Book List

<h2 style="text-align: center;">Chapter 4</h2> <h2 style="text-align: center;">လူရိုင်းမျိုးနွယ်စုရဲ့ ထူးဆန်းသော ဝါသနာများ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>စစ်ဆေးရေးခရီးစဉ်ကိုတော့ ရွှေ့ဆိုင်းထားလိုက်ရပါပြီ။ ဟေးယွဲ့နန်းတော်က လူတွေ ရုတ်တရက်ကြီး တရားကျင့်ဖို့ ဝါသနာပါလာတဲ့ကိစ္စက အခုလောလောဆယ် ဖြေရှင်းဖို့ လိုအပ်နေပြီ မဟုတ်ပါလား။</p> <p>ဒါပေမဲ့ ဘယ်လိုဖြေရှင်းရမလဲ။ ဟေးယွဲ့နန်းတော်ကလူတွေ တရားမကျင့်လာအောင် တားဆီးဖို့ နည်းလမ်းကို ဘယ်လိုရှာရမလဲ။</p> <p>ဒါကြောင့် ချူရှင်းဟီ တစ်ယောက် ဟေးယွဲ့ကလန်ရဲ့ တက်တက်ကြွကြွ တရားကျင့်ချင်စိတ်ပေါက်နေတဲ့ ကိစ္စကို ပြင်ဆင်နိုင်မယ့် နည်းလမ်းကို ရှာဖွေဖို့ နန်းတော်တွေဆီကို ပတ်သွားနေရပါပြီ။</p> <p>မဟာမိုးကောင်းကင်ဂိုဏ်းရဲ့ နန်းတော်အားလုံးကို နှံ့နေအောင် သွားခဲ့ပေမဲ့ သူတို့ကို ထိန်းချုပ်နိုင်မယ့် နည်းလမ်းကိုတော့ ရှာမတွေ့ခဲ့ပါဘူး။</p> <p>ချူရှင်းဟီခမျာ အရမ်းကို စိတ်ညစ်နေရရှာပါပြီ။ ဟေးယွဲ့ကလန်တွေအတွက် ထူးထူးခြားခြား သေနည်းအသစ်ကိုပဲ ရှာပေးရမလား။ သူတို့ရဲ့ သေချင်တဲ့ ဝါသနာကိုပဲ ပြန်ပြီး မီးမွှေးပေးရမလားလို့တောင် စဉ်းစားနေမိပါတယ်။</p> <p>ဒါပေမဲ့ ဒီလောကမှာ ဟေးယွဲ့ကလန် မစမ်းသပ်ဖူးသေးတဲ့ သေနည်းမျိုး ရှိပါဦးမလား။ ဒါက တကယ်ကို ခက်ခဲလွန်းလှပါတယ်။</p> <p>ချူရှင်းဟီ တစ်ယောက် စိတ်ညစ်ပြီး မျက်မှောင်ကြုတ်နေတုန်းမှာပဲ မျက်မှောင်ကြုတ်နေတဲ့ ဂိုဏ်းတူအစ်ကိုကြီး ဖန်းဖေးကို တွေ့လိုက်ရပါပြီ။</p> <p>ဂိုဏ်းတူအစ်ကိုကြီး ဖန်းဖေးရဲ့ စိတ်ဝိညာဉ် မရှိတော့သလို ဖြစ်နေတဲ့ မျက်နှာထားကို ကြည့်လိုက်တာနဲ့ ဇနီးသည် ကျူးလီရဲ့ ချက်ပြုတ်မှု စွမ်းရည်တွေ ဒီရက်ပိုင်းမှာ တိုးတက်လာပြန်ပြီဆိုတာ ချူရှင်းဟီ နားလည်သွားခဲ့ပါတယ်။</p> <p>စကားပုံတစ်ခု ရှိတယ်မဟုတ်လား။ ကိုယ်ကိုယ်တိုင် နာကျင်နေရတဲ့အချိန်မှာ ကိုယ့်ထက် ပိုပြီး နာကျင်နေရတဲ့သူကို မြင်ရတာက စိတ်ကို နည်းနည်းတော့ ကြည်နူးစေတယ်ဆိုတာလေ။</p> <p>ဒါကြောင့် ဂိုဏ်းတူအစ်ကိုကြီး ဖန်းဖေးရဲ့ ဝေဒနာခံစားနေရတဲ့ မျက်နှာကို ကြည့်ပြီး ချူရှင်းဟီ တစ်ယောက် နည်းနည်းတော့ စိတ်သက်သာရာ ရသွားပါပြီ။ အဲဒီကြည်နူးမှုလေး ကြာရှည်သွားအောင် ချူရှင်းဟီက ဂိုဏ်းတူအစ်ကိုကြီး ဖန်းဖေးနဲ့ ကျူးလီအကြောင်း အသေးစိတ်ကို စကားစမြည် ပြောဖို့ ဆုံးဖြတ်လိုက်ပါတော့တယ်။</p> <p>"ညီလေး ရှင်းဟီ။ မပြောစမ်းပါနဲ့ကွာ။ငါ စိတ်ညစ်နေတာ အဲဒီကိစ္စ မဟုတ်ဘူးဟ..."