Book List

<h2 style="text-align:center">အနှိုင်းမဲ့စာဖတ်သူ၏ရှုထောင့်</h2> <h2 style="text-align:center">(စာစဉ်-၁၇)</h2> <h2 style="text-align:center"> </h2> <h2 style="text-align:center">အခန်း ၂၂၁</h2> <h2 style="text-align:center">အက်စ်မိုးဒီအက်စ် (၁)</h2> <h2 style="text-align:center">*</h2> <p> </p> <p> </p> <p>အိပ်စင်ပါသော ရထားတွဲတစ်ခုမှာ ခုတ်မောင်းနေသည်။ အိုင်လင်း အပါအဝင် ကောင်စီဝင်များမှာ ကျနော့်ကို တစ်နေရာသို့ ပို့ဆောင်ရန် အလုပ်ရှုပ်နေကြချေပြီ။ စိုးရိမ်ရသည့် လူနာတစ်ယောက်ကဲ့သို့ ကျနော့်၏ ဇာတ်လမ်း အပိုင်းအစများမှာ ခန္ဓာကိုယ်ထဲသို့ အဆက်မပြတ် စီးဝင်နေသည်ကို ခံစားနေရ၏။</p> <p>အရေးကြီးသည့် အခြေအနေကို ဘေးဖယ်ထားလိုက်လျှင် ကျနော့်၏ စိတ်မှာ တဖြည်းဖြည်း တည်ငြိမ်လာခဲ့သည်။ ကျနော်က လက်ရှိ အခြေအနေကို ပြန်လည် သုံးသပ်ကြည့်ရန် ဆုံးဖြတ်လိုက်သည်။</p> <p>[လက်ရှိတွင် သင်သည် ဂီလိုဘတ် စက်မှုဇုန်၏ ဆက်ခံပိုင်ခွင့်ကို ရရှိထားပါသည်။]</p> <p>ကျနော်သည် မည်သို့ကြောင့် တော်လှန်ရေးသမား ဖြစ်လာပြီး ဂီလိုဘတ် စက်မှုဇုန်၏ ဆက်ခံပိုင်ခွင့်ကို ရရှိခဲ့ရသနည်း။</p> <p>အဖြေမှာ ရှင်းပေသည်။</p> <p>「 'ကင်ဒေါ့ဂျာ' က ဂီလိုဘတ် စက်မှုဇုန်၏ အုပ်စိုးသူကို သတ်ဖြတ်လိုက်သည်။ 」</p> <p>ရုတ်တရက်ကြည့်လျှင်တော့ သပွတ်အူလည်ထွက်နေသော အချက်တစ်ခုဟု ထင်ရသော်လည်း အမှန်တကယ်တွင် ထိုသို့မဟုတ်ပေ။ အဘယ်ကြောင့်ဆိုသော် ‘ကင်ဒေါ့ဂျာ’ ဆိုသည်မှာ ကျနော့်၏ ခန္ဓာကိုယ် မဟုတ်သောကြောင့်ဖြစ်သည်။ တစ်နည်းအားဖြင့်ဆိုရသော် တစ်စုံတစ်ဦးသည် ကျနော့်အမည်ကို အသုံးပြုရန်၊ ဂီလိုဘတ် စက်မှုဇုန်တွင် ဂုဏ်သတင်း တည်ဆောက်ရန်နှင့် နောက်ဆုံးတွင် အုပ်စိုးသူကို သတ်ဖြတ်ရန်မှာ လွယ်ကူလှပေသည်။</p> <p>[ကြယ်တာရာရုပ်သံထုတ်လွှင့်မှုက ဇာတ်ဝင်ခန်း အမှားအယွင်းကို ပြုပြင်နေပါသည်။]</p> <p>[သင်နှင့် သက်ဆိုင်သည့် ဇာတ်လမ်းသစ်တစ်ခုကို စီစဉ်ထားပါသည်။]</p> <p>မည်သို့သော အရူးမျိုးက ဤကဲ့သို့ အရာမျိုးကို