Book List

<h2 style="text-align: center;">​အပိုင်း (၅၆၇)</h2> <h2 style="text-align: center;">အာဏာခွဲဝေမှု (၁)</h2> <h2 style="text-align: center;">*</h2> <p> </p> <p> </p> <p>​အက်ရှ်မူနာဒွန် (Eshmounadon) စကား မဆုံးသေးခင်မှာပဲ၊ မာတီယပ်စ် (Martius) က ဖြတ်ပြောလိုက်တယ်။</p> <p>​"ဘုရင်မင်းမြတ်... စစ်မြေပြင် သတင်းပို့စာနဲ့ အတူ ပါလာတဲ့ တခြား စာတချို့ ရှိပါသေးတယ်"</p> <p>​"ဘာလို့ စောစောက မပြောတာလဲ? မြန်မြန်ပေး!"</p> <p>​ဒါးဗို့စ် (Davos) က ဟန်ဆောင်ပြီး ဒေါသတကြီး ပြောလိုက်တယ်။ စာတွေကို ဖတ်နေဟန်ဆောင်ပြီးမှ သူ့ကို စောင့်ကြည့်နေတဲ့ အက်ရှ်မူနာဒွန် ဘက် လှည့်ပြောတယ်။</p> <p>​"ဒီစာတွေက တောနစ် (Taunis)၊ လီယွန်တီနွိုင်း (Leontinoi)၊ စီကူရီ (Sikuri) နဲ့ တခြား မြို့ပြနိုင်ငံတွေက မဟာမိတ် ဖွဲ့ဖို့ တောင်းဆိုထားတဲ့ စာတွေပဲ"</p> <p>​အက်ရှ်မူနာဒွန် စာတွေကို ယူဖတ်ကြည့်တယ်။ ဒါပေမဲ့ ပထမ တစ်စောင်၊ နှစ်စောင် ဖတ်ပြီးတာနဲ့ ဆက်ဖတ်ချင်စိတ် မရှိတော့ဘူး။ စာအောက်ဆုံးက လက်မှတ်တွေ၊ နာမည်တွေ အများကြီးကို ကြည့်ရင် စာတွေက အစစ်အမှန် ဆိုတာ သိသာတယ်။ လက်ဗွေရာတွေ၊ ကောက်ကြောင်းတွေတောင် ပါတယ်။</p> <p>​စာရေးထားပုံကို ကြည့်ပြီး ပုန်ကန်မှု ခေါင်းဆောင်တွေ အကြောင်း သူ မှန်းဆနိုင်တယ်။ လက်ရေးလှတဲ့ အထက်တန်းလွှာ နိုင်ငံသားတွေ ပါတယ်။ စာကောင်းကောင်း မဖတ်တတ်လို့ လက်ရေးစောင်းနေတဲ့ သာမန် နိုင်ငံသားတွေ ပါတယ်။ စာလုံးဝ မတတ်လို့ ကောက်ကြောင်းပဲ ဆွဲတတ်တဲ့ လွတ်လပ်သူ (Freemen) တွေ၊ ကျွန်တွေ ပါတယ်။ ဒီလူအုပ်စုတွေက ဒိုင်ယွန်နီးစီးယပ်စ် (Dionysius) တပ်တွေကို မောင်းထုတ်ပြီးတာနဲ့ သီအိုနီယာ (Theonia) တပ်မတော်ရဲ့ အကာအကွယ် ရဖို့ အလောတကြီး စာရေးလိုက်ကြတာ။ ပြီးတော့ နောက်တစ်ကြိမ် ရွေးကောက်ပွဲမှာ သူတို့ ကိုယ်စားပြုတဲ့ အုပ်စုတွေ အတွက် အကျိုးအမြတ် ပိုရဖို့ သီအိုနီယာ ထောက်ခံမှုကို လိုချင်နေကြတာ။</p> <p>​ကံကောင်းစွာနဲ့ စိတ်လှုပ်ရှားနေတဲ့ အက်ရှ်မူနာဒွန် က စာတွေကို သေချာ မဖတ်ခဲ့ဘူး။ မဟုတ်ရင် ကာတာနီးယား (Catania) ဆီက စာ မပါတာ သတိထားမိသွားလိမ့်မယ်။</p> <p>​တကယ်တော့ ကာတာနီးယား ဆီက စာ ရှိပါတယ်။ ဒါပေမဲ့ ဒါးဗို့စ် ဖယ်ထားလိုက်တာ။ အန်ထရာပိုလစ် (Antrapolis) ကိုယ်တိုင် ရေးထားတဲ့ စာထဲမှာ... သူ့ရဲ့ အကြိမ်ကြိမ် ဖျောင်းဖျမှုကြောင့် နိုင်ငံသားတွေ၊ လွတ်လပ်သူတွေနဲ့ ကျွန် အနည်းငယ်က ကာတာနီးယား ကို သီအိုနီယာ သမဂ္ဂ (Theonia Union) ထဲ ပေါင်းထည့်ဖို့ သဘောတူလိုက်ကြပြီ ဆိုတဲ့ အကြောင်း ပါတယ်။</p> <p>​ဒါကြောင့် ဒါးဗို့စ် အဲဒီစာကို ဖယ်ထားတာ။ ဒါ့အပြင် သီအိုနီယာ ထဲ ဝင်ချင်တဲ့ နောက်ထပ် မြို့တစ်မြို့ ရှိသေးတယ်။ အဲဒါကတော့ နက်ဆော့စ် (Naxos)။ နေရပ်ပြန်ရတဲ့ ပြည်နှင်ဒဏ်သင့်သူတွေက နက်ဆော့စ် မြို့ကို ပြန်လည် တည်ဆောက်ပြီး သီအိုနီယာ ကို ပေးအပ်ဖို့ ဆုံးဖြတ်လိုက်ကြတယ်။</p> <p>​ဘာလို့လဲ ဆိုတော့ ဒိုင်ယွန်နီးစီးယပ်စ် က ကာတာနီးယား နဲ့ နက်ဆော့စ် မြို့တွေကို ဖျက်ဆီးပစ်ခဲ့လို့၊ ဒီက ပြည်သူတွေက လွတ်လပ်သယောင် ထင်ရပေမယ့် အန္တရာယ်များတဲ့ လွတ်လပ်ရေးထက် ငြိမ်းချမ်းမှုနဲ့ တည်ငြိမ်မှုက ပိုအရေးကြီးတယ် ဆိုတာ တခြား မြို့ပြနိုင်ငံတွေထက် ပိုနားလည်ကြတယ်။ ဒါကြောင့် အန်ထရာပိုလစ် နဲ့ သူ့လူတွေရဲ့ လမ်းပြမှုအောက်မှာ၊ ကြောက်စရာကောင်းပြီး အင်အားကြီးမားတဲ့ ဆီရာကျု (Syracuse) ကို အနိုင်တိုက်နိုင်တဲ့ သီအိုနီယာ နဲ့ ပေါင်းစည်းဖို့ လိုလိုလားလား ရွေးချယ်လိုက်ကြတာ။ ဒါမှ နောက်တစ်ကြိမ် အိုးမဲ့အိမ်မဲ့ မဖြစ်တော့မှာလေ။</p> <p>​အက်ရှ်မူနာဒွန် ကြောင်တောင်တောင်နဲ့ စာတွေကို ဒါးဗို့စ် ဆီ ပြန်ပေးလိုက်တယ်။ သူ့ကို ဖျောင်းဖျနိုင်ဖို့ ယုံကြည်မှု မရှိတော့ဘူး။</p> <p>​"ဘုရင်မင်းမြတ် ဒါးဗို့စ်... ဆီရာကျု ကို အနိုင်ရပြီးရင် မက်ဂနာ ဂရိ (Magna Graecia) ကို အရင်လို စည်ပင်ဝပြောအောင် ပြန်လုပ်ဖို့ ဦးစားပေးသင့်ပါတယ်။ စစ္စလီ (Sicily) က မြို့ပြနိုင်ငံတွေ ကြားက ရှုပ်ထွေးတဲ့ ဆက်ဆံရေးတွေ၊ ဆီကယ်လ် (Sicels) နဲ့ ဂရိတွေ ကြားက ပဋိပက္ခတွေကြောင့် သီအိုနီယာ အနေနဲ့ ဒီကျွန်းပေါ် ရမ်းသမ်း ခြေမချသင့်ပါဘူး။ ပြီးတော့ မရင်းနှီးတဲ့ နေရာမို့ မြို့ပြနိုင်ငံတွေ ကြားက ပဋိပက္ခ ရွှံ့နွံထဲ ကျွံကျသွားနိုင်ပြီး သီအိုနီယာ ဖွံ့ဖြိုးတိုးတက်မှုကို အဟန့်အတား ဖြစ်စေပါလိမ့်မယ်..."</p> <p>​"အရှင် အက်ရှ်မူနာဒွန်... စေတနာထားပြီး သတိပေးလို့ ကျေးဇူးတင်ပါတယ်။ ဒါပေမဲ့ ပြန်မေးပါရစေ... မက်ဂနာ ဂရိ ကို လာတိုက်တဲ့ ဆီရာကျု တပ်သားတွေထဲမှာ လီယွန်တီနွိုင်း၊ တောနစ်၊ ကာတာနီးယား၊ စီကူရီ စတဲ့ မြို့တွေက နိုင်ငံသားတွေ ပါပါတယ်။ သီအိုနီယာ မဟာမိတ် အဖွဲ့ (Theonian Alliance) ကသာ ဒီမြို့တွေကို ငြင်းပယ်လိုက်ရင် သူတို့ ဘာလုပ်ကြမယ် ထင်လဲ"</p> <p>​အက်ရှ်မူနာဒွန် အံ့သြသွားတယ်။ သူ မဖြေနိုင်ခင် ဘေးက ဟန်နီပိုလစ် (Henipolis) ဝင်ပြောလိုက်တယ်။</p> <p>​"ဆီရာကျု နဲ့ ပေါင်းပြီး မက်ဂနာ ဂရိ ကို တိုက်ခဲ့တဲ့ သူတွေကို သီအိုနီယာ က မုန်းနေတုန်းပဲ၊ လက်တုံ့ပြန်လိမ့်မယ် လို့ သူတို့ သံသယ ဝင်ကြလိမ့်မယ်။ ဒါကြောင့် ဖြစ်လာနိုင်တဲ့ ခြိမ်းခြောက်မှုကို ကာကွယ်ဖို့ ဆီရာကျု နဲ့ ပြန်ပေါင်းဖို့ များပါတယ်"</p> <p>​"ဟုတ်တယ်။ အာဏာရှင် ဒိုင်ယွန်နီးစီးယပ်စ် မရှိတော့တဲ့ ဆီရာကျု အသစ်နဲ့ မဟာမိတ် ဖွဲ့ကြလိမ့်မယ်။ အိုးလွတ် တစ်လုံးထဲ ဝိုင်အိုးဟောင်း တစ်လုံး လောင်းထည့်လိုက်သလိုပဲ၊ အရသာက အတူတူပဲ ဖြစ်နေမှာ။ ရလဒ်ကတော့ ဆီရာကျု က စစ္စလီ ဂရိ မြို့ပြနိုင်ငံတွေရဲ့ ခေါင်းဆောင် ပြန်ဖြစ်သွားမှာပဲ! ဒါ ကာသေ့ချ် (Carthage) မြင်ချင်တဲ့ အခြေအနေလား?!"</p> <p>​ဒါးဗို့စ် ထပ်မေးလိုက်တယ်။</p> <p>​ဒီအခြေအနေ ဖြစ်လာနိုင်မှန်း အက်ရှ်မူနာဒွန် ဝန်ခံရတော့မယ်။ ဒါကြောင့် ထစ်အအ နဲ့ ပြောလိုက်တယ်။</p> <p>​"ခင်ဗျား... ခင်ဗျား သူတို့ကို တိုက်ခိုက်ဖို့ ရည်ရွယ်ချက် မရှိကြောင်း ပြောပြီး... မိတ်ဖက် စာချုပ် ချုပ်လို့ ရတာပဲ..."