Book List

<h2 style="text-align: center;">အပိုင်း(၅၂)</h2> <h2 style="text-align: center;">*</h2> <p> </p> <p> </p> <p> </p> <p>အကြီးအကဲရာမ်၏ ရှင်းပြချက်များကို လင်းတုန်းက သိပ်ပြီး နားမထောင်နေခဲ့ပေ။ ကောင်းကင် ဂုဏ်သရေ ကျောင်းတော် ရတနာ ခန်းမဆောင်မှာ ဝေ့ ကလန် ၏ မှတ်တမ်းတိုက်နှင့် အတော်လေး တူသော်လည်း၊ ပိုမို ကြီးမားခမ်းနားသည်။ အဆောက်အအုံမှာ ဧရာမ အခန်းကြီး တစ်ခန်းဖြစ်ပြီး၊ ကပွဲရုံ တစ်ခုကဲ့သို့ ကျယ်ဝန်းပွင့်လင်းကာ၊ ပြသထားသော မှန်သေတ္တာများက ကြီးမားကျယ်ပြန့်သော အတန်းလိုက်များအဖြစ် ဆန့်တန်းတည်ရှိနေလေသည်။ သေတ္တာ တစ်ခုစီမှာ သူ၏ ရင်ဘတ်အမြင့်ခန့်သာ ရှိသဖြင့်၊ ဖြန့်ကျက်ထားမှု တစ်ခုလုံးကို အနှောင့်အယှက်ကင်းစွာ သူ ကြည့်ရှုခွင့် ရရှိလေသည်။</p> <p>ပြီးတော့ သူ မြင်တွေ့လိုက်ရသော ရတနာများက (အနည်းဆုံးတော့ သူ မှတ်မိသော အရာများက)  ဝေ့ ကလန် မှ မည်သည့် အကြီးအကဲကိုမဆို မနာလိုမှုဖြင့် ဖျားနာသွားစေရန် လုံလောက်နေလေသည်။</p> <p>“အဲဒါတွေ အားလုံးကို ဘယ်လိုလုပ် ဒီလိုမျိုး အပြင်ဘက်မှာ အကာအကွယ်မပါဘဲ ထားထားရတာလဲ...”</p> <p>လင်းတုန်းက မေးလိုက်သည်။ ၎င်းမှာ သူ၏ စိတ်ထဲမှ ပထမဆုံး အတွေးဖြစ်သည်၊ အဘယ်ကြောင့်ဆိုသော် ကလန်များဘက်မှ တက်လာသော မည်သည့် တပည့်မဆို ဤနေရာကို ပြောင်သလင်းခါအောင် ခိုးယူသွားလိုသည့် သွေးဆောင်မှုကို ခံရမည်ဟု သူ စိတ်ကူးမိသောကြောင့်ပင်။</p> <p>အဘိုးအို၏ အရေတွန့်နေသော မျက်နှာကြီးက အပြုံးတစ်ခုအဖြစ် ဆန့်ထွက်သွားလေသည်။</p> <p>“ကောင်းကင် ဂုဏ်သရေ လမ်းစဉ် က မင်းကို မကောင်းဆိုးဝါး နဲ့ တစ်ကိုယ်ကောင်းဆန်တဲ့ လိုအင်ဆန္ဒတွေကို ဖယ်ထားဖို့ မတောင်းဆိုပါဘူး... ဒါပေမဲ့ အဲဒီလို လုပ်တာက မင်းရဲ့ ကိုယ်ပိုင် အကျိုးအတွက်ပါပဲ... တကယ်လို့မင်းရဲ့ ကျောပိုးအိတ်ထဲမှာ အပိုတစ်ခုခုကို ခိုးထည့်သွားဖို့ အကြံအစည် ရှိခဲ့ရင်... အခုပဲ အဲဒါတွေကို ဖယ်ထားလိုက်တော့...”</p> <p>အကြီးအကဲက သူတို့ ယခုလေးတင် ဖြတ်သန်းဝင်ရောက်လာခဲ့သော တံခါးဘောင်ဆီသို့ ဖုထစ်နေသော လက်ညိုးတစ်ချောင်းဖြင့် ထိုးပြလိုက်ရာ၊ လင်းတုန်းသည် သိမ်မွေ့သော အစီအရင် မျဉ်းကြောင်းများကို သဲသဲကွဲကွဲ မြင်တွေ့လိုက်ရလေသည်။</p> <p>“အဲဒီ အစီအရင် က တိုက်ပွဲဝင် မှော်ပစ္စည်း တွေကို မြေကြီးထဲကနေ ခေါ်ထုတ်နိုင်တဲ့ ကာကွယ်ရေး အစီအရင် တစ်ခုပဲ... အဲဒီအထဲက တချို့က ကောင်းကင် ဂုဏ်သရေ မာဒြာ ကို အသုံးပြုကြပေမယ့်... အားလုံးတော့ မဟုတ်ဘူး... မဟာ အကြီးအကဲ နဲ့ ငါပဲ ဖွဲ့စည်းပုံ အပြည့်အဝကို သိတယ်... အဲ့တာတွေရဲ့ စွမ်းအားက ကျောက်စိမ်းအဆင့် တစ်စုကိုတောင် ဖျက်ဆီးပစ်ဖို့ လုံလောက်တယ်... ဒါ့အပြင်...”</p> <p>သူက သေတ္တာများဆီသို့ လက်ဟန်ပြလိုက်သည်။</p> <p>“ပြသထားတဲ့ သေတ္တာ တစ်ခုစီတိုင်းကို ချိတ်ပိတ်ထားတယ်... ငါမပါဘဲ တစ်ခုခုကို ဖွင့်ဖို့ ကြိုးစားရင်... အချက်ပေးသံတွေက ကျောင်းတော် တစ်ခုလုံးကို နှိုးလိုက်လိမ့်မယ်... ပြီးတော့ မှော်ပစ္စည်း တွေကိုလည်း အသက်ဝင်သွားစေလိမ့်မယ်...”</p> <p>သူက တဟဲဟဲ ရယ်မောလိုက်ပြီး လင်းတုန်း၏ ပခုံးကို ပုတ်လိုက်လေသည်။</p> <p>“ဒါကြောင့် ဝိညာဉ်မဲ့... မင်း ငါ့ဆီကနေ တစ်ခုခုကို ခိုးဖို့ ကြိုးစားချင်ရင်... ဆက်ပြီး ကြိုးစားကြည့်လိုက်လေ... တကယ်လို့မင်း အသက်ရှင်ကျန်ရစ်ခဲ့ရင်... သင်ခန်းစာကောင်း တစ်ခု ရသွားမှာပေါ့...”</p> <p>လင်းတုန်းသည် ထိုလူကြီးက စိတ်မဆိုးသွားသည့်အတွက် ဝမ်းသာသွားကာ အကြီးအကဲ ကို လက်သီးဆုပ်၍ အရိုအသေပေးလိုက်သည်။ သို့သော် သူ့စိတ်ထဲတွင်တော့ ထိုလုံခြုံရေး အစီအမံများမှာ လုံးဝ မချိုးဖျက်နိုင်လောက်အောင် မဟုတ်ကြောင်း မှတ်သားထားလိုက်ဆဲ ဖြစ်သည်။ သူသည် အစီအရင် များနှင့် ဗဟုသုတ အများအပြားကို သူ၏ မိခင်ထံမှ သင်ယူခဲ့ဖူးပြီး၊ ဟာကွက်တစ်ခုမှတစ်ဆင့် သူ ရှောင်လွှဲဝင်ရောက်နိုင်မည်ဟု သေချာပေါက် ယုံကြည်နေလေသည်။</p> <p>တပည့်တစ်ဦးအနေဖြင့် ကျောင်းတော် ထံမှ မည်သည့်အခါမျှ မခိုးယူသင့်သော်လည်း၊ အကြီးအကဲ ဝှိုက်ဟောက သူသည် အစစ်အမှန် တပည့်တစ်ဦး မဟုတ်ကြောင်းကို အလွန် ရှင်းလင်းစွာ ပြသထားပြီး ဖြစ်လေသည်။ ထို့ကြောင့် သူ့ဘက်ကလည်း အဘယ်ကြောင့် ကောင်းကင် ဂုဏ်သရေ ကျောင်းတော် ကို အထူး လေးစားမှု ပေးနေရမည်နည်း။</p> <p>သို့သော်… ထိုအရာများက နောက်မှ စဉ်းစားရမည့် ကိစ္စများ ဖြစ်သည်။ သူသည် ပထမဆုံး သေတ္တာဆီသို့ လျှောက်သွားလိုက်ပြီး၊ တွဲချိတ်ထားသော သစ်သားပြားလေးကို စိတ်အားထက်သန်စွာ ယူကြည့်လိုက်လေသည်။ ၎င်းမှာ လက်တစ်ဖက်တည်းဖြင့် ကိုင်တွယ်အသုံးပြုရန် လုံလောက်အောင် တိုတောင်းပြီး အရောင်တင်ထားသော သံမဏိဖြင့် ပြုလုပ်ထားသည့် အနည်းငယ် ကွေးညွတ်နေသော ဓားတစ်လက်ဖြစ်ပြီး၊ ဓားသွား၏ ပြန့်ပြူးသော မျက်နှာပြင်ပေါ်တွင် ခပ်ရေးရေး ပင့်ကူအိမ်သဏ္ဍာန် အစီအရင် တစ်ခု ရှိလေသည်။</p> <p>'ဓားပျံ '</p> <p>သစ်သားပြားတွင် ဤသို့ ရေးသားထားသည်။</p> <p>'သံမဏိအဆင့် မာဒြာ ဖြင့် စွမ်းအားဖြည့်သွင်းလိုက်သောအခါ၊ ဤလက်နက်သည် သက်စောင့် အော်ရာ ကို ဖြတ်သန်း၍ လေထဲတွင် လွင့်မျောနိုင်ပြီး အစစ်အမှန် ဓားတစ်လက်၏ အင်အားဖြင့် တိုက်ခိုက်နိုင်သည်။ ကိုယ်ပိုင် ကာကွယ်ရေး၊ အဝေးမှ တိုက်ခိုက်မှုများ၊ သို့မဟုတ် အဆင့်မြင့် ကျင့်ကြံသူများအတွက် သယ်ယူပို့ဆောင်ရေးအတွက်ပင် အသုံးပြုနိုင်သည်။</p> <p>သဘာဝ လိုအပ်ချက် - မရှိ'</p> <p>ယခုပင်လျှင် လင်းတုန်း၏ ရင်ထဲတွင် လိုအင်ဆန္ဒများဖြင့် ပူလောင်နေလေပြီ။ ဓားပျံများပေါ်တွင် ရပ်နေသည့် ကျင့်ကြံသူများ၊ သို့မဟုတ် စစ်တပ်များကို အပိုင်းပိုင်းအစစ ခုတ်ထစ်ပစ်ရန် လေထဲတွင် လွင့်မျောနေသော ဓားတိမ်တိုက်များကို ထိန်းချုပ်သည့် အကြောင်းများကို သူ ကြားဖူးခဲ့လေသည်။</p> <p>၎င်းကိုသာ ထိန်းချုပ်နိုင်ပါက မမြင်ရသော လုပ်ဖော်ကိုင်ဖက် တစ်ယောက် ရှိနေသည့်အလား နောက်ဘက်မှနေ၍ ဓားကို အသုံးပြုကာ ပိုမို သန်မာသော ပြိုင်ဘက်ကို ရင်ဆိုင်နိုင်မည် ဖြစ်သည်။ ၎င်းက သီးခြား သဘာဝ တစ်ခုကိုပင် မလိုအပ်သဖြင့်၊ သူ၏ သန့်စင်သော မာဒြာ က အစီအရင်ကို စွမ်းအား ဖြည့်ပေးနိုင်မည် ဖြစ်သည်။</p> <p>၎င်းသည် သံမဏိအဆင့် နှင့် အထက် ကျင့်ကြံသူများ အတွက်သာ သင့်လျော်သော်လည်း၊ ဆူရီရယ် နှင့် အကြီးအကဲ ဝှစ်စပါ တို့ နှစ်ဦးစလုံးက သူသည် နောက်ဆုံးတွင် ထိုအဆင့်သို့ ရောက်ရှိသွားမည်ဟု အကြံပြုထားခဲ့ကြသည်။ ထိုနေ့ရက် ရောက်လာမည့် အချိန်အတွက် ပြင်ဆင်ရန် ယခုပင် ရတနာကို ဘာကြောင့် မယူရမည်နည်း။</p> <p>နောက်ဆုံးတွင် သူသည် ပထမ သေတ္တာမှနေ၍ သူ့ကိုယ်သူ အတင်းအကျပ် ရုန်းထွက်ပြီး နောက်တစ်ခုဆီသို့ ရွှေ့သွားခဲ့သည်။ ဤသေတ္တာထဲတွင် အရောင်တင်ထားသော သစ်သားသေတ္တာ တစ်လုံးသာ ပါဝင်သော်လည်း၊ သစ်သားပြားတွင် ပုံတစ်ပုံ ပါဝင်လေသည်။ ၎င်းမှာ အလယ်ဗဟိုတွင် လေထဲတွင် လွင့်မျောနေသော သတ္တုပြားကပ် ဘောလုံး တစ်လုံး၏ ပုံကြမ်းပင် ဖြစ်သည်။</p> <p>'ဖန်ရေပြင် ကင်းစောင့်… ကိုယ်ပိုင် ကာကွယ်ရေးအတွက် ရည်ရွယ်ပြီး၊ ဖောက်ထွင်းမြင်ဖို့ မလွယ်သော မှော်ပစ္စည်း တစ်ခု ဖြစ်သည်… ပိုင်ရှင်ဆီသို့ ဦးတည်လာသော တိုက်ခိုက်မှုများကို ရိုက်ချ ဖျက်ဆီးပေးသည်… ကောင်းကင် ဂုဏ်သရေ ကျောင်းတော် မှ ဝိညာဉ်ပန်းပဲဆရာ ဆယ်ရင်နတီ က ဖန်တီးထားသည်'</p> <p>လင်းတုန်းသည် မှော်ပစ္စည်း ၏ စွမ်းအားကို အာရုံခံနိုင်သည့်အလား ဖန်သေတ္တာပေါ်တွင် ရပ်တန့်ရန် သူ၏ လက်တစ်ဖက်ကို အလိုအလျောက် ဆန့်ထုတ်လိုက်မိသည်။</p> <p>‘ဒါက ဓားပျံထက်တောင် ပိုကောင်းဦးမယ်…’ </p> <p>မှော်ပစ္စည်း များကို သက်စောင့် အော်ရာ ဖြင့် လောင်စာဖြည့်ထားသဖြင့် ယခုပင် သူ အသုံးပြုနိုင်ပြီး၊ အနည်းဆုံး သူ ကြေးအဆင့် သို့ ရောက်ရှိကာ သူ့ကိုယ်သူ အနည်းငယ် ကာကွယ်နိုင်စွမ်း ရှိလာမည့် အချိန်အထိ သူ့ကို အသက်ရှင်လျက် ထိန်းသိမ်းထားပေးမည် ဖြစ်သည်။ သူ ချက်ချင်းနီးပါး ၎င်းကို ရွေးချယ်လုမတတ် ဖြစ်သွားသည်... သို့သော် အခြား သေတ္တာ ဒါဇင်ပေါင်းများစွာ၊ ဖြစ်နိုင်သည်မှာ ရာနှင့်ချီ၍ပင် ရှိနေသေးလေသည်။</p> <p>ရက်စက်ကြမ်းကြုတ်သော အသွင်အပြင်ဖြင့် တောက်ပနေသည့် ပိတ်ထားသော အမည်းရောင် မီးအိမ်တစ်ခုအတွက် သစ်သားပြားတွင် 'ညမီးတောက် ဝိညာဉ်-မီးအိမ် ' ဟု ရေးသားထားသည်။</p> <p>'နေ့ဘက်တွင် မီး-သဘာဝ သက်စောင့် အော်ရာ ကို စုဆောင်းပြီး၊ နေဝင်ချိန်တွင် မီးတောက်တစ်ခုကို ထွက်ပေါ်စေသည်… မီး အော်ရာ ကို အလွယ်တကူ ရယူအသုံးပြုနိုင်စေပြီး၊ မည်သည့် ကျင့်ကြံသူကိုမဆို အလင်းရောင် အရင်းအမြစ် တစ်ခု ထောက်ပံ့ပေးသည်။'</p> <p>'ဝိညာဉ်-ချိတ်ပိတ်စာရွက်များ' က ၎င်းတို့၏ ကိုယ်ပိုင် သေတ္တာထဲတွင် ရှိနေသော်လည်း၊ ထိုအရာများကို သူ လျစ်လျူရှု ကျော်ဖြတ်သွားခဲ့သည်။ ၎င်းတို့မှာ လက်ဝါးအရွယ်ခန့်ရှိသော စတုဂံပုံ စက္ကူချပ်များ ဖြစ်ပြီး၊ ထိတ်လန့်ဖွယ်ကောင်းလောက်အောင် ရှုပ်ထွေးသည့် အစီအရင် မျဉ်းကြောင်းများဖြင့် ဖုံးလွှမ်းထားသည်။ ဝိညာဉ်အကြွင်းအကျန် များကို ဖမ်းဆီးရန် သို့မဟုတ် ခွဲစိတ်ရန်အတွက် အားနည်းသွားစေရန် ၎င်းတို့ထံတွင် ကပ်ထားနိုင်လေသည်။ ဝိညာဉ်-ချိတ်ပိတ်စာရွက်များသည် တန်ဖိုးကြီးမားသော်လည်း၊ ဝိညာဉ်ပန်းပဲဆရာ မှလွဲ၍ အခြား မည်သူ့အတွက်မဆို နီးပါး အသုံးမဝင်ပေ။ ထိုအရာကို သူ ဘေးဖယ်ထားလိုက်သည်။</p> <p>သေတ္တာတစ်လုံး၏ အတွင်းတွင် သစ်ပင်ငယ်လေးများ၊ ကြွက်တစ်ကောင် အရွယ်အစားရှိ မြက်ခင်းပြင် တောင်ကုန်းများနှင့် အနားသတ် တစ်လျှောက် စီးဆင်းနေဆဲဖြစ်သော မြစ်တစ်စင်း အပါအဝင် ဥယျာဉ်ငယ်လေး တစ်ခု အပြည့်အစုံ ပါဝင်လေသည်။ ဤသေတ္တာ၏ ဖန်သားမှာ အခြားအရာများထက် နှစ်ဆခန့် ပိုထူပုံရပြီး၊ ဖန်သေတ္တာအတွင်း၌ အမှန်တကယ် ဖန်သေတ္တာငယ် တစ်လုံး ထပ်ရှိနေကြောင်း သူ နားလည်သွားရန် တစ်မိနစ်၊ နှစ်မိနစ်ခန့် သေချာ ကြည့်ရှုလိုက်ရလေသည်။ ဥယျာဉ်အတွင်း၌မူ သမုဒ္ဒရာ အပြာရောင် မီးတောက်ဖြင့် ပြုလုပ်ထားသော လက်ညိုးအရွယ်ခန့် ဝိညာဉ်အကြွင်းအကျန် လေးတစ်ခုက ဆော့ကစားတတ်သော တစ္ဆေလေး တစ်ကောင်ကဲ့သို့ ဟိုဟိုဒီဒီ ပြေးလွှားနေလေသည်။ ၎င်းက မြစ်ထဲသို့ လျှောဆင်းသွားပြီး၊ မှန်ကန် ဥယျာဉ်လေး ကို တစ်ပတ်ပတ်ကာ၊ တောင်ကုန်းတစ်ခုပေါ်တွင် စက္ကန့်အနည်းငယ်မျှ မြူးထူးဆော့ကစားနေလေသည်။ လင်းတုန်းက သေတ္တာပေါ်သို့ ကိုင်းညွတ်ကြည့်လိုက်ချိန်တွင် ၎င်းက ရပ်တန့်သွားပြီး၊ သူ့ကို ကြည့်မည့်အလား မျက်နှာသွင်ပြင် မပါသော ၎င်း၏ ခေါင်းကို အပေါ်သို့ မော့လာလေသည်။</p> <p>စက္ကန့်အနည်းငယ် အကြာတွင်၊ ပျင်းရိသွားပုံရကာ မြက်ခင်းပေါ်တွင် ပြန်လည် ပျံဝဲကစားနေလေတော့သည်။</p> <p>'ဆယ်လ်ဗန် မြစ်မျိုးစေ့… ရေနှင့် အခြား မခွဲခြားနိုင်သော သဘာဝများ ပါဝင်သည့် မွေးကင်းစ ဆယ်လ်ဗန် တစ်ခု၏ မျိုးစေ့။ သန့်စင်သော မာဒြာ ထောက်ပံ့မှုဖြင့် ပြုစုပျိုးထောင်နိုင်သော်လည်း၊ ၎င်း၏ အနာဂတ် ကြီးထွားမှုကို အာမမခံနိုင်ပါ။</p> <p>သဘာဝ လိုအပ်ချက် - သန့်စင် '</p> <p>***</p> <p> </p>


Save