လုပ်နိုင်ပါသနည်း။ ဤမျှအထိ ရူးသွပ်သောကောင်မှာ နှစ်ယောက်ရှိနေစရာ အကြောင်းမရှိပေ။</p> <p>「 ကင်ဒေါ့ဂျာက တွေးနေမိသည် - ယူဂျွန်ဟော့က အခု ဂီလိုဘတ် စက်မှုဇုန်မှာ ရှိနေတာပဲ။ 」</p> <p>စစချင်းတွင် ကျနော် အမှန်ပင် ကျေးဇူးမိသည်။</p> <p>အာ… ယူဂျွန်ဟော့က တကယ်ကိုလူကောင်းတစ်ယောက်ပဲ။ ဒီကောင်က ငါ့ကို ကယ်ဖို့အတွက် စက်မှုဇုန်ကို ဝင်တိုက်ခဲ့တာတဲ့လား။</p> <p>များများစားစား မတွေးတောမိဘဲ ကျနော် ခေတ္တခဏမျှ စိတ်လှုပ်ရှားသွားခဲ့သေးသည်။</p> <p>သို့သော်လည်း သေသေချာချာ ပြန်စဉ်းစားကြည့်လိုက်သောအခါ ကျနော် မယုံကြည်နိုင်တော့ပေ။ ယူဂျွန်ဟော့ဆိုသည့်ကောင်သည် ကျနော့်ကို ကယ်တင်ရန်အတွက် ဂီလိုဘတ် စက်မှုဇုန်သို့ ဝင်သွားခဲ့ခြင်းဆိုသည်မှာ မဖြစ်နိုင်ပေ။ ပထမဦးဆုံး ပြောချင်သည်က ယူဂျွန်ဟော့က ကျနော့်၏ အကျပ်အတည်းကို သိနေခြင်းမှာ ထူးဆန်းလှသည်။ နက္ခတ်လည်း မဟုတ်သလို ချန်နယ်တစ်ခုကိုလည်း ဝင်ရောက်ကြည့်ရှုနိုင်စွမ်း မရှိသော ထိုမအေဘေးသည် ကျနော့်၏ အကျပ်အတည်းကို မည်သို့ သိနိုင်မည်နည်း။</p> <p>ထို့ကြောင့် ယူဂျွန်ဟော့သည် ကျနော့်ကို ကယ်တင်ရန် လာခြင်းထက် ဆန့်ကျင်ဘက် အရာကို လုပ်ဆောင်ရန်သာ ပို၍ ဖြစ်နိုင်ချေရှိသည်။ ကျနော်က သူ့အမည်ကို အယောင်ဆောင်ထားသည်ကို သူ သတိပြုမိသွားပြီး ကျနော့်ကို လာရောက် ဖမ်းဆီးရန် မိစ္ဆာနယ်မြေသို့ ရောက်ရှိလာခြင်း ဖြစ်လောက်၏။ ထိုအတောအတွင်း တစ်စုံတစ်ခု မှားယွင်းသွားပြီး သူသည် ဂီလိုဘတ် စက်မှုဇုန်သို့ ဦးစွာ ရောက်ရှိသွားကာ ထိုနေရာတွင် မလိုအပ်သော အငြင်းပွားမှုများ ဖြစ်ပွားပြီး စက်မှုဇုန်တစ်ခုလုံးကို မှောက်လှန်ပစ်လိုက်ခြင်းက ပို၍ယုတ္တိတန်သည်။ ဤကဲ့သို့ လုပ်ဆောင်ရန်အတွက် သူ မည်မျှအထိ ဒေါသထွက်နေမည်ကို ကျနော် ခန့်မှန်း၍ပင် မရနိုင်တော့ပေ။</p> <p>"ရှင်က ကုသမှု ခံယူနေတာနော်။ ခန္ဓာကိုယ်ကို လှုပ်မနေနဲ့။"</p> <p>ဆေးကုသခန်းအတွင်း ကျနော့်ဇာတ်လမ်းကို ပြုပြင်ပေးနေသော အိုင်လင်းက မျက်မှန်ကို ပင့်တင်ရင်း ကျနော့်ကို ငေါက်လိုက်သည်။</p> <p>ကျနော်က