Book List

<h2 style="text-align: center;">Chapter 8</h2> <h2 style="text-align: center;">ငါ ဘယ်လောက်တောင် စွမ်းသလဲဆိုတာ ကြည့်လိုက်စမ်း</h2> <h2 style="text-align: center;">*</h2> <p> </p> <p> </p> <p> </p> <p>အိုးရန်မိသားစုက မိစ္ဆာသားရဲအကင်ကို စတင်မိတ်ဆက်ပေးလိုက်တဲ့ အချိန်ကစပြီး လူရိုင်းမျိုးနွယ်စု အတွက်တော့ ကမ္ဘာသစ်ကြီးတစ်ခု တွေ့လိုက်ရသလိုပါပဲ။</p> <p>"မိစ္ဆာသားရဲတွေမှာ ဒီလိုအသုံးဝင်ပုံမျိုး ရှိနေတာလား။"</p> <p>"ငါတို့တွေ တော်တော်အူကြောင်ကြောင် နိုင်ခဲ့ကြတာပဲ။"</p> <p>အရင်တုန်းကတော့ ငါတို့လူရိုင်းမျိုးနွယ်စုဝင်တွေဟာ ထိန်းမရတဲ့ မိစ္ဆာသားရဲတွေနဲ့ တွေ့ရင်၊ အကောင်က အရမ်းကြီးရင် ထွက်ပြေးကြတယ်၊ အကောင်က သိပ်မကြီးရင်တော့ သတ်ပြီး အဲဒီနေရာမှာတင် မြေမြှုပ်ပစ်ခဲ့ကြတာလေ။</p> <p>ဒါပေမဲ့ မိစ္ဆာသားရဲတွေကို မြေမြှုပ်ရုံတင်မကဘဲ... စားလို့လည်း ရတယ်ဆိုတာကို တစ်ခါမှ မစဉ်းစားခဲ့မိဘူး။</p> <p>ဒါဆိုရင် နှစ်ပေါင်းများစွာကြာအောင် ငါတို့မျိုးနွယ်စုဟာ စားကောင်းသောက်ဖွယ် မိစ္ဆာသားရဲ ဘယ်နှကောင်လောက်ကို လက်လွှတ်ဆုံးရှုံးခဲ့ရပြီလဲ။</p> <p>လွန်ခဲ့တဲ့ ရက်ပိုင်းအတွင်းမှာတော့ ဘီနီဟာ အရင်တုန်းက အမှားတွေကို သင်ခန်းစာယူပြီး အိုးရန်မိသားစုနဲ့အတူ မိစ္ဆာသားရဲ အသားကို နည်းလမ်းမျိုးစုံနဲ့ ချက်ပြုတ်မြည်းစမ်းခဲ့ပါတယ်။ မိစ္ဆာသားရဲအသား ဆီပြန်ဟင်း၊ မိစ္ဆာသားရဲ အရေခွံကင်၊ မိစ္ဆာသားရဲ အရိုးပြုတ်ဟင်းရည်၊ မိစ္ဆာသားရဲ နံရိုးပေါင်း၊ မိစ္ဆာသားရဲ မျက်လုံးပေါင်း၊ မိစ္ဆာသားရဲ အသည်း ချဉ်စပ်ချက် စသဖြင့် အရသာမျိုးစုံကို မြည်းစမ်းခဲ့ကြတာပါ။</p> <p>ဒါပေမဲ့ ဘီနီ တစ်ယောက် စားရင်းစားရင်းနဲ့ ရှေ့ဆက်ဖို့ မလွယ်တော့ဘူးလို့ ခံစားလာရပါတယ်။</p> <p>သူ ဆက်မစားနိုင်လို့တော့ မဟုတ်ပါဘူး။ အခုလိုသာ ဆက်စားနေရင် မိစ္ဆာသားရဲတွေ တစ်ကောင်မှ ကျန်တော့မှာ မဟုတ်လို့ပါ။</p> <p>နေပါဦး... ငါတို့ မဟာမိုးကောင်းကင်ဂိုဏ်းကို လာတာက မိစ္ဆာသားရဲတွေကို လေ့ကျင့်မွေးမြူဖို့ မဟုတ်ဘူးလား။</p> <p>ဘာဖြစ်လို့ အခုတော့ "မိစ္ဆာသားရဲတွေ အသားတိုးအောင် လေ့ကျင့်မွေးမြူသလို ဖြစ်နေရတာလဲ။</p> <p>ပြီးတော့... ဘယ်သူကများ ငါတို့ကို ဒီလို လမ်းမှားပေါ် ရောက်အောင် ခေါ်သွားတာလဲ။</p> <p>ဘီနီ တစ်ညလုံး စဉ်းစားပေမဲ့လည်း အဖြေရှာမရခဲ့ပါဘူး။</p> <p>ဘီနီအနေနဲ့ မိစ္ဆာသားရဲကို စားတာကို လက်ခံနိုင်သေးပေမဲ့၊ မိစ္ဆာသားရဲရဲ့ အစားခံရတာကိုတော့ လက်ခံဖို့ ခက်ခဲနေဆဲပါ။</p> <p>လွန်ခဲ့တဲ့ ရက်ပိုင်းအတွင်းမှာပဲ ဟေးယွဲ့ကလန်က ဂိုဏ်းတူအစ်ကိုကြီးတွေဟာ သူတို့ရဲ့ လုပ်ရပ်တွေကတစ်ဆင့် သက်သေပြခဲ့ကြပါတယ်။</p> <p>"တလွဲလုပ်တဲ့နေရာမှာ ငါတို့လူရိုင်းမျိုးနွယ်စုက သူတို့ကို ဘယ်လိုလုပ် ယှဉ်နိုင်မှာလဲ။"</p> <p>“မင်းတို့ရော မြင်ဖူးသလား။ မိစ္ဆာသားရဲရဲ့ အစားခံဖို့အတွက် လူတွေ အုပ်စုလိုက်ကြီး တန်းစီနေကြတာလေ။”</p> <p>တကယ်လို့ တစ်ယောက်ယောက်ကသာ ဒီအကြောင်းကို ဘီနီ့ကို အရင်က ပြောပြခဲ့ရင် ဘီနီကတော့ အဲဒီလူ ရူးနေပြီလို့ပဲ ထင်မိမှာပါ။</p> <p>ငါတို့လူရိုင်းမျိုးနွယ်စုတောင် မိစ္ဆာသားရဲဆီ အစားခံဖို့ ကိုယ့်ဘာသာကိုယ် ပုံအပ်တာမျိုး မလုပ်ဘူးလေ။ ငါတို့ အစားခံရတယ်ဆိုတာ မွေးမြူနေရင်း ထိန်းမရတဲ့ အခြေအနေမျိုးဖြစ်မှ အစားခံရတာ။</p> <p>ဒါပေမဲ့ မင်းတို့ မဟာမိုးကောင်းကင်ဂိုဏ်းက လူတွေက ဘာဖြစ်လို့ မိစ္ဆာသားရဲဆီ အစားခံဖို့ တန်းစီနေကြတာလဲ။</p> <p>ပြောရရင် ဟေးယွဲ့ကလန်သားတွေဟာ တကယ်ကို ပျော်စရာအသစ်တစ်ခုကို ရှာတွေ့သွားကြတာပါ။ ဟိုက မိစ္ဆာသားရဲတွေ ဗိုက်ကားနေတာကိုသာ ကြည့်လိုက်ပါတော့။</p> <p>အရင်တုန်းကတော့ မိစ္ဆာသားရဲတွေဟာ တစ်ခုခုကို စားဖို့အတွက် စိတ်ဖောက် သောင်းကျန်းကြရပါတယ်။ အခုတော့ အဲလိုလုပ်စရာတောင် မလိုတော့ဘူး။ ဟေးယွဲ့ကလန်သားတွေက သူတို့ပါးစပ်ထဲ အရောက် ခွံ့ကျွေးနေကြပါပြီ။</p> <p>(ဘုရားရေ။)</p> <p>မိစ္ဆာသားရဲတွေလည်း ဒီလိုအဖြစ်မျိုး တစ်ခါမှ မကြုံဖူးကြဘူး။ အစပိုင်းမှာတော့ သူတို့ရှေ့ အရောက်လာတဲ့ ဟေးယွဲ့ကလန်သားတွေကို ကြည့်ပြီး သွားရည် တမြားမြားနဲ့ သွေးဆာစွာ ရက်ရက်စက်စက် စားသောက်ခဲ့ကြပါတယ်။</p> <p>ဒါပေမဲ့ အဲဒီရက်စက်မှုက ကြာကြာမခံပါဘူး။ မိစ္ဆာသားရဲတွေဟာ အခြေအနေက သူတို့ထင်သလောက် မရိုးရှင်းဘူးဆိုတာ သဘောပေါက်လာကြပါတယ်။</p> <p>မိစ္ဆာသားရဲတွေက အများကြီး စားနိုင်တယ်ဆိုပေမဲ့ ဟေးယွဲ့ကလန်သားတွေရဲ့ အရေအတွက်ကိုတော့ မယှဉ်နိုင်ဘူးလေ။</p> <p>စားရင်းစားရင်းနဲ့ မိစ္ဆာသားရဲတွေ ဗိုက်ပြည့်လာတဲ့အခါ၊ အရင်က ရက်စက်လှတဲ့ မိစ္ဆာသားရဲတွေဟာ သူတို့ရှေ့ကို ရောက်လာတဲ့ လူသားတွေကို ငြင်းပယ်လာပါတော့တယ်။</p> <p>ဒါကို မြင်လိုက်ရတဲ့ ဟေးယွဲ့ကလန်သားတွေက မိစ္ဆာသားရဲတွေကို သူတို့ ကိုယ်ခန္ဓာတွေ အဓမ္မ ကျွေးမွေးလိုက်ကြပါပြီ။</p> <p>"ဘယ်လိုဖြစ်ရတာလဲ။ ဂိုဏ်းတူအစ်ကိုကြီး အားလန်တောင် အစားခံလိုက်ရပြီ၊ ငါက မခံရသေးဘူးလေ..."