</p> <p>ဂိုဏ်းတူအစ်ကိုကြီး ဖန်းဖေးရဲ့ စကားကြောင့် ချူရှင်းဟီ တစ်ယောက် အံ့အားသင့်သွားပါတယ်။ ဒီလောကမှာ ဇနီးသည် ကျူးလီထက် ပိုပြီး ဆိုးရွားနိုင်တဲ့ အရာ ရှိပါဦးမလား။</p> <p>ဂိုဏ်းတူအစ်ကိုကြီး ဖန်းဖေး။ အစ်ကိုကြီးက ကျူးလီရဲ့ ဟင်းပွဲတွေကို ကြံ့ကြံ့ခံရင်ဆိုင်နိုင်နခဲ့တာပဲလေ။ တခြား ဘယ်အရာက အစ်ကိုကြီးကို စိတ်ပျက်အောင် လုပ်နိုင်မှာမို့လဲ။</p> <p>မကြာခင်မှာပဲ ချူရှင်းဟီဟာ ဂိုဏ်းတူအစ်ကိုကြီး ဖန်းဖေးဆီကနေ အကြောင်းစုံကို သိလိုက်ရပါပြီ။</p> <p>ထောင်စုနှစ် မဟာအခမ်းအနားကြီး ပြီးတဲ့နောက် မဟာနေမင်း ကုန်းမြေတိုက်ကြီးမှာ ရှေးခေတ်ဟောင်း ဝိညာဉ်စွမ်းအင်တွေ ပြန်လည်နိုးထလာခဲ့ပါတယ်။ အဲဒီရဲ့ ရိုက်ခတ်မှုလှိုင်းက မသေးလှပါဘူး။</p> <p>အစတုန်းက တန်ခိုးရှင်လမ်းစဉ် မလျှောက်လှမ်းနိုင်တော့တဲ့ လူပေါင်းများစွာဟာ အခု ဝိညာဉ်စွမ်းအင်တွေ ပြန်နိုးထလာချိန်မှာ တန်ခိုးရှင် လမ်းစဉ် လျှောက်လှမ်းဖို့ အခွင့်အလမ်းတွေ ရလာကြသလို၊ တစ်သက်လုံး အဆင့်တက်ဖို့ မဖြစ်နိုင်တော့တဲ့သူတွေလည်း အဆင့်တက်ဖို့ အခွင့်အရေးတွေ ရလာကြပါတယ်။ ပါရမီရှင်တွေဆိုရင်လည်း အနာဂတ်အတွက် ပိုပြီး မျှော်လင့်ချက်တွေ ရှိလာကြပါပြီ။</p> <p>အဖွဲ့အစည်းငယ်ပေါင်းများစွာလည်း တစ်ခုပြီးတစ်ခု ပေါ်ပေါက်လာကြသလို ခေတ်သစ်တစ်ခုကို ရောက်ရှိတော့မှာကတော့ ကျိန်းသေနေခဲ့ပါတယ်။</p> <p>ဒါပေမဲ့ ဒီလိုခေတ်ကြီးကို ရောက်ခါနီးမှာပဲ မဟာမိုးကောင်းကင်ဂိုဏ်းဟာ လူရိုင်းမျိုးနွယ်စုဆီကနေ သတင်းတစ်ခု လက်ခံရရှိခဲ့ပါတယ်။</p> <p>(စာကြွင်း။ barbarian race ကို လူရိုင်းမျိုးနွယ်ဆိုပြီး ဘာသာပြန်ထားပါတယ်။)</p> <p>ဒီလူရိုင်းမျိုးနွယ်စုအကြောင်း ပြောရရင် အတော့်ကို ထူးခြားတယ် ဆိုရမှာပါ။</p> <p>ဟိုးရှေးရှေးတုန်းကတော့ ဒီလူရိုင်းမျိုးနွယ်စုဟာ လောကမှာ အင်အားအကြီးမားဆုံး အဖွဲ့အစည်းတွေထဲက တစ်ခုဖြစ်ခဲ့ပါတယ်။ သူတို့ဟာ ကန္တာရ နယ်မြေ မြေရိုင်းအရပ်မှာ အခြေချနေထိုင်ကြပေမဲ့ သားရဲတွေကို ယဉ်ပါးအောင် လုပ်နိုင်တဲ့ အစွမ်းကြောင့် အလွန်ကိုအင်အားကြီးမားခဲ့ကြတာပါ။</p> <p>ဒီလောကမှာ မိစ္ဆာသားရဲတွေတင် မကဘဲ ဝိညာဉ်သားရဲတွေလည်း အများကြီး ရှိပါတယ်။ လူရိုင်းမျိုးနွယ်စုကတော့ ဝိညာဉ်သားရဲတွေနဲ့ ဆက်သွယ်နိုင်တဲ့ ထူးဆန်းတဲ့ တန်ခိုးစွမ်းရည်ကို ပိုင်ဆိုင်ကြပါတယ်။</p> <p>အဲဒီစွမ်းရည်ကို အခြေခံပြီးတော့ပဲ လူရိုင်းမျိုးနွယ်စုဟာ ကြောက်မက်ဖွယ်ကောင်းတဲ့ အင်အားကို ပိုင်ဆိုင်နိုင်ခဲ့တာပါ။</p> <p>ဒါပေမဲ့လည်း မမျှော်လင့်တဲ့ အခြေအနေတွေ ဖြစ်ပေါ်လာခဲ့ပြီး လူရိုင်းမျိုးနွယ်စုအပေါ် ကျရောက်လာခဲ့ပါတယ်။</p> <p>ဝိညာဉ်သားရဲတွေ မွေးဖွားရာ ဆန်းကြယ်တဲ့ ဝိညာဉ်သားရဲကျွန်းဟာ အကြောင်းပြချက် မရှိဘဲ ရုတ်တရက် ပျောက်ကွယ်သွားတာပါ။ အဲဒီကျွန်း ပျောက်ကွယ်သွားတာနဲ့အတူ လူရိုင်းမျိုးနွယ်စုလည်း သူတို့ရဲ့ ဝိညာဉ်သားရဲတွေကို ဆုံးရှုံးလိုက်ရပါတယ်။</p> <p>သားရဲတွေကို ယဉ်ပါးအောင်လုပ်တဲ့ စွမ်းရည်ကိုပဲ အဓိကထားတဲ့ လူရိုင်းမျိုးနွယ်စုဝင်တွေအတွက် ဝိညာဉ်သားရဲတွေ ရုတ်တရက် မရှိတော့တာက ဘာကို ဆိုလိုတာလဲ။</p> <p>အဲဒါက မန္တန်သုံးလို့မရတဲ့ တရားကျင့်သူ၊ လေးမရှိတဲ့ လေးသည်တော် ဒါမှမဟုတ် အိမ်သာထဲရောက်မှ စက္ကူမပါတာနဲ့ ဘာကွာတော့မှာလဲ။</p> <p>ဒါကြောင့် အဖြေက ရှင်းပါတယ်။ လူရိုင်းမျိုးနွယ်စုဟာ အချိန်တိုအတွင်းမှာပဲ ဆုတ်ယုတ်သွားခဲ့ပါပြီ။ တစ်ချိန်က သားရဲယဉ်ပါးအောင်လုပ်တဲ့ စွမ်းရည်ကြောင့် ဂုဏ်တက်ခဲ့ကြသူတွေဟာ ချက်ချင်းပဲ အဆင့်မရှိတဲ့ တန်ခိုးရှင်မျိုးနွယ်စုလေး ဖြစ်သွားပါတော့တယ်။</p> <p>ဒါပေမဲ့လည်း လူရိုင်းမျိုးနွယ်စုမှာ လူရိုင်းဘုရင်ကြီး ရှိပါတယ်။</p> <p>"ဝိညာဉ်သားရဲတွေ မရှိတော့ရင်လည်း မိစ္ဆာသားရဲတွေကနေ ပြန်စကြတာပေါ့။ ဝိညာဉ်သားရဲတွေကို ယဉ်ပါးအောင် မလုပ်နိုင်ရင် မိစ္ဆာသားရဲတွေကို ယဉ်ပါးအောင် လေ့ကျင့်ပေးမယ်ကွာ"</p> <p>လူရိုင်းဘုရင်ကြီး ဆိုတဲ့အတိုင်းပါပဲ။ ဒီအကြံ ပေါ်လာတာနဲ့ မျိုးနွယ်စုပေါင်းစုံက တွေ့သမျှ မိစ္ဆာသားရဲတွေကို ဖမ်းဆီးပြီး ကိုယ်ပိုင် နည်းလမ်းတွေနဲ့ ယဉ်ပါးအောင် လေ့ကျင့်ခဲ့ကြပါတယ်။</p> <p>ပြောရရင် လူရိုင်းမျိုးနွယ်စုရဲ့ နည်းလမ်းတွေက တကယ့်ကို ထိရောက်ပါတယ်။ သူတို့ရဲ့ မွေးမြူမှုအောက်မှာ မိစ္ဆာသားရဲတွေရဲ့ အဆင့်တွေဟာ အရှိန်အဟုန်နဲ့ တက်လာခဲ့ပါတယ်။</p> <p>ဒါပေမဲ့ သူတို့ရဲ့ အဆင့်တွေ တက်လာချိန်မှာပဲ ထင်မထားတာတွေ ဖြစ်လာခဲ့ပါပြီ။</p> <p> မိစ္ဆာသားရဲတွေကို "မိစ္ဆာသားရဲ" လို့ ခေါ်ရတဲ့ အဓိကအကြောင်းရင်းက သူတို့မှာ အသိဉာဏ် မရှိဘဲ ဗီဇအတိုင်းပဲ လှုပ်ရှားကြလို့ပါ။</p> <p>ဒါကြောင့် လူရိုင်းမျိုးနွယ်စုကနေ အဆင့်တွေ အတင်းမြှင့်ပေးထားတဲ့ အဲဒီမိစ္ဆာသားရဲတွေရဲ့ တန်ခိုးစွမ်းရည်က သူတို့သခင်တွေထက် သာလွန်သွားပါပြီ။ ဒီအခါမှာတော့ သူတို့ရဲ့ သခင်တွေနဲ့ ရင်းရင်းနှီးနှီး မိတ်ဆက်မှုလေးတွေ လုပ်ကြပါတော့တယ်။</p> <p>ဒီမိတ်ဆက်မှုလေးကတော့ မိစ္ဆာသားရဲတွေက သခင်တွေရဲ့ ခန္ဓာကိုယ်ကို သွားတွေနဲ့ ပျော်ပျော်ပါးပါး တွေ့ထိပေးလိုက်တာပါပဲ။</p> <p>အမှန်ပါပဲ။ လူရိုင်းဘုရင်ကြီးရဲ့ စီမံကိန်းကြောင့် နှစ်အနည်းငယ်အတွင်းမှာတင် အဲဒီမျိုးနွယ်စုတွေက သားရဲလေ့ကျင့်သူတွေကို မိစ္ဆာသားရဲတွေက အရိုးပါ မကျန်အောင် စားပစ်လိုက်ကြပါတော့တယ်။</p> <p>ဒါပေမဲ့လည်း လူရိုင်းဘုရင်ကြီးကတော့ သူ့ရဲ့ အကြံဉာဏ်က မှားနေတယ်လို့ မထင်ပါဘူး။ သူတို့ရဲ့ နည်းလမ်းတွေမှာပဲ ပြဿနာ ရှိနေတာ ဖြစ်ရမယ်လို့ တွေးနေတာပါ။</p> <p> </p> <p>ဒါကြောင့် လူရိုင်းဘုရင်ကြီးလည်း မိစ္ဆာသားရဲတွေကို ထိန်းချုပ်မယ့် နည်းလမ်းတွေကို ကိုယ်တိုင် သုတေသနလုပ်ဖို့ ဆုံးဖြတ်လိုက်ပါတယ်။</p> <p>လူရိုင်းဘုရင်ကြီး ဆိုတဲ့အတိုင်းပါပဲ။ သူဟာ မဟာ မိစ္ဆာသားရဲ ကြီးတစ်ကောင်ကို မွေးမြူခဲ့ပြီးတော့.. အဲဒီနေ့မှာတင် သားရဲကြီးရဲ့ စားသောက်ခြင်းကို ခံလိုက်ရပါတော့တယ်။</p> <p>လူရိုင်းဘုရင်ကြီး ကျဆုံးသွားပုံက တော်တော်လေး ဝမ်းနည်းစရာကောင်းပေမဲ့ ပိုပြီး ဝမ်းနည်းစရာကောင်းတာကတော့ သူကိုယ်တိုင် မွေးမြူခဲ့တဲ့ အဲဒီ မဟာမိစ္ဆာသားရဲကြီးဟာ မြေရိုင်းအရပ်မှာ အကြီးအကျယ် သောင်းကျန်းသတ်ဖြတ်မှုတွေ လုပ်ခဲ့တဲ့ ကိစ္စပါ။</p> <p>လူရိုင်းမျိုးနွယ်စုဟာ အဲဒီ မဟာမိစ္ဆာသားရဲတွေရဲ့ သားရဲလှိုင်းလို့တောင် တင်စားခေါ်ရမယ့် အဆက်မပြတ် အုပ်စုလိုက် တိုက်ခိုက်မှုကြောင့် မျိုးသုန်းမတတ် ဖြစ်သွားခဲ့ပါတယ်။</p> <p>အဲဒီနောက်မှာတော့ မြေရိုင်းအရပ်ဟာ တကယ့်ကို လူသားကင်းမဲ့တဲ့ ကန္တာရ မြေရိုင်းနယ်မြေကြီး ဖြစ်သွားပါပြီ။ မိစ္ဆာသားရဲတွေက ကြောက်ဖို့ကောင်းတယ်ဆိုတာ လူတွေ သိထားပေမဲ့ မြေရိုင်းအရပ်ကိုသာ ရောက်ခဲ့မယ်ဆိုရင် အဲဒီက သားရဲတွေက စိတ်ကူးထားတာထက် အဆပေါင်း တစ်ရာမက ပိုပြီး ရက်စက်ကြမ်းကြုတ်တာကို တွေ့ရပါလိမ့်မယ်။</p> <p>အရင်တုန်းကလည်း မြေရိုင်းအရပ်က ကိုင်တွယ်ရ ခက်ခဲခဲ့ရုံပဲ ရှိတာပါ။ အခုတော့ ပိုတောင် ဆိုးသွားပါပြီ။ အရင်က လူရိုင်းမျိုးနွယ်စုက အနည်းဆုံးတော့ စကားပြောလို့ ရပါသေးတယ်။ အခုတော့ အဲဒီနေရာဟာ မိစ္ဆာသားရဲတွေရဲ့ နိဗ္ဗာန်ဘုံ ဖြစ်နေပါပြီ။</p> <p>မိစ္ဆာသားရဲတွေက စကားပြောလို့ ရမရဆိုတာကိုတော့ အဲဒီတုန်းက သေသွားတဲ့ လူရိုင်းဘုရင်ကြီးရဲ့ ဝိညာဉ်ကိုသာ ခေါ်မေးလို့ရရင် သူက ပျော်ပျော်ကြီး