Book List

<h2 style="text-align: center;">​အပိုင်း (၅၆၃)</h2> <h2 style="text-align: center;">စိတ်ဓာတ်စစ်ဆင်ရေး</h2> <h2 style="text-align: center;">*</h2> <p> </p> <p> </p> <p>​စပါတာ (Sparta) ဆန့်ကျင်ရေး မဟာမိတ် အဖွဲ့ အတွက် စိတ်လှုပ်ရှားစရာ ဖြစ်စေခဲ့တဲ့ သတင်းက အေဂျီဆီလော့စ် (Agesilaus) ကိုတော့ ထိတ်လန့်စေခဲ့တယ်။ အခြေအနေ မကောင်းမှန်း ရိပ်မိတဲ့ အေဂျီဆီလော့စ် က ကိုရင့်သ် (Corinth) ပင်လယ်ကွေ့မှာ သိမ်းပိုက်ထားတဲ့ ဆိပ်ကမ်းတွေ၊ မြို့တွေကို စွန့်ခွာဖို့ တပ်တွေကို ချက်ချင်း အမိန့်ပေးလိုက်တယ်။ အရပ်ရပ်က ဝိုင်းခံရမှာ စိုးလို့လေ။</p> <p>​ကံဆိုးတာက သူ့အမိန့် နောက်ကျသွားတယ်။ အစ်ဖီကရိတ်စ် (Iphicrates) ဦးဆောင်တဲ့ စိတ်ဓာတ်တက်ကြွနေတဲ့ မဟာမိတ် တပ်တွေက လူခွဲပြီး လီခေယွန် (Lechaion) နဲ့ စီဆိုင်ယွန် (Sicyon) ဆိပ်ကမ်းတွေကို ပြန်သိမ်းဖို့ ကြိုးစားကြတယ်။ ရလဒ် အနေနဲ့ ဘီအိုရှား (Boeotia) နယ်မြေထဲထိ ထိုးဖောက် ဝင်ရောက်သွားပြီး၊ ကိုရင့်သ် ပင်လယ်ကွေ့ မြို့တွေမှာ တပ်စွဲထားတဲ့ စပါတာ မဟာမိတ် တပ်တွေရဲ့ အပြန်လမ်းကို ဖြတ်တောက်လိုက်နိုင်တယ်။</p> <p>​အေဂျီဆီလော့စ် က သူ့ဖအေတူ မအေကွဲ ညီ တယ်လီယူသီးယပ်စ် (Teleutias) ကို ရေတပ် ဦးဆောင်ပြီး ပြန့်ကျဲနေတဲ့ တပ်တွေကို ပြန်ခေါ်၊ လီခေယွန် နဲ့ စီဆိုင်ယွန် မှာ ချထားဖို့ အလောတကြီး အမိန့်ပေးလိုက်တယ်။ ကိုရင့်သ် က အရေးပါတဲ့ ဒီဆိပ်ကမ်းမြို့ ၂ မြို့ကို အဓိကထား ကာကွယ်တော့မယ် ဆိုတဲ့ သဘောပဲ။ ဒါကြောင့် စပါတာ မဟာမိတ် တပ်တွေရဲ့ တိုက်စစ် အရှိန်အဟုန် ရပ်တန့်သွားပြီး ခံစစ် ပြောင်းလိုက်ရတယ်။</p> <p>​ရလဒ် အနေနဲ့ လီခေယွန် တိုက်ခိုက်မှု တွန်းလှန်ခံရပြီးနောက် စပါတာ ဆန့်ကျင်ရေး မဟာမိတ် အဖွဲ့လည်း တိုက်စစ် ရပ်လိုက်ရတယ်။</p> <p>​နှစ်ဖက်စလုံး ရှေ့မတိုး နောက်မဆုတ် အခြေအနေ ပြန်ရောက်သွားတယ်။</p> <p>​ဒါပေမဲ့ ရဲရင့်တဲ့ အစ်ဖီကရိတ်စ် က ဒီအခြေအနေနဲ့ မကျေနပ်သေးဘူး။ အပေါ့စား ခြေလျင်တပ်တွေကို ဦးဆောင်၊ ရိက္ခာတွေ သယ်ပြီး ပယ်လိုပိုနီးစ် (Peloponnese) အလယ်ပိုင်း၊ စပါတာ ရဲ့ သစ္စာအရှိဆုံး လက်အောက်ခံ အာကေးဒီးယား (Arcadia) ကို ရဲရဲဝံ့ဝံ့ ကျူးကျော်ဝင်ရောက်သွားတယ်။ ရွာတွေကို စီးနင်း၊ ရိက္ခာတွေ လု၊ လယ်ယာတွေ ဖျက်ဆီးပြီး လာတိုက်တဲ့ အာကေးဒီးယား တပ်တွေကို ကြိမ်ဖန်များစွာ ခြုံခိုတိုက်ခိုက်တယ်။ နောက်ဆုံးတော့ အာကေးဒီးယား တွေ ပြန်မတိုက်ရဲတော့ဘူး။ ဒါပေမဲ့ သူတို့ ဖျက်ဆီးနေတာကို လစ်လျူရှုထားလို့ မရပြန်တော့ အေဂျီဆီလော့စ် ဆီ အကူအညီ တောင်းရတော့တယ်။</p> <p>​အာကေးဒီးယား တွေ အကူအညီ တောင်းတာ လက်ခံရရှိတော့ အေဂျီဆီလော့စ် အကြပ်ရိုက်သွားတယ်။ လက်ရှိမှာ စပါတာ မဟာမိတ် တပ်မတော်က ရန်သူ့ တိုက်စစ် ဖိအားနဲ့ စိတ်ဓာတ် မြင့်မားမှုကို ရင်ဆိုင်နေရသလို၊ လူအင်အားလည်း နည်းနေတယ်။ ပြီးတော့ အစ်ဖီကရိတ်စ် တပ်ဖွဲ့က အရှုပ်ထွေးဆုံးပဲ။ အေဂျီဆီလော့စ် က သူ့ကို ကြောက်စရာ ကောင်းတဲ့ ရန်သူလို့ သတ်မှတ်ထားတာ။ တပ်သား နည်းနည်းပဲ လွှတ်ရင် ကောက်ကျစ်တဲ့ အေသင် (Athenian) ခေါင်းဆောင် လက်ချက်နဲ့ ရှုံးမှာ စိုးတယ်။ များများ လွှတ်ရင် ကိုရင့်သ် က ရန်သူတွေ အခွင့်ကောင်း ယူပြီး တန်ပြန် တိုက်မှာ စိုးတယ်။</p> <p>​ဒါပေမဲ့ စပါတာ အနေနဲ့ အာကေးဒီးယား ကို ကယ်ရဦးမယ်။ ပယ်လိုပိုနီးဆန်း မဟာမိတ် အဖွဲ့ (Peloponnesian League) ခေါင်းဆောင် အနေနဲ့၊ ဒီလီယန် မဟာမိတ် အဖွဲ့ (Delian League) ခေါင်းဆောင်ဟောင်း အေသင် နဲ့ အများကြီး ကွာခြားတယ်။</p> <p>​အေသင် က မဟာမိတ်တွေ အပေါ် ဆက်ဆံပုံက အနိုင်ကျင့် ဗိုလ်ကျတာမျိုး။ မဟာမိတ်တွေက အခွန်ဆက်ရ၊ တပ်လွှတ်ပေးရ၊ အေသင် နဲ့ နီးစပ်တဲ့ ဒီမိုကရက် တွေကို ထောက်ခံရတယ်။ အေသင် ကုန်သည်တွေက မဟာမိတ် နယ်မြေတွေမှာ အခွင့်ထူး ရကြတယ်။ ပြဿနာ ဖြစ်ရင် အေသင် တရားရုံးမှာပဲ ဖြေရှင်းရတယ်။ ဒီလီယန် မဟာမိတ် အဖွဲ့ ဝင်ပြီးမှ ပြန်ထွက်ချင်ရင် အေသင် တပ်မတော်က လာတိုက်တတ်သေးတယ်။</p> <p>​စပါတာ တွေကတော့ မဟာမိတ်တွေ အပေါ် ပိုကောင်းကောင်း ဆက်ဆံတယ်။ စပါတာ ကို သစ္စာမဖောက်သရွေ့၊ ကိစ္စတွေကို မဟာမိတ်တွေနဲ့ ညှိနှိုင်း ဆုံးဖြတ်လေ့ ရှိတယ်။ ဘာလို့လဲ ဆိုတော့ သူတို့မှာ အေသင် လို လူဦးရေ အများကြီး မရှိ၊ ဘဏ္ဍာရေး မတောင့်တင်း၊ ရေတပ် အင်အား မကြီးလို့ပဲ။ စပါတာ မဟာမိတ် တပ်မတော် ထဲမှာတောင် စပါတာ တပ်သား စစ်စစ်က လူနည်းစု။ စပါတာ က ရာစုနှစ်များစွာ တည်ဆောက်ခဲ့တဲ့ စပါတာ စစ်သည်တော်တွေရဲ့ ဂုဏ်သတင်းကို အားကိုးနေရပေမယ့်၊ မဟာမိတ်တွေ မပါရင် ဘာမှ မလုပ်နိုင်ဘူး။ အေသင် ကို အနိုင်တိုက်ပြီးနောက် စပါတာ တွေ မာနကြီးလာပြီး မဟာမိတ်တွေ အပေါ် သဘောထား ပြောင်းလဲလာပေမယ့်၊ အဓိက အချက်ကတော့ မပြောင်းလဲဘူး - စပါတာ က မဟာမိတ်တွေကို လိုအပ်နေတုန်းပဲ။</p> <p>​ဘုရင် တစ်ပါး အနေနဲ့ အေဂျီဆီလော့စ် ဒီကိစ္စကို ကောင်းကောင်း သိတယ်။ ဒါကြောင့် စပါတာ ကို ပြန်ပြီး၊ အကြီးအကဲ ကောင်စီ (Gerousia) ကို အခြေအနေ တင်ပြကာ အာကေးဒီးယား ဆီ စစ်ကူ ပိုလွှတ်ပေးဖို့ တောင်းဆိုဖို့ ဆုံးဖြတ်လိုက်တယ်။</p> <p>​. . . . . . . . . . . . .</p> <p>​နောက်တစ်နေ့ မနက်မှာ ဒါးဗို့စ် (Davos) မနက်စာ စားပြီးတာနဲ့ ကိုယ်ရံတော် ခေါင်းဆောင် မာတီယပ်စ် (Martius) တဲထဲ ဝင်လာတယ်။</p> <p>​"ဘုရင်မင်းမြတ်... မစ်သရီဒိတ် (Mithridates) ဝင်တွေ့ခွင့် တောင်းပါတယ်"</p> <p>​ဒါးဗို့စ် ရင်ထဲ ဒိန်းခနဲ ဖြစ်သွားတယ်။</p> <p>​"ဝင်ခိုင်းလိုက်"</p> <p>​မစ်သရီဒိတ် စိုးရိမ်တကြီး ဝင်လာပြီး ဒူးတစ်ဖက်ထောက်ကာ ချက်ချင်း ပြောတယ်။</p> <p>​"ဘုရင်မင်းမြတ်... ခွင့်လွှတ်ပေးဖို့ တောင်းပန်ချင်ပါတယ်! မနေ့က အမိန့်ရပြီးတာနဲ့ စကိုင်လက်တီယမ် (Scylletium) ဆိပ်ကမ်း အပြင်ဘက်မှာ ကင်းလှည့်ဖို့ စစ်သင်္ဘောတွေ ပိုလွှတ်ထားခဲ့ပါတယ်။ ဘုရင်မင်းမြတ် မျှော်လင့်ထားတဲ့ အတိုင်း ညဉ့်နက်ပိုင်းမှာ ရန်သူ့ သင်္ဘော တစ်စီး ဆိပ်ကမ်းထဲက ထွက်ပြေးပါတယ်။ ကျွန်တော်တို့ စစ်သင်္ဘောတွေ အစွမ်းကုန် ပိတ်ဆို့ပေမယ့်၊ ရန်သူက ကျွမ်းကျင်တဲ့ လှေမောင်း စွမ်းရည်နဲ့ ဖောက်ထွက်ပြီး တောင်ဘက်ကို ပြေးသွားပါတယ်။ အမြန်ရွက်လှေ ၂ စီး လိုက်သွားပေမယ့် သတင်း ဘာမှ မရသေးပါဘူး..."</p> <p>​"ဆီရာကျု (Syracusans) တွေက သီအိုနီယာ ရေတပ် ပိတ်ဆို့ထားတာကို သိရက်နဲ့ ညဉ့်နက်ကြီး ဘာလို့ စွန့်စား ထွက်ပြေးတာလဲ"</p> <p>​မနေ့က ဒါးဗို့စ် နဲ့ ပြောခဲ့တာကို သတိရသွားတဲ့ ဟန်နီပိုလစ် (Henipolis) ရုတ်တရက် အာမေဋိတ် ပြုလိုက်တယ်။</p> <p>​"ဒိုင်ယွန်နီးစီးယပ်စ် (Dionysius)! ထွက်ပြေးသွားတာ ဒိုင်ယွန်နီးစီးယပ်စ် ဖြစ်ရမယ်!"