Book List

<h2 style="text-align: center;">အခန်း ၄၁</h2> <h2 style="text-align: center;">မစ်ရှင်</h2> <h2 style="text-align: center;">*</h2> <p> </p> <p>ချူဟောင်က ပြုံးလိုက်ပြီး ပြောလိုက်သည်။</p> <p>"ခဏလေးစောင့်ဦး ဖုန်းတစ်လုံး အရင်ဝယ်လိုက်ဦးမယ်"</p> <p>ထိုသက်လတ်ပိုင်းအရွယ် အမျိုးသားက စိတ်အားထက်သန်စွာဖြင့် ပြန်ပြောလာသည်။</p> <p>"ညီလေးရာ ... ကြိုက်တဲ့ ဖုန်းမော်ဒယ်ကိုသာ ယူလိုက်စမ်းပါ။ ဦးလေးရဲ့ အခက်အခဲကိုသာ ကူညီပေးနိုင်မယ်ဆိုရင် ဖုန်းတစ်လုံးမကဘူး ဆယ်လုံးယူမလား … မင်းကြိုက်သလောက်ယူ"</p> <p>ချူဟောင်က စိတ်ထဲက ကြိတ်ပြီး ဝမ်းသာနေမိသည်။</p> <p>‘ငါကတော့ တော်တော်ကံကောင်းနေပြီဟေ့ အပြင်လေး ခဏထွက်လိုက်တာ ဖုန်းအလကားပေးမယ့်သူနဲ့ ကွက်တိကို လာတိုးနေတာပဲ’</p> <p>ထိုအချိန်တွင် သက်လတ်ပိုင်းအရွယ် အမျိုးသားက အရောင်းဝန်ထမ်းကို လှည့်ကြည့်ပြီး ပြောလိုက်သည်။</p> <p> "ရှောင်ကျောက် … ဒီညီလေး ကြိုက်တဲ့ဖုန်းကို ထုတ်ပေးလိုက်၊ အဆင်ပြေသလို လုပ်ပေးလိုက်"</p> <p>"သူဌေးက တကယ်ကို ရက်ရောတာပဲ …"</p> <p>အရောင်းဝန်ထမ်းမလေး ရှောင်ကျောက်က မနာလိုစွာဖြင့် ပြောပြီး …</p> <p>"ဟုတ်ကဲ့ပါ သူဌေး" ဟု ပြန်ဖြေလာသည်။</p> <p>သူက ဖုန်းဆိုင်ပိုင်ရှင် ဖြစ်နေ၍လည်း ဤမျှ ရက်ရောနေခြင်းပင်။</p> <p>ချူဟောင်က ပိုက်ဆံရှင်းရန် ပြင်လိုက်ပြီး စကားတစ်ခွန်း ထပ်ဆိုလိုက်သည်။</p> <p>"ဖုန်းကတ်တစ်ခုလည်း ဝယ်ချင်ပါတယ်"</p> <p>"ရှောင်ကျောက်၊ ညီလေးအတွက် အဆင်ပြေမယ့် ဖုန်းနံပါတ်တစ်ခု အမြန်ရှာပေးလိုက်။ ဂဏန်းလှတာလေးတွေနဲ့ မှတ်မိရလွယ်တာလေးတွေပဲ ရှာပေးနော်"</p> <p>ထိုလူက ထပ်မံညွှန်ကြားလိုက်ပြန်သည်။</p> <p>ရှောင်ကျောက် : "..."</p> <p>ချူဟောင်က မျက်နှာပြောင်တိုက်ကာ …</p> <p>"ဖုန်းဘေလ်လည်း နည်းနည်းလောက် ထည့်ပေးပါဦး"</p> <p>ထိုစကားကို ကြားသောအခါ လူလတ်ပိုင်းအရွယ် အမျိုးသားက ပြောလာသည်။</p> <p>"ရှောင်ကျောက်၊ ဖုန်းဘေလ် ယွမ်တစ်ထောင်ဖိုး ထည့်ပေးလိုက်။ ငါ့အကောင့်ထဲကပဲ နှုတ်လိုက်တော့ ကြားလား"</p> <p>ရှောင်ကျောက် တစ်ယောက် လုံးဝဆွံ့အသွားတော့သည်။</p> <p>ရှားပါးသည့် နံပါတ်လှ ဖုန်းနံပါတ်တစ်ခုတည်းတင် ယွမ်တစ်သောင်းခန့် တန်ဖိုးရှိသည်။ သူ၏ သူဌေးကတော့ တကယ်ကို လက်ဖျားငွေသီးနေသူပင်။</p> <p>သက်လတ်ပိုင်းရွယ် အမျိုးသား၏ ပြောစကားကို ကြားလိုက်ရသောအခါ ချူဟောင်ပင် အားနာသွားတော့သည်။ ချူဟောင်က တစ်ခုခု ပြောရန် ဟန်ပြင်လိုက်သော်လည်း အဆိုပါအမျိုးသားက လက်ကာပြလိုက်သည်။</p> <p>"ဒါတွေက ဘာမှမဟုတ်ပါဘူး ညီလေးရာ၊ ငါ့ကိစ္စကိုသာ အဆင်ပြေအောင် လုပ်ပေးစမ်းပါ"</p> <p>ရှောင်ကျောက်က ချူဟောင်ကို အားကျသည့်အကြည့်များဖြင့် ကြည့်နေမိသည်။</p> <p>‘အရည်အချင်းရှိသူတွေကတော့ တကယ်ကို ကွဲထွက်ပြီး ထူးခြားနေတာပဲ’</p> <p>သူမက ချူဟောင်အတွက် ဖုန်းနှင့် ဆင်းမ်ကတ်ကို ပြင်ဆင်ပေးနေရင်း ချူဟောင် သူမကို သတိထားမိသွားစေရန် ခဏခဏ မျက်စပစ်ပြနေမိသည်။</p> <p>ချူဟောင်ကလည်း ဆိုင်ဝန်ထမ်း အမျိုးသမီးသည် အတော်အတန် ဆွဲဆောင်မှုရှိကြောင်း သတိထားမိသော်လည်း မကြာသေးမီကမှ နတ်သမီးအလား လှပသည့် အမျိုးသမီးများနှင့် နီးကပ်စွာ နေထိုင်ခဲ့ရသဖြင့် သူ၏ စိတ်ခံစားချက်များမှာ ထုံထိုင်းနေတော့သည်။</p> <p>ချူဟောင် ဖုန်းရသည်နှင့် သူဌေးက သူ့ကို ကားပေါ်သို့ ဆွဲခေါ်သွားပြီး အဆင့်မြင့် လူနေရပ်ကွက်တစ်ခုဆီသို့ တန်းတန်းမတ်မတ် မောင်းနှင်သွားတော့သည်။</p> <p>ချူဟောင်က ရုတ်တရက် မေးကြည့်လိုက်သည်။</p> <p>"ဦးလေး ... ဦးလေးကြည့်ရတာ အရမ်းကြီး လောနေသလိုပဲနော်"</p> <p>သူ၏စကားကို ကြားသောအခါ သက်လတ်ပိုင်းအရွယ်အမျိုးသားက စိတ်ဓာတ်ကျနေသည့် လေသံဖြင့် ပြန်ပြောလာသည်။</p> <p>"ငါ အဲဒီအရာရဲ့ နှိပ်စက်တာကို ခံနေရတာ တော်တော်ကို ကြာနေပြီ ညီလေးရာ … တကယ် ရူးတော့မလိုပဲ။ စိတ်လည်း တော်တော်ညစ်နေပြီ"</p> <p>ချူဟောင်လည်း နားလည်ဟန်ပြကာ မည်သည့်စကားမှ ထပ်မပြောတော့ပေ။ သိပ်မကြာခင် သက်လတ်ပိုင်းအရွယ် အမျိုးသားနေထိုင်သည့် နေအိမ်သို့ရောက်ရှိသွားတော့သည်။</p> <p>အိမ်အတွင်းသို့ ဝင်ရောက်လိုက်သောအခါ ငယ်ရွယ်ပုံပေါ်သည့် မိန်းကလေးတစ်ဦးကို မြင်တွေ့လိုက်ရသည်။ သူမသည် ဆိုဖာပေါ်တွင် ထိုင်နေကာ ခြေတံရှည်ရှည်လေးများကို လှုပ်ယမ်းနေသည်။</p> <p>သူမက သွက်လက်မည့်ပုံပေါ်ကာ လှပသည့်မျက်လုံးဝိုင်းကြီးများကို ပိုင်ဆိုင်ထားသည်။ ပီကာချူးပုံပါသော တီရှပ်အင်္ကျီကို ဝတ်ဆင်ထားပြီး အရွယ်နှင့်မလိုက်အောင် ထွားကြိုင်းကာ ဖက်ရှင်ကျသည့် ပုံစံမျိုး ရှိနေသည်။</p> <p>"အဖေ ... ပြန်လာတာ စောလှချည်လား"</p> <p>သူမက ပန်းသီးကို ကိုက်ရင်း မေးလိုက်သည်။</p> <p>သက်လတ်ပိုင်းအရွယ် အမျိုးသား၏ အကြည့်များက နူးညံ့သွားပြီး ပြန်ပြောလိုက်သည်။</p> <p>"ခယ်ခယ် ... အဖေက တာအိုဆရာကြီးတစ်ယောက်ကို လမ်းမှာတွေ့လို့ ပင့်လာတာ"</p> <p>မိန်းကလေးက မျက်မှောင်ကြုတ်လိုက်ကာ စိတ်မရှည်သည့်လေသံဖြင့် ပြောလာ၏။</p> <p>"နောက်တစ်ယောက်လား … မဟုတ်သေးပါဘူး အဖေရယ်။ အဖေက ညတိုင်း အိပ်ရေးပျက်နေတော့ လူက အားနည်းနေတာပေါ့။ ဆေးရုံသွားပြီး စစ်မကြည့်ဘဲ ဘာလို့ တာအိုဆရာကြီးတွေပဲ ခေါ် ခေါ်လာနေတာလဲ … ဒီတစ်ယောက်နဲ့ဆို အဖေခေါ်လာတာ ဘယ်နှယောက်ရှိပြီလဲ"</p> <p>"ဒီကိစ္စက ကလေးနဲ့ ဘာဆိုင်လို့လဲ … ကလေးတွေက ဘာသိလို့လဲ၊ သွား ... စာသွားလုပ်တော့”</p> <p>အမျိုးသားက ခပ်တည်တည် နှင်လိုက်သော်လည်း ခယ်ခယ်က နှုတ်ခမ်းဆူကာ ငြင်းဆန်နေသည်။</p> <p>“မလုပ်ဘူး”</p> <p>သက်လတ်ပိုင်းအရွယ် အမျိုးသားက ကူကယ်ရာမဲ့သွားစွာ ရေရွတ်လိုက်သည်။</p> <p>“ဒီ ကလေးကတော့လေ …”</p> <p>ထို့နောက် သူက ချူဟောင်ကို မိတ်ဆက်ပေးလိုက်သည်။</p> <p>“အဲဒါ ဦးလေးသမီးလေ … သူက နည်းနည်းဆိုးတော့ သည်းခံပေးပါဦး။ ကျေးဇူးပြုပြီး အိမ်မှာ ဘာတွေဖြစ်နေလဲဆိုတာကို တစ်ချက်လောက် စစ်ဆေးကြည့်ပေးလို့ရမလား”</p> <p>သို့သော် ထိုကလေးမက သိပ်ကျေနပ်ပုံမရပေ။</p> <p>“ဖေဖေ … ဒီလောက် အသက်ငယ်တဲ့သူက ဘယ်လိုလုပ် စွမ်းတဲ့ဆရာဖြစ်နိုင်မှာလဲ။ ကြည့်ရတာ သူက သမီးထက် ဘယ်လောက်မှ ကြီးမယ်မထင်ဘူး”</p> <p>သက်လတ်ပိုင်း အမျိုးသားက လေသံမာမာဖြင့် ပြန်ပြောလိုက်သည်။</p> <p>“အနည်းဆုံးတော့ သူက မင်းထက် ၅ နှစ်ကြီးသေးတယ်”</p> <p>ကလေးမက ချူဟောင်ကို ယုံကြည်သည့်ပုံမရ … သူမ၏ မျက်လုံးဝိုင်းကြီးများက ချူဟောင်၏ ဝိညာဉ်များကို ထိုးဖောက်ကြည့်နေသလို တောက်ပနေ၏။</p> <p>ချူဟောင်လည်း လျစ်လျူရှုကာ ပတ်ဝန်းကျင်ကို စူးစမ်းလိုက်သည်။ သူ့တွင်ရှိသော သရဲမြင်လက်စွပ်ကြောင့် မီတာ ၁၀၀ အတွင်းရှိ မည်သည့်သရဲ (သို့မဟုတ်) ယင်စွမ်းအင် ဖုံးလွှမ်းနေသည့် အရာကိုမဆို မလွတ်တမ်း မြင်နိုင်သည်။</p> <p>ချူဟောင်က ဘုရားစင်ပေါ်ရှိ ကျောက်ဓားမြှောင်လေးတစ်ချောင်းတွင် ယင်စွမ်းအင်များ ထွက်ပေါ်နေသည်ကို ချက်ချင်း တွေ့လိုက်ရသည်။</p> <p>"ဦးလေး ... ဒီကျောက်ဓားမြှောင်က ဘာလို့ ဘုရားစင်ပေါ် ရောက်နေတာလဲ"</p> <p>သက်လတ်ပိုင်းအရွယ် အမျိုးသားက ဝမ်းသာသွားသည်။ သူက ချူဟောင်၏ အရည်အချင်းကို ဦးစွာ စမ်းသပ်ချင်သဖြင့် မည်သည့်အရာမှ မပြောဘဲ ထားခဲ့ခြင်းဖြစ်သည်။</p> <p>"ညီလေးက တကယ့်ကျွမ်းကျင်သူပဲ။ ဝင်လာတာနဲ့ ကျောက်ဓားမှာ ပြဿနာရှိမှန်း တန်းသိတာပဲ"</p> <p>"ဦးလေးက သိရဲ့သားနဲ့ ဘာလို့ လွှင့်မပစ်တာလဲ" ဟု ချူဟောင်က မေးလိုက်ရာ အမျိုးသား၏ မျက်နှာက ကွက်ကနဲပျက်သွားသည်။</p> <p>"ငါ လွှင့်ပစ်ဖူးတာပေါ့ ညီလေးရာ … ဒါပေမဲ့ နောက်နေ့ဆို အဲဒီဓားက ဘုရားစင်ပေါ် အလိုလို ပြန်ရောက်နေတာကွ။ မြေမြှုပ်ပစ်လည်း မရဘူး။ ဖျက်ဆီးပစ်မလို့ လုပ်တော့လည်း ဆရာတစ်ယောက်က ဒါကို သွားမထိနဲ့တဲ့ … သေသွားလိမ့်မယ်လို့ သတိပေးထားတယ်"</p> <p>ချူဟောင်က ခေတ္တမျှ စဉ်းစားလိုက်သည်။ တစ္ဆေကျမ်းအရ ကျောက်ဓားထဲတွင် တစ်ခုခု ပုန်းကွယ်နေနိုင်သဖြင့် သရဲမြင်လက်စွပ်က အသေးစိတ် မမြင်ရခြင်း ဖြစ်နိုင်သည်။</p> <p>“စနစ်၊ သရဲမြင်လက်စွပ်က ချို့ယွင်းချက် ရှိနေတာလား”</p> <p>[စနစ် : မရှိပါ။ အစွမ်းထက်တဲ့ သရဲဖြစ်ရင် ကိုယ်ရောင်ဖျောက်ထားနိုင်ပါတယ်။ 'ရာနှုန်းပြည့် သရဲမြင်လက်စွပ် အင်းစာသား' ကို ဝယ်ယူဖို့ အကြံပြုလိုပါတယ်]</p> <p>ချူဟောင်က မဆိုင်းမတွပင် ဝယ်ယူလိုက်တော့သည်။</p> <p>[ဒင် ပိုင်ရှင်သည် ရာနှုန်းပြည့် သရဲမြင်လက်စွပ် အင်းစာသားကို ဝယ်ယူပြီးပါပြီ။ ရှိုးထုတ်ရမှတ် ၁၀ မှတ် ကုန်ကျပါတယ်]</p> <p>ချူဟောင်က အင်းစာသားကို ထုတ်ယူလိုက်ပြီး မန္တာန်ကို ရွတ်ဆိုလိုက်သည်။</p> <p>"တာအိုနတ်ဘုရား သုံးပါး ... မြင့်မြတ်သောအလင်း ပေါ်ထွန်းစေ ... မိစ္ဆာအပေါင်းတို့ ... အစစ်အမှန်ပုံစံကို ပြစေသတည်း ..."</p> <p>ချက်ချင်းပင် အင်းစာသားမှ ရောင်စဉ်ခုနစ်သွယ် အလင်းတန်းများ ထွက်ပေါ်လာပြီး တစ်အိမ်လုံးကို လင်းထိန်သွားစေသည်။ ခယ်ခယ်နှင့် ဦးလေးကြီးမှာ အဆိုပါမြင်ကွင်းကို အံ့အားသင့်စွာ ကြည့်နေကြသည်။</p> <p>[ဒင် ... ပိုင်ရှင်သည် လူအထင်ကြီးအောင် ရှိုးထုတ်နိုင်သဖြင့် ရှိုးထုတ်ရမှတ် ၁၀ မှတ် ရရှိပါတယ်]</p> <p>ထိုအချိန်တွင် စနစ်ထံမှ သတိပေးချက်တစ်ခု ထပ်မံထွက်ပေါ်လာသည်။</p> <p>[သတိပေးချက် : ပိုင်ရှင်သည် ဖုံးကွယ်ထားသော မစ်ရှင် 'လျှို့ဝှက်ဆန်းပြားသော ကျောက်ဓားမြှောင်' ကို စတင်လိုက်ပါပြီ]</p> <p>စနစ်၏ သတိပေးသံကို ကြားလိုက်ရသောအခါ ချူဟောင် အင်မတန် ထိတ်လန့်သွားသည်။</p> <p>‘မစ်ရှင်တဲ့လား … B အဆင့် မစ်ရှင်တုန်းကတောင် သရဲဆိုးတွေ အများကြီးသတ်ခဲ့ရတာ … ဒီ မစ်ရှင်ကရော ဘယ်လောက်တောင် ကြောက်ဖို့ကောင်းလိုက်မလဲ’</p> <p>"မိုက်မဲတဲ့ လူသား ... ငါ အနားယူနေတာကို နှောင့်ယှက်ရဲတယ်လား။ အသက်တွေ ပေါနေတယ်ပေါ့"</p> <p>ဒေါသတကြီး အော်ဟစ်သံနှင့်အတူ ကျောက်ဓားထဲမှ အဖြူရောင်ဝတ်စုံဝတ် အမျိုးသမီးတစ်ဦး လွင့်မျော ထွက်ပေါ်လာသည်။</p> <p>သူမက ယနေ့ခေတ်တွင် မြင်တွေ့ဖူးနေကျပုံစံ မဟုတ်သည့် ရှေးဟောင်းဝတ်စုံကို ဝတ်ဆင်ထားပြီး ချူဟောင်ကို စူးစူးဝါးဝါး စိုက်ကြည့်နေသည်။</p> <p>“အား …”</p> <p>ခယ်ခယ်နှင့် သက်လတ်ပိုင်း အမျိုးသားမှာ အသံကုန် အော်ဟစ်ပြီး နောက်သို့ ကြောက်လန့်တကြား ဆုတ်သွားကြသည်။</p> <p>အိမ်ခန်းအတွင်း ပြင်းထန်သည့် ယင်စွမ်းအင်များဖြင့် ပြည့်နှက်သွားပြီး အားလုံး နေရခက်သွားလေ၏။ ထို့ကြောင့် ချူဟောင်က ခပ်တည်တည် အော်လိုက်သည်။</p> <p>"ဟမ့် … မင်းက ဘယ်လို မကောင်းဆိုးရွားမျိုးလဲ"</p> <p>သို့သော် အမျိုးသမီးက စကားတစ်ခွန်းမှမပြောဘဲ ချူဟောင်ကို ထက်ရှသည့် လက်သည်းများဖြင့် ရုတ်တရက် တိုက်ခိုက်လိုက်သည်။ သို့သော် သူမ၏တိုက်ခိုက်မှုက အရာမထင်ပေ … ချူဟောင်တွင် ရွှေခေါင်းလောင်း အဆောင်ရှိနေ၏။</p> <p>ရွှေခေါင်းလောင်း အဆောင်ထံမှ ရွှေရောင်အလင်းတန်းများ ပေါ်ထွက်လာပြီး ချူဟောင်ကို လွှမ်းခြုံသွားကာ သူမကို နောက်သို့ လွင့်စင်သွားစေသည်။ ထိုအမျိုးသမီးသည် နောက်သို့လွင့်စင်သွားပြီးနောက် ကြောက်ရွံ့သည့်မျက်နှာထားဖြင့် သူ့ကို ကြည့်လာသည်။</p> <p>[ဒင် … ပိုင်ရှင်သည် အောင်မြင်စွာ ရှိုးထုတ်နိုင်ခဲ့သဖြင့် ရှိုးထုတ်ရမှတ် ၁၀ မှတ် ရရှိပါတယ်]</p> <p>ချူဟောင်က အေးစက်စွာ ပြုံးလိုက်ပြီး ခနဲ့တဲ့တဲ့စကား ဆိုလိုက်သည်။</p> <p>"ဒါဆို မင်းက ဒီမှာ ပြဿနာရှာနေတဲ့ ကောင်ပေါ့။ ဒီနေ့ ငါ့ရဲ့လက်နဲ့ မင်းကို နှိမ်နင်းပေးမယ်"</p> <p>အမျိုးသမီးဝိညာဉ်သည် ချူဟောင်က သူ့ထက် ပိုပြီးအစွမ်းထက်မှန်း သိသွားသဖြင့် ချက်ချင်းလေသံပြောင်းကာ အမြန်ပြန်ပြောလာသည်။</p> <p>"တာအိုဆရာကြီးနဲ့ ကျွန်မကြားမှာ ရန်ငြိုးမရှိပါဘူး … ဒါကြောင့် ကျွန်မ အခုပဲ ထွက်သွားပါ့မယ်”</p> <p>သို့သော် ချူဟောင်ကမူ …</p> <p>"တကယ်လို့ ငါသာ အရည်အချင်း မရှိရင်၊ အစွမ်းထက် မနေခဲ့ရင် မင်းရဲ့လက်ထဲမှာ သေသွားရမှာပဲ မဟုတ်လား။ မင်းအလှည့်ကျတော့ ထွက်သွားချင်တယ်တဲ့လား …"</p> <p>ထိုသို့ ငြင်းပယ်လိုက်ရာ ရှေးဟောင်းဝတ်စုံဝတ် အမျိုးသမီးက အလျင်အမြန် တောင်းပန်ရှာတော့သည်။</p> <p>"တာအိုဆရာကြီး ... ကျေးဇူးပြုပြီး သနားညှာတာပေးပါ … ။ ကျွန်မက ဘယ်သူ့ကိုမှ ထိခိုက်အောင် မပြုလုပ်ဖူးပါဘူး"</p> <p>ထို့သို့စကားပြောပြီးနောက် သရဲမက ချူဟောင်၏ အလစ်ကိုစောင့်ကာ ထွက်ပြေးသွားတော့သည်။</p> <p>“စောင့်ကြည့်နေလိုက် နောက်ထပ် ဆိုးသွမ်းတာတွေ အများကြီးကို နင်ကြုံတွေ့ရတော့မယ် …”</p> <p>(မှတ်ချက် - ကြားထဲမှာ ဘာသာပြန်ဆိုလို့ အဆင်မပြေတဲ့ အရာတွေ အများကြီးပါဝင်နေတာကြောင့် ဖြတ်ထုတ်ခဲ့ရတဲ့အတွက် တောင်းပန်အပ်ပါတယ်)</p> <p>အဖြစ်အပျက်များစွာ ဖြစ်ပျက်ပြီးနောက် ညအချိန်တွင် …</p> <p>ချူဟောင် ဒေါသထွက်သွားပြီး အော်လိုက်သည်။</p> <p><br /> "မိစ္ဆာမ ... အခုချက်ချင်း ထွက်ခဲ့စမ်း"</p> <p>ခယ်ခယ်က ကျောချမ်းဖွယ်ကောင်းအောင် ပြုံးလိုက်ပြီးနောက် ရုတ်တရက် ခုန်တက်ကာ မျက်နှာကျက်တွင် တွယ်ကပ်နေသည်။ ထို့နောက် သူမ၏ မည်းနက်နေသည့် မျက်လုံးအိမ်များက ချူဟောင်ကို စိုက်ကြည့်နေ၏။</p> <p>"ဆာဒါကို ... ထွက်ခဲ့။ ခယ်ခယ်ကို မထိခိုက်စေနဲ့၊ အဲဒီ တဏှာရူး သရဲမကိုသာ ဖမ်းပေးစမ်း"</p> <p>ဆာဒါကို ထွက်ပေါ်လာပြီး ခယ်ခယ်၏ ခန္ဓာကိုယ်ထဲသို့ တိုးဝင်သွားလေသည်။ ချက်ချင်းဆိုသလိုပင် ခယ်ခယ်၏ မျက်နှာလေးမှာ နီသွားလိုက်၊ ဖြူသွားလိုက်နှင့် ဖြစ်နေတော့သည်။</p> <p>နောက်ဆုံးတွင် ဆာဒါကို က ခယ်ခယ်၏ ခန္ဓာကိုယ်ထဲမှ သရဲမတစ်ကောင်ကို ဆွဲထုတ်လိုက်ရာ ခယ်ခယ်မှာ လဲကျသွားပြီး ချူဟောင်က ဖမ်းထိန်းလိုက်သည်။</p> <p>ထို့နောက် သူက ယင်စွမ်းအင် ဖယ်ရှားရေးအဆောင် တစ်ခုကို ခယ်ခယ်၏ ကိုယ်ပေါ်သို့ အမြန်ကပ်ပေးလိုက်သည်။ သူမခန္ဓာကိုယ်ပေါ်ရှိ ယင်စွမ်းအင်များ ပျောက်ကွယ်သွားသည်နှင့်အမျှ ကလေးမလေး၏ မျက်နှာမှာ သွေးရောင် သိသိသာသာ လွှမ်းလာတော့သည်။</p> <p>သို့သော် ရက်အနည်းငယ်ခန့် ဖျားနာနေဦးမည်မှာ ရှောင်လွှဲ၍မရပေ။</p> <p>ခယ်ခယ် မျက်လုံးပွင့်လာပြီး ကြောင်တောင်တောင်ဖြင့် မေးလိုက်သည်။</p> <p><br /> "အစ်ကိုကြီး ... သမီး ဘာဖြစ်သွားတာလဲဟင်"</p> <p>ထိုစကားကို ကြားသောအခါ ချူဟောင်က သက်ပြင်းချလိုက်ပြီး လေသံအေးအေးဖြင့် ပြောလိုက်သည်။</p> <p>"ဘာမှမဖြစ်ပါဘူး ... ပြန်အိပ်လိုက်တော့နော်"</p> <p>ချူဟောင်က သက်လတ်ပိုင်း အမျိုးသား၏ အခန်းဆီသို့ ချက်ချင်းသွားလိုက်ရာ တစ်သက်လုံး မေ့နိုင်မည်မဟုတ်သည့် မြင်ကွင်းတစ်ခုကို မြင်တွေ့လိုက်ရတော့သည်။</p> <p>အမျိုးသားက ကုလားထိုင်ပေါ်တွင် ထိုင်နေပြီး သူ၏ ကိုယ်တွင်းအဆီအနှစ်များကို သရဲမများက အဆက်မပြတ် စုပ်ယူနေသည်။ (အဆီအနှစ်ဆိုတော့လည်း အဆီအနှစ်ပေါ့လေ … ဟီ ဟိ)</p> <p>'သောက်ကျိုးနည်း …'</p> <p>သူ ဒီလောက် အားနည်းနေသည်မှာ ဆန်းတော့ မဆန်းပေ။ ဤနှုန်းဖြင့်သာ အဆီအနှစ်များ စုပ်ယူခံနေရပါက သူ၏ ခွန်အားနှင့် စွမ်းအင်များ လုံးဝခန်းခြောက်သွားသည်မှာ ပုံမှန်ပင်ဖြစ်သည်။</p> <p>အာရုံစိုက်ကြည့်လိုက်သောအခါ သရဲမ သုံးကောင်က ဦးလေးကြီးကို ဝန်းရံထားပြီး ကျောချမ်းဖွယ် ရယ်သံများဖြင့် ရယ်မောနေကြသည်။ ထို့အပြင် အမျိုးသား၏ ကိုယ်ပေါ်တွင် နောက်ထပ် သရဲမ သုံးကောင်က အိပ်မက်ထဲတွင် ယစ်မူးနေစေရန် သူ့ကို ညှို့ယူဖမ်းစားပြီး ရစ်ပတ် ထားကြလေသည်။</p> <p>ချူဟောင်က တံတွေးကို ခက်ခက်ခဲခဲ မျိုချလိုက်မိသည်။ ဤသရဲမများ၏ ခန္ဓာကိုယ် အချိုးအစားက တကယ်ကို ကျနလွန်းလှသဖြင့် သူ့စိတ်တွေတောင် ယိမ်းယိုင်မတတ် ဖြစ်သွားရသည်။</p> <p>ရှုပ်ထွေးနေသည့် အတွေးများကို ဖယ်ထုတ်လိုက်ပြီး ချူဟောင်က အော်ဟစ်လိုက်သည်။</p> <p><br /> "ရဲတင်းလှတဲ့ မိစ္ဆာမတွေ ... လူတွေကို ဒုက္ခပေးနေတာ အခုကစပြီး ရပ်လိုက်စမ်း"</p> <p>ထို့နောက် သူက ဓားဖြင့် ထိုးချလိုက်သည်။ ဤတဏှာရူး သရဲမများအားလုံးမှာ သရဲဆိုး အဆင့်များသာ ဖြစ်ကြသည်။ ဓားတစ်ချက် ထိုးလိုက်တိုင်း သရဲမတစ်ကောင်က သနားစဖွယ် အော်ဟစ်ကာ ချက်ချင်း ပြာအဖြစ် ပြောင်းလဲသွားတော့သည်။</p> <p>[ဒင် ... သရဲဆိုး တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅,၀၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... ပိုင်ရှင်သည် သရဲကို အောင်မြင်စွာ ရှိုးထုတ်ပြနိုင်ခဲ့သဖြင့် ရှိုးထုတ်ရမှတ် ၁၀ မှတ် ရရှိပါတယ်]</p> <p>'ဒါက ဘာတွေဖြစ်နေတာလဲ …'</p> <p>'ငါက သရဲဆိုး တစ်ကောင်တည်းကိုပဲ သတ်လိုက်တာ၊ ဘာလို့ သရဲပေါက်စတွေကို သတ်လိုက်တယ်ဆိုတဲ့ အသိပေးချက်တွေ ဆက်တိုက် တက်လာရတာလဲ'</p> <p>အခြား သရဲမများလည်း လန့်သွားကြပြီး အံ့သြမှုနှင့် ဒေါသတို့ ရောယှက်သွားကြသည်။ ဒီလူက သူတို့ကို မြင်နိုင်စွမ်း ရှိသည်မှာ သေချာသွားလေပြီ။</p> <p>သူတို့က စူးစူးရွားရွားအော်ဟစ်ကာ ခုန်ဝင်လာကြပြီး ရုပ်ရှင်များထဲမှ သရဲများကဲ့သို့ မျက်နှာထားများက ရက်စက်ကြမ်းကြုတ်ကာ ကြောက်မက်ဖွယ် ကောင်းနေတော့သည်။</p> <p>ချူဟောင်ကတော့ ထိုကဲ့သို့သော မြင်ကွင်းကို ရိုးအီနေပြီဖြစ်ရာ အေးစက်စက်ဖြင့် ပြောလိုက်သည်။</p> <p><br /> "ဒီတာအိုဆရာကြီးက နင်တို့လို ကောင်မျိုးတွေကို မရေမတွက်နိုင်အောင် သတ်ဖူးတယ်"</p> <p>"ဆာဒါကို ... သူတို့ကို ဖျက်ဆီးပစ်လိုက်"</p> <p>ဆာဒါကို ၏ ပုံစံက ကြောက်မက်ဖွယ်ကောင်းလှသည်။ သူမက ခန္ဓာကိုယ်ကို တွန့်လိမ်ကာ ခုန်ဝင်သွားပြီး တဏှာရူး သရဲမ နှစ်ကောင်ကို အပိုင်းပိုင်း ဆွဲဖြဲပစ်လိုက်တော့သည်။</p> <p>[ဒင် ... သရဲဆိုး တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅,၀၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>ဒီတစ်ခါတော့ သရဲပေါက်စ သုံးကောင် ဖြစ်သည်။</p> <p>[ဒင် ... သရဲဆိုး တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅,၀၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>[ဒင် ... သရဲပေါက်စ တစ်ကောင်ကို သတ်ဖြတ်နိုင်ခဲ့သဖြင့် အတွေ့အကြုံရမှတ် ၅၀၀ ရရှိပါတယ်]</p> <p>သရဲပေါက်စ လေးကောင်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save