Book List

<h2 style="text-align: center;">Chapter 4</h2> <h2 style="text-align: center;">ရောင်းရင်းတို့ မင်္ဂလာပါ </h2> <h2 style="text-align: center;">မိစ္ဆာနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား</h2> <h2 style="text-align: center;">*</h2> <p> </p> <p> </p> <p>ဝမ်ရှီမြို့ထဲမှာတော့ အစွမ်းထက်တဲ့ တန်ခိုးရှင် အများအပြားဟာ ထူးဆန်းလှတဲ့ ပျော်ပွဲရွှင်ပွဲ အငွေ့အသက်တွေကြောင့် အံ့ဩမှင်သက်နေကြပါပြီ။</p> <p>ဒါပေမဲ့လည်း ထောင်စုနှစ် ပွဲတော်ကြီးကို ဆက်လက်ကျင်းပရမှာ ဖြစ်တာကြောင့် အားလုံးဟာ ကိုယ့်နေရာကိုယ် ဝင်ထိုင်လိုက်ကြပါပြီ။ ဒါပေမဲ့ ဒီအချိန်မှာပဲ ဂိုဏ်းအသီးသီးရဲ့ သတင်းထုတ်ပြန်ရေး ဌာနတွေကတော့ ခေါင်းစီးနာမည်အတွက် စဉ်းစားနေခဲ့ကြပါတယ်။</p> <p>သတင်းခေါင်းစဉ်။ တုန်လှုပ်ဖွယ်ကောင်းသော ချူရှင်းဟီရဲ့ သတ္တိ။</p> <p>ထောင်စုနှစ် မဟာအခမ်းအနားပွဲတော်ကြီးဟာ မျက်တောင်တစ်ခတ်အတွင်း ထောင်စုနှစ် ပျော်ပွဲရွှင်ပွဲ အဖြစ် ပြောင်းလဲသွားခြင်း။</p> <p>“မဟုတ်သေးဘူး... ဒီခေါင်းစဉ်က သိပ်ပြီး ဆွဲဆောင်မှု မရှိသေးဘူး”</p> <p>“ဒီထက်ပိုပြီး လူပြောများမယ့် ခေါင်းစဉ်မျိုးကို စဉ်းစားရမယ်”</p> <p>(ချူရှင်းဟီ။ မင်းကတော့ တကယ်ကို သေမှာ မကြောက်ဘူးပဲ။ ထောင်စုနှစ်ပွဲတော်လို အရေးကြီးတဲ့ ပွဲတော်ကြီးကို ဒီလို လျှောက်လုပ်ရဲတယ်ပေါ့။ လောကရဲ့ လူငယ်မျိုးဆက်သစ်တွေထဲမှာ နံပါတ် (၁) လို့ ဘွဲ့အမည် တွင်ခဲ့ပေမယ့်လည်း မနက်ဖြန်ကျရင်တော့ တံတွေးပင်လယ်မှာ ပက်လက်မျောရတော့မှာပဲ။)</p> <p>ရည်မှန်းချက်ကြီးမားသူ အများအပြားရဲ့ တွက်ချက်နေမှုတွေ အကြားမှာ မဟာမိုးကောင်းကင် ကြေးမုံကြီးဟာ ကောင်းကင်ယံထက်ကို ပျံတက်သွားပါပြီ။ မဟာမိုးကောင်းကင် ကြေးမုံရဲ့ စွမ်းအားတွေက ဝမ်ရှီမြို့တစ်ခုလုံးကို လွှမ်းခြုံသွားတဲ့အခါမှာတော့  ကြေးမုံကြီးထဲကနေ အလင်းတန်းပေါင်းများစွာ ဖြာထွက်လာခဲ့ပါတယ်။</p> <p>အဲဒီအလင်းတန်းတွေဟာ မဟာနေမင်း ကုန်းမြေတိုက်ကြီး တစ်ခုလုံးကို ဖောက်ထွင်းသွားပြီး တဒင်္ဂအတွင်း ကုန်းမြေတိုက်ကြီးပေါ်က မြို့တိုင်းရဲ့ ကောင်းကင်ယံမှာ မဟာမိုးကောင်းကင် ကြေးမုံချပ်ကြီးတွေ ပေါ်လာပါတော့တယ်။</p> <p>မဟာမိုးကောင်းကင် ကြေးမုံဟာ ကောင်းကင်ယံမှာ အလင်းတန်းပေါင်းများစွာကို