Book List

<h2 style="text-align: center;">အခန်း ၉၀၅</h2> <h2 style="text-align: center;">စာဖတ်ခြင်းက သင်၏အစွမ်းကို မြှင့်တင်ပေးနိုင်သည်</h2> <h2 style="text-align: center;">*</h2> <p> </p> <p>ထိုနေရာတွင် ကျန်းယွင်ထျန်း ပုန်းကွယ်နေသည်ဟု ရှောင်းယီက ပြောလိုက်သော်လည်း မြက်ပင်များကြားတွင် မည်သည့်လှုပ်ရှားမှုမျှ မရှိပေ။</p> <p>ရှောင်းယီသည် သစ်ကိုင်းခြောက်တစ်ခုကို အသာအယာကောက်ယူကာ လက်ဖြင့် ပစ်လွှတ်လိုက်၏။ သစ်ကိုင်းခြောက်သည် လေးကြိုးမှ လွတ်ထွက်သွားသော မြှားတစ်စင်းကဲ့သို့ ပျံထွက်သွားပြီး မြက်တောထဲတွင် စိုက်ဝင်သွားခဲ့သည်။</p> <p>“ငါပစ်လိုက်တဲ့ ‘မြှား’ က မင်းရဲ့ခေါင်းနဲ့ တစ်စင်တီမီတာပဲ ဝေးတော့တယ်။ အခု ထွက်မလာဘူးဆိုရင် နောက်တစ်ခါ မင်းခေါင်းကိုပဲ ချိန်ပစ်လိုက်တော့မှာနော်။”</p> <p>ရှောင်းယီက ပြုံးကာ ပြောလိုက်၏။</p> <p>ထိုအခါမှ မြက်တောမှာ လှုပ်ရှားသွားပြီး ပုံရိပ်တစ်ခု မတ်တပ်ထရပ်လာခဲ့လေသည်။</p> <p>“မင်း ငါ့ကို ဘယ်လိုလုပ် ရှာတွေ့သွားတာလဲ။”</p> <p>ကျန်းယွင်ထျန်းက အံ့အားသင့်စွာ မေးလိုက်သည်။</p> <p>ဘေးပတ်ဝန်းကျင်ရှိ နတ်သူငယ်များမှာမူ ကြောင်သွားကြ၏။ နတ်သူငယ်အတော်များများမှာ ထိုနေရာကို ရှာဖွေခဲ့ဖူးရုံမက ဖြတ်သန်းသွားလာခဲ့ကြသော်လည်း ကျန်းယွင်ထျန်းကို လုံးဝ ရှာမတွေ့ခဲ့ကြပေ။</p> <p>ရှောင်းယီက ပခုံးတွန့်ပြလိုက်သည်။</p> <p>“မင်းရဲ့ အရည်အချင်းတွေ တော်တော်ကျသွားတာပဲ။ မင်းရဲ့ ရုပ်ဖျက်နည်းက ပတ်ဝန်းကျင်နဲ့ လုံးဝ သဟဇာတမဖြစ်ဘူး။ ကြည့်လိုက်တာနဲ့ သိသာနေတာပဲလေ။”</p> <p>ကျန်းယွင်ထျန်းက မျက်လုံးလှန်ပြလိုက်၏။</p> <p>“ဒီတစ်ခါ ငါ့ရဲ့ ရုပ်ဖျက်နည်းက တကယ်ကို ထူးထူးခြားခြား ကောင်းမွန်တယ်လို့ ခံစားနေရတာပါ။”</p> <p>ထိုအချိန်တွင် ကျန်းရွှဲ့က လျှောက်လာပြီး ပြောလိုက်သည်။</p> <p>“ဒါက သူ့အရည်အချင်းတွေ ကျသွားတာမဟုတ်ဘဲ ကျွန်းပိုဂ်ရှင်က အခု ကျွန်မတို့နဲ့ မတူတဲ့ အဆင့်တစ်ခုကို ရောက်နေလို့ပါ။”</p> <p>ကျန်းရွှဲ့၏ စကားကို ကြားသောအခါ ရှောင်းယီ အံ့သြသွားခဲ့သည်။</p> <p>“မတူတဲ့ အဆင့်လား။ ငါက ဒုတိယထပ်မှာ ရောက်နေပြီး မင်းတို့က ပထမထပ်မှာမို့လို့လား။”</p> <p>“မဟုတ်ဘူး။ ကျွန်မတို့က ကမ္ဘာမြေမျက်နှာပြင်ပေါ်မှာပဲ ရှိသေးတာ။ ဒါပေမယ့် ကျွန်းပိုင်ရှင်ကတော့ လေထုအလွှာကိုတောင် ဖောက်ထွက်သွားပြီ။”</p> <p>ကျန်းရွှဲ့က ပြန်ဖြေလိုက်၏။ ရှောင်းယီမှာ နောက်တစ်ကြိမ် ကြောင်အသွားပြီးနောက် အကျယ်ကြီး ရယ်မောလိုက်လေသည်။</p> <p>“အစ်မရွှဲ့ အစ်မ ဘယ်တုန်းက ဒီလို ခေတ်မီတဲ့ စကားလုံးတွေကို တတ်သွားတာလဲ။”</p> <p>ကျန်းရွှဲ့က ခေါင်းခါပြပြီး ဆက်ပြောလိုက်သည်။</p> <p>“ခုနက ကျွန်းပိုင်ရှင်က နည်းပြကျန်းရဲ့ ချို့ယွင်းချက်ကို မြင်လို့ ရှာတွေ့တာမဟုတ်ဘဲ ပတ်ဝန်းကျင် တစ်ခုလုံးကို မြင်နေလို့ပါ။ ရုပ်ဖျက်ခြင်းရဲ့ အမြင့်ဆုံး အဆင့်က ပတ်ဝန်းကျင် တစ်ခုလုံးနဲ့ တစ်သားတည်း ဖြစ်သွားဖို့ပဲ။ ဒါပေမဲ့ ကျွန်းပိုင်ရှင် ခုနက ပြောလိုက်တယ်လေ။ သူ့ရဲ့ ရုပ်ဖျက်နည်းက ပတ်ဝန်းကျင်နဲ့ သဟဇာတမဖြစ်ဘူးတဲ့။ ဒါက ကျွန်မတို့ လိုက်မမီနိုင်သေးတဲ့ နယ်ပယ်တစ်ခုပဲ။”</p> <p>“ဟုတ်တယ်။ အရာအားလုံးနဲ့ တစ်သားတည်း ဖြစ်သွားတာမျိုးပေါ့။ ခုနက ကျွန်းပိုင်ရှင် သစ်ပင်ပေါ်မှာ ထိုင်နေတုန်းက ကျွန်းပိုင်ရှင် ရှိနေတယ်လို့ကို ကျွန်မ လုံးဝ အာရုံမခံနိုင်ခဲ့ဘူး။”</p> <p>ဆာရာက ချက်ချင်း ရှေ့တိုးလာပြီး ထောက်ခံပြောဆိုလိုက်သည်။</p> <p>ထိုစကားကို ကြားသောအခါ ကျန်းယွင်ထျန်းက ဂရုတစိုက် အာရုံခံကြည့်လိုက်၏။ အမှန်တကယ်ပင် ရှောင်းယီ သူ့ရှေ့တွင် မတ်တပ်ရပ်နေသည်ကို မျက်စိဖြင့် မမြင်ရပါက ဤနေရာတွင် လူရှိနေသည်ကို သူ ခံစားနိုင်ရန် ခက်ခဲလှသည်။</p> <p>သူနှင့် ကျန်းရွှဲ့မှာ ထိပ်တန်း ကြေးစားတပ်သားများ ဖြစ်ကြကြောင်း