Book List

<h2 style="text-align: center;">​အပိုင်း (၅၆၅)</h2> <h2 style="text-align: center;">ကာသေ့ချ်၏ လောဘ</h2> <h2 style="text-align: center;">*</h2> <p> </p> <p> </p> <p>​'ကရိုတွန် (Crotone) က တစ်ချိန်က မက်ဂနာ ဂရိ (Magna Graecia) ရဲ့ အင်အားကြီး နိုင်ငံ ဖြစ်ခဲ့ဖူးတာ။ အခုတော့ ပြည်သူတွေ အမှိုက်ကောက်ပြီး အသက်ဆက်နေရပြီပေါ့!'</p> <p>​ကရိုတွန် နဲ့ အရင်က ကုန်သွယ်ဖူးတဲ့ ကာသေ့ချ် (Carthaginian) တစ်ယောက် အနေနဲ့၊ အရင်တုန်းက စည်ကားခဲ့တဲ့ မြင်ကွင်းတွေကို ပြန်သတိရပြီး အက်ရှ်မူနာဒွန် (Eshmounadon) သက်ပြင်းချလိုက်မိတယ်။</p> <p>​ကရိုတွန် မြို့ကြီး ကျယ်ဝန်းပေမယ့်၊ လမ်းလျှောက်နေရင်း လူငယ်၊ လူရွယ် ယောကျ်ားလေး သိပ်မတွေ့ရလို့ အက်ရှ်မူနာဒွန် တွေးမိတယ်။</p> <p>​"ဒိုင်ယွန်နီးစီးယပ်စ် (Dionysius) က ကရိုတွန် နိုင်ငံသား အကုန်လုံးကို သတ်ပစ်လိုက်တာလား"</p> <p>​"ကရိုတွန် နိုင်ငံသားတွေ အခု လယ်စိုက်နေကြတယ်။ ဆီရာကျု (Syracuse) တပ်တွေ ကရိုတွန် ကို ဝိုင်းထားတုန်းက မြို့ပြင်က လယ်ကွင်းတွေ အကုန် ဖျက်ဆီးခဲ့တာလေ။ ဒါကြောင့် နွေဦးပေါက် ရာသီ အချိန်မီလေး ဂျုံပြန်စိုက်နေကြရတာ။ မဟုတ်ရင် ဆောင်းဦးရောက်ရင် သူတို့ စားစရာ ရှိမှာ မဟုတ်ဘူး..."</p> <p>​ကင်းလှည့်သင်္ဘော ကပ္ပတိန်က ရှင်းပြတယ်။</p> <p>​မြို့လယ်ခေါင် ဘက် လျှောက်လာတော့ အက်ရှ်မူနာဒွန် မြင်လိုက်ရတာက အပျက်အစီးတွေ မဟုတ်တော့ဘူး။ လူအများကြီးနဲ့ စည်ကားနေတဲ့ ဆောက်လုပ်ရေး လုပ်ငန်းခွင်ကြီး ဖြစ်နေတယ်။</p> <p>​"ကျွန်တော်တို့ လူတွေ ကရိုတွန် တွေကို အိမ်ပြန်ဆောက်ပေးနေကြတာ"</p> <p>​ကပ္ပတိန်က တက်ကြွစွာ ရှင်းပြတယ်။</p> <p>​အလုပ်ရှုပ်နေတဲ့ လုပ်ငန်းခွင်ကို ကြည့်ရင်း ကုန်သည် စိတ်ဓာတ် ရှိတဲ့ အက်ရှ်မူနာဒွန် မေးလိုက်တယ်။</p> <p>​"အိမ်ဆောက်ပေးတာ ကရိုတွန်တွေဆီက ပိုက်ဆံ ဘယ်လောက် ယူလဲ"</p> <p>​ကပ္ပတိန် ရယ်မောလိုက်တယ်။</p> <p>​"ကရိုတွန်တွေမှာ အခု ဘာမှ မရှိတော့တာ၊ ကျွန်တော်တို့ကို ဘယ်လို ပေးနိုင်မလဲ။ ဒီက လူတွေ အားလုံး စေတနာနဲ့ လာဆောက်ပေးနေကြတာပါ"</p> <p>​ဒါပေမဲ့ "ကရိုတွန်တွေ အိမ်ပြန်ဆောက်ပေးတာ" က ဒါးဗို့စ် (Davos) ရဲ့ အကြံပြုချက် ဖြစ်ပြီး၊ အက်ပရပ်စတမ် (Aprustum) မြို့ဝန် အဂါးစီးယပ်စ် (Agasias) က ဦးဆောင် စီစဉ်နေတာ ဆိုတဲ့ အမှန်တရားကိုတော့ ကပ္ပတိန် ထည့်မပြောခဲ့ဘူး။ ပိုက်ဆံ မရပေမယ့်၊ သီအိုနီယာ (Theonia) အထက်လွှတ်တော်က သူတို့ရဲ့ ကုသိုလ်ကို မှတ်တမ်းတင်ထားပြီး စစ်ပြီးရင် ဂုဏ်ပြုမှာ။ မြေကွက်တွေ၊ သီအိုနီယာ နိုင်ငံသား ဖြစ်ခွင့်တွေ ပေးမှာ။ ဒါကြောင့် ကရိုတွန် လာတဲ့ သူတွေက အများအားဖြင့် လွတ်လပ်သူ (Freemen) နဲ့ နိုင်ငံသား ဖြစ်ဖို့ စောင့်ဆိုင်းနေသူ (Preparatory citizens) တွေ ဖြစ်ကြတယ်။</p> <p>​အက်ရှ်မူနာဒွန် အံ့သြသွားပေမယ့်၊ ကြီးမားတဲ့ စီးပွားရေး အခွင့်အလမ်း တစ်ခု ပေါ်လာပြီ ဆိုတာ သဘောပေါက်လိုက်တယ်။ သီအိုနီယာ နယ်မြေတွေ၊ စကိုင်လက်တီယမ် (Scylletium)၊ တာရီနာ (Terina) တို့လည်း ဆီရာကျု လက်ချက်နဲ့ ပျက်စီးကုန်တယ် လို့ ကြားထားတယ်။ ဒီမြို့တွေ ပြန်လည် တည်ဆောက်ဖို့ သီအိုနီယာ အကူအညီ လိုအပ်ရင်၊ ဆောက်လုပ်ရေး ပစ္စည်းတွေ အများကြီး လိုမှာ။ သီအိုနီယာ တစ်နိုင်ငံတည်း ထောက်ပံ့နိုင်မှာ မဟုတ်ဘူး! သူ့မိသားစုသာ ဒီလုပ်ငန်းထဲ ဝင်နိုင်ရင်...</p> <p>​တွေးလေ အက်ရှ်မူနာဒွန် စိတ်လှုပ်ရှားလေပဲ။ သီအိုနီယာ သွားဖို့ ဟန်နို (Hanno) ရွေးလိုက်တဲ့ သူ ဖြစ်ရတာ ဝမ်းသာမိတယ်။ ဒီအခွင့်အရေးကိုသာ အရမယူနိုင်ရင် ဘာအော ဟမ်မွန် (Baal Hammon) နတ်ဘုရား သူ့ကို အပြစ်ပေးလိမ့်မယ်!</p> <p>​အတွေးလွန်နေလို့ ကပ္ပတိန် လုပ်ငန်းခွင်ထဲ တန်းဝင်သွားတာတောင် သတိမထားမိဘူး။ ပြီးတော့ လူတစ်ယောက်ကို ခေါ်ပြီး ပြန်ထွက်လာတယ်။</p> <p>​အဲဒီလူက အက်ရှ်မူနာဒွန် ကို နှုတ်ဆက်တယ်။</p> <p>​"ကြိုဆိုပါတယ်... ကာသေ့ချ် မြို့ပြနိုင်ငံကြီးရဲ့ ဂုဏ်သရေရှိ သံတမန်မင်း! ကျွန်တော်က အဂါးစီးယပ်စ် ပါ။ သီအိုနီယာ နိုင်ငံရေးသမား တစ်ဦး ဖြစ်ပြီး အက်ပရပ်စတမ် မြို့ဝန် ပါ"</p> <p>​အက်ရှ်မူနာဒွန် ချက်ချင်း ပြန်နှုတ်ဆက်ပြီး ဂရိ စကားသံ ပီပီသသနဲ့ ပြောလိုက်တယ်။</p> <p>​"ကျွန်တော်က