို အဆင့်သုံးဆင့် ခွဲခြားထားကာ ကောင်းကင်ဘုံ တစ်ခုစီအတွက် မိုးကြိုးကပ်ဘေး တစ်ခုစီ ရှိကြောင်း ပြောခဲ့၏။</p> <p style="text-align:justify">ကောင်းကင်ဘုံတိုင်းတွင် တိမ်နှင့် ရွှံ့ကဲ့သို့ ကြီးမားသော ကွာခြားချက် ရှိသည်။</p> <p style="text-align:justify">မိစ္ဆာဘုရင် မိုးကြိုးကပ်ဘေး၏ ပထမအဆင့်မှာ ကောင်းကင် မိုးကြိုးကပ်ဘေး ဖြစ်ပြီး ဆဋ္ဌမမြောက် ကောင်းကင်ဘုံ မဟာမိစ္ဆာကြီး တစ်ကောင် သတ္တမမြောက် ကောင်းကင်ဘုံသို့ အဆင့်တက်လှမ်းချိန်တွင် ကြုံတွေ့ရမည် ဖြစ်၏။</p> <p style="text-align:justify">မိစ္ဆာဘုရင် မိုးကြိုးကပ်ဘေးက အသွင်ပြောင်းခြင်း မိုးကြိုးကပ်ဘေးထက် ပိုမို ရှုပ်ထွေးသည်။ မဟာမိစ္ဆာကြီး၏ သွေးဆက်ခံသူ၊ အပြစ်ကြွေးနှင့် အခြေခံအုတ်မြစ် အပေါ် မူတည်၍ မိုးကြိုးကပ်ဘေး၏ စွမ်းအားက ကွဲပြားသွား၏။ အတိအကျ ပြောရလျှင် အမျိုးအစား သုံးမျိုး ရှိသည်။</p> <p style="text-align:justify">သာမန် မဟာမိစ္ဆာကြီးများအတွက်ဆိုလျှင် မိုးကြိုးကပ်ဘေး တိမ်တိုက်များက ပေ ၁၅၀ မှ ပေ ၃၀၀ အတွင်း ရှိသည်။</p> <p style="text-align:justify">ထိပ်တန်းအဆင့် မဟာမိစ္ဆာကြီးများအတွက်ဆိုလျှင် မိုးကြိုးကပ်ဘေး တိမ်တိုက်များက ပေ ၄၅၀ နှင့် ပေ ၆၀၀ ကြားတွင် ရှိ၏။</p> <p style="text-align:justify">ပြိုင်ဘက်ကင်း မဟာမိစ္ဆာကြီးများအတွက်ဆိုလျှင်တော့ ကောင်းကင် မိုးကြိုးက ပေ ၇၅၀ နှင့် ပေ ၉၀၀ ကြားတွင် ရှိသည်။</p> <p style="text-align:justify">မိုးကြိုးကပ်ဘေး မိုးကြိုးက ယခုမှ စတင် ဖွဲ့စည်းနေဆဲ ဖြစ်သော်လည်း ပေ ၆၀၀ ကျယ်ဝန်းနေပြီ ဖြစ်၏။ ဧကရီယွီလီက သူ ထင်ထားသည်ထက်ပင် ပို၍ အားကောင်းနေပုံရသည်။</p> <p style="text-align:justify">လေပြင်းတစ်ခု ရုတ်တရက် တိုက်ခတ်လာပြီး ဟိန်းဟောက်သွား၏။</p> <p style="text-align:justify">မိုးကြိုးတိမ်တိုက်များက မျက်စိဖြင့် မြင်နိုင်သော အမြန်နှုန်းဖြင့် ထပ်မံ ကျယ်ပြန့်လာသည်။ ဖူရှောင်ကွမ်းနှင့် အခြားသူများ ထပ်မံ ဆုတ်ခွာလိုက်ကြပြန်၏။</p> <p style="text-align:justify">မိုးကြိုးကပ်ဘေး တိမ်တိုက်များက ပေ ၇၅၀ ဝန်းကျင်တွင် တည်ငြိမ်သွားပြီး ကောင်းကင်ယံ၏ ငါးမိုင်ခန့်ကို ဖုံးလွှမ်းသွားသည်ကို မြင်သောအခါ ဖူရှောင်ကွမ်းမှာ အံ့အားသင့်သွားပြီး ဝမ်းသာမှုနှင့် စိုးရိမ်မှု ရောနှောနေသော ခံစားချက်များဖြင့် ပြည့်နှံ့သွား၏။</p> <p style="text-align:justify">အခြား မိစ္ဆာသခင် သုံးကောင်လည်း ထိုနည်းတူပင် ဖြစ်သည်။</p> <p style="text-align:justify">မိစ္ဆာသခင်မ ကျိုကွမ်းမှာ အလွန် စိတ်လှုပ်ရှားနေသဖြင့် လမင်းပုံစံ ဝတ်ရုံနောက်မှ လှပတင့်တယ်သော ငှက်မွေးများ ထွက်ပေါ်လာပြီး သူမ၏ ဂနာမငြိမ် ဖြစ်နေမှုကို ပြသနေ၏။</p> <p style="text-align:justify">မိစ္ဆာသခင် ဟုန်ယဲ့က တတွတ်တွတ် ရေရွတ်နေပြီး ထျန်းယီ မိစ္ဆာနတ်ဘုရား၏ အစောင့်အရှောက်ကို ဆုတောင်းနေကာ စိတ်လှုပ်ရှားစွာဖြင့် သူ၏ ကိုယ်ပိုင်အမြီးကိုပင် ကိုက်နေမိသည်။</p> <p style="text-align:justify">ကျောင်းအုပ်ကြီး ဂျီမို၏ လက်အင်္ကျီများ အတွင်းရှိ လက်ဆစ်များက တင်းကျပ်စွာ ဆုပ်ကိုင်ထားပြီး သူမ၏ သွားများက နှုတ်ခမ်းကို ညင်သာစွာ ကိုက်ထားကာ မျက်လုံးများထဲတွင် စိုးရိမ်ပူပန်မှုများ ပြည့်နှံ့နေ၏။</p> <p style="text-align:justify">…</p> <p style="text-align:justify">ဂျွတ်... ဂျွတ်…</p> <p style="text-align:justify">ကွဲအက်သံများ ထွက်ပေါ်လာပြီး မြေကြီးက တုန်ခါသွားသည်။</p> <p style="text-align:justify">ကြီးမားကာ မြင့်မားသော မြစိမ်းရောင် ဝါးပင်ကြီး တစ်ပင်က မြေကြီးထဲမှ ထွက်ပေါ်လာပြီး ၎င်း၏ အကိုင်းအခက်များနှင့် အရွက်များက ကျောက်စိမ်းကဲ့သို့ စိမ်းလန်းနေကာ မှောင်မိုက်နေသော ကောင်းကင်ယံတွင် အလင်းတန်းများ ဖြာထွက်နေပြီး ကောင်းကင်ယံရှိ လျှပ်စီးနှင့် မိုးခြိမ်းသံများကို ရင်ဆိုင်နေ၏။</p> <p style="text-align:justify">ဤသည်က ဧကရီယွီလီ၏ မူလအသွင်သဏ္ဌာန် ဖြစ်သော အပြာရောင် ကောင်းကင်ယံ ရွှေပြာရောင် ဝိညာဉ်ဝါးပင် ဖြစ်ပေသည်။</p> <p style="text-align:justify">မြင့်မားသော ဝါးပင်ထိပ်တွင်တော့ အစိမ်းရောင် ဝတ်ဆင်ထားသော ကျော့ရှင်းလှပသည့် ပုံရိပ်တစ်ခုက ထီးတစ်လက်ကို ကိုင်ကာ မတ်တတ်ရပ်နေပြီး သူမ၏ ခြေဗလာများက ဝါးရွက်များပေါ်တွင် နင်းထား၏။ သူမ၏ ကိုယ်နေဟန်ထားက ပေါ့ပါးနေပြီး သူမ၏ အငွေ့အသက်က နတ်သမီးလေး တစ်ပါးကဲ့သို့ ဖြစ်နေသည်။</p> <p style="text-align:justify">သူမ၏ တောက်ပသော မျက်လုံးများက ကြယ်များကဲ့သို့ လင်းလက်နေပြီး မိုးကြိုးတိမ်တိုက်များကို မော့ကြည့်နေ၏။ မိတ်ကပ် ကင်းစင်နေသော သူမ၏ သန့်စင်သည့် မျက်နှာလေးပေါ်တွင် ကြောက်ရွံ့မှု အရိပ်အယောင် လုံးဝ မရှိဘဲ စမ်းသပ်ကြည့်ချင်စိတ်ဖြင့် စိတ်လှုပ်ရှားမှုများသာ ပြည့်နှံ့နေသည်။</p> <p style="text-align:justify">ကျောင်းအုပ်ကြီး ဂျီမိုမှာ ခေါင်းကိုက်သွားသလို ခံစားလိုက်ရပြီး သူမ၏ နဖူးကို အလိုအလျောက် ပွတ်သပ်လိုက်မိ၏။</p> <p style="text-align:justify">မိစ္ဆာသခင်မ ကျိုကွမ်း၏ စိုးရိမ်ပူပန်မှုများကတော့ ကျန်ရှိနေဆဲပင်။</p> <p style="text-align:justify">မိစ္ဆာသခင် ဟုန်ယဲ့၏ မျက်လုံးများက အားကျမှုများဖြင့် ပြည့်နှံ့နေပြီး သူ့အနေဖြင့်လည်း ထီးတစ်လက် ယူထားသင့်သလားဟု တွေးတောနေမိ၏။</p> <p style="text-align:justify">အဲဒါက တကယ့်ကို ကြီးစိုးလွှမ်းမိုးနိုင်ပြီး မိုက်လွန်းတယ်…</p> <p style="text-align:justify">ဧကရီယွီလီ၏ တုံ့ပြန်မှုကို မြင်သောအခါ ဖူရှောင်ကွမ်းမှာ အများကြီး ပို၍ စိတ်သက်သာရာ ရသွားသည်။ မိုးကြိုးကပ်ဘေးကို ဖြတ်ကျော်မည့်သူက စိုးရိမ်ပူပန်မှု မရှိဘဲ တည်ငြိမ်သော စိတ်သန္တာန် ရှိနေခြင်းက ကောင်းမွန်သော အရာတစ်ခု ဖြစ်ပြီး သူမတွင် ယုံကြည်မှု အချို့ ရှိနေကြောင်း ညွှန်ပြနေ၏။</p> <p style="text-align:justify">သို့သော်လည်း သူက သတိမပေါ့ရဲသေးပေ။ သမိုင်းတစ်လျှောက်နှင့် သူ၏ ဘဝနှစ်ခုစလုံးတွင် အမှားအယွင်းများ ဖြစ်ပေါ်ခဲ့သည့် ဖြစ်ရပ်များက နေရာတိုင်းတွင် ရှိနေသည်။</p> <p style="text-align:justify">တခြားအရာတွေကို ထားတော့။ သူ မိစ္ဆာသခင် ဖြစ်လာပြီး ယွီတောင်တန်း မိစ္ဆာမျိုးနွယ်စု၏ စိတ်ဓာတ်ကို မြှင့်တင်ပေးပြီးနောက် မကြာမီမှာပင် နောက်ထပ် လူသားတစ်ပိုင်း အသွင်ပြောင်း မိစ္ဆာတစ်ကောင်က အသွင်ပြောင်းခြင်း မိုးကြိုးကပ်ဘေးကို ဖြတ်ကျော်ခဲ့၏။</p> <p style="text-align:justify">သူက ဟုန်ယဲ့ကဲ့သို့ပင် ယွီတောင်တန်းကို ကင်းလှည့်ရန် တာဝန်ရှိသော ခွေးအ တစ်ကောင် ဖြစ်ပြီး ထိုအချိန်က ဟုန်ယဲ့ထက် မညံ့သော နက်ရှိုင်းသည့် အခြေခံအုတ်မြစ် ရှိခဲ့သည်။</p> <p style="text-align:justify">မိစ္ဆာအများစုက သူ မိုးကြိုး မိုးကြိုးကပ်ဘေးကို ဖြတ်ကျော်ပြီး မဟာမိစ္ဆာကြီး တစ်ကောင် ဖြစ်လာနိုင်သည်ဟု