</p> <p>​ဒါးဗို့စ် ပြုံးပြီး ကုလားထိုင် နောက်မှီကာ ပြောလိုက်တယ်။</p> <p>​"အရှင် အက်ရှ်မူနာဒွန်... ကာသေ့ချ် ကရော အိမ်နီးချင်း ဖီနီးရှန်း (Phoenician) မြို့ပြနိုင်ငံတွေနဲ့ မိတ်ဖက် စာချုပ် လိုက်ချုပ်သလား"</p> <p>​အက်ရှ်မူနာဒွန် လန့်သွားတယ်။ ပြီးမှ ဒါးဗို့စ် ရည်ရွယ်ချက်ကို နားလည်သွားတယ်။ ခြင်္သေ့ ဆိုတာ သားကောင်တွေရဲ့ ခံစားချက်ကို ဘယ်တော့မှ ဂရုမစိုက်ဘူး! အင်အားကြီး နိုင်ငံတွေမှာ ကိုယ်ပိုင် ဂုဏ်သိက္ခာ ရှိတယ်။ အားနည်းတဲ့ နိုင်ငံတွေက ကိုယ့်လုံခြုံရေး အတွက် အားကြီးသူကို အမြဲတမ်း ဦးအောင် မျက်နှာလိုမျက်နှာရ လုပ်ရစမြဲ။ ဆီရာကျု ကို အနိုင်ယူလိုက်တဲ့ သီအိုနီယာ က အင်အားကြီး နိုင်ငံရဲ့ ဂုဏ်သိက္ခာ ရရှိထားပြီမို့၊ ကိုယ့်ကိုယ်ကိုယ် နှိမ့်ချတဲ့ မိုက်မဲမှုမျိုး လုပ်မှာ မဟုတ်ဘူး။</p> <p>​မျက်နှာ ပူထူသွားတဲ့ အက်ရှ်မူနာဒွန်၊ ဒါးဗို့စ် ဆက်ပြောတာ ကြားလိုက်ရတယ်။</p> <p>​"ဒါ့အပြင်... ဆီရာကျု က ကာသေ့ချ် လက်အောက်ခံ မြို့တွေ အပါအဝင် စစ္စလီ က တခြား မြို့ပြနိုင်ငံတွေထက် အများကြီး ပိုအင်အားကြီးတယ်။ ဒါကြောင့် ဆီရာကျု မှာ ဘယ်အစိုးရ တက်တက်၊ ဘယ်သူ အာဏာရရ... အချိန်ကြာလာရင် အနီးအနားက မြို့တွေကို ဆွဲဆောင်နိုင်မှာပဲ။ အဲဒီကျရင် ဆီရာကျု က မက်ဂနာ ဂရိ နဲ့ ကာသေ့ချ် အတွက် ခြိမ်းခြောက်မှု ဖြစ်လာဦးမှာပဲ!</p> <p>​ဒါကြောင့် ကာတာနီးယား၊ လီယွန်တီနွိုင်း... မက်ဂနာ ဂရိ နဲ့ အနီးဆုံး စစ္စလီ အရှေ့ပိုင်း အလယ်ဒေသက မြို့တွေက ဆီရာကျု ဩဇာလွှမ်းမိုးမှု အောက်ကနေ ရုန်းထွက်ချင်ကြတာ။ ဒါကြောင့် သီအိုနီယာ နဲ့ မဟာမိတ် ဖွဲ့ဖို့ တောင်းဆိုကြတာ။ သူတို့က မက်ဂနာ ဂရိ ရဲ့ တောင်ဘက် ခံတပ် ဖြစ်လာလိမ့်မယ်။ ဆီရာကျု က မက်ဂနာ ဂရိ ကို ကျူးကျော်ချင်ရင် သူတို့ မြောက်ဘက်က ဒီဒေသကို အရင် သိမ်းပိုက်ရလိမ့်မယ်။ ဒါဆို စစ်ဖြစ်ရင်တောင် မက်ဂနာ ဂရိ က ထိခိုက်မှု ရှိမှာ မဟုတ်ဘူး! ဒါကြောင့် သီအိုနီယာ က သူတို့ တောင်းဆိုမှုကို သဘောတူပြီး မဟာမိတ် ဖွဲ့လိုက်တာ!"</p> <p>​ဒါးဗို့စ် ရဲ့ ပြတ်သားတဲ့ စကားတွေ ကြားတော့ အက်ရှ်မူနာဒွန် ရုတ်တရက် သဘောပေါက်သွားတယ်။</p> <p>​"သီအိုနီယာ က ဆီရာကျု ကို ဖျက်ဆီးဖို့ ရည်ရွယ်ချက် မရှိဘူးလား"</p> <p>​"ဆီရာကျု ကို ဖျက်ဆီးမယ်?"</p> <p>​ဒါးဗို့စ် ဟာသ ကြားလိုက်ရသလို ပြောလိုက်တယ်။</p> <p>​"ကာသေ့ချ် တောင် မလုပ်နိုင်တာ၊ ဒဏ်ရာရနေတဲ့ သီအိုနီယာ က ဘယ်လို လုပ်နိုင်မလဲ?! ကျွန်တော်တို့ လုပ်နိုင်တာက မက်ဂနာ ဂရိ လုံခြုံရေး အတွက် ဆီရာကျု အင်အားချိနဲ့အောင် လုပ်ရုံပဲ"</p> <p>​ဒါးဗို့စ် အဖြေ ကြားတော့ အက်ရှ်မူနာဒွန် စိတ်လှုပ်ရှား၊ နောင်တရ၊ စိုးရိမ် ဖြစ်မိတယ်။ သီအိုနီယာ က စစ္စလီ မြို့ပြနိုင်ငံတွေကို လက်ခံဖို့ ဇွတ်တောင်းဆိုနေတာကိုး။ ရာစုနှစ်များစွာ အတွင်း စစ္စလီ ပေါ် နိုင်ငံခြား အင်အားစု ခြေချတာ ဒါ ပထမဆုံး အကြိမ်ပဲ! (ပယ်လိုပိုနီးဆန်း စစ်ပွဲ (Peloponnesian War) တုန်းက အေသင် (Athenian) ကျူးကျော်မှုက အရမ်း ဝေးလို့ မရေတွက်ပါဘူး။ မက်ဂနာ ဂရိ ကျတော့ ရေလက်ကြား ကီလိုမီတာ အနည်းငယ်ပဲ ခြားတာလေ...)</p> <p>​"အရှင် အက်ရှ်မူနာဒွန်... ဘယ် ဂျီသြမေတြီ (Geometry) ပုံစံက အတည်ငြိမ်ဆုံးလဲ သိလား"</p> <p>​ဒါးဗို့စ် ရုတ်တရက် မေးလိုက်တယ်။</p> <p>​မြေဧရိယာ တွက်ချက်ဖို့ တီထွင်ခဲ့တဲ့ ဂျီသြမေတြီ ပညာရပ်က သဘာဝ သိပ္ပံ လေ့လာတဲ့ ဂရိ ပညာရှင်တွေ ကြားမှာ ရေပန်းစားတယ်။ အေသင် ပညာရှင် တချို့ ဆိုရင် ဂျီသြမေတြီ က ဗဟုသုတ အားလုံးရဲ့ အခြေခံ လို့တောင် ပြောကြတယ်။</p> <p>​"ဘာ?"</p> <p>​အတွေးလွန်နေတဲ့ အက်ရှ်မူနာဒွန် ကြောင်သွားတယ်။ ဒါးဗို့စ် ဆီက မဆိုင်တဲ့ မေးခွန်း ထွက်လာလိမ့်မယ် လို့ မထင်ထားဘူး။</p> <p>​"တြိဂံပုံစံ ပါ"</p> <p>​ဒါးဗို့စ် တဲ့တိုး ပြောလိုက်တယ်။</p> <p>​"စစ္စလီ မှာ ကာသေ့ချ် နဲ့ ဆီရာကျု ဘာလို့ အမြဲ စစ်တိုက်နေရတာလဲ? ဘာလို့လဲ ဆိုတော့ သူတို့ ၂ ဦးက စစ္စလီ မှာ အင်အားအကြီးဆုံး အင်အားစုတွေ ဖြစ်နေလို့ပဲ"</p> <p>​ဒါးဗို့စ် လက်ညှိုးနဲ့ လက်ခလယ် ထောင်ပြပြီး