အားငယ်သောလေသံဖြင့် ပြန်ဖြေသည်။</p> <p>"စိတ်မကောင်းပါဘူး၊ ဒါက အလိုလိုလှုတ်မိသွားတာပါ။ ငါ့ အခြေအနေ ဘယ်လိုရှိလဲ။"</p> <p>"ရှင့်ရဲ့ လက်ရှိ ခန္ဓာကိုယ် အခြေအနေနဲ့ အလိုလိုလှုတ်မိစရာလား။ အဓိပ္ပာယ်မရှိတာတွေ လျှောက်မပြောနဲ့"</p> <p>အိုင်လင်းက သက်ပြင်းချလိုက်သော်လည်း အိုင်လင်း၏ မျက်နှာထားမှာတော့ မဆိုးလှပေ။</p> <p>"ဒါကို အံ့ဖွယ်တစ်ခုလို့ပဲ ကျမ မြင်မိတယ်။ ရှင်က တဖြည်းဖြည်း ပြန်ကောင်းလာနေပြီ။ ရှင့်ရဲ့ ဇာတ်လမ်းတွေ ထိခိုက်မှုက အရမ်းကြီးလွန်းလို့ လှုပ်လှုပ်ရှားရှား လုပ်ဖို့တော့ ခက်လိမ့်မယ်... ဒါပေမဲ့ အဆင်ပြေသွားလိမ့်မယ်လို့ ကျမ ထင်ပါတယ်"</p> <p>အဓိက ဇာတ်ဝင်ခန်းသို့ ပြန်လည် ဝင်ရောက်နိုင်ခဲ့ခြင်းကြောင့် ဖြစ်နိုင်သော်လည်း ကျနော့်၏ အသက်ရှူသံမှာ ပြောင်းလဲသွားချေပြီ။</p> <p>ထုတ်ပယ်ခံရသူ ဖြစ်ရသည့် ခံစားချက်နှင့် ဇာတ်ဝင်ခန်းသို့ ပြန်လည် ရောက်ရှိလာခြင်း၏ ခံစားချက်ကို မသိသူများမှာ နားလည်နိုင်လိမ့်မည် မဟုတ်ပေ။</p> <p>「 ကင်ဒေါ့ဂျာက တွေးနေမိသည် - ဒါက ‘ဇာတ်လမ်း’ ပဲ။ 」</p> <p>သက်သောင့်သက်သာရှိပြီး ကြီးမားလှသော ကမ္ဘာကြီးတစ်ခုက ကျနော့်ကို ပွေ့ဖက်ထားသကဲ့သို့ ခံစားရသည်။ ရယ်စရာကောင်းသည်မှာ ကျနော်သည် ယခုမှပင် စနစ်တကျ အသက်ရှင်နေရသကဲ့သို့ ခံစားရခြင်းပင်။ ဤ ‘အာရုံခံစားမှု’ များကို မည်သူက ပုံဖော်ဖန်တီးခဲ့သနည်းဟု တွေးတောမိသောအခါ ကျနော် ထိတ်လန့်သွားမိသည်။</p> <p>"အ..."</p> <p>"မလှုပ်နဲ့"</p> <p>ပြင်းထန်သော နာကျင်မှုနှင့်အတူ အိုင်လင်း၏ စူးရှသော အသံကို ကြားလိုက်ရသည်။</p> <p>[သင်၏ လက်ရှိ ဇာတ်လမ်း ဖွဲ့စည်းမှုမှာ မပြည့်စုံသေးပါ။]</p> <p>ကျနော်သည် ဇာတ်ဝင်ခန်းအတွင်းသို့ ဝင်ရောက်ခဲ့ပြီး ပြန်လည် နာလန်ထူသည့် အဆင့်တွင် ရှိနေသော်လည်း အခြေအနေမှာ ပြင်းထန်နေဆဲ ဖြစ်သည်။ စော်ဘွား စစ်ဝစ်ဇ်ကို သတ်ဖြတ်နိုင်သည်အထိ ကျနော် အသက်ရှင်ခဲ့ခြင်းမှာ အံ့ဖွယ်တစ်ခုပင်။ ကျနော်လုပ်ဆောင်ခဲ့သည့်ကိစ္စမှာ မဆင်မခြင် တိုက်ခိုက်ခဲ့သော တိုက်ပွဲတစ်ခု ဖြစ်သည်။ ကျနော့်၏ ပင်ကိုယ်စရိုက်နှင့် မတူဘဲ အဘယ်ကြောင့် ထိုသို့ ပြုမူခဲ့သည်ကို ကျနော် မသိတော့ပေ။</p> <p>[နက္ခတ်အချို့က သင့်အကြောင်းကို မေးမြန်းနေကြပါသည်။]</p> <p>ထို့အပြင် ကျနော်သည် ဇာတ်လမ်းလက်နက်ကို ဆင့်ခေါ်ခဲ့သောကြောင့် ကျနော့်၏ အနာဂတ် ဇာတ်လမ်းများမှာ အလွန်ပင် ရှုပ်ထွေးသွားပေလိမ့်မည်။ ကျနော်သည် မကြည့်ဘဲ ဖယ်ထားခဲ့သော မက်ဆေ့ချ်မှတ်တမ်းကို ဖွင့်ကြည့်လိုက်သည်။</p> <p>[ချန်နယ်အတွင်းရှိ နက္ခတ်များစွာသည် သင်၏ လုပ်ဆောင်ချက်အပေါ် အလွန်အမင်း အထင်ကြီး လေးစားနေကြပါသည်!]</p> <p>[ဒင်္ဂါး ၃,၀၀၀ ထောက်ပံ့မှု ရရှိပါသည်။]</p> <p>[‘ရွှေခေါင်းကွင်း၏ အကျဉ်သား’ နက္ခတ်သည် သင်၏ ယုံကြည်ချက်အပေါ် ခေါင်းညိတ် ထောက်ခံနေပါသည်။]</p> <p>[ဒင်္ဂါး ၄,၀၀၀ ထောက်ပံ့မှု ရရှိပါသည်။]</p> <p>ထောက်ပံ့မှုအချို့ ရရှိခဲ့သည်။ မည်သို့ပင်ဖြစ်စေ ကျနော် အထင်မကြီးမိပေ။</p> <p>[အကြိမ် ၂၀ မြောက် အဓိက ဇာတ်ဝင်ခန်း ပြီးဆုံးသွားပါပြီ။]</p> <p>[အဓိကဇာတ်ဝင်ခန်း ‘မိစ္ဆာနယ်မြေ တော်လှန်ရေး’ ကို ပြီးမြောက်အောင်မြင်ပါသည်။]</p> <p>[အဓိကဇာတ်ဝင်ခန်းကို အလွန်အမင်း ကျော်ဖြတ်ခဲ့သောကြောင့် လျော်ကြေးပေးအပ်မှု နှောင့်နှေးနေပါသည်။]</p> <p>[အဓိကဇာတ်ဝင်ခန်း ပြီးမြောက်မှုကြောင့် ရရှိမည့် ဇာတ်လမ်းများ စုဆောင်းမှုကို ဆိုင်းငံ့ထားပါသည်။]</p> <p>ပြဿနာအချို့ ရှိနေသော်လည်း ဇာတ်ဝင်ခန်း မက်ဆေ့ချ်များမှာ မှန်ကန်စွာ တက်လာခဲ့သည်။</p> <p>[နက္ခတ်အချို့သည် သင် မည်သူမည်ဝါဖြစ်ကြောင်းကို သိလိုစိတ် ပြင်းပြနေကြပါသည်။]</p> <p>[နက္ခတ်အချို့က သင့်ကို သူတို့၏ နက်ဗျူလာသို့ ဖိတ်ခေါ်လိုကြပါသည်။]</p> <p>[တစ်စုံတစ်ဦးက သင်၏ ဇာတ်လမ်းကို မျက်စိကျနေပါသည်။]</p> <p>ရင်းနှီးပြီးသား ရှုပ်ထွေးမှုများလည်း စတင်နေပြီ ဖြစ်သည်။ သူတို့ အဘယ်ကြောင့် ဤကဲ့သို့ ပျာပျာသလဲ ဖြစ်နေကြသည်ကို နားလည်နိုင်၏။</p> <p>「 ဇာတ်လမ်းလက်နက် ပလူတို 」</p> <p>ဒဏ္ဍာရီလာအဆင့် နက္ခတ်များပင်လျှင် ဤဧရာမ စစ်သည်တော်ကို မက်မောကြသည်။ ဧရာမ စစ်သည်တော်ဆိုသည်မှာ ဂိုင်ဂန်တိုမာခီယာ၏ ကြီးမားလှသော ဇာတ်လမ်းများတွင်သာ မြင်တွေ့နိုင်သည့် ရှားပါးလက်နက်တစ်ခု ဖြစ်သည်။ ထိုလက်နက်မှာ ဒဏ္ဍာရီလာ ဇာတ်လမ်းဖြစ်သော စက်ရုံကြီးကို အရုပ်တစ်ခုကဲ့သို့ နင်းခြေဖျက်ဆီးနိုင်သည့် လက်နက်တစ်ခုပင်။ နက္ခတ်များအနေဖြင့် ဤကဲ့သို့ လက်နက်မျိုးကို မမက်မောဘဲ နေစရာ အကြောင်းမရှိဟု ပြော၍ရ၏။</p> <p>ဒါနဲ့ ‘သူ’ ကတော့ အခုထိ ရောက်မလာသေးဘူးပဲ...</p> <p>[‘ကြွယ်ဝသော ည၏ ဖခင်’ နက္ခတ်က သင့်ကို စောင့်ကြည့်နေပါသည်။]</p> <p>...သူ ရောက်လာပြီ။ ချီးပဲ။</p> <p>[‘ကြွယ်ဝသော ည၏ ဖခင်’ နက္ခတ်က သင့်ကို စောင့်ကြည့်နေပါသည်။]</p> <p>ကြွယ်ဝသော ည၏ ဖခင်။ ကံကောင်းစွာဖြင့် သူသည် ကျနော့်ကို စောင့်ကြည့်နေခြင်းမှလွဲ၍ မည်သည့် လုပ်ဆောင်ချက်မျှ မပြုလုပ်သေးပေ။ ကျနော်က သူ၏ ဇာတ်လမ်းလက်နက်ကို အသုံးပြုခဲ့သောကြောင့် သူ ဒေါသထွက်နေမည်မှာ ပုံမှန်ပင် ဖြစ်သော်လည်း...</p> <p>မဟုတ်သေးဘူး။ ဟေးဒီးစ်က ငါ့ကို စောင့်ကြည့်နေတာကို အတော်ကိုဆိုးရွားတဲ့အခြေအနေဖြစ်နေလောက်ပြီ။ သူက မြေအောက်ကမ္ဘာရဲ့ ဘုရင်ကြီးလေ။</p> <p>[သီးသန့်စွမ်းရည် ‘Fourth Wall’ အပြင်းအထန် အသက်ဝင်နေပါသည်။]</p> <p>[Fourth Wall က ရယ်မောနေပါသည်။]</p> <p>လဖွတ်။ ဒီချီးထုတ်ကောင်ကို လုံးဝသဘောမကျဘူးကွာ။</p> <p>ကျနော်သည် ဒဏ္ဍာရီလာအဆင့် ဖြစ်သောကြောင့် ဟေးဒီးစ်၏ ခြေဖျားကို ထိတွေ့နိုင်သော်လည်း ပြဿနာမှာ ကျနော့်၏ လက်ရှိ အခြေအနေပင် ဖြစ်သည်။ ကျနော့်ခန္ဓာကိုယ်ကို ပတ်ထားသော ပတ်တီးများမှာ ကျနော့် လက်ရှိ အခြေအနေကို ဖော်ပြနေလေသည်။</p> <p>ကိုယ်စားလှယ် ခန္ဓာကိုယ်သည် ကျနော့်၏ တည်ရှိမှု အခြေအနေကို ဖော်ပြနေသည့် ရုပ်ပိုင်းဆိုင်ရာ အသွင်အပြင်ပင် ဖြစ်သည်။ ထိုအသွင်အပြင်မှာ ပျက်စီးသွားပြီ ဖြစ်သဖြင့် နက္ခတ်တစ်ပါးအနေနှင့် ကျနော့်၏ တည်ရှိမှုမှာလည်း မလွဲမသွေ သိမ်ငယ်သွားရတော့သည်။ ကျနော် ဤမျှအထိ ဒဏ်ရာရဖူးသည်မှာ ဒါပထမဆုံးပင်...