ထင်ခဲ့ကြသလို ခွေးအမိစ္ဆာကလည်း ထိုသို့ပင် ထင်ခဲ့၏။ နောက်ဆုံးတွင် တတိယမြောက် မိုးကြိုးကို ရင်ဆိုင်နေရချိန်၌ သူ၏ စိတ်သန္တာန်တွင် ဟာကွက်တစ်ခု ပေါ်လာပြီး သူ၏ ဓမ္မစွမ်းအားများက ခဏတာ ကမောက်ကမ ဖြစ်သွားကာ နောက်ဆုံးတွင် သေဆုံးသွားခဲ့ရသည်။</p> <p style="text-align:justify">ဤအတွေ့အကြုံအရ ကိစ္စရပ်များမှာ တကယ် အဆုံးအဖြတ် မရမချင်း သတိလုံးဝ မပေါ့သင့်ကြောင်း ထင်ရှားလှပေသည်။</p> <p style="text-align:justify">လေပြင်းတစ်ချက် တိုက်ခတ်လာပြီး သူမ၏ အစိမ်းရောင် အဝတ်အစားများက လွင့်ဝဲသွား၏။ ဧကရီယွီလီ၏ တောက်ပသော မျက်လုံးများက ပတ်ဝန်းကျင်ကို ဝေ့ကြည့်လိုက်ပြီး သူမ၏ အကြည့်က ချောင်းငယ်လေး တစ်ခုအနီးတွင် အနည်းငယ် ရပ်တန့်သွားကာ ထို့နောက်တွင်တော့ ကောင်းကင်ယံကို ဆက်လက် ရင်ဆိုင်လိုက်သည်။</p> <p style="text-align:justify">လေပြင်းက ဘယ်အချိန် ရပ်သွားမှန်း မသိချေ။</p> <p style="text-align:justify">ကောင်းကင်ယံရှိ မိုးကြိုးတိမ်တိုက်များက တောင်များနှင့် ပင်လယ်များကဲ့သို့ ဖြစ်နေပြီး လျှပ်စီးများက နဂါးများကဲ့သို့ ရွေ့လျားနေကာ လျှပ်စစ်အလင်းတန်းများက အမှောင်ထုကို ဆုတ်ဖြဲနေ၏။ ကြည့်ရှုနေသူ အားလုံးမှာ ကြောက်ရွံ့တုန်လှုပ်နေကြသည်။</p> <p style="text-align:justify">ဧကရီယွီလီကတော့ အရင်ကလိုပင် တည်ငြိမ်အေးဆေးနေဆဲပင်။</p> <p style="text-align:justify">ဝုန်း…</p> <p style="text-align:justify">ရေပုံးတစ်လုံးစာခန့် တုတ်ခိုင်သော အပြာရောင် လျှပ်စီးတန်း တစ်ခုက ရုတ်တရက် အောက်သို့ ထိုးဆင်းလာပြီး ဟင်းလင်းပြင် နယ်ပယ်ကို ဆုတ်ဖြဲကာ ခုခံမရနိုင်သော စွမ်းအားဖြင့် မှောင်မိုက်နေသော ကောင်းကင်ကြီးကို လင်းထိန်သွားစေ၏။</p> <p style="text-align:justify">ဖူရှောင်ကွမ်း၏ ငွေရောင်သူငယ်အိမ်များမှာ ကျုံ့ဝင်သွားသည်။</p> <p style="text-align:justify">လျှပ်စီး၏ အရောင်က ပိုရင့်လေလေ၊ ၎င်း၏ စွမ်းအားက ပိုမို အားကောင်းလေလေ ဖြစ်၏။</p> <p style="text-align:justify">ဤအပြာရောင် လျှပ်စီးတန်းက အတိတ်က သူ၏ အသွင်ပြောင်းခြင်း မိုးကြိုးကပ်ဘေးမှ တတိယမြောက် လျှပ်စီးတန်းထက် အဆတစ်ရာ ပိုမို အားကောင်းပေသည်။</p> <p style="text-align:justify">ကျောင်းအုပ်ကြီး