Book List

<h2 style="text-align: center;">အခန်း (၅၉၃)</h2> <h2 style="text-align: center;">ဆရာတပည့် နှစ်ဦးလုံးကို သိမ်းပိုက်ခြင်း၊ အဆင့်တက်နိုင်ရန် မည်သည့်နည်းလမ်းကိုမဆို အသုံးပြုခဲ့သော ယဲ့ဖေးရို(၅)</h2> <h2 style="text-align: center;">*</h2> <p> </p> <p> </p> <p>အတောင်လေးဖက်ကျား၊ ရွှေမီးတောက်မိစ္ဆာသိမ်းငှက်နှင့် ရေခဲမီးတောက်ကျားသစ် စသည့် ဝိညာဉ်သားရဲများက တိတ်ဆိတ်စွာ စောင့်ဆိုင်းနေကြပြီး ကျောက်လိပ်မိစ္ဆာကို ကြည့်နေကြသည်။ ဤကဲ့သို့သော ကိစ္စမျိုးကို သူတို့ အကြိမ်ပေါင်းများစွာ မြင်တွေ့ခဲ့ပြီးဖြစ်ရာ ရိုးအီနေပြီ ဖြစ်သည်။</p> <p>ခဏအကြာတွင် ကျောက်လိပ်မိစ္ဆာ၏ အော်ဟစ်သံက ရပ်တန့်သွားပြီး သူသည်လည်း မျက်လုံးများကို ဖြည်းညင်းစွာ ဖွင့်လိုက်တော့သည်။</p> <p>မူလက ရက်စက်ကြမ်းကြုတ်၍ ကြမ်းတမ်းပြီး အမှောင်ထုဖုံးလွှမ်းနေသော မျက်လုံးများမှာ ယခုအခါ အလွန် ငြိမ်းချမ်းသွားခဲ့ချေပြီ။</p> <p>အလွန်တရာ ရက်စက်ကြမ်းကြုတ်သော လူတစ်ယောက်သည် တရားရသွားသော ကိုယ်တော်ကြီးတစ်ပါးအဖြစ် ပြောင်းလဲသွားပြီး လုံးဝ အသိတရားရသွားသကဲ့သို့ပင်။</p> <p>တစ်ချိန်တည်းမှာပင် ၎င်း၏ ခန္ဓာကိုယ်ပေါ်ရှိ ကြီးမားသော မိစ္ဆာအငွေ့အသက်များမှာလည်း တဖြည်းဖြည်း ပျောက်ကွယ်သွားပြီး ဝိညာဉ်စွမ်းအင်အဖြစ် တဖြည်းဖြည်း ပြောင်းလဲသွားပုံရလေ၏။</p> <p>"တာအိုရောင်းရင်းတို့ အားလုံးကို ကျေးဇူးတင်ပါတယ်... အခု ကျုပ် အပြည့်အဝ နားလည်သွားပါပြီ..."</p> <p>"အရင်က ကျုပ် ဒီလောက် ကြီးမားတဲ့ အမှားကြီးတွေကို ကျူးလွန်ခဲ့ပြီး အဆုံးအစမဲ့တဲ့ သတ်ဖြတ်မှုတွေထဲမှာ နစ်မွန်းနေခဲ့မိမယ်လို့ မထင်ထားခဲ့ဘူး..."</p> <p>"တာအိုရောင်းရင်းတို့သာ မကူညီခဲ့ဘူးဆိုရင် ကျုပ် ဒုက္ခပင်လယ်ထဲမှာ ဆက်ပြီး နစ်မွန်းနေဦးမှာပဲ..."</p> <p>ကျောက်လိပ်မိစ္ဆာသည်ကား မျက်ရည်များကျလျက် အလွန်အမင်း နောင်တရနေလေသည်။</p> <p>ယခုအခါ ၎င်းသည် လူသတ်ဓားကို လွတ်ချလိုက်ပြီး တရားထူးရသွားသကဲ့သို့ ဝိညာဉ်သားရဲအဖြစ် အပြည့်အဝ ပြောင်းလဲသွားခဲ့ပြီ ဖြစ်သည်။</p> <p>"တာအိုရောင်းရင်းကျောက်လိပ်... မင်း နောင်တရနေစရာ မလိုပါဘူး..."</p> <p>"ဒါတွေ အားလုံးက ရှေးဟောင်းမိစ္ဆာချီရဲ့ အမှားတွေပါ..."</p> <p>"အဲ့ဒါက မင်းတို့ကို ကြီးမားတဲ့ စွမ်းအားတွေ ပေးခဲ့ပေမဲ့ မင်းတို့ရဲ့ စိတ်နေသဘောထားကိုလည်း ပြောင်းလဲပစ်ခဲ့တယ်..."</p> <p>"မင်းတို့ကို စိတ်လိုက်မာန်ပါဖြစ်စေတယ်၊ သတ်ဖြတ်လိုစိတ်ပြင်းထန်စေတယ်၊ သွေးဆာစေတယ်၊ အသိတရားမဲ့စေတယ်၊ တစ်ယောက်နဲ့တစ်ယောက် သတ်ဖြတ်စေတယ်၊ ရက်စက်ကြမ်းကြုတ်စေပြီး ယဉ်ကျေးမှုတွေကို မေ့ပျောက်စေတယ်..."</p> <p>"သခင်ရဲ့ စွမ်းအားရှိနေလို့ တော်သေးတာပေါ့... မင်းတို့ ခန္ဓာကိုယ်ပေါ်က မိစ္ဆာအငွေ့အသက်တွေကို ရှင်းလင်းပေးနိုင်ပြီး ရှေးဟောင်းမိစ္ဆာချီရဲ့ ဘေးထွက်ဆိုးကျိုးတွေကို ရှင်းလင်းပေးနိုင်တယ်..."</p> <p>"မင်းတို့ကို ဝိညာဉ်သားရဲ အခြေအနေကို ပြန်ရောက်စေတယ်..."</p> <p>အတောင်လေးဖက်ကျားက ခပ်ဖွဖွ ပြုံးလိုက်ပြီး ၎င်း၏ ရင်ထဲတွင် အလွန် ဝမ်းသာနေလေသည်။ အဘယ်ကြောင့်ဆိုသော် သူသည် ဝိညာဉ်သားရဲ အဖော်တစ်ကောင်ကို ထပ်မံ ကယ်တင်နိုင်ခဲ့ပြီး မိစ္ဆာသားရဲကို ဒုက္ခပင်လယ်ထဲမှ ကယ်တင်ကာ ဝိညာဉ်သားရဲအဖြစ်သို့ ပြန်လည်ရောက်ရှိစေခဲ့သောကြောင့်ပင်။</p> <p>"ဒီလိုကိုး... ဒါကြောင့် အရင်က ငါ ဒီလောက်တောင် သတ်ဖြတ်ချင်နေခဲ့တာ..."</p> <p>“ကောင်းကင်၊ မြေကြီး၊ မိစ္ဆာသားရဲ၊ လူသားတွေအပေါ် ကျုပ်ရဲ့ မုန်းတီးစိတ်တွေ အားလုံးက ရှေးဟောင်းမိစ္ဆာချီကြောင့် ဖြစ်ရတာလား…”</p> <p>ကျောက်လိပ်မိစ္ဆာခမျာ အပြည့်အဝ နားလည် သဘောပေါက်သွားရတော့သည်။</p> <p>အရင်က ၎င်းလုပ်ခဲ့သော ကိစ္စများမှာ ၎င်း၏ ပင်ကိုယ်စရိုက် မဟုတ်သကဲ့သို့ သဟဇာတမဖြစ်မှုများဖြင့် ပြည့်နှက်နေသည်ဟု ခံစားခဲ့ရသည်မှာ အံ့သြစရာ မဟုတ်တော့ချေ။</p> <p>ရှေးဟောင်းမိစ္ဆာချီ၏ ထိုးဖောက်ဝင်ရောက်မှုနှင့် တိုက်စားမှုကြောင့်သာ ဖြစ်ပေသည်။</p> <p>ဤသည်မှာ ၎င်း၏ စိတ်နေသဘောထားကို အကြီးအကျယ် ပြောင်းလဲသွားစေခဲ့ခြင်း ဖြစ်၏။</p> <p>ဤဝိညာဉ်သားရဲများကို အရူးများဟု ထင်ခဲ့မိသည်မှာ အလွန်မှားယွင်းလှပြီး မိမိကိုယ်တိုင်သာလျှင် အရူးအစစ်အမှန် ဖြစ်နေကြောင်းကို သူ သိရှိသွားလေသည်။</p> <p>"ဒါကြောင့် ငါတို့က သခင်ကို ကူညီပြီး ရှေးဟောင်းမိစ္ဆာကမ္ဘာက အဖော်တွေကို ကယ်တင်ရမယ်..."