ပြောတယ်။</p> <p>​"သူတို့ ၂ ဦး တွေ့ပြီ ဆိုတာနဲ့ အကျိုးစီးပွား ပဋိပက္ခကြောင့် စစ်ပွဲက ရှောင်လွှဲမရဘူး။ ညှိနှိုင်းစရာ နေရာ မရှိဘူး။ ဒါပေမဲ့ သီအိုနီယာ သာ ပါလာရင်-"</p> <p>​ဒါးဗို့စ် လက်သန်း ထပ်ထောင်ပြီး တြိဂံပုံ လုပ်ပြတယ်။</p> <p>​"-၃ ဦးသား တစ်ယောက်ကို တစ်ယောက် ထိန်းချုပ်ထားနိုင်ပြီး ရေရှည် ငြိမ်းချမ်းရေး ရနိုင်တယ်! ဘာလို့လဲ ဆိုတော့ တစ်ဖက်က နောက်တစ်ဖက်ကို တိုက်ချင်ရင် တတိယ လူရဲ့ ခြိမ်းခြောက်မှုကို ထည့်စဉ်းစားရတော့မယ်လေ"</p> <p>​အက်ရှ်မူနာဒွန် ဒါးဗို့စ် လက်ချောင်းတွေကို စိုက်ကြည့်ပြီး တွန့်ဆုတ်စွာ ပြောတယ်။</p> <p>​"အင်အားစု ၂ ခု ပူးပေါင်းသွားတာလည်း ဖြစ်နိုင်တယ်လေ"</p> <p>​ဒါးဗို့စ် ပြုံးပြီး ပြောတယ်။</p> <p>​"ဒီစစ်ပွဲကြောင့် သီအိုနီယာ နဲ့ ဆီရာကျု က ရန်သူတွေ ဖြစ်သွားပြီ။ ဒါကြောင့် ကျွန်တော်တို့ ပေါင်းပြီး ကာသေ့ချ် ကို တိုက်ဖို့ ဆိုတာ မဖြစ်နိုင်ဘူး။ ခင်ဗျားလည်း အဲဒီလို ထင်တယ် မဟုတ်လား"</p> <p>​အက်ရှ်မူနာဒွန် ဘာမှ မပြောဘူး။</p> <p>​'ဆီရာကျု က ကရိုတွန် (Crotone) ကို မီးရှို့၊ စကိုင်လက်တီယမ် (Scylletians) တွေကို သတ်ဖြတ်၊ သီအိုနီယာ နယ်မြေတွေကို ဖျက်ဆီးခဲ့တာကြောင့် မက်ဂနာ ဂရိ တွေ သူတို့ကို တကယ် မုန်းနေကြတာ! ဒါကြောင့်လည်း သီအိုနီယာ တွေက ဖမ်းမိတဲ့ ဆီရာကျု နိုင်ငံသား တချို့ကို ကာသေ့ချ် ဆီ ကျွန်အဖြစ် ရောင်းစားပစ်တာ။ ဆီရာကျု တွေ ဒါသိရင် သီအိုနီယာ တွေကို ခွင့်လွှတ်မှာ မဟုတ်ဘူး...'</p> <p>​"ဒါဆို ကာသေ့ချ် နဲ့ ဆီရာကျု ပေါင်းပြီး သီအိုနီယာ ကို တိုက်မလား"</p> <p>​အက်ရှ်မူနာဒွန် ခေါင်းခါလိုက်တယ်။ ဆယ်စုနှစ်များစွာ စစ်တိုက်လာကြတော့ ၂ နိုင်ငံ ကြားက အမုန်းတရားက နက်ရှိုင်းနေပြီ။</p> <p>​"ကျွန်တော်တို့က ခင်ဗျားတို့ ကာသေ့ချ် တွေနဲ့ ပေါင်းပြီး ဆီရာကျု ကို ဖျက်ဆီးချင်ပေမယ့်၊ လက်ရှိ အခြေအနေက မဖြစ်နိုင်ပြန်ဘူး။ နောက်ထပ် ဆယ်စုနှစ် အနည်းငယ် ကြာရင် အင်အားကြီး ၂ ခု ပေါင်းစည်းနိုင်ကောင်း