</p> <p>​ဟန်နီပိုလစ် စကား ကြားတော့ မစ်သရီဒိတ် တုန်လှုပ်သွားတယ်။ ဒါးဗို့စ် ကို အမြန် ကြည့်လိုက်တော့ မျက်မှောင်ကြုတ်နေတာ တွေ့ရတယ်။ ပြီးတော့ ဒါးဗို့စ် မျက်မှောင် ပြေသွားပြီး ပြုံးကာ ပြောလိုက်တယ်။</p> <p>​"ဒီသတင်းလေး တစ်ခုတည်းနဲ့ ဒိုင်ယွန်နီးစီးယပ်စ် ထွက်ပြေးပြီ လို့ ကောက်ချက် မချနဲ့ဦး။ မစ်သရီဒိတ်... စကိုင်လက်တီယမ် ဆိပ်ကမ်း အပြင်ဘက် ပင်လယ်ပြင်က ကျယ်လွန်းတယ်။ ငါတို့ စစ်သင်္ဘော အကုန် စုထားရင်တောင် ပြည့်မှာ မဟုတ်ဘူး။ ပြီးတော့ ညဘက် ကင်းလှည့်ဖို့ အမြန်ရွက်လှေ ၄-၅ စီးလောက်ပဲ လွှတ်နိုင်တာလေ။ ရန်သူက ထွက်ပြေးချင်ရင် ငါတို့ ရေတပ် တားလို့ မရနိုင်ပါဘူး"</p> <p>​"ဘုရင်မင်းမြတ်!"</p> <p>​ဒါးဗို့စ် ရဲ့ နားလည်ပေးမှု အတွက် မစ်သရီဒိတ် အကြီးအကျယ် ကျေးဇူးတင်သွားတယ်။</p> <p>​"ဒါပေမဲ့ ရန်သူ့ သင်္ဘော တစ်စီးက ငါတို့ ရေတပ် မရှိသလို ဝင်လိုက် ထွက်လိုက် လုပ်သွားတာက သီအိုနီယာ ရေတပ် အတွက် သိက္ခာကျစရာပဲ! သီအိုနီယာ ရေတပ်သား နဲ့ ဗိုလ်မှူးတိုင်း အတွက် သိက္ခာကျစရာပဲ!!!"</p> <p>​ဒါးဗို့စ် လေးနက်သွားတယ်။</p> <p>​"ငါတို့ ရေတပ်က ဆီရာကျု ကို ခဏခဏ နိုင်ခဲ့လို့ ဘဝင်မြင့်နေလို့ မဖြစ်ဘူး! သင်္ဘော မောင်းနှင်မှု၊ တပ်ဖွဲ့ပုံစံ ပြောင်းလဲမှု၊ ရေတပ် တစ်ခုလုံး ပူးပေါင်း ဆောင်ရွက်မှုတွေမှာ ဆီရာကျု လောက် မကောင်းဘူး ဆိုတာ မေ့နေကြတယ်။ ငါတို့ နိုင်ခဲ့တာ ကိုရာဗပ်စ် (Corvus) နဲ့ လီဂျင် တပ်သားတွေရဲ့ အင်အားကြောင့် ဆိုတာ မမေ့နဲ့!..."</p> <p>​ဒါးဗို့စ် စကားကြောင့် မစ်သရီဒိတ် ရှက်ပြီး မျက်နှာရဲသွားတယ်။</p> <p>​"ဘုရင်မင်းမြတ်... စိတ်ချပါ။ ပြန်ရောက်ရင် အရှင် ဆက်ကလီးယန်း (Seclian) နဲ့ ပေါင်းပြီး ရေတပ် လေ့ကျင့်ရေးကို သေချာပေါက် အရှိန်မြှင့်ပါ့မယ်! တစ်နှစ်... အို မဟုတ်ဘူး... ၆ လ အတွင်း သီအိုနီယာ ရေတပ် သိသိသာသာ တိုးတက်လာတာကို ဘုရင်မင်းမြတ် မြင်တွေ့ရစေရပါမယ်!"