</p> <p>"တစ်နေ့ကျရင် ငါတို့အားလုံး ရှေးဟောင်းမိစ္ဆာကမ္ဘာကို သွားပြီး ရှေးဟောင်းမိစ္ဆာကမ္ဘာရဲ့ ရှေးဟောင်းမိစ္ဆာချီတွေကို အင်မော်တယ်မူလချီအဖြစ် ပြောင်းလဲပစ်ရမယ်..."</p> <p>"မိစ္ဆာသားရဲအားလုံးကို ဝိညာဉ်သားရဲအဖြစ် ပြောင်းလဲပစ်ရမယ်..."</p> <p>"ဒါမှသာ အဖော်တွေအကုန်လုံး ဒုက္ခပင်လယ်ထဲကနေ လွတ်မြောက်ပြီး ပုံမှန်အတိုင်း ပြန်ဖြစ်လာနိုင်မှာ..."</p> <p>ရွှေမီးတောက်မိစ္ဆာသိမ်းငှက်၏ မျက်နှာပေါ်တွင် မြင့်မြတ်သော အငွေ့အသက်များ ပေါ်လွင်နေချေသည်။</p> <p>ရှေးဟောင်းမိစ္ဆာချီ၏ ထိုးဖောက်ဝင်ရောက်ခြင်း၊ ဖျက်ဆီးခြင်းကို ခံထားရသော ထိုမိစ္ဆာသားရဲများအား ကယ်တင်ချင်ပြီး ၎င်းတို့ကို မူလအခြေအနေသို့ ပြန်လည်ရောက်ရှိစေကာ ဝိညာဉ်သားရဲများအဖြစ် တစ်ဖန် ပြန်လည်ဖြစ်လာစေချင်မိသည်။</p> <p>ဤသည်မှာ အကန့်အသတ်မရှိသော မေတ္တာတရားပင် ဖြစ်လေ၏။</p> <p>"သွားကြစို့... ငါတို့ အရင်ဆုံး ရွှမ်ဟွမ်ကျွန်းကို ပြန်ပြီး သခင်ကို သွားတွေ့ကြမယ်..."</p> <p>"ငါတို့မှာ အဖော်တစ်ယောက် တိုးလာပြီဆိုတာသိရင် သခင် သေချာပေါက် အရမ်းဝမ်းသာမှာပဲ..."</p> <p>ရေခဲမီးတောက်ကျားသစ်က ချက်ချင်း ပြောလိုက်လေသည်။</p> <p>"ကောင်းပြီ..."</p> <p>ကျောက်လိပ်မိစ္ဆာက စိတ်ပါလက်ပါ လက်ခံလိုက်ပြီး ၎င်းသည် ဤဝိညာဉ်သားရဲများကို မိမိလူများအဖြစ် လုံးဝ သတ်မှတ်လိုက်ပြီဖြစ်ကာ ယခုအခါ သူတို့ကို အလွန်ပင် ကျေးဇူးတင်နေမိ၏။</p> <p>အကယ်၍ သူတို့သာ ဝင်မပါခဲ့ပါက ယခုအချိန်တွင် ၎င်းသည် ဒုက္ခပင်လယ်ထဲ၌ နစ်မွန်းနေဆဲဖြစ်ပြီး ရှေးဟောင်းမိစ္ဆာချီ၏ ထိန်းချုပ်မှုကို ခံနေရဆဲသာ ဖြစ်ပေလိမ့်မည်။</p> <p>ဝှစ်… ဝှစ်… ဝှစ်…။</p> <p>စကားဆုံးသည်နှင့် ဝိညာဉ်သားရဲလေးကောင်သည် အလင်းတန်းတစ်ခုအဖြစ် ပြောင်းလဲကာ ရွှမ်ဟွမ်ကျွန်းဆီသို့ မျက်စိတစ်မှိတ်အတွင်း ပျံသန်းသွားကြလေတော့သည်။</p> <p>…………</p> <p>ထိုအခိုက်အတန့်တွင် အဝေးရှိ သင်္ဘောပေါ်တွင်မူ တစ်ကိုယ်တော်ကျင့်ကြံသူ အများအပြားမှာ ကြောက်ရွံ့တုန်လှုပ်နေဆဲဖြစ်ပြီး၊ သေဘေးမှ လွတ်မြောက်လာသည့် အမူအရာများ ပေါ်လွင်နေကြချေသည်။</p> <p>အဘယ်ကြောင့်ဆိုသော် အစောပိုင်းတွင် သူတို့သည် ကျောက်လိပ်မိစ္ဆာ၏ လက်ချက်ဖြင့် သေရတော့မည်ဟု နားလည်ထားကြသည် မဟုတ်ပါလော။</p> <p>"စောစောက ဘာဖြစ်သွားတာလဲ..."</p> <p>"အဲ့ဒီ စတုတ္ထအဆင့် ကျောက်လိပ်မိစ္ဆာက ငါတို့ကို သတ်ချင်နေတာ မဟုတ်ဘူးလား..."</p> <p>"ဘာလို့ ရုတ်တရက် စိတ်ပြောင်းသွားပြီး အဲ့ဒီဝိညာဉ်သားရဲတွေနောက်ကို လိုက်သွားရတာလဲ..."</p> <p>ထိုဝဝဖိုင့်ဖိုင့် ကျင့်ကြံသူ၏ မျက်နှာမှာ ဇဝေဇဝါ ဖြစ်နေပြီး အစောပိုင်းက မည်သည့်ကိစ္စများ ဖြစ်ပျက်သွားမှန်း သူ လုံးဝ မသိရှိလိုက်ချေ။ ဖြစ်ပျက်သွားသမျှမှာ သူ၏ စိတ်ကူးထက်ပင် ကျော်လွန်နေပြီး အလွန် ယုံကြည်ရခက်လှပေသည်။</p> <p>"စောစောကဟာတွေက ရွှမ်ဟွမ်ဂိုဏ်းရဲ့ ဝိညာဉ်သားရဲတွေလေ..."</p> <p>"ရွှမ်ဟွမ်ဘိုးဘေးရဲ့ ကယ်တင်ခြင်းကို ခံထားရတဲ့ မိစ္ဆာသားရဲတွေဖြစ်ပြီးတော့ ရွှမ်ဟွမ်ဂိုဏ်းရဲ့ တောင်စောင့်ဝိညာဉ်သားရဲတွေ ဖြစ်လာတယ်လို့ ကြားတယ်..."</p> <p>"အဲ့ဒီ တောင်စောင့်ဝိညာဉ်သားရဲတွေကလည်း ကယ်တင်နိုင်စွမ်း ရှိတယ်တဲ့..."</p> <p>"သူတို့ ဖမ်းဆီးလိုက်တဲ့ မိစ္ဆာသားရဲတိုင်းကို သူတို့က ကယ်တင်ပြီး ရွှမ်ဟွမ်ဂိုဏ်းရဲ့ ဝိညာဉ်သားရဲအဖြစ် ပြောင်းလဲပစ်တာ..."</p> <p>"ဒီနည်းလမ်းကို သုံးပြီး ဒီဆယ်နှစ်အတွင်းမှာ ရွှမ်ဟွမ်ဂိုဏ်းမှာ စတုတ္ထအဆင့် ဝိညာဉ်သားရဲ ထောင်ချီလောက် တိုးလာတယ်လို့ ပြောကြတယ်..."</p> <p>အခြေတည်အဆင့် ကျင့်ကြံသူတစ်ဦးက ရှင်းပြလိုက်သည်။</p> <p>အဘယ်ကြောင့်ဆိုသော် ဤသည်မှာ လူတိုင်းသိသော ကိစ္စတစ်ရပ် ဖြစ်နေပြီဖြစ်သောကြောင့်ပင်။</p> <p>မိစ္ဆာသားရဲများကို ကယ်တင်နိုင်စွမ်းမှာ ချန်လန်ပင်လယ်ပြင်ဒေသတစ်ခုလုံးတွင် နာမည်ကြီးနေချေသည်။</p> <p>ဤကဲ့သို့ အသုံးမကျသောအရာကို အံ့မခန်းဖြစ်အောင် ပြောင်းလဲပစ်နိုင်သော နည်းလမ်းမှာ လူတိုင်းကို အံ့သြမှင်တက်စေသည်ဟုသာ ဆိုရပေမည်။</p> <p>"မဖြစ်နိုင်ဘူး... ရွှမ်ဟွမ်ဘိုးဘေးက အဲ့ဒီ ရက်စက်ကြမ်းကြုတ်တဲ့ မိစ္ဆာသားရဲတွေကိုတောင် ကယ်တင်နိုင်သေးတာလား..."