Book List

<h2 style="text-align: center;">Chapter 10</h2> <h2 style="text-align: center;">ရုတ်တရက် ဝင်စီးတာထက် ပိုစိတ်ချရတဲ့ နည်းလမ်းမရှိဘူး</h2> <h2 style="text-align: center;">*</h2> <p> </p> <p> </p> <p> </p> <p>ဥက္ကာခဲသံတွင်းဟာ အလွန်ကို အပြောကျယ်လှပေမယ့်လည်း မာလင်းရဲ့ ဖန်းဒု သရဲတစ်သောင်း ၀င်္ကပါ အတွက်ကတော့ ဘာဖိအားမှ မရှိနေပါဘူး။</p> <p>အချိန်တိုလေး အတွင်းမှာပဲ သံတွင်းတစ်ခုလုံးမှာရှိတဲ့ လူတိုင်းဟာ ဖန်းဒု သရဲတစ်သောင်း ၀င်္ကပါရဲ့ ဝိုင်းရံမှုကို ခံလိုက်ရပြီး ကြမ်းတမ်းတဲ့ ဝိညာဉ်တွေရဲ့ ထိန်းချုပ်မှုအောက် ရောက်သွားကြပါတော့တယ်။</p> <p>ဥက္ကာခဲသံတွင်းရဲ့ စီမံခန့်ခွဲသူ အများအပြားဟာလည်း မျက်လုံးပြူးကျယ်သွားခဲ့ကြပါပြီ။</p> <p>သံတွင်းရဲ့ အထွေထွေမန်နေဂျာဖြစ်သူ မန်နေဂျာ ရွှီဝေဟာ ရိုင်းစိုင်းတဲ့ ဝိညာဉ်တွေ ရုတ်တရက် ပေါ်လာတာကို မြင်လိုက်ရတဲ့အခါ မိစ္ဆာအရိပ်ဂိုဏ်းက လူတွေ သံတွင်းကို လာတိုက်တာလို့ ထင်လိုက်မိပါသေးတယ်။</p> <p>ဒါပေမဲ့ ရွှီဝေက ချက်ချင်းပဲ ပြန်တွေးမိပါတယ်။</p> <p> "ဒါ မဖြစ်နိုင်ဘူးလေ။ ဟုတ်တယ်မလား"</p> <p>"မိစ္ဆာအရိပ်ဂိုဏ်းက လူတွေ ရူးနေလို့လား။"</p> <p>"ငါတို့ရဲ့ မဟာမိုးကောင်းကင်ဂိုဏ်းချုပ်က နှစ်ပေါင်းတစ်ထောင်ကျော်အတွင်း ပထမဆုံး ကမ္ဘာ့နတ်ဘုရားအဆင့်ကို တက်လှမ်းနိုင်ခဲ့သူလေ၊ အခုဆို ငါတို့ဂိုဏ်းက တစ်လောကလုံးမှာ ပြိုင်ဘက်ကင်းသွားပြီ။"</p> <p>"မိစ္ဆာအရိပ်ဂိုဏ်းကလူတွေ ဘယ်လောက်တောင် မူးနေလို့ ဒီအချိန်မှာ ငါတို့ဂိုဏ်းရဲ့ ပိုင်ဆိုင်မှုကို လာတိုက်ခိုက်ရတာလဲ။"</p> <p>ဒါပေမဲ့ လေထဲ ပျံဝဲနေတဲ့ ဝိညာဉ်အစောင့်အရှောက်ကြီးကို မြင်လိုက်ရတဲ့အခါမှာတော့ ရွှီဝေ သဘောပေါက်သွားပါပြီ။</p> <p>(ဒါ မိစ္ဆာအရိပ်ဂိုဏ်း မဟုတ်ဘူး... ဒါ ငါတို့ မဟာမိုးကောင်းကင်ဂိုဏ်းရဲ့ 'ဖန်းဒု သရဲတစ်သောင်း ၀င်္ကပါ' ပဲ။)</p> <p>(ပြီးတော့ ဒီလောကမှာ မာလင်း တစ်ယောက်တည်းသာ ဖန်းဒု သရဲတစ်သောင်း ၀င်္ကပါကို ထိန်းချုပ်နိုင်တာလေ။)</p> <p>(ဒါပေမဲ့ ပြဿနာက... မာလင်းက ချူရှင်းဟီနဲ့အတူ မြောက်ပိုင်းကို စစ်ဆေးရေး ခရီးထွက်နေတာ မဟုတ်ဘူးလား။)</p> <p>(မာလင်းက ဘာလို့ တောင်ဘက်မှာ ပေါ်လာရတာလဲ။)</p> <p>ရွှီဝေ ဘာတွေဖြစ်နေလဲဆိုတာကို တွေးလို့မရသေးခင်မှာပဲ၊ မာလင်းက ၀င်္ကပါကို သုံးပြီး သံတွင်းထဲက လူအားလုံးကို တစ်နေရာတည်းမှာ စုဝေးလိုက်ပါတယ်။ ရွှီဝေက မာလင်းကို မြင်လိုက်ရတဲ့အခါမှာတော့ လုံးဝကို မျက်လုံးပြူးကျယ်သွားရပါပြီ။</p> <p>တခြားသူတွေက မာလင်းကို မသိရင်တောင်မှ၊ ရွှီဝေလို အထွေထွေမန်နေဂျာ တစ်ယောက်က ဘယ်လိုလုပ် မသိဘဲ နေမှာလဲ။</p> <p>ဒါက တကယ့် မာလင်းပဲ၊ ပြီးတော့ မာလင်းရဲ့ ဘေးမှာရှိနေတဲ့သူကိုလည်း ရွှီဝေ မှတ်မိပါတယ်။</p> <p>(ဒါ ဟေးယွဲ့နန်းတော်က အားလန် (Dark Blue) မဟုတ်လား။)</p> <p>မာလင်းနဲ့ အားလန်တို့က ဘေးတစ်ဖက်တစ်ချက်မှာ ရပ်နေကြပြီး အလယ်မှာ ရပ်နေတာကတော့  ဝမ်တျန်းနုတဲ့လား။</p> <p>ဒါက ဘယ်လိုဖြစ်ပြီး သူတို့ သုံးယောက် ဖြစ်နေတာလဲ။</p> <p>ရွှီဝေ အံ့ဩနေတုန်းမှာပဲ ချူရှင်းဟီ က သူ့ရဲ့ မြေခွေး မျက်နှာဖုံး ကို ချွတ်လိုက်ပါပြီ။ မျက်နှာဖုံးကို ချွတ်လိုက်တဲ့ အချိန်မှာတော့ ရွှီဝေတင်မကဘဲ သံတွင်းထဲက လူတိုင်းဟာ သူဘယ်သူဖြစ်ကြောင်း မှတ်မိသွားကြပါတယ်။</p> <p>ဒါပေမဲ့ အဲဒီအချိန်မှာ သံတွင်းတစ်ခုလုံး အုတ်အော်သောင်းနင်း ဖြစ်သွားခဲ့ပါပြီ။</p> <p> "ဘာဖြစ်လို့ ဂိုဏ်းတူအစ်ကိုကြီး ချူရှင်းဟီက ဒီမှာ ရောက်နေတာလဲ။"</p> <p>"ဂိုဏ်းတူအစ်ကိုကြီး ချူရှင်းဟီက မြောက်ပိုင်းကို စစ်ဆေးဖို့ သွားတာ မဟုတ်ဘူးလား။ ဘယ်လိုလုပ်ပြီး တောင်ဘက်အထိ ခရီးရောက်လာတာလဲ။"</p> <p>"ကတိပေးထားတဲ့ မြောက်ပိုင်းစစ်ဆေးရေးကကော ဘာဖြစ်သွားတာလဲ။"</p> <p>ဒီတစ်ခါမှာ ချူရှင်းဟီက ဂိုဏ်းချုပ်ကြီးကိုယ်စား မြောက်ပိုင်းကို စစ်ဆေးဖို့ လာမယ်ဆိုတဲ့ သတင်းကြောင့် မြောက်ပိုင်းတစ်ပိုင်းလုံး ရူးမတတ် ဖြစ်နေကြတာပါ။</p> <p>ဒီတစ်ခါ စစ်ဆေးရေးအတွက် မြောက်ပိုင်းရဲ့ ပြင်ဆင်မှုတွေဟာ အရင်ကထက်တောင် ပိုပြီး ခမ်းနားတယ်လို့ ပြောကြပါတယ်။</p> <p>ဂိုဏ်းချုပ်ကြီး လာစစ်တာဆိုရင်တော့ နှစ်အနည်းငယ်ကြာတိုင်း တစ်ခါလာနေကျမို့ ထားပါတော့၊ ဒါပေမဲ့ ချူရှင်းဟီရဲ့ စစ်ဆေးရေးကတော့ လုံးဝကို ကွဲပြားပါတယ်။</p> <p>ဂိုဏ်းချုပ်ကြီးကိုယ်စား ဂိုဏ်းကို စစ်ဆေးဖို့ အဓိက တပည့်ကြီးတစ်ယောက်ကို လွှတ်တယ်ဆိုတာ မဟာမိုးကောင်းကင်ဂိုဏ်း သမိုင်းမှာ တစ်ခါမှ မရှိခဲ့ဖူးပါဘူး။ ဒါပေမဲ့ ဘယ်သူကမှလည်း