Book List

<h2 style="text-align: center;">အခန်း ၉၀၁</h2> <h2 style="text-align: center;">ဗန်ပိုင်းယားတပ်ဖွဲ့များ ကျူးကျော်ခြင်းနှင့် ဖြစ်စဉ်ပုံစံကို ဆွေးနွေးခြင်း</h2> <h2 style="text-align: center;">*</h2> <p> </p> <p> </p> <p>ထိုသူသည် တစ်ဖက်လူ၏ ပုံမှန်အသားအရေနှင့် နေရောင်ခြည်ကို မကြောက်လန့်ပုံအား မြင်လိုက်ရသဖြင့် သူ၏သေနတ်ကို နှိမ့်ချလိုက်ပြီး ပြန်ပြောလိုက်သည်။</p> <p>“မင်း ဘာလို့ ဝတ်ရုံကြီးခြုံထားတာလဲဆိုတာကို ငါက သိချင်ရုံတင်ပါ။ ငါတို့ အသက်ရှင်ကျန်ရစ်သူအချင်းချင်း လှုပ်ရှားမှုတွေကို ဖုံးကွယ်ထားဖို့ တကယ်ပဲ မလိုဘူး မဟုတ်လား။”</p> <p>“အဲဒီလိုတော့ ပြောလို့မရဘူးလေ။ ရန်သူတွေရှိလာတဲ့အခါ ဂရုစိုက်ရတာပေါ့။”</p> <p>ထိုသူသည် သူ၏ဝတ်ရုံကို ပြန်ခြုံလိုက်ပြီး တည်နေရာကူးပြောင်းခြင်းအမှတ်မှ ထွက်ခွာသွားတော့သည်။</p> <p>နောက်ပိုင်းတွင် ဝတ်ရုံခြုံထားသည့် လူအတွဲလိုက်ကြီးများသည် ပေါ်တယ်ထဲမှ ဆက်တိုက်ထွက်ပေါ်လာခဲ့ကြသော်လည်း စစ်ဆေးမေးမြန်းပြီးနောက် ကင်းစောင့်များက ၎င်းတို့ထဲတွင် ဗန်ပိုင်းယားတစ်ဦးမှ မပါဝင်ကြောင်း အတည်ပြုခဲ့ကြသည်။</p> <p>ဤတိုက်သစ်၏ တည်နေရာကူးပြောင်းခြင်းအမှတ်သည် မည်သည့်မဟာမိတ်အဖွဲ့ကိုမျှ အပြည့်အဝ ဖွင့်လှစ်ပေးထားခြင်း မရှိပေ။ အသက်ရှင်ကျန်ရစ်သူများသည် ဤဂိတ်တံခါးမှတစ်ဆင့်သာ တိုက်သစ်ထဲသို့ ရောက်ရှိနိုင်ပြီး ထိုအခွင့်အရေးအတွက် အုတ်မြစ်ကျောက်များ ပေးဆောင်ကြရ၏။</p> <p>“သခင်... ကင်းစောင့်တွေက ဝတ်ရုံခြုံထားတဲ့ လူတိုင်းကို စစ်ဆေးနေပါတယ်။ သူတို့ရဲ့ သတိဝီရိယကို လျော့ပါးသွားအောင် ကျုပ်တို့ ဝတ်ရုံခြုံထားတဲ့လူတွေ အများကြီး စေလွှတ်လိုက်ပေမဲ့ သူတို့က တစ်ယောက်ချင်းစီကို စစ်ဆေးနေတုန်းပဲ။ ကျုပ်တို့ ခိုးဝင်လို့မရလောက်ဘူးထင်တယ်။”</p> <p>အမှောင်ရိပ်ကျနေသော တဲအိမ်လေးတစ်ခုအတွင်းရှိ အသားဖြူဖျော့ဖျော့နှင့် လူတစ်ဦးကို တပ်သားတစ်ယောက်က အစီရင်ခံလိုက်သည်။</p> <p>“ဒါဆိုရင် သူတို့ကို အခုလောလောဆယ် ကျွန်းကို စူးစမ်းခိုင်းထားလိုက်ဦး။ မြို့စားမင်းက ဟိုဘက်တိုက်က သူ့ကိစ္စတွေကို