</p> <p>"ဒါက အင်မော်တယ်တွေရဲ့ နည်းလမ်းပဲ..."</p> <p>လူတစ်ယောက်မှာ တံတွေးမြိုချလိုက်ပြီး မဖော်ပြနိုင်လောက်အောင် တုန်လှုပ်သွားရတော့သည်။</p> <p>ဤသည်မှာ မည်သို့ လုပ်ဆောင်ခဲ့သည်ကို သူ စဉ်းစား၍ပင် မရနိုင်ချေ။</p> <p>"ဘာလို့ အဲ့ဒီမိစ္ဆာသားရဲတွေကို ကယ်တင်ရတာလဲ... မိစ္ဆာသားရဲတွေက ငါတို့ လူသားမျိုးနွယ်ရဲ့ ရန်သူတွေလေ... အားလုံးကို သတ်ပစ်လိုက်တာက ပိုမကောင်းဘူးလား..."</p> <p>အခြားလူတစ်ယောက်မှာ အလွန်ပင် ဇဝေဇဝါ ဖြစ်နေမိလေသည်။</p> <p>ထိုမိစ္ဆာသားရဲများက မည်သို့မျှ အသုံးမကျနိုင်ဟု သူ ထင်မှတ်ထားပြီး အားလုံးကို သတ်ပစ်လိုက်ခြင်းကသာ ပိုကောင်းမည်ဟု ယူဆထားပေသည်။</p> <p>ဤနည်းလမ်းအားဖြင့် မိစ္ဆာသားရဲမျိုးနွယ်စု၏ ခြိမ်းခြောက်မှုကို အပြီးတိုင် ရှင်းလင်းပစ်နိုင်မည် ဖြစ်သည်။</p> <p>"တုံးလိုက်တာ... ရွှမ်ဟွမ်ဘိုးဘေးရဲ့ ကြီးမြတ်မှုကို မင်း ဘယ်လိုလုပ် နားလည်နိုင်မှာလဲ..."</p> <p>"ချန်လန်ပင်လယ်ပြင်ဒေသ တစ်ခုလုံးမှာ မိစ္ဆာသားရဲ ဘယ်လောက်များများ ရှိလဲဆိုတာ မင်း သိလို့လား..."</p> <p>"ရှေးဟောင်းမိစ္ဆာကမ္ဘာမှာ မိစ္ဆာသားရဲ ဘယ်လောက်များများ ရှိလဲဆိုတာရော သိလား..."</p> <p>"အဆုံးအစမဲ့ပြီး ရေတွက်လို့မရအောင်ကို များတာကွ..."</p> <p>"ငါတို့ လက်ညောင်းအောင် သတ်ရင်တောင် ဒီမိစ္ဆာသားရဲတွေကို သတ်လို့ကုန်နိုင်မှာ မဟုတ်ဘူး..."</p> <p>"ဒါပေမဲ့ ရွှမ်ဟွမ်ဘိုးဘေးရဲ့ နည်းလမ်းကကျတော့ မတူဘူးလေ... ဒီမိစ္ဆာသားရဲတွေကို ကယ်တင်ပြီး ဝိညာဉ်သားရဲအဖြစ် ပြောင်းလဲပစ်တာ..."</p> <p>"ဒီလိုဆိုရင် ရန်သူကို မိတ်ဆွေအဖြစ် ပြောင်းလဲနိုင်ပြီး ဒီဝိညာဉ်သားရဲတွေကို ငါတို့အတွက် အသုံးပြုလို့ရတဲ့အပြင် ဝိညာဉ်သားရဲတွေကို သုံးပြီး မိစ္ဆာသားရဲတွေကိုလည်း ပြန်တိုက်ခိုက်လို့လည်း ရသေးတယ်..."</p> <p>"တစ်ဖက်က တိုးလာပြီး တစ်ဖက်က လျော့ကျသွားရင် ငါတို့ လူသားမျိုးနွယ်ရဲ့ အင်အားက အဆက်မပြတ် ကြီးထွားလာမှာပဲ..."