Book List

<h2 style="text-align: center;">Chapter 8</h2> <h2 style="text-align: center;">မိုးကောင်းကင် စမ်းသပ်စစ်ဆေးမှုကပ်ဘေးကြီး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ချူရှင်းဟီ တစ်ယောက် ဒီအချိန်မှာတော့ လုံးဝကို ဆွံ့အမှင်သက်နေခဲ့ပါတယ်။</p> <p>ဘာကြောင့်လဲဆိုတော့ အလင်းတန်းကြီးထဲက ကြောက်ခမန်းလိလိ ဝိညာဉ်စွမ်းအင်တွေဟာ ခန္ဓာကိုယ်ထဲကို အရှိန်အဟုန်နဲ့ တိုးဝင်လာပြီး ချက်ချင်းဆိုသလို သူ့ကို ပြောင်းလဲပေးလိုက်လို့ပါပဲ။ ချူရှင်းဟီ ခန္ဓာကိုယ်ဟာ အဆုံးစွန်သော ပြည့်စုံခြင်းအဆင့်ကို ရောက်ရှိသွားတာကို ခံစားလိုက်ရပါပြီ။</p> <p>ခန္ဓာကိုယ် အသွင်ပြောင်းလဲမှု ပြီးဆုံးသွားချိန်မှာ ဝိညာဉ်စွမ်းအင် စီးဆင်းဝင်ရောက်မှုတွေ ရပ်တန့်မသွားဘဲ တန်ခိုးကျင့်စဉ် အဆင့်ကို မြှင့်တင်ပေးဖို့အတွက် သူ့ရဲ့ ဒန်တျန်ထဲကို ထဲကို ဆက်လက်တိုးဝင်လာနေဆဲ။</p> <p>ဒါပေမဲ့ ဝိညာဉ်စွမ်းအင်တွေက ဒန်တျန်ပင်လယ်ရဲ့ အနားသတ်ကို ရောက်သွားတဲ့အချိန်မှာပဲ၊ ဒန်တျန်ထဲမှာ ရှိနေတဲ့ ကံကြမ္မာဖန် သံလိုက်အိမ်မြောင်က လည်ပတ်လာခဲ့ပါတယ်။</p> <p>တစ်ခဏချင်းမှာပဲ သူ့ရဲ့ ဒန်တျန်ဟာ ကံကြမ္မာဖန် သံလိုက်အိမ်မြောင်ရဲ့ ချိတ်ပိတ်ခြင်းကို ခံလိုက်ရပါပြီ။</p> <p>ဝိညာဉ်စွမ်းအင် အားလုံးဟာ သံလိုက်အိမ်မြှောင်ရဲ့ တားဆီးမှုကြောင့် ဒန်တျန်ထဲကို မဝင်နိုင်ဘဲ အပြင်ဘက်မှာပဲ ပိတ်မိသွားပါတော့တယ်။။</p> <p>ဒါပေမဲ့ ဝိညာဉ်စွမ်းအင်တွေကတော့ ဂရုမစိုက်ပါဘူး။ အခုအချိန်မှာတော့ ဝိညာဉ်စွမ်းအင်တွေဟာ ဘာကိုမှ ဂရုမစိုက်ဘဲ ရှေ့ကို ချီတက်နေတဲ့ တပ်ဖွဲ့ကြီးတစ်ခုလိုပါပဲ။ အထဲကို ပေးမဝင်ဘူးဆိုရင် အတင်းအဓမ္မ ထိုးဖောက်ဝင်ရောက်ဖို့ ကြိုးစားကြပါတယ်။</p> <p>ဒါပေမဲ့ ဒီအချိန်မှာတော့ ကံကြမ္မာဖန် သံလိုက်အိမ်မြောင်က ဘယ်လောက်အထိ ကြောက်စရာကောင်းသလဲဆိုတာကို ချူရှင်းဟီ နားလည်သွားခဲ့ပါတယ်။</p> <p>လောကကြီးကို ဖျက်ဆီးနိုင်လောက်အောင် အင်အားကြီးမားလှတဲ့  အဲဒီဝိညာဉ်စွမ်းအင်တွေဟာ ကံကြမ္မာဖန် သံလိုက်အိမ်မြောင်ရဲ့ ခံစစ်စည်းကို လုံးဝ မဖောက်ထွင်းနိုင်ပါဘူး။</p> <p>သံလိုက်အိမ်မြှောင်ဟာ သူ့ရဲ့ အချုပ်အခြာအာဏာကို ပြသနေသလိုပါပဲ။ ဘယ်လိုစွမ်းအားမျိုးပဲဖြစ်ဖြစ် ချူရှင်းဟီရဲ့ ဒန်တျန်ထဲကို တစ်စက်ကလေးတောင် ကျူးကျော်ခွင့်မပြုဘူးလို့ ကြေညာနေသလိုပါပဲ။</p> <p>ချူရှင်းဟီကတော့ ကံကြမ္မာဖန် သံလိုက်အိမ်မြောင်ဟာ သူ့ကို ဒုက္ခပေးနေတာမဟုတ်ဘဲ သူ့ရဲ့ ဒန်တျန်ကို ကာကွယ်ပေးနေတာမှန်း သိလိုက်ပါပြီ။</p> <p>စဉ်းစားကြည့်ပါဦး... အခု အလင်းတန်းထဲမှာရှိတဲ့ ဝိညာဉ်စွမ်းအင် ပမာဏက ဘယ်လောက်တောင် များသလဲဆိုတာ။</p> <p>ဒီလောက်ပမာဏများပြားလှတဲ့ ဝိညာဉ်စွမ်းအင်တွေသာ သူ့ရဲ့ ဒန်တျန်ထဲကို တစ်ပြိုင်နက်တည်း စီးဆင်းဝင်ရောက်လာခဲ့မယ် ဆိုရင် သူ့တန်ခိုးကျင့်စဉ် အဆင့်ဟာ တဒင်္ဂအတွင်းမှာပဲ အဆင့်တက် သွားလိမ့်မယ်လို့ ယုံကြည်ရလောက်အောင် ချူရှင်းဟီက ဉာဏ်မတိမ်တော့ပါဘူး။</p> <p>အကယ်၍ ဒန်တျန်က ကန်ငယ်လေး တစ်ခု ဆိုပါစို့။ ပုံမှန်လူတစ်ယောက် အဆင့်တက်တယ်ဆိုတာ အဲဒီကန်ငယ်လေးကို တဖြည်းဖြည်းတိုးချဲ့ပြီး စွမ်းရည်ကို မြှင့်တင်တာမျိုးပါ။ အဲဒီကမှတစ်ဆင့် ရေကန်လေးက ပိုကြီးလာပြီး တန်ခိုးကျင့်စဉ် အဆင့်က ပိုပြီး မြင့်မားလာမှာပါ။</p> <p>ဒါပေမဲ့ လက်ဖဝါးလောက်ပဲရှိတဲ့ ရေကန်ငယ်လေးတစ်ခု အဖြစ်ပဲ ရှိနေချိန်မှာ အလွန်များပြားလှတဲ့ ရေထုကြီးက ရုတ်တရက် တိုးဝင်လာမယ်ဆိုရင် ဘာဖြစ်သွားမလဲ။</p> <p>သေချာပေါက် ဒီကန်ငယ်လေး ပျောက်ကွယ်သွားမှာပါ။ ပေါက်ကွဲသွားမှာပါ။ ဒန်တျန်သာ ပေါက်ကွဲသွားရင် ချူရှင်းဟီဟာ အသွင်ပြောင်းဖို့ ဝေးစွ၊ လူပြန်ဝင်စားဖို့တောင် မဖြစ်နိုင်တော့ပါဘူး။</p> <p>ဒါကြောင့် ဒီနေ့ ဒီဝိညာဉ်စွမ်းအင်တွေက သူ့ကို အသွင်ပြောင်းဖို့ ကူညီပေးခဲ့တာ မှန်ပေမဲ့၊ ကျန်ရှိတဲ့ စွမ်းအားတွေအားလုံး သူ့ဒန်တျန်ထဲ တစ်ကြိမ်တည်း ဝင်သွားမယ်ဆိုရင်တော့ သူ သေချာပေါက်ကို သေရမှာပါ။</p> <p>ကံကြမ္မာဖန် သံလိုက်အိမ်မြောင်ဟာ နောက်ဆုံးတော့ အသုံးဝင်တာတစ်ခု လုပ်ပေးလိုက်ပါပြီ။ ဒီလောက်များပြားလှတဲ့ ဝိညာဉ်စွမ်းအင်တွေကို သံလိုက်အိမ်မြှောင်က လက်ဦးမှုယူပြီး အပြင်ဘက်မှာပဲ ပိတ်ဆို့ထားလိုက်တာပါပဲ။</p> <p>ဒါပေမဲ့ သံလိုက်အိမ်မြှောင်က ဒန်တျန်ကို ကာကွယ်ပေးနေချိန်မှာ၊ ဒန်တျန်ထဲ ဝင်မရတဲ့ ဝိညာဉ်စွမ်းအင်တွေဟာ ချူရှင်းဟီရဲ့ ခန္ဓာကိုယ်ထဲမှာ သောင်းကျန်းပါတော့တယ်။</p> <p>ဒါဟာ သူခုနကတင် ခန္ဓာကိုယ် အသွင်ပြောင်းလဲထားလို့သာ သူတောင့်ခံနိုင်တာပါ။ မဟုတ်ရင်တော့ အခုလောက်ဆို သူ အကြိမ်တစ်ရာမက ပေါက်ကွဲသွားလောက်ပါပြီ။</p> <p>ဒါပေမဲ့ အသွင်ပြောင်းထားတာလည်း အလကားပါပဲ။ အခုအချိန်မှာ ချူရှင်းဟီ ခန္ဓာကိုယ်ကြီးက ဝိညာဉ်စွမ်းအင်တွေကြောင့် လေထိုးသွင်းခံနေရတဲ့ ပူဖောင်းတစ်ခုလို တဖြည်းဖြည်း ဖောင်းကားလာသလို ခံစားနေရပါတယ်။ ဒီအတိုင်းသာ ဆက်လွှတ်ထားရင် နောက်ဆုံးမှာ သူ ပေါက်ကွဲသွားရတော့မှာပါ။</p> <p>“ငါဟာ ခန္ဓာကိုယ် အသွင်ပြောင်းပြီးမှ ပေါက်ကွဲသေရတဲ့ ပထမဆုံးလူ ဖြစ်တော့မှာလား”</p> <p>ချူရှင်းဟီ ညည်းတွားနေစဉ်မှာပဲ၊ ကံကြမ္မာဖန် သံလိုက်အိမ်မြောင်ဟာ ရုတ်တရက် လည်ပတ်လာခဲ့ပါပြီ။ အဲဒီလို လည်ပတ်လိုက်တာနဲ့အတူ မမြင်နိုင်တဲ့ အလင်းတန်းတစ်ခုဟာ ချူရှင်းဟီရဲ့ ကိုယ်ထဲကနေ ပျံထွက်သွားပြီး အဝေးမှာရှိတဲ့ မဟာမိုးကောင်းကင်ဂိုဏ်း တပည့်တွေကြားထဲကို ချက်ချင်း ရောက်သွားပါတယ်။</p> <p>အဲဒီနတ်ဘုရားအလင်းတန်းဟာ လူအုပ်ထဲကနေ ဂူမင်ချောင် ကိုရွေးချယ်လိုက်ပါတယ်။ အဲဒီနောက်မှာတော့ ဂူမင်ချောင်ကို တုံ့ပြန်ဖို့ အခွင့်အရေးတောင် မပေးဘဲ သံလိုက်အိမ်မြှောင်က ထပ်မံလည်ပတ်လိုက်ပြန်ပါပြီ။</p> <p>သံလိုက်အိမ်မြှောင် လည်ပတ်လိုက်တာနဲ့အမျှ ကောင်းကင်က အလင်းတန်းကြီးဟာလည်း သံလိုက်အိမ်မြှောင်ရဲ့ လွှမ်းမိုးမှုကို ခံလိုက်ရသလိုပါပဲ။ အလင်းတန်းကြီးဟာ ချူရှင်းဟီရဲ့ ခန္ဓာကိုယ်ပေါ်ကနေ ခွာလိုက်ပြီး ခုနက နတ်ဘုရားအလင်းတန်း ရွေးချယ်လိုက်တဲ့ ဂူမင်ချောင်ဆီကို ရွေ့လျားသွားပါတော့တယ်။</p> <p>ခဏအကြာမှာတော့ နတ်ဘုရားအလင်းတန်းဟာ လမ်းကြောင်းပြောင်းသွားပြီး ဂူမင်ချောင်ရဲ့ ခေါင်းပေါ်ကို တည့်တည့်ကြီး ကျရောက်သွားပါပြီ။</p> <p>"ဝုန်း။"</p> <p>ဂူမင်ချောင်ဟာ ဘာဖြစ်နေမှန်းတောင် မသိလိုက်ပါဘူး။ သမုဒ္ဒရာလို ကျယ်ပြောလှတဲ့ ဝိညာဉ်စွမ်းအင်တွေရဲ့ လွှမ်းခြုံခြင်းကို ခံလိုက်ရပါတယ်။ ဝိညာဉ်စွမ်းအင် အားလုံးဟာ ဂူမင်ချောင်ရဲ့ ခန္ဓာကိုယ်ထဲကို အသည်းအသန် စီးဆင်းဝင်ရောက်လာခဲ့ပါပြီ။</p> <p>အရင်တုန်းက လောကရဲ့ နံပါတ် (၁) ဖြစ်ခဲ့သူ ပီပီ ဂူမင်ချောင်ရဲ့ အစွမ်းထက်လှတဲ့ ဒန်တျန်ဟာ ရွှေရောင်အလင်းတန်းက စွမ်းအားတွေကို အငမ်းမရ စတင်စုပ်ယူလိုက်ပါတော့တယ်။</p> <p>ဒါပေမဲ့ ဒီစွမ်းအားတွေက ကြောက်စရာကောင်းလွန်းတာကြောင့် ဂူမင်ချောင်လို အစွမ်းထက်သူတောင်မှ တုန်လှုပ်အံ့ဩသွားခဲ့ရပါပြီ။</p> <p>ဒါပေမဲ့လည်း လောကရဲ့ နံပါတ် (၁) ပုဂ္ဂိုလ်ဟောင်းကို လျှော့တွက်လို့ မရပါဘူး။ အခုအချိန်မှာ ဂူမင်ချောင်ဟာ လေထဲကို ပျံတက်သွားပြီး၊ အံ့မခန်း ပမာဏ များပြားလှတဲ့ ဝိညာဉ်စွမ်းအင်တွေကို သူ့ရဲ့ ဒန်တျန်ထဲရောက်အောင် အစွမ်းကုန် စုစည်းလိုက်ပါတော့တယ်။</p> <p>ဝိညာဉ်စွမ်းအင်တွေဟာ ဂူမင်ချောင်ရဲ့ ဒန်တျန်ကို စတင် ပြောင်းလဲပေးနေပါပြီ။ ဘယ်နှစ်နှစ်တောင် ရပ်တန့်နေမှန်းမသိတဲ့ ဂူမင်ချောင်ရဲ့ ဒန်တျန်ဟာ ဝိညာဉ်စွမ်းအင်တွေရဲ့ အကူအညီနဲ့ အဆက်မပြတ် စတင်ကျယ်ပြောလာပါတော့တယ်။</p> <p>"ဂိုဏ်းချုပ်ကြီး..." မဟာမိုးကောင်းကင်ဂိုဏ်းရဲ့ ဂိုဏ်းအကြီးအကဲတွေလည်း မျက်နှာပျက်သွားကြပါပြီ။</p> <p>"ဂိုဏ်းချုပ်ကြီးကို မနှောင့်ယှက်ကြနဲ့။ ဒါဟာ ချူရှင်းဟီက ဂိုဏ်းချုပ်ကြီးအတွက် ကမ္ဘာ့နတ်ဘုရားအဆင့်ကို တက်လှမ်းနိုင်ဖို့ ကူညီပေးလိုက်တဲ့ အခွင့်အရေးပဲ။" မဟာသူတော်စင်ကြီးက ရုတ်တရက် ဟစ်အော်လိုက်ပြီး ရှေ့ကို တိုးချင်နေကြတဲ့ အကြီးအကဲအားလုံးကို တားဆီးလိုက်ပါတော့တယ်။</p> <p> </p> <p>မဟာသူတော်စင်ကြီးရဲ့ စကားကို ကြားလိုက်ရတဲ့အခါမှာတော့ လူတိုင်းဟာ အံ့ဩတုန်လှုပ်သွားကြပါပြီ။</p> <p>ကမ္ဘာ့နတ်ဘုရားအဆင့်ကို တက်လှမ်းဖို့ အခွင့်အရေးတဲ့လား။</p> <p>ကမ္ဘာ့နတ်ဘုရားဆိုတာ... မဟာနေမင်း ကုန်းမြေတိုက်ကြီး မှာ ပေါ်မလာခဲ့တာ နှစ်ပေါင်းတစ်ထောင်ကျော်တောင် ရှိနေပြီ မဟုတ်လား။</p> <p>မိစ္ဆာနတ်ဆိုးနှိမ်နင်းရေးစစ်ပွဲကြီးပြီးကတည်းက လောကရဲ့ ဝိညာဉ်ချီစွမ်းအင်တွေဟာ အစိတ်စိတ်အမွှာမွှာ ပျက်စီးသွားခဲ့ပြီး ဘိုးဘေးအင်မော်တယ်အဆင့်ဟာ ဒီခေတ်ရဲ့ အမြင့်ဆုံးအဆင့် ဖြစ်လာခဲ့ပါတယ်။ ကမ္ဘာ့နတ်ဘုရားအဆင့်ဆိုတာ ဒဏ္ဍာရီတစ်ခုအဖြစ်သာ ဖြစ်ကျန်ရစ်ခဲ့တာပါ။</p> <p>တချို့ကဆိုရင် မိစ္ဆာနတ်ဆိုးနှိမ်နင်းရေးစစ်ပွဲပြီးနောက်မှာ ကမ္ဘာ့နတ်ဘုရားတစ်ယောက် ပေါ်ထွန်းလာဖို့ဆိုတာ လုံးဝမဖြစ်နိုင်တော့ဘူးလို့တောင် ထင်ခဲ့ကြပါတယ်။</p> <p>ဒါပေမဲ့ ဒီနေ့မှာတော့ ချူရှင်းဟီဟာ ဒီသာယာဝပြောတဲ့ ခေတ်ကြီးမှာ လောကရဲ့ သန့်စင်သော ဝိညာဉ်တော်တွေကို ပြန်လည်နိုးထစေခဲ့ပြီး ဂိုဏ်းအသီးသီးကိုလည်း အမွေအနှစ်တွေ ပြန်လည် ရရှိစေခဲ့ပါတယ်။ မဟာမိုးကောင်းကင်ဂိုဏ်းက လူတွေကတော့ ဒီနေ့မှာ ငါတို့ဂိုဏ်းပဲ နစ်နာခဲ့တယ် ထင်မိကြပါသေးတယ်။</p> <p>ဒါပေမဲ့ အမွေအနှစ်တွေ ပေးအပ်ပြီးတဲ့နောက်မှာ ဝိညာဉ်တော်တွေဟာ ကြောက်မက်ဖွယ်ရာ ရွှေရောင်အလင်းတန်းကြီးအဖြစ် စုစည်းသွားပြီး ချူရှင်းဟီကို အသွင်ပြောင်းလဲပေးလိမ့်မယ်လို့ ဘယ်သူမှ မထင်ထားခဲ့ပါဘူး။</p> <p>ပိုပြီးတော့ မမျှော်လင့်ထားတာကတော့... ခန္ဓာကိုယ် အသွင်ပြောင်းလဲပြီးတဲ့နောက်မှာ အဲဒီစွမ်းအားတွေက လုံးဝပျောက်ကွယ်မသွားခဲ့သလို ချူရှင်းဟီကလည်း