အပြီးသတ်သွားရင် သူကိုယ်တိုင် လာလိမ့်မယ်။”</p> <p>“ဟုတ်ကဲ့ပါ သခင်။”</p> <p>တစ်ချိန်တည်းမှာပင် ယီထျန်းဂရုချတ်ထဲတွင်လည်း ဤအကြောင်းအရာကို ဆွေးနွေးနေခဲ့ကြလေသည်။</p> <p>“အခုတလော ဝတ်ရုံနက်ခြုံထားတဲ့ လူတွေ အများကြီး တွေ့နေရတယ်နော်။”</p> <p>“အာ... ငါတို့ဆီမှာ ဗန်ပိုင်းယားတွေ ဒီလောက်တောင် များနေပြီလား။ ကြောက်စရာကောင်းလိုက်တာ။”</p> <p>“မဟုတ်ဘူး။ တိုက်သစ်ဂိတ်တစ်ခုမှာ ကင်းစောင့်တွေက လူတိုင်းကို စစ်ဆေးနေတာ ငါတွေ့ခဲ့တယ်။ အဲဒီဝတ်ရုံခြုံထားတဲ့လူတွေထဲမှာ ဗန်ပိုင်းယား တစ်ယောက်မှ မပါဘူး။”</p> <p>“တကယ်လား။ ဒါဆိုရင် သူတို့က ရှုပ်ထွေးအောင် လုပ်နေတာပေါ့။ သူတို့က ဗန်ပိုင်းယား မဟုတ်ရင် ဘာလို့ ဝတ်ရုံခြုံထားတာလဲ။”</p> <p>“ဝတ်စားဆင်ယင်တာကတော့ သူတို့လွတ်လပ်ခွင့်ပဲလေ။ ငါတို့ ဘာမှပြောလို့မရဘူး။”</p> <p>“မဟုတ်ဘူး။ ဗန်ပိုင်းယားတွေက ငါတို့ရဲ့ သတိဝီရိယကို ထုံထိုင်းသွားအောင် လုပ်နေတာလို့ ငါထင်တယ်။ ဂိတ်က စစ်ဆေးမှုတွေကို တင်းတင်းကျပ်ကျပ် လုပ်ရမယ်။ တစ်ယောက်မှ လွတ်မသွားစေနဲ့။”</p> <p>“ဟုတ်တယ်၊ ဟုတ်တယ်။ ဘေးကင်းတာက အကောင်းဆုံးပဲ။ ဗန်ပိုင်းယားတွေက တကယ်ကြောက်ဖို့ကောင်းတယ်။”</p> <p>“အခု ကြောက်ဖို့ကောင်းတာက ဗန်ပိုင်းယားတင် မဟုတ်တော့ဘူး။ တခြား မဟာမိတ်အဖွဲ့တစ်ခုက ရှေးဦးသတ္တဝါကြီးတစ်ကောင်နဲ့ တိုးခဲ့တယ်လို့ ငါကြားခဲ့တယ်။”</p> <p>“ဘာ...ပြီးခဲ့တဲ့အကြိမ်ကတင် ရိရန်ပင်းသူဌေးက ဒီအကြောင်းကို မေးခဲ့တာလေ။ အခု ဒုတိယအကြိမ် ထပ်တွေ့ပြန်တာလား။”</p> <p>“ဟုတ်တယ်။ အဲဒါက ဧရာမ မိုဆာဆောရတ်စ်တစ်ကောင်လို့ ငါကြားတယ်။”</p> <p>“မိုဆာဆောရတ်စ်လား။ နဂါးကြီးလား။ နဂါးတွေ တကယ်ရှိတာလား။”</p> <p>“အပေါ်ကလူ... မင်းဘာမှမသိရင်လည်း နည်းနည်းပဲပြောစမ်းပါ။ အမှားတွေပြောနေတာ ရှက်ဖို့ကောင်းတယ်။”</p> <p>“ဘာကို မသိတာလဲ။ ငါက ဘာကို ရှက်ရမှာလဲကွ။ ငါ လုံးဝမရှက်ဘူး။ မင်းက ဘာတွေပြောနေတာလဲ။”</p> <p>“တကယ်ပဲ... ယိုသူမရှက် မြင်သူရှက်ပါလားဟ။”</p> <p>“မိုဆာဆောရတ်စ် ဆိုတာက ရှေးဦးသတ္တဝါကြီးတစ်မျိုးပဲ။ ဒိုင်နိုဆောတွေလိုပဲ အရမ်းကြီးပေမဲ့ သူက ရေထဲမှာ နေတာ။”</p> <p>“ဒါဆို ဒိုင်နိုဆောပေါ့။ ငါက ငါတို့ ရှားနိုင်ငံရဲ့ အထွတ်အမြတ်ထားတဲ့ သတ္တဝါကြီးလို့ ထင်နေတာ။”</p> <p>“အဲဒီ သမိုင်းမတင်မီ သတ္တဝါကြီးက ငါတို့ကျွန်းတွေကို ဘာလို့ တိုက်ခိုက်တာလဲ။ အဲဒါကြီးကို ငါတို့က ဘယ်လိုလုပ်ပြီး လုပ်တိုက်နိုင်မှာလဲ။”</p> <p>“သူတို့က အဲဒီ မိုဆာဆောရတ်စ်ကို နှိမ်နင်းဖို့အတွက် သူဌေးဆီကနေ တော်ပီဒိုတွေ ဝယ်ခဲ့ကြတယ်လို့ ကြားတယ်။”</p> <p>“မျှော်လင့်ထားတဲ့အတိုင်းပဲ။ ငါတို့ကို ကယ်နိုင်တာ သူဌေးပဲရှိတယ်။ ဒါပေမဲ့ အရင်တုန်းက အဲဒီသတ္တဝါတွေက သူဌေးရဲ့ ရွက်သင်္ဘောကိုပဲ ပစ်မှတ်ထားခဲ့တာ မဟုတ်ဘူးလား။”</p> <p>“အခု သူတို့ ပစ်မှတ်ထားစရာ မရှိတော့လို့ ငါတို့ကျွန်းတွေကို ပစ်မှတ်ထားလာတာများလား။”</p> <p>“မဖြစ်နိုင်ဘူး။ အဲဒီသတ္တဝါကြီးက တစ်ခါက ငါ့ကျွန်းနားမှာ ပေါ်လာဖူးတယ်။ ဒါပေမဲ့ ကျွန်းကို မတိုက်ခိုက်ခဲ့ဘူး။”</p> <p>“အပေါ်ကလူ... မင်း အတည်ပြောနေတာလား။”</p> <p>“တကယ်ပြောတာ။ ငါ သူဌေးရဲ့ ရွက်သင်္ဘောကို ငှားပြီး လမ်းကြောင်းလွဲသွားလို့ အဲ့သတ္တဝါကြီး ရောက်လာတာ။ နောက်ဆုံးအချိန်ကျမှ ငါက ရွက်သင်္ဘောကို ပြန်အပ်လိုက်တာ။ ပစ်မှတ်ပျောက်သွားတော့ အဲဒီသတ္တဝါက ငါ့ကျွန်းကို ဘာမှမလုပ်ဘဲ ထွက်သွားတယ်။”</p> <p>“အဲ့ဒါ ဘယ်တုန်းက ဖြစ်တာလဲ။”</p> <p>“လွန်ခဲ့တဲ့ တစ်လ၊ နှစ်လလောက်ကထင်တယ်။ အတိအကျတော့ မမှတ်မိတော့ဘူး။”</p> <p>“ဟာ... လွန်ခဲ့တဲ့ တစ်လ၊ နှစ်လက စည်းမျဉ်းတွေက အခုနဲ့ တခြားစီ ဖြစ်နေနိုင်တာပဲ။ ယေဘုယျဆန်ဆန် တွေးလို့မရဘူး။”</p> <p>“ဟုတ်တယ်။ ဖြစ်နိုင်တာက သူတို့ တစ်ခုခုကို သွားပြီး လှုံ့ဆော်မိလို့ ဖြစ်မယ်။ ဟေ့... တိုက်ခိုက်ခံရတဲ့ ကျွန်းတွေကလူတွေ မင်းတို့ ဘာလုပ်မိလဲဆိုတာ ပြောပြကြပါဦး။”</p> <p>ဤနေရာတွင် မည်သူမျှ ပြန်မဖြေကြပေ။ သို့သော် ကျိမိသားစုဝင်တစ်ဦးက ဤအချက်အလက်ကို အထက်သို့ အစီရင်ခံလိုက်ပြီဖြစ်သည်။</p> <p>“တစ်ခုခုကို လှုံ့ဆော်မိလို့ဟုတ်လား။”</p> <p>ကျိပါ့ထျန်းက မျက်မှောင်ကျုံ့လိုက်၏။</p> <p>“ထူးခြားတာ ဘာမှမရှိခဲ့သလိုပဲ။”</p> <p>ထိုစဉ် ကျိကျန့်ထျန်းက