ဂျီမို၏ မျက်လုံးများမှာ ပြူးကျယ်သွား၏။</p> <p style="text-align:justify">မိစ္ဆာသခင်မ ကျိုကွမ်း၏ အမြီးမွေးများလည်း ထောင်မတ်သွားသည်။</p> <p style="text-align:justify">မိစ္ဆာသခင် ဟုန်ယဲ့က သူ၏ အမြီးကို ပြင်းပြင်းထန်ထန် ကိုက်လိုက်၏။</p> <p style="text-align:justify">ကောင်းကင်ယံတွင် ခြိမ်းခြောက်နေသော လျှပ်စီးတန်း ချဉ်းကပ်လာသည်ကို ကြည့်ကာ ယွီလီ၏ နှုတ်ခမ်းထောင့်များက အနည်းငယ် ကွေးတက်သွားသည်။ သူမက ရှောင်တိမ်းခြင်းလည်း မရှိသလို ခုခံကာကွယ်ခြင်းလည်း မရှိဘဲ လျှပ်စီးကို သူမ၏ ခန္ဓာကိုယ်ပေါ်သို့ ကျရောက်ခွင့် ပြုလိုက်၏။</p> <p style="text-align:justify">အပြာရောင် လျှပ်စီးတန်းက တောင်ပေါ်သို့ ရေနဂါးတစ်ကောင် ဝင်တိုက်သကဲ့သို့ ကြီးမားပြီး မြင့်မားလှသော မြစိမ်းရောင် ဝါးပင်ကြီးကို ရိုက်ခတ်သွားပြီး မိုးခြိမ်းသံကဲ့သို့ ကျယ်လောင်သော အသံကြီး ထွက်ပေါ်လာသည်။</p> <p style="text-align:justify">မြစိမ်းရောင် ဝါးပင်ကြီးက အစိမ်းရောင် အလင်းတန်းများ ဖြာထွက်လာပြီး ညင်သာစွာ တစ်ချက် လှုပ်ယမ်းလိုက်ရုံဖြင့် အပြာရောင် လျှပ်စီးတန်းက ရုတ်တရက် အပိုင်းပိုင်း ကွဲကြေသွားကာ ဝါးပင်၏ စုပ်ယူခြင်းကို ခံလိုက်ရသော သန့်စင်သည့် လျှပ်စီး ဝိညာဉ်စွမ်းအင် အဖြစ်သို့ ပြောင်းလဲသွားတော့၏။</p> <p style="text-align:justify">ထို့နောက် ရန်စသည့်အလား မြစိမ်းရောင် ဝါးပင်ကြီးက ၎င်း၏ ကိုယ်လုံးကို လှုပ်ယမ်းလိုက်ပြီး ဧကရီယွီလီက သူမ၏ လည်ပင်းကို လှည့်ကာ ပြောလိုက်သည်။</p> <p style="text-align:justify">"ဒီထက် နည်းနည်းလောက် ပိုပြီး အားပြင်းလို့ မရဘူးလား... ဒီအဘွားကြီး တင်ပျဉ်ခွေ ထိုင်နေတာ နှစ်နှစ်တောင် ရှိပြီ... ကြွက်သားတွေနဲ့ အရိုးအဆစ်တွေကို ဆန့်ထုတ်ဖို့ အနှိပ်ခံဖို့ လိုနေတယ်"</p> <p style="text-align:justify">သူမ၏ စကားသံ ဆုံးသွားသည်နှင့် တစ်ပြိုင်နက် မိုးကြိုးကပ်ဘေး မိုးကြိုးတိမ်တိုက်ကြီးမှာ ဒေါသထွက်သွားတော့၏။</p> <p style="text-align:justify">ဒုတိယမြောက်၊ တတိယမြောက်နှင့် စတုတ္ထမြောက် လျှပ်စီးတန်းများက တစ်ပြိုင်နက်တည်း ပစ်ခတ်လာတော့သည်။</p> <p style="text-align:justify">…</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save