အဲဒီဝိညာဉ်စွမ်းအင်အားလုံးကို ကိုယ်တိုင်ဝါးမြိုဖို့ မရွေးချယ်ဘဲ ဂိုဏ်းချုပ် ဂူမင်ချောင် ဆီကို အခွင့်အရေး လွှဲပြောင်းပေးလိုက်တာပါပဲ။</p> <p>(ချူရှင်းဟီ ဆိုတာ တကယ့်ကို ချူရှင်းဟီပါပဲ။)</p> <p>(ဒီကလေးက ကျေးဇူးသိတတ်လိုက်တာ။ ဒီစွမ်းအားတွေက အရမ်းအစွမ်းထက်ပေမဲ့ ချူရှင်းဟီသာ အကုန်စုပ်ယူဝါးမြိုလိုက်ရင် သူဟာ အလွန်ဆုံးမှ ဘိုးဘေးအင်မော်တယ်အဆင့် တန်ခိုးရှင်တစ်ယောက်ပဲ ဖြစ်လာမှာ။ ဒါပေမဲ့ ငါတို့ မဟာမိုးကောင်းကင်ဂိုဏ်းမှာ အခုအချိန်မှာ ဘိုးဘေးအင်မော်တယ်အဆင့် တန်ခိုးရှင် ရှားနေလို့လား။)</p> <p>ချူရှင်းဟီကတော့ ဒီစွမ်းအားတွေကို ဂိုဏ်းချုပ် ဂူမင်ချောင်ဆီ ပေးဖို့ ရွေးချယ်ခဲ့ပါတယ်။ ဂူမင်ချောင်ဟာ ကမ္ဘာ့နတ်ဘုရားအဆင့်ခြေတစ်ဝက်လှမ်းဖို့ အနီးစပ်ဆုံးလူဖြစ်မှန်း အားလုံးသိထားကြပြီးသားပါ။ အခုလို စွမ်းအားအမြောက်အမြား ဖြည့်ဆည်းပေးလိုက်တာဟာ ဂိုဏ်းချုပ်ကြီးကို ကမ္ဘာ့နတ်ဘုရား ဖြစ်လာဖို့ အခွင့်အရေး ပေးလိုက်တာ မဟုတ်ပါလား။</p> <p>လူတိုင်းရဲ့ အကြည့်တွေဟာ တည်ငြိမ်တဲ့ အမူအရာနဲ့ ရှိနေတဲ့ ချူရှင်းဟီဆီကို ရောက်သွားပါပြီ။</p> <p>ဒီအချိန်မှာတော့ ချူရှင်းဟီက လူတိုင်းရဲ့ အကြည့်တွေကို ပြန်ကြည့်ပြီး စကားမပြောနိုင်အောင် ဖြစ်နေပါတယ်။</p> <p>(ဟာ... မဟာသူတော်စင်ကြီးရာ။ ဒါက တော်တော်လေးကို အတွေးလွန်နေပြီ။ ဒီတစ်ခါတော့ ကျွန်တော် လုပ်တာ မဟုတ်ဘူး။ ဒါတွေအားလုံးကို ကံကြမ္မာဖန် သံလိုက်အိမ်မြောင်က နောက်ကွယ်ကနေ ထိန်းချုပ်နေတာပါ။)</p> <p>ဒါပေမဲ့ အခုအခြေအနေမှာတော့ အကြောင်းပြချက်က အရေးမကြီးတော့ပါဘူး။</p> <p>အတိုင်းအဆမဲ့ ဝိညာဉ်စွမ်းအင်တွေဟာ ဂူမင်ချောင်ရဲ့ ခန္ဓာကိုယ်ထဲကို စီးဝင်နေပါတယ်။ ဂူမင်ချောင်ရဲ့ ကိုယ်တစ်ခုလုံးဟာ တုန်ယင်နေပါပြီ။ သမုဒ္ဒရာလို ကျယ်ပြောလှတဲ့ ဝိညာဉ်စွမ်းအင်တွေဟာ ဂူမင်ချောင်ရဲ့ ဒန်တျန်တောင်မှ အပြည့်အဝ တောင့်မခံနိုင်တဲ့ အရာပါ။</p> <p>ဂူမင်ချောင်ရဲ့ ဒန်တျန်မှာ အက်ကြောင်းတွေ စတင်ပေါ်လာပါတယ်။ သူက အဲဒီအက်ကြောင်းတွေကို အသည်းအသန် ပြန်ပြင်ဖို့ ကြိုးစားပေမဲ့ ဝိညာဉ်စွမ်းအင်တွေက အရမ်းများလွန်းတာကြောင့် မမှီတော့ပါဘူး။</p> <p>နောက်ဆုံးမှာတော့ ဂူမင်ချောင်ရဲ့ ဒန်တျန်ဟာ အကန့်အသတ်ကို ရောက်သွားပါပြီ။ ဒန်တျန်ဟာ အပိုင်းပိုင်းအစစ ကွဲအက်လာပြီး ဂူမင်ချောင်ဟာလည်း သွေးတွေ အဆက်မပြတ် အန်ထုတ်နေပါတော့တယ်။</p> <p>ဒီမြင်ကွင်းကို