</p> <p>​ဒါးဗို့စ် ကျေနပ်စွာ ခေါင်းညိတ်တယ်။</p> <p>​"ကောင်းပြီ။ ၆ လ အတွင်း ပိုစွမ်းအားကြီးတဲ့ သီအိုနီယာ ရေတပ်ကို မြင်ရဖို့ မျှော်လင့်နေမယ်!"</p> <p>​ပြီးတော့ ဆက်ပြောတယ်။</p> <p>​"မစ်သရီဒိတ်... ထတော့။ ရန်သူ့ သင်္ဘော ၁ စီး၊ ၂ စီး လွတ်သွားရုံနဲ့ တန်ဖိုးရှိတဲ့ ခေါင်းဆောင် တစ်ယောက်ကို အပြစ်ပေးလိုက်ရင်၊ မကြာခင် သီအိုနီယာ မှာ ရေတပ်မှူးကောင်းတွေ ကုန်သွားမှာ စိုးရတယ်"</p> <p>​ဒါးဗို့စ် ရဲ့ နောက်ပြောင်မှုကြောင့် စိတ်လှုပ်ရှားနေတဲ့ မစ်သရီဒိတ် နည်းနည်း စိတ်အေးသွားတယ်။ မတ်တပ်ရပ်ပြီးနောက် တွန့်ဆုတ်စွာ မေးတယ်။</p> <p>​"ဒါပေမဲ့ ဒိုင်ယွန်နီးစီးယပ်စ် က-"</p> <p>​ဒါးဗို့စ် ဖြတ်ပြောလိုက်တယ်။</p> <p>​"အဲဒါ မင်း ကိစ္စ မဟုတ်ဘူး။ မင်း လုပ်ရမှာက ဆီရာကျု ရေတပ် ထွက်မပြေးနိုင်အောင် ဆိပ်ကမ်း စောင့်ကြည့်တာ ပိုတင်းကျပ်ဖို့ပဲ။ ပြီးတော့ ရက်ဂျီယမ် (Rhegium) ကို စစ်သင်္ဘော (Triremes) ၃၀ အမြန်ဆုံး လွှတ်ပေး။ ဆက်ကလီးယန်း ရေတပ် အင်အား ဖြည့်ပြီး စစ္စလီ ပင်လယ်ပြင်ကို စိုးမိုးနိုင်အောင်လို့! ၂ ရက် အတွင်း လုပ်နိုင်မလား"</p> <p>​"၂ ရက်တောင် မလိုပါဘူး ဘုရင်မင်းမြတ်။ ဒီနေ့ပဲ လိုအပ်တဲ့ စစ်သင်္ဘောတွေ ရက်ဂျီယမ် ကို လွှတ်ပေးလိုက်ပါ့မယ်"</p> <p>​မစ်သရီဒိတ် ချက်ချင်း အာမခံလိုက်တယ်။</p> <p>​သူ ပြန်သွားတော့ ဟန်နီပိုလစ် ချက်ချင်း မေးတယ်။</p> <p>​"ဘုရင်မင်းမြတ်... ဒိုင်ယွန်နီးစီးယပ်စ် တကယ် ထွက်ပြေးသွားရင် ဘယ်လို လုပ်မလဲ"</p> <p>​ဒီအချိန်မှာ ဒါးဗို့စ် ဆုံးဖြတ်ချက် ချပြီးပြီ။</p> <p>​"ဘာ ထိတ်လန့်စရာ ရှိလို့လဲ?! ဒိုင်ယွန်နီးစီးယပ်စ် ထွက်ပြေးသွားရင် မက်ဂနာ ဂရိ (Magna Graecia) စစ်ပွဲ ပြီးပြီ လို့ ဆိုလိုတာပေါ့။ ငါတို့ အတွက် ကောင်းတာပေါ့!"</p> <p>​"ဒါပေမဲ့ စစ္စလီ ပုန်ကန်မှု နဲ့ ပထမ လီဂျင်တပ်မ အတွက် ဘုရင်မင်းမြတ် ရဲ့ အစီအစဉ်ကို ထိခိုက်နိုင်တယ်လေ!"