Book List

<h2 style="text-align: center;">Chapter 9</h2> <h2 style="text-align: center;">ဥက္ကာခဲ သံတွင်း</h2> <h2 style="text-align: center;">*</h2> <p> </p> <p> </p> <p> </p> <p>မာလင်းဟာ ဂိုဏ်းတူအစ်ကိုကြီး ချူရှင်းဟီ ရဲ့ ပြောစကားတွေကို အပြည့်အဝ ထောက်ခံလိုက်ပါတယ်။</p> <p>ဂိုဏ်းတူအစ်ကိုကြီး ရှင်းဟီ ပြောတာ တကယ်ကို ကျိုးကြောင်းဆီလျော်လွန်းပါတယ်။ စစ်ဆေးရေး ခရီးစဉ်ဆိုတာ တကယ့် အမှန်တရား မြင်ကွင်းတွေကို မြင်ရဖို့ မဟုတ်ဘူးလား။</p> <p>ဒါပေမဲ့ ဂိုဏ်းရဲ့ စစ်ဆေးရေးက ဘာမှမပြောဘဲနဲ့ မြောက်ဘက်ပိုင်းကို လဝက်လောက် ကြိုပြီး အကြောင်းကြားထားတယ်။ အဲဒါက ဘယ်မှာ စစ်ဆေးရေး ဖြစ်မှာလဲ။ 'ဂိုဏ်းချုပ်ကြီး စစ်ဆေးဖို့ လာတော့မယ်၊ သေချာ ပြင်ဆင်ထားကြ...' လို့ ကြိုပြောထားသလို ဖြစ်နေတာပေါ့။</p> <p>'ဂိုဏ်းချုပ်ကြီးကို ဘာတွေ ပြရမလဲ၊ ဘာတွေ ဖုံးထားရမလဲ ဆိုတာကိုတော့ မင်းတို့ဘာသာ သဘောပေါက်ကြလိမ့်မယ်လို့ ငါ အကြံပေးချင်တယ်' ဆိုတဲ့ သဘောမျိုးပဲလေ။</p> <p>ဒါကြောင့် နှစ်စဉ်နှစ်တိုင်း ဂိုဏ်းချုပ်ကြီးက ဂိုဏ်းရဲ့ လုပ်ငန်းအမျိုးမျိုးကို လိုက်စစ်တဲ့အခါ ရလဒ်တွေက အမြဲတမ်း တူတူပါပဲ။ ထူးချွန်တဲ့သူ အနည်းငယ်က ဂိုဏ်းချုပ်ကြီးရဲ့ ချီးကျူးမှုကို ခံရပြီး ဂိုဏ်းကပေးတဲ့ ဆုလာဘ်တွေတောင် ရလိုက်သေးတယ်။</p> <p>အမှားအယွင်းလုပ်မိတဲ့ လူနည်းစုလေးကတော့ ဂိုဏ်းချုပ်ကြီးရဲ့ ဆူပူကြိမ်းမောင်းမှုကို ခံရပြီး၊ အလွန်ဆုံး ကံမကောင်းတဲ့ နှစ်ယောက်လောက်ပဲ ရာထူးက ဖယ်ရှားခံရတာပါ။</p> <p>ဒီလိုဆိုတော့ ဂိုဏ်းချုပ်ကြီးက ဂိုဏ်းရဲ့ လုပ်ငန်းတွေကို လာစုံစမ်းတယ်ဆိုတာထက်၊ ဂိုဏ်းရဲ့ လုပ်ငန်းတွေက ဂိုဏ်းချုပ်ကြီးကို နှစ်စဉ် ပြသနေကျ အစီရင်ခံစာ တင်ပြပွဲတစ်ခုလို ဖြစ်နေပါတယ်။</p> <p>တကယ်တော့ မာလင်းကလည်း ဒါမျိုးအတွက် ကြိုတင်ပြင်ဆင်ထားပြီးသားပါ။ မြောက်ဘက်ကို ရောက်တာနဲ့ ဂိုဏ်းခွဲ တာဝန်ခံအသီးသီးရဲ့ နွေးထွေးတဲ့ ကြိုဆိုမှုကို ခံရမယ်။ အဲဒီနောက် တာဝန်ခံတွေက ဂိုဏ်းတူအစ်ကိုကြီး ချူရှင်းဟီကို ဂိုဏ်းရဲ့ လုပ်ငန်းအမျိုးမျိုးဆီ လိုက်ပြပြီး၊ အဲဒီနောက်မှာတော့ စိတ်အားထက်သန်စွာနဲ့ ဧည့်ခံကျွေးမွေးကြလိမ့်မယ်။</p> <p>ဒီဂိုဏ်းစစ်ဆေးရေး ခရီးစဉ်ဟာ သာယာပျော်ရွှင်တဲ့ အခြေအနေမျိုးနဲ့ ဖျော်ဖြေရေး အစီအစဉ်တစ်ခုလိုပဲ ပြီးဆုံးသွားမှာပါ။</p> <p>ဘာမှ ပြဿနာမရှိပါဘူး၊ မာလင်းကလည်း ဒါကို အပန်းဖြေ ခရီးစဉ်တစ်ခုလိုပဲ သဘောထားခဲ့တာပါ။</p> <p>ဒါပေမဲ့ အခု ဂိုဏ်းတူအစ်ကိုကြီး ချူရှင်းဟီရဲ့ အတွေးကို နားလည်လိုက်တဲ့ အခါမှာတော့၊ ဂိုဏ်းတူအစ်ကိုကြီး ရှင်းဟီရဲ့ အမြင်က တကယ့်ကို ကွက်တိပဲလို့ မာလင်း ပြောချင်ပါတယ်။ ဒီလိုလုပ်မှသာ ဂိုဏ်းရဲ့ တကယ့် အခြေအနေမှန်ကို မြင်နိုင်မှာ မဟုတ်လား။</p> <p>ဂိုဏ်းတူအစ်ကိုကြီး ချူရှင်းဟီဟာ ဂိုဏ်းရဲ့ အကျိုးစီးပွားအတွက် တကယ့်ကို စေတနာအပြည့်နဲ့ စဉ်းစားပေးတာပဲ။</p> <p>ဒီမြောက်ဘက်ခရီးစဉ်ကို တောင်ဘက်ခရီးစဉ်အဖြစ် တိုက်ရိုက်ပြောင်းလဲလိုက်ခြင်းအားဖြင့်၊ တောင်ပိုင်းကလူတွေ လုံးဝ ပြင်ဆင်ထားချိန်မရှိဘဲ မမျှော်လင့်ထားတဲ့ အံ့အားသင့်စရာတွေနဲ့ ပြည့်နှက်နေမှာ အသေအချာပါပဲ။</p> <p>ဒါပေမဲ့ အဲဒီလို အံ့အားသင့်နေတုန်းမှာပဲ မာလင်းက ပစ္စည်းတစ်ခုကို ထုတ်ပြီး ဂိုဏ်းတူအစ်ကိုကြီး ရှင်းဟီကို ပေးလိုက်ပါပြီ။</p> <p>ဒါက... ယုန်နားရွက် ပါတဲ့ မျက်နှာဖုံးကြီးလား။</p> <p>အမှန်ပါပဲ။ မာလင်း ဒီမျက်နှာဖုံးကို ပေးရတဲ့ အဓိပ္ပာယ်ကို ချူရှင်းဟီ နားလည်ပါတယ်။</p> <p>မာလင်းကတော့ ကိစ္စမရှိပါဘူး။ သူက ဖန်းဒု ဝိညာဉ်တစ်သောင်း ၀င်္ကပါ ပိုင်ရှင် အဖြစ် နာမည်ကြီးတယ် ဆိုပေမဲ့၊ မာလင်းရဲ့ မျက်နှာကို မှတ်မိတဲ့သူကတော့ သိပ်မရှိလှပါဘူး။</p> <p>ဂိုဏ်းတူအစ်ကိုကြီး အားလန်ဆိုရင် ပိုတောင် ပြဿနာမရှိဘူး ဆိုရမှာပါ။</p> <p>သူ ကိုယ်တိုင်ကပဲ နည်းနည်း ပြဿနာရှိနေတာပါ။ ပြီးခဲ့တဲ့ 'နှစ်တစ်ထောင်ပွဲတော်' အစီအစဉ်ကို ထုတ်လွှင့်ပြီးတဲ့နောက်မှာတော့ တလောကလုံးမှာ သူ့မျက်နှာကို မသိတဲ့သူက သိပ်မကျန်တော့ပါဘူး။</p> <p>ဒါကြောင့် ဒီမျက်နှာကြီးနဲ့ဆိုရင် သူ တောင်ဘက်ကို ရောက်တာနဲ့ ချက်ချင်း မှတ်မိသွားကြလိမ့်မယ်။</p> <p>အဲဒီလိုသာဆိုရင် လူမသိအောင် တိတ်တိတ်လေး ဘယ်လိုလုပ် စစ်ဆေးလို့ ရတော့မှာလဲ။</p> <p>ချူရှင်းဟီက မာလင်းကို ကြည့်ပြီး ကျေနပ်စွာ ခေါင်းညိတ်လိုက်ပါတယ်။</p> <p>"မာလင်း၊ မာလင်း... မင်းလည်း နောက်ဆုံးတော့ လူလိုသူလို နားလည်တတ်လာပြီပဲ..."</p> <p>(ဒါပေမဲ့ မင်းလုပ်လိုက်တဲ့ အလုပ်က တကယ်ပဲ နားလည်တတ်တာကော ဟုတ်ရဲ့လား။)</p> <p>(ဂိုဏ်းတူအစ်ကိုကြီး အတွက် မျက်နှာဖုံးတစ်ခု ရှာပေးတာကို အစ်ကိုကြီး အရမ်းဝမ်းသာပေမဲ့၊ မင်း ရှာပေးတဲ့ မျက်နှာဖုံးက ပုံမှန်မျက်နှာဖုံးလေး ဖြစ်လို့မရဘူးလား။)</p> <p>(ဒီယုန်နားရွက်ကြီးတွေက ဘာလုပ်ဖို့လဲ။)</p> <p>ဂိုဏ်းတူအစ်ကိုကြီး ရှင်းဟီရဲ့ ဆွံ့အနေတဲ့ မျက်နှာကို မြင်လိုက်ရတဲ့အခါ မာလင်းက အမြန်ပဲ ရှင်းပြပါတယ်။</p> <p>"ဂိုဏ်းတူအစ်ကိုကြီး ရှင်းဟီ... အထင်မမှားပါနဲ့ဦး... ဒါတွေက ယုန်နားရွက်တွေ မဟုတ်ပါဘူး။ ဒီမျက်နှာဖုံးကို မြေခွေးပုံစံ မျက်နှာဖုံးလို့ ခေါ်ပါတယ်။ ဒါက ကျွန်တော်တို့ မဟာမိုးကောင်းကင်ဂိုဏ်းက ရထားတဲ့ အဖိုးတန် ရတနာတစ်ခုပါ။ အစွမ်းထက်တဲ့ မြေခွေးမိစ္ဆာတစ်ကောင်ရဲ့ အစိတ်အပိုင်းတွေနဲ့ လုပ်ထားတာလို့ ပြောကြပါတယ်။ ဒါကို ဝတ်ဆင်ထားရင် ရုပ်ရည်ကို ပြောင်းလဲပေးနိုင်ရုံတင်မကဘဲ ကိုယ့်ရဲ့ အော်ရာအရှိန်အဝါကိုပါ ဖုံးကွယ်ထားနိုင်ပါတယ်။"</p> <p>"ဒါကို ဂိုဏ်းရဲ့ ရတနာတိုက်ထဲကနေ ခိုး... အဟမ်း... ယူလာဖို့ တော်တော်လေး ကြိုးစားခဲ့ရတာပါ။"</p> <p>မာလင်းက ပြောရင်းနဲ့ မြေခွေးပုံစံ မျက်နှာဖုံးကို ဂိုဏ်းတူအစ်ကိုကြီး ရှင်းဟီလက်ထဲ ထည့်ပေးလိုက်ပါတယ်။</p> <p>မျက်နှာဖုံးကို ကိုင်ထားရင်း ချူရှင်းဟီက ဆွံ့အစွာ မေးလိုက်ပါပြီ။ "မင်း ဂိုဏ်းရဲ့ ရတနာတိုက်ထဲကို ဘယ်တုန်းက သွားလိုက်တာလဲ။ ဆရာဘိုးဘိုးက ခွင့်ပြုလိုက်လို့လား။"</p> <p>"ဟင့်အင်း..."</p> <p>"ဒါဆို မင်း ဘယ်လိုဝင်သွားတာလဲ။"</p> <p>"ရတနာတိုက်ကို စောင့်နေတဲ့ အကြီးအကဲကို 'ဂိုဏ်းတူအစ်ကိုကြီး ချူရှင်းဟီက လွှတ်လိုက်တာပါ' လို့ ပြောလိုက်တာလေ၊ သူတို့က ကျွန်တော့်ကို မတားကြဘူး။"</p> <p>ချူရှင်းဟီ: "..."</p> <p>ဒါတွေက လူပြောမယ့် စကားတွေလား။</p> <p>'ဂိုဏ်းတူအစ်ကိုကြီး ချူရှင်းဟီက လွှတ်လိုက်တာပါ' ဆိုတာက ဘာသဘောလဲ။</p> <p>(အဲဒါက ဂိုဏ်းရဲ့ ရတနာတိုက်လေ။ မင်းသိလား၊ အဲဒါက ဂိုဏ်းရဲ့ ရတနာတိုက်ထဲကို ကျူးကျော်ဝင်ရောက်ပြီး အဖိုးတန်ရတနာကို ခိုးယူတာတင် မကဘူး၊ မင်းက အမိန့်ကို အလွဲသုံးစားလုပ်ပြီး လိမ်ညာပြောဆိုမှုနဲ့ပါ သံသယဖြစ်ခံရမှာ။)</p> <p>(ဒီပြစ်မှုတွေထဲက တစ်ခုခုကတင် မာလင်း၊ မင်းကို ဂိုဏ်းကနေ ထုတ်ပစ်ဖို့ လုံလောက်နေပြီဆိုတာ မင်းသိလား။)</p> <p>ဒါပေမဲ့ ချူရှင်းဟီ တစ်ယောက် အံ့ဩလို့ မပြီးသေးခင်မှာပဲ မာလင်းက ဒီနည်းလမ်းကို ညီမလေး အိုးရန်လင်းက အကြံပေးခဲ့တာလို့ ပြောလိုက်ပါပြီ။ သူအစအဆုံး ရှင်းပြလိုက်ပါတော့တယ်။</p> <p>“ကျွန်တော်တောင် အစက သိပ်‌ပြီး စိတ်မချခဲ့ဘူး”</p> <p>“ညီမလေး အိုးရန်က သူ့ကို စိတ်ချလက်ချနေဖို့၊ ဂိုဏ်းရဲ့ ရတနာတိုက်ကို စောင့်နေတဲ့ အကြီးအကဲတွေကို 'ဂိုဏ်းတူအစ်ကိုကြီး ရှင်းဟီက စီစဉ်လိုက်တာ' လို့ ပြောလိုက်ရုံနဲ့ အဲဒီအကြီးအကဲတွေက ဘာမေးခွန်းမှတောင် ထပ်မမေးတော့ဘူးလို့ ပြောခဲ့တာပါ”</p> <p>“ညီမလေး အိုးရန်ကတော့ သူကိုယ်တိုင်လည်း ဂိုဏ်းရဲ့ ရတနာတိုက်ထဲကနေ ပစ္စည်းတွေ အကြိမ်ကြိမ် "ယူ" ခဲ့ဖူးပြီးသားမို့ ဘယ်သူမှ ပြဿနာရှာတာ မခံခဲ့ရဘူးလို့ ပြောပါတယ်။”</p> <p> </p> <p>“ဒါ့အပြင် တစ်ယောက်ယောက်က တကယ်ပဲ သိသွားခဲ့ရင်တောင် ဂိုဏ်းတူအစ်ကိုကြီး ချူရှင်းဟီက ငါတို့ကို ကာကွယ်ပေးမှာ မဟုတ်ဘူးလား။”</p> <p>မာလင်းလည်း ညီမလေး အိုးရန်ရဲ့ စကားကို အပြည့်အဝ ထောက်ခံခဲ့ပါတယ်။</p> <p>တကယ်ပဲ ညီမလေး အိုးရန်လင်း ပီသပါပေတယ်။ အဲဒီနောက်မှာတော့ မာလင်းဟာ အိုးရန်လင်းရဲ့ နည်းလမ်းကို အသုံးပြုခဲ့ရာမှာ ညီမလေး အိုးရန် ပြောခဲ့တဲ့အတိုင်း တစ်ထပ်တည်း ဖြစ်နေတာကို တွေ့လိုက်ရပါပြီ။</p> <p>မာလင်းက ရတနာတိုက်ကို စောင့်ကြပ်နေတဲ့ အကြီးအကဲတွေကို "ဂိုဏ်းတူအစ်ကိုကြီး ချူရှင်းဟီက တစ်ခုခုယူခိုင်းလို့ လာတာပါ" လို့ ပြောလိုက်တဲ့အခါမှာ အကြီးအကဲတွေက ဝမ်းသာအားရ ခေါင်းညိတ်ပြီး သူ့ကို အထဲဝင်ခိုင်းလိုက်ကြပါတယ်။ သူ ဘာတွေ ယူသွားမလဲဆိုတာကိုတောင် တစ်ခွန်းမှ မမေးခဲ့ကြပါဘူး။</p> <p>ဒါပေမဲ့ မာလင်းဟာ ဒါကို ပထမဆုံးအကြိမ် လုပ်တာဖြစ်လို့ ညီမလေး အိုးရန်လောက်တော့ မရဲတင်းသေးဘဲ ဂိုဏ်းတူအစ်ကိုကြီး ချူရှင်းဟီအတွက် ဒီမြေခွေးပုံစံ မျက်နှာဖုံး လေးတစ်ခုပဲ ယူလာခဲ့တာပါ။</p> <p>ချူရှင်းဟီ : "..."</p> <p>ချူရှင်းဟီ တစ်ယောက် ဘာပြောရမှန်းကို မသိတော့ပါဘူး။</p> <p>(တကယ်ပါပဲ၊ အိုးရန်လင်းနဲ့ ပတ်သက်လာရင် ဘယ်အရာမှ ကောင်းကောင်းမွန်မွန် ပြီးဆုံးသွားတာ မရှိဘူး...။)</p> <p>(ဒါပေမဲ့ အိုးရန်လင်းရဲ့ လုပ်ရပ်ကလည်း မမှားပါဘူး။ တကယ်တော့ ငါက ညီမလေး အိုးရန်ကို ဒီထက်တောင် ပိုပြီး ရဲရဲတင်းတင်း လုပ်စေချင်ပါသေးတယ်။ ဂိုဏ်းရဲ့ ရတနာတိုက်ထဲက ပစ္စည်းတွေကို ကိုယ်တိုင်သုံးဖို့လောက်ပဲ ခိုးနေရင် ဘာထူးမှာလဲ။ တကယ်လို့ ခိုးလည်းခိုး၊ တစ်ပြိုင်တည်း ပြန်လည်း ရောင်းစားမယ်ဆိုရင်တော့ ဂိုဏ်းတူအစ်ကိုကြီး ချူရှင်းဟီက ပိုပြီးတောင် ဝမ်းသာမိမှာပါ။)</p> <p>"ညီမလေး အိုးရန်... စိတ်ချလက်ချသာ လုပ်စမ်းပါ၊ မင်းရဲ့ လုပ်ရပ်တွေက ဘယ်လောက်ပဲ ဆိုးရွားနေပါစေ တစ်ခုခုဖြစ်လာရင် ငါ ချူရှင်းဟီက မင်းအတွက် အရှေ့ထွက်ပြီး အပြစ်ခံယူပေးမှာပါ။"</p> <p>ချူရှင်းဟီဟာ မာလင်းပေးတဲ့ မြေခွေးပုံစံ မျက်နှာဖုံးကို ယူပြီး မျက်နှာမှာ တပ်လိုက်ပါတယ်။</p> <p>ဒီမျက်နှာဖုံးကနေ အံ့ဩစရာကောင်းလောက်အောင် ထူးဆန်းမှု ခံစားလိုက်ရပါပြီ။ တပ်လိုက်တာနဲ့ တစ်ပြိုင်နက် မျက်နှာဖုံးဟာ သူ စိတ်ကူးထဲမှာ တွေးလိုက်တဲ့ အတိုင်း ချက်ချင်း ပြောင်းလဲသွားပါတယ်။</p> <p>ချူရှင်းဟီရဲ့ မျက်နှာဟာ တျန်းနုရဲ့ ရိုးသားဖြူစင်တဲ့ မျက်နှာအဖြစ် လျင်မြန်စွာ ပြောင်းလဲသွားပါတော့တယ်။</p> <p>ရုပ်ရည်တင် ပြောင်းလဲသွားတာ မဟုတ်ဘဲ သူ့ရဲ့ အော်ရာအရှိန်အဝါကလည်း လိုက်ပြီး ပြောင်းလဲသွားပါတယ်။ ဒါဟာ တကယ့်ကို အဖိုးတန် ရတနာတစ်ခုပါပဲ။ အစွမ်းအထက်ဆုံး ပညာရှင်တွေတောင်မှ ထူးခြားတဲ့ နည်းလမ်းတွေ မသုံးဘဲနဲ့ ချူရှင်းဟီရဲ့ တကယ့် အရှိန်အဝါကို ထောက်လှမ်းနိုင်မှာ မဟုတ်ပါဘူး။</p> <p>ဒီပစ္စည်းကတော့ ခရီးသွားလာဖို့၊ လူသတ်ဖို့၊ မီးရှို့ဖို့နဲ့ မကောင်းမှုတွေ ကျူးလွန်ဖို့အတွက် တကယ့် နတ်ဘုရားလက်နက်ပါပဲ။</p> <p>ကိုယ့်ရဲ့ ရုပ်ရည်နဲ့ အရှိန်အဝါကို ပြောင်းလဲပေးနိုင်တဲ့ ဒီလိုပစ္စည်းမျိုးသာ ရှိရင်၊ ကောလာဟလတွေ လျှောက်ဖြန့်တဲ့အခါမှာ မယုံနိုင်လောက်အောင် အောင်မြင်သွားမှာ မဟုတ်ဘူးလား။</p> <p>ဒီတော့ မေးစရာရှိနေခဲ့ပါတယ်။</p> <p>“ မာလင်း၊ မင်း ဒါကို အရင်က ထုတ်သုံးခဲ့တုန်းက တကယ်ပဲ ဂိုဏ်းတူအစ်ကိုကြီး ချူရှင်းဟီကို သုံးစေချင်လို့လား။ ဒါမှမဟုတ် မင်းမှာ ပြောပြလို့မရတဲ့ လျှို့ဝှက်ချက်တွေ ရှိနေတာလား။”</p> <p>ဘာပဲဖြစ်ဖြစ်၊ မာလင်း ဘာလုပ်ဖို့ ကြံစည်နေပါစေ ဒီမြေခွေးမျက်နှာဖုံးကိုတော့ ချူရှင်းဟီ သိမ်းလိုက်ပါပြီ။</p> <p>မာလင်းက ဒီပစ္စည်းကို သုံးပြီး မကောင်းမှုတွေ လုပ်မယ်ဆိုရင်တော့ ထားပါတော့။ ဒါပေမဲ့ ဒီကောင် မာလင်းက သူ့ရဲ့ ရုပ်ရည်ကို ပြောင်းပြီးတော့ ကောင်းမှုကုသိုလ်တွေ အတင်းလိုက်လုပ်နေမယ်ဆိုရင်တော့ ဘယ်သူက ခံနိုင်ရည် ရှိမှာလဲ။</p> <p>သူတို့ သုံးယောက်ဟာ တောင်ပိုင်းမှာ အကြီးဆုံးမြို့ဖြစ်တဲ့ ရုံမြို့တော်ကို ရောက်ရှိလာကြပါတယ်။</p> <p>ဒီလပိုင်းမှာ မြောက်ဘက်ပိုင်းကတော့ ဆောင်းဦးနှောင်းပိုင်း ရောက်နေပြီဖြစ်ပြီး တချို့နေရာတွေမှာ နှင်းတွေတောင် စကျနေပါပြီ။ ဒါပေမဲ့ တောင်ဘက်မှာရှိတဲ့ ရုံမြို့တော်ကတော့ သက်ဝင်လှုပ်ရှားနေဆဲပါ။</p> <p>ရုံမြို့တော်ဟာ မဟာမိုးကောင်းကင်ဂိုဏ်းရဲ့ ဩဇာလွှမ်းမိုးမှုအောက်မှာ ရှိပါတယ်။ ရုံမြို့တော်မှာ မဟာနေမင်း ကုန်းမြေတိုက်ကြီးတစ်ခုလုံးမှာ အကြီးဆုံးဖြစ်တဲ့ ဥက္ကာခဲသံတွင်းရှိပြီး ကုန်းမြေတိုက်ကြီး တစ်တိုက်လုံးမှာရှိတဲ့ ဥက္ကာခဲသံရိုင်းတွေရဲ့ ၇၀ ရာခိုင်နှုန်းလောက်ဟာ ရုံမြို့တော်ကနေ ထွက်ရှိတာပါ။</p> <p>ဥက္ကာခဲသံရိုင်းဆိုတာ ဝိညာဉ်လက်နက်အမျိုးမျိုး သွန်းလုပ်ဖို့အတွက် လိုအပ်တဲ့ ပစ္စည်းတစ်ခုပါပဲ။ ဒီဥက္ကာခဲသံတွင်းကို အခြေခံပြီးတော့ပဲ ရုံမြို့တော်ဟာ တောင်ပိုင်းမှာ အရေးအကြီးဆုံး မြို့တစ်မြို့အဖြစ် အမြဲတမ်း ရပ်တည်နိုင်ခဲ့တာပါ။</p> <p>တောင်ပိုင်းက မူလကတည်းက စည်ကားပြီးသားဖြစ်ရာ ဥက္ကာခဲသံတွင်းပါ ရှိနေတော့ ရုံမြို့တော်ဟာ တကယ့်ကို လျှံထွက်အောင် ကြွယ်ဝချမ်းသာလာခဲ့ပါတယ်။</p> <p>ရုံမြို့တော်ရဲ့ လမ်းမတွေပေါ်မှာ လမ်းလျှောက်ရင်း စည်ကားလှတဲ့ လူအုပ်ကြီးနဲ့ ကုန်သည်တွေကို ကြည့်ရတာ တကယ့်ကို တိုးတက်လွန်းလှပါတယ်။</p> <p>မကြာခင်မှာပဲ ရုံမြို့တော်ရဲ့ အချက်အချာ အကျဆုံးနေရာမှာ ချူရှင်းဟီဟာ အလွန်ကြီးမားတဲ့ မဟာမိုးကောင်းကင် ကုန်သွယ်ရေးကုမ္ပဏီကို မြင်လိုက်ရပါပြီ။</p> <p>ဘုရားရေ။ ကုမ္ပဏီထဲကို ဝင်ကြည့်နေစရာတောင် မလိုပါဘူး၊ အပြင်ဘက်က လူအုပ်ကြီးကို ကြည့်လိုက်ရုံနဲ့တင် မဟာမိုးကောင်းကင် ကုန်သွယ်ရေးကုမ္ပဏီရဲ့ စီးပွားရေး ဘယ်လောက်အထိ လွှမ်းမိုးထားသလဲဆိုတာ သိနိုင်ပါတယ်။</p> <p>နေ့စဉ် ပိုက်ဆံတွေကို သဲ့ယူနေတယ် ဆိုတဲ့ စကားလုံးတောင် မဟာမိုးကောင်းကင် ကုန်သွယ်ရေးကုမ္ပဏီရဲ့ စီးပွားရေးအခြေအနေကို ဖော်ပြဖို့ မလုံလောက်ပါဘူး။</p> <p>ကုန်သွယ်ရေးကုမ္ပဏီအပြင် ရုံမြို့တော်မှာရှိတဲ့ မဟာမိုးကောင်းကင် ကုန်သည်အသင်းရဲ့ ဆေးဆိုင်ခွဲ မှာလည်း လူတွေဟာ လှိုင်းတံပိုးတွေလို စီးဝင်နေကြပါတယ်။</p> <p>မာလင်းက ဂိုဏ်းတူအစ်ကိုကြီး ချူရှင်းဟီကို ကြည့်လိုက်ပါတယ်။ ချူရှင်းဟီဟာ ကုန်သွယ်ရေးကုမ္ပဏီရော၊ ဆေးဆိုင်ကိုပါ သွားကြည့်ပေမဲ့ အထဲကို ဝင်ဖို့ စိတ်ကူး လုံးဝမရှိတာကြောင့် မာလင်းလည်း တော်တော်လေး ဝေဝါးသွားခဲ့ရပါတယ်။</p> <p>မာလင်းရဲ့ ဇဝေဇဝါ ဖြစ်မှုကို ကြည့်ပြီး ချူရှင်းဟီလည်း ဘာမှမတတ်နိုင်သလို ခံစားနေရပါပြီ။</p> <p>"ငါက ဘာလို့ အထဲဝင်ရမှာလဲ။"</p> <p>"သူတို့တွေ ပိုက်ဆံတွေ အကြီးအကျယ် ရှာနေတာကို သွားထိုင်ကြည့်ဖို့လား။"</p> <p>"ဂိုဏ်းတူအစ်ကိုကြီးရဲ့ နှလုံးသားက အခုတလော သိပ်မကောင်းဘူးကွ။ အဲဒါတွေကို အများကြီး မြင်မိရင် ရုံမြို့တော်မှာတင် ငါ့အသက် ထွက်သွားမှာကို ကြောက်တယ်..."</p> <p>စိုးရိမ်ပူပန်နေတဲ့ မျက်နှာထားနဲ့ ချူရှင်းဟီဟာ မာလင်းနဲ့ အားလန်တို့ကို ခေါ်ပြီး ရုံမြို့တော်ရဲ့ အကြီးဆုံး စားသောက်ဆိုင်က အကောင်းဆုံး သီးသန့်ခန်းထဲမှာ ဝင်ထိုင်လိုက်ပါတယ်။</p> <p>ရုံမြို့တော်ရဲ့ ဒေသထွက် အစားအစာတွေကို မြည်းစမ်းရင်း ချူရှင်းဟီဟာ ဘယ်နေရာကနေ စပြီး လုပ်ရမလဲဆိုတာကိုလည်း စဉ်းစားနေမိပါပြီ။</p> <p>မဟာမိုးကောင်းကင် ကုန်သည်အသင်းနဲ့ ကုန်သွယ်ရေးကုမ္ပဏီတွေကိုတော့ ချန်ထားလိုက်ရုံပဲ။ ဒီနေရာတွေက ပြဿနာရှိရှိ၊ မရှိရှိ သူတို့ဘာသာသူတို့ ဘာလုပ်နေလဲဆိုတာ ကောင်းကောင်းသိနေကြတာ မဟုတ်လား။</p> <p>ရုံမြို့တော်မှာ မဟာမိုးကောင်းကင်ဂိုဏ်းရဲ့ လုပ်ငန်းတွေ အများကြီး ရှိနေပေမဲ့၊ အဲဒီအထဲကမှ ပြဿနာအကြီးဆုံး တစ်ခုကို ရှာတွေ့နိုင်ဖို့ ဖို့ဆိုတာကတော့ တော်တော်လေး ခက်ခဲနေပါသေးတယ်။</p> <p>အကြာကြီး စဉ်းစားပြီးတဲ့နောက်မှာတော့ ချူရှင်းဟီဟာ ဆုံးဖြတ်လိုက်ပါပြီ။ တကယ်လို့ သူတစ်ခုခုကို ပြင်ဆင်တော့မယ်ဆိုရင် အကြီးဆုံးကနေ စသင့်တယ်လို့ ခံစားလိုက်ရပါတယ်။</p> <p>ဒါဆိုရင် ရုံမြို့တော် တစ်ခုလုံးမှာ ဘယ်အရာက အကြီးဆုံးလဲ။</p> <p> </p> <p>အဲဒါကတော့ တခြားမဟုတ်ပါဘူး၊ ဥက္ကာခဲသံတွင်းပါပဲ။</p> <p>ရုံမြို့တော်က ထိန်းချုပ်ထားတဲ့ ဥက္ကာခဲသံတွင်းဟာ ဂိုဏ်းဌာနချုပ်ဆီကို သံရိုင်းတွေ ပေးပို့ရုံတင်မကဘဲ၊ နှစ်စဉ်နှစ်တိုင်း အပြင်ကိုလည်း အမြောက်အမြား ပြန်လည်ရောင်းချနေတာပါ။ ဒီလောက်အထိ အကြီးအကျယ် အရောင်းအဝယ်ဖြစ်နေတဲ့ ဥက္ကာခဲသံတွင်း လုပ်ငန်းမှာမှ ဘာလှည့်ကွက်မှ မရှိဘူးလို့ ပြောရင်တော့ ချူရှင်းဟီ တစ်ယောက် သရဲတစ်ကောင် မြင်ရတာထက်တောင် ပိုပြီး အံ့ဩမိပါလိမ့်မယ်။</p> <p>ဒါကြောင့် သူဟာ ဥက္ကာခဲသံတွင်းကနေပဲ စတင်ပြီး စစ်ဆေးဖို့ ဆုံးဖြတ်လိုက်ပါပြီ။</p> <p>ဒီဥက္ကာခဲသံတွင်း အရောင်းအဝယ်တွေကြားမှာ ဘယ်လောက်တောင် အပုပ်နံ့နံတဲ့ ကိစ္စတွေ ဖုံးကွယ်ထားသလဲဆိုတာကို ကြည့်ရပါမယ်...။</p> <p>အဲဒီလို မသန့်ရှင်းတဲ့ ကိစ္စတွေကိုတော့ အများသိအောင် ချပြဖို့ ငါအာမခံပါတယ်။ တကယ်လို့ ဂိုဏ်းကို ပိုက်ဆံမရှုံးအောင် မလုပ်နိုင်ဘူးဆိုရင်တောင်မှ၊ ဂိုဏ်းရဲ့ သိက္ခာကို အရင်ဆုံး ဆုံးရှုံးအောင် လုပ်ရမှာပေါ့။</p> <p>ကိုယ်ပိုင်လုပ်ငန်းတွေ မရှိတဲ့ ဂိုဏ်းကြီးမျိုးတွေ ရှိလို့လား။</p> <p>ပြီးတော့ ဘယ်ဂိုဏ်းကြီးရဲ့ လုပ်ငန်းတွေကကော အပြည့်အ၀ ဖြူစင်သန့်ရှင်းနေလို့လဲ။</p> <p>သာမန်အားဖြ့်တော့ ဂိုဏ်းကြီးတွေဟာ ဒါမျိုးရှိမှန်း သိရင်တောင်မှ တိတ်တိတ်ဆိတ်ဆိတ်ပဲ ဖြေရှင်းလေ့ရှိကြပါတယ်။ ဘာလို့လဲဆိုတော့ ဒါမျိုးတွေကို လူသိရှင်ကြား ချပြလိုက်ရင် သူတစ်ပါးရဲ့ လှောင်ပြောင်တာကို ခံရရုံကလွဲလို့ ဘာထူးမှာလဲ။</p> <p>(ဒါပေမဲ့ ငါ ချူရှင်းဟီကတော့ သူများလှောင်မှာကို နည်းနည်းလေးတောင် မကြောက်ပါဘူး။ တကယ်တော့ အလှောင်ခံရဖို့ကိုတောင် အိပ်မက်မက်နေတာပါ။ မင်းတို့တွေ ပိုက်ဆံတွေ အကြီးအကျယ် ရှာနေကြတယ် မဟုတ်လား။)</p> <p>(ငါက ဂိုဏ်းကို ငွေကြေးအရ ဆုံးရှုံးအောင် မလုပ်နိုင်ဘူးပေါ့။ အေးလေ... ဒီတစ်ခါတော့ ဂိုဏ်းရဲ့ သိက္ခာကို အရင်ဆုံး တိုက်ခိုက်ပြမယ်၊ အဲဒီကျမှ ဘယ်လိုတွေ ဆုံးရှုံးကုန်မလဲဆိုတာ ကြည့်ကြတာပေါ့။)</p> <p>စားသောက်ပြီးတာနဲ့ ချူရှင်းဟီ အချိန်ဆွဲမနေတော့ပါဘူး။ မာလင်းနဲ့ အားလန်တို့ကို ခေါ်ပြီး စာရင်းအင်းတွေ စစ်ဆေးဖို့အတွက် ရုံမြို့တော်မှာရှိတဲ့ ဥက္ကာခဲသံတွင်းဆီကို တိုက်ရိုက် သွားလိုက်ပါတော့တယ်။ ဥက္ကာခဲသံတွင်းထဲ ခြေချလိုက်တာနဲ့ တစ်ပြိုင်နက် ချူရှင်းဟီဟာ မာလင်းကို ဖန်းဒု ဝိညာဉ်တစ်သောင်း ၀င်္ကပါနဲ့ ဥက္ကာခဲသံတွင်း တစ်ခုလုံးကို ဝိုင်းရံထားဖို့ အမိန့်ပေးလိုက်ပါတယ်။</p> <p>ဝိညာဉ်တစ်သောင်းကျော် သောင်းကျန်းမှုကြောင့် ခဏချင်းအတွင်းမှာတင် ဥက္ကာခဲသံတွင်းဟာ သရဲတစ္ဆေ နယ်မြေတစ်ခုအဖြစ် ပြောင်းလဲသွားပါတော့တယ်။၊ သံတွင်းထဲမှာရှိတဲ့ မဟာမိုးကောင်းကင်ဂိုဏ်းဝင် အားလုံးဟာလည်း ကြမ်းတမ်းတဲ့ သရဲတစ္ဆေတွေရဲ့ ထိန်းချုပ်မှုကို ခံလိုက်ကြရပါပြီ.။</p> <p>ဥက္ကာခဲသံတွင်းက တာဝန်ခံတွေဟာလည်း ရုတ်တရက် ပေါ်လာတဲ့ သရဲတစ္ဆေတွေကြောင့် အံ့ဩပြီး ထိတ်လန့်သွားကြပါတယ်။</p> <p>ဘယ်သူကများ ဒီလောက်အထိ သတ္တိကောင်းပြီး မဟာမိုးကောင်းကင်ဂိုဏ်းရဲ့ ဥက္ကာခဲသံတွင်းကို လာပြီး နှောင့်ယှက်ရဲတာလဲ။</p> <p> </p> <p style="text-align: center;">***</p>


Save