အက်ရှ်မူနာဒွန် ပါ။ ကာသေ့ချ် အထက်လွှတ်တော် အမတ် တစ်ဦး ဖြစ်ပြီး၊ ခင်ဗျားတို့ ဘုရင်မင်းမြတ်နဲ့ တွေ့ဖို့ အထက်လွှတ်တော်က တာဝန်ပေး စေလွှတ်လိုက်တာပါ"</p> <p>​"အန်စီတာနော့စ် (Ansitanos) ကာသေ့ချ် သွားတုန်းက တံခါးပိတ် ငြင်းခံရတဲ့ ကိစ္စ" ကို အဂါးစီးယပ်စ် ကြားဖူးထားလို့၊ ကာသေ့ချ် သံတမန်နဲ့ ဆက်ဆံရ ခက်မယ် ထင်ထားတာ။ ဒါပေမဲ့ အက်ရှ်မူနာဒွန်က စကားပြောကောင်းနေတာ တွေ့လိုက်ရတယ်။ လမ်းလျှောက်ရင်း စကားတွေ ဖောင်ဖွဲ့နေကြတယ်။</p> <p>​ဒါပေမဲ့ အက်ရှ်မူနာဒွန်က စကားဝိုင်းကို တမင် ဦးဆောင်ပြီး၊ ဆီရာကျု တပ်တွေ သီအိုနီယာ နယ်မြေတွေကို ဘယ်လောက် ဖျက်ဆီးခဲ့လဲ၊ ခရီမီဆာ (Krimisa)၊ ကရိုတွန် စတဲ့ မြို့တွေ ပြန်လည် တည်ဆောက်ဖို့ ဘယ်လောက် ခက်ခဲနေလဲ ဆိုတာ အဂါးစီးယပ်စ် ဆီကနေ အချက်အလက် နှိုက်ယူနေတယ်။</p> <p>​အဲဒီနောက် ကရိုတွန် အနောက်ဘက် တံခါးကနေ ထွက်လာကြတယ်။ (အနောက်ဘက် တံခါး လို့ ခေါ်ပေမယ့် တကယ်တော့ ပြိုကျနေတဲ့ မြို့ရိုးကြားက အပေါက်ကြီး တစ်ခုပါပဲ)</p> <p>​မြို့ပြင် ထွက်လိုက်တာနဲ့ ကတုတ်မြောင်းနားမှာ တဲတွေ အများကြီး ထိုးထားတာ တွေ့လိုက်ရတယ်။ လူတွေ ဝင်လိုက်ထွက်လိုက်နဲ့ ရှုပ်ယှက်ခတ်နေတယ်။ အဂါးစီးယပ်စ် ကို မြင်တော့ လူတချို့က ဦးအောင် နှုတ်ဆက်ကြတယ်။ ဒီ သီအိုနီယာ နိုင်ငံရေးသမား ကရိုတွန် မှာ တော်တော် လူချစ်လူခင် များပုံပဲ။</p> <p>​"ဒါ ကရိုတွန်တွေ နေတဲ့ နေရာလား"</p> <p>​အက်ရှ်မူနာဒွန် ဟန်မပျက် မေးလိုက်တယ်။</p> <p>​"ဟုတ်တယ်။ ခင်ဗျား မြင်တဲ့ အတိုင်းပဲ... သောက်ကျိုးနည်း ဆီရာကျု တွေက မြို့တစ်မြို့လုံး မီးရှို့ပစ်ခဲ့လို့ နေစရာ မရှိတော့ဘူး။ ကံကောင်းလို့ ကျွန်တော်တို့ သီအိုနီယာ တပ်မတော်က ဆီရာကျု တွေဆီကနေ သိမ်းပိုက်ရရှိတဲ့ တဲတွေကို ကရိုတွန် တွေကို ခွဲဝေပေးထားတာ..."</p> <p>​အဂါးစီးယပ်စ် ဒေါသ သိပ်မထွက်ဘဲ ပြောလိုက်တယ်။ စိတ်ပိုင်းဆိုင်ရာ ပြဿနာ ရှိလို့ မဟုတ်ပါဘူး။ ကရိုတွန် မီးလောင်တဲ့ သတင်း သူရီ (Thurii) ရောက်တော့၊ မူလ သူရီ သားတွေက လက်ခုပ်တီးပြီး ဝမ်းသာအားရ ဖြစ်ခဲ့ကြတာ။ ကရိုတွန်တွေ ကလဲ့စားချေ နတ်ဘုရားမရဲ့ အပြစ်ပေးတာ ခံရပြီ ဆိုပြီး ပြောခဲ့ကြတာလေ။</p> <p>​အဂါးစီးယပ်စ် တစ်ခုခု သတိရသွားပြီး အမြန် ပြောလိုက်တယ်။</p> <p>​"အရှင် အက်ရှ်မူနာဒွန်... ကရိုတွန် ခေါင်းဆောင် လိုင်စီးယပ်စ် (Lysias) နဲ့ တွေ့ဖို့ လိုက်ပို့ပေးပါရစေ"</p> <p>​"မလိုပါဘူး။ ကရိုတွန် က ကျွန်တော့် တာဝန်ထဲ မပါပါဘူး"</p> <p>​အက်ရှ်မူနာဒွန် ချက်ချင်း ငြင်းလိုက်တယ်။</p> <p>​ကရိုတွန်သာ အရင်လို အင်အားကြီး နိုင်ငံ ဖြစ်နေသေးရင် အက်ရှ်မူနာဒွန် တခြား အကြံ ရှိကောင်း ရှိလိမ့်မယ်။ ဒါပေမဲ့ အခုလို သီအိုနီယာ ကို မှီခိုနေရတဲ့ သနားစရာ အခြေအနေ မြင်တော့ စိတ်မဝင်စားတော့ဘူး။ ပြီးတော့ သီအိုနီယာ တွေကို စိတ်ဆိုးအောင် မလုပ်ချင်တဲ့ ကိုယ်ကျိုးစီးပွားလည်း ရှိနေသေးတယ်လေ။ ရလဒ် အနေနဲ့ ကာသေ့ချ် သံတမန် အဖွဲ့က ကရိုတွန် ဆိပ်ကမ်းမှာ ကမ်းတက်၊ မြို့တစ်မြို့လုံး ဖြတ်လျှောက်ခဲ့ပေမယ့်၊ ကရိုတွန် ခေါင်းဆောင်တွေနဲ့ မတွေ့ဘဲ ထွက်ခွာသွားကြတယ်။</p> <p>​. . . . . . . . . . . . .</p> <p>​မွန်းတည့်ချိန်မှာ အက်ရှ်မူနာဒွန် နဲ့ အဖွဲ့ စကိုင်လက်တီယမ် (Scylletium) က သီအိုနီယာ စခန်းကို ရောက်လာကြတယ်။ ဆီရာကျု တွေ စခန်း လာတိုက်တာ ၂ ရက် ကြာသွားပြီ ဆိုပေမယ့်၊ သီအိုနီယာ တပ်သားတွေ ဘယ်ဘက် စခန်းကို ပြန်ဆောက်နေတဲ့ ကြားထဲက မီးလောင်ထားတဲ့ တံတိုင်းတွေ၊ တဲတွေကို မြင်နေရတုန်းပဲ... ဒီနေရာမှာ တိုက်ပွဲ ဘယ်လောက် ပြင်းထန်ခဲ့လဲ ဆိုတာ အက်ရှ်မူနာဒွန် မှန်းဆကြည့်လို့ ရတယ်။</p> <p>​အဂါးစီးယပ်စ် ပို့လိုက်တဲ့ သတင်း ရပြီးနောက်၊ ဒါးဗို့စ် (Davos) စခန်း အပြင်ဘက် ထွက်ပြီး သံတမန်တွေကို ကြိုဆိုတယ်။ အစောင့်တွေကို လမ်းဘေး ဝဲယာမှာ သေသေသပ်သပ် တန်းစီခိုင်းထားပြီး၊ တိုက်ပွဲခရာ၊ ပလွေ၊ ဗုံတွေနဲ့ သာယာတဲ့ တေးသွားတွေ တီးမှုတ်ခိုင်းထားတယ်။</p> <p>​ဒီလို ကြိုဆိုမှု အခမ်းအနားက အက်ရှ်မူနာဒွန် ကို အံ့အားသင့်စေပြီး ပျော်ရွှင်စွာနဲ့ ဒါးဗို့စ် နောက်လိုက်ပြီး အလယ်စခန်းထဲ ဝင်သွားတယ်။</p> <p>​ဒါးဗို့စ် အရင်ဘဝ သမိုင်းမှာတော့ ကာသေ့ချ် က ရောမ (Rome) ရဲ့ အကြီးမားဆုံး ပြိုင်ဘက် အဖြစ် နာမည်ကြီးခဲ့တာ။ အခု ဒါးဗို့စ် ကာသေ့ချ် လူမျိုး တစ်ယောက်ကို ပထမဆုံး အကြိမ် တွေ့ဖူးတာမို့၊ ရှေ့က သံတမန်ကို စူးစမ်းချင်စိတ်နဲ့ ကြည့်လိုက်မိတယ်။ အရပ် အနေတော်၊ ခပ်ဝဝ၊ ဆံပင်အနက်၊ မျက်ခုံးမွှေး အနက်ထူထူ၊ မျက်လုံး အညိုရင့်ရောင်၊ အသား အနည်းငယ် ညိုတယ်။ နှာခေါင်း ဖြောင့်ဖြောင့် ပြားပြားကြီးသာ မဟုတ်ရင် အရင်ဘဝက သူ့နိုင်ငံသားတွေနဲ့ တူသလိုပဲ။ ဒါကြောင့် ဒါးဗို့စ် သူ့ကို ခင်မင်ရင်းနှီးသလို ခံစားရတယ်။</p> <p>​အက်ရှ်မူနာဒွန် လည်း သီအိုနီယာ ဘုရင်သစ်ကို အကဲခတ်နေတယ်။</p> <p>​'သီအိုနီယာ အခြေအနေကို ငါ အထူး လေ့လာခဲ့ပြီးပြီ။ ဒီနိုင်ငံ တည်ထောင်တာ၊ လျင်မြန်စွာ တိုးတက်လာတာတွေက ငါ့ရှေ့က လူနဲ့ အများကြီး သက်ဆိုင်တယ် ဆိုတာ သိပါတယ်။ ဒါပေမဲ့... အို ဘာအော ဟမ်မွန် (Baal Hammon) ဘုရားသခင်... သူက အရမ်း ငယ်လွန်းတယ်! ဒီလောက် ငယ်ငယ်လေးနဲ့ အာဏာ အများကြီး ပိုင်ဆိုင်ထားတာ... တကယ့်ကို အားကျစရာ ကောင်းလိုက်တာ'</p> <p>​"ကာသေ့ချ် မြို့ပြနိုင်ငံကြီးရဲ့ ဂုဏ်သရေရှိ သံတမန်မင်း... သီအိုနီယာ အခက်အခဲဆုံး အချိန်မှာ အများကြီး ကူညီပေးခဲ့လို့ ကျေးဇူးတင်ပါတယ်။ ခင်ဗျားတို့ရဲ့ တန်ဖိုးရှိတဲ့ ရိက္ခာ ထောက်ပံ့မှုကြောင့်သာ ကျွန်တော်တို့ ဒီကြောက်စရာကောင်းတဲ့ စစ်ပွဲကို ဆက်တိုက်နိုင်ခဲ့တာပါ..."</p> <p>​ဒါးဗို့စ် ရဲ့ ရိုးသားတဲ့ စကားတွေကြောင့် အက်ရှ်မူနာဒွန် ပျော်သွားတယ်။ ခဏ စဉ်းစားပြီး ပြန်ပြောတယ်။</p> <p>​"ချစ်ခင်လေးစားရပါသော သီအိုနီယာ ဘုရင်မင်းမြတ်... ကာသေ့ချ် မှာ ရိက္ခာ ကြွယ်ဝရုံတင် မကပါဘူး။ အနောက် မြေထဲပင်လယ်မှာ တခြား ကုန်ပစ္စည်းတွေနဲ့လည်း နာမည်ကြီးပါတယ်။ ဆီရာကျု ကျူးကျော်မှုကြောင့် မက်ဂနာ ဂရိ ထိခိုက်ပျက်စီးသွားတာ ဝမ်းနည်းစရာပါ။ ဒါကြောင့် သီအိုနီယာ နဲ့ တခြား မြို့ပြနိုင်ငံတွေ ပြန်လည် တည်ဆောက်ရေးမှာ ကာသေ့ချ် အနေနဲ့ ကူညီချင်ပါတယ်။ ဘုရင်မင်းမြတ် အနေနဲ့..."