သိထားရန် လိုအပ်ပေသည်။ သူတို့၏ ပတ်ဝန်းကျင် သုံးမီတာအတွင်းသို့ မည်သူမျှ သတိမထားမိဘဲ ချဉ်းကပ်နိုင်ရန်မှာ မဖြစ်နိုင်သလောက်ပင်။</p> <p>အကြောင်းမှာ အကယ်၍ ဤမျှ နီးကပ်စွာ ချဉ်းကပ်ခံရသည်အထိ သတိမထားမိပါက သူတို့သည် လွန်ခဲ့သော အချိန်ကတည်းက အကြိမ်ပေါင်းများစွာ သေဆုံးခဲ့ပြီး ဖြစ်ပေလိမ့်မည်။</p> <p>“ကျွန်းပိုင်ရှင် ဒါကို ဘယ်လိုလုပ်လိုက်တာလဲ။”</p> <p>ကျန်းယွင်ထျန်းက စူးစမ်းလိုစိတ်ဖြင့် မေးလိုက်သည်။ သူသာ ဤအရာကို သင်ယူနိုင်လျှင် သူ၏ အစွမ်းမှာ နောက်ထပ် အဆင့်တစ်ခုသို့ သေချာပေါက် တိုးတက်သွားပေလိမ့်မည်။</p> <p>သူတို့၏ စကားများကို ကြားသောအခါ ရှောင်းယီသည် သူကိုယ်တိုင် အမှန်တကယ်ပင် ထူးခြားသွားပြီဖြစ်ကြောင်း သတိပြုမိသွားခဲ့သည်။</p> <p>ဒါက တာအိုရဲ့ စွမ်းအားလား။</p> <p>“စာဖတ်လို့လေ။”</p> <p>ရှောင်းယီသည် သူ၏စိတ်လှုပ်ရှားမှုကို ထိန်းချုပ်ကာ ပြုံးပြီး ပြန်ဖြေလိုက်၏။</p> <p>“ကျွန်းပိုင်ရှင် ဖတ်နေတဲ့ အဲဒီစာအုပ်တွေလား။”</p> <p>ကျန်းယွင်ထျန်းက စိတ်အားထက်သန်စွာ မေးလိုက်သည်။</p> <p>“ဟုတ်တယ်။ အဲဒါတွေပဲ။”</p> <p>ရှောင်းယီက ခေါင်းငြိမ့်ပြလိုက်သည်။ ကျန်းယွင်ထျန်းသည် ရုတ်တရက် သဘောပေါက်သွားခဲ့၏။</p> <p>“အဲဒီစာအုပ်တွေက တကယ်ပဲ နောက်ထပ် အဆင့်တက်ဖို့အတွက် သော့ချက်တွေပဲ။”</p> <p>သူ တွေးလိုက်မိသည်။</p> <p>“ကဲ သွားကြစို့။ ဒီနေ့ ငါ မင်းတို့ကို ရှာတာက ပစ္စည်းကောင်းတစ်ခု ပေးမလို့ပဲ။”</p> <p>ရှောင်းယီက ပြောရင်းဖြင့် လျှောက်ထွက်ခဲ့သည်။ လူတိုင်းလည်း သူ့နောက်မှ အလျင်အမြန် လိုက်ပါသွားခဲ့ကြသည်။</p> <p>တောအုပ်ထဲမှ ထွက်လာသောအခါ ကျန်းယွင်ထျန်းသည် လေ့ကျင့်ရေးကွင်းတွင် ရပ်ထားသော Off-road ကားကို မြင်လိုက်ရလေသည်။</p> <p>“ကျွန်းပိုင်ရှင် ဒါကို ပြောတာလား။”</p> <p>ကျန်းယွန့်ထျန်းက အံ့အားသင့်စွာ မေးလိုက်၏။</p> <p>“ဟုတ်တယ်။ ငါ ဘက်စုံသုံး စစ်သည်တင်ယာဉ် ပုံစံခွက်တစ်ခု ရထားတယ်။ ဒါရှိရင် နောင်ကျရင် တခြားတိုက်ကြီးတွေမှာ တိုက်ပွဲဝင်ရတာ ပိုအဆင်ပြေသွားလိမ့်မယ်။”</p> <p>ရှောင်းယီက ပြန်ဖြေလိုက်သည်။</p> <p>ကျန်းယွင်ထျန်းသည် ထိုနေရာသို့ ချက်ချင်း လျှောက်သွားကာ ကားပေါ်တက်ပြီး ပတ်မောင်းကြည့်လိုက်၏။</p> <p>“ကျွန်းပိုင်ရှင် ဒီကားက တကယ် အစွမ်းထက်တာပဲ။”</p> <p>ကျန်းယွင်ထျန်းက စိတ်လှုပ်ရှားစွာ ပြောလိုက်သည်။</p> <p>“ဒါပေမဲ့ နေရာက နည်းနည်း ကျဉ်းသလိုပဲ။ ကားတစ်စီးမှာ လူဆယ်ယောက်လောက်ပဲ တင်လို့ရမယ် ထင်တယ်။”</p> <p>“ရပါတယ်။ ဆံ့တဲ့ပမာဏ ပိုများတဲ့ဟာတွေလည်း ရှိတယ်။ ဒီပုံစံခွက်က ထုတ်လုပ်တဲ့အခါ ဆံ့ဝင်နိုင်တဲ့ပမာဏကို ရွေးပြီး ထုတ်လုပ်လို့ရတယ်။”</p> <p>“တကယ် အားကိုးရတာပဲ။ ဒီလိုကားမျိုးသာရှိရင် တပ်ဖွဲ့တွေကို မြန်မြန်ဆန်ဆန် ရွှေ့ပြောင်းနိုင်လိမ့်မယ်။”</p> <p>ကျန်းယွင်ထျန်းက ပျော်ရွှင်စွာ ပြောလိုက်သည်။ ရှောင်းယီက ခေါင်းငြိမ့်လိုက်သည်။</p> <p>“ငါ မင်းကို ထုတ်လုပ်ခွင့် ပေးထားမယ်။ ဒါပေမဲ့ ထုတ်တဲ့အခါကျရင် ဦးလေးအန်းနဲ့ တိုင်ပင်လိုက်ဦး။ ငါတို့ဆီမှာ ရှိတဲ့ အရင်းအမြစ်တွေကို ဘယ်လို ခွဲဝေမလဲဆိုတာ သိရအောင်လို့။”</p> <p>“ဟုတ်ကဲ့ပါ။”</p> <p>ကျန်းယွင်ထျန်းက ချက်ချင်း တုံ့ပြန်လိုက်သည်။</p> <p>ကျွန်းမှ အရင်းအမြစ်များကို အမြဲတမ်း အသစ်ပြန်ဖြစ်အောင် လုပ်နိုင်သော်လည်း လက်ရှိတွင် အရင်းအမြစ်မှာ အကန့်အသတ်မရှိခြင်း မဟုတ်သေးဘဲ အသစ်ပြန်ဖြစ်ရန် အချိန်လိုအပ်ပေသည်။</p> <p>“မင်းတို့ ဆက်ပြီး လေ့ကျင့်ကြပါ။ လက်ရှိ အစီအစဉ်အရ မနက်ဖြန်ကျရင် တိုက်ကြီးအသစ်မှာရှိတဲ့ ဗန်ပိုင်းယားတွေကို ဝိုင်းဝန်း နှိမ်နင်းဖို့ ထွက်ခွာကြမယ်။”</p> <p>ရှောင်းယီက အမိန့်ပေးလိုက်သည်။</p> <p>“ဟုတ်ကဲ့။”</p> <p>အားလုံးက ပြိုင်တူ တုံ့ပြန်လိုက်ကြသည်။</p> <p>အပျော်ဆုံးလူများမှာမူ နတ်သူငယ်များ ဖြစ်သည်။ သူတို့သည် ဗန်ပိုင်းယားများကို နှိမ်နင်းရန် စောင့်နေသည်မှာ ကြာပြီဖြစ်သော်လည်း ရှောင်းယီနှင့် ကျန်းယွင်ထျန်းတို့က သူတို့ကို ဤစစ်စခန်းတွင်သာ ထားရှိခဲ့ပေသည်။</p> <p>ရှောင်းယီ ထွက်ခွာသွားပြီးနောက် ကျန်းရွှဲ့က အဖွဲ့ကို ချက်ချင်း စုဝေးစေလိုက်၏။</p> <p>“ကျွန်းပိုင်ရှင်က မနက်ဖြန် ထွက်ခွာဖို့ လိုတယ်လို့ ပြောထားတဲ့အတွက် မင်းတို့ အခု ငါတို့ မဟာမိတ်အဖွဲ့မှာ ရှိတဲ့ လက်နက်တွေကို ကျွမ်းကျင်အောင် လုပ်ရမယ်။”</p> <p>ကျန်းရွှဲ့၏ စကားအဆုံးတွင် ဘေးနားရှိ တပ်သားများသည် လက်နက်တိုက်ထဲမှ လေး၊ မြှား၊ သေနတ်၊ အမြောက် စသည့် လက်နက်အမျိုးမျိုးကို ထုတ်ယူလာခဲ့ကြသည်။</p> <p>“အစီရင်ခံပါတယ်။”</p> <p>ဆာရာက အကျယ်ကြီး အော်ပြောလိုက်၏။</p> <p>“ဘာကိစ္စလဲ။”</p> <p>ကျန်းရွှဲ့က ပြန်မေးလိုက်သည်။</p> <p>“ကျွန်မတို့ နတ်သူငယ်တွေက လေးနဲ့မြှားကိုပဲ အကျွမ်းကျင်ဆုံး သုံးတတ်တာပါ။ တခြားလက်နက်တွေကို မသုံးချင်ဘူး။”</p> <p>ဆာရာက ပြန်ဖြေလိုက်သည်။</p> <p>“လက်နက်တစ်ခုတည်းကို အစွမ်းကုန် ကျွမ်းကျင်အောင် သုံးနိုင်ရင်ပဲ လုံလောက်ပြီလို့ ထင်ပါတယ်။”</p> <p>ထိုအခါ ကျန်းရွှဲ့သည် ဆာရာ၏ ရှေ့သို့ လျှောက်သွားရင်း စိုက်ကြည့်ကာ ပြောလိုက်သည်။</p> <p>“မင်းလက်ထဲမှာ လေးနဲ့မြှား မရှိတော့ရင် ဘယ်လိုလုပ်မလဲ။ တဖက်လူက မင်းတစ်ခါမှ မမြင်ဖူးတဲ့ ဒီလက်နက်တွေကို ကိုင်ထားရင်ကော။ မင်းက ရန်သူ့ရဲ့ လက်နက်အကြောင်းကိုတောင် မသိဘူးဆိုရင် ဘယ်လို ကာကွယ်မလဲ။”</p> <p>ဆာရာက ပြန်ပြောရန် ပါးစပ်ဟလိုက်သော်လည်း သူမတွင် ပြန်လည်ချေပရန် အကြောင်းပြချက် မရှိကြောင်း သိလိုက်၏။</p> <p>ကျန်းရွှဲ့က ဆက်ပြောလိုက်သည်။</p> <p>“ပြီးခဲ့တဲ့ တစ်ခါက အမှောင်နတ်သူငယ်တွေ ငါတို့အဖွဲ့နဲ့ တိုက်တုန်းက ငါတို့တပ်သား အများစုက B အဆင့်နဲ့  C အဆင့်တွေပဲ ရှိသေးတယ်။ မင်းတို့ ဘာလို့ ရှုံးခဲ့တာလဲဆိုတာ မမှတ်မိတော့ဘူးလား။”</p> <p>ဤစကားကို ကြားသောအခါ ဟေအာ၏ ကိုယ်လုံး တုန်ရင်သွားခဲ့သည်။ ပြီးခဲ့သည့် အကြိမ်က သူသည် အမှောင်နတ်သူငယ်များကို ဦးဆောင်ကာ နတ်သူငယ်တိုက်ကြီးရှိ ယီရန်ပင်းမဟာမိတ်အဖွဲ့၏ ယာယီအခြေစိုက်စခန်းကို တိုက်ခိုက်ခဲ့သော်လည်း ရှုံးနိမ့်ခဲ့ရ၏။ ထို့ကြောင့် နောက်ပိုင်းတွင် အကြီးအကဲ ကိုးဦးကိုယ်တိုင် ပါဝင်ခဲ့ရခြင်းဖြစ်သည်။</p> <p>ထိုရှုံးနိမ့်မှု၏ အဓိက အကြောင်းရင်းမှာ ယီရန်ပင်းမဟာမိတ်အဖွဲ့၏ လက်နက်များကို မကျွမ်းကျင်ခြင်းကြောင့်ပင်။</p> <p>အကယ်၍ ထိုစဉ်က လက်ပစ်ဗုံးဆိုသည်မှာ ဘာလဲဆိုသည်ကို သူတို့ သိခဲ့လျှင် မျိုးနွယ်စုဝင် အများအပြား ဒဏ်ရာခဲ့ကြရလိမ့်မည် မဟုတ်ပေ။</p> <p>“အခုကစပြီး ငါတို့ မဟာမိတ်အဖွဲ့ထဲမှာ ရှိတဲ့ လက်နက်တိုင်းကို ကျွမ်းကျင်အောင် လေ့ကျင့်ရမယ်။”</p> <p>ကျန်းရွှဲ့က ဟောက်လိုက်သည်။</p> <p>“နားလည်လား။”</p> <p>“နားလည်ပါပြီ။”</p> <p>နတ်သူငယ်များက ပြိုင်တူ တုံ့ပြန်လိုက်ကြသည်။</p> <p>“မှတ်ထား။ မင်းတို့က ယီရန်ပင်းမဟာမိတ်ရဲ့ အစွမ်းအထက်ဆုံး လူသတ်သမားတွေ ဖြစ်လာလိမ့်မယ်။ အရာအားလုံးကို သင်ယူရမယ်၊ အရာအားလုံးကို သိထားရမယ်။”</p> <p>“ဟုတ်ကဲ့။”</p> <p>“ကောင်းပြီ။ အခု စပြီး ရှင်းပြမယ်။ ပထမဆုံးအနေနဲ့ ဒူးလေးတွေပဲ။ သူ့ရဲ့ ထူးခြားချက်တွေက...”</p> <p>ထိုအချိန်တွင် ရှောင်းယီသည် သူ၏ အိပ်ခန်းသို့ ပြန်ရောက်နေပြီ ဖြစ်သည်။ စားပွဲပေါ်ရှိ စာအုပ်များကို ကြည့်ရင်း သူက တိုးတိုးလေး ရေရွတ်လိုက်သည်။</p> <p>“စနစ်က ပေးတဲ့ တာအိုကျမ်းစာအုပ်တွေက တကယ် မရိုးရှင်းဘူးပဲ။”</p> <p>ဤကာလအတွင်း ရှောင်းယီသည် မိမိကိုယ်ကို အထူးတလည် လေ့ကျင့်ခြင်း မပြုခဲ့သော်လည်း ခုနက ရုပ်ဖျက်နည်းလေ့ကျင့်မှုမှတစ်ဆင့် သူ၏ အစွမ်းမှာ တကယ်ပင် များစွာ တိုးတက်လာကြောင်း ရှောင်းယီ သိလိုက်ရလေသည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save