</p> <p>ထိုအခြေတည်အဆင့် ကျင့်ကြံသူ၏ မျက်လုံးများတွင် ဉာဏ်ပညာအလင်းတစ်ခု တောက်ပသွားလေသည်။ သူသည် ရွှမ်ဟွမ်ဘိုးဘေး၏ ရည်ရွယ်ချက်ကို အတိအကျ နားလည်ထားပြီး မိစ္ဆာသားရဲမျိုးနွယ်စု၏ ခြိမ်းခြောက်မှုကို အပြီးတိုင် ဖြေရှင်းပစ်ရန် ရည်ရွယ်ထားကြောင်း ထင်ရှားလှသည်။</p> <p>ဝမ်းနည်းစရာကောင်းသည်မှာ တုံးအသော လူအချို့သည် ရွှမ်ဟွမ်ဘိုးဘေး၏ အစစ်အမှန် ရည်ရွယ်ချက်ကို နားမလည်နိုင်ကြချေ။</p> <p>"ရွှမ်ဟွမ်ဘိုးဘေးက တကယ်ကို နက်နဲလွန်းပြီး အရမ်းကို ကြီးမြတ်တာပဲ..."</p> <p>"စတုတ္ထအဆင့် ဝိညာဉ်သားရဲထောင်ချီကို ကယ်တင်လိုက်တယ်ဆိုတာ ဝိညာဉ်သန္ဓေသားဘိုးဘေး အပါးတစ်ထောင် ရှိတာနဲ့ အတူတူပဲ... ဒါက ဘယ်လောက်တောင် ကြီးမားတဲ့ အင်အားလဲ..."</p> <p>"ဝိညာဉ်သန္ဓေသားဘိုးဘေး အပါးတစ်ထောင်ဆိုရင် တခြား အဖွဲ့အစည်းတွေက ဝိညာဉ်သန္ဓေသားအဆင့်တွေ အားလုံး ပေါင်းလိုက်ရင်တောင် ရွှမ်ဟွမ်ဂိုဏ်းကို မမီနိုင်လောက်ဘူး..."</p> <p>"ဒီဝိညာဉ်သားရဲ တပ်ဖွဲ့ကြီး ဝင်တိုက်ရုံနဲ့တင် ချန်လန်ပင်လယ်ပြင်ဒေသက တခြား ဝိညာဉ်သန္ဓေသားအဆင့် အဖွဲ့အစည်းတွေကို ဖျက်ဆီးပစ်ဖို့ လုံလောက်နေပြီ..."</p> <p>"သိပ်ဟုတ်တာပေါ့ကွာ… ဒါကလည်း ဘာမှမထူးဆန်းဘူး... မဟုတ်ရင် ရွှမ်ဟွမ်ဂိုဏ်းက ဘယ်လိုလုပ် နတ်ဘုရားအသွင်ပြောင်းဂိုဏ်းလို့ ခေါ်နိုင်မှာလဲ..."</p> <p>"ကြည့်ရတာ ငါတို့ တန်ကြေးကြီးကြီး ပေးပြီး ရွှမ်ဟွမ်ဂိုဏ်းကို သွားတာက အတော်လေး မှန်ကန်တာပဲ... သစ်ပင်ကြီးအောက်မှာ နားရတာ အေးမြတယ်လေ... တကယ်လို့ ရွှမ်ဟွမ်ဂိုဏ်းကို ဝင်ရောက်နိုင်ရင် တစ်လှမ်းတည်းနဲ့ ကောင်းကင်ကို တက်လှမ်းနိုင်ပြီပဲ..."</p> <p>"မာလိန်မှုးကြီးရေ... ငါတို့ မြန်မြန် ရွှမ်ဟွမ်ကျွန်းကို သွားကြရအောင်... ငါ ရွှမ်ဟွမ်ဂိုဏ်းကို ရောက်ဖို့ မစောင့်နိုင်တော့ဘူး..."</p> <p>တစ်ကိုယ်တော်ကျင့်ကြံသူ အများအပြားမှာ ကြွတ်ကြွတ်ညံ့အောင် ပြောဆိုနေကြပြီး လူတိုင်းမှာ အလွန်တရာ စိတ်လှုပ်ရှားနေကြတော့သည်။</p> <p>အစောပိုင်းက မြင်ကွင်းသည် သူတို့ကို အပြည့်အဝ လှုံ့ဆော်လိုက်ခြင်းဖြစ်ပြီး ရွှမ်ဟွမ်ဂိုဏ်းသို့ ဝင်ရောက်ရန် လုံးဝမစောင့်နိုင်အောင်ပင် ဖြစ်နေကြတော့၏။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save