ရှင်းပြပါလိမ့်မယ်။</p> <p>လူရိုင်းမျိုးနွယ်စုဟာ မျိုးသုန်းမတတ် သားရဲဘေးဒဏ်ကို ခံစားရပြီးနောက်မှာ သူတို့ကိုယ်သူတို့ ပြန်လည်သုံးသပ်ခဲ့ကြပါတယ်။</p> <p>"အို... လူရိုင်းဘုရင်ကြီးရာ၊ မိုက်မဲလိုက်တာ။ ဘာလို့ မဟာမိစ္ဆာသားရဲတွေကို ဒီလောက်အများကြီး မွေးခဲ့တာလဲ။ နည်းနည်းလေးပဲ မွေးခဲ့ရင် ဒီလောက်လူတွေ သေမှာမဟုတ်ဘူး"</p> <p>ဒီစကားက မှားတော့မမှားပါဘူး။</p> <p>ဒါပေမဲ့ လူရိုင်းမျိုးနွယ်စုဟာ သူတို့ရဲ့ ခေါင်းမာမှုနဲ့ ပတ်သက်ရင် ဘယ်လောက်တောင် အလေးအနက်ထားသလဲဆိုတာကို ကမ္ဘာကြီးကို လက်တွေ့ပြခဲ့ပါတယ်။ သူတို့ဟာ မိစ္ဆာသားရဲ မွေးမြူတာက မှားတယ်လို့ မထင်ကြပါဘူး။ မွေးထားတဲ့ သားရဲတွေက "မယဉ်ပါး" သေးတာကြောင့်လို့ပဲ ယုံကြည်နေကြတာပါ။</p> <p>"မိစ္ဆာသားရဲတွေနဲ့သာ ရင်းနှီးသွားရင် သူတို့က ရက်စက်တော့မှာ မဟုတ်ဘူးလေ"</p> <p>အကျိုးဆက်အနေနဲ့ကတော့ ကျန်နေသေးတဲ့ လူရိုင်းမျိုးနွယ်စုဝင်တွေဟာ မိစ္ဆာသားရဲတွေနဲ့ ရင်းနှီးအောင် လုပ်မယ့် နည်းလမ်းတွေကို စတင် ရှာဖွေ သုတေသန လုပ်ကြပါတော့တယ်။ မိစ္ဆာသားရဲတွေနဲ့ ရင်းနှီးသွားသလားဆိုတာကိုတော့ မသိရပေမဲ့ နေ့တိုင်း မိစ္ဆာသားရဲတွေနဲ့ ရင်းနှီးအောင် လုပ်ဖို့ ကြိုးစားတဲ့သူတွေရဲ့ နောက်ဆုံးရလဒ်ကိုတော့ လူတိုင်း သိကြပါတယ်။</p> <p>မိစ္ဆာသားရဲတွေသာ စကားပြောခဲ့မယ် ဆိုရင်တော့။.</p> <p>"ငါတို့က ဒီလောက်တောင် ရင်းနှီးနေပြီပဲ။ မင်းကို ငါ စားလိုက်လည်း ပြဿနာ မရှိဘူးမလား။"</p> <p>လူရိုင်းမျိုးနွယ်စုက တကယ့်ကို စိတ်ဓာတ် ပြင်းထန်ပါတယ်။ တခြားမျိုးနွယ်စုတွေက ရန်သူတွေကြောင့် မျိုးသုန်းတတ်ပေမဲ့ လူရိုင်းမျိုးနွယ်စု မျိုးသုန်းမှုကတော့ ရန်သူတွေနဲ့ လားလားမှ မဆိုင်နေခဲ့ပါဘူး။</p> <p>ဘယ်လို ရူးမိုက်နေတဲ့ ရန်သူတော်က မြေရိုင်းအရပ်ကို သွားမှာလဲ။ အဲဒီနေရာက လူနေလို့ရတဲ့ နေရာမှ မဟုတ်တာ။</p> <p>ပြောစမှတ်ရှိတာကတော့ အရင်တုန်းက "ဘိုးဘေးအင်မော်တယ်ကြီး၀ူ"ဟာ မြေရိုင်းအရပ်ကို သွားခဲ့ဖူးပြီး အဲဒီမှာ မွေးမြူထားတဲ့ မဟာမိစ္ဆာသားရဲတွေရဲ့ ဝိုင်းဝန်းသတ်ဖြတ်တာကို ခံခဲ့ရဖူးပါတယ်တဲ့။</p> <p>ဒါကြောင့် လူရိုင်းမျိုးနွယ်စုဟာ တကယ့်ကို ကြောက်စရာကောင်းလှပါတယ်။ သူတို့ တစ်နေ့မှာ မျိုးသုန်းသွားရင်တောင် တခြားသူကြောင့် မဟုတ်ဘဲ သူတို့ဘာသာသူတို့ပဲ မျိုးသုန်းအောင် လုပ်ကြမှာပါ။</p> <p>ဂိုဏ်းတူအစ်ကိုကြီး ဖန်းဖေးပြောပြတဲ့ ကိုယ့်ဘာသာကိုယ် မျိုးသုန်းအောင် လုပ်ဖို့ အမြဲအဆင်သင့်ဖြစ်နေတဲ့ လူရိုင်းမျိုးနွယ်စု အကြောင်းကို နားထောင်ပြီး ချူရှင်းဟီ တစ်ယောက် ပါးစပ်အဟောင်းသား ဖြစ်သွားခဲ့ပါပြီ။</p> <p>အခု ဖန်းဖေးကို စိတ်ညစ်အောင် လုပ်နေတာကတော့ လူရိုင်းမျိုးနွယ်စုဆီက ပေးစာတစ်စောင်ပါပဲ။</p> <p>လူရိုင်းမျိုးနွယ်စု အင်အားကြီးခဲ့စဉ်က မဟာမိုးကောင်းကင်ဂိုဏ်းကို အများကြီး ကူညီခဲ့ဖူးတာမို့ သူတို့ဟာ သစ္စာရှိတဲ့ မဟာမိတ်တွေ ဖြစ်ခဲ့ပါတယ်။ နှစ်တွေကြာလာတာနဲ့အမျှ သူတို့ဟာ မဟာမိုးကောင်းကင်ဂိုဏ်းဆီကနေ ရတနာတွေနဲ့ အကူအညီတွေကို မကြာမကြာ တောင်းခံလေ့ ရှိပါတယ်။</p> <p>အစပိုင်းမှာတော့ မဟာမိုးကောင်းကင်ဂိုဏ်းက မဟာမိတ်တွေအပေါ် ရက်ရက်ရောရော ရှိခဲ့ပါတယ်။ သူတို့လိုအပ်တဲ့ ရတနာတွေကို တစ်ခုချင်းစီ ထောက်ပံ့ပေးခဲ့တာပါ။</p> <p>ဒါပေမဲ့ အချိန်အတော်ကြာအောင် ထောက်ပံ့ပြီးတဲ့နောက်မှာတော့ မဟာမိုးကောင်းကင်ဂိုဏ်းဟာ မပေးရဲတော့ပါဘူး။</p> <p>ဘာလို့လဲဆိုတော့ လူရိုင်းမျိုးနွယ်စုက တကယ်ကို ခေါင်းမာလွန်းလို့ပါ။ သူတို့က မဟာမိုးကောင်းကင်ဂိုဏ်းပေးတဲ့ ရတနာတွေကို ကိုယ့်ကိုယ်ကိုယ် သန်မာအောင် မလုပ်ဘဲ မိစ္ဆာသားရဲတွေကို ဆက်ပြီး သုတေသနလုပ်ဖို့ပဲ သုံးနေတာကြောင့်ပါ။</p> <p>အဲဒီမှာ ဘယ်လိုအခြေအနေ ဖြစ်လာလဲဆိုတော့ မဟာမိုးကောင်းကင်ဂိုဏ်းက ရတနာတွေ ပိုပေးလေလေ၊ လူရိုင်းမျိုးနွယ်စုဝင်တွေက ပိုပြီး မြန်မြန် သေကုန်လေလေပါပဲ။</p> <p>မဟာမိုးကောင်းကင်ဂိုဏ်းပေးတဲ့ ရတနာတွေက လူရိုင်းမျိုးနွယ်စုဆီ ရောက်တာလား၊ ဒါမှမဟုတ် မိစ္ဆာသားရဲတွေဆီ ရောက်တာလားတောင် မခွဲခြားနိုင်တော့ပါဘူး။</p> <p>ဒါက လူရိုင်းမျိုးနွယ်စုကို ကူညီတာလား၊ ဒါမှမဟုတ် သူတို့ သေတွင်းထဲ မြန်မြန်ဆင်းအောင် တွန်းပို့နေတာလား ဝေခွဲလို့ မရတော့ပါဘူး။</p> <p>မဟာမိတ်တွေ ဖြစ်ပေမဲ့လည်း မဟာမိုးကောင်းကင်ဂိုဏ်းဟာ ရတနာတွေ ထပ်မပေးရဲတော့ပါဘူး။</p> <p>(ဘုရားရေ... ထပ်ပေးလိုက်ရင် လူရိုင်းမျိုးနွယ်စုတစ်ခုလုံးမျိုးပြုတ် သေကုန်ကြတော့မှာလေ။)</p> <p>မဟာမိုးကောင်းကင်ဂိုဏ်းက ရတနာတွေပံ့ပိုးပေးမှု ဖြတ်လိုက်ပြီးနောက်မှာ လူရိုင်းမျိုးနွယ်စုဟာ နှစ်ပေါင်းများစွာ ငြိမ်သက်သွားခဲ့ပါတယ်။ ဒါပေမဲ့ အခု ဝိညာဉ်စွမ်းအင်တွေ ပြန်နိုးထလာတော့ လက်ရှိ လူရိုင်းဘုရင်ကြီး ဒူးဒင်အာဟာ မိုးကောင်းကင်ကို မော့ကြည့်ပြီး သက်ပြင်းချလိုက်ပါပြီ။</p> <p>"ဒါဟာ မိုးကောင်းကင်ရဲ့ နိမိတ်ပဲ။"</p> <p>"ငါတို့ လူရိုင်းမျိုးနွယ်စု ပြန်လည် ရှင်သန် နိုးထရမယ့် အချိန်ရောက်ပြီ..."