။</p> <p>လက်တစ်ဖက်ကို မြှောက်ရန်ပင် ခက်ခဲနေသော်လည်း လက်ထဲရှိ စမတ်ဖုန်းက ကျနော့်ကို စိတ်သက်သာရာရစေသည်။ ကျနော်က ပြုံးစိစိ လုပ်နေမိသဖြင့် အိုင်လင်းက ပတ်တီးစည်းပေးရင်း မျက်မှောင်ကြုတ်လိုက်သည်။</p> <p>"ဖုန်းကို အကြာကြီး မကြည့်ပါနဲ့လို့ ကျမ ပြောထားတယ်လေ"</p> <p>"ဖုန်းအကြာကြီးမကြည့်ဖို့ကို ငါ့အမေကလည်း ပြောလေ့ရှိခဲ့ဖူးတယ်"</p> <p>"ရှင်က လုံးဝတည်ငြိမ်မှု ရှိဖို့ လိုအပ်တယ်"</p> <p>"ငါ့အတွက်တော့ ဒါကို ကြည့်နေရတာက လုံးဝတည်ငြိမ်ခြင်းပဲ"</p> <p>ကျနော် သေချာ ရှင်းမပြတော့ပေ။ ရှင်းပြလျှင်ပင် စစ်ထုတ်ခံရဖို့သာ ရှိ၏။</p> <p>"စစ်ဝစ်ဇ် စက်မှုဇုန်ကရော ဘယ်လိုလဲ။ မဟုတ်ဘူး... အခုဆိုရင်တော့ ယူဂျွန်ဟော့ စက်မှုဇုန်လို့ပဲ ခေါ်ရတော့မယ် ထင်တယ်။"</p> <p>"အဆင်ပြေပါတယ်"</p> <p>စော်ဘွား သေဆုံးသွားပြီးနောက် စက်မှုဇုန်မှာ တည်ငြိမ်မှုဆီသို့ ဦးတည်နေပြီ ဖြစ်သည်။ ဖယ်ရှားရေး ကျွန်များအကြောင်းနှင့် အကျဉ်းသားများ ဖြစ်သွားကြသည့် နယ်စား၊ မြို့စားများအပေါ် ဆက်ဆံရေးနှင့် ပတ်သက်ပြီး ပြောဆိုစရာများစွာ ရှိနေသော်လည်း အိုင်လင်းက ကောင်းမွန်စွာ ကိုင်တွယ်နေလေသည်။</p> <p>အိုင်လင်းက ကျနော့်ကို ခဏမျှ စိုက်ကြည့်ပြီးနောက် မေးလိုက်သည်။</p> <p>"တကယ်တော့ ရှင်က ယူဂျွန်ဟော့ မဟုတ်ဘူးမလား"</p> <p>ထိုမေးခွန်းမှာ ကျနော် ကြိုတင်မျှော်လင့်ထားသည့် မေးခွန်းဖြစ်သဖြင့် ခေါင်းညိတ်ပြလိုက်သည်။</p> <p>"ဟုတ်တယ်။ ငါက သူမဟုတ်ဘူး"</p> <p>"ဒါပေမဲ့ စက်မှုဇုန်ရဲ့ ပိုင်ရှင်က အခုဆိုရင် ယူဂျွန်ဟော့ ဖြစ်နေပြီနော်"</p> <p>ထိုကိစ္စက အမှန်ပင် ဖြစ်သည်။ အမှန်တကယ်တန်းတွင် ကျနော့်ထံ ရောက်ရှိလာသော မက်ဆေ့ချ်များထဲတွင်လည်း ဖော်ပြထားပြီးသား ဖြစ်၏။</p> <p>[စက်မှုဇုန်၏ လက်ရှိပိုင်ရှင်မှာ စော်ဘွား ယူဂျွန်ဟော့ ဖြစ်ပါသည်။]</p> <p>စော်ဘွား ယူဂျွန်ဟော့ ဆိုပဲ...။ အဲဒီမအေဘေးက ငါ့ကို ကျေးဇူးတောင် တင်သင့်တယ်။</p> <p>အိုင်လင်းကို ကြည့်ကာ ကျနော်ပြောလိုက်သည်။</p> <p>"စော်ဘွားက မကြာခင် ရောက်လာလိမ့်မယ်။"</p> <p>အိုင်လင်း၏ မျက်နှာတွင် ထူးဆန်းသော တင်းမာမှုများ ဖုံးလွှမ်းသွားသည်။</p> <p>"...