Book List

<h2 style="text-align: center;">အခန်း (၁၈၀)</h2> <h2 style="text-align: center;">တာအိုနယ်ပယ်သို့ ချိုးဖျက်နိုင်သည့် ဆေးလုံးများ</h2> <h2 style="text-align: center;">*</h2> <p> </p> <p> </p> <p>ဟွမ်ဇုံးရှောင့်အား ရွှီနင်သည် ဓားစာခံအဖြစ် သူတို့ တည်းခိုရာသို့ ဖမ်းခေါ်လာခဲ့သည်။</p> <p>ရွှီနင်သည် တည်းခိုရာသို့ ရောက်သည်နှင့် ဟွမ်ဇုံးရှောင့်၏ လက်အောက်ငယ်သားအားလုံးကို သတိလစ်သွားအောင် ပြုလုပ်လိုက်လေသည်။</p> <p>“ဘာတွေ ဆူညံနေတာလဲ” အပြင်ဘက်မှ ဆူညံသံများကို ကြားလိုက်ရသဖြင့် ရှန့်နန်ချွမ်းက တံခါးကို တွန်းဖွင့်လိုက်သည်။</p> <p>ထိုအခါ ရွှီနင်၏ ထိန်းချုပ်မှုကို ခံထားရသော ဟွမ်ဇုံးရှောင့်နှင့် မြေပြင်ပေါ်တွင် လဲကျနေသည့် သွေးတစ္ဆေဂိုဏ်းသားများကို သူ တွေ့လိုက်ရလေသည်။</p> <p>“ခင်ဗျား ကျွန်တော့်ကို ရှာနေတယ်လို့ ကြားတယ်” ရွှီနင်က ပြုံးလျက် ရှန့်နန်ချွမ်းကို ကြည့်ကာ မေးလိုက်သည်။</p> <p>ရှန့်နန်ချွမ်းမှာ အံ့အားသင့်သွားရသည်။</p> <p>ဟွမ်ဇုံးရှောင့်၏ အခြေအနေကို မြင်လိုက်ရပြီးနောက် သူသည် ချက်ချင်း တုံ့ပြန်လိုက်ကာ တည်းခိုရာမှ ထွက်ပြေးရန် ပြင်လေတော့သည်။</p> <p>သို့သော် ရွှီနင်က ထိုအခွင့်အရေးကို မပေးခဲ့ပေ။</p> <p>သူသည် အစစ်အမှန်ချီတစ်စကို ပစ်လွှတ်လိုက်ရာ ရှန့်နန်ချွမ်း၏ ခန္ဓာကိုယ်မှာ ချက်ချင်း တောင့်တင်းသွားပြီး မြေပြင်ပေါ်သို့ လဲကျသွားတော့သည်။</p> <p>ရွှီနင်က ဟွမ်ဇုံးရှောင့်၏ လည်ပင်းကို လက်တစ်ဖက်ဖြင့် ဆွဲကိုင်ကာ ရှန့်နန်ချွမ်းကိုလည်း အိမ်ထဲသို့ ဆွဲခေါ်သွားလိုက်သည်။</p> <p>“ခင်ဗျားက သွေးတစ္ဆေဂိုဏ်းက ယန်းရွှေပြည်နယ်ကနေ ဖိတ်ခေါ်ထားတဲ့ ဆေးဖော်စပ်သူလား”</p> <p>ရွှီနင်သည် နူးညံ့သော ကုလားထိုင်တစ်ခုပေါ်တွင် သက်သောင့်သက်သာ ထိုင်လိုက်ပြီး ထိုနှစ်ယောက်ကို မြေပြင်ပေါ်သို့ ပစ်ချလိုက်လေသည်။</p> <p>“မင်းက ဝေ့ကုန်သွယ်ရေးအဖွဲ့ရဲ့ နောက်ကွယ်က ဆေးဖော်စပ်သူလား” ရှန့်နန်ချွမ်းက တည်ငြိမ်အောင် ဟန်ဆောင်လျက် ရွှီနင်ကို စိုက်ကြည့်ကာ မေးလိုက်သည်။</p> <p>“မှန်ပါတယ်” ရွှီနင်က