</p> <p>"အရင်တုန်းက ငါတို့ မိစ္ဆာသားရဲ မွေးမြူတာ မအောင်မြင်ခဲ့ဘူးဆိုတာ ဝိညာဉ်စွမ်းအင် မလုံလောက်လို့ပဲ။ အခု ရှေးခေတ်ဟောင်း ဝိညာဉ်စွမ်းအင်တွေ ပြန်နိုးထလာပြီဆိုတော့ အခွင့်အရေး ရှိလာပြီ။"</p> <p>လူရိုင်းဘုရင်ကြီးသစ် ဒူးဒင်အာရဲ့ စိတ်ကူးယဉ် ဦးဆောင်မှုအောက်မှာ လူရိုင်းမျိုးနွယ်စုဟာ မိစ္ဆာသားရဲ သုတေသနကို ထပ်မံ စတင်ခဲ့ပါတယ်။ ရလဒ်ကတော့... လူရိုင်းမျိုးနွယ်စုရဲ့ နောက်ဆုံးကျန်ရှိနေတဲ့ ဆရာဘိုးဘိုးတစ်ယောက် ကိုယ်တိုင် မွေးမြူထားတဲ့ မိစ္ဆာသားရဲရဲ့ စားသောက်ခြင်းကို ခံလိုက်ရပြီး အရိုးတောင် မကျန်ခဲ့ဘူး ဆိုတာပါပဲ။</p> <p>တခြား မျိုးနွယ်စုဝင်တွေရဲ့ သေဆုံးမှုတွေကလည်း တကယ့်ကို ဝမ်းနည်းစရာပါ။</p> <p> </p> <p>လူဦးရေ အနည်းငယ်ပဲ ကျန်တော့တဲ့ လူရိုင်းမျိုးနွယ်စု အတွက်ကတော့ အခုအခြေအနေက မိုးရွာရာ လေပါရုံတင်မကဘဲ မိုးကြိုးပါ ပစ်ခံနေရသလို ဖြစ်နေပါပြီ။။</p> <p>ဒါကြောင့် လူရိုင်းဘုရင်ကြီး ဒူးဒင်အာလည်း မဟာမိုးကောင်းကင်ဂိုဏ်းဆီကို သတင်းစကား ပါးလိုက်ပါတယ်။</p> <p>"ကျွန်တော်တို့ လူရိုင်းမျိုးနွယ်စုကို နောက်ဆုံးအကြိမ်အဖြစ် ရတနာတွေ ထောက်ပံ့ပေးပါဦး။ အခုလို ရှေးခေတ်ဟောင်း ဝိညာဉ်စွမ်းအင်တွေ ပြန်လည်နိုးထလာချိန်မှာ ကျွန်တော်တို့မျိုးနွယ်စု ပြန်လည်ရှင်သန်လာနိုင်ဖို့အတွက် ကံကြမ္မာကို အံတုပြီး ကြိုးစားရပါဦးမယ်။"</p> <p>"ကျွန်တော်တို့ လူရိုင်းမျိုးနွယ်စုရဲ့ ဂုဏ်သိက္ခာအားလုံးကို ရင်းပြီး ကြိုးစားသွားမှာပါ"</p> <p>လူရိုင်းမျိုးနွယ်စုက သူတို့ရဲ့ ဂုဏ်သိက္ခာကို ရင်းမရင်းတော့ ချူရှင်းဟီ မသိပါဘူး။ ချူရှင်းဟီ သိတာတစ်ခုကတော့ သူတို့ကိုသာ ရတနာတွေ ပေးလိုက်ရင် သူတို့ရဲ့ "အသက်" တွေကိုပါ ရင်းလိုက်ရတော့မယ် ဆိုတာပါပဲ။</p> <p>(မင်းတို့တွေက ကိုယ့်ဖာသာ  မိစ္ဆာသားရဲတွေကို အစာကျွေးချင်တာကိုတော့ နားလည်ပေးလို့ ရပါတယ်။ ဒါပေမဲ့ ကိုယ့်ခန္ဓာကိုယ်ကိုတော့ သားရဲအစာအဖြစ်တော့ အသုံးမပြုသင့်ဘူးလေနော်။)</p> <p>ဒါကြောင့် ဆရာဘိုးဘိုးက ခေါင်းကိုက်စရာ တာဝန်ကို ဖန်းဖေး လက်ထဲ အပ်နှံလိုက်ပါတယ်။</p> <p>သတ်မှတ်ချက်ကတော့ ရှင်းပါတယ်။ ပထမအချက်အနေနဲ့ လူရိုင်းမျိုးနွယ်စုကို ရတနာတွေ လုံးဝ မပေးရပါဘူး။ ဘာလို့လဲဆိုတော့ ရတနာတွေ ပေးလိုက်ရင် အလွန်ဆုံး နှစ်ပတ်အတွင်းမှာပဲ လူရိုင်းမျိုးနွယ်စုဆိုတာ သမိုင်းထဲမှာပဲ ကျန်ရစ်တော့မှာ မို့လို့ပါ။</p> <p>ဒါပေမဲ့ ပြဿနာက လူရိုင်းဘုရင်ကြီး ဒူးဒင်အာဟာ အရင်တုန်းက မဟာမိုးကောင်းကင်ဂိုဏ်းက ပေးထားခဲ့တဲ့ မဟာမိုးကောင်းကင် တံဆိပ်တော်ကို ထုတ်ပြလာတာပါပဲ။ ဒါဟာ သူတို့ရဲ့ မဟာမိတ်ဖြစ်ကြောင်း သက်သေတစ်ခုပါ။ မဟာမိတ်စာချုပ်အရ ဒီအမှတ်အသားကို ထုတ်ပြလာရင် မဟာမိုးကောင်းကင်ဂိုဏ်းအနေနဲ့ ဘယ်လိုအခြေအနေမျိုးမှာမဆို ငြင်းပယ်ခွင့် မရှိပါဘူး။</p> <p>ဒါပေမဲ့ မငြင်းဘဲ ရတနာတွေ ပေးလိုက်ရမယ်ဆိုရင်လည်း မဟာမိုးကောင်းကင်ဂိုဏ်းက ပေးရမှာကို နှမြောနေတာ မဟုတ်ပါဘူး။ ရတနာတွေ ရပြီးရင် လူရိုင်းမျိုးနွယ်စုမှာ အသက်ရှင်တဲ့သူ ကျန်ပါဦးမလားဆိုတာကို စိုးရိမ်နေတာပါ။</p> <p>ဒါကို ဘယ်လိုငြင်းရမလဲဆိုတာ ဖန်းဖေး တစ်ယောက် တကယ်ကို ကြံရခက်နေပါပြီ။</p> <p>"ဂိုဏ်းတူညီလေး ရှင်းဟီ။ မင်းက ဉာဏ်ကောင်းတယ်လေ။ ဂိုဏ်းတူအစ်ကိုကြီးကို ကူညီပြီး အကြံလေး တစ်ခုလောက် ထုတ်ပေးပါဦး။"</p> <p> ဖန်းဖေးတစ်ယောက် ငိုတောင် ငိုချင်နေပါပြီ။</p> <p>(ဆရာဘိုးဘိုးကလည်း ငါ့ကို ဒီထက်ပိုလွယ်တဲ့ အလုပ်မျိုး မပေးနိုင်ဘူးလား။)</p> <p>ဒါပေမဲ့ ဖန်းဖေး တစ်ယောက် လူရိုင်းမျိုးနွယ်စုကို ဘယ်လိုငြင်းရမလဲဆိုတာ ညည်းတွားနေတုန်းမှာပဲ ချူရှင်းဟီက ပြောလိုက်ပါတယ်။</p> <p>"ဂိုဏ်းတူအစ်ကိုကြီး ဖန်းဖေး။ ဘာတွေ တွေဝေနေတာလဲ။ ကျွန်တော်တို့ မဟာမိုးကောင်းကင်ဂိုဏ်းနဲ့ လူရိုင်းမျိုးနွယ်စုက မဟာမိတ်တွေလေ။ အခု ကျွန်တော်တို့ရဲ့ မဟာမိတ်တွေက ဒီလောက် ကြီးမားတဲ့ ဘေးဒုက္ခကို ကြုံတွေ့နေရတာကို ကျွန်တော်တို့က လျစ်လျူရှုထားလို့ ရပါ့မလား။ ဒီလိုအချိန်မျိုးမှာ မဟာမိတ်တွေကို ဘယ်လိုလုပ် ငြင်းလို့ သင့်တော်မှာလဲ"</p> <p>"ငြင်းဖို့ မပြောနဲ့ဦး၊ ကျွန်တော်တို့ မဟာမိုးကောင်းကင်ဂိုဏ်းအနေနဲ့ ရတနာတွေကို အစွမ်းကုန်တောင် ပံ့ပိုးပေးရဦးမယ်။ မဟာမိုးကောင်းကင်ဂိုဏ်းကို မိုးနတ်မင်း စောင်မ စောင့်ရှောက်ပေးတော်မူပါ။"</p> <p>ဖန်းဖေး တစ်ယောက် ပါးစပ်အဟောင်းသား ဖြစ်သွားပါပြီ။</p> <p>"ညီလေး ရှင်းဟီ... မင်း ဘာတွေပြောနေတာလဲဟင်။ ကိုယ့်ဖာသာ နားထောင်ကြည့်မိရဲ့လား။"</p> <p>"ငါတို့က မငြင်းဘဲနဲ့ ရတနာတွေ ပေးလိုက်ရင် မဟာမိတ်တွေကို သေတွင်းထဲ ကိုယ်တိုင် ပို့လိုက်တာနဲ့ အတူတူပဲလေ။ အဲဒီကျရင် အပြင်လူတွေက ငါတို့ မဟာမိုးကောင်းကင်ဂိုဏ်းကို အကြီးအကျယ်တံတွေးထွေးကုန်ကြတော့မှာပေါ့ဟ။"</p> <p> </p> <p style="text-align: center;">***</p>


Save