</p> <p>ဒါပေမဲ့ အတင်းအကျပ် ကျွေးတာကလည်း အတိုင်းအတာတော့ ရှိနေပါသေးတယ်။ နောက်ဆုံးမှာတော့ မိစ္ဆာသားရဲတွေဟာ အတင်းကျွေးတာကိုတောင် မစားနိုင်တော့တဲ့ အခြေအနေ ရောက်သွားပါပြီ။</p> <p>ဒီတော့ ဟေးယွဲ့ကလန်သားတွေက ဒေါသထွက်ပြီး ချိန်းချန်နန်းတော်ဆီကို ချက်ချင်းပြေးသွားပါတော့တယ်။ မိစ္ဆာသားရဲတွေကို အစာစားချင်စိတ် ဖြစ်ပေါ်စေမယ့် ဆေးတွေ၊ အတင်းအကျပ် ဆက်စားစေနိုင်မယ့် ဆေးတွေကို ဖော်ခိုင်းပြီး ယူလာကြပါပြီ။</p> <p>ချိန်းချန်နန်းတော်ရဲ့ ဆေးတွေက တကယ်ကို အစွမ်းထက်ပါတယ်။</p> <p>ဆေးအကျွေးခံလိုက်ရတဲ့ မိစ္ဆာသားရဲတွေဟာ တကယ့်ကို ကြောက်စရာကောင်းတဲ့ စားသောက်နိုင်စွမ်းတွေ ပြန်ရလာပါပြီ။</p> <p>သူတို့တွေဟာ ဟေးယွဲ့ကလန်သားတွေကို အစွမ်းကုန် ဝါးမျိုစားသောက်ကြပါတယ်။ နောက်ဆုံးရလဒ်ကတော့ အဲဒီမိစ္ဆာသားရဲတွေဟာ စားပိုးနင့်ပြီး အဲဒီနေရာမှာတင် ပွဲချင်းပြီး သေဆုံးသွားတာပါပဲ။</p> <p>ဒီသတင်းကို ကြားတာနဲ့ အိုးရန်မိသားစုဝင်တွေ ဝမ်းသာအားရ ပြေးလာကြပြီး စားပိုးနင့်လို့ သေသွားတဲ့ မိစ္ဆာသားရဲကြီးတွေကို ဝိုင်းစားကြပါတော့တယ်။</p> <p>"သူတစ်ပါးကို စားတဲ့သူဟာ တစ်နေ့မှာ ပြန်အစားခံရမှာပဲ"</p> <p>ဒီလိုနဲ့ ဟေးယွဲ့ကလန်နဲ့ အိုးရန်မိသားစုဟာ မိစ္ဆာသားရဲတွေကို စားသောက်တဲ့နေရာမှာ ပြီးပြည့်စုံတဲ့ သံသရာစက်ဝန်းတစ်ခုကို ဖန်တီးလိုက်ကြပါတယ်။</p> <p>လူရိုင်းမျိုးနွယ်စုက သူတို့ကို မွေးမြူပေးဖို့ တာဝန်ယူနေပါပြီ။</p> <p>“မိစ္ဆာသားရဲတွေက လူသားချင်ရင် ငါတို့ဟေးယွဲ့ကလန်က အစားခံမယ်။ မစားချင်ရင်တောင် ဆေးကျွေးပြီး အတင်းစားခိုင်းမယ်။ စားပိုးနင့်လို့ သေသွားရင်တော့ အိုးရန်မိသားစုဆီ အပ်လိုက်မယ်... အဲဒီကျရင် အားလုံး ဝိုင်းဖွဲ့ပြီး မီးပုံပွဲလုပ်ကြမယ်။”</p> <p> </p> <p>ဘီနီ တစ်ယောက် မျက်လုံးပြူးကျယ်နေပါပြီ။ နှစ်ပေါင်းများစွာကြာအောင် ဘီနီဟာ မြေရိုင်းအရပ်မှာ သောင်းကျန်းနေတဲ့ မိစ္ဆာသားရဲပြဿနာကို ဘယ်လိုဖြေရှင်းရမလဲလို့ တွေးနေခဲ့တာပါ။ ဒီနေ့မှာတော့ ဘီနီ ကိုယ့်ကိုယ်ကိုယ် ပြန်မေးမိနေပါပြီ။</p> <p> </p> <p>“တကယ်လို့သာ အိုးရန်မိသားစုနဲ့ ဟေးယွဲ့ကလန်ကို မြေရိုင်းအရပ်ထဲ ပို့လိုက်ရင်၊ သူတို့တွေ ဒီနည်းလမ်းကို သုံးပြီး မြေရိုင်းအရပ်က မိစ္ဆာသားရဲ အားလုံးကို အကုန်စားပစ်ကြမလား။”</p> <p>ချူရှင်းဟီ ကတော့ ဟေးယွဲ့နန်းတော်ရဲ့ အဝင်ဝမှာ ထိုင်ရင်း ခေါင်းကို လက်နှစ်ဖက်နဲ ဆုပ်ကိုင်ထားမိပါပြီ။</p> <p>"ငါ့ရဲ့ မဟာမိုးကောင်းကင်ဂိုဏ်းမှာ တကယ်ပဲ ပုံမှန်လူဆိုတာ လုံးဝ မရှိတော့ပါလား။ ဘယ်လိုကိစ္စမျိုးပဲဖြစ်ဖြစ် ငါ့ဂိုဏ်းထဲ ရောက်လာပြီဆိုရင် အကုန်လုံး ထူးဆန်းသွားကြတော့တာပါလား"</p> <p> </p> <p>….</p> <p> </p> <p>ဒါပေမဲ့ တိုးတက်လာတဲ့ လမ်းကြောင်းက တကယ့်ကို ထူးဆန်းနေပေမဲ့လည်း ခြုံငုံသုံးသပ်ကြည့်ရင်တော့ ဘာမှမှားယွင်းနေတာမျိုး မရှိနေပါဘူး။</p> <p>တကယ်တမ်းတော့ အိုးရန်မိသားစုနဲ့ ဟေးယွဲ့ကလန်တို့ ပူးပေါင်းလိုက်မှုကြောင့် လူရိုင်းမျိုးနွယ်စုက မိစ္ဆာသားရဲတွေကို မွေးမြူတဲ့နေရာမှာ သုံးစွဲရတဲ့ ဂိုဏ်းရဲ့ ရတနာအရင်းအမြစ်တွေ အကုန်အကျ အဆများစွာ များပြားလာခဲ့ပါတယ်။</p> <p>တခြားနည်းလမ်းလည်း မရှိနေပါဘူး။ လူရိုင်းမျိုးနွယ်စုက အများကြီး ဖြုန်းတီးချင်လို့ မဟုတ်ပါဘူး၊ အဓိကကတော့ အရင်းအမြစ် နည်းနည်းပဲ သုံးရင် မွေးမြူရတာ နှေးကွေးလွန်းလို့ အိုးရန်မိသားစုရဲ့ စားနှုန်းကို မမီမှာစိုးလို့ပါပဲ။</p> <p>ဒီလို သဟဇာတဖြစ်လှတဲ့ မိစ္ဆာသားရဲ စားသောက်မှု သံသရာကွင်းဆက်ကြီးကို ကြည့်ပြီး ချူရှင်းဟီ တစ်ယောက် တကယ်ကို စိတ်အေးသွားရပါပြီ။</p> <p>အခုဆိုရင် အိုးရန်မိသားစုဟာ မိစ္ဆာသားရဲအသား စားဖို့ကိုပဲ အာရုံစိုက်နေကြတာကြောင့် မှော်ရတနာတွေ သန့်စင်ဖို့တောင် စိတ်မပါကြတော့ပါဘူး။</p> <p>ဟေးယွဲ့ကလန်ဆိုရင်တော့ ပြောမနေပါနဲ့တော့။ တရားကျင့်ဖို့ နေနေသာသာ နေ့တိုင်း မိစ္ဆာသားရဲရဲ့ အစားခံဖို့ တန်းစီရတာကိုပဲ စွဲလမ်းနေကြပြီး၊ မိစ္ဆာသားရဲ ဝါးစားတာကို ခံရပြီးနောက် ဘယ်လိုအရသာရှိလဲဆိုတဲ့ အစားခံပြီးမှ ပြန်ရေးတဲ့ ရီဗျူး(review) အတွေ့အကြုံတွေတောင် ရေးနေကြပါပြီ။</p> <p>လူရိုင်းမျိုးနွယ်စုကလည်း ဂိုဏ်းရဲ့ ရတနာတွေကို အဆက်မပြတ် ဖြုန်းတီးနေတာကြောင့် အတော်လေး အခြေအနေ ကောင်းနေတယ် ဆိုရမှာပါ။</p> <p>ဒီလို ပြီးပြည့်စုံတဲ့ ဂေဟစနစ် ဖြုန်းတီးမှုအောက်မှာ ချူရှင်းဟီဟာ နောက်ဆုံးတော့ စိတ်ချလက်ချနဲ့ ဂိုဏ်းရဲ့ လုပ်ငန်းခွင်တွေကို သွားရောက်စစ်ဆေးဖို့ ပြင်ဆင်နိုင်ခဲ့ပါပြီ။</p> <p>ရှင်းဟီ ခရီးထွက်တော့မယ်ဆိုတဲ့ သတင်းကို ရတာနဲ့ ဆရာဘိုးဘိုးဟာ မဟာမိုးကောင်းကင်ဂိုဏ်းရဲ့ မြောက်ပိုင်းမှာရှိတဲ့ ဂိုဏ်းခွဲပေါင်းစုံကို သတင်းစကားတွေ ကိုယ်တိုင် ပေးပို့ခဲ့ပါတယ်။ ဘာလို့လဲဆိုတော့ စည်းမျဉ်းအရ ဒီနှစ် စစ်ဆေးရေးခရီးစဉ်က မြောက်ပိုင်း ဂိုဏ်းခွဲတွေဆီ သွားရမှာမို့လို့ပါ။</p> <p>ဂိုဏ်းချုပ်ရုံးက သတင်းကို ရလိုက်တဲ့အခါ မြောက်ပိုင်း ဂိုဏ်းခွဲတွေက တာဝန်ခံတွေဟာ ဒီကိစ္စကို အရမ်းကို အလေးအနက်ထားနေကြပါပြီ။</p> <p>မဟာမိုးကောင်းကင်ဂိုဏ်းရဲ့ မြောက်ပိုင်းမှာရှိတာက မဟာမိုးကောင်းကင် ကုန်သည်အသင်းရဲ့ မြောက်ပိုင်း ဌာနခွဲတင် မဟုတ်ပါဘူး။ မဟာမိုးကောင်းကင်ဂိုဏ်းဆိုတာ ရေတွက်လို့မရတဲ့ လုပ်ငန်းပေါင်းစုံရှိတဲ့ လုပ်ငန်းစုကြီးတစ်ခုဖြစ်တာကြောင့် ဒီစစ်ဆေးရေးဟာ နယ်ပယ်စုံကို လွှမ်းခြုံထားပါတယ်။</p> <p>ဒီတစ်ခါ ဂိုဏ်းချုပ်ရုံးရဲ့ သတင်းစကားကို ရလိုက်တဲ့အခါ မြောက်ပိုင်းမှာရှိတဲ့ မဟာမိုးကောင်းကင်ဂိုဏ်းရဲ့ လုပ်ငန်းအားလုံးဟာ အားသွန်ခွန်စိုက် ပြင်ဆင်နေကြပါပြီ။ အရင်နှစ်တွေက ဂိုဏ်းချုပ်ကြီး ကိုယ်တိုင်လာစစ်တုန်းကထက်တောင် ပိုပြီး အလေးထားနေကြတာပါ။</p> <p>ဘယ်သူမှ မအပါဘူး။ ဂိုဏ်းချုပ်ကြီး လာစစ်တယ်ဆိုတာက ပုံမှန်လုပ်ရိုးလုပ်စဉ် ကိစ္စပဲလေ။ လူတိုင်း ကိုယ်လုပ်ရမယ့်အလုပ်ကို ကိုယ်လုပ်ထားရင် သာမန်အားဖြင့် အဆင်ပြေပါတယ်။</p> <p>ဒါပေမဲ့ ဒီတစ်ခါ လာမှာက ချူရှင်းဟီ လေ။</p> <p>ချူရှင်းဟီဆိုတာ ဘယ်သူလဲ။ မြောက်ပိုင်းက ဂိုဏ်းခွဲတွေဟာ ဂိုဏ်းချုပ်ရုံးထဲမှာ မရှိပေမဲ့ ဂိုဏ်းရဲ့ သတင်းအရပ်ရပ်ကိုတော့ အကုန်သိနေကြတာပါ။</p> <p>ရှင်းဟီက အခုအချိန်မှာ အမာခံတပည့် အဆင့်ပဲ ရှိသေးတယ်ဆိုပြီး အထင်မသေးပါနဲ့။ ဂိုဏ်းချုပ်ကြီးကိုယ်စား လာစစ်တယ်ဆိုတာ ဘာကိုဆိုလိုသလဲဆိုတာ အသိဉာဏ်ရှိတဲ့သူတိုင်း နားလည်ကြတာပဲ မဟုတ်လား။</p> <p>ထောင်စုနှစ် မဟာအခမ်းအနား ပွဲတော်ကြီးတုန်းက ချူရှင်းဟီရဲ့ နာမည်ဟာ တလောကလုံးမှာ ပဲ့တင်သံထပ်သွားခဲ့ပါတယ်။ သူဟာ ဂိုဏ်းချုပ်ကြီး ဂူမင်ချောင်ကို ကမ္ဘာ့နတ်ဘုရားအဆင့် ရောက်ရှိအောင် ကူညီပေးခဲ့ပြီး နှစ်ပေါင်းတစ်ထောင်အတွင်း ပထမဆုံး ကမ္ဘာ့နတ်ဘုရားကို မွေးထုတ်ပေးနိုင်ခဲ့သူပါ။ အရင်တုန်းက လူတွေပြောလေ့ရှိတာက ချူရှင်းဟီသာ ဂိုဏ်းကို သစ္စာမဖောက်သရွေ့ သူ ဘယ်လောက်ပဲ ထူးဆန်းတာတွေလုပ်လုပ် သူ့ရဲ့ ရာထူးကတော့ လုံးဝ ပြုတ်မှာ မဟုတ်ဘူးတဲ့။</p> <p>အခုဆိုရင်တော့ လူတွေက ဘယ်လိုတောင် ခံစားနေရသလဲဆိုရင် ချူရှင်းဟီသာ ဂိုဏ်းကို တကယ် သစ္စာဖောက်ခဲ့ရင်တောင်မှ အဲဒါက သိပ်မပြင်းထန်ရင် ခွင့်မလွှတ်နိုင်စရာ အကြောင်းမရှိပါဘူးလို့တောင် ထင်နေကြပါပြီ။</p> <p>ပြင်းထန်ရင်တောင်မှ... ပြန်ပြီး ညှိနှိုင်းလို့ ရတာပဲလေ...။</p> <p>ဒါကြောင့် ချူရှင်းဟီ ကိုယ်တိုင် မြောက်ပိုင်းကို လာစစ်မယ်ဆိုတာ ကြားတာနဲ့ မြောက်ပိုင်းတစ်ခုလုံး အုတ်အုတ်ကျက်ကျက် ဖြစ်သွားပါတော့တယ်။</p> <p>ဒီနေ့ကတော့ ခရီးထွက်မယ့်နေ့ပါ။ မာလင်းတစ်ယောက် နောက်ကျမှာစိုးလို့ မနက်စောစောကတည်းက ဟေးယွဲ့နန်းတော်ကို သွားပြီး ဂိုဏ်းတူအစ်ကိုကြီး အားလန်ကို သွားရှာပါတယ်။ ဒါပေမဲ့ ဟေးယွဲ့နန်းတော် ရောက်တဲ့အခါမှာတော့ မာလင်း တစ်ယောက် ဆွံ့အသွားရပါပြီ။</p> <p>ဘာလို့လဲဆိုတော့ ဂိုဏ်းတူအစ်ကိုကြီး အားလန်က သူရဲကောင်းလေး ရှင်းဟီနဲ့ စစ်ဆေးရေး ခရီးထွက်တော့မှာမို့လို့ မထွက်ခွာခင်မှာ မိစ္ဆာသားရဲ ဝါးစားတာကို ခံရတဲ့ ထူးကဲလှတဲ့ ခံစားချက်ကို နောက်ဆုံးအကြိမ်အဖြစ် ခံစားချင်ပါတယ်ဆိုပြီး ပြောနေလို့ပါပဲ။ ဒါကြောင့် မာလင်းဟာ ဂိုဏ်းတူအစ်ကိုကြီး အားလန် တစ်ယောက် မိစ္ဆာသားရဲရဲ့ ဝါးစားခြင်းကို ခံရပြီး အရိုးတောင် မကျန်တော့တဲ့အထိ ဖြစ်သွားတာကို ဘာမှမတတ်နိုင်ဘဲ ရပ်ကြည့်နေခဲ့ရပါတယ်။</p> <p>အဲဒီနောက် နောက်ထပ် ၁၅ မိနစ်လောက် စောင့်ပြီးမှ အားလန် ပြန်ရှင်လာတာကို တွေ့ရပြီး၊ သူက မဝသေးတဲ့ အကြည့်မျိုးနဲ့ "နောက်တစ်ခါ ထပ်လုပ်လို့ ရမလား" ဆိုပြီး မေးနေပါသေးတယ်။</p> <p>ကံကောင်းထောက်မစွာနဲ့ မာလင်းဟာ ဦးနှောက်ကောင်းသွားတယ် ဆိုရမှာပါ။ ချူရှင်းဟီရဲ့ နာမည်ကို သုံးပြီး သတိပေးလိုက်ပါပြီ။</p> <p>"သေရတဲ့ အရသာကို ခံစားနေတာနဲ့ပဲ ဂိုဏ်းတူအစ်ကိုကြီး ရှင်းဟီရဲ့ အရေးကြီးတဲ့ အလုပ်တွေကို မနှောင့်နှေးစေနဲ့"</p> <p>ချူရှင်းဟီနာမည် ကြားလိုက်ရတဲ့အခါ အားလန်ဟာ ချက်ချင်းပဲ လိမ်မာသွားပါတော့တယ်။</p> <p>နောက်ဆုံးမှာတော့ သုံးယောက်ပါတဲ့ စစ်ဆေးရေးအဖွဲ့ဟာ ကြိုးကြာဝိညာဥ်နန်းတော်မှာ စုဝေးနေကြပါပြီ။</p> <p>ဆရာဘိုးဘိုးက ချူရှင်းဟီအတွက် တည်နေရာ ရွှေ့ပြောင်းပို့ဆောင်ခြင်း၀င်္ကပါကို ကိုယ်တိုင် ပြင်ဆင်ပေးချင်ပေမဲ့ ရှင်းဟီက ချက်ချင်းပဲ ငြင်းပယ်ခဲ့ပါတယ်။</p> <p>အဲဒီနောက်မှာတော့ ချူရှင်းဟီတစ်ယောက် တည်နေရာ ရွှေ့ပြောင်းပို့ဆောင်ခြင်း၀င်္ကပါကို ကိုယ်တိုင်ပဲ တည်ဆောက်လိုက်ပါပြီ။ တည်နေရာ ရွှေ့ပြောင်းပို့ဆောင်ခြင်းအလင်းတန်းတွေ ထွက်ပေါ်လာတာနဲ့အတူ သူတို့သုံးယောက်လုံး တည်နေရာ ရွှေ့ပြောင်းပို့ဆောင်ခြင်းအလင်းထဲမှာ ပျောက်ကွယ်သွားကြပါတော့တယ်။</p> <p>ဆရာဘိုးဘိုးက ရှင်းဟီ ရှိခဲ့တဲ့နေရာက လွင့်ပျယ်သွားတဲ့ တည်နေရာ ရွှေ့ပြောင်းပို့ဆောင်ခြင်းအလင်းတန်းကို ကြည့်ပြီး သက်ပြင်းချလိုက်ပါပြီ။</p> <p>"ရှင်းဟီရဲ့ တည်နေရာ ရွှေ့ပြောင်းပို့ဆောင်ခြင်းကတော့ လက်ထောက်ဂိုဏ်းချုပ် သင်ပေးထားတဲ့အတိုင်းပဲ။ အခုဆိုရင် ပိုပိုပြီး အစွမ်းထက်လာပြီ။ ငါ ငယ်ငယ်တုန်းက ပုံစံမျိုးတောင် ပေါက်နေပြီပဲ"</p> <p> </p> <p>တည်နေရာ ရွှေ့ပြောင်းပို့ဆောင်ခြင်းအလင်းတန်းဟာ ကောင်းကင်ယံကနေ ကျဆင်းလာခဲ့ပါတယ်။ အလင်းတန်းတွေ လွင့်ပျယ်သွားတဲ့ အခါမှာတော့ မာလင်းဟာ သူပတ်ဝန်းကျင်ကို စစ်ဆေး ကြည့်ပြီး အံ့ဩမှင်သက်သွားခဲ့ပါပြီ။</p> <p>ပတ်ဝန်းကျင်တစ်ခုလုံးမှာ ငှက်ကလေးတွေ တွန်ကျူးနေပြီး ပန်းရနံ့တွေ သင်းပျံ့နေပါတယ်။ အဝေးကို လှမ်းကြည့်လိုက်ရင်လည်း... တံတားကလေးတွေ၊ စီးဆင်းနေတဲ့ ရေအိုင်လေးတွေနဲ့ အိမ်ကလေးတွေ...။</p> <p>အင်း... ဒါက တကယ့်ကို တောင်ဘက်ပိုင်းရဲ့ အလှအပမျိုးပါပဲ...။</p> <p>"ဟို... ဂိုဏ်းတူအစ်ကိုကြီး ရှင်းဟီက တည်နေရာ ရွှေ့ပြောင်းပို့ဆောင်ခြင်း၀င်္ကပါတွေကို လေ့ကျင့်နေတာ မကြာသေးတော့ တခါတလေ အမှားအယွင်းလေးတွေ ရှိတာက ပုံမှန်ပါပဲ..."</p> <p>မာလင်းဟာ တည်နေရာ ရွှေ့ပြောင်းပို့ဆောင်ခြင်း၀င်္ကပါတွေအကြောင်း နားမလည်ပေမဲ့ အနည်းဆုံးတော့ တောင်ဘက်နဲ့ မြောက်ဘက်ကိုတော့ ခွဲခြားတတ်ပါသေးတယ်။</p> <p>အခုက ဘယ်နှလပိုင်းလဲ။ မြောက်ပိုင်းမှာ နှင်းတွေ အသည်းအသန် မကျရင်တောင်မှ အနည်းဆုံးတော့ ရေခဲနဲ့ နှင်းတွေ ဖုံးလွှမ်းနေရမယ့် ကမ္ဘာကြီး ဖြစ်နေရမှာလေ။</p> <p> </p> <p>ငှက်ကလေးတွေနဲ့ သာယာနေပြီး ပန်းရနံ့တွေ သင်းပျံ့နေတဲ့ ဒီနေရာကိုသာ မြောက်ဘက်လို့ ပြောမယ်ဆိုရင်... ငါ့ရဲ့ ဂိုဏ်းတူအစ်ကိုကြီး ရှင်းဟီရဲ့ တည်နေရာ ရွှေ့ပြောင်းပို့ဆောင်ခြင်း၀င်္ကပါက အရမ်းကို အစွမ်းထက်လွန်းနေတာ မဟုတ်ဘူးလား။ ဒါက အချိန်ကာလတွေကိုတောင် ဖြတ်ကျော်နိုင်တာလား။</p> <p>ဒါပေမဲ့ မာလင်းရဲ့ စကားတောင် မဆုံးသေးခင်မှာပဲ ချူရှင်းဟီ က သူ့နဖူးကို တစ်ချက် ရိုက်လိုက်ပါမိပါပြီ။</p> <p>"မင်းက ငါ့ရဲ့ တည်နေရာ ရွှေ့ပြောင်းပို့ဆောင်ခြင်း၀င်္ကပါကို ဆရာဘိုးဘိုးရဲ့ ၀င်္ကပါလို့ ထင်နေတာလား။ ဒီနေရာက တောင်ဘက်ဆိုတာ ငါမသိဘူးလို့ မင်းထင်နေတာလား။"</p> <p>"ငါက မြောက်ဘက်ကို သွားဖို့ကို စိတ်ကူးတောင်မှ မရှိတာ၊ ဟုတ်ပြီလား။"</p> <p>"ဘာလို့ မြောက်ဘက်ကို သွားရမှာလဲ။ စစ်ဆေးဖို့လား။ မြောက်ဘက်ကလူတွေက စစ်ဆေးရေးရှိတယ်ဆိုတဲ့ သတင်းကို လဝက်လောက် ကြိုသိထားကြတာလေ။ အားလုံးကလည်း အပိုင်ပြင်ဆင်ထားကြပြီးသား။ မြောက်ဘက်ကလူတွေ အားလုံး အသင့်ဖြစ်နေတဲ့အချိန်မှာ အဲဒီကို သွားစစ်တာက ဘာထူးမှာလဲ။"</p> <p>"မင်း အဲဒီမှာ ဘာတွေ မြင်ရမှာလဲ။ သူတို့ မင်းကို မြင်စေချင်တာတွေကိုပဲ မြင်ရမှာပေါ့။"</p> <p>"ဥပမာ- ဒီနှစ်မှာ ဂိုဏ်းက အမြတ် ဘယ်လောက်ရသလဲဆိုတာမျိုး..."</p> <p>"ဒီနှစ်မှာ ထူးချွန်တဲ့ တပည့်တွေ ဘယ်နှယောက် ရှာတွေ့ခဲ့သလဲဆိုတာမျိုး..."</p> <p>"ဒီနှစ်မှာ ရှားပါးရတနာတွေနဲ့ အရင်းအမြစ်တွေ ဘယ်လောက်အထိ ရရှိခဲ့သလဲဆိုတာမျိုး..."</p> <p>"အဲဒါက နှစ်ပတ်လည် အစီရင်ခံစာ နားထောင်နေရတာနဲ့ ဘာကွာမှာလဲ။ မင်းတို့ရဲ့ ဂိုဏ်းတူအစ်ကိုကြီး ရှင်းဟီကတော့ အဲဒါတွေကို လုံးဝ သည်းမခံနိုင်ဘူး။"</p> <p>"ငါက ဂိုဏ်းထဲကို ပိုက်ဆံတွေ ဘယ်လောက်ဝင်နေသလဲဆိုတာ နားထောင်ဖို့ စစ်ဆေးရေး ခရီးထွက်လာတာလား။"</p> <p>"မင်းတို့က ဂိုဏ်းရဲ့ အကျိုးအမြတ်တွေကိုပဲ ကြည့်ကြတယ်၊ ငါ ချူရှင်းဟီရဲ့ သွေးတိုးနှုန်းကိုကော ထည့်စဉ်းစားပေးကြရဲ့လား။"</p> <p>"အဲဒီအစီရင်ခံစာတွေကိုသာ နားထောင်နေရရင် ငါ့သွေးတိုးပြီး ခေါင်းပေါက်ထွက်သွားမလားတောင် မသိဘူး၊ မင်းတို့ ယုံလား။"</p> <p>"ဒါကြောင့် လွန်ခဲ့တဲ့ ရက်ပိုင်းတွေမှာ ငါက ဟေးယွဲ့နန်းတော် (Dark Moon Palace) မှာ လူရိုင်းမျိုးနွယ်စုကို စောင့်ကြည့်နေရုံတင် မဟုတ်ဘူး၊ ဒီစစ်ဆေးရေး ခရီးစဉ်ကိုလည်း တိတ်တိတ်လေး စီစဉ်နေခဲ့တာ။"</p> <p>"ဒီစစ်ဆေးရေးကို သုံးပြီး ဂိုဏ်းရဲ့ ဆုံးရှုံးမှုတွေကို ဘယ်လို အမြင့်ဆုံးဖြစ်အောင် လုပ်ရမလဲ။"</p> <p>ချူရှင်းဟီဟာ ဒီပြဿနာကို ရက်ပေါင်းများစွာ စဉ်းစားခဲ့ပေမဲ့ ဘာအဖြေမှ ထွက်မလာခဲ့ပါဘူး။</p> <p>နောက်ဆုံး အိုးရန်မိသားစုရဲ့ အမျိုးမျိုးသော အရှက်မရှိတဲ့ အပြုအမူတွေကို မြင်လိုက်ရတဲ့ အခါမှာတော့ ချူချူရှင်းဟီဆီမှာ အတွေးသစ်တစ်ခု ရလာပါတော့တယ်။</p> <p>"အင်း... ဂိုဏ်းရဲ့ သိက္ခာကျအောင် လုပ်တာကလည်း ဆုံးရှုံးမှုတစ်မျိုးပဲလေ... သီအိုရီအရဆိုရင် ဂိုဏ်းရဲ့ သိက္ခာကျရင်လည်း ကံဆိုးခြင်း သံလိုက်အိမ်မြှောင် (Misfortune Compass) က ဆုလာဘ်တွေ ပေးမှာပဲ။"</p> <p>"ဂိုဏ်းကို ပိုက်ဆံဆုံးရှုံးအောင် လုပ်ဖို့ဆိုရင်တော့ ဒီစစ်ဆေးရေးနဲ့ လုပ်ဖို့ ခက်ခဲလိမ့်မယ်၊ ဒါပေမဲ့ ဂိုဏ်းကို သိက္ခာကျအောင် လုပ်ဖို့ကျတော့ လွယ်လွယ်လေး မဟုတ်ဘူးလား။"</p> <p>"ဘယ်လုပ်ငန်းစုမှာမဆို ဖုံးကွယ်ထားတဲ့ အပုပ်နံ့တွေ မရှိဘဲ နေမှာလဲ။"</p> <p>"ပြီးတော့ ငါ ချူရှင်းဟီလို ဖြူစင်တဲ့ သခင်လေးက ငါ့မျက်စိရှေ့မှာ အညစ်အကြေး နည်းနည်းလေးတောင် ရှိနေတာကို ခွင့်မလွှတ်နိုင်ဘူး။ ဒါကြောင့် ဒီတစ်ခါမှာတော့ မြောက်ဘက်ကို စစ်ဆေးမယ့်အစား တောင်ဘက်ကို ရုတ်တရက် ဝင်ရောက်စီးနင်း တိုက်ခိုက်မှာ ဖြစ်ပါတယ်။ အဲဒီအပုပ်နံ့တွေထဲက တစ်ခုခုကိုသာ ငါလက်ရဖမ်းမိရင် 'အိမ်တွင်းရေးကို အပြင်မထုတ်ရ' ဆိုတာမျိုးတွေ ငါဂရုမစိုက်ဘူး။ ငါ ချူရှင်းဟီကတော့ အဲဒါကို အများသိအောင် ချပြမှာပဲ။"</p> <p>"ငါတို့ရဲ့ မဟာမိုးကောင်းကင်ဂိုဏ်းက ဖြောင့်မတ်မှန်ကန်မှုမှာ ပြိုင်ဘက်ကင်းတယ်လေ၊ ဒီလို အပုပ်နံ့တွေကို ဘယ်လိုလုပ် လက်ခံနိုင်မှာလဲ။"</p> <p>"ဂိုဏ်းသားတို့ စိတ်ချပါ၊ ရောဂါပြင်းရင် ဆေးပြင်းပြင်း တိုက်ရမှာပဲ။ ငါ ချူရှင်းဟီရဲ့ ဒီတစ်ခါ တောင်ဘက်စစ်ဆေးရေးကတော့ 'ပြင်းထန်မှု' ကိုပဲ အဓိကထားသွားမှာပါ။"</p> <p>"ငါ ဘယ်လောက်အထိ ပြင်းထန်သလဲဆိုတာကိုတော့ စောင့်ကြည့်နေလိုက်ကြပါဦး။"</p> <p> </p> <p style="text-align: center;">***</p>


Save