ပြုံးလျက်ပင် ဆက်ပြောလိုက်သည်။</p> <p>“သွေးတစ္ဆေဂိုဏ်းက ခင်ဗျားကို ကျိဖုန်းစီရင်စုကို ခေါ်လာတာ မိစ္ဆာဆေးလုံးတစ်မျိုး ဖော်စပ်ခိုင်းဖို့လို့ ကြားတယ်”</p> <p>ရွှီနင်သည် ဟွမ်ဇုံးရှောင့်ထံမှ သွေးတစ္ဆေဂိုဏ်း၏ မိစ္ဆာဆေးလုံး အပါအဝင် အချက်အလက်များစွာကို သိရှိခဲ့ပြီး ဖြစ်သည်။</p> <p>ရွှီနင်က ဟွမ်ဇုံးရှောင့်ကို သူ့ဆီ ခေါ်လာခိုင်းသည့် အကြောင်းရင်းမှာ ထိုဆေးလုံးနှင့် သွေးတစ္ဆေဂိုဏ်း၏ နောက်ကွယ်မှ အခြေအနေများကို သိရှိနိုင်ရန် ဖြစ်သည်။</p> <p>သို့မဟုတ်ပါက ရွှီနင်သည် ထိုမိစ္ဆာဂိုဏ်းသားများကို တိုက်ရိုက် သတ်ပစ်မည် သို့မဟုတ် ယွမ်ရှန်းဂိုဏ်းထံ အပ်နှံလိုက်မည်သာ ဖြစ်သည်။</p> <p>ရှန့်နန်ချွမ်းက ပြန်မဖြေဘဲ ဟွမ်ဇုံးရှောင့်ကို ဦးစွာ တစ်ချက် ကြည့်လိုက်သည်။</p> <p>ဟွမ်ဇုံးရှောင့်က တစ်ခုခု ပြောပြပြီးပြီဖြစ်ကြောင်း သိသာလှပေသည်။ ထိုသို့ဆိုလျှင် ရှန့်နန်ချွမ်းအနေဖြင့်လည်း ဖုံးကွယ်ထားစရာ မလိုတော့ပေ။</p> <p>သူသည် သွေးတစ္ဆေဂိုဏ်း၏ အဖွဲ့ဝင် မဟုတ်သကဲ့သို့ ဒုဂိုဏ်းချုပ်ဟွမ်ကိုယ်တိုင်က ပြောပြပြီးသားဖြစ်ရာ သူ ဖုံးကွယ်ထားရန် အကြောင်းမရှိတော့ချေ။</p> <p>“ဟုတ်ပါတယ်... သွေးတစ္ဆေဂိုဏ်းက ကျွန်တော့်ကို ‘မိစ္ဆာသွေးဆေးလုံး’ လို့ ခေါ်တဲ့ ဆေးတစ်မျိုး ဖော်စပ်ပေးဖို့ ဖိတ်ခေါ်ခဲ့တာပါ။ သူတို့ပြောတာကတော့ အဲဒီဆေးလုံးကို စားပြီးရင် ဟင်းလင်းပြင်နယ်ပယ်ရဲ့ အချုပ်အနှောင်တွေကို ချိုးဖျက်ပြီး တာအိုနယ်ပယ်ကို တက်လှမ်းနိုင်မယ်လို့ ဆိုပါတယ်”</p> <p>ရှန့်နန်ချွမ်းက အမှန်အတိုင်း ပြောပြလိုက်သည်။</p> <p>“မိစ္ဆာသွေးဆေးလုံး... အဲဒါကို စားရုံနဲ့ တာအိုနယ်ပယ်ကို ချိုးဖျက်နိုင်တယ် ဟုတ်လား” ရွှီနင် အံ့အားသင့်သွားရသည်။</p> <p>ကျိဖုန်းစီရင်စု သာမက လျဲ့ဝုစီရင်စုနှင့် ဖေးယွင်စီရင်စုတို့တွင်ပင် တာအိုနယ်ပယ် သိုင်းပညာရှင်ဟူ၍ တစ်ဦးမျှ မရှိချေ။</p> <p>အကယ်၍ တစ်စုံတစ်ယောက်သာ တာအိုနယ်ပယ်သို့ အမှန်တကယ် ချိုးဖျက်နိုင်ခဲ့ပါက မင်းဆက်တစ်ခု တည်ထောင်ပြီး ပြည်နယ်အများအပြားကို အုပ်စိုးနိုင်ပေလိမ့်မည်။</p> <p>“အဲဒီ မိစ္ဆာသွေးဆေးလုံးက အဲဒီလို အာနိသင် တကယ်ရှိတာ သေချာလား” ရွှီနင် မယုံကြည်နိုင် ဖြစ်နေသည်။</p> <p>“ကျွန်တော်လည်း မသိပါဘူး... သွေးတစ္ဆေဂိုဏ်းကပဲ ကျွန်တော့်ကို ဖိတ်ခဲ့တာပါ”</p> <p>ရှန့်နန်ချွမ်းက ဆက်ပြောပြသည်။ “ကျွန်တော်ကလည်း ဒီဆေးလုံးကို ဖော်ပေးဖို့ ကျိဖုန်းစီရင်စုအထိ လာဖို့ စိတ်မကူးခဲ့ပါဘူး... ဒါပေမဲ့ သူတို့က ပေးတဲ့ဆုကြေးက အရမ်းများနေတာရယ်၊ သူတို့ဂိုဏ်းချုပ်နဲ့လည်း ခင်မင်တာရှိတာရယ်ကြောင့် လိုက်လာခဲ့တာပါ”</p> <p>“မိစ္ဆာသွေးဆေးလုံးရဲ့ မူလဇစ်မြစ်အကြောင်း ပြောပြပါဦး”</p> <p>ရွှီနင်က ဟွမ်ဇုံးရှောင့်ကို ကြည့်ကာ မေးလိုက်သည်။</p> <p>သူသည် သွေးတစ္ဆေဂိုဏ်း၏ ဒုဂိုဏ်းချုပ်ဖြစ်ရာ သေချာပေါက် သိပေလိမ့်မည်။</p> <p>“ဘာလို့ အရင်က မဖော်စပ်ဘဲ အခုမှ ဖော်စပ်ရတာလဲ”</p> <p>ဟွမ်ဇုံးရှောင့်သည် သွေးတစ္ဆေဂိုဏ်းအတွက် စိုးရိမ်နေသော်လည်း သူ၏ အသက်မှာ ပို၍ အရေးကြီးလှသည်။</p> <p>“မိစ္ဆာသွေးဆေးလုံးရဲ့ ဆေးနည်းကို ကျွန်တော်တို့ဂိုဏ်းချုပ် ဖုန်းချန်ကောက လွန်ခဲ့တဲ့ လအနည်းငယ်က တခြားပြည်နယ်တစ်ခုရဲ့ လျှို့ဝှက်နယ်မြေတစ်ခုမှာ ရှာဖွေတွေ့ရှိခဲ့တာပါ။ အဲဒါကို ရပြီးတာနဲ့ သူက တစ်ဂိုဏ်းလုံးရဲ့ အင်အားကို သုံးပြီး ဆေးလုံးဖော်ဖို့ လိုအပ်တဲ့ ပစ္စည်းတွေနဲ့ ဆေးဖော်စပ်သူတွေကို ရှာခဲ့တာပေါ့။ ဒါပေမဲ့ ဆေးဖော်စပ်တဲ့ နည်းလမ်းက အရမ်းကို ရှုပ်ထွေးခက်ခဲလွန်းလို့ သာမန်ဆေးဖော်စပ်သူတွေက မအောင်မြင်ခဲ့ကြဘူး”</p> <p>“ကျွန်တော်တို့မှာ ရွေးချယ်စရာ မရှိတော့တာကြောင့် ဂိုဏ်းချုပ်က ကျွန်တော့်ကို ယန်းရွှေပြည်နယ်ကို လွှတ်ပြီး ရှန့်နန်ချွမ်းဆီကနေ အကူအညီတောင်းခိုင်းခဲ့တာပါ”</p> <p>ယခုအခါ အခြားသူ၏ လက်ထဲတွင် အသက်လုနေရသည့် ဟွမ်ဇုံးရှောင့်မှာ အရာအားလုံးကို ရှင်းပြလိုက်ရတော့သည်။</p> <p>“အင်း...”</p> <p>ရွှီနင်သည် ဟွမ်ဇုံးရှောင့်၏ စိတ်ခံစားချက်များကို ဂရုတစိုက် အာရုံခံကြည့်လိုက်ရာ ထူးခြားမှုကို မတွေ့ရချေ။</p> <p>ဟွမ်ဇုံးရှောင့်မှာ အမှန်အတိုင်း ပြောနေခြင်း ဖြစ်လောက်ပေသည်။</p> <p>တာအိုနယ်ပယ်ကို တက်လှမ်းစေနိုင်သည့် မိစ္ဆာသွေးဆေးလုံးမှာ ထူးဆန်းနေသော်လည်း အမှန်တကယ် တည်ရှိနိုင်ပေသည်။</p> <p>သားရဲထိန်းကျောင်းသူတစ်ဦးက ကျိဖုန်းစီရင်စုတွင် သားရဲထိန်းကျောင်းခြင်း ကျမ်းစာကို ထားရစ်ခဲ့နိုင်လျှင် အခြားပြည်နယ်မှ အစွမ်းထက်သူများကလည်း သူတို့၏ အမွေအနှစ်များကို ချန်ထားရစ်နိုင်သည်သာ။</p> <p>သို့သော် ရွှီနင်က ဟွမ်ဇုံးရှောင့်မှာ အမှန်အတိုင်း ပြောနေသည်ဟု ယူဆသော်လည်း ဆက်လက် စမ်းသပ်လိုသေးသည်။</p> <p>“ခင်ဗျား ပြောတာ တကယ်ပဲလား... ခင်ဗျားပြောပုံအရဆိုရင် အဲဒီ လျှို့ဝှက်နယ်မြေက တာအိုနယ်ပယ် သိုင်းပညာရှင်တစ်ယောက် ချန်ထားခဲ့တာ ဖြစ်ရမယ်”</p> <p>“တာအိုနယ်ပယ် သိုင်းပညာရှင်တစ်ယောက် ချန်ထားခဲ့တာ သေချာပါတယ်” ဟွမ်ဇုံးရှောင့်က အလျင်အမြန်ပင် ရှင်းပြလိုက်သည်။</p> <p>“ကျွန်တော်တို့ ဂိုဏ်းချုပ်က ဟင်းလင်းပြင်နယ်ပယ် အဆင့်ကိုးမှာပဲ ရှိပါသေးတယ်။ အဲဒီ လျှို့ဝှက်နယ်မြေကနေ ထွက်လာပြီးနောက်မှာတော့ သူက တစ်ဝက်တစ်ပျက် တာအိုနယ်ပယ် သိုင်းပညာရှင်တစ်ယောက် ဖြစ်နေပါပြီ”</p> <p>သွေးတစ္ဆေဂိုဏ်းနှင့် ယွဲ့လန်ဂိုဏ်းတို့မှာ ရန်ဘက်များဖြစ်ကြောင်း ဟွမ်ဇုံးရှောင့် သိထားသည်။</p> <p>ရွှီနင်၏ လက်ထဲမှ လွတ်မြောက်လိုလျှင် သူသည် လုံးဝ နာခံပြရမည်ဖြစ်သကဲ့သို့ အသုံးဝင်ကြောင်းကိုလည်း ပြသရမည် ဖြစ်သည်။</p> <p>“တစ်ဝက်တစ်ပျက် တာအိုနယ်ပယ် သိုင်းပညာရှင်လား”</p> <p>ရွှီနင် မျက်ခုံးပင့်လိုက်မိသည်။</p> <p>တစ်ဝက်တစ်ပျက် တာအိုနယ်ပယ် အကြောင်းကို ရွှီနင် အနည်းငယ် သိထားသည်။ ဤနယ်ပယ်မှာ ဟင်းလင်းပြင်နယ်ပယ်နှင့် တာအိုနယ်ပယ်ကြားမှ အဆင့်တစ်ခု ဖြစ်သည်။</p> <p>သို့သော် ရွှီနင်သည် တစ်ဝက်တစ်ပျက် တာအိုနယ်ပယ် သိုင်းပညာရှင်၏ အဓိပ္ပာယ်ဖွင့်ဆိုချက်နှင့် သူတို့၏ တိုက်ခိုက်ရေး စွမ်းရည်ကိုမူ မသိရှိချေ။</p> <p>ယွဲ့လန်ဂိုဏ်းမှ မထွက်ခွာမီ ရွှီနင်မှာ တံဆိပ်တော်နယ်ပယ်၌ မရှိသေးသကဲ့သို့ ဟင်းလင်းပြင်နယ်ပယ်၏ အဆင့်မြင့်သို့ မရောက်သေးသဖြင့် မီရှင်းယယ်နှင့် ဟယ့်မင်ယဲ့တို့က သူ့အား ပိုမိုမြင့်မားသော သိုင်းစနစ်အကြောင်း မပြောပြခဲ့ကြပေ။</p> <p>“တစ်ဝက်တစ်ပျက် တာအိုနယ်ပယ်မှာဆိုရင် ခွန်အားက အစစ်အမှန်ပိုင်နက်နယ်ပယ်ထက် အများကြီး သာတယ်။ ယွဲ့လန်ဂိုဏ်းမှာ ပုန်းအောင်းနေတဲ့ အကြီးအကဲတွေ အများကြီးရှိပြီး သူတို့အားလုံးက ဒီနယ်ပယ်မှာ ရှိကြတာပါ”</p> <p>ဟွမ်ဇုံးရှောင့်က ရွှီနင် မသိသေးသည့် အချက်အချို့ကိုလည်း ပြောပြလိုက်သေးသည်။</p> <p>“ဩော်...”</p> <p>ရွှီနင်က ထပ်မံ မေးလိုက်သည်။</p> <p>“ဒါဆို တစ်ဝက်တစ်ပျက် တာအိုနယ်ပယ် သိုင်းပညာရှင်ဆိုတာ ဘယ်လိုမျိုးလဲဆိုတာ ခင်ဗျား သိလား”</p> <p>“ကျွန်တော် သိသလောက်ကတော့ တစ်ဝက်တစ်ပျက် တာအိုနယ်ပယ် သိုင်းပညာရှင်တွေက တာအိုနယ်ပယ်ကို တက်လှမ်းနိုင်မယ့် နည်းလမ်းတွေကို တတ်မြောက်ထားပေမဲ့ ချိုးဖျက်နိုင်စွမ်း မရှိသေးတာပဲ သိပါတယ်... ကျန်တာတော့ မသိတော့ပါဘူး”</p> <p>ဟွမ်ဇုံးရှောင့်က ပြန်ဖြေလိုက်သည်။</p> <p>“ဒါဆိုရင်တော့...”</p> <p>ရွှီနင် တစ်ယောက်တည်း တွေးနေမိသည်။</p> <p>သူသည် ယွမ်ရှန်းဂိုဏ်းသို့ မဝင်မီ လဝက်ခန့်စောင့်ပြီးမှ တစ်စုံတစ်ယောက်ကို မေးမြန်းစုံစမ်းရန် စီစဉ်လိုက်သည်။</p> <p>ခဏအကြာတွင် ရွှီနင်က ဟွမ်ဇုံးရှောင့်ကို ထပ်မေးလိုက်သည်။ “ဖုန်းချန်ကောက မိစ္ဆာသွေးဆေးလုံးကို အောင်မြင်အောင် ဖော်စပ်ပြီးရင် ဘာလုပ်ဖို့ ရည်ရွယ်ထားလဲဆိုတာ ပြောပြခဲ့လား”</p> <p>“ဟို...”</p> <p>ဟွမ်ဇုံးရှောင့်၏ အမူအရာက တောင့်တင်းသွားရသည်။</p> <p>သို့သော် ရွှီနင်က သူ့ကို စိုက်ကြည့်နေသဖြင့် ဟွမ်ဇုံးရှောင့်က ဆက်ပြောလိုက်သည်။</p> <p>“သူက တာအိုနယ်ပယ်ကို ရောက်တာနဲ့ ယွဲ့လန်ဂိုဏ်း၊ ချန်းမြောင်ဂိုဏ်းနဲ့ ကျိဖုန်းစီရင်စုက တခြားဂိုဏ်းကြီးတွေကို အမြစ်ပြတ် သုတ်သင်ပြီး သိုင်းမင်းဆက်တစ်ခု တည်ထောင်မယ်လို့ ပြောပါတယ်”</p> <p>“ဟက်...”</p> <p>ရွှီနင်က ပြုံးလိုက်သည်။</p> <p>သို့သော် သူ အနည်းငယ်တော့ ထိတ်လန့်သွားရသည်။</p> <p>အကယ်၍ ဤမိစ္ဆာသွေးဆေးလုံးသည် လူတွေအား တာအိုနယ်ပယ်အထိ အမှန်တကယ် တက်လှမ်းစေနိုင်ပါက ဖုန်းချန်ကောမှာ ထိုကဲ့သို့ လုပ်ဆောင်နိုင်ပေလိမ့်မည်။</p> <p>‘ငါ ကျိဖုန်းစီရင်စုကို အမြန်ဆုံးပြန်ပြီး ဒီသတင်းကို သွားပို့မှ ဖြစ်မယ်...’</p> <p>ရွှီနင်က ဟွမ်ဇုံးရှောင့်နှင့် ရှန့်နန်ချွမ်းကို လှမ်းကြည့်လိုက်သည်။</p> <p>ထိုအကြည့်က သူတို့နှစ်ဦး၏ ရင်ကို တင်းကျပ်သွားစေသည်။ အကယ်၍ ရွှီနင်က သူတို့ကို သတ်ချင်ပါက သူတို့မှာ ခုခံနိုင်စွမ်း ရှိမည် မဟုတ်ချေ။</p> <p>“ဒီဆေးတွေကို စားလိုက်” ရွှီနင်က အေးစက်သော အငွေ့အသက်များ ထွက်ပေါ်နေသည့် အဖြူနှင့် အပြာရောင် ရောယှက်နေသော ဆေးလုံးလေးလုံးကို ထုတ်လိုက်သည်။</p> <p>“ဒါ... ဒါတွေက ရေခဲတံဆိပ်ဆေးပြားတွေပဲ” ရှန့်နန်ချွမ်း၏ မျက်နှာ ပျက်သွားရသည်။</p> <p>“မိစ္ဆာသွေးဆေးလုံးကို ဖော်စပ်ဖို့ အဖိတ်ခံရတဲ့ ဆေးဖော်စပ်သူပီပီ အမြင်ကျယ်သားပဲ” ရွှီနင်က အေးစက်စက် ပြောလိုက်သည်။</p> <p>“ရေခဲတံဆိပ်ဆေးပြား ဟုတ်လား”</p> <p>ဟွမ်ဇုံးရှောင့်က စဉ်းစားဟန်ပြုလိုက်ပြီးနောက် ထိုဆေးပြား၏ အာနိသင်ကို သတိရသွားလေသည်။</p> <p>ရေခဲတံဆိပ်ဆေးပြားကို စားလိုက်ပါက ချက်ချင်းပင် အိပ်ပျော်သွားပေလိမ့်မည်။</p> <p>အကယ်၍ သတ်မှတ်ထားသည့် အချိန်အတွင်း ဖြေဆေး မသောက်ရပါက သေဆုံးသွားပေမည်။</p> <p>ရွှီနင်က သူတို့ကို မသတ်ဘဲ ဆေးစားခိုင်းသည့် အကြောင်းရင်းမှာ သူတို့က အသုံးဝင်ဦးမည်ဟု ယူဆသောကြောင့် ဖြစ်သည်။</p> <p>ရွှီနင်သည် မိစ္ဆာသွေးဆေးလုံးနှင့် ပတ်သက်၍ မီရှင်းယယ်အတွက် အနည်းငယ် စိုးရိမ်နေမိသည်။</p> <p>ဟွမ်ဇုံးရှောင့်နှင့် ရှန့်နန်ချွမ်းတို့မှာ ထိတ်လန့်တကြားနှင့် တစ်ဦးကိုတစ်ဦး ရန်လိုသော အကြည့်များဖြင့် ကြည့်လိုက်ကြသည်။</p> <p>ဟွမ်ဇုံးရှောင့်က ရှန့်နန်ချွမ်း၏ သတ်မှတ်ချက်တွေသာ မရှိပါက သူသည် ဤယွဲ့လန်ဂိုဏ်းမှ သိုင်းပညာရှင်နှင့် တွေ့ဆုံမည် မဟုတ်ဟု ယူဆနေသည်။</p> <p>ရှန့်နန်ချွမ်းကလည်း ဟွမ်ဇုံးရှောင့်သာ သူ့ကို လာမခေါ်ဘဲ ကျိဖုန်းစီရင်စုတွင် မိစ္ဆာသွေးဆေးလုံး ဖော်စပ်ခိုင်းရန် မဖိတ်ခေါ်ခဲ့ပါက ဤကဲ့သို့ အခြေအနေမျိုး ကြုံရမည် မဟုတ်ဟု ခံစားနေရသည်။</p> <p>“စားမလား... သေမလား”</p> <p>ရွှီနင်၏ စကားက ပြတ်သားလှသည်။</p> <p>ရွှီနင်သည် လွန်ခဲ့သည့် ရက်ပိုင်းက အသုံးဝင်သည့် ဆေးပြားအမျိုးမျိုးကို ဖော်စပ်ခဲ့ပြီး ဤဆေးပြားများမှာလည်း အပါအဝင် ဖြစ်သည်။</p> <p>“စားပါ့မယ်”</p> <p>သူတို့နှစ်ဦးမှာ ရွေးချယ်စရာ မရှိတော့ပေ။</p> <p>“ခင်ဗျားက တစ်လုံးစား... ခင်ဗျားကတော့ သုံးလုံးစား” ရွှီနင်က ဆေးများကို ခွဲဝေပေးလိုက်သည်။</p> <p>ရှန့်နန်ချွမ်းမှာ ဟင်းလင်းပြင်နယ်ပယ် အဆင့်လေးတွင်သာ ရှိသေးသဖြင့် တစ်လုံးဆိုလျှင် လုံလောက်ပေသည်။</p> <p>ဟွမ်ဇုံးရှောင့်မှာမူ ဟင်းလင်းပြင်နယ်ပယ် အဆင့်ရှစ်တွင် ရှိနေသဖြင့် ဆေးအာနိသင် မလုံလောက်ဘဲ စောစောနိုးလာမည်ကို စိုးရိမ်သောသဖြင့် သုံးလုံး တစ်ပြိုင်နက် စားခိုင်းလိုက်ခြင်း ဖြစ်သည်။</p> <p>ဆေးများကို လက်ခံရရှိချိန်တွင် သူတို့နှစ်ဦးမှာ တုံ့ဆိုင်းနေကြသည်။</p> <p>ဆေးစားလိုက်သည်နှင့် သူတို့၏ အသက်မှာ အခြားသူတစ်ယောက်၏ လက်ထဲသို့ လုံးလုံးလျားလျား ရောက်ရှိသွားမည်သာ။</p> <p>သို့သော်လည်း လက်ရှိတွင်မူ စားရုံမှလွဲ၍ အခြားမရှိသဖြင့် သူတို့နှစ်ဦးမှာ ဆေးအားလုံးကို မျိုချလိုက်ကြတော့သည်။</p> <p>ဆေးများကို မျိုချလိုက်သည်နှင့် ဟွမ်ဇုံးရှောင့်နှင့် ရှန့်နန်ချွမ်းတို့၏ အရေပြားပေါ်တွင် ရေခဲပုံဆောင်ခဲများ ချက်ချင်း ဖုံးလွှမ်းသွားတော့သည်။</p> <p>အအေးဒဏ်ကို မခံစားလိုက်ရမီမှာပင် သူတို့၏ အသိစိတ်များမှာ နှစ်ခြိုက်စွာ အိပ်ပျော်သွားကြလေသည်။</p> <p>ရွှီနင်သည် ထိုနှစ်ဦးကို စစ်ဆေးပြီးနောက် မြေပြင်ပေါ်တွင် လှဲသိပ်ထားလိုက်သည်။</p> <p>ရွှီနင်သည် သူတို့မှာ တည်းခိုအိမ်ကို နှစ်ဝက်စာ ငှားရမ်းထားကြောင်း သိရှိထားသည်။</p> <p>လာမည့် သုံးလအတွင်း သူတို့ကို ဤနေရာတွင် ထားခဲ့ပါက မည်သူမျှ သတိထားမိလိမ့်မည် မဟုတ်ပေ။</p> <p>အရာအားလုံး ပြီးဆုံးသွားပြီးနောက် ရွှီနင်သည် တံခါးကို ပိတ်ကာ ခြံဝင်းထဲသို့ ထွက်လာခဲ့သည်။</p> <p>သူသည် သတိလစ်နေသည့် သွေးတစ္ဆေဂိုဏ်းမှ အစောင့်များကို ကြည့်ပြီး တုံ့ဆိုင်းမနေတော့ပေ။ အားလုံးကို ရှင်းလင်းလိုက်ပြီး သူတို့၏ အစအနများကိုပါ ဖျောက်ပစ်လိုက်လေသည်။</p> <p>ဤဂိုဏ်းသားများကို လက်ရှိအဆင့်အထိ ရောက်အောင် လေ့ကျင့်ပေးရန် သွေးတစ္ဆေဂိုဏ်း၏ လက်ထဲတွင် သွေးပေါင်း မည်မျှ စွန်းပေခဲ့သည်ကို သူ မသိချေ။</p> <p>သွေးတစ္ဆေဂိုဏ်းနှင့် ယွဲ့လန်ဂိုဏ်းတို့အကြားမှ ရန်ငြိုးရန်စများကြောင့်လည်း ရွှီနင်မှာ သနားညှာတာခြင်း မရှိခဲ့ပေ။ အရာအားလုံး ပြီးစီးပြီးနောက် ရွှီနင်သည် ဝေ့အိမ်တော်သို့ တိတ်တဆိတ် ပြန်လာခဲ့လေသည်။</p> <p>လဝက်ခန့် ကုန်လွန်သွားခဲ့ပြီးနောက်…</p> <p>တစ်ရက်တွင် ရွှီနင်သည် အဖြူရောင် ဝတ်စုံကို လဲလှယ်ဝတ်ဆင်လိုက်ပြီး ဝေ့ရှင်ဖုန်းနှင့်အတူ ယွမ်ရှန်းဂိုဏ်းသို့ ထွက်လာခဲ့သည်။</p> <p>ယနေ့သည် ယွမ်ရှန်းဂိုဏ်း၏ ညီလာခံနေ့ဖြစ်ရာ ယွင်ယင်းမြို့မှ မိသားစုကြီးအားလုံး တက်ရောက်ကြပေလိမ့်မည်။</p> <p>ရွှီနင်သည် ယွမ်ရှန်းဂိုဏ်း တပည့်များ၏ ခံ့ညားထည်ဝါမှုကို မြင်တွေ့ရရုံသာမက ဂိုဏ်းမှ အဆင့်မြင့် ပုဂ္ဂိုလ်များ၏ အစစ်အမှန် စွမ်းအားကိုလည်း မြင်တွေ့ရပေလိမ့်မည်။</p> <p>ယွမ်ရှန်းဂိုဏ်းသည် ယွင်ယင်းမြို့၏ အလယ်ဗဟိုတွင် မြင့်မားသော တံတိုင်းကြီးများကို တည်ဆောက်ထားသည်။</p> <p>အပြင်ဘက်မှ ကြည့်လျှင် ယွမ်ရှန်းဂိုဏ်းမှာ မြို့တစ်မြို့အတွင်းမှ မြို့တစ်မြို့နှင့် တူနေပေသည်။</p> <p>ဂိုဏ်း၏ အပြင်ဘက်တွင် တပည့်များအား အစောင့်အကြပ်ဖြစ် ချထားပြီး အရပ်မျက်နှာ အသီးသီးမှ လူများ ရောက်ရှိလာကြသည်။ ထိုသူတို့မှာ သိုင်းပညာရှင်များ သို့မဟုတ် မြို့ထဲမှ မိသားစုကြီးများ၏ အဖွဲ့ဝင်များ ဖြစ်ကြသည်။</p> <p>“ဝေ့အိမ်တော်သခင်... ဒီနေ့ ကျွန်တော်တို့ နှစ်ယောက်ပဲ လာတာလား” ရွှီနင်က မေးလိုက်သည်။</p> <p>“ဝေ့မိသားစုရဲ့ တခြားအဖွဲ့ဝင်တွေက ယွမ်ရှန်းဂိုဏ်း ညီလာခံကို မတက်ကြဘူးလား”</p> <p>ဝေ့ရှင်ဖုန်းက ပြုံးလျက်ပင် ပြောလိုက်သည်။</p> <p>“သူတို့က အစောကြီးကတည်းက ရောက်နေကြပြီ... မင်းနဲ့ ငါက ဟင်းလင်းပြင်နယ်ပယ် အဆင့်မြင့် သိုင်းပညာရှင်တွေဆိုတော့ ငါတို့ရဲ့ ဂုဏ်ဒြပ်က မတူဘူးလေ”</p> <p>“ဒီလိုကိုး...”</p> <p>ရွှီနင် ခေါင်းညိတ်လိုက်သည်။</p> <p>ထို့နောက် သူတို့နှစ်ဦးမှာ ယွမ်ရှန်းဂိုဏ်းအတွင်းသို့ ဝင်ရောက်ခဲ့ကြပြီး ဝေ့ရှင်ဖုန်း၏ လမ်းပြမှုဖြင့် ရိုးရှင်းသော ခြံဝန်းတစ်ခုရှေ့သို့ ရောက်ရှိလာကြသည်။</p> <p>ထိုခြံဝန်း၏ အပြင်ဘက်တွင် ‘အကြီးအကဲများခန်းမ’ ဟူသော ဆိုင်းဘုတ်တစ်ခုကို ချိတ်ဆွဲထားလေသည်။</p> <p> </p> <p> </p> <p> </p> <p style="text-align: center;">***</p>


Save