Book List

<h2 style="text-align: center;">အခန်း(၁၆၈)</h2> <h2 style="text-align: center;">*</h2> <p> </p> <p> </p> <p>မြေအောက်လှိုဏ်ဂူအတွင်းမှ ဆန်းကြယ်သည့်နှလုံးကို ပြောလာချိန်တွင် ကျင်းယန်က သူ၏ရင်ဘတ်ထဲမှ အနီရောင်ကျောက်တုံးတစ်ခုကို ဆွဲထုတ်လိုက်လေသည်။</p> <p>ယင်ရိလျို မထိန်းနိုင်ဘဲ အနားကပ် ကြည့်ပြီးနောက် ထုတ်မေးလိုက်မိလေ၏။</p> <p>“ဒါကဘာလဲ”</p> <p>ကျင်းယန်၏လက်ဖဝါးထဲတွင် သွေးနီရောင်နှလုံး တစ်ခုနှင့်တူသော လက်ချောင်းအရွယ်အစား အနီရောင်ကျောက်တုံး တစ်ခုရှိနေသည်။</p> <p>အနီးကပ် ကြည့်လိုက်လျှင် လတ်လတ်ဆတ်ဆတ် ဖြတ်ထုတ်ထားသော ကြက်နှလုံးတစ်ခုနှင့် ဆင်တူလေ၏။</p> <p>“ဒါက အဲဒီအရည်တွေ သိပ်သည်းသွားတဲ့ပုံသဏ္ဍာန်ပဲ.. ကောနိုးလာတော့ ဒါကို ကောရဲ့လက်မောင်းထဲမှာ တွေ့ခဲ့တာ”</p> <p>ကျင်းယန် ရှင်းပြခဲ့သည်။</p> <p>ယင်ရိလျို လက်ဆန့်၍ လှမ်းယူလိုက်ကာ သူမ၏လက်ထဲတွင် ကိုင်ပြီး စူးစမ်းလိုက်မိ၏။</p> <p>ကျောက်တုံးက နွေးထွေးမှုကို ခံစားရပြီး ဖောက်ထွင်းမြင်နေရသည့် အသွင်ရှိလေသည်။</p> <p>သူမ ဦးနှောက်ခြောက်သွားရ၏။</p> <p>“ဒီကျောက်တုံးက ဘာများလဲ”</p> <p>မြေအောက်လှိုဏ်ဂူထဲရှိ တမူထူးခြားသော သဘာဝဖြစ်စဥ်များနှင့် အပြင်ဘက်မှ ဧရာသစ်ပင်၏အမြစ်အထွေးများက ဤကျောက်တုံးနှင့် ချိတ်ဆက်သွားမိစေပုံရသည်။</p> <p>အိမ်တစ်အိမ်ထက်ပိုကြီးတဲ့ ရေလုံးကြီးက ဘယ်လိုလုပ်ပြီး အရမ်းသေးငယ်တဲ့ကျောက်တုံးလေးအဖြစ် သိပ်သည်းသွားခဲ့ရတာလဲ။</p> <p>ယင်ရိလျိုက ငုံးဥအရွယ်စားသာရှိသော အနီရောင်ကျောက်တုံးလေးကို ခဏလောက်ကစားပြီးနောက် ကျင်းယန်၏လက်ထဲသို့ ပြန်ထည့်ပေးလိုက်ကာ မေးခဲ့၏။</p> <p>“ဒါကို ကျွန်မတို့ ဘယ်လိုဖြေရှင်းကြမလဲ၊ ဖွက်ထားသင့်လား သိမ်းထားသင့်လား”</p> <p>ကျင်းယန် သူ၏လက်ဖဝါးထဲမှ ခြောက်ခြားဖွယ်ကောင်းအောင် အနီရောင်တောက်ပနေသော ကျောက်တုံးကို ငုံ့ကြည့်လိုက်သည်။</p> <p>ထို့နောက် ယိုယွင်ပျက်စီးနေသော ပတ်ဝန်းကျင်ကို ခြုံငုံလေ့လာပြီး ပြန်ဖြေခဲ့၏။</p> <p>“နိုင်ငံတော်ဆီကို လက်လွှဲပေးလိုက်မယ်”</p> <p>သူက စေတနာသဒ္ဓါတရားထက်သန်နေ‌သောကြောင့် မဟုတ်ဘဲ ဤပစ္စည်းက အမှန်တကယ်ပင် အထူးသတိထားရန် လိုအပ်သောကြောင့် ဖြစ်သည်။</p> <p>အပြင်ဘက်မှ အခြေအနေကို သူတို့မသိရသေးသော်ငြား မြေအောက်မှအမြစ်များအားလုံး ညှိုးခြောက်နေသည်ကို ကြည့်ခြင်းအားဖြင့် မြေပေါ်တွင်လည် သိသာထင်ရှားသော အပြောင်းအလဲများသေချာပေါက် ရှိနေလိမ့်မည်ပင်။</p> <p>ဤပြောင်းလဲမှုမှာ သူနှင့်ယုန်လေးသာ သိသော အရာတစ်ခုမဟုတ်ချေ။</p> <p>ဤကိစ္စက အာဏာရှိသူများ၏ အာရုံစိုက်မှုနှင့် ထောက်လှမ်းစစ်ဆေးမှုများကို ဆွဲဆောင်နိုင်လိမ့်မည်ဆိုသည်က သံသယဝင်ရန်ပင် မလိုအပ်ပါချေ။</p> <p>သူတို့မြေအောက်တွင် ရှိနေချိန်က အတွေ့အကြုံများ၊ ပြန်တက်လာနိုင်ရန် လုပ်ဆောင်ခဲ့ပုံများနှင့်ပက်သက်၍ အမှန်တရားကို ပြောခဲ့လျှင်ပင် ဘယ်သူမှယုံကြည်မည် မဟုတ်ပေ။</p> <p>မလိုအပ်သော ပြဿနာကိုရှောင်ရှားနိုင်ရန်အတွကာ အကောင်းဆုံးလုပ်ဆောင်ချက်မှာ ထိုကျောက်တုံးကို နိုင်ငံတော်သို့ ပေးလိုက်ရန်သာဖြစ်သည်။</p> <p>ဤပစ္စည်းက ကောင်းသည်၊ ဆိုးသည်နှင့် မည်သည့်နေရာက ဖြစ်လာသည်ဟူသော ကိစ္စတို့မှာ သူတို့စိတ်ပူရမည့်အရာ မဟုတ်တော့ချေ။</p> <p>ထို့အပြင် ဤပစ္စည်းမှာ ပင်ကိုအားဖြင့် အတိတ်နမိတ်မကောင်းသော သဘာဝရှိ၏။</p> <p>သူ၏ခန္ဓာကိုယ်နှင့် စွမ်းရည်များကိုလည်း ကျင်းယန် ပမာဏတချို့အထိ နားလည်လာချေပြီ။</p> <p>သူ၏စွမ်းရည်က သတ္တဝါတစ်ကောင်၏ ဘိုးဘေးမျိုးရိုးလိုက်သောအသွင်တစ်ခု ဖြစ်သည်ဟု ကောက်ချက်ချမိသော်လည်း ထိုဘိုးဘေးမျိုးရိုးလိုက်သော သတ္တဝါက မည်သည့်သတ္တဝါဖြစ်မည်ဟူသောအချက်အလက်ကိုတော့ အတိအကျ မရှင်းလင်းချေ။</p> <p>ရုတ်တရက် အမြီးပေါက်လာခြင်းမှာ အနီရောင်ကျောက်တုံးနှင့် အရည်များက ဓာတ်ပြုပေးခဲ့သည့် ဘိုးဘေးမျိုးရိုးလိုက်သော အဆင့်တစ်ခုဖြစ်ဖွယ်ရှိ၏။</p> <p>ယုန်လေး၏ ရုတ်ခြည်းကြီးထွားမှုကလည်း အရည်ထဲတွင် ဓာတ်ပြုမှုတချို့ဖြစ်ခဲ့ခြင်းကြောင့်ဖြစ်နိုင်ပေ၏။</p> <p>ထိုဓာတ်ပစ္စည်းက သူမကို ချက်ချင်း အရပ်ရှည်သွားစေခဲ့သည်။ ဤအမည်မသိရသော အရာဝတ္ထုကို သူမ‌၏ဘေးတွင် မထားရဲပါချေ။</p> <p>ယုန်လေး၏ရုတ်ခြည်းကြီးထွားမှုကပင် သူ့ကို စိတ်သောကရောက်စေနေပြီဖြစ်၍ ကျောက်တုံးကို သူမ၏ဘေးတွင်မထားရဲတော့ပေ။</p> <p>ထိုအခြေအနေက ဆက်လက်ဖြစ်ပွားစေမည့် ဖြစ်နိုင်ခြေရှိမည်လားကို မသိသောကြောင့် သူ မစွန့်စားနိုင်ပါချေ။ ထိုဖြစ်စဉ်သာ ဆက်ဖြစ်ပွားခဲ့လျှင် ရပ်တန့်ရန် နည်းလမ်းရှိနိုင်မည် မဟုတ်ပေ။</p> <p>ဤကဲ့သို့ မူလဇစ်မြစ်မသိရသော ပစ္စည်းတစ်ခုကို ယုန်လေး၏ နေရာလွတ်ထဲတွင် မထားနိုင်ပေ။</p> <p>ထို့ကြောင့် သူက ကျောက်တုံးကို ရင်ဘတ်ထဲသို့ ပြန်ထည့်ပြီးနောက် သူ၏ခါးတွင် မှီထားသောခေါင်းလေးကို ငုံ့ကြည့်လိုက်မိသည်။</p> <p>မိန်းကလေး၏ယုန်နားရွက်များက သူ၏ရင်ဘတ်အထိ ရောက်နေပေပြီ။</p> <p>သူက ယင်ရိလျိုနှင့် ပိုနီးသွားစေရန် ခန္ဓာကိုယ်ကို အနည်းငယ်ကိုင်းညွတ်လိုက်သည်။</p> <p>“မင်းရဲ့ခန္ဓာကိုယ်ထဲမှာ နာကျင်တာမျိုး ဒါမှမဟုတ် သက်တောင့်သက်သာ မရှိတာမျိုး ဖြစ်သေးလား”</p> <p>ယင်ရိလျို သူမ၏လက်ကောက်ဝတ်နှင့် ခြေကျင်းဝတ်များကို လှည့်ကြည့်သော်လည်း ပြောင်းလဲမှု တစ်စုံတစ်ရာကိုမှ အာရုံမခံနိုင်ချေ။ သူမ အပြစ်ကင်းစွာဖြင့် ခေါင်းယမ်းလိုက်၏။</p> <p>“ကျွန်မ ဘာကိုမှ မခံစားရဘူး”</p> <p>သူမ၏မျက်လုံးများက အလွန်အပြစ်ကင်းစင်လွန်းသည်။</p> <p>ကျင်းယန်က ဤအရွယ်မိန်းကလေးများနှင့် ပြောဆိုဆက်ဆံဖူးခြင်းမရှိပေ။ အခိုက်အတန့်တစ်ခုမျှ သူ အနည်းငယ် ကိုးယိုးကားယားဖြစ်သွားခဲ့ရသည်။</p> <p>ယုန်လေးက ကလေးတစ်ယောက် မဟုတ်တော့သည့်အတွက် သူက သူမ၏လက်ကို ကိုင်ခြင်း သို့မဟုတ် သူမကို လျှောက်ပတ်ချီသွားခြင်းများ လုပ်၍မရတော့ချေ။ သူ အသာ ချောင်းဟန့်ပြီး ပြောလိုက်၏။</p> <p>“ကောတို့လာခဲ့တဲ့ လမ်းအတိုင်း ပြန်သွားရအောင်.. မင်း ကောနောက်က လိုက်ခဲ့”</p> <p>ယင်ရိလျို ခေါင်းညိတ်လိုက်ပြီး လှည့်ပတ်ကြည့်လိုက်သည်။</p> <p>သူမ၏အရပ်က ပိုမြင့်လာသောကြောင့် ဤရှုထောင့်မှကြည့်လျှင် ပတ်ဝန်းကျင်က အနည်းငယ် ကွဲပြားနေလေ၏။</p> <p>မှောင်မည်းနေသော မြေအောက်ဂူထဲတွင် ကျင်းယန်က တိတ်ဆိတ်စွာ ဦးဆောင်သွားပြီး ယင်ရိလျိုက အနားမှကပ်လိုက်လာကာ ခြေသံဖျော့ဖျော့များသာ ထွက်နေခဲ့သည်။</p> <p>မိန်းကလေးက လမ်းပျောက်မသွားကြောင်း သေချာစေရန်အတွက် ကျင်းယန်က နှေးကွေးစွာသာ လမ်းလျှောက်လာခဲ့၏။</p> <p>သူ လှုပ်ရှားလိုက်လျှင် သူ၏နောက်မှ အမြီးကလည်း အရှေ့အနောက် လွှဲယမ်းနေခဲ့သည်။ မူလက ယင်ရိလျိုသည် သူမ၏ပတ်ဝန်းကျင်ကို အာရုံစိုက်နေခြင်း ဖြစ်သော်လည်း တဖြည်းဖြည်းနှင့် သူမ၏အကြည့်က အရှေ့တွင် ညင်သာစွာ လွှဲယမ်းနေသာ အမြီးပေါ်သို့ရောက်သွားခဲ့၏။</p> <p>ကျင်းယန်၏ အပေါ်ပိုင်းခန္ဓာကိုယ်ကို အနက်ရောင်စွပ်ကျယ်တစ်ထည်နှင့်သာ ဖုံးအုပ်ထားသောကြောင့် သူ၏ကျယ်ပြန့်ပြီး သန်စွမ်းသည့်ကျောပြင်က ထင်ရှားနေလေသည်။ သူ၏အပေါ်ဝတ်အင်္ကျီကိုတော့ ခါးတစ်ဝိုက်တွင် စည်းထားပြီး ပေါင်အထိ ဖုံးအုပ်နေခဲ့၏။</p> <p>ရွှေရောင်အကြေးခွံများနှင့် ဖုံးအုပ်ထားသော အမြီးရှည်ကြီးသည်လည်း အဝတ်အစား၏အဖျားနားမှ ဆန့်ထွက်နေလေသည်။ အမြီးအရင်းအနားသို့ နီးသွားလေလေ ပို၍ထူလာလေလေဖြစ်ပြီး ထိပ်ဖျားတွင်တော့ ထူထဲ‌သည့်ရွှေရောင်အမွှေးများရှိကာ သတ္တုနှင့်သော အကြေးခွံများနှင့် ပြည့်နှက်နေလေ၏။</p> <p>ယင်ရိလျို အချိန်အကြာကြီး စူးစိုက်ကြည့်နေခဲ့ပြီး ကျင်းယန်က ထိုအမြီးကို မည်သည့်အတွက်ကြောင့်အင်္ကျီနှင့် ဖုံးထားခဲ့ကြောင်းကို ရုတ်တရက် သဘောပေါက်သွားခဲ့သည်။</p> <p>သူ၏ဘောင်းဘီက အမြီးကြောင့် ဆုတ်ပြဲသွားခဲ့သောကြောင့် ဖုံးထားရခြင်း ဖြစ်နိုင်လေ၏။</p> <p>ထိုထူးဆန်းသော မြင်ကွင်းကို ပုံဖော်ကြည့်မိလျှင် သူမ မရယ်မောဘဲမနေနိုင်တော့ဘဲ အကြည့်က သူမ၏အရှေ့မှ အမြီးပေါ်တွင်သာ ရှိနေခဲ့လေသည်။</p> <p>ရေခဲဖြင့် ထုစစ်ထားသော ရေခဲပန်းပုတစ်ခုကဲ့သို့ အပြင်ဘက်တွင် အေးစက်ပြီး မချဥ်းကပ်နိုင်သည့်ပုံ‌ပေါ်နေခြင်းက ကျင်းယန်၏ တမူထူးကဲသောအသွင်အပြင်သာဖြစ်လေ၏။</p> <p>သို့သော်ငြား သူ၏အနောက်မှ အမြီးကတော့ အတော်လေး ဆန့်ကျင်ဘက်ဖြစ်နေခဲ့သည်။</p> <p>သူခြေနှစ်လှမ်း လှမ်းလိုက်လျှင် ရွှေရောင်အကြေးခွံများနှင့် ဖုံးအုပ်နေသော အမြီးရှည်ကလည်း နှစ်ကြိမ်ခန့်လွှဲယမ်းသွားသောကြောင့် အကြည့်လွှဲရန် ခက်ခဲစေခဲ့သည်။</p> <p>ယင်ရိလျို အချိန်ကြာမြင့်စွာ စောင့်ကြည့်နေခဲ့ပြီး နောက်ဆုံးတွင် သည်းမခံနိိင်တော့ဘဲ သူမ၏ဆိုးသွမ်းလိုသော လက်များကို ဆန့်ထုတ်လိုက်မိသည်။</p> <p>သူမက အရှေ့မှအမြီးကို ဖြည်းညင်းစွာ လှမ်းဆွဲလိုက်သဖြင့် ကျင်းယန်၏ခန္ဓာကိုယ်က ချက်ချင်း တောင့်တင်းသွားခဲ့လေ၏။ အမြီးကလည်း လှုပ်ခါလိုက်ပြီး သူမ၏လက်ထဲမှ ချော်ထွက်သွားခဲ့သည်။</p> <p>“အမြီးကိုဂရုမစိုက်ဘဲ မထိနဲ့”</p> <p>သူ၏ အမြီးက ယခုလေးတင်မှသာ ထွက်လာခြင်း ဖြစ်သောကြောင့် ထိန်းချုပ်ရာတွင် သိပ်ပြီးမကျွမ်းကျင်သေးချေ။ သူက တည်တင်းသော မျက်နှာဖြင့် စကားပြောလိုက်သော်လည်း သူ့အနောက်မှ အမြီးကတော့ ပို၍ပင် မြန်ဆန်စွာယမ်းနေခဲ့လေ၏။</p> <p>ကြောင်၏အမြီးများက သူတို့၏ခန္ဓာကိုယ်မှ တစ်သီးတစ်ခြားစီ လှုပ်ရှားသည်ဟုသာ ယင်ရိလျို ကြားမိခဲ့သည်။ ကျင်းယန်၏အမြီးက ဤမျှစိတ်ဝင်စားစရာကောင်းမည်ဟု မမျှော်လင့်ထားမိပေ။</p> <p>သူမ တိတ်တဆိတ်ရယ်လိုက်မိ၏။ အမြီးက အမွှေးမပါသော ကြောင်အမြီးကြီးနှင့်တူပြီး တစ်ချက်ထိလိုက်လျှင် အမွှေးများပင်ထောင်လာပုံရသည်။</p> <p>သူမအနေဖြင့် အရှေ့မှ ရွှေရောင်အမြီးကို စူးမ်းနေခဲ့ကာ ထိုအမြီးနှင့်ဆင်တူသော တိရစ္ဆာန်အမျိုးအစားကို ခွဲခြမ်းစိတ်ဖြာရန် ကြိုးစားနေခဲ့၏။</p> <p>သို့သော်ငြားလည်း မည်သည့်အမြီးအမျိုးအစားဖြစ်ကြောင်းကို သူမ အဖြေမရှာနိုင်ခဲ့ချေ။ အိမ်မြှောင်အမြီးလည်း ဖြစ်ပုံမရသကဲ့သို့ မြွေအမြီးဖြစ်ရန်မှာက ပို၍ပင် ဖြစ်နိုင်ခြေနည်းသည်။</p> <p>သူတို့တခဏကြာအောင် လမ်းဆက်လျှောက်ခဲ့ကြပြီး သူတို့၏ဘေးမှ စိုစွတ်မှောင်မည်းသော ပတ်ဝန်းကျင်က အလင်းရောင်ဖျော့ဖျော့ လင်းလာခဲ့၏။</p> <p>သူတို့၏အထက်မှ အကွာအဝေးတစ်ခုတွင် နှိုင်းယှဥ်၍မရအောင် ကြီးမားသော အပေါက်တစ်ခုရှိပြီး အလင်းရောင်က ထိုနေရာမှ ဝင်လာပုံရသည်။</p> <p>ထိုအပေါက်မှာ ကျင်းယန်နှင့် ယင်ရိလျိုတို့ ဆွဲချခံခဲ့ရသော ဝင်ပေါက်ဖြစ်လေ၏။</p> <p>ဤအခိုက်တွင် ထိုနေရာတွင် လေတိုးသံသာ ရှိနေသော်လည်း ထက်ရှသည့် အကြာအာရုံရှိနေသော ယင်ရိလျိုကတော့ အထက်မှလူများ၏ စကားပြောသံကို ကြားနိုင်လေ၏။ တစ်စုံတစ်ယောက်က ထောက်လှမ်းရန်အတွက် ဆင်းလာနေပုံရသည်ပင်။</p> <p>သူမ အတွေးထဲနစ်မြောနေချိန်တွင် ကျင်းယန်၏နောက်မှ အမြီးက လေထဲတွင်ပျောက်ကွယ်သွားခဲ့လေ၏။ သူ အမြီးကိုပြန်သွင်းလိုက်ပုံရသည်။</p> <p>သူ၏နားရွက်က ဆတ်ခနဲ လှုပ်သွားပြီး ယင်ရိလျိုကို ပြောလိုက်သည်။</p> <p>“ယုန်အဖြစ် ပြန်ပြောင်းလိုက်တော့”</p> <p>သူ၏စကားကို ကြားလျှင် ယင်ရိလျိုသည်လည်း ချက်ချင်းပင် ဝဝကစ်ကစ် အမွှေးလုံးလေးအဖြစ် ပြန်ပြောင်းလိုက်လေ၏။</p> <p>သူမ၏လူသား အရွယ်အစားက ကြီးလာသော်လည်း သူမ၏ယုန်အသွင်ကတော့ မပြောင်းလဲခဲ့ပါချေ။ သူမက ကျင်းယန်၏ လက်မောင်းထဲသို့ စွေ့ခနဲခုန်တက်လိုက်ပြီး သူ၏ပုခုံးပေါ်သို့ တက်သွားခဲ့လေသည်။</p> <p> </p> <p> </p> <p style="text-align: center;">***</p>


Save