</p> <p>​ပထမ လီဂျင်တပ်မ ကို စစ္စလီ လွှတ်တုန်းက ဒါးဗို့စ် သူ့အစီအစဉ်တွေ ပြောပြထားလို့ ဟန်နီပိုလစ် စိုးရိမ်နေတာ။</p> <p>​ဒါးဗို့စ် သူ့ကို ကြည့်ပြီး တိုးတိုးလေး ပြောတယ်။</p> <p>​"ဟန်နီ... မင်း ဒိုင်ယွန်နီးစီးယပ်စ် ကို အထင်ကြီးလွန်းနေပြီ! သူ ဘယ်လောက်ပဲ တော်တော်၊ သူ ခေါ်လာတဲ့ တပ်မတော် တစ်ခုလုံးကို မက်ဂနာ ဂရိ မှာ ထားခဲ့ပြီး တစ်ယောက်တည်း ဆီရာကျု ကို ထွက်ပြေးသွားတာ မမေ့နဲ့။ သူက စစ်ပြေးပဲ! ချစ်ရသူတွေ ဆုံးရှုံးလိုက်ရတဲ့ ဆီရာကျု တွေ ဘယ်လို ထင်မလဲ?! စစ္စလီ က မဟာမိတ်တွေ ဘယ်လို ထင်မလဲ?! လွန်ခဲ့တဲ့ ၂ ရက် အတွင်း စစ္စလီ အခြေအနေကို ငါ မသိပေမယ့်၊ ဒိုင်ယွန်နီးစီးယပ်စ် အနေနဲ့ ပြည်သူတွေရဲ့ ဒေါသကို ငြှိမ်းသတ်ဖို့ မလွယ်ဘူး! သူက စစ်အင်အားနဲ့ ဆီရာကျု နဲ့ စစ္စလီ ကို အုပ်ချုပ်ခဲ့တာ။ အခု သူ့တပ်တွေ အများစုက ဒီမှာ ကျန်ခဲ့ပြီ-"</p> <p>​စကိုင်လက်တီယမ် မြို့ကို လက်ညှိုးထိုးပြပြီး မဲ့ပြုံး ပြုံးကာ ပြောလိုက်တယ်။</p> <p>​"-တပ်သား အလုံအလောက် မရှိဘဲ သူ့ကို ဖြုတ်ချချင်နေတဲ့ ဆီရာကျု တွေကို သူ ဘယ်လို နှိမ်နင်းမလဲ?!!"</p> <p>​ဟန်နီပိုလစ် မျက်လုံး အရောင်တောက်လာတယ်။</p> <p>​"ဒါဆို ဒိုင်ယွန်နီးစီးယပ်စ် ထွက်ပြေးတာ ကောင်းတဲ့ ကိစ္စပေါ့!"</p> <p>​ဒါးဗို့စ် ခဏ တိတ်ဆိတ်သွားတယ်။ တကယ်တော့ ကိုယ့်ကိုယ်ကိုယ် နှစ်သိမ့်တဲ့ စကားတွေပါ။</p> <p>​'ဒိုင်ယွန်နီးစီးယပ်စ် တစ်ယောက်တည်း ထွက်ပြေးရဲမှတော့ ဆီရာကျု အကြပ်အတည်းကို ဖြေရှင်းမယ့် နည်းလမ်း ရှိလို့ နေမှာပေါ့။ စစ္စလီ ကို သူ စီမံလာတာ ကြာပြီလေ။ အောင်မြင်စွာ ပြန်ရောက်သွားရင် စစ္စလီ ကို မွှေနှောက်မယ့် ငါ့အစီအစဉ် ပျက်သွားနိုင်တယ်။ ဒီအာဏာရှင်က ပထမ လီဂျင်တပ်မ ကို အရင် ချေမှုန်းပြီးမှ စစ်ကူတွေ ခေါ်ပြီး မက်ဂနာ ဂရိ ကို လာတိုက်ရင် ဘယ်လို လုပ်မလဲ...'</p> <p>​ဒါကြောင့် ဒါးဗို့စ် အရေးတကြီး ခံစားလိုက်ရပြီး ပြောလိုက်တယ်။</p> <p>​"အရင်ဆုံး ဒိုင်ယွန်နီးစီးယပ်စ် ထွက်ပြေးတာ ဟုတ်မဟုတ် သေချာအောင် လုပ်ရမယ်!"