ယူဂျွန်ဟော့က မိစ္ဆာတစ်ကောင်လား။"</p> <p>"သူက မိစ္ဆာတော့ မဟုတ်ဘူး၊ ဒါပေမဲ့ တစ်ခါတလေကျရင်တော့ မိစ္ဆာတစ်ကောင်လိုတော့ ခံစားရတယ်"</p> <p>မည်သို့ ရှင်းပြရမည်ကို ကျနော် စိုးရိမ်နေမိသော်လည်း နောက်ဆုံးတွင်တော့ ဤသို့ပင် ပြောရန် ဆုံးဖြတ်လိုက်သည်။</p> <p>"ဒီတစ်ကြိမ်မှာတော့ ယူဂျွန်ဟော့က လူကောင်းတစ်ယောက်ပါ"</p> <p>အိုင်လင်းက ကျနော် ဆိုလိုသည်ကို နားမလည်ပေ။ ကျနော် ခေါင်းကို ခါယမ်းလိုက်သည်။</p> <p>"ငါ အကူအညီတစ်ခု တောင်းချင်တယ်။ ဂျန်ဟာယောင်းနဲ့ ဟန်မြုံအိုကို ငါ့ဆီ ခေါ်လာပေးလို့ ရမလား။ သူတို့ကို ပြောစရာ ရှိလို့ပါ"</p> <p>"...ကောင်းပါပြီ"</p> <p>ကျနော် အကျပ်အတည်းတစ်ခုကို ကျော်ဖြတ်နိုင်ခဲ့သော်လည်း ကျော်ဖြတ်နိုင်သည်က ‘တစ်ခု’ သာ ရှိသေးသည်။ ‘တော်လှန်ရေးသမား’ ဇာတ်ဝင်ခန်း ပြီးဆုံးသွားသော်လည်း နောက်ဆက်တွဲ ဇာတ်ဝင်ခန်းများမှာ ယခင်နှင့် နှိုင်းယှဉ်၍ မရနိုင်လောက်အောင် အတိုင်းအတာ ကြီးမားလှသည်။</p> <p>[မိစ္ဆာဘုရင် အချို့သည် သင်၏ လုပ်ဆောင်ချက်များကို စိတ်ဝင်စားနေကြပါသည်။]</p> <p>ကျနော်သာ သတိမထားမိလျှင် ဝါးမျိုခံရပေလိမ့်မည်။ ထို့ကြောင့် ယခုမှစကာ ခြေလှမ်းတိုင်းကို စနစ်တကျ ပြင်ဆင်ရမည် ဖြစ်သည်။ အိုင်လင်း ထွက်သွားသည်နှင့် ကျနော်က ဖုန်းမျက်နှာပြင်ပေါ်ရှိ ဖိုင်ကို ဝေခွဲမနေဘဲ ဖွင့်လိုက်သည်။</p> <p>— ပျက်စီးသွားသော ကမ္ဘာကြီးတွင် ရှင်သန်ရန် နည်းလမ်း သုံးသွယ် (ပထမအကြိမ် ပြင်ဆင်ချက်).txt</p> <p>ထိုဖိုင်မှာ ကျနော် အချိန်အတော်ကြာ စောင့်ဆိုင်းခဲ့ရသော ‘Ways of Survival’ ပင် ဖြစ်သည်။ ကျနော့်ရင်ခုန်သံများမှာ မြန်ဆန်နေပြီ ဖြစ်သည်။ ပထမအကြိမ် ပြင်ဆင်ချက် ဆိုသည်မှာ မည်သည့်အရာကို ဆိုလိုသနည်း။ ထို့အပြင် စာရေးသူက ထိုဖိုင်ကို ကျနော့်ထံ အဘယ်ကြောင့် ပေးခဲ့သနည်း။</p> <p>သို့သော်လည်း ဖိုင်မှာ ချက်ချင်း ပွင့်မလာပေ။ အိုင်လင်း ပြုလုပ်ပေးထားသည့် စမတ်ဖုန်း၏ စွမ်းဆောင်ရည်ကြောင့် ဖြစ်နိုင်သည်။ ဖုန်း၏ စွမ်းဆောင်ရည်ကြောင့် ကျနော့် ဖုန်းအဟောင်းကိုပင် လွမ်းဆွတ်မိစေသည်။ အချိန်အတော်ကြာ စောင့်ဆိုင်းပြီးနောက်မှသာ ဖိုင်မှာ ခက်ခဲစွာ ပွင့်လာတော့သည်။</p> <p>"...