Book List

<h2 style="text-align: center;">အခန်း (၅၉၁)</h2> <h2 style="text-align: center;">ဆရာတပည့် နှစ်ဦးလုံးကို သိမ်းပိုက်ခြင်း၊ အဆင့်တက်နိုင်ရန် မည်သည့်နည်းလမ်းကိုမဆို အသုံးပြုခဲ့သော ယဲ့ဖေးရို(၃)</h2> <h2 style="text-align: center;">*</h2> <p> </p> <p> </p> <p>ဆယ်နှစ်ကြာပြီးနောက်…။</p> <p>အချိန်များက လျင်မြန်စွာ ကုန်ဆုံးသွားပြီး ကျိုးစွေ့ နတ်ဘုရားအသွင်ပြောင်းအဆင့် ခြင်္သေ့စိမ်းနတ်ဆိုးကို ဖြေရှင်းခဲ့သည်မှာ ဆယ်နှစ်ခန့် ကြာမြင့်ခဲ့ပြီ ဖြစ်သည်။</p> <p>ကျင့်ကြံသူများအတွက် ဆယ်နှစ်ဆိုသည်မှာ ကြာရှည်သော အချိန်ကာလတစ်ခု မဟုတ်ချေ။ သို့သော် ရွှမ်ဟွမ်ဂိုဏ်းတွင်မူ အံ့မခန်း ပြောင်းလဲမှုများ ဖြစ်ပေါ်ခဲ့ပေသည်။</p> <p>ယဲ့ဖေးရို နတ်ဘုရားအသွင်ပြောင်းအဆင့်သို့ တက်လှမ်းသွားခြင်းကြောင့် ရွှမ်ဟွမ်ဂိုဏ်းမှာ ချန်လန်ပင်လယ်ပြင်ဒေသ၏ တစ်ခုတည်းသော နတ်ဘုရားအသွင်ပြောင်းအဆင့်ဂိုဏ်း ဖြစ်လာခဲ့သည်။</p> <p>ရွှမ်ဟွမ်ဂိုဏ်းသည် ချန်လန်ပင်လယ်ပြင်ဒေသတစ်ခုလုံးကို ပေါင်းစည်းရန် ရည်ရွယ်မထားသော်လည်း လက်တွေ့တွင် ဤပင်လယ်ပြင်ဒေသ၏ အရှင်သခင် ဖြစ်လာခဲ့‌သည်။</p> <p>ယင်း၏ လွှမ်းမိုးမှုမှာ အဆက်မပြတ် ပျံ့နှံ့သွားပြီး မရေမတွက်နိုင်သော ကျင့်ကြံသူများက သိရှိလာကြ၏။</p> <p>ဤသည်က မရေမတွက်နိုင်သော ကျင့်ကြံသူများကို ရွှမ်ဟွမ်ဂိုဏ်းသို့ ဝင်ရောက်ရန် အစုလိုက်အပြုံလိုက် လာရောက်စေခဲ့သည်။</p> <p>မှန်ပေသည်၊ ဤသို့ဖြင့် ရွှမ်ဟွမ်ဂိုဏ်း တည်ရှိရာနယ်မြေအား အလွန် စည်ကားလာစေပြီး ကျင့်ကြံသူအမြောက်အများကို ပြောင်းရွှေ့လာစေခဲ့သည်။</p> <p>…………</p> <p>ပင်လယ်ပြင်ထက်တွင်…။</p> <p>သင်္ဘောတစ်စင်းသည် ပင်လယ်ပြင်ထက်၌ ခုတ်မောင်းကာ ရွှမ်ဟွမ်ကျွန်းဆီသို့ ဦးတည်လာနေချေသည်။</p> <p>သင်္ဘောပေါ်တွင်မူ ကျင့်ကြံသူများဖြင့် ပြည့်နှက်နေ၏။</p> <p>သူတို့အားလုံးမှာ ချန်လန်ပင်လယ်ပြင်ဒေသ၏ အရပ်အသီးသီးမှ လာရောက်ကြသူများဖြစ်ပြီး ရွှမ်ဟွမ်ဂိုဏ်းသို့ ဝင်ရောက်ရန် အိပ်မက်မက်နေကြသူများ ဖြစ်သည်။</p> <p>သေချာသည်မှာ ရွှမ်ဟွမ်ဂိုဏ်းသို့ မဝင်ရောက်နိုင်လျှင်ပင် ကိစ္စမရှိချေ။</p> <p>အဘယ်ကြောင့်ဆိုသော် ရွှမ်ဟွမ်ကျွန်း၏ ပြင်ပနယ်မြေများကို ကျင့်ကြံသူအများအပြား နေထိုင်နိုင်ရန် ဖွင့်လှစ်ပေးထားပြီး ကျင့်ကြံသူမြို့တော်များကို တည်ဆောက်ထားသောကြောင့် ဖြစ်သည်။</p> <p>လူဦးရေ သန်းရာချီ၍ နေထိုင်ရန်ပင် လုံလောက်ပေသည်။</p> <p>ထို့ကြောင့် ကျင့်ကြံသူ အမြောက်အများက ရွှမ်ဟွမ်ကျွန်းတွင် အခြေချနေထိုင်ရန် အစုလိုက်အပြုံလိုက် လာရောက်ကြခြင်း ဖြစ်လေ၏။</p> <p>ဤကဲ့သို့သော နေရာမျိုးတွင် ကျင့်ကြံခြင်းအရင်းအမြစ် အများအပြား စုစည်းနေသည် မဟုတ်ပါလော။</p> <p>ရွှမ်ဟွမ်ဂိုဏ်းသို့ မဝင်ရောက်နိုင်လျှင်ပင် ဤနေရာတွင် အခြားနေရာများထက် ပို၍ ရတနာများ ရရှိနိုင်ပေသည်။</p> <p>ရှဲ့ဟွာအန်းသည် သာမန် အခြေတည်အဆင့် မိသားစုတစ်ခု၏ တိုက်ရိုက်မျိုးဆက်တစ်ဦး ဖြစ်၏။</p> <p>သူသည် မူလက ရှဲ့မိသားစုခေါင်းဆောင်၏ သားဖြစ်ပြီး အလွန် ထင်ပေါ်ကျော်ကြားကာ အလယ်အလတ်အဆင့် စိတ်ဝိညာဉ်အမြစ်ကိုလည်း ပိုင်ဆိုင်ထားသူ ဖြစ်ချေသည်။</p> <p>ထိုအချက်အလက်များအရ သူသည် အလွန် ထင်ပေါ်ကျော်ကြားနေသင့်ပေသည်။ သို့သော် သူ၏ ဖခင်ဖြစ်သူ အပြင်ထွက်ရာ၌ မိစ္ဆာသားရဲတစ်ကောင်၏ သတ်ဖြတ်ခြင်းကို ခံလိုက်ရပြီးနောက်တွင်မူ သူ၏ အဆင့်အတန်းမှာလည်း လုံးဝ ကျဆင်းသွားခဲ့ရသည်။</p> <p>ပို၍ ဆိုးရွားသည်မှာ သူ၏စေ့စပ်ထားသူ မိန်းကလေးကို ကောင်းကင်ဓားဂိုဏ်းမှ အကြီးအကဲတစ်ဦးက မျက်စိကျသွားပြီး အတွင်းစည်းတပည့်အဖြစ် သိမ်းပိုက်လိုက်ခြင်းပင် ဖြစ်သည်။</p> <p>နှစ်ဖက်စလုံး၏ အဆင့်အတန်းများမှာ ချက်ချင်းဆိုသလို ကွာဟသွားခဲ့ရသည်။ ထို့ကြောင့် စေ့စပ်ထားခြင်းကို ဖျက်သိမ်းရန် လာရောက်ခဲ့ကြတော့သည်။</p> <p>သူ၏ ဂုဏ်သိက္ခာအားလုံး ပျက်စီးသွားခဲ့ပြီဟု ဆိုနိုင်ပြီး၊ ရှဲ့မိသားစုတွင် ဆက်လက်နေထိုင်ရန် မျက်နှာ မရှိတော့ချေ။</p> <p>ထို့ကြောင့် ရှဲ့ဟွာအန်းသည် မိသားစုမှ ထွက်ခွာကာ ရွှမ်ဟွမ်ကျွန်းသို့ သွားရောက်၍ အခွင့်အရေး ရှာဖွေရန် ဆုံးဖြတ်လိုက်တော့သည်။</p> <p>အကယ်၍ ရွှမ်ဟွမ်ဂိုဏ်းသို့ ဝင်ရောက်ခွင့်သာ ရရှိပါက တစ်လှမ်းတည်းဖြင့် ကောင်းကင်သို့ တက်လှမ်းနိုင်မည် ဖြစ်သည်။</p> <p>ဤသည်မှာ သာမန် ကျင့်ကြံသူများအတွက် ဘဝကို လုံးဝ ပြောင်းလဲပစ်နိုင်မည့် အခွင့်အရေးကောင်း တစ်ခုပင် ဖြစ်လေ၏။</p> <p>"တာအိုရောင်းရင်းရှဲ့... ခင်ဗျားလည်း ရွှမ်ဟွမ်ဂိုဏ်းကို ဝင်ချင်လို့လား..."</p> <p>ဘေးရှိ ဝဝဖိုင့်ဖိုင့် ကျင့်ကြံသူတစ်ဦးက သိချင်စိတ်ဖြင့် မေးလိုက်ရင်း ရှဲ့ဟွာအန်းကို ကြည့်လိုက်သည်။</p> <p>"ဒါက မေးနေစရာလိုသေးလို့လားဗျာ..."</p> <p>"ဒီသင်္ဘောပေါ် တက်လာတဲ့သူတိုင်းမှာ ရွှမ်ဟွမ်ဂိုဏ်းကို မဝင်ချင်တဲ့သူ ဘယ်သူရှိလို့လဲ..."</p> <p>ရှဲ့ဟွာအန်းက မကျေမနပ်ဖြင့် ပြန်ဖြေလိုက်သည်။</p> <p>အဘယ်ကြောင့်ဆိုသော် ဤသင်္ဘော၏ ခရီးပန်းတိုင်မှာ ရွှမ်ဟွမ်ကျွန်း ဖြစ်သောကြောင့်ပင်။</p> <p>"ပြောတာလည်း ဟုတ်သား... မေ့သွားလို့ပါ..."</p> <p>"ဒါပေမဲ့ ရွှမ်ဟွမ်ဂိုဏ်းကို ဝင်ဖို့ဆိုတာ ဘယ်လောက်တောင် လွယ်လို့လဲ... ဒါက နတ်ဘုရားအသွင်ပြောင်းအဆင့် ဂိုဏ်းကြီးလေ..."</p> <p>"ငါတို့လို တစ်ကိုယ်တော်ကျင့်ကြံသူတွေကို ရွှမ်ဟွမ်ဂိုဏ်းက တကယ် လိုအပ်ပါ့မလား..."</p> <p>ဝဝဖိုင့်ဖိုင့် ကျင့်ကြံသူက စိုးရိမ်တကြီးဖြင့် ပြောလိုက်လေသည်။</p> <p>အခြားသော ဝိညာဉ်သန္ဓေသားအဆင့် ဂိုဏ်းများသည်ပင် တပည့်လက်ခံရာတွင် အလွန် တင်းကျပ်ကြသည် မဟုတ်ပါလော။</p> <p>စိတ်နေသဘောထားကို အသာထား၊ စိတ်ဝိညာဉ်အမြစ်ကို ကြည့်လျှင်ပင် အနည်းဆုံး ပဉ္စမအဆင့် စိတ်ဝိညာဉ်အမြစ်အထက် ရှိရမည်ဖြစ်ပြီး အဆင့်မြင့် စိတ်ဝိညာဉ်အမြစ်ရှိမှသာ သေချာပေါက် ဝင်ခွင့်ရမည် ဖြစ်သည်။</p> <p>သို့သော် တစ်ကိုယ်တော်ကျင့်ကြံသူများအနေဖြင့် ဤမျှ ကောင်းမွန်သောပါရမီမျိုး မည်သို့ ရှိနိုင်ပါမည်နည်း။ လူအများစုမှာ အဆင့်နိမ့် စိတ်ဝိညာဉ်အမြစ်သာ ရှိကြပေသည်။</p> <p>"ဒါကတော့... စိတ်ပူစရာ မလိုပါဘူး..."</p> <p>"ကျုပ် သိထားသလောက်တော့ ရွှမ်ဟွမ်ဂိုဏ်းက တပည့်လက်ခံတဲ့အခါမှာ စိတ်နေသဘောထားကို အဓိက မထားသလို... စိတ်ဝိညာဉ်အမြစ်ကိုလည်း အဓိက မထားဘူးတဲ့..."</p> <p>"ရေစက် ရှိမရှိကိုပဲ အဓိကထားတာ..."</p> <p>"အကယ်၍ ရေစက်ရှိတယ်ဆိုရင် နဝမအဆင့် စိတ်ဝိညာဉ်အမြစ်ရှိတဲ့ တစ်ကိုယ်တော်ကျင့်ကြံသူကိုတောင် လက်ခံမှာပဲ..."</p> <p>"ရေစက်မရှိဘူးဆိုရင်တော့ ကောင်းကင်စိတ်ဝိညာဉ်အမြစ် ရှိနေရင်တောင် ငြင်းပယ်ခံရမှာပဲ..."</p> <p>ရှဲ့ဟွာအန်းသည် ဤကိစ္စကို အလွန်ပင် ကောင်းစွာ သိရှိထားပြီးသား ဖြစ်သည်။ ရွှမ်ဟွမ်ဂိုဏ်းသို့ ဝင်ရောက်လိုသူတစ်ဦးအနေဖြင့် ကြိုတင်၍ မလေ့လာထားဘဲ မည်သို့ ဖြစ်နိုင်ပါမည်နည်း။</p> <p>အမှန်တကယ်တမ်းတွင် ရွှမ်ဟွမ်ဂိုဏ်း၏ ဝင်ခွင့်သတ်မှတ်ချက်မှာ အလွန် နိမ့်ကျသောကြောင့်သာ တစ်ကိုယ်တော်ကျင့်ကြံသူ အမြောက်အများကို ကံစမ်းရန် ဆွဲဆောင်နိုင်ခြင်း ဖြစ်ပြီး၊ မိမိကိုယ်တိုင် ရွှမ်ဟွမ်ဂိုဏ်းသို့ အမှန်တကယ် ဝင်ရောက်နိုင်မည်လားဆိုသည်ကို လာရောက် စမ်းသပ်ကြခြင်း ဖြစ်ပေသည်။</p> <p>"ဒါပေမဲ့ အဲ့ဒီလိုဆိုရင်တောင် တစ်ကိုယ်တော်ကျင့်ကြံသူ အများစုက ငြင်းပယ်ခံရမှာပဲလေ..."</p> <p>"ဒါ့အပြင် စာရင်းသွင်းကြေးကလည်း အဆင့်နိမ့် ဝိညာဉ်ကျောက်တုံး တစ်ရာတောင် ပေးရသေးတယ်..."</p> <p>ဝဝဖိုင့်ဖိုင့် ကျင့်ကြံသူ၏ မျက်နှာပေါ်တွင် နှမြောသော အမူအရာက ပေါ်လွင်နေပြီး၊ အဆင့်နိမ့် ဝိညာဉ်ကျောက်တုံးတစ်ရာ ဆုံးရှုံးရခြင်းမှာ မိမိ၏ အသားကို လှီးဖြတ်လိုက်ရသကဲ့သို့ ခံစားနေရပုံရလေ၏။</p> <p>"လက်ခံခံရမယ့် ရာခိုင်နှုန်းက အရမ်းနည်းတာတော့ အမှန်ပဲ..."</p> <p>"ဒါပေမဲ့ ကိစ္စမရှိပါဘူး..."</p> <p>"ဘယ်လိုပဲဖြစ်ဖြစ် စမ်းကြည့်ရုံပဲလေ... အောင်မြင်သွားရင် တစ်လှမ်းတည်းနဲ့ ကောင်းကင်ကို တက်လှမ်းနိုင်ပြီ..."</p> <p>"ဒီမှာရှိတဲ့ တစ်ကိုယ်တော်ကျင့်ကြံသူတွေ အားလုံးကလည်း ဒီလိုပဲ စဉ်းစားကြတာချည်းပဲ..."</p> <p>"အဆင့်နိမ့် ဝိညာဉ်ကျောက်တုံး တစ်ရာပဲဆိုတော့ ရှုံးသွားလည်း ဘာမှ မဖြစ်ပါဘူး..."</p> <p>"အကယ်လို့ အောင်မြင်သွားရင်တော့ တကယ်ကြီး ချမ်းသာပြီပေါ့ဗျာ..."</p> <p>"သေချာပေါက် ကျရှုံးသွားရင်တောင် ကျုပ်တို့တွေ ရွှမ်ဟွမ်ကျွန်းမှာ ဆက်နေလို့ ရသေးတာပဲ..."</p> <p>"ရွှမ်ဟွမ်ကျွန်းမှာ လုပ်ငန်းတွေ အများကြီး စတင်နေပြီး ဖွံ့ဖြိုးတိုးတက်ဖို့ ကျင့်ကြံသူအများကြီး လိုအပ်တယ်လို့ ကြားတယ်... အလုပ်ရှာရတာ လွယ်ကူပြီး ဝိညာဉ်ကျောက်တုံးတွေ ရှာလို့ရနိုင်တယ်..."</p> <p>ရှဲ့ဟွာအန်းက လေးနက်သော လေသံဖြင့် ပြောလိုက်လေ၏။</p> <p>သူကိုယ်တိုင်လည်း ရွှမ်ဟွမ်ကျွန်းသို့ ဝင်ရောက်နိုင်မည်ဟု များစွာ ယုံကြည်ချက် မရှိသော်လည်း သွားရောက် စမ်းသပ်ချင်နေသေးသည်။</p> <p>အဆုံးတွင် ကျရှုံးသွားလျှင်ပင် သူသည် ရွှမ်ဟွမ်ကျွန်းတွင် အခြေချနေထိုင်နိုင်ပြီး ဝိညာဉ်ကျောက်တုံးများကို ရှာဖွေနိုင်မည် ဖြစ်သည်။</p> <p>ဤကဲ့သို့ ကျင့်ကြံသူများ စုဝေးရာနေရာမျိုးတွင် အခွင့်အရေးများစွာ ရှိမည်မှာ သေချာလှပေသည်။</p> <p>"ဒါပေမဲ့ ဒီပင်လယ်ပြင်ဒေသမှာ ဝူကျိမဟာမိတ်အဖွဲ့ဆိုတဲ့ တစ်ကိုယ်တော်ကျင့်ကြံသူ မဟာမိတ်အဖွဲ့တစ်ခု ရှိသေးတယ်လို့ ကြားဖူးတယ် မဟုတ်လား..."</p> <p>"ရွှမ်ဟွမ်ဂိုဏ်းက ဒီပင်လယ်ပြင်ဒေသကို သိမ်းပိုက်လိုက်ရင် ဝူကျိမဟာမိတ်အဖွဲ့နဲ့ ပဋိပက္ခ မဖြစ်ဘူးလား..."</p> <p>ဝဝဖိုင့်ဖိုင့် ကျင့်ကြံသူက ဇဝေဇဝါဖြင့် မေးလိုက်ပြန်သည်။</p> <p>"မင်းရဲ့ သတင်းအချက်အလက်တွေက ဘယ်လောက်တောင် နောက်ကျနေရတာလဲ..."</p> <p>"ဝူကျိမဟာမိတ်အဖွဲ့ဆိုတာ ဟောင်းနွမ်းနေတဲ့ သမိုင်းကြောင်းတွေ ဖြစ်နေပြီ..."</p> <p>"လွန်ခဲ့တဲ့ ဆယ်နှစ်ကတည်းက ဝူကျိမဟာမိတ်အဖွဲ့က ရွှမ်ဟွမ်ဂိုဏ်းထဲကို ပူးပေါင်းဝင်ရောက်ကြောင်း ကြေညာခဲ့တာ..."</p> <p>"ဝူကျိမဟာမိတ်အဖွဲ့က ဝိညာဉ်သန္ဓေသားအဆင့် ကျင့်ကြံသူအများအပြားက ရွှမ်ဟွမ်ဂိုဏ်းရဲ့ အကြီးအကဲတွေ ဖြစ်သွားကြပြီ..."</p> <p>"မူလ ဝူကျိမဟာမိတ်အဖွဲ့ရဲ့ နယ်မြေတွေ အားလုံးကိုလည်း ရွှမ်ဟွမ်ဂိုဏ်းက သိမ်းပိုက်လိုက်တာ ကြာပြီလို့ ပြောလို့ရတယ်..."</p> <p>"ဝူကျိမဟာမိတ်အဖွဲ့ အထွတ်အထိပ် ရောက်ခဲ့စဉ်က သိမ်းပိုက်ထားတဲ့ ပင်လယ်ပြင်ဒေသထက်တောင် ပိုကျယ်ဝန်းသေးတယ်..."</p> <p>ရှဲ့ဟွာအန်းက ရှင်းပြလိုက်သည်။</p> <p>ဝူကျိမဟာမိတ်အဖွဲ့ ပျောက်ကွယ်သွားသည်မှာ ကြာပြီဖြစ်ပြီး ရွှမ်ဟွမ်ဂိုဏ်း၏ အစိတ်အပိုင်းတစ်ခု ဖြစ်နေပြီဖြစ်ကြောင်း သူက ပြောပြလိုက်သည်။</p> <p>ဤပင်လယ်ပြင်ဒေသတစ်ခုလုံးကို ရွှမ်ဟွမ်ဂိုဏ်းက အုပ်ချုပ်နေခြင်း ဖြစ်သည်။</p> <p>"ဒီလိုကိစ္စမျိုး ရှိတာလား... ဝူကျိမဟာမိတ်အဖွဲ့က သဘောတူလို့လား..."</p> <p>ဝဝဖိုင့်ဖိုင့် ကျင့်ကြံသူမှာ အံ့အားသင့်သွားရလေသည်။</p> <p>အဘယ်ကြောင့်ဆိုသော် သူသည် ဝေးလံခေါင်သီသော ကျွန်းတစ်ကျွန်းမှ လာရောက်ခြင်းဖြစ်ပြီး၊ ဤပင်လယ်ပြင်ဒေသရှိ သတင်းအချက်အလက် အများအပြားကို သူ၏ဆရာက ပြောပြခဲ့ခြင်းသာ ဖြစ်၏။</p> <p>သို့သော် ယင်းမှာ လွန်ခဲ့သော ဆယ်စုနှစ်များစွာက ကိစ္စရပ်များ ဖြစ်ချေသည်။</p> <p>ယခုအခါ ဤပင်လယ်ပြင်ဒေသတွင် အခြေအနေများ ပြောင်းလဲသွားခဲ့ပြီဖြစ်ပြီး ယခင် သတင်းအချက်အလက်များမှာလည်း ခေတ်နောက်ကျသွားခဲ့ပြီ ဖြစ်၏။</p> <p>"ဘယ်သူက သဘောမတူဘဲ နေမှာလဲ... ရွှမ်ဟွမ်ဂိုဏ်းက နတ်ဘုရားအသွင်ပြောင်းအဆင့်ဂိုဏ်းလေ... ဝူကျိမဟာမိတ်အဖွဲ့ကသာ သဘောမတူရင် ဖျက်ဆီးခံရတာ ကြာပြီပေါ့..."</p> <p>"ဟုတ်တယ် မဟုတ်လား... နတ်ဘုရားအသွင်ပြောင်းအဆင့် ဂိုဏ်းတစ်ခုက ဝူကျိမဟာမိတ်အဖွဲ့ရဲ့ နယ်မြေထဲမှာ ရှိနေရင် ဝူကျိမဟာမိတ်အဖွဲ့က ဘယ်လိုလုပ် အေးအေးဆေးဆေး အိပ်ပျော်နိုင်မှာလဲ... မပူးပေါင်းဘူးဆိုရင် ဝူကျိမဟာမိတ်အဖွဲ့ရဲ့ အမိန့်ကို ဘယ်သူမှ နာခံမှာ မဟုတ်ဘူး..."</p> <p>"ယခင် ဝူကျိမဟာမိတ်အဖွဲ့ရဲ့ ခေါင်းဆောင်က ရွှမ်ဟွမ်ဂိုဏ်းချုပ်ရဲ့ ယောက္ခထီးဖြစ်နေလို့ တော်သေးတာပေါ့... မဟုတ်ရင် ဝူကျိမဟာမိတ်အဖွဲ့တော့ သေချာပေါက် သေပြီပဲ..."</p> <p>"ပြောတာ မှန်တယ်... တကယ်တော့ ဝူကျိမဟာမိတ်အဖွဲ့က ရွှမ်ဟွမ်ဂိုဏ်းထဲ ပူးပေါင်းဝင်ရောက်လိုက်တာ အကောင်းဆုံး ရွေးချယ်မှုပဲ... အင်အားကြီးနှစ်ခု ပူးပေါင်းလိုက်တာလေ..."</p> <p>"အခု ဝူကျိမဟာမိတ်အဖွဲ့က ဝိညာဉ်သန္ဓေသား ဘိုးဘေးတွေလည်း အဆင်ပြေပြေ နေနေရပါတယ်... အရင်ကနဲ့ သိပ်မကွာပါဘူး... နတ်ဘုရားအသွင်ပြောင်း အရှင်သခင်ရဲ့ အကာအကွယ်ကို ရသွားလို့ ပိုတောင် လုံခြုံသွားသေးတယ်..."</p> <p>"ကဲပါ... ဝူကျိမဟာမိတ်အဖွဲ့အကြောင်း ပြောမနေပါနဲ့တော့... အဲ့ဒါက လွန်ခဲ့တဲ့ ဆယ်နှစ်က ကိစ္စတွေပါ... သမိုင်းကြောင်းထဲမှာ ပျောက်ကွယ်သွားတာ ကြာပြီ... အခုက ရွှမ်ဟွမ်ဂိုဏ်းရဲ့ ခေတ်လေ... ပြီးတော့ နတ်ဘုရားအသွင်ပြောင်း အရှင်သခင်တစ်ပါးက အနည်းဆုံး နှစ်သုံးထောင်လောက် အသက်ရှင်နိုင်တယ်..."</p> <p>"ပြောချင်တဲ့ အဓိပ္ပာယ်ကတော့... အနာဂတ် နှစ်ထောင်ပေါင်းများစွာ ကာလတစ်လျှောက်လုံး ရွှမ်ဟွမ်ဂိုဏ်းရဲ့ အုပ်စိုးမှုအောက်မှာပဲ ရှိနေမှာ သေချာတယ်..."</p> <p>"အကယ်လို့ ငါတို့သာ ရွှမ်ဟွမ်ဂိုဏ်းကို ဝင်ရောက်နိုင်ရင် အင်အားကြီးအုပ်စိုးသူ အဖွဲ့အစည်းတစ်ခုကို ဝင်ရောက်လိုက်တာနဲ့ အတူတူပဲ... အဲ့ဒီကနေ ရမယ့် အကျိုးကျေးဇူးတွေက ဘယ်လောက်များမလဲဆိုတာ မသိနိုင်ဘူး... စိတ်ကူးကြည့်လို့တောင် ရနိုင်မယ်မထင်ဘူး..."</p> <p>"ရွှမ်ဟွမ်ဂိုဏ်းက တပည့်တိုင်း ပညာသင်ပြီးသွားရင် ကျွန်းတစ်ကျွန်းကို အုပ်ချုပ်ဖို့ ရနိုင်တယ်လို့ ကြားတယ်... ကျွန်းသခင်တစ်ယောက် ဖြစ်လာနိုင်တာပေါ့..."</p> <p>"ဟူး... ရွှမ်ဟွမ်ဂိုဏ်းရဲ့ တပည့်ဖြစ်ဖို့ဆိုတာ ဘယ်လောက် လွယ်တဲ့ကိစ္စလို့ ထင်နေတာတုန်း..."</p> <p>ပင်လယ်ကူးသင်္ဘောပေါ်ရှိ ကျင့်ကြံသူအများအပြားက စကားစမြည် ပြောဆိုနေကြပြီး၊ လူတိုင်း၏ မျက်နှာပေါ်တွင် မျှော်လင့်တောင့်တသော အမူအရာများ ပေါ်လွင်နေချေသည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save