Book List

<h2 style="text-align: center;">အခန်း ၈၃</h2> <h2 style="text-align: center;">ကျုံးမရသော ယဲ့မင်၊ ခေတ်တစ်ခေတ်ကို လွှမ်းမိုးခြင်း၊ လျှို့ဝှက်ဆန်းကြယ် အလင်းလက်နက်</h2> <h2 style="text-align: center;">*</h2> <p> </p> <p> </p> <p>အရာအားလုံးကို သုတ်သင် ချေမှုန်းနိုင်စွမ်း ရှိသည့် တောက်ပသော ဓားတစ်လက်က ကျန်းမင်အား ကြက်သီးမွေးညင်း ထစေခဲ့သည်။ ထိုဓားကို ထိပ်တိုက် ရင်ဆိုင်ရန် သူ့တွင် ယုံကြည်မှု မရှိသလိုပင် ခံစားနေရ၏။</p> <p>ဤအရာက အချက်တစ်ချက်ကိုသာ ရှင်းလင်းစွာ ဖော်ပြနေသည်။ ထျန်းစစ်၏ နဖူးမှ ရုတ်တရက် ထွက်ပေါ်လာသော ဓားရှည်မှာ အဆင့်မြင့် တာအိုလက်နက် မဟုတ်ပေ။ အဘယ်ကြောင့်ဆိုသော် သူက ထိုကဲ့သို့ လက်နက် သုံးခုကို အလွယ်တကူ ချိုးဖျက်ခဲ့ပြီး ဖြစ်သောကြောင့်ပင်။ ထိုအရာများမှာ အလွန်တရာ ကျိုးပဲ့လွယ်လွန်းလှသည်။</p> <p>ထို့အပြင် ယင်းမှာ အကြို အင်မော်တယ် လက်နက်တစ်ခုလည်း မဟုတ်ချေ။ သို့ဆိုလျှင် သေချာပေါက် စစ်မှန်သော အင်မော်တယ် လက်နက်တစ်ခုသာ ဖြစ်ရပေမည်။</p> <p>သို့သော်လည်း ပိုင်ရှင်ဖြစ်သူ မရှိသည့်အတွက် လက်နက်က သူ့ စွမ်းအား အားလုံးကို ထုတ်သုံးမည် ဆိုလျှင်တောင် အကြို အင်မော်တယ် အဆင့်နှင့်သာ ရင်ပေါင်တန်းနိုင်ပေလိမ့်မည်။</p> <p>ထို့ကြောင့် ကျန်းမင် အနေဖြင့် ထိုလက်နက်အား အပြည့်အဝ ဖျက်ဆီးပစ်ရန် ယုံကြည်မှု မရှိလျှင်တောင် အနည်းဆုံးတော့ ထိုတိုက်ခိုက်မှုကို အပြည့်အဝ ခုခံနိုင်စွမ်း ရှိနေသေးသည်။</p> <p>ထျန်းစစ် အခြေအနေနှင့် ဓား၏ ကြောက်မက်ဖွယ် ကောင်းလှသော စွမ်းအားများအပေါ် အခြေခံ၍ သူက ကောက်ချက်တစ်ခုကို လျင်မြန်စွာ ချလိုက်၏။</p> <p>ဘန်း...</p> <p>သူ့အနောက်ရှိ ဟင်းလင်းပြင်မှာ ရုတ်တရက် ပေါက်ကွဲထွက်သွားသည်။ ကျန်းမင်က ဓား၏ ဒေါသတကြီး ခုတ်ပိုင်းမှုကို ရှောင်ရှားရန် ကြိုးပမ်းရင်း လေဟာနယ်ထဲသို့ နောက်တစ်လှမ်း ဆုတ်လိုက်သည်။</p> <p>သို့သော် အရိပ်တစ်ခုလို ပစ်မှတ်ထား ခံနေရသည့် ခံစားချက်မှာ လျော့ပါးမသွားသည့်အပြင် ဓားထိပ်ဖျားမှာ ဟင်းလင်းပြင်ကို ဖြတ်သန်း ခုတ်ပိုင်းလာပြီး တဖြည်းဖြည်း ပို၍ နီးကပ်လာလေပြီ။</p> <p>"ငါ ဒါကို ရှောင်လို့ မရဘူးလား..." ကျန်းမင် တစ်ယောက် ကြောက်ရွံ့စ ပြုလာ၏။</p> <p>သူက လက်ကို အလျင်အမြန် မြှောက်၍ လေထဲတွင် ခုတ်ပိုင်းလိုက်ရာ သူတို့နှစ်ဦးကြား လေဟာနယ်တစ်ခု ဖြစ်ပေါ်လာသည်။ ထိုလေဟာနယ်မှာ အနီးလေးဟု ထင်ရသော်လည်း အမှန်တကယ်တွင်မူ မိုင်ပေါင်းများစွာ ကွာဝေးနေ၏။</p> <p>ဖောင်း...</p> <p>သို့သော် ဓားက လွယ်ကူစွာပင် ထိုးဖောက် ဝင်ရောက်လာပြန်သည်။</p> <p>"အခု ဘာလုပ်ရမလဲ..."</p> <p>မျက်တောင်တစ်ခတ် အတွင်းမှာပင် ထိုတိုက်ခိုက်မှုကို ကာကွယ်ရန် လူသားလမ်းစဉ် မှတ်တမ်းစာအုပ်၏ ရုပ်ပိုင်းဆိုင်ရာ ဒြပ်သားကို အသုံးပြုရန် တွေးလိုက်မိသည်။ သို့သော် နောက်ဆုံးစက္ကန့်တွင် သူက လူသားလမ်းစဉ် မှတ်တမ်းစာအုပ်ကို ဆုပ်ကိုင်၍ သူ့ရှေ့၌ လှန်လှောပြီး သူ့အား ပစ်မှတ်ထားနေသော ဓားကို တိုက်ရိုက် ခုတ်ပိုင်းပစ်တော့သည်။</p> <p>ကျန်းမင်က လေထဲသို့ အလျင်အမြန် ခုန်တက်၍ ထွက်ခွာသွားခဲ့သည်။ တစ်ချိန်တည်းမှာပင် ပစ်မှတ် ပျောက်ဆုံးသွားသော ဓားမှာလည်း လာလမ်းအတိုင်း ပြန်လှည့်သွားရလေပြီ။</p> <p>လက်တွေ့လောကသို့ ပြန်ရောက်လာချိန်တွင် ကျန်းမင်က တောင်ထွတ်တစ်ခုပေါ်၌ အနားယူလိုက်၏။</p> <p>ထို့နောက် လူသားလမ်းစဉ် မှတ်တမ်းစာအုပ်ကို ခေါ်ထုတ်သည်။</p> <p>အမည် - ထျန်းစစ်</p> <p>မျိုးနွယ် - အင်မော်တယ်</p> <p>လိင် - ကျား</p> <p>ကျင့်ကြံခြင်း အဆင့် - တာအိုမျိုးစေ့ အဆင့်</p> <p>နောက်ခံ - ထျန်းယွမ် ကျောင်းတော်၏ ခေတ်ပြိုင် စီနီယာအစ်ကို (ချန်ကွမ်း အင်မော်တယ် စံအိမ်)</p> <p>ဆက်ဆံရေး - အနှုတ် ၉၇</p> <p>မွေးရာပါ ပါရမီ - အင်မော်တယ် (အကြို အင်မော်တယ်၊ ဝင်စားလာသော အင်မော်တယ် ဝိညာဉ် အပိုင်းအစ)</p> <p>အခြေအနေ - တိုက်ပွဲတွင် ရှုံးနိမ့်ပြီးနောက် ကျိုယန်ဂိုဏ်းမှ ထွက်ခွာလာခဲ့သည်။ သုခဘုံအဆင့် ကျွမ်းကျင်သူ တစ်ယောက်၏ အပျက်အစီးများကို ရှာတွေ့ပြီး အကျိုးအမြတ်များ ရရှိခဲ့သည်။ ကျောင်းတော်သို့ အလျင်စလို ပြန်လာစဉ် လိုက်လံ သတ်ဖြတ်ခြင်း ခံခဲ့ရသည်။</p> <p>'အဆင့်မြင့် တာအိုလက်နက် သုံးခုလုံး လုံးဝ ပျက်စီးသွားတယ်... အထူးစွမ်းရည် တစ်ခုတည်းနဲ့ အဆင့်မြင့် တာအိုလက်နက်တွေကိုတောင် ဖျက်ဆီးပစ်နိုင်တယ်ဆိုတော့ သူ့စွမ်းအားတွေက ဘယ်လောက်တောင် အဓိပ္ပာယ်မဲ့နေတာလဲ...'</p> <p>'ကံကောင်းလို့ ငါ့မှာ ရုပ်သေး ကိုယ်ပွား အစားထိုးခြင်း အဆောင် ရှိနေလို့ အသက်အန္တရာယ်ကနေ လွတ်မြောက်ခဲ့တာ... ဒါတောင် ငါ့ပစ္စည်းတွေ အကုန်လုံး လုံးဝ ပျက်စီးသွားပြီ...'</p> <p>သူ့အစောင့်အရှောက် ဖြစ်သူ လျူယွမ် အချိန်မီ ရောက်လာသည်ကို မြင်လိုက်ရချိန်တွင် သူ အလွန် ဝမ်းသာသွားခဲ့သည်။ သူက အစောင့်အရှောက် ဖြစ်သူအနေဖြင့် အချိန်ပိုဆွဲထားနိုင်ရန် ဆုတောင်းရင်း အဝေးသို့ အလျင်အမြန် ဆုတ်ခွာသွားခဲ့၏။ ကံမကောင်းစွာဖြင့် သူ့အစောင့်အရှောက်မှာ ချက်ချင်းပင် သတ်ဖြတ်ခံလိုက်ရသည်။ သူ့နောက်ကို ထပ်မံ လိုက်လံ ဖမ်းဆီးနေကြောင်း သိလိုက်ရချိန်တွင် မျှော်လင့်ချက် ကင်းမဲ့သွားတော့သည်။</p> <p>သေလုမြောပါး အခြေအနေတွင် သူ့နဖူးမှ ဓားတစ်လက် ရုတ်တရက် ထွက်ပေါ်လာချိန်၌ သူ အံ့အားသင့်သွားခဲ့ရ၏။ ထိုဓား၏ ကြောက်မက်ဖွယ် ကောင်းသော အငွေ့အသက်ကို ခံစားမိပြီး ရန်သူကို နောက်ဆုတ်သွားစေနိုင်စွမ်း ရှိသည်ကို မြင်လိုက်ရသောအခါ အလွန် အံ့ဩသွားတော့သည်။</p> <p>ဓားပြန်လှည့်လာသည်ကို မြင်လိုက်ရချိန်တွင် ထိုဓား အနေဖြင့် ရန်သူကို ချေမှုန်းနိုင်ခဲ့ခြင်း ရှိ၊ မရှိ သူ သေချာ မသိခဲ့ပေ။ ထိုစဉ် ရုတ်တရက် အချက်အလက်များက သူ့ထံသို့ စီးဝင်လာခဲ့သည်။</p> <p>ထိုဓားမှာ လျှို့ဝှက်ဆန်းကြယ် အလင်းဓား ဖြစ်ကြောင်း သူ သိလိုက်ရ၏။ ၎င်းက သေမျိုးများ၏ အချုပ်အနှောင်ကို ကျော်လွန်နေသော စစ်မှန်သည့် အင်မော်တယ် လက်နက်တစ်ခု ဖြစ်ပြီး အင်မော်တယ်များသာလျှင် ၎င်း၏ စွမ်းအားကို အပြည့်အဝ ဖော်ဆောင်နိုင်ပေလိမ့်မည်။ ၎င်းအထဲတွင် အလိုအလျောက် ကာကွယ်ပေးနိုင်သော စွမ်းရည် သုံးကြိမ် ပါဝင်ပြီး ယခု တစ်ကြိမ် အသုံးပြုပြီးသွားပြီ ဖြစ်သည်။</p> <p>'ဘာလို့ ငါ့မှာ ဒီလို လက်နက်မျိုး ရှိနေရတာလဲ... ငါ့မှာ ငါကိုယ်တိုင်တောင် မသိတဲ့ ဖုံးကွယ်ထားတဲ့ နောက်ခံတစ်ခု ရှိနေတာများလား...'</p> <p>...</p> <p>ထျန်းစစ်၏ အခြေအနေကို စစ်ဆေးပြီးနောက် ကျန်းမင် မျက်မှောင်ကြုတ်သွား၏။</p> <p>အဆင့်မြင့် ခံစစ် တာအိုလက်နက် သုံးခုသာမက အင်မော်တယ် လက်နက်တစ်ခုပါ ပိုင်ဆိုင်ထားသော ထျန်းစစ်မှာ မည်မျှ ကောင်းချီးပေးခံထားရကြောင်း သူ စိတ်ကူးနှင့်ပင် မှန်းဆ၍ မရနိုင်ချေ။ ကံကောင်းလွန်းလှသည် မဟုတ်ပါလား။</p> <p>'အချိန် နည်းနည်း ကျန်သေးတယ်...' ကျန်းမင် တွေးလိုက်သည်။</p> <p>သူက မူလစွမ်းအား၏ အစိတ်အပိုင်း အနည်းငယ်သာ ပါဝင်သော ကိုယ်ပွားတစ်ခုကို ထပ်မံ ဖန်တီးလိုက်သည်။ ထိုမျှဆို လုံလောက်ပြီဟု သူ တွေးခဲ့မိ၏။</p> <p>သူက လူသားလမ်းစဉ် မှတ်တမ်းစာအုပ်မှ တစ်ဆင့် ထျန်းစစ် ရှိနေသော နေရာသို့ သူ့ကိုယ်ပွားကို စေလွှတ်လိုက်သည်။ သို့သော် ချက်ချင်းပင် ဖျက်ဆီးခံလိုက်ရ၏။</p> <p>ကျန်းမင်မှာ ဟင်းလင်းပြင်ကို ဖြတ်သန်း သွားလာနေရင်း မျက်မှောင်များ ပို၍ ကြုတ်သွားတော့သည်။ မျက်တောင်တစ်ခတ် အတွင်းမှာပင် သူက ထျန်းစစ်နှင့် မိုင်တစ်ထောင် အကွာသို့ ရောက်သွားခဲ့လေပြီ။</p> <p>လူငယ် တစ်ယောက်က ထျန်းစစ်ဘေးတွင် ရုတ်တရက် ထွက်ပေါ်လာ၏။</p> <p>ကျန်းမင်က ကောင်းကင်ခွင်းဓားကို အလျင်အမြန် ဆွဲထုတ်၍ ကောင်းကင်ခွင်း ဓားသိုင်းအား ထုတ်ဖော်သည်။</p> <p>တစ်ချိန်တည်းမှာပင် သူ့အသိစိတ်က လူသားလမ်းစဉ် မှတ်တမ်းစာအုပ်အား လျင်မြန်စွာ ဖတ်ရှုလိုက်၏။</p> <p>အမည် - ယဲ့မင်</p> <p>မျိုးနွယ် - လူသား</p> <p>လိင် - ကျား</p> <p>ကျင့်ကြံခြင်း အဆင့် - အနိမ အဆင့်</p> <p>နောက်ခံ - ထျန်းယွမ် ကျောင်းတော်၏ မဟာ အကြီးအကဲများထဲမှ တစ်ဦး</p> <p>ဆက်ဆံရေး - အနှုတ် ၈၂</p> <p>မွေးရာပါ ပါရမီ - အင်မော်တယ် (ဟင်းလင်းပြင် ပုံရိပ်ယောင် နတ်ဘုရား ခန္ဓာကိုယ်)</p> <p>အခြေအနေ - ထျန်းယွမ် ကျောင်းတော်၏ ယခင်ခေတ် အတော်ဆုံး တပည့်တစ်ဦး။ ဟင်းလင်းပြင် ပုံရိပ်ယောင် နတ်ဘုရား ခန္ဓာကိုယ်ကို ပိုင်ဆိုင်ထားသည်။ အင်မော်တယ် ဆေးတစ်မျိုး ဖြစ်သော မြူခိုးပန်းကို မရည်ရွယ်ဘဲ စားသုံးမိခဲ့ပြီး လုံးဝ ခိုင်မာသော အခြေခံအုတ်မြစ်တစ်ခု တည်ဆောက်ရာတွင် ကူညီပေးခဲ့သည်။</p> <p>အသက်ရှစ်နှစ် အရွယ်တွင် စတင် ကျင့်ကြံခဲ့ပြီး အသက် ၁၀ နှစ်၊ ၁၅ နှစ်၊ ၂၂ နှစ်၊ ၃၀ နှစ်နှင့် ၃၁ နှစ်တို့တွင် အုတ်မြစ် တည်ဆောက်ခြင်း အဆင့်၊ ရွှေအမြူတေ ဖွဲ့စည်းခြင်း အဆင့်၏ ရွှေရောင် ရွှေအမြူတေ၊ ရွှေရောင် ရွှေအမြူတေ နဝမမြောက် အစွန်းရောက် အဆင့်နှင့် ခရမ်းရောင် နန်းတော် အဆင့်များသို့ အသီးသီး တက်လှမ်းနိုင်ခဲ့သည်။ အသက် ၃၂ နှစ်တွင် ဟင်းလင်းပြင် တာအိုမျိုးစေ့ကို အောင်မြင်စွာ ဖန်တီးနိုင်ခဲ့၏။ အသက် ၆၈ နှစ် အရွယ်တွင် ဟင်းလင်းပြင် သမ္ဗောဓိဉာဏ်၏ အခက်အလက် အားလုံးကို အပြည့်အဝ နားလည် သဘောပေါက်ခဲ့ရုံသာမက အရာအားလုံးကို ဟင်းလင်းပြင် တာအိုမျိုးစေ့ အဖြစ်သို့ပါ အောင်မြင်စွာ ပေါင်းစပ်နိုင်ခဲ့သည်။</p> <p>အသက် ၇၅ နှစ် မတိုင်မီတွင် သူတော်စင် သားတော်များ၊ သူတော်စင် သမီးတော်များ၊ နတ်ဘုရားနှင့် သူတော်စင် ခန္ဓာကိုယ် ပိုင်ရှင် ကျင့်ကြံသူများ အားလုံးကို အနိုင်ယူပြီး ထိုခေတ်အခါက လူများကို လွှမ်းမိုးထားနိုင်ခဲ့သည်။ မိစ္ဆာများကို ချေမှုန်းပြီး ပါရမီရှင် အများအပြားကို စိတ်ပျက်အားငယ်စေခဲ့၏။ မရေမတွက်နိုင်သော လုပ်ကြံသတ်ဖြတ်မှုများကို ကြုံတွေ့ခဲ့ရသော်လည်း အရာအားလုံးကို ကျော်လွှားနိုင်ခဲ့သည်။</p> <p>ထိုနှစ်တွင်ပင် အမျိုးသမီး တစ်ဦးနှင့် တွေ့ဆုံကာ နက်ရှိုင်းစွာ ချစ်ကျွမ်းဝင်ခဲ့သော်လည်း သူ့ ကျင့်ကြံခြင်းမှာ အလွန်အမင်း တိုးတက်နေဆဲပင်။ အသက် ၇၈ နှစ်တွင် ဟင်းလင်းပြင် တာအိုမျိုးစေ့ကို အပြည့်အဝ ကျွမ်းကျင်သွားပြီး အသက် ၇၉ နှစ်တွင် မူလဝိညာဉ် အဆင့်သို့ လည်းကောင်း၊ အသက် ၈၀ တွင် ကနဦးဝိညာဉ် အဆင့်သို့ လည်းကောင်း အဆင့်တက်လှမ်းနိုင်ခဲ့သည်။</p> <p>အသက် ၁၀၀ အရွယ်တွင် သုခဘုံအဆင့်သို့ ရှေ့ဆောင် လမ်းပြနိုင်ခဲ့ပြီး ကြီးမားသော ဂယက်ရိုက်ခတ်မှုများ ဖန်တီးနိုင်ခဲ့သည်။ တံခါးပိတ် ကျင့်ကြံရာမှ ထွက်လာပြီးနောက် သူနှင့် အဆင့်တူသူတိုင်းကို လွှမ်းမိုးထားနိုင်ခဲ့ပြီး အနိမ အဆင့် ကျင့်ကြံသူများကိုပင် ချေမှုန်းနိုင်စွမ်း ရှိလာသဖြင့် သူ့အား ရှုံးနိမ့်ခြင်းမရှိသူ အဖြစ် သတ်မှတ်ခဲ့ကြသည်။</p> <p>အသက် ၁၂၀ တွင် အနိမ အဆင့်သို့ တက်လှမ်းနိုင်ခဲ့သော်လည်း သူ့အား ကျွန်အဖြစ် စေခိုင်းလိုသော ဇနီးဖြစ်သူ၏ ကျောချမ်းဖွယ် သစ္စာဖောက်ခြင်းကို ခံခဲ့ရသည်။ ပြင်းထန်သော စမ်းသပ်မှုကြီး တစ်ခုလုံးကို ကျော်လွှားနိုင်ခဲ့သော်ငြား ထိုဖြစ်ရပ် တစ်ခုလုံးက သူ့ ကျင့်ကြံခြင်း လမ်းကြောင်းတွင်သာမက နှလုံးသားထဲတွင်ပါ အမာရွတ် တစ်ခု ချန်ရစ်ခဲ့လေသည်။</p> <p>ထပ်မံ စုံစမ်းစစ်ဆေးပြီးနောက် သူ့ဘဝ၏ အချစ်ရဆုံးသူမှာ အမှန်တကယ်တွင် လောကရှိ အကောင်းဆုံး ပါရမီရှင်များကို မြှူဆွယ်ရန် အထူး လေ့ကျင့်ပေးထားသော ချီချင်းမို ဂိုဏ်း၏ လျှို့ဝှက်တပည့် တစ်ယောက် ဖြစ်ကြောင်း သိလိုက်ရသည်။ သို့သော် သူ့ ကျင့်ကြံခြင်းအပေါ် စိတ်ပိုင်းဖြတ်ထားမှုမှာ တုန်လှုပ်ခြင်း မရှိသဖြင့် ထိုအမျိုးသမီး အနေဖြင့် တိုက်ခိုက်ရန် အခွင့်အရေး မရှာတွေ့ခဲ့ပေ။ အခွင့်အရေးများ တဖြည်းဖြည်း နည်းပါးလာသည်ဟု ခံစားရသဖြင့် သူမက သူ အနိမ အဆင့်သို့ စတင် တက်လှမ်းချိန်တွင် လှုပ်ရှား ဆောင်ရွက်ခဲ့သော်လည်း ကျရှုံးသွားခဲ့သည်။</p> <p>ထိုနောက်ပိုင်း ဒဏ်ရာမှ ပြန်လည် သက်သာလာစေရန် တံခါးပိတ် ကျင့်ကြံခဲ့ပြီး ရံဖန်ရံခါမှသာ လှုပ်ရှားလေ့ ရှိတော့သည်။</p> <p>တပည့်များကို စစ်ဆေးရန် ကျောင်းတော်တွင် တစ်ခါတစ်ရံ ထွက်ပေါ်လာတတ်သော်လည်း သူတို့အပေါ် ကျေနပ်မှု မရှိခဲ့ပေ။ ထျန်းစစ်ကို ရှာတွေ့မှသာ သူ ကျေနပ်အားရသွားတော့သည်။ စုံစမ်းစစ်ဆေးမှုများ ပြုလုပ်ပြီးနောက် ထျန်းစစ်မှာ အကြို အင်မော်တယ် ဖြစ်ရုံသာမက အလွန် ကောင်းမွန်သော ကံကြမ္မာကိုလည်း ပိုင်ဆိုင်ထားကြောင်း သိလိုက်ရ၏။ သူက အလွန် ကံကောင်းလွန်းသဖြင့် အဆင့်မြင့် ကာကွယ်ရေး စစ်ဝတ်တန်ဆာ တာအိုလက်နက်နှင့် ချန်လန်ကြေးမုံကိုပင် ကိုယ်တိုင် ရှာဖွေရရှိခဲ့၏။</p> <p>သူက ထျန်းစစ်အား လေ့ကျင့်ပေးရန် ရည်ရွယ်ချက်ဖြင့် ရံဖန်ရံခါ စောင့်ကြည့်လေ့ ရှိသည်။ မိမိကိုယ်ကို ကာကွယ်နိုင်ရန်အတွက် အဆင့်မြင့် တာအိုလက်နက် ဖြစ်သော သံသရာ ကိုးကြိမ် ဖန်စေတီကိုပင် ပေးအပ်ခဲ့သေးသည်။</p> <p>ထျန်းစစ် တစ်ယောက် လျူယွမ်အား အစောင့်အရှောက်အဖြစ် ခေါ်ဆောင်၍ အပြင်ထွက်သွားကြောင်း ကြားသိရချိန်တွင် လုံးဝ စိုးရိမ်ပူပန်ခြင်း မရှိခဲ့ချေ။ သို့တိုင် မမျှော်လင့်ထားသော အဖြစ်အပျက်များကို ရှောင်ရှားနိုင်ရန် ဆိုးရွားသော ကိစ္စရပ်များ ဖြစ်ပေါ်လာပါက ချက်ချင်း ဆက်သွယ်နိုင်ရန် လျူယွမ်အား အမှတ်အသားပြား တစ်ခု ပေးအပ်ခဲ့သည်။</p> <p>လျူယွမ်၏ အကူအညီတောင်းခံမှုကို လက်ခံရရှိချိန်တွင် အမှတ်အသားပြားကို အလျင်အမြန် ခြေရာခံပြီး လေဟာနယ်ကို ဆုတ်ဖြဲကာ ရောက်ရှိလာခဲ့သော်လည်း ထျန်းစစ်အား တစ်စုံတစ်ယောက်က သတ်ဖြတ်ရန် ကြိုးစားနေသည်ကို မြင်တွေ့လိုက်ရ၏။ ဒေါသတကြီးဖြင့် သူက ထိုသူကို ချက်ချင်း သတ်ဖြတ်ပစ်လိုက်သည်။</p> <p>ယခင်က တစ်ခါမှ မဖြစ်ဖူးသော ယဲ့မင်၏ မယုံကြည်နိုင်လောက်အောင် အသေးစိတ်ကျလှသည့် အချက်အလက်များကို ကြည့်ပြီး ကျန်းမင် အံ့အားသင့်သွားသည်။</p> <p>ထို့အပြင် ဤသည်မှာ လူသားလမ်းစဉ် မှတ်တမ်းစာအုပ်မှ ဖော်ပြခဲ့သမျှထဲတွင် အသေးစိတ်အကျဆုံး သတင်းအချက်အလက် ဆိုလျှင်လည်း မမှားပေ။</p> <p>ယဲ့မင်မှာ အင်မော်တယ် မွေးရာပါ ပါရမီ ပိုင်ဆိုင်ထားသောကြောင့် သူ့အတွက် ကြီးမားသော ရန်သူတစ်ဦး ဖြစ်ကြောင်း ကျန်းမင် ခံစားလိုက်ရသည်။ ထို့အပြင် ဟင်းလင်းပြင် သမ္ဗောဓိဉာဏ်ကို အထူးပြုလေ့လာထားသော အနိမ အဆင့် ကျင့်ကြံသူ တစ်ဦးလည်း ဖြစ်၏။ သူ့ စွမ်းအားမှာ အကြို