စုစည်းလိုက်ပြီး အလင်းတန်းတွေ လှုပ်ရှားလည်ပတ်လာခဲ့ပါပြီ။ ဒီအခါမှာတော့ တိုက်ရိုက်ထုတ်လွှင့်မှု ပုံရိပ်တွေ ပေါ်ထွက်လာပါတယ်။</p> <p>"လာပြီဟေ့။ မဟာမိုးကောင်းကင် ကြေးမုံကြီး ပေါ်လာပြီ။"</p> <p>"ထောင်စုနှစ်ပွဲတော်ရဲ့ ပုံရိပ်တွေ မြင်ရပြီ။"</p> <p>"ရတနာတစ်ပါးဖြစ်တဲ့ မဟာမိုးကောင်းကင် ကြေးမုံဆိုတာ တကယ့်ကို အစွမ်းထက်တာပဲ..."</p> <p>"မဟာမိုးကောင်းကင်ဂိုဏ်းက တကယ်ကို အသုံးအစွဲကြမ်းတာပဲ။ ဒီကြေးမုံကြီးကို ခဏလောက် အသုံးပြုနိုင်ဖို့အတွက် စွမ်းအင်တွေအများကြီး လိုအပ်တယ်လို့ ငါကြားဖူးတယ်။"</p> <p>မြို့အသီးသီးမှာ စုဝေးနေကြတဲ့ လူပေါင်းများစွာဟာ မိုးကောင်းကင်က ပုံရိပ်တွေကို မော့ကြည့်နေကြပါပြီ။ ဒါပေမဲ့ ခဏအကြာမှာတော့ လူတိုင်း ဒေါသပေါက်ကွဲကုန်ကြပါတော့တယ်။</p> <p>"ဒါ မှားနေပြီလေ။ ထောင်စုနှစ် အောက်မေ့ဖွယ်ပွဲတော်ဆိုပြီး ဘာလို့ 'ထောင်စုနှစ် ပျော်ပွဲရွှင်ပွဲ' ဖြစ်နေတာလဲ။"</p> <p>"ဘာဖြစ်လို့ အောက်မေ့ဖွယ်ပွဲတော်က အနီရောင်တွေချည်းပဲ ဖြစ်နေရတာလဲ။"</p> <p>"ဟာ... မဟာမိုးကောင်းကင်ဂိုဏ်းက ရူးသွားပြီလား။ ထောင်စုနှစ်ပွဲတော်မှာ အနီရဲရဲကြီးတွေကို အဓိကအရောင်အဖြစ် သုံးရတယ်လို့ကွာ"</p> <p>ဝမ်ရှီမြို့ရဲ့ ပုံရိပ်တွေကို မြင်လိုက်ရတဲ့ မြို့တိုင်းက လူတွေဟာ မှင်သက်တုန်လှုပ်ကုန်ကြပါပြီ။</p> <p>(မဟာမိုးကောင်းကင်ဂိုဏ်းမှာ အကြံကြီးကြီး ရှိတယ်ဆိုတာ သိပေမဲ့ ဒီလောက်အထိ ကြီးကျယ်မယ်လို့တော့ မထင်ထားခဲ့ဘူးကွာ။)</p> <p>(ထောင်စုနှစ်ပွဲတော်မှာ အနီရောင် သုံးရဲတယ်။ ဟုတ်လား။ အောက်မေ့ဖွယ်ပွဲကို ပျော်ပွဲရွှင်ပွဲအဖြစ် ပြောင်းပစ်ရဲတယ်။ ဟုတ်လား။ ဒါကတော့ တကယ်ကို မမျှော်လင့်ထားတဲ့ အဖြစ်ပဲ။)</p> <p>"ဒါလား... ဒဏ္ဍာရီလာ ချူရှင်းဟီဆိုတာ။ ဒါကတော့ တကယ်ကို အဓိပ္ပာယ်မရှိတာပဲ။"</p> <p>"ဟုတ်တယ်... သာမန်လူဖြစ်တဲ့ ငါတောင် သိသေးတယ်၊ အောက်မေ့ဖွယ်ပွဲဆိုတာ တည်ငြိမ်လေးနက်ဖို့ အဖြူရောင် သုံးရတယ်ဆိုတာ။"</p> <p>"ထောင်စုနှစ်ပွဲတော်ကို ဝမ်းသာစရာပွဲလို့ သဘောထားတယ်။ မဟာမိုးကောင်းကင်ဂိုဏ်းကတော့ တကယ် ရူးသွားပြီ ထင်တယ်။"</p> <p>ဒီအချိန်မှာတော့ မြို့ကြီးတိုင်းမှာ ဆူညံပွက်လောရိုက်နေပါပြီ။ လူအများစုဟာ ထောင်စုနှစ်ပွဲတော်က ဘာလဲဆိုတာကိုတောင် သေသေချာချာ မသိကြပေမဲ့ အောက်မေ့ဖွယ်ပွဲမှာ အနီရောင် သုံးတာကိုတော့ ဘယ်သူမှ မမြင်ဖူးကြဘူးလေ။</p> <p>(နတ်ဆိုးတစ်ကောင်လို ဉာဏ်ကေင်းတယ်ဆိုတဲ့ ချူရှင်းဟီကော ဘယ်မှာလဲ။)</p> <p>(ဒါက နတ်ဆိုးတစ်ကောင်လို ဉာဏ်ကောင်းတာလား။ သေချင်လို့ လျှောက်လုပ်နေတာနဲ့ ပိုတူနေတယ် မဟုတ်ဘူးလား။)</p> <p>(ယွင်ရှောင်ဂိုဏ်းက ထုံးစံအတိုင်း ကျင်းပတုန်းကတောင် ဝေဖန်မှုတွေ အများကြီး ခံခဲ့ရတာ။ အခု ချူရှင်းဟီက ပွဲတော်ကြီးကို ပျော်ပွဲရွှင်ပွဲအဖြစ် ပြောင်းလိုက်တယ်ဆိုတော့... ဒီပွဲအပြီးမှာ သူ အသက်ဆက်ရှင်နိုင်ပါဦးမလား။)</p> <p>"ဒါက ထောင်စုနှစ်ပွဲတော် မဟုတ်တော့ပါဘူး၊ ချူရှင်းဟီ ဘဝပျက်မယ့်နေ့ ဖြစ်တော့မှာပါ။"</p> <p>"ချူရှင်းဟီက မိစ္ဆာဂိုဏ်းက လွှတ်လိုက်တဲ့ သူလျှိုများလား။ မဟုတ်ရင် သူ ဘာလို့ ဒါတွေ လုပ်နေမှာလဲ။"</p> <p>"အစ်ကိုရာ... မိစ္ဆာဂိုဏ်းကလူတွေလည်း ဒီပွဲမှာ ပါနေတာပဲလေ။ ဟိုမှာ ဝူရှင်းယွင်ကို မမြင်ဘူးလား။ မိစ္ဆာဂိုဏ်းတောင် ဒီလောက်အထိ သတ္တိမကောင်းဘူးဟ"</p> <p>"ဟုတ်တယ်... မဟာအခမ်းအနား ပွဲတော်ကြီးတွေ ကျင်းပနေချိန် အတွင်းမှာ မိစ္ဆာဂိုဏ်းတောင် ပြဿနာမရှာရဲဘူး။ ချူရှင်းဟီက ဘာတွေ ကြံစည်နေတာလဲ။"</p> <p>လူတွေ အမျိုးမျိုး ဆွေးနွေးနေကြတုန်းမှာပဲ မဟာမိုးကောင်းကင် ကြေးမုံကြီးက ရုတ်တရက် လင်းလက်လာပြီး ဒီထူးဆန်းလှတဲ့ "ထောင်စုနှစ် ပျော်ပွဲရွှင်ပွဲကြီး" ကို တရားဝင် စတင်လိုက်ပါတော့တယ်။</p> <p>အားလုံး မျှော်လင့်ထားတဲ့ ဝမ်းနည်းပူဆွေးဖွယ် အောက်မေ့ဖွယ် မြင်ကွင်းတွေလည်း ပေါ်မလာခဲ့ပါဘူး။ အဲဒီအစား ကြေးမုံကြီး ကနေ မဟာမိုးကောင်းကင်ဂိုဏ်းက တပည့်တစ်ယောက်ရဲ့ ပုံရိပ် ပေါ်လာပါတယ်။</p> <p>အဲဒီတပည့် ရောက်နေတဲ့နေရာကတော့ "ထောင်စုနှစ် ပျော်ပွဲရွှင်ပွဲ" ကျင်းပနေတာကြောင့် ဆူညံနေတဲ့ ကျုံးကျိုးမြို့ ထဲမှာပါ။ မဟာမိုးကောင်းကင်ဂိုဏ်း တပည့်ဟာ ဆူညံနေတဲ့ လူအုပ်ကြားထဲမှာ သာမန်လူတစ်ဦးကို ရှာဖွေလိုက်ပါတယ်။</p> <p>"ရောင်းရင်း။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား။"</p> <p>မဟာမိုးကောင်းကင်ဂိုဏ်း တပည့်က ကျုံးကျိုးမြို့က လမ်းသွားလမ်းလာတစ်ယောက်ကို ရုတ်တရက် ဖမ်းမေးလိုက်တာပါ။ ပွဲတော်ကြီးက ပျော်ပွဲရွှင်ပွဲကြီး ဖြစ်သွားတာကို ခုနတင်ကပဲ ဝေဖန်နေတဲ့ အဲဒီလမ်းသွားလမ်းလာဟာ အံ့ဩသွားခဲ့ပါတယ်။ မဟာမိုးကောင်းကင် ကြေးမုံကြီးမှာ ကိုယ့်ပုံရိပ် အထင်းသား ပေါ်နေတာကို တွေ့လိုက်ရတဲ့ အခါ တုန်လှုပ်သွားရပါပြီ။</p> <p>"ရောင်းရင်း။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား။"</p> <p> </p> <p>မဟာမိုးကောင်းကင်ဂိုဏ်း တပည့်က ဒုတိယအကြိမ် ထပ်မံမေးမြန်းလိုက်မှသာ အဲဒီလူ သတိဝင်လာပါတယ်။</p> <p>"ဟင်။ မိစ္ဆာနတ်ဆိုးနှိမ်နင်းရေးစစ်ပွဲ။ အဲဒါ ဘာစစ်ပွဲလဲ။ ဒါက ထောင်စုနှစ် မဟာအခမ်းအနားပွဲတော်ကြီး မဟုတ်ဘူးလား။ ရောင်းရင်းတို့ မဟာမိုးကောင်းကင်ဂိုဏ်းက ဘာလို့ အောက်မေ့ဖွယ်ပွဲကို ပျော်ပွဲရွှင်ပွဲကြီး အဖြစ် ပြော်ငးလဲလိုက်တာလဲ။ ဘာတွေ လုပ်နေကြတာလဲဟင်။"</p> <p>အဲဒီလူရဲ့ အဖြေကို မဟာမိုးကောင်းကင် ကြေးမုံ ကနေတစ်ဆင့် မဟာနေမင်း ကုန်းမြေတိုက်ကြီး တစ်ခုလုံးက လူတွေ တိုက်ရိုက်မြင်တွေ့နေရပါတယ်။ အမှတ်မထင် ရွေးချယ်ခံရသူရဲ့ အဲဒီအဖြေကြောင့် လူပေါင်းများစွာဟာ ရယ်မောလိုက်ကြပါပြီ။ ထောင်စုနှစ် ပျော်ပွဲရွှင်ပွဲကြီး အကြောင်း သိချင်စိတ်တွေ ပိုပြီး ပြင်းပြလာခဲ့ကြပါတယ်။</p> <p>မဟာမိုးကောင်းကင်ဂိုဏ်း တပည့်က ပြန်မဖြေခဲ့ပါဘူး။ ကြေးမုံချပ်ကြီးထဲက ပုံရိပ်တွေဟာ တစ်ချက် ပြောင်းလဲသွားခဲ့ပါပြီ။ ဒီတစ်ခါမှာတော့ ယွီမြို့ကို ရောက်သွားပါတယ်။ အဲဒီမှာလည်း ဂိုဏ်းတပည့်တစ်ယောက်က ပွဲကြည့်နေတဲ့သူတစ်ယောက်ကို ရှာဖွေ မေးမြန်းလိုက်ပါပြီ။</p> <p>"ရောင်းရင်း။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား။"</p> <p>ဒုတိယမြောက် ရွေးချယ်ခံရသူကတော့ ကြေးမုံကြီးထဲမှာ ကိုယ့်ကိုကိုယ် မြင်နေရလို့ အရမ်း စိတ်လှုပ်ရှားနေပါတယ်။ သူက အရင်ဆုံး လက်ဝှေ့ယမ်း နှုတ်ဆက်လိုက်ပါပြီ။ ဘေးပတ်ဝန်းကျင်ကလူတွေကပါ သူ့ကို ဝိုင်းဝန်းအားပေးကြပါတယ်။ သူဖြေလိုက်ပါပြီ။</p> <p>"မိစ္ဆာနတ်ဆိုးနှိမ်နင်းရေးစစ်ပွဲလား... ကျွန်တော် မသိဘူး။ ဒါပေမဲ့ ကျွန်တော့်နာမည်က ဖန်းဒါနီပါ၊ ဒီနှစ်ထဲမှာ အသက် ၂၀ ပြည့်ပြီ၊ အခုထိ အိမ်ထောင်မရှိသေးပါဘူး..."</p> <p>ပုံရိပ်တွေက ပီနန်းနေရာကို ထပ်မံပြောင်းလဲသွားပြန်ပါတယ်။ အဲဒီမှာလည်း လမ်းသွားလမ်းလာတစ်ယောက်ကို ထပ်မံမေးမြန်းပါတယ်။</p> <p>(စာကြွင်။ မြို့နေရာတွေ ပြောင်းပြီး အင်တာဗျူးနေတယ်လို့ စာရေးသူ ထင်မိပါတယ်။ မူရင်းထဲမှာလည်း မြို့နာမည်တွေ ရေးထားတာကြောင့်ပါ။)</p> <p>"ရောင်းရင်း။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား။"</p> <p>ဒီတစ်ခါ မေးမြန်းခံရသူကတော့ လေလွင့် တန်ခိုးရှင် တစ်ယောက်ပါ။ ရှေ့က နှစ်ယောက်ထက်စာရင် သူက ပိုပြီး တည်ငြိမ်ပါတယ်။ သူ့ကိုတစ်ကမ္ဘာလုံး မြင်နေရပြီဆိုတာ သိတာနဲ့ ချက်ချင်းပဲ အခွင့်ကောင်းယူပြီး ပြောလိုက်ပါပြီ။</p> <p>"မိစ္ဆာနတ်ဆိုးနှိမ်နင်းရေးစစ်ပွဲဆိုတာ ဘာလဲတော့ ကျွန်တော် မသိဘူး။ ဒါပေမဲ့ ကျွန်တော်က ရှုတာ့ပြောင်ပါ၊ အဆင့် (၁) ကျင့်ကြံသူတစ်ယောက်ပါ။ ကျွန်တော့်မှာ ပါရမီ သိပ်မရှိပေမဲ့ အရမ်းကြိုးစားပါတယ်။ ကျွန်တော့်ရဲ့ ရည်မှန်းချက်က ရွှေဝူဂိုဏ်းထဲ ဝင်ဖို့ပါ။ ကျေးဇူးပြုပြီး ကျွန်တော့်ကို အခွင့်အရေးလေး ပေးကြပါဦး..."</p> <p>ရှုတာ့ပြောင်ရဲ့ စကားတွေကြောင့် တစ်ကမ္ဘာလုံး ထပ်မံရယ်မောခဲ့ကြပါတယ်။ မဟာမိုးကောင်းကင်ဂိုဏ်းက ကြေးမုံကြီးကိုသုံးပြီး ဒီလိုမျိုးတွေ လုပ်လိမ့်မယ်လို့ ဘယ်သူမှ မမျှော်လင့်ထားကြဘူးလေ။</p> <p>ဒါပေမဲ့ သာမန်လူတွေ ရယ်မောနေနိုင်ကြပေမဲ့ ဝမ်ရှီမြို့ထဲက ပုဂ္ဂိုလ်ကြီးတွေကတော့ မရယ်နိုင်ကြတော့ပါဘူး။</p> <p>ပထမဆုံးလူက ပွဲတော်ကြီးကို ဝေဖန်တုန်းကတော့ ပုဂ္ဂိုလ်ကြီးအတော်များများ ဝိုင်းရယ်ခဲ့ကြပါတယ်။ "သာမန်လူတွေတောင် ဝေဖန်နေပြီပဲ၊ ဒီပွဲအပြီးမှာ ချူရှင်းဟီတော့ အသက်ရှင်ပါဦးမလား" ဆိုပြီးတော့ပေါ့။ ဒါပေမဲ့ ဒုတိယလူ... တတိယလူ... စတုတ္ထနဲ့ ပဉ္စမလူတွေပါ တစ်ယောက်ပြီး တစ်ယောက် ဆက်တိုက် အင်တာဗျူး ဖြစ်လာတဲ့အခါမှာတော့...</p> <p>ပုဂ္ဂိုလ်ကြီးတွေ ဘယ်သူမှ မရယ်နိုင်ကြတော့ပါဘူး။</p> <p>အစပိုင်းမှာ သူတို့ရယ်ခဲ့တာက သာမန်လူတွေက ကမ္ဘာ့နံပါတ် (၁) ဂိုဏ်းကို ဝေဖန်နေကြလို့ပါ။ ဒါပေမဲ့ "မိစ္ဆာနတ်ဆိုးနှိမ်နင်းရေးစစ်ပွဲ" ဆိုတာ ဘာလဲဆိုတာ မသိဘူးလို့ ဖြေတဲ့သူတွေ တစ်ယောက်ပြီးတစ်ယောက် များလာတဲ့အခါ အားလုံးဟာ နှုတ်ဆိတ်သွားခဲ့ကြပါတယ်။</p> <p>လွန်ခဲ့တဲ့ နှစ်ပေါင်းတစ်ထောင်တုန်းက မရေမတွက်နိုင်တဲ့ ဘိုးဘေးတွေဟာ တစ်လောကလုံး ငြိမ်းချမ်းဖို့အတွက် သူတို့ရဲ့ အသက်သွေးချွေးတွေကို ရင်းနှီးပေးဆပ်ခဲ့ကြပါတယ်။ သူတို့ရဲ့ အသက်တွေနဲ့ လဲလှယ်ပြီး ကမ္ဘာကြီးကို နှစ်ပေါင်းတစ်ထောင်ကျော် ငြိမ်းချမ်းမှု ယူဆောင်ပေးခဲ့တာပါ။</p> <p>ဒီနှစ်ပေါင်းတစ်ထောင်အတွင်းမှာ နှစ်တစ်ရာတစ်ကြိမ်ကျင်းပတဲ့ မဟာအခမ်းအနားပွဲတော်တွေဟာ အမြဲတမ်း ခမ်းနားထည်ဝါခဲ့ပါတယ်။ ဂိုဏ်းတိုင်းက သူတို့ကျင်းပတဲ့ပွဲက ဘိုးဘေးတွေကို အရှက်ရစေမှာ စိုးရိမ်ခဲ့ကြသလို "ဘိုးဘေးတွေနဲ့အတူ ငါတို့လည်း အသေခံဖို့ အသင့်ပဲ" ဆိုတဲ့ စိတ်ဓာတ်မျိုး ပြသခဲ့ကြပါတယ်။</p> <p>မဟာဂိုဏ်းကြီး (၁၀) ဂိုဏ်းပဲဖြစ်ဖြစ်၊ တခြားဂိုဏ်းတွေပဲဖြစ်ဖြစ် ပွဲတော်တိုင်းမှာ အစွမ်းကုန် ကြိုးစားခဲ့ကြပါတယ်။ ဒါပေမဲ့ အခုအချိန်မှာတော့... ကြေးမုံကြီးထဲမှာ မဟာမိုးကောင်းကင်ဂိုဏ်း တပည့်တွေရဲ့ ကျပန်းမေးမြန်းမှုကို ခံရတဲ့ သာမန်လူတွေနဲ့ ကျင့်ကြံသူတွေရဲ့ အဖြေစကားတွေကြောင့် လူတိုင်းဟာ စကားမပြောနိုင်ဘဲ မှင်သက်နေကြရပါပြီ။</p> <p>"မိစ္ဆာနတ်ဆိုးနှိမ်နင်းရေးစစ်ပွဲ" ဆိုတာ ဘာလဲ။</p> <p>နှစ်ပေါင်းတစ်ထောင် ဆိုတဲ့ အချိန်ကာလက တဖြည်းဖြည်း ကုန်လွန်သွားခဲ့ပြီး... တကယ်တမ်းတော့ ဒီလောကမှာ အဲဒီစစ်ပွဲကြီးအကြောင်းကို မှတ်မိနေတဲ့သူ သိပ်မရှိတော့ပါဘူး။</p> <p>တကယ်လို့ သူတို့က အဲဒီစစ်ပွဲကြီးအကြောင်းတောင် မသိကြဘူးဆိုရင်... ဒီ "ထောင်စုနှစ် မဟာအခမ်းအနားပွဲတော်" က ဘာများ အဓိပ္ပာယ်ရှိတော့မှာလဲ။</p> <p>မေးမြန်းမှုတွေက ဆက်လက် လုပ်ဆောင်နေဆဲပါ။ မြို့ပေါင်းစုံက သာမန်လူတွေ၊ တန်ခိုးရှင်တွေနဲ့ မိစ္ဆာဂိုဏ်းဝင်အချို့ကိုပါ မေးမြန်းပါတယ်။ ဒါပေမဲ့ လူတစ်ဆယ်မှာ တစ်ယောက်တောင်မှ မိစ္ဆာနတ်ဆိုးနှိမ်နင်းရေးစစ်ပွဲအကြောင်းကို ရေရေရာရာ မပြောနိုင်ကြပါဘူး။</p> <p>တစ်ယောက်စ၊ နှစ်ယောက်စ မသိတာက တိုက်ဆိုင်မှု ဖြစ်နိုင်ပေမဲ့... ဆယ်ယောက်လုံးက မသိဘူးဆိုတာကတော့ တိုက်ဆိုင်မှု မဟုတ်တော့ပါဘူး။</p> <p>ဝမ်ရှီမြို့ထဲမှာတော့ ဖြောင့်မတ်သူတွေရော၊ မိစ္ဆာလမ်းစဉ်လျှောက်သူတွေပါ အလေးအနက် တွေးတောနေကြပါပြီ။ အစောပိုင်းမှာ လူတိုင်းက "ချူရှင်းဟီဟာ အောက်မေ့ဖွယ်ပွဲကို ပျော်ပွဲရွှင်ပွဲ လုပ်ပစ်ပြီး ဘိုးဘေးတွေကို စော်ကားနေတာလား" လို့ ပြောခဲ့ကြပါတယ်။</p> <p>ဒါပေမဲ့ အခု လူဆယ်ယောက်ရဲ့ အဖြေတွေကတော့ အဲဒီမှာရှိနေတဲ့ ပုဂ္ဂိုလ်ကြီးတိုင်းရဲ့ ပါးကို ရိုက်လိုက်သလိုပါပဲ။</p> <p>ဘိုးဘေးတွေကို စော်ကားတာလား။ ချူရှင်းဟီက တကယ်ပဲ ဘိုးဘေးတွေကို စော်ကားနေတာလား။</p> <p>သူက ဘိုးဘေးတွေကို စော်ကားနေတာ မဟုတ်တော့ပါဘူး။ သူက ဒီမှာရှိနေတဲ့ ငါတို့အားလုံး အပါအဝင် 'မဟာနေမင်း ကုန်းမြေတိုက်ကြီး' တစ်ခုလုံးကို စော်ကားနေတာပါပဲ။</p> <p>ဒါပေမဲ့ ဒီစော်ကားမှုကို ရင်ဆိုင်တဲ့အခါမှာတော့ ပုဂ္ဂိုလ်ကြီးအားလုံး ငြိမ်ငြိမ်လေး နေလိုက်ကြရပါပြီ။</p> <p>သူတို့တွေက "မိစ္ဆာနတ်ဆိုးနှိမ်နင်းရေးစစ်ပွဲ" ဆိုတာ တစ်လောကလုံး ငြိမ်းချမ်းဖို့အတွက် တိုက်ပွဲကြီးဖြစ်တယ်။ အခမ်းအနားပွဲတော်ကြီးက ဘိုးဘေးတွေကို ဂုဏ်ပြုတာဖြစ်တယ်လို့ အမြဲပြောနေကြပေမဲ့... တကယ်တမ်းမှာတော့ လောကကြီးက လူတွေဟာ အဲဒီစစ်ပွဲအကြောင်းတောင် မသိကြတော့ဘူး။ သူတို့ ဂုဏ်ပြုနေတဲ့ ဘိုးဘေးတွေက ဘယ်သူတွေလဲဆိုတာတောင် မသိကြတော့ဘူး။ ဒီလိုဖြစ်နေတဲ့ ပွဲတော်ကြီးကို "ပျော်ပွဲရွှင်ပွဲ" လို့ ခေါ်လိုက်တာ ဘာမှားလို့လဲ။</p> <p>ဒါက ပျော်စရာမကောင်းဘူးလား။ ဒါက လုံလောက်တဲ့ ဝေဖန်လိုက်မှုပဲ မဟုတ်ဘူးလား။</p> <p>တခြားပုဂ္ဂိုလ်ကြီးတွေ ခဏထားလိုက်ပါဦး။ ဂိုဏ်းချုပ်ကြီး ဂူမင်ချောင် တောင်မှ တုန်လှုပ်မှုကို ဖုံးကွယ်မထားနိုင်တော့ပါဘူး။ အစကတော့ ရှင်းဟီဟာ အရောင်တွေကို လျှောက်သုံးပြီး အခြေအမြစ်မရှိတာတွေ လုပ်နေတယ်လို့ သူထင်မိခဲ့ပါသေးတယ်။</p> <p> </p> <p>တကယ်လို့သာ ဒီနေရာမှာ ချူရှင်းဟီ မဟုတ်ဘဲ တခြားတစ်ယောက်ယောက်သာ ဖြစ်နေမယ်ဆိုရင် ဒီပွဲတော်ရဲ့ အဓိကစီစဉ်သူ နေရာကနေ အစောကြီးကတည်းက အဖယ်ခံလိုက်ရပြီးပါပြီ။</p> <p>ဒါပေမဲ့ အခုအချိန်မှာတော့ ဂူမင်ချောင် တစ်ယောက် သဘောပေါက်သွားပါတယ်။ ရှင်းဟီဟာ အဓိပ္ပာယ်မရှိတာတွေကို လျှောက်လုပ်နေတာ မဟုတ်ပါဘူး။ တမင်တကာကို လုပ်နေတာပါ။ အခုမြင်နေရတဲ့ "ပျော်ပွဲရွှင်ပွဲ" ဆိုတာက တကယ့်ဝမ်းသာမှုကို ဖော်ပြဖို့ မဟုတ်ဘဲ၊ ဒီအငွေ့အသက်ကိုတွေသုံးပြီး သူတို့ကို ဝေဖန်နေတယ် ဆိုတာပါ။</p> <p>နှစ်ပေါင်းတစ်ထောင် ကုန်လွန်သွားခဲ့ပြီ... လောကမှာရှိတဲ့ ဂိုဏ်းကြီးတွေကလွဲရင် သာမန်လူတွေဟာ မိစ္ဆာနတ်ဆိုးနှိမ်နင်းရေးစစ်ပွဲ  ဆိုတာ ဘာလဲဆိုတာကိုတောင် မေ့နေကြပါပြီ။</p> <p>လူတိုင်းက အစဉ်အလာ အမွေအနှစ်ဆိုပြီး ဟစ်ကြွေးနေကြပေမဲ့... ဒီနေ့အထိ ကျန်ရှိနေတဲ့ အမွေအနှစ်ဆိုတာကတော့ လောကကြီးကလူတွေ 'မိစ္ဆာနတ်ဆိုးနှိမ်နင်းရေးစစ်ပွဲ' အကြောင်းတောင် မသိကြတော့တာပါပဲ။ ဒါဟာ ဘယ်လောက်တောင် ရယ်ဖို့ ကောင်းနေလိုက်သလဲ။</p> <p>(ခုနတင်ကပဲ လူတိုင်းက ငါတို့ရဲ့ ရှင်းဟီလေးကို ဝိုင်းရယ်နေကြတာလေ။ အခုကျတော့ ဘာလို့ အားလုံး တိတ်ဆိတ်သွားကြတာလဲ။)</p> <p>(ဒီ "ထောင်စုနှစ် ပျော်ပွဲရွှင်ပွဲ" ဆိုတာ ရှင်းဟီကို လှောင်ပြောင်ဖို့ မင်းတို့ကို အခွင့်အရေး ပေးလိုက်တာ မဟုတ်ပါဘူး။ ရှင်းဟီက တစ်ကမ္ဘာလုံးကို ပြန်ပြီး ဝေဖန်ပစ်လိုက်တာပဲ။)</p> <p>များပြားလှတဲ့ ပုဂ္ဂိုလ်ကြီးတွေ တိတ်ဆိတ်ငြိမ်သက်နေစဉ်မှာပဲ မဟာမိုးကောင်းကင် ကြေးမုံရဲ့ ပုံရိပ်တွေဟာ ဝမ်ရှီမြို့ဆီကို ပြန်လည်ရောက်ရှိလာပါတော့တယ်။ ဝတ်ကောင်းစားလှတွေ ဝတ်ဆင်ထားတဲ့ ချူရှင်းဟီ ဟာ ကြေးမုံချပ်ကြီးထဲမှာ ပေါ်ထွက်လာခဲ့ပါပြီ။</p> <p>ချူရှင်းဟီဟာ တည်ငြိမ်တဲ့ မျက်နှာထားနဲ့ ကောင်းကင်ယံကို မော့ကြည့်လိုက်ပါတယ်။ လူပေါင်းများစွာရဲ့ အကြည့်တွေအောက်မှာပဲ ခပ်တိုးတိုးလေး ပြောလိုက်ပါပြီ။</p> <p>"ရောင်းရင်းတို့။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲ သိသလား။"</p> <p>ချူရှင်းဟီရဲ့ အသံဟာ သိပ်မကျယ်လှပါဘူး။ ဒါပေမဲ့ မဟာမိုးကောင်းကင် ကြေးမုံကြီးကနေတစ်ဆင့် မဟာနေမင်း ကုန်းမြေတိုက်ကြီး တစ်ခုလုံးကို ပျံ့နှံ့သွားတဲ့အခါ မြို့အသီးသီးမှာ ရှိနေတဲ့ ရယ်မောသံတွေနဲ့ စကားပြောသံတွေဟာ ရုတ်ခြည်း ရပ်တန့်သွားပါတယ်။</p> <p>စက္ကန့်ပိုင်းအလိုကတင် လူအများအပြားဟာ ကြေးမုံကြီးထဲမှာ ပါချင်ဇောနဲ့ ဟိုကြည့်ဒီကြည့် လုပ်နေခဲ့ကြတာပါ။ ဒါပေမဲ့ အခုအချိန်မှာတော့ ချူရှင်းဟီရဲ့ မေးခွန်းကြောင့် လူတိုင်း ပါးစပ်အဟောင်းသား ဖြစ်သွားကြပါတယ်။</p> <p>"ရောင်းရင်းတို့။ မင်္ဂလာပါ။ မိစ္ဆာနတ်ဆိုးနှိမ်နင်းရေးစစ်ပွဲ ဆိုတာ ဘာလဲဆိုတာ သိသလား။"</p> <p>အရမ်းကို ရိုးရှင်းတဲ့ မေးခွန်းတစ်ခုပါ။ ဒါပေမဲ့ ကုန်းမြေတိုက်ကြီးတစ်ခုလုံးမှာရှိတဲ့ သန်းပေါင်းများစွာသော လူတွေထဲမှာ မိစ္ဆာနတ်ဆိုးနှိမ်နင်းရေးစစ်ပွဲအကြောင်းကို တိတိကျကျ ပြောနိုင်တဲ့သူ ဘယ်နှစ်ယောက် ရှိပါ့မလဲ။</p> <p>လူပေါင်းများစွာက မိစ္ဆာနတ်ဆိုးနှိမ်နင်းရေးစစ်ပွဲဆိုတာ ဘာလဲဆိုတာကို စဉ်းစားနေကြစဉ်မှာပဲ ကြေးမုံကြီးထဲကနေ ချူရှင်းဟီက ထပ်မံပြောလိုက်ပါပြီ။</p> <p>"ဒီနေ့မှာတော့... လွန်ခဲ့တဲ့ နှစ်ပေါင်းတစ်ထောင်ကျော်ဆီ ရောင်းရင်းတို့ကို ခေါ်သွားပေးမယ်။ မိစ္ဆာနတ်ဆိုးနှိမ်နင်းရေးစစ်ပွဲဆိုတာ ဘာလဲဆိုတာကို ရောင်းရင်းတို့ ကိုယ်တိုင် ခံစားမြင်တွေ့စေရမယ်..."</p> <p> </p> <p> </p> <p style="text-align: center;">***</p>


Save