ဝင်ပြောလာခဲ့သည်။</p> <p>“ရိရန်ပင်း မဟာမိတ်အဖွဲ့က ကျန်းယွင်ထျန်းက တစ်ခါက ငါ့ကို မေးဖူးတယ်။ ငါတို့ကျွန်းမှာ ထူးခြားတာတွေ ဖြစ်နေလားလို့။ သူတို့လည်း အဲ့ဒီသတ္တဝါတွေ တိုက်ခိုက်တဲ့ ပုံစံကို ရှာနေတာ ဖြစ်နိုင်တယ်။”</p> <p>ကျိပါ့ထျန်း ခေါင်းငြိမ့်ပြီး စဉ်းစားခန်းဝင်သွားခဲ့သည်။</p> <p>“ရိရန်ပင်းက အသက်ရှင်ကျန်ရစ်သူတွေကို ဦးဆောင်နေတာ။ တစ်ကိုယ်ရည်စွမ်းရည်ပဲဖြစ်ဖြစ်၊ အဆင့်မြင့်လက်နက်တွေပဲဖြစ်ဖြစ်... ငါတို့ရဲ့ ရှေးဟောင်းသိုင်းပညာမိသားစုက ခန္ဓာကိုယ်ကြံ့ခိုင်မှုမှာပဲ အသာစီးထားရတယ်။ ဒါကြောင့်လည်း ယင်အာက SSS အဆင့်ကို ဒီလောက်မြန်မြန် ရောက်သွားခဲ့တာ။”</p> <p>“ဟုတ်တယ်...။ ဒါဆိုရင် ဖြစ်နိုင်တာက...”</p> <p>ကျိပါ့ထျန်း ရုတ်တရက် ခေါင်းမော့ကြည့်လိုက်သည်။ ကျိကျန့်ထျန်းလည်း သဘောပေါက်သွားပုံရပြီး လွှတ်ခနဲ ပြောလိုက်၏။</p> <p>“ကျိယင်းကြောင့်လား။”</p> <p>ကျိပါ့ထျန်း အသာအယာ ခေါင်းငြိမ့်ပြလိုက်သည်။</p> <p>“ဖြစ်နိုင်ခြေ အများဆုံးပဲ။ ငါတို့ မဟာမိတ်အဖွဲ့ရဲ့ လတ်တလော အကြီးမားဆုံး အပြောင်းအလဲက ယင်းအာ SSS အဆင့်ကို တက်သွားတာပဲ။”</p> <p>“ဒါပေမဲ့ အဲဒါကြောင့်ဆိုရင် ရိရန်ပင်းလည်း SSS အဆင့်ကို ရောက်နေပြီပေါ့။”</p> <p>ကျိကျန့်ထျန်း မျက်မှောင်ကျုံ့လိုက်သည်။</p> <p>“သူက တကယ်ပဲ ကျိယင်းထက် မြန်နေတာလား။”</p> <p>“ဖြစ်နိုင်တယ်။ သူ့ဆီမှာ အဆင့်မြင့် အစားအသောက်တွေ ဒီလောက်အများကြီး ရှိနေတာ။ ခန္ဓာကိုယ်အဆင့်တွေ မြန်မြန်တက်တာက အဓိပ္ပာယ်ရှိပါတယ်။”</p> <p>ကျိပါ့ထျန်းက ပြောလိုက်၏။</p> <p>“ယင်းအာရဲ့ ပြိုင်ဘက်ကို တကယ်ပဲ အထင်သေးလို့ မရဘူး။”</p> <p>ကျိကျန့်ထျန်း ခေါင်းငြိမ့်လိုက်သည်။ ကျိပါ့ထျန်းသည် ခေတ္တစဉ်းစားပြီးနောက် ကျိကျိယင်းကို ခေါ်ခိုင်းလိုက်လေသည်။</p> <p>“အဖေ၊ ဘာကိစ္စလဲ။”</p> <p>ကျိကျိယင်းသည် အမျိုးသမီးနှစ်ဦးနှင့်အတူ ဘဝ၏အဓိပ္ပာယ်ကို ရှာဖွေနေစဉ် ဆင့်ခေါ်ခံလိုက်ရသဖြင့် အနည်းငယ် စိတ်အနှောင့်အယှက် ဖြစ်နေခဲ့၏။</p> <p>ထိုအခါ ကျိပါ့ထျန်းက သူတို့၏ ကောက်ချက်ကို ဂရုတစိုက် ရှင်းပြလိုက်သည်။ ထိုအရာကို ကြားလိုက်ရသောအခါ ကျိကျိယင်း အံ့ဩသွားခဲ့။</p> <p>“အဖေပြောချင်တာက ရိရန်ပင်းလည်း SSS အဆင့်ကို တက်သွားပြီလို့လား။”</p> <p>“အင်း...ပြီးတော့ ဒီသတ္တဝါကြီးတွေက မင်းတို့နှစ်ယောက် SSS အဆင့်ကို ရောက်တာနဲ့ ဆက်စပ်နေပုံရတယ်။”</p> <p>ကျိပါ့ထျန်းက ပြန်ဖြေလိုက်သည်။</p> <p>“အဲကောင်က တကယ်ပဲ ဒီလောက်တောင် သန်မာတယ်ပေါ့။”</p> <p>ကျိကျိယင်း သူ၏မျက်လုံးများကို ကျဉ်းမြောင်းလိုက်သည်။</p> <p>“ဒါကြောင့် မင်း ပေါ့ပေါ့ဆဆ နေလို့မရသေးဘူး။”</p> <p>ကျိပါ့ထျန်းက ဆုံးမလိုက်၏။။ကျိကျိယင်း ကလေးလေးနက်နက် ခေါင်းငြိမ့်လိုက်သည်။ SSS အဆင့်ကို အောင်အောင်မြင်မြင် ရောက်ရှိပြီးနောက် သူသည် အမှန်တကယ်ပင် ပျော်ပါးနေခဲ့မိသည်။ ဤကမ္ဘာ၏ အမြင့်ဆုံး ရုပ်ခန္ဓာအဆင့်သည် SSS အဆင့်ဖြစ်သဖြင့် သူက တောင်ထိပ်သို့ ရောက်ပြီဟု ယူဆကာ အနားယူပြီး ရှုခင်းကြည့်ရန်ပင် စဉ်းစားခဲ့၏။</p> <p>ယခုမူ ထိုတောင်ထိပ်တွင် တစ်စုံတစ်ယောက်က ရောက်နှင့်နေပြီဆိုသည်ကို သူ ရုတ်တရက် သိလိုက်ရပြီဖြစ်သည်။ သဘာဝကျကျပင် သူသည် ထိုသူကို တောင်အောက်သို့ ကန်ချရန် ကြိုးစားရပေလိမ့်မည်။</p> <p>ကျိမိသားစုသည် ဤအကြောင်းရင်းကို ခန့်မှန်းမိသော်လည်း ယီထျန်းဂရုချတ်တွင် မျှဝေခြင်း မပြုခဲ့ပေ။ သို့သော် ဆုဝမ်က ဂရုထဲရှိ လူတိုင်း၏ မေးခွန်းများကို မြင်တွေ့လိုင်ရသဖြင့် ရှောင်းယီထံသို့ ထိုမေးခွန်းကို ပို့ပေးလိုက်တော့လေသည်။</p> <p>ထိုပြဿနာကို ကြားလိုက်ရသောအခါ ရှောင်းယီသည် အနည်းငယ်စဉ်းစားလိုက်ပြီး ယီထျန်းဂရုချတ်တွင် ရှင်းပြလိုက်သည်။</p> <p>“အားလုံးပဲ...သတ္တဝါကြီးတွေ တိုက်ခိုက်တဲ့ နောက်ကွယ်က အခြေအနေအမှန်ကို ကျုပ်လည်း အတိအကျ မသိသေးဘူး။ ဒါပေမဲ့ ကျုပ်မှာ ခန့်မှန်းချက်တစ်ခု ရှိတယ်။ နားထောင်ကြည့်ကြပါ။”</p> <p>“ကောင်းပြီ...နောက်ဆုံးတော့ သူဌေး စကားပြောလာပြီပဲ။ ကျုပ်တို့ နားထောင်နေပါတယ်။”</p> <p>“ခန့်မှန်းချက်ဆိုရင်လည်း ရပါပြီ။ ကျုပ်တို့ကို ပြောပြပါ။ အတူတူ ဆွေးနွေးကြတာပေါ့။ ဒါဆိုရင် ပိုပြီး ရှင်းလင်းတဲ့ ပုံရိပ်တစ်ခု ရနိုင်မလားလို့ပါ။”</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save