အင်မော်တယ် တစ်ဦးထက်ပင် အားမနည်းချေ။</p> <p>သို့သော်လည်း ကျန်းမင်မှာ ကြောက်ရွံ့ခြင်း အလျဉ်းမရှိပေ။</p> <p>"ငါ့ကျောင်းတော်က ပါရမီရှင်ကို လိုက်လံ သတ်ဖြတ်ပြီး မဟာ အကြီးအကဲကိုတောင် သတ်ရဲတယ်ပေါ့လေ... မင်းက ကိုယ့်သေတွင်းကိုယ် တူးနေတာပဲ..." ယဲ့မင်က ဒေါသတကြီး အော်ဟစ်လိုက်သည်။</p> <p>တစ်ချိန်တည်းမှာပင် သူက ဓားကို ဝှေ့ယမ်း၍ ကျန်းမင်၏ တိုက်ခိုက်မှုကို ခုတ်ပိုင်း ချေဖျက်၏။</p> <p>ထို့နောက် ထျန်းစစ်အား မိုင်တစ်ထောင် အကွာရှိ တောင်ထွတ်တစ်ခုပေါ်သို့ တွန်းပို့သည်။</p> <p>ယဲ့မင်က နောက်ကိုပင် လှည့်မကြည့်ဘဲ လက်ကို ဝှေ့ယမ်းပြီး ဟင်းလင်းပြင် နိယာမ၏ စွမ်းအားများကို ဖော်ဆောင်၍ ထျန်းစစ် ပတ်ပတ်လည်တွင် ပြိုင်ဘက်ကင်း အစီအရင် တစ်ခုကို ချထားလိုက်သည်။</p> <p>"အရမ်းကောင်းတဲ့ နည်းစနစ်ပဲ..." ကျန်းမင်ပင် မျက်လုံးများ တောက်ပလာလျက် လက်ခုပ်တီး၍ ချီးကျူးမိသည်။</p> <p>ထိုစဉ် သူ့ခန္ဓာကိုယ်မှာ တဖြည်းဖြည်း ကြီးထွားလာပြီး မိုင်ဝက်ခန့် အမြင့်သို့ ရောက်ရှိသွားသည်။ သူ့အငွေ့အသက်များ၊ အထူးသဖြင့် သွေးများမှာ အဆပေါင်းများစွာ တိုးပွားလာပြီး လှိုင်းလုံးကြီးများက အရာအားလုံးကို ရိုက်ခတ်နေသကဲ့သို့ ခံစားလာရ၏။ ထိုမျှ ကြီးမားလှသော စွမ်းအားအောက်တွင် ပတ်ဝန်းကျင် တစ်ခုလုံးမှာ ပျက်စီးလုနီးပါး ဖြစ်နေလေပြီ။</p> <p>ကျန်းမင်က ကောင်းကင်ခွင်းဓားဖြင့် အာကာပြင် သဏ္ဌာန်မဲ့ ဓားချီကို ယဲ့မင်ထံသို့ ပစ်လွှတ်လိုက်သည်။ ထို့နောက် ဓားကို အာဏာရှင် လှံရှည်ဖြင့် အစားထိုးကာ ယဲ့မင်ထံသို့ ပြေးဝင်သွားတော့သည်။</p> <p>တစ်ချိန်တည်းမှာပင် ကိုယ်ပွားတစ်ခုကို တိတ်တဆိတ် ဖန်တီးပြီး လူသားလမ်းစဉ် မှတ်တမ်းစာအုပ် အသုံးပြု၍ ထျန်းစစ် အထက်သို့ စေလွှတ်လိုက်၏။ ကိုယ်ပွားက လက်ဖဝါးကို လှန်ချပြီး ကောင်းကင်ဖိနှိပ်ခြင်း နတ်ဘုရားတံဆိပ်တုံးကို ထုတ်ဖော်လာခဲ့လေပြီ။</p> <p> </p> <p> </p> <p style="text-align: center;">End</p> <p style="text-align: center;">***</p>


Save