</p> <p>​ဒါးဗို့စ် အံ့သြသွားတယ်။ ကာသေ့ချ် သံတမန်ဆီမှာ မာစစ် (Mersis) အရိပ်အယောင် မြင်လိုက်ရသလိုပဲ။ ရယ်မောပြီး ပြောလိုက်တယ်။</p> <p>​"သီအိုနီယာ နဲ့ ကာသေ့ချ် လက်မှတ်ထိုးထားတဲ့ မိတ်ဖက် သဘောတူညီချက်မှာ လွတ်လပ်စွာ ကုန်သွယ်ခွင့် ပါပြီးသားပါ။ ဒါကြောင့် မက်ဂနာ ဂရိ ပြန်လည် တည်ဆောက်ရေး မြန်ဆန်စေမယ့် ကုန်ပစ္စည်းတွေ ကာသေ့ချ် က ထောက်ပံ့ပေးတာကို ကြိုဆိုပါတယ်။ အရှင် အက်ရှ်မူနာဒွန်... ခင်ဗျားမှာ ကိုယ်ပိုင် ကုန်သည် သင်္ဘောအုပ်စု ရှိရင်၊ မက်ဂနာ ဂရိ မှာ စီးပွားရေး လုပ်ဖို့ အထူး ဝန်ဆောင်မှု ပေးလို့ ရပါတယ်"</p> <p>​"တကယ်လား?!"</p> <p>​ပြောပြီးမှ အက်ရှ်မူနာဒွန် အမှားလုပ်မိမှန်း သိလိုက်တယ်။ ချောင်းဟန့်ပြီး သစ်သား ကုလားထိုင်ပေါ် ပြန်ထိုင်လိုက်တယ်။</p> <p>​ဒါပေမဲ့ ဒါးဗို့စ် က ဘေးက ဟန်နီပိုလစ် (Henipolis) ကို ကြည့်ပြီး လေးလေးနက်နက် ပြောတယ်။</p> <p>​"ဟန်နီ... ဒီကိစ္စနဲ့ အရှင် အက်ရှ်မူနာဒွန် နာမည်ကို မှတ်ထား။ ပြီးရင် ကုန်သွယ်ရေး အရာရှိချုပ် မာရီဂျီ (Marigi) ကို ပြောပြလိုက်"</p> <p>​"ဟုတ်ကဲ့ ဘုရင်မင်းမြတ်"</p> <p>​ဟန်နီပိုလစ် ကာသေ့ချ် သံတမန်ကို အထင်သေးတဲ့ အကြည့်နဲ့ ကြည့်ပြီး၊ ဘေးက စားပွဲမှာ ထိုင်ကာ စာရေးမှတ်လိုက်တယ်။</p> <p>​အက်ရှ်မူနာဒွန် ကျေးဇူးတင်ချင်စိတ်ကို ထိန်းပြီး အသံကျယ်ကျယ် ချီးကျူးလိုက်တယ်။</p> <p>​"ဒီစစ်ပွဲမှာ သီအိုနီယာ သမဂ္ဂ ရဲ့ စွမ်းဆောင်ရည်ကို ကာသေ့ချ် အထက်လွှတ်တော်က လေးစားပါတယ်။ သီအိုနီယာ က ဆီရာကျု ထက် အင်အား နည်းပေမယ့်၊ ရေကြောင်းရော ကုန်းကြောင်းရော အနိုင်ယူနိုင်ခဲ့တယ်။ မက်ဂနာ ဂရိ ကို သိမ်းပိုက်ချင်တဲ့ ဒိုင်ယွန်နီးစီးယပ်စ် ရဲ့ ရည်မှန်းချက်ကို ချေမှုန်းပစ်လိုက်တယ်။ ဆီရာကျု အာဏာရှင် ဒိုင်ယွန်နီးစီးယပ်စ် ရဲ့ လောဘကြီးမှုကို ဘုရင်မင်းမြတ် သိမှာပါ။ စစ္စလီ က နာမည်ကြီး မြို့ပြနိုင်ငံ အများအပြားကို ဖျက်ဆီးပစ်ခဲ့လို့ ကာသေ့ချ် နဲ့ တခြား ဂရိ မြို့ပြနိုင်ငံတွေ အများကြီး ဒုက္ခရောက်ခဲ့ရတယ်။ ကံဆိုးတာက သူ့တပ်မတော် အင်အားကြီးလွန်းလို့ ကျွန်တော်တို့ မနိုင်ခဲ့ဘူး။ ဒါကြောင့် သီအိုနီယာ က ဆီရာကျု ကို အနိုင်ယူလိုက်တာ စစ္စလီ နဲ့ ကာသေ့ချ် ပြည်သူတွေ အတွက် ဝမ်းသာစရာပါပဲ!"</p> <p>​"ကျွန်တော်တို့လည်း အခြေအနေ အရ တိုက်ခဲ့ရတာပါ"</p> <p>​ဒါးဗို့စ် သက်ပြင်းချပြီး ပြောတယ်။</p> <p>​"ကျွန်တော်တို့သာ ဆီရာကျု ကို မနိုင်ရင်၊ သူတို့က သီအိုနီယာ ကို ဖျက်ဆီးပစ်မှာ။ ဒါကြောင့် သီအိုနီယာ တစ်မျိုးသားလုံး ညီညွတ်ပြီး ပြန်တိုက်ခဲ့ကြတာ။ ရန်သူကို မောင်းထုတ်နိုင်ခဲ့ပေမယ့်၊ ကျွန်တော်တို့ဘက်က ပေးဆပ်ရတာတွေလည်း ကြီးမားပါတယ်!"</p> <p>​"ဒီကို လာတုန်းက ဆီရာကျု တွေကြောင့် မက်ဂနာ ဂရိ မှာ ပျက်စီးဆုံးရှုံးမှု ကြီးမားတာ တွေ့ခဲ့ရပါတယ်။ ဒီစစ်ပွဲမှာ ခင်ဗျားတို့ ပေးဆပ်ရတာတွေ အတွက် ကိုယ်ချင်းစာမိပါတယ်။ ဒါပေမဲ့ တန်ပါတယ်!"</p> <p>​အက်ရှ်မူနာဒွန် ယဉ်ယဉ်ကျေးကျေး ပြောပြီး တဲအပြင်ဘက်ကို လက်ညှိုးထိုးပြတယ်။</p> <p>​"ဘုရင်မင်းမြတ် ရဲ့ တပ်မတော်က အခု စကိုင်လက်တီယမ် မှာ ရှိတဲ့ ဆီရာကျု တပ်မတော်ကို ဝိုင်းထားတယ်။ ဆီရာကျု တွေ အနေနဲ့ ပိတ်ဆို့မှုကို ဖောက်ထွက်နိုင်မယ့် အခြေအနေ မရှိတော့ဘူး။ ဒါပေမဲ့ လူသောင်းချီ ကာကွယ်ထားတဲ့ မြို့ကို သိမ်းဖို့တော့ မလွယ်သေးဘူး ထင်တယ်။</p> <p>​ဘုရင်မင်းမြတ်... နောက်ထပ် ဘာလုပ်ဖို့ စီစဉ်ထားလဲ။ ရန်သူ ရိက္ခာပြတ်ပြီး လက်နက်ချတဲ့ အထိ ဆက်ဝိုင်းထားမှာလား။ ဒါပေမဲ့ သီအိုနီယာ တပ်သားတွေ အများကြီး ဒီမှာ ရှိနေတော့၊ သီအိုနီယာ ရိက္ခာ ထောက်ပံ့မှု ဖိအား ပိုများလာလိမ့်မယ်! ကာသေ့ချ် ကတော့ သီအိုနီယာ ကို ဈေးနှုန်းချိုသာတဲ့ ရိက္ခာတွေ ဆက်ထောက်ပံ့ပေးဖို့ ဆန္ဒရှိပါတယ်..."</p> <p>​အက်ရှ်မူနာဒွန် စကားထဲမှာ အဓိပ္ပာယ် တစ်ခုခု ဖုံးကွယ်နေတာ သေချာတယ်။ ဒါပေမဲ့ သူ့ရည်ရွယ်ချက်ကို စဉ်းစားပြီးနောက် ဒါးဗို့စ် ပြောလိုက်တယ်။</p> <p>​"သီအိုနီယာ ကို ဂရုစိုက်ပေးလို့ ကျေးဇူးတင်ပါတယ် အရှင် အက်ရှ်မူနာဒွန်! ခင်ဗျား မရောက်ခင်လေးကပဲ ငြိမ်းချမ်းရေး လာကမ်းလှမ်းတဲ့ စကိုင်လက်တီယမ် က ဆီရာကျု သံတမန်ကို ကျွန်တော် ပြန်လွှတ်လိုက်တယ်"</p> <p>​</p> <p> </p> <p style="text-align: center;">အပိုင်း (၅၆၅) ပြီးဆုံး</p> <p style="text-align: center;">***</p>


Save