ပေါင်းစည်းနိုင်လိမ့်မယ်။ ဒါပေမဲ့ အကျိုးစီးပွား ခွဲဝေမှုက ဘယ်တော့မှ ညီမျှမှာ မဟုတ်ဘူး။ တတိယ လူက ပေါင်းစည်းမှုကို ဖြိုခွဲဖို့ အားနည်းချက် အမြဲ ရှာတွေ့နေမှာပဲ။ ဒါကြောင့် စစ္စလီ ငြိမ်းချမ်းရေးကို အချိန်အကြာကြီး အာမခံနိုင်တယ်။ ဒါ ကာသေ့ချ် အကျိုးစီးပွား အတွက်လည်း ကောင်းတာပဲ! ဟုတ်တယ် မဟုတ်လား အရှင် အက်ရှ်မူနာဒွန်"</p> <p>​ဒါးဗို့စ် ညင်ညင်သာသာ ပြောလိုက်တယ်။</p> <p>​ဒါးဗို့စ် ပြောတာ အမှန်တရား တချို့ ရှိနေမှန်း အက်ရှ်မူနာဒွန် ခံစားမိတယ်။ ဒါပေမဲ့ ဒီလောက် အရေးကြီးတဲ့ ကိစ္စက သူ့လုပ်ပိုင်ခွင့် ဘောင်ကို ကျော်လွန်နေလို့ နှုတ်ဆိတ်နေလိုက်တယ်။</p> <p>​ကံဆိုးတာက ဒါးဗို့စ် က ဒီလောက်နဲ့ ရပ်မယ့်ပုံ မပေါ်ဘူး။</p> <p>​"ဟန်နီ... မြေပုံ သွားယူခဲ့"</p> <p>​ဟန်နီပိုလစ် စစ္စလီ မြေပုံကို စားပွဲပေါ် ဖြန့်ခင်းလိုက်တယ်။ ဒါးဗို့စ် ဘောပင် ကိုင်ပြီး ပြောလိုက်တယ်။</p> <p>​"ကျွန်တော် မမှားရင်... ဇစ်ဇ် (Ziz - ပါလာမို (Palermo)) နဲ့ ဆယ်လီနပ်စ် (Selinus) အနောက်ဘက်က ကာသေ့ချ် ပိုင်နက်ပဲ"</p> <p>​ပြောပြီးတာနဲ့ စစ္စလီ အနောက်ဘက် ထောင့်ကြီး တစ်ခုကို ဘောပင်နဲ့ 'ပိုင်းခြား' လိုက်တယ်။ ပြီးတော့ ဆက်ပြောတယ်။</p> <p>​"ဆီရာကျု ကနေ တောင်ဘက်၊ ကာမာရီနာ (Kamarina) မြောက်ဘက် အထိက ဆီရာကျု ပိုင်နက်"</p> <p>​ဘောပင်နဲ့ နောက်ထပ် မျဉ်းဆွဲပြီး အရှေ့တောင်ဘက် ထောင့်ငယ်လေး တစ်ခုကို 'ပိုင်းခြား' လိုက်တယ်။</p> <p>​နောက်ဆုံးတော့ ပြောလိုက်တယ်။</p> <p>​"တော်ရိုမီနီယမ် (Tauromenium)၊ နက်ဆော့စ် (Naxos)၊ စီကူရီ၊ ကာတာနီးယား၊ လီယွန်တီနွိုင်း နဲ့ တောနစ် တို့က သီအိုနီယာ လက်အောက် ရောက်မယ်"</p> <p>​ပြောပြီးတာနဲ့ စစ္စလီ အရှေ့ဘက် ကမ်းရိုးတန်း တစ်လျှောက် ကျဉ်းမြောင်းတဲ့ မျဉ်းတစ်ကြောင်း ဂရုတစိုက် ဆွဲလိုက်တယ်။</p> <p>​</p> <p> </p> <p style="text-align: center;">အပိုင်း (၅၆၇) ပြီးဆုံး</p> <p style="text-align: center;">***</p>


Save