</p> <p>​တောင်ပေါ် ကင်းထောက် တပ်မဟာ (Mountain Reconnaissance Brigade) က အစ်ဇမ် (Izam) ကို ခေါ်ပြီး၊ မြို့ရဲ့ အရပ်လေးမျက်နှာကနေ ရန်သူ့ လှုပ်ရှားမှုကို သေချာ စောင့်ကြည့်ပြီး ချက်ချင်း သတင်းပို့ဖို့ အမိန့်ပေးလိုက်တယ်။</p> <p>​မနက်ခင်း တစ်ခုလုံး စကိုင်လက်တီယမ် မြို့က ငြိမ်သက်နေတယ်။ အပစ်အခတ် ရပ်စဲရေး တောင်းဖို့ သီအိုနီယာ စခန်းကို သံတမန် မလွှတ်သလို၊ နေ့တိုင်း မြို့ရှေ့ ကင်းလှည့်နေကျ မြင်းတပ်လည်း မထွက်လာဘူး။ မြို့ရိုးပေါ်က တပ်သား အရေအတွက် မပြောင်းလဲပေမယ့်၊ မနက်တိုင်း အခြေအနေ လာကြည့်လေ့ ရှိတဲ့ ဒိုင်ယွန်နီးစီးယပ်စ် ဒီနေ့ မပေါ်လာဘူး...</p> <p>​ဒါတွေ သိရတော့ ဒါးဗို့စ် ကောက်ချက်ချလိုက်ပြီ...</p> <p>​မွန်းလွဲပိုင်းမှာ တောင်ပေါ် ကင်းထောက် တပ်မဟာ တပ်သားတွေကို မြို့ရှေ့မှာ အလှည့်ကျ အော်ခိုင်းလိုက်တယ်။</p> <p>​"ဆီရာကျု တို့... မင်းတို့က မြို့ကို လေးလေးနက်နက် စောင့်နေကြတုန်း၊ မင်းတို့ အာဏာရှင် ဒိုင်ယွန်နီးစီးယပ်စ် က ထွက်ပြေးသွားပြီ!"</p> <p>​"ဆီရာကျု တို့... လက်နက်ချလိုက်ကြတော့! ဒိုင်ယွန်နီးစီးယပ်စ် က မင်းတို့ အားလုံးကို စွန့်ပစ်သွားပြီ။ ဘာလို့ တိုက်နေကြသေးတာလဲ?!"</p> <p>​"ဒိုင်ယွန်နီးစီးယပ်စ် ဘာလို့ ထွက်ပြေးတာလဲ သိလား?! ငါတို့ ပထမ လီဂျင်တပ်မ က စီကူရီ (Sikuri) နဲ့ ကာတာနီးယား (Catania) ကို သိမ်းပြီး ဆီရာကျု ကို တိုက်နေလို့လေ! ဒိုင်ယွန်နီးစီးယပ်စ် မပြေးရင် ပြန်စရာ အိမ် ရှိတော့မှာ မဟုတ်ဘူး!"</p> <p>​"ငါတို့ လိမ်နေတာ မဟုတ်ဘူး။ မနေ့က ငါတို့ စခန်းကို လာတိုက်တုန်းက ပထမ လီဂျင်တပ်မ ကို တွေ့ခဲ့လား?! မတွေ့ဘူး မဟုတ်လား?! ဘာလို့လဲ ဆိုတော့ သူတို့က နက်ဆော့စ် (Naxos) ပင်လယ်ကွေ့မှာ ကမ်းတက်နေလို့လေ! ဒိုင်ယွန်နီးစီးယပ်စ် က လွယ်လွယ်ကူကူ ထွက်ပြေးလို့ ရအောင် သတင်း ပိတ်ထားတာ!"</p> <p>​"ဒီနေ့ မြို့ရိုးပေါ်မှာ ဒိုင်ယွန်နီးစီးယပ်စ် ကို မတွေ့ဘူး မဟုတ်လား?! ထွက်ပြေးသွားလို့လေ! မယုံရင် သူ့တဲကို သွားကြည့်ပါလား။ ရှိသေးလား လို့!"</p> <p>​. . . . . . . . . . . . .</p> <p>​မြို့ရိုးအောက်က သီအိုနီယာ တပ်သားတွေရဲ့ အော်သံတွေက ငြိမ်သက်နေတဲ့ ရေကန်ထဲ ကျောက်တုံး ပစ်ချလိုက်သလို လှိုင်းတွေ အများကြီး ဖြစ်ပေါ်စေခဲ့တယ်။</p> <p>​</p> <p> </p> <p style="text-align: center;">အပိုင်း (၅၆၃) ပြီးဆုံး</p> <p style="text-align: center;">***</p>


Save