မြင်လိုက်ရတဲ့ မဟာမိုးကောင်းကင်ဂိုဏ်းရဲ့ အကြီးအကဲတွေဟာ မျက်နှာဖြူလျော်ကုန်ကြပါပြီ။</p> <p>ဒါပေမဲ့ ဒီအချိန်မှာ ဘယ်သူမှ ဂူမင်ချောင်ကို မကူညီနိုင်ပါဘူး။ သူသာ ဒီအတားအဆီးကို မကျော်ဖြတ်နိုင်ရင် ဒီနေ့ဟာ သူ့ရဲ့ သေနေ့ပဲ ဖြစ်ပါလိမ့်မယ်။</p> <p>အခြေအနေက တကယ့်ကို ရှုပ်ထွေးသွားပါပြီ။ အခြေအနေတွေက ဒီအထိ ဆိုးရွားလာလိမ့်မယ်လို့ ဘယ်သူမှ မထင်ထားခဲ့ပါဘူး။ အကယ်၍ ဂူမင်ချောင်သာ ဒီနေ့ ဒီမှာတင် သေဆုံးသွားခဲ့ရင် မဟာမိုးကောင်းကင်ဂိုဏ်းဟာ သေချာပေါက် အဆုံးသတ်သွားမှာပါ။</p> <p>(ကံကြမ္မာဖန် သံလိုက်အိမ်မြောင်။ ။ဒါက လွန်သွားပြီ ဆိုတာ သိတယ်မလား။ ငါကကော မင်းကို ငါ့ကို ကယ်ပါလို့ ပြောလို့လား။ မင်းဘာသာ မင်း ဝင်ပါတာပဲ။ ဒါတော့ လွန်သွားပြီ။ အကယ်၍ ဂိုဏ်းချုပ်ကြီးသာ တစ်ခုခုဖြစ်သွားရင် ငါ ဒီနေရာတင် ကိုယ့်ကိုယ်ကိုယ် သတ်သေပြီး မင်းကိုပါ တစ်ပါတည်း ဖျက်ဆီးပစ်မယ်ကွ။ ယုံလား။။)</p> <p>ချူရှင်းဟီရဲ့ မျက်လုံးတွေ နီရဲလာပါတယ်။</p> <p>သူဟာ ဂိုဏ်းကို ဆုံးရှုံးမှုတွေ ကြုံစေချင်တာ မှန်ပေမဲ့ ဂိုဏ်းချုပ်ကြီးကိုတော့ သတ်ဖို့ စိတ်မကူးခဲ့ပါဘူး။</p> <p>ဒီလောက်များပြားတဲ့ ဝိညာဉ်စွမ်းအင်တွေကို ဒီနေ့ သူကိုယ်တိုင် ဆွဲဆောင်ခဲ့တာဖြစ်လို့၊ သူကိုယ်တိုင်သာ တောင့်မခံနိုင်ဘဲ ပေါက်ကွဲသေသွားရင်လည်း သူ့ရဲ့ အပြစ်ရှိတဲ့ ဘဝကြီး ပြီးဆုံးသွားတာပဲလေ။ ဒီထက် ဘာမှ ပိုမထူးလာပါဘူး။</p> <p>ဒါပေမဲ့ ကံကြမ္မာဖန် သံလိုက်အိမ်မြောင်ကတော့ လုံးဝကို အကျိုးအကြောင်း စဉ်းစားမှု မရှိနေပါဘူး။ အလိုအလျောက် မဆိုင်တဲ့ အရာမှာ ဝင်ပါတဲ့အပြင် ဂိုဏ်းချုပ်ကြီးကိုပါ စွမ်းအားတွေ အဓမ္မ လွှဲပြောင်းပေးလိုက်တာပါ။ အကယ်၍ ဂိုဏ်းချုပ်ကြီးသာ ဒီနေ့ သေသွားခဲ့ရင် ချူရှင်းဟီအနေနဲ့ ဒီရလဒ်ကို လုံးဝ လက်ခံနိုင်မှာ မဟုတ်ပါဘူး။</p> <p>ချူရှင်းဟီရဲ့ စကားတွေက ထိရောက်သွားသလိုပါပဲ။ ဂူမင်ချောင်ဟာ သွေးတွေ အန်ပြီး သေလုမျောပါး ဖြစ်နေစဉ်မှာပဲ၊ ချူရှင်းဟီ တစ်ယောက်တည်းသာ မြင်နိုင်တဲ့ နတ်ဘုရားအလင်းတန်းတစ်ခုဟာ ကံကြမ္မာဖန် သံလိုက်အိမ်မြောင်ထဲကနေ ထပ်မံ ထွက်ပေါ်လာပါပြီ။</p> <p>အဲဒီအလင်းတန်းဟာ ဂူမင်ချောင်ရဲ့ ခန္ဓာကိုယ်ထဲကို တစ်ခဏချင်းမှာပဲ တိုးဝင်သွားပါတယ်။ အလင်းတန်းက ဂူမင်ချောင်ရဲ့ ကိုယ်ထဲကို ပေါင်းစပ်သွားတဲ့အချိန်မှာပဲ... ခုနက သွေးအန်နေတဲ့ ဂူမင်ချောင်ရဲ့ ခန္ဓာကိုယ်ကနေ ဘယ်သူမှ ရင်ဆိုင်နိုင်စွမ်းမ ရှိတဲ့ ကြောက်မက်ဖွယ်ရာ ဖိအားတစ်ခု ရုတ်တရက် ပေါ်ထွက်လာပါပြီ။</p> <p>ဒီဖိအားဟာ အဆက်မပြတ် စီးဝင်နေတဲ့ ဝိညာဉ်စွမ်းအင်တွေကိုတောင်မှ ဖိနှိမ်လိုက်နိုင်ပါတယ်။ နတ်ဘုရားအလင်းက ဂူမင်ချောင်ရဲ့ ကိုယ်ထဲကို နက်နက်ရှိုင်းရှိုင်း ဝင်ရောက်သွားတဲ့အခါ၊ အသက်ရှူဖို့တောင် အားမရှိတော့တဲ့ ဂူမင်ချောင်ရဲ့ ခန္ဓာကိုယ်ဟာ ရုတ်တရက်ဆိုသလို အလင်းရောင်တွေ တောက်ပလာပါတော့တယ်။</p> <p>နောက်တစ်စက္ကန့်မှာတော့ ဂူမင်ချောင်ဟာ သူ့ရဲ့မျက်လုံးတွေကို ဖွင့်လိုက်ပါပြီ။ သူ မျက်လုံးဖွင့်လိုက်တာနဲ့ ပတ်ဝန်းကျင်မှာရှိတဲ့ ဝိညာဉ်စွမ်းအင်အားလုံးဟာ ဂူမင်ချောင်ဆီကို အသည်းအသန် စီးဆင်းသွားပါတော့တယ်။</p> <p>များပြားလှတဲ့ ဝိညာဉ်စွမ်းအင်တွေဟာ ဂူမင်ချောင်ရဲ့ ခန္ဓာကိုယ်ထဲကို စီးဝင်သွားပြီး သူ့ဆီကနေ အလင်းတန်းတွေ ဆက်တိုက် ဖြာထွက်လာခဲ့ပါပြီ။</p> <p>တစ်ခု... နှစ်ခု... သုံးခု...</p> <p>စုစုပေါင်း နတ်ဘုရားအလင်းတန်း (၉) ခုဟာ ဂူမင်ချောင်ဆီကနေ ထွက်ပေါ်လာပြီး သူ့ရဲ့ နောက်ကျောမှာ စုစည်းသွားပါတယ်။ တစ်ခဏအတွင်းမှာတင် အဲဒီအလင်းတန်း (၉) ခုဟာ ဂူမင်ချောင်ရဲ့ နောက်ကျောမှာ ရောင်စဉ်ကိုးသွယ် နတ်ဘုရားပုံရိပ်အဖြစ် ပြောင်းလဲသွားပါတော့တယ်။</p> <p>"ရောင်စဉ်ကိုးသွယ် နတ်ဘုရားပုံရိပ်။ နတ်ဘုရားတစ်ပိုင်းအဆင့်ပဲ။" မဟာသူတော်စင်ကြီးဟာ ဂူမင်ချောင်ရဲ့ နောက်ကျောက ရောင်စဉ်ကိုးသွယ် နတ်ဘုရားအလင်းတွေကို ကြည့်ပြီး မအောင့်နိုင်ဘဲ အော်လိုက်ပါပြီ။</p> <p>အခု အချိန်မှာ မဟာသူတော်စင်ကြီးတင် မကပါဘူး၊ လူတိုင်းဟာ ဂူမင်ချောင်ရဲ့ နောက်ကျောက "ရောင်စဉ်ကိုးသွယ် နတ်ဘုရားပုံရိပ်" ကြောင့် ပါးစပ်အဟောင်းသား ဖြစ်နေခဲ့ကြပါတယ်။</p> <p>ဒီခေတ်မှာ ကမ္ဘာ့နတ်ဘုရားတွေ မရှိတော့ဘူးဆိုပေမဲ့ ကမ္ဘာ့နတ်ဘုရားတွေရဲ့ မှတ်တမ်းတွေတော့ ရှိနေဆဲပါ။ အခုမြင်နေရတဲ့ ရောင်စဉ်ကိုးသွယ် နတ်ဘုရားပုံရိပ်ဟာ နတ်ဘုရားအဆင့်ရဲ့ နိမိတ်လက္ခဏာပဲ မဟုတ်ပါလား။</p> <p> </p> <p> </p> <p>ကမ္ဘာ့နတ်ဘုရားတစ်ယောက်ဟာ ရောင်စဉ်ကိုးသွယ် နတ်ဘုရားအလင်းတန်းတွေကို စုစည်းပြီး ရောင်စဉ်ကိုးသွယ် နတ်ဘုရားပုံရိပ်အဖြစ် အသွင်ပြောင်းလဲနိုင်ပါတယ်။ ဒါဟာ ကမ္ဘာ့နတ်ဘုရားတစ်ယောက်ရဲ့ စွမ်းအားပါပဲ။</p> <p>"ဝုန်း။"</p> <p>ရောင်စဉ်ကိုးသွယ် နတ်ဘုရားပုံရိပ် ပေါ်ထွက်လာတာနဲ့ တစ်ပြိုင်နက် ဂူမင်ချောင် ရဲ့ ဒဏ်ရာအားလုံးဟာ ချက်ချင်းဆိုသလို ပြန်လည်ပျောက်ကင်းသွားပါတော့တယ်။</p> <p>ဂူမင်ချောင်ဟာ လေထဲမှာ ပျံဝဲနေသလို ပတ်ဝန်းကျင်မှာရှိတဲ့ ဝိညာဉ်ချီစွမ်းအင် အားလုံးဟာ သူ့ရဲ့ ရောင်စဉ်ကိုးသွယ် နတ်ဘုရားပုံရိပ်ထဲကို စုပ်ယူခြင်း ခံလိုက်ရပါပြီ။ ကောင်းကင်နဲ့ မြေကြီးကြားက ရွှေရောင်အလင်းတန်းတွေလည်း တဖြည်းဖြည်း ပျောက်ကွယ်သွားပါတော့တယ်။</p> <p>ဒါပေမဲ့ ရွှေရောင်အလင်းတန်းတွေ ပျောက်ကွယ်သွားတာနဲ့ တစ်ပြိုင်နက် အရပ်မျက်နှာအဘက်ဘက်ကနေ မရေမတွက်နိုင်တဲ့ မည်းမှောင်နေတဲ့ မိုးတိမ်တွေဟာ မဟာမိုးကောင်းကင်ဂိုဏ်းဆီကို အရှိန်အဟုန်နဲ့ စုပြုံရောက်ရှိလာပါပြီ။</p> <p>ကမ္ဘာ့နတ်ဘုရားတစ်ယောက် ဆင်းသက်လာပြီဆိုရင် မိုးကောင်းကင်စမ်းသပ်စစ်ဆေးမှုကပ်ဘေးတစ်ခု ဖြစ်တဲ့ မိုးကြိုးကပ်ဘေး ကျရောက်လာစမြဲပါ။</p> <p>ကောင်းကင်မှာ ပေါ်လာတဲ့ မိုးကြိုးတိမ်တိုက်တွေဟာ နတ်ဘုရားဆေးလုံးတစ်လုံး ပေါ်ထွက်လာချိန်မှာ ပေါ်လာတဲ့ တိမ်တိုက်တွေနဲ့ လုံးဝကို နှိုင်းယှဉ်လို့ မရပါဘူး။ ဒီအချိန်မှာတော့ မိုးကြိုးတိမ်တိုက်တွေကြားထဲမှာ မရေမတွက်နိုင်တဲ့ ခရမ်းရွှေရောင် မိုးကြိုးလျှပ်စီးတွေဟာ ရစ်ခွေနေတဲ့ ခရမ်းရောင် "မိုးကြိုးနဂါး" ကြီးတစ်ကောင်အဖြစ် စုစည်းသွားပါတယ်။</p> <p>မိုးကြိုးနဂါးကြီး ဟိန်းဟောက်လိုက်တာနဲ့အတူ ထောင်သောင်းချီတဲ့ မိုးကြိုးတွေဟာ ကောင်းကင်ကနေ ဝုန်းခနဲ ကျဆင်းလာပါပြီ။</p> <p>ခဏချင်းမှာပဲ မိုးကြိုးကပ်ဘေးရဲ့ မိုးကြိုးပေါင်း ထောင်သောင်းချီဟာ မဟာမိုးကောင်းကင်ဂိုဏ်း တစ်ခုလုံးကို လွှမ်းခြုံသွားပါတယ်။ မိုးကြိုတစ်ခုချင်းစီရဲ့ စွမ်းအားဟာ နတ်ဘုရားဆေးလုံးတွေ ပေါ်ထွက်လာစဉ်က မိုးကြိုးတွေထက် အဆပေါင်း တစ်ရာမက ပိုပြီး အစွမ်းထက်လှပါတယ်။</p> <p>ဂူမင်ချောင်ဟာ ကောင်းကင်က မိုးကြိုးကပ်ဘေးကို မော့ကြည့်လိုက်ပါပြီ။ သူ့နောက်က ရောင်စဉ်ကိုးသွယ် နတ်ဘုရားပုံရိပ်ဟာ လေထဲကို ပျံတက်သွားပြီး ကောင်းကင်ယံမှာ အရှိန်အဟုန်နဲ့ ကြီးမားလာပါတယ်။ တစ်ခဏအတွင်းမှာတင် ကောင်းကင်နဲ့ မြေကြီးတစ်ခုလုံးကို လွှမ်းခြုံသွားတဲ့ ပုံရိပ်ကြီးတစ်ခုအဖြစ် ပြောင်းလဲသွားပါတော့တယ်။</p> <p>နတ်ဘုရားပုံရိပ်ကြီးကနေ အလင်းရောင်တွေ တောက်ပသွားပြီး ထောင်သောင်းချီတဲ့ မိုးကြိုးတွေကို တစ်ခဏချင်းမှာတင် ဖယ်ရှားပစ်လိုက်ပါပြီ။</p> <p> </p> <p> </p> <p style="text-align: center;">***</p>


Save