ဒါကို မှားယွင်းနေတယ်လို့ မထင်ကြပါဘူး။</p> <p>ဘာလို့လဲဆိုတော့ ချူရှင်းဟီရဲ့ အနာဂတ် ဂိုဏ်းချုပ်ရာထူးက လုံးဝကို ခိုင်မာနေလို့ပါပဲ။</p> <p>ဒါကြောင့် ချူရှင်းဟီကို အကြိုလေ့ကျင့်ပေးတဲ့ အနေနဲ့ ဒါမျိုး လုပ်ခိုင်းတာက ဘာပြဿနာ ရှိမှာလဲ။</p> <p>ဒါကြောင့်လည်း ရှင်းဟီရဲ့ ဒီစစ်ဆေးရေးအတွက် မြောက်ပိုင်းကလူတွေဟာ ချူရှင်းဟီရှေ့မှာ အစွမ်းပြနိုင်ဖို့ လူတိုင်း အားသွန်ခွန်စိုက် ကြိုးစားနေကြတာပါ။</p> <p>ဒါပေမဲ့ ချူရှင်းဟီက ရုတ်တရက် တောင်ဘက်က ဥက္ကာခဲသံတွင်းမှာ ပေါ်လာလိမ့်မယ်လို့ ဘယ်သူက ထင်မှာလဲ။ ဒါက ဘာကြီးလဲဟင်။</p> <p>"မင်္ဂလာပါ မန်နေဂျာရွှီ" ချူရှင်းဟီက တက်လှမ်းပြီး မန်နေဂျာရွှီကို နှုတ်ဆက်လိုက်ပါတယ်။</p> <p>"အဲ။ ချူရှင်းဟီ။ အစ်ကိုကြီးက ဘာလို့ တောင်ဘက်ကို ရောက်လာတာလဲ။ ကျွန်တော်တို့ကိုလည်း ဘာမှ ကြိုမပြောထားဘူး၊ ဒါ... ကျွန်တော်တို့ ဘာမှ မပြင်ဆင်ရသေးပါဘူး..."</p> <p>ရွှီဝေက ချူရှင်းဟီဆီကို အမြန် ပြောလိုက်ပါပြီ။</p> <p>မန်နေဂျာရွှီရဲ့ စကားကို ကြားလိုက်ရတဲ့အခါ သံတွင်းတစ်ခုလုံး ထပ်မံပြီး အုတ်အုတ်ကျက်ကျက် ဖြစ်သွားပါတော့တယ်။</p> <p>ချူရှင်းဟီ ဟုတ်လား။</p> <p>"ဒါ ငါတို့ မဟာမိုးကောင်းကင်ဂိုဏ်းရဲ့ ဂိုဏ်းတူအစ်ကိုကြီး ချူရှင်းဟီလား။" လူပေါင်းများစွာဟာ မျက်လုံးပြူးပြီး ချူရှင်းဟီကို ဝိုင်းကြည့်နေကြပါတယ်။</p> <p>"မြန်မြန်... တစ်ယောက်ယောက် သွားစမ်း၊ အကောင်းဆုံး လက်ဖက်ရည်နဲ့ မုန့်တွေ ပြင်ဆင်လိုက်..." မန်နေဂျာရွှီက သူ့လက်အောက်ငယ်သားတွေကို ညွှန်ကြားရင်း ချူရှင်းဟီကို အထဲကို ခေါ်သွားဖို့ ပြင်ပါတယ်။</p> <p>ဒါပေမဲ့ ရွှီဝေရဲ့ ဖိတ်ခေါ်မှုကို ချူရှင်းဟီက ပြုံးပြီး ငြင်းလိုက်ပါတယ်။</p> <p> "လက်ဖက်ရည်နဲ့ မုန့်တွေ မလိုပါဘူး။ ငါက ဒီနေ့ ရုံးကိစ္စနဲ့ လာတာမို့၊ မန်နေဂျာရွှီအနေနဲ့ လမ်းပြပေးမယ့်သူ တစ်ယောက်လောက် စီစဉ်ပေးပါ။ ဒီဥက္ကာခဲသံတွင်းရဲ့ အခြေအနေအားလုံးနဲ့ စာရင်းအင်းစာအုပ်တွေကို ငါစစ်ဆေးဖို့ လိုပါတယ်။"</p> <p>အစပိုင်းမှာတုန်းက ရွှီဝေတစ်ယောက် ချူရှင်းဟီ ဘာလို့ တောင်ဘက်ကို ရောက်လာလဲဆိုတာကို တွေးတောနေခဲ့ပါတယ်။ ချူရှင်းဟီရဲ့ ဒီစကားကို ကြားလိုက်ရပြီးနောက်မှာတော့ ရွှီဝေရဲ့ မျက်နှာ ချက်ချင်း ပြောင်းလဲသွားပါပြီ။</p> <p>ရွှီဝေတင်မကဘဲ အဲဒီနေရာမှာရှိတဲ့ စီမံခန့်ခွဲသူ အမြောက်အမြားရဲ့ မျက်နှာတွေဟာလည်း သိသိသာသာကို ပျက်သွားကြပါတယ်။</p> <p>ချူရှင်းဟီ မြောက်ပိုင်းကို စစ်ဆေးဖို့ သွားမယ်ဆိုတဲ့ သတင်းက ပျံ့နှံ့နေတာ ကြာပါပြီ။ လွန်ခဲ့တဲ့ ရက်ပိုင်းတုန်းက လူတိုင်းဟာ ဒီစစ်ဆေးရေးဟာ မြောက်ပိုင်းအတွက် အခွင့်အရေးရော၊ စမ်းသပ်မှုပါ ရှိလိမ့်မယ်လို့ ပြောဆိုနေခဲ့ကြတာပါ။</p> <p>အခွင့်အရေးဆိုတာကိုတော့ ရှင်းပြနေစရာ မလိုပါဘူး၊ ချူရှင်းဟီရဲ့ နည်းလမ်းတွေက ဘယ်လောက် စွမ်းသလဲဆိုတာ တစ်လောကလုံး သိတာပဲ မဟုတ်လား။</p> <p> </p> <p>မဟာမိုးကောင်းကင် ကုန်သည်အသင်းရဲ့ အဓိကကုန်သွယ်ရေး ဌာနခွဲပြီး လေးခုကိုပဲ ကြည့်လိုက်ပါဦး။ ချူရှင်းဟီ လက်ဖျားနဲ့ တို့လိုက်တိုင်း ဘယ်တုန်းကများ ရတနာပုံကြီး မဖြစ်ခဲ့ဖူးလို့လဲ။</p> <p>ဒီတစ်ခါ ချူရှင်းဟီရဲ့ မြောက်ပိုင်းစစ်ဆေးရေး ခရီးစဉ်မှာလည်း လူအတော်များများက ယုံကြည်နေကြတာကတော့ တကယ်လို့သာ အခြေအနေကို ကောင်းကောင်းကိုင်တွယ်နိုင်ရင် ရတနာပုံကြီး ဆိုက်မှာဖြစ်ပြီး၊ မကိုင်တွယ်နိုင်ရင်တော့ ဘဝပျက်သွားနိုင်တယ်ဆိုတာပါပဲ။</p> <p>မြောက်ပိုင်းက ဌာနအသီးသီးအတွက် လူတိုင်းက အားကျနေကြသလို တစ်ဖက်ကလည်း စိုးရိမ်နေခဲ့ကြပါတယ်။</p> <p>ဒါပေမဲ့ ချူရှင်းဟီက မြောက်ပိုင်းကို လုံးဝမသွားဘဲ တောင်ဘက်ကို ရုတ်တရက် ဆင်းချလာလိမ့်မယ်လို့ ဘယ်သူမှ မထင်ထားခဲ့ကြပါဘူး။ ရောက်တာနဲ့ "ဖန်းဒု သရဲတစ်သောင်း ၀င်္ကပါ" ကို ချက်ချင်း အသက်သွင်းလိုက်တာကိုကြည့်ရင် ဦးနှောက်ရှိသူတိုင်း သဘောပေါက်ပါတယ်။ ချူရှင်းဟီက ဒီတစ်ခါတော့ လက်ဖက်ရည်သောက်၊ မုန့်စားဖို့ လာတာမဟုတ်ဘဲ အတည်ကြီး ကိုင်တော့မှာလား။</p> <p>တကယ်လို့သာ ချူရှင်းဟီ လာမယ်ဆိုတာကို ကြိုသိခဲ့ရင်တော့ ကိစ္စမရှိပါဘူး။ ဥက္ကာခဲသံတွင်းကလူတွေရဲ့ စွမ်းဆောင်ရည်နဲ့ဆိုရင် အရာအားလုံးကို အပြစ်ပြောစရာမရှိအောင် စီစဉ်ထားနိုင်မှာ မဟုတ်လား။</p> <p>ဒါပေမဲ့ အခုလို ချူရှင်းဟီက မမျှော်လင့်ဘဲ ရောက်လာတော့ ဥက္ကာခဲသံတွင်း တစ်ခုလုံး ဘာမှ မပြင်ဆင်ရသေးပါဘူး။ အခုမှ လာစစ်မယ်ဆိုတော့။ ဒါ သူတို့အသက်ကို လာတောင်းနေတာနဲ့ မတူဘူးလား။</p> <p>ရွှီဝေက အမြန်ပဲ ပြောလိုက်ပါတယ်။</p> <p>"ဂိုဏ်းတူအစ်ကိုကြီး ရှင်းဟီ ခရီးပန်းလာမှာပေါ့။ ဒီနေ့တော့ ကျွန်တော်တို့ သေချာလေး ဧည့်ခံပါရစေဦး။ မနက်ဖြန်မနက်ကျမှ ကျွန်တော်ကိုယ်တိုင် ဥက္ကာခဲသံတွင်း တစ်ခုလုံးကို လိုက်ပြပါ့မယ်။"</p> <p>ကယောင်ကတမ်းတွေဖြစ်ပြီး မျက်စိပျက်မျက်နှာပျက် ဖြစ်နေတဲ့ ရွှီဝေကို ကြည့်ပြီး ချူရှင်းဟီကတော့ သူ့ခရီးစဉ်ဟာ တကယ်ကို ထိရောက်တယ်ဆိုတာ သိလိုက်ပါပြီ။</p> <p>"မနက်ဖြန် ဟုတ်လား။"</p> <p>"ငါ မနက်ဖြန်အထိ မစောင့်နိုင်ဘူး။ ငါက ပြဿနာတွေကို ရှာပြီးတော့ အဲဒါတွေကို အကြီးအကျယ် ချပြဖို့ လာတာလေ။ မင်းကို တစ်ရက်အချိန်ပေးလိုက်ရင် မင်းတို့တွေ တစ်ညလုံး မအိပ်ဘဲ အရာအားလုံးကို ပြည့်စုံအောင် ဖုံးဖိပြင်ဆင်လိုက်ကြမှာ မဟုတ်လား။"</p> <p>"အဲဒီကျရင် ငါ မနက်ဖြန်မှာ ဘာကို မြင်ရတော့မှာလဲ။"</p> <p>"မန်နေဂျာရွှီရဲ့ စေတနာကို ကျေးဇူးတင်ပါတယ်။ ဒါပေမဲ့ ခရီးပန်းတာမျိုးတော့ မရှိပါဘူး။ ဒီနေ့ပဲ အချိန်မဆွဲဘဲ ငါတို့ ဥက္ကာခဲသံတွင်းရဲ့ အခြေအနေကို သေချာ စစ်ဆေးကြတာပေါ့။"</p> <p>"မာလင်း။ နေရာတိုင်းမှာ လုံခြုံ ဘေးကင်းအောင် ဖန်းဒု သရဲတစ်သောင်း ၀င်္ကပါကို သုံးပြီး စောင့်ကြပ်ထားလိုက်။ ဒီအချိန်မှာ ဘာအမှားအယွင်းမှ အဖြစ်မခံနိုင်ဘူး။"</p> <p>"ဂိုဏ်းတူအစ်ကိုကြီး ချူရှင်းဟီ... စိတ်ချပါ။"</p> <p>ချူရှင်းဟီရဲ့ စကားအဆုံးမှာတော့ အားလုံး ရှုပ်ယှက်ခတ်သွားပါတော့တယ်။</p> <p>ရွှီဝေလည်း အခုမှပဲ သဘောပေါက်သွားပါပြီ။ ချူရှင်းဟီရဲ့ ဒီတစ်ခါ ရုတ်တရက် ရောက်လာမှုက လုံးဝကို ကြိုတင်ကြံစည်ထားတာပဲ။</p> <p>ဖန်းဒု သရဲတစ်သောင်း ၀င်္ကပါက ဥက္ကာခဲသံတွင်း တစ်ခုလုံးကို ခဏချင်းအတွင်း လွှမ်းခြုံထားလိုက်တာကြောင့်၊ အခုအချိန်မှာ သံတွင်းတစ်ခုလုံး မာလင်းရဲ့ လက်ခုပ်ထဲက ရေလို ဖြစ်နေပါပြီ။</p> <p>ဘယ်သူပဲဖြစ်ဖြစ် မဆင်မခြင် လှုပ်ရှားဖို့ ကြိုးစားတာနဲ့ တစ်ပြိုင်နက် မာလင်းက ဖန်းဒု သရဲတစ်သောင်း ၀င်္ကပါရဲ့ အစွမ်းကို စက္ကန့်ပိုင်းအတွင်း မြင်အောင် ပြလိုက်မှာပါ။</p> <p>ဥက္ကာခဲသံတွင်းမှာ အမြဲတမ်း ကျောက်ဆောင်လို တည်ငြိမ်ခဲ့တဲ့ ရွှီဝေတစ်ယောက် အခုတော့ တကယ်ကို တုန်လှုပ်နေပါပြီ။</p> <p>တခြားသူတွေက ဥက္ကာခဲသံတွင်းရဲ့ အခြေအနေကို မသိရင်တောင်မှ ရွှီဝေကတော့ မသိဘဲ နေမလား။</p> <p>ဒါက ဥက္ကာခဲသံတွင်းလေ... ဒီလို ရတနာတောင်ကြီးကို ရင်ဆိုင်ရတဲ့အခါမှာ မန်နေဂျာရွှီကစလို့ သာမန်တပည့်လေးအဆုံး၊ လက်သန့်တဲ့သူဆိုတာ တကယ်ကို ရှားပါတယ်။</p> <p>အရင်တုန်းက ဂိုဏ်းချုပ်ကြီး တောင်ဘက်ကို လာစစ်တုန်းကတော့ ရွှီဝေက သတင်း ကြိုရတာမို့ ကြိုတင်ပြင်ဆင်ထားနိုင်ခဲ့ပြီး အရှုပ်ထုပ် ကိစ္စရပ်မှန်သမျှကို အပြောင် ရှင်းထားနိုင်ခဲ့တာပါ။</p> <p>ဒါပေမဲ့ ဒီတစ်ခါ ချူရှင်းဟီရဲ့ ရုတ်တရက် စစ်ဆေးမှုက ဥက္ကာခဲသံတွင်းကို ပြင်ဆင်ဖို့ အခွင့်အရေး လုံးဝမပေးခဲ့ပါဘူး။ အမြဲတမ်း တည်ငြိမ်နေတတ်တဲ့ ရွှီဝေရဲ့ မျက်နှာဟာ အခုတော့ ဖြူလျော်နေပါပြီ။</p> <p>ရွှီဝေတင်မကဘဲ ဥက္ကာခဲသံတွင်း တစ်ခုလုံးမှာရှိတဲ့ လူတိုင်းနီးပါးရဲ့ မျက်နှာတွေမှာလည်း ထိတ်လန့်မှုတွေ အထင်းသား ပေါ်နေပါတယ်။</p> <p>လူတွေရဲ့ ထိတ်လန့်နေတဲ့ ပုံစံကို ကြည့်ပြီး ချူရှင်းဟီကတော့ အလွန်ကို ဝမ်းသာနေပါပြီ။</p> <p>"တွေ့လား။ ရုတ်တရက် ဝင်စီးတာထက် ပိုစိတ်ချရတဲ့ နည်းလမ်းမရှိဘူး။"</p> <p>"ဥက္ကာခဲသံတွင်းရဲ့ အခြေအနေကို ငါ မမြင်ရသေးပေမဲ့၊ ဒီနေရာက ဘယ်လောက်တောင် ပုပ်စပ်ညစ်ပတ်နေမလဲဆိုတာ ငါ ချူရှင်းဟီ အတပ်သိနေပြီ။"</p> <p>"ငါက ဂိုဏ်းချုပ်ကြီးကိုယ်စား တောင်ဘက်ကို စစ်ဆေးဖို့ လာတာလေ၊ မင်းတို့နဲ့ ကစားဖို့ လာတယ်လို့ ထင်နေတာလား။"</p> <p>"မင်းတို့ရဲ့ လှည့်ကွက်လေး တစ်ခုခုကိုသာ ငါ ဖမ်းမိရင်တော့ စိတ်ချလိုက်ပါ၊ အဲဒါကို အကြီးအကျယ် ချဲ့ကားပြီး တစ်လောကလုံး သိအောင် ကြေညာပစ်မှာ။"</p> <p>"ငါတို့ မဟာမိုးကောင်းကင်ဂိုဏ်းရဲ့ အရှုပ်ထုပ် ကိစ္စတွေကို တစ်ကမ္ဘာလုံးသိအောင်လုပ်ပြီး ဂိုဏ်းရဲ့ ဂုဏ်သိက္ခာကို မဖျက်ဆီးနိုင်ဘူးဆိုရင် ငါ ချူရှင်းဟီ ရှုံးတာပဲ။"</p> <p>ဘေးနားကနေ ပြုံးနေတဲ့ ဂိုဏ်းတူအစ်ကိုကြီး ချူရှင်းဟီကို ကြည့်ပြီး မာလင်းလည်း ရင်ထဲမှာ ဂုဏ်ယူမိပါတယ်။</p> <p>ဂိုဏ်းတူအစ်ကိုကြီး ချူရှင်းဟီကတော့ တကယ်ကို မျက်စိရှေ့မှာ အညစ်အကြေး အစွန်းအထင်း အဖြစ်မခံနိုင်တဲ့သူပဲ။</p> <p>ဥက္ကာခဲသံတွင်းရဲ့ အခြေအနေကို သေသေချာချာတောင် ကြည့်နေစရာ မလိုပါဘူး၊ ဒီလူတွေရဲ့ မျက်နှာတွေကို ကြည့်လိုက်ရုံနဲ့တင် ဥက္ကာခဲသံတွင်းမှာ ဖြစ်နေတဲ့ ကိစ္စတွေက သေးသေးမွှားမွှား မဟုတ်ဘူးဆိုတာ သိသာနေပါတယ်။</p> <p>"ဒီထဲမှာ လောက်ကောင်တွေ ဘယ်လောက်တောင် ပုန်းနေကြမလဲ။ မင်းတို့ လောက်ကောင်တွေဟာ ငါ ချူရှင်းဟီက ရုတ်တရက်ကြီး ဝင်စစ်ဆေးလိမ့်မယ်လို့ လုံးဝ မထင်ထားကြဘူး မဟုတ်လား။"</p> <p>"မင်းတို့တွေ အားလုံးတော့ ဒီတစ်ခါ တကယ်ကို သွားပြီပဲ။"</p> <p>ရွှီဝေဟာ ဘယ်လောက်ပဲ မလိုလားပေမဲ့လည်း၊ ဒီတစ်ခါ ချူရှင်းဟီ လာတာက ဂိုဏ်းချုပ်ကြီးကိုယ်စား လာတာပါ။ တစ်နည်းအားဖြင့် ချူရှင်းဟီရဲ့ စကားက ဂိုဏ်းချုပ်ကြီးရဲ့ စကားပါပဲ။</p> <p>ရွှီဝေမှာ သတ္တိတွေ ဘယ်လောက်ပဲရှိရှိ၊ ဂိုဏ်းချုပ်ကြီးကိုတော့ အာခံရဲမှာ မဟုတ်ဘူးလေ။</p> <p>ဒါကြောင့် စိတ်မသက်မသာ ဖြစ်နေပေမဲ့လည်း၊ ရွှီဝေဟာ ချူရှင်းဟီကို ခေါ်ပြီး ဥက္ကာခဲသံတွင်းရဲ့ အခြေအနေတွေကို စတင် မိတ်ဆက်ပေးလိုက်ပါတော့တယ်။</p> <p> </p> <p>ဥက္ကာခဲသံတွင်းကြီးရဲ့ ထုတ်လုပ်မှုက ဘယ်လောက်တောင် ကြီးမားသလဲဆိုတာမျိုးတွေ။</p> <p>နှစ်စဉ်နှစ်တိုင်း ဂိုဏ်းအတွက် အကျိုးအမြတ်တွေ ဘယ်လောက်တောင် ရှာဖွေပေးသလဲဆိုတာမျိုးတွေ။</p> <p>ဥက္ကာခဲသံတွင်းရဲ့ အခြေအနေတွေက ဘယ်လောက်တောင် ခက်ခဲကြမ်းတမ်းပြီး လူတိုင်းရဲ့ ဘဝတွေက ဘယ်လောက်တောင် ပင်ပန်းဆင်းရဲရသလဲဆိုတာမျိုးတွေ။</p> <p>ဘာပဲဖြစ်ဖြစ်၊ အခုအချိန်မှာတော့ ရွှီဝေတစ်ယောက် အတော်လေးကို လျှာရှည်ပြီး ညည်းတွားပြနေပါတယ်။</p> <p>ရွှီဝေဟာ အရင်ဆုံး ချူရှင်းဟီ ကို သံတွင်းတွင်းဝဆီ ခေါ်သွားပြီး ဥက္ကာခဲသံရိုင်းတွေကို ဘယ်လိုတူးဖော်ထုတ်ယူရသလဲဆိုတာကို ကိုယ်တိုင် သရုပ်ပြလိုက်ပါပြီ။</p> <p>တူးဖော်ပုံကို ကြည့်ပြီးတဲ့နောက်မှာတော့ ရွှီဝေဟာ ချူရှင်းဟီကို သံတွင်းရဲ့ အလွန်ကြီးမားတဲ့ ဂိုဒေါင်ကြီးဆီ ခေါ်သွားပြန်ပါတယ်။ ဂိုဒေါင်တံခါးကြီးတွေ ပွင့်သွားတဲ့အခါမှာတော့ တောင်ပုံရာပုံ စုပုံနေတဲ့ ဥက္ကာခဲသံရိုင်းတွေကို တွေ့လိုက်ရပါပြီ။</p> <p>“ဒီဥက္ကာခဲသံရိုင်းတွေက ဝယ်မယ့်သူတွေ ရှိပြီးသားပါ”</p> <p>ရွှီဝေက ရှင်းပြလိုက်ပါတယ်။</p> <p>ဒါပေမဲ့ အကောင်းဆုံး ဥက္ကာခဲသံရိုင်းတွေကိုတော့ ဂိုဏ်းဌာနချုပ်ဆီ ဆက်သဖို့အတွက် သီးသန့် ဖယ်ထားရပါတယ်။</p> <p>ဒါပေမဲ့ ရွှီဝေက ချူရှင်းဟီကို ဂိုဏ်းဆီပို့မယ့် အကောင်းဆုံး အရည်အသွေးမြင့် ဥက္ကာခဲသံရိုင်းတွေ ထားတဲ့နေရာကို ခေါ်သွားတဲ့အချိန်မှာတော့ ချူရှင်းဟီ တစ်ယောက် အံ့အားသင့်သွားခဲ့ပါပြီ။</p> <p>ဘာလို့လဲဆိုတော့ လမ်းတစ်လျှောက်လုံးမှာ ရွှီဝေက ဥက္ကာခဲသံရိုင်းတွေရဲ့ အရည်အသွေး ကွဲပြားပုံတွေကို ချူရှင်းဟီကို တောက်လျှောက် ရှင်းပြလာခဲ့တာကြောင့်ပါ။</p> <p>ဘယ်လိုဟာမျိုးက အကောင်းစား၊ ဘယ်လိုဟာမျိုးကတော့ အနာအဆာပါတဲ့ ပစ္စည်းညံ့ ဆိုတာကို ရွှီဝေက အသေးစိတ် ရှင်းပြခဲ့ပါတယ်။</p> <p>ဒါပေမဲ့ ဂိုဏ်းအတွက် ပြင်ဆင်ထားတဲ့ အမြင့်ဆုံး အရည်အသွေးရှိ ဥက္ကာခဲသံရိုင်းတွေဆီ ရောက်တဲ့အခါမှာတော့ အခြေအနေက ထိန်းမနိုင်သိမ်းမရ ဖြစ်သွားပါပြီ။</p> <p>ဘာလို့လဲဆိုတော့ အခု ချူရှင်းဟီရှေ့မှာ မြင်နေရတဲ့ အမြင့်ဆုံး အရည်အသွေးလို့ ဆိုတဲ့ ဥက္ကာခဲသံရိုင်းတွေ အကုန်လုံးက ပစ္စည်းညံ့တွေ ဖြစ်နေလို့ပါပဲ။</p> <p>ဒါကို မြင်လိုက်ရတဲ့အခါ ချူရှင်းဟီ နေနေသာသာ ရွှီဝေ ကိုယ်တိုင်တောင် ဇဝေဇဝါ ဖြစ်သွားပါတယ်။</p> <p>"ဟို... မန်နေဂျာရွှီ၊ ဒါတွေက အမြင့်ဆုံး အရည်အသွေးတွေလား။"</p> <p>ချူရှင်းဟီ တစ်ယောက် ဘာပြောရမှန်းမသိ ဖြစ်နေတုန်းမှာပဲ ရွှီဝေရဲ့ မျက်နှာပေါ်က အပြုံးတွေ ပျောက်ကွယ်သွားပါတယ်။ သူ့ရဲ့ အကြည့်တွေက အနောက်ဆုံးမှာ ကပ်လိုက်လာတဲ့ လူငယ်တစ်ယောက်ဆီကို ရောက်သွားပါပြီ။ ဥက္ကာခဲသံတွင်း တစ်ခုလုံးရဲ့ အထွေထွေမန်နေဂျာ ဖြစ်တာကြောင့် ဒီနေရာရဲ့ အခြေအနေမှန်ကို ရွှီဝေထက် ပိုသိတဲ့သူ မရှိပါဘူး။</p> <p>ပုံမှန်ဆိုရင်တော့ ဥက္ကာခဲသံတွင်းကို စောင့်နေကြတဲ့သူတိုင်းဟာ နည်းနည်းပါးပါး လက်သိပ်ထိုးတာ ဒါမှမဟုတ် တရားမဝင်တာလေးတွေ လုပ်တာမျိုး ရှိတတ်ကြပါတယ်။ ဒါပေမဲ့ ဂိုဏ်းဌာနချုပ် ပို့မယ့် အဆင့်မြင့်ဥက္ကာခဲသံရိုင်းတွေကိုတောင် လဲလှယ်ပြီး လိမ်ညာရဲတဲ့သူ ရှိလိမ့်မယ်လို့တော့ ရွှီဝေ အိပ်မက်တောင် မမက်ဖူးပါဘူး။ ဒီကိစ္စကို သံတွင်းရဲ့ အထွေထွေမန်နေဂျာဖြစ်တဲ့ သူတောင် မသိလိုက်ရဘူးလား။</p> <p>(မထူးဆန်းတော့ပါဘူး။ ချူရှင်းဟီ တစ်ယောက် ဘာလို့ ဥက္ကာခဲသံတွင်းမှာ ရုတ်တရက် ပေါ်လာရတာလဲဆိုတာ။ ချူရှင်းဟီက သတင်းကို ကြိုရထားတာ ဖြစ်ရမယ်။)</p> <p>"မင်းတို့တွေက ဥက္ကာခဲသံတွင်း တစ်ခုလုံးမှာရှိတဲ့ လူတွေကို အသေသတ်ဖို့ ကြံနေကြတာလားဟင်။"</p> <p> </p> <p> </p> <p style="text-align: center;">***</p>


Save