Book List

<h2 style="text-align: center;">အခန်း(၁၅၂)</h2> <h2 style="text-align: center;">*</h2> <p> </p> <p> </p> <p>သူတို့အဖွဲ့က အတော်လေး ရယ်စရာကောင်းသော ဖက်ရှင်ဖြင့် တစ်တွဲတည်း ရှေ့ဆက်သွားခဲ့ကြသည်။</p> <p>သူတို့မြက်ထူသော ဧရိယာထဲ ရောက်လာခဲ့ချိန်တွင် လမ်းလျှောက်လိုက်လျှင် တရှဲရှဲသံတိုးတိုး ထွက်နေခဲ့လေ၏။</p> <p>ကျင်းယန်တွင် ကောင်းမွန်သော မှတ်ဉာဏ်ရှိပြီး သူတို့လာခဲ့သည့်လမ်းကြောင်းကို အတော်လေး ရှင်းလင်းစွာ မှတ်မိခဲ့သည်။</p> <p>သူတို့ထွက်လာခဲ့သည့် ရေဆိုးမြောင်း၏ လူဆင်းပေါက်သည်က ယခင်က မှတ်သားခဲ့သော သစ်ပင်များပေါ်မှ အမှတ်အသားများနှင့် သိပ်မဝေးသည့်နေရာတွင် တည်ရှိလေ၏။</p> <p>ကျန်းယွီချန်က ဤအမှတ်အသားများကို အဓိပ္ပာယ်မဖော်နိုင်သောကြောင့် ထိုအမှတ်များကို ဤအသင်းနှစ်သင်းက ပြုလုပ်ခဲ့ခြင်းမဟုတ်ကြောင်း ညွှန်ပြနေခဲ့သည်။</p> <p>သူတို့က ဤအမှတ်အသားများ၏နောက်မှ လိုက်လာပြီး လွှဲပြောင်းဌာန၏ အရပ်မျက်နှာဆီ ဦးတည်လာခဲ့ကြ၏။</p> <p>လမ်းတစ်လျှောက်တွင် ကျန်းယွီချန်က သူတို့ရောက်လာခဲ့ချိန်က အခြေအနေများကို အတိုချုပ်ရှင်းပြခဲ့သည်။</p> <p>လုံးလုံးလျားလျား သေကြေပျက်စီးခဲ့သည့် အဖွဲ့သုံးဖွဲ့အပြင် သူတို့အသင်းနှစ်သင်းအပါအဝင် တခြားအသင်းငါးသင်း ကျန်နေသေး၏။</p> <p>ကျင်းယန်နှင့် ယင်ရိလျိုမှာ ဤလူများနှင့် သိကျွမ်းနှင့်ပြီး ဖြစ်ပေသည်။</p> <p>အဓိကဇာတ်ကောင်များ စုစည်းနေသည့် မြို့တော်Bမှ ချင်ဟုန်အသင်းနှင့် မြို့တော်Zမှ လင်းယုန်နီအသင်းသည်လည်း ရောက်လာခဲ့ပြီဖြစ်၏။</p> <p>မြို့တော်Zမှ တခြားအသင်း၏ ရလာဒ်ကတော့ ယင်ရိလျိုကို အတော်လေး အံ့အားသင့်သွားစေသည်။</p> <p>နျိုဖေး‌ဟောင်ဦးဆောင်သည့် ဆင့်ကဲပြောင်းလဲအသင်းတွင် နျိုဖေးဟောင်နှင့် နျိုရင်းတို့ နှစ်ယောက်မှလွဲ၍ တခြားလူများအားလုံး သုတ်သင်ခံလိုက်ရပြီး ယခုချိန်တွင် သူတို့ကလင်းယုန်နီအသင်းနှင့် ပူးပေါင်းခဲ့ကြ၏။</p> <p>သို့သော်လည်း တွေးကြည့်ရလျှင် နူးညံ့လွန်းသော သခင်မလေးနျိုရင်း လိုက်ပါလာသည့် နျိုဖေးဟောင်က ဤကဲ့သို့ ရှိန်လောက်သော သန္ဓေပြောင်းအပင်များနှင့်အတူ သတိကြီးရန်လိုသော အခြေအနေကို ရင်ဆိုင်ရခြင်းတွင် အဖွဲ့သားများဆုံးရှုံးခြင်းက အဓိပ္ပာယ်ရှိနေခဲ့လေသည်။</p> <p>နျိုရင်းက သဘောမပေါက်လောက်သေးသော်ငြား သူတို့ ကျန်းယွီချန်၏အဖွဲ့နှင့်တွေ့ရခြင်းက ကံကောင်းလွန်းသည်ဟု ယင်ရိလျိုခံစားခဲ့ရ၏။</p> <p>တခြားအဖွဲ့ထဲသို့ ပြုတ်ကျသွားရခြင်းက အမှန်တကယ်ပင် အိပ်မက်ဆိုးတစ်ခု ဖြစ်လာလိမ့်မည်ပင်။</p> <p> </p> <p>သူမ တိတ်တဆိတ်ဖြင့် ကျောင်းမောင်နှမ၊ ဟေးလန်နှင့် လင်းကျားတို့ကို လွမ်းဆွတ်မိပြီး သူတို့၏လုံခြုံရေးကို စိတ်ပူမိ၏။</p> <p>ကျန်းယွီချန်ဆီမှ စုစည်းထားခဲ့သော အချက်အလက်များကို သူမ စနစ်တကျတွေးတောပြီးနောကာ သူမမှတ်မိသည့် ဇာတ်ကြောင်းနှင့် တဖြည်းဖြည်း ဆက်စပ်ကြည့်လိုက်သည်။</p> <p>ချင်ဟုန်အသင်းက မြို့တော်Bကို ရောက်ရှိခဲ့သည်မှာ သိပ်မကြာသေးချေ။ သူတို့က မြောက်ဘက်သို့သွားသော စစ်တပ်အင်အားစုများနှင့်အတူ ခရီးမသွားခဲ့သောကြောင့် ဝတ္ထုထဲမှ ဇာတ်ကြောင်းနှင့် ကိုက်ညီ၏။</p> <p>ဝတ္ထုထဲတွင် အဓိကဇာတ်ကောင်များက ခရီးလမ်းတွင် အမျိုးမျိုးသော ကပ်ဘေးဒုက္ခများကို ရင်ဆိုင်ခဲ့ရကာ သောင်းကျန်းလွန်းပြီး မုန်းတီးနေသော ရန်ဘက် အများအပြားကြောင့် အခြေခံအားဖြင့် စစ်တပ်နှင့် လူစုကွဲသွားခဲ့ကြသည်။</p> <p>ဝတ္ထုထဲတွင် ဖော်ပြခဲ့သော ရတနာသိုက်များနှင့် တွေ့ရသည့်ပါရမီကတော့ အတော်လေး ဉာဏ်ပွင့်ဖွယ်ကောင်းလေ၏။ အဓိကဇာတ်ကောင်များက လမ်းပေါ်တွင် ဘေးဒုက္ခတစ်ခုကို ပက်ပင်းကြုံခဲ့ရပြီး သန္ဓေပြောင်းကျားဖြူကို သတ်နိုင်ခဲ့ကြသည်။</p> <p>သူတို့ကကျားဗိုက်၏ထဲမှ ငန်းဥပုံသဏ္ဍာန်ရှိသော ကျောက်တုံးတစ်ခုကို ရှာတွေ့ခဲ့ကြပြီး အမျိုးသမီးဇာတ်လိုက် ဒဏ်ရာရသွားချိန်တွင်တော့ သူမ၏သွေးက ကျောက်တုံးနှင့်ထိတွေ့မိသွားသဖြင့် တမူထူးခြားသော နေရာလွတ်တစ်ခုကို သူမရရှိသွားခဲ့၏။</p> <p> </p> <p>ဟုတ်တယ်။ နေရာလွတ်တစ်ခုပဲ။</p> <p>အမျိုးသမီးဇာတ်လိုက်၏ နေရာလွတ်က သေးငယ်ပြီး အဆင့်မြှင့်၍မရခြင်းက ယင်ရိလျိုအတွက် အနည်းငယ် နှစ်သိမ့်ဖွယ်ကောင်းသည့်အရာတစ်ခုဖြစ်လေသည်။</p> <p>ဤအခိုက်တွင် ထိုအချက်က သူမ ဂုဏ်ယူနိုင်သောအရာ အနည်းငယ်ထဲမှ တစ်ခုဖြစ်စေသည်။</p> <p>သူမ၏ နေရာလွတ်က အလွန်ကြီးမားလွန်း၏!</p> <p>ဤက ယအခြေအနေကအားတစ်ယောက် ကမ္ဘာပျက်ကပ်၏  ဇာတ်ညွှန်းကို  သဘာဝကျမကျ မေးခွန်းထုတ်မိလုနီးပါးဖြစ်စေသည်။</p> <p>သူမ၏ ရှေ့ကို အံ့သြဖွယ်ကောင်းသော နဂါးတစ်ကောင် ရုတ်တရက် ပေါ်လာလျှင် သို့မဟုတ် တခြားကမ္ဘာသားမျိုးနွယ်များ ဆင်းသက်လာခဲ့လျှင်ပင် ယုတ္တိရှိသောကိစ္စတစ်ခုအဖြစ် ယူဆလိုက်ရမည်ဖြစ်၏။</p> <p>အမျိုးသမီးဇာတ်လိုက် မြို့တော်Bသို့ ရောက်ချိန်တွင် အတိတ်ဘဝမှ အကြောင်းအရာများ‌ကို သိသောကြောင့် ဗိုလ်ချုပ်ကြီး၏သားဖြစ်သူကို အိမ်မွေးသန္ဓေပြောင်း သားရဲတစ်ကောင်က အသေအကြေတိုက်ခိုက်ခြင်း ခံရမည့်နေရာကို မတော်တဆ ကြိုတင်သိမြင်ခဲ့လေသည်။</p> <p>သူမက အချိန်ကိုက် ကြားဝင်ကာ ဗိုလ်ချုပ်ကြီး၏သားကို ကယ်တင်ခဲ့ပြီး သူမ၏”ရှေးဖြစ်ဟောသူ”ဆိုသော ဂုဏ်သတင်းကို ခိုင်မာစေခဲ့၏။</p> <p>ဤတစ်ကြိမ် ဧရာမသန္ဓေပြောင်းအပင်ကြီးနှင့် ရင်ဆိုင်နေချိန်တွင်လည်း အမျိုးသမီးဇာတ်လိုက်၏ အနာဂတ်ကိုကြိုတင်သိမြင်နိုင်စွမ်းဖြင့် ကမ္ဘာပျက်ကပ်၏အရင်းအမြစ် ဖြစ်နိုင်ဖွယ်ရှိသော တမူထူးခြားသော အရာဝတ္ထုတချို့က သစ်ပင်ပတ်လည်ဧရိယာတွင် ဖုံးကွယ်နေသည်ဟု သူမ၏စကားအရယုံကြည်သွားစေခဲ့သည်။</p> <p>သူမ၏အတိတ်ဘဝ၌ ဧရာမသစ်ပင်ကြီးက လူသားမျိုးနွယ်ကို အန္တရာယ်ပေးလွန်းသည့် အခြေအနေအထိ ကြီးထွားနှင့်ပြီး ဖြစ်သောကြောင့် မြို့တော်Bမှာ ထိုအပင်ကို အမြစ်ပြတ်သုတ်သင်နိုင်ရန် နျူကလီယားလက်နက်များကို အသုံးပြုရန်အတွက် ဆုံးဖြတ်ချက်ချရသည်အထိ ဖြစ်သွားစေခဲ့၏။</p> <p>ဖောက်ခွဲပစ်ပြီးနောက် သိပ္ပံပညာရှင်များနှင့် ဆင့်ကဲပြောင်းလဲသူများက သစ်ပင်၏အမြစ်များအထိ နက်နက်ရှိုင်းရှိုင်း အရဲစွန့်လေ့လာခဲ့ပြီး အရေးပါးသော လေ့လာမှုများကို ပြုလုပ်ခဲ့ကြသည်။</p> <p>ကမ္ဘာပျက်ကပ်၏ မူလဇစ်မြစ်အပေါ် မှန်းဆချက်များက ကျယ်ပြန့်စွာဖြင့် ဇာတ်လမ်းအမျိုးမျိုးဖြစ်လာခဲ့ပြီး သူမ သေဆုံးသွားပြီးနောက်တွင်ပင် လျှို့ဝှက်ချက်များကို မရှာဖွေနိုင်ဘဲ ကျန်နေဆဲဖြစ်သည်။</p> <p>ပြန်လည်မွေးဖွားပြီး ဤဒုတိယအခွင့်အရေးကို အပေးခံလိုက်ရသည့် အမျိုးသမီးဇာတ်လိုက်က သူမ၏အခွင့်အရေးများ နောက်သို့ လိုက်ရာတွင် ကြိုတင်လုပ်ဆောင်ခဲ့၏။</p> <p>သို့သော်ငြားလည်း သူမက ဤအခွင့်အရေးဟု အမည်ခံသောအရာကို တိုက်ရိုက် မရရှိခဲ့ပုံရသည်။</p> <p>သူတို့က ဧရာမသစ်ပင်ကြီးကို တိုက်ခိုက်ရာတွင် နောက်ဆုံးအခိုက်အတန့်၌ ရုန်းကန်နေသည့်အတွက် အမြစ်ပြတ်သုတ်သင်ရန် လက်နက်ကြီးများကို အသုံးပြုခဲ့ရသည်။</p> <p>ဇာတ်ကြောင်းကို ရုတ်ခြည်းအဆုံးသတ်လိုက်သည့်တိုင်အောင်  ထိုအရာက မည်သည့်အရာဖြစ်ကြောင်းကို ရှာတွေ့ခြင်းကတော့ အရေးသားမခံရသည့် တစ်ခုတည်းသောဇာတ်ကြောင်းဖြစ်နေခဲ့သည်။</p> <p>ဇာတ်ကြောင်း၏ အဆင့်ဆင့်လုပ်ငန်းစဥ်များကို သူမ၏နားလည်သွားသောကြောင့် ယင်ရိလျို ပို၍ လွယ်ကူသွားသည်ဟု ခံစားရသည်။</p> <p>သူတို့ ရင်ဆိုင်ခဲ့ရသော စိန်ခေါ်မှုကို အာရုံမထားပါက ဤဧရာမအပင်ကြီးအတွက် နောက်ဆုံးရလာဒ်မှာ လုံးလုံးလျားလျား ပျက်စီးမှုဖြစ်လာလောက်လေ၏။</p> <p>ကြိုတင်ဆုံးဖြတ်ထားသော ဇာတ်ကြောင်းကို တစ်စုံတစ်ယောက်က အင်အားသုံး၍ကြားဝင်ခြင်း မပြုလျှင် ပြောင်းလဲသွားနိုင်ရန် အလားအလာမရှိပါချေ။</p> <p>သူတို့က လမ်းတစ်လျှောက်လုံး သတိထားခဲ့ကြသော်လည်း မည်သည့် အန္တရာယ်ကိုမှ မရင်ဆိုင်ရဘဲ မြို့စွန်သို့ ရောက်ရှိလာခဲ့သည်။</p> <p> </p> <p>“ဘာတွေဖြစ်နေတာလဲ ဘာဖြစ်လို့ အရမ်းတိတ်ဆိတ်နေရတာလဲ?”</p> <p>ဝမ်တာ့ချန်းက ခေါင်းကုတ်လျက် မအနည်းငယ်ယုံကြည်နိုင်စွာ ပြောလာ၏။</p> <p>“ကျွန်တော်တို့ တကယ်ကြီး ဒီအတိုင်းထွက်လာနိုင်တာလား?”</p> <p>တခြားအသင်းဖော်များ၏ မျက်နှာသည်လည်း တောက်ပလာခဲ့သည်။</p> <p>အချိန်က မှောင်နေပြီဖြစ်ပြီး တစ်နေ့လုံး လမ်းလျှောက်လာခဲ့ရသောကြောင့် သူတို့ မောပန်းပြီး ဗိုက်ဆာလာခဲ့ကြသည်။</p> <p>ဟုန်ရှင်းရှင်း လှည့်ပတ်ကြည့်ပြီးနောက် တောအုပ်၏ အလင်းရောင်မှာ လုံးလုံးလျားလျား မှိန်နေကြောင်းတွေ့ခဲ့ရသည်။ ဘေးဘက်ပတ်ပတ်လည်တွင် အသံတစ်စက်မှ မရှိဘဲ ခြောက်ခြားဖွယ်တိတ်ဆိတ်နေလေ၏။</p> <p>“ကျွန်မ အရမ်းဗိုက်ဆာနေပြီ.. ကျွန်မတို့ တစ်နေ့လုံး ဘာမှ မစားရသေးဘူး”</p> <p>သူမ အသံတိုးတိုးဖြင့် ဗလုံးဗထွေးပြောပြီး ဝမ်းဗိုက်ကို လက်နှင့်ဖိလိုက်မိသည်။</p> <p>“ခဏလောက် တောင့်ခံထားဦး.. ငါတို့ လွှဲပြောင်းဌာနကို ရောက်ရင် စားဖို့ တစ်ခုခု ရလာလိမ့်မယ်”</p> <p>သူမ၏အသင်းဖော်က သူမကို နှစ်သိမ့်လိုက်၏။ ဤစကားက သူမကို အားတက်သွားစေခဲ့ပေသည်။</p> <p>သို့သော်ငြား လွှဲပြောင်းဌာနနှင့် မီတာနှစ်ရာသာကွာဝေးသည့် ခြုံပုတ်များထဲတွင် စက်သေနတ်ကြီးတချို့ကို နေရာချထား တပ်ဆင်ထားကြလေ၏။</p> <p>ဆင့်ကဲပြောင်းလဲသူ တချို့မှာ စက်သေနတ်များ၏ရှေ့တွင် ဝမ်းလျားမှောက်လျက်နေပြီး တောအုပ်ကို မျက်စိဒေါက်ထောက် ကြည့်နေကြသည်။</p> <p>သူတို့ထဲမှ တစ်ယောက်ဖြစ်သည့် တိုက်ပွဲဝင် အနေအထားဖြင့် အမျိုးသမီးတစ်ယောက်က အားမလိုအားမရဖြစ်မှုနှင့်အတူ အံကြိတ်ပြီး ခါးသီးစွာ မကျေမနပ်ညည်းညူလိုက်၏။</p> <p>“သန္ဓေပြောင်းသားရဲတွေ တစ်ကောင်မှ မကျန်တော့ဘူး.. အဲဒီမကောင်းဆိုးဝါးက သားရဲတွေအားလုံးကို စုပ်ယူပြီးသွားပြီ..</p> <p>ပြီးတော့ လင်းကျားက အဝေးကြီးအထိ မြင်နိုင်တယ်လေ.. ဒါကို ဘာလို့ ကျွန်မကို ဒီနေရာမှာရပ်ပြီး ကာကွယ်နေရအောင် အတင်းအကျပ် တိုက်တွန်းနေရတာလဲ”</p> <p>သူမ ဘေးမှအမျိုးသားက အတော်လေး ပြောစရာစကားမဲ့သွားပြီး တီးတိုးပြောခဲ့သည်။</p> <p>“ရင်းရင်း ဒါက မန်နေဂျာလင်း ချမှတ်ထားတဲ့ စည်းမျဥ်းလေ.. မကျေမနပ် မပြောဘဲနေကြစို့..”</p> <p>လင်းဟူသော နာမည်ကိုကြားရလျှင် လီရင်းရင်း၏ မျက်နှာပို၍ပင် ရှုံ့တွသွားကာ ဘေးဘက်မှအမျိုးသားကို စူးရှသောအသံဖြင့် ဖြတ်ပြောလိုက်၏။</p> <p>“သူမက ကျွန်မကို တမင်သက်သက် ပစ်မှတ်ထားနေတာ! အဲဒီကောက်ကျစ်တဲ့ မိန်းမကတော့!”</p> <p>လီရင်းရင်း၏ ကြိမ်းဝါးနေသော စကားလုံးများကို ကြားသည့်အခိုက် ထိုအမျိုးသားမှာ သက်ပြင်းချလိုက်ပြီး ဤအမျိုးသမီးက အကျိုးအကြောင်း မသင့်လွန်းဟုသာ တွေးလိုက်လေသည်။</p> <p>သူမနှင့် လျို့ကျန်းကြားမှ ကွာဟချက်က ချောက်နက်ကြီးသဖွယ်ဖြစ်နေသည်။ အသင်းက ကာကွယ်ထားခြင်းကြောင့်သာ မဟုတ်လျှင် ဤမိန်းကလေးက ဟိုးကတည်းက နှင်ထုတ်ခံရလိမ့်မည်။</p> <p>ဤအဖွဲ့ကို မျှော်မှန်းချိန်ထက်‌ စောပြီးပြန်ရောက်လာသော လျို့ကျန်းက ဦးဆောင်ပြီး ယခုချိန်တွင်တော့ လွှဲပြောင်းဌာနတွင် အနားယူနေခဲ့သည်။</p> <p>လက်ရှိတွင် အသင်းထဲမှ လုပ်ပိုင်ခွင့်ကို ရှန်းယင်ကျိုးနှင့် လျှို့ကျန်းက ဆုပ်ကိုင်ထား၏။ ရှန်းယင်ကျိုးက လီရင်းရင်းကို  အတော်လေး စိတ်အနှောင့်အယှက်ဖြစ်စရာကောင်းကြောင်း တွေ့ခဲ့သော်ငြား သူမကို သူ၏စေ့စပ်သူ၊ သူ၏အမျိုးသမီးအဖြစ် ယူဆနေဆဲပင်။</p> <p>မိသားစုနှစ်ကြားမှ ဆက်ဆံရေးနှင့် သူတို့၏ ငယ်သူငယ်ချင်း ဆက်ဆံရေးကို ထည့်သွင်းစဥ်းစားကာ သူ သည်းခံနေခဲ့လေ၏။</p> <p>လျှို့ကျန်း၏စည်းမျဥ်းက အသင်းထဲမှ သာမာန်လူတစ်ယောက်ဖြစ်စေ ဆင့်ကဲပြောင်းလဲသူတစ်ယောက်ဖြစ်စေ လုပ်ဆောင်မှုတွင် ပါဝင်လုပ်ကိုင်ရမည်ပင်။</p> <p>သူတို့က လက်တလော အစားအစာ လျော့နည်းနေသောကြောင့် ကာကွယ်မှုကို အလှည့်ကျလုပ်ဆောင်မည့် အပြင် လက်နက်ကြီးများကို တပ်ဆင်ထားခဲ့၏။</p> <p>သန္ဓေပြောင်းသားရဲများ၏ အရိပ်အယောင်ကို တွေ့လျှင် သူတို့က ပစ်သတ်ပြီး အစားအစာအဖြစ် အသုံးပြုလိမ့်မည်ပင်။</p> <p> </p> <p> </p> <p> </p> <p style="text-align: center;">***</p>


Save