ဖုန်းက နှေးနေတာ မဟုတ်ဘူး။ ဖိုင်က အရမ်းကြီးလွန်းနေတာပဲ"</p> <p>အမှန်ပင်။ လက်ရှိအနေအထားက အကောင်းဆုံး မပြုပြင်ထားသော ကွန်ပျူတာတစ်လုံးတွင် ဖိုင်ဖွင့်သကဲ့သို့ အချိန်ယူနေရခြင်း ဖြစ်သည်။ များပြားလှသော စာသားများကို ကြည့်ရင်း ကျနော် အနည်းငယ် ပျို့အန်ချင်သလို ခံစားလိုက်ရသည်။</p> <p>ချီး။ ငါ ဒါကို ဘယ်လိုများ ဖတ်ခဲ့တာပါလိမ့်။</p> <p>ဇာတ်လမ်း၏ မည်သည့်နေရာတွင် ပြင်ဆင်ထားသည်ကို သိနိုင်ရန် ကျနော်သည် အစမှအဆုံး ပြန်လည်ဖတ်ရှုရမည်ဖြစ်ပြီး ကျနော့်မှတ်ဉာဏ်ထဲရှိ အချက်အလက်များနှင့် နှိုင်းယှဉ်ကြည့်ရမည် ဖြစ်သည်။ ကျနော် ပထမဆုံး စာမျက်နှာ ဆယ်မျက်နှာကို စတင်ဖတ်ရှုလိုက်သည်။</p> <p>...သိသာထင်ရှားတဲ့ အပြောင်းအလဲ မရှိဘူးလား။ မြေအောက်ရထားကနေ စတင်ခဲ့တာနဲ့ ယူဂျွန်ဟော့ရဲ့ လုပ်ဆောင်ချက်တွေက ဒီအတိုင်းပဲ။</p> <p>ဒါက ပြင်ဆင်ချက် ဖြစ်နေတာတောင် ဒီမအေဘေးက ဘာလို့ ဒီပုံစံအတိုင်းပဲ ဖြစ်နေရတာလဲ။</p> <p>ထိုစဉ် မူရင်း ‘Ways of Survival’ တွင် မရှိခဲ့သော ဝါကျတစ်ခု ပထမဆုံးအကြိမ် ပေါ်လာခဲ့သည်။</p> <p>「‘တကယ်လို့ သူသာရှိနေရင် ငါ ဒါကို တွေးမိမှာ မဟုတ်ဘူး’ဟု ယူဂျွန်ဟော့က တွေးလိုက်သည်။」</p> <p>ကျနော် အေးစိမ့်သွားသလို ခံစားလိုက်ရသဖြင့် ရပ်လိုက်မိသည်။</p> <p>「 ‘တကယ်လို့ သူသာ ဒီမှာ ရှိနေခဲ့ရင် ငါ အရာရာကို အခုထက် ပိုပြီး ကွဲပြားစွာ ဆုံးဖြတ်မိမှာပဲ...’ 」</p> <p>ကျနော်သည် မသိစိတ်ဖြင့် ပထမဆုံး စာမျက်နှာဆီသို့ ပြန်လှည့်ကြည့်လိုက်သည်။ စမတ်ဖုန်း၏ စွမ်းဆောင်ရည်ကြောင့် စာသားများမှာ ရောထွေးနေသော်လည်း ကျနော် ဂရုမစိုက်နိုင်တော့ပေ။ ထူးဆန်းသော ခံစားချက်တစ်ခုက ကျနော့်ရင်ထဲတွင် ပြည့်နှက်သွားသည်။</p> <p>တစ်စုံတစ်ခုတော့ လွဲချော်နေလေပြီ။</p> <p>...ပထမဆုံး အခန်းက အတူတူပဲလား။ မဟုတ်ဘူး။ ဒါက လုံးဝကို ကွဲပြားခြားနားတဲ့ အစပြုမှုတစ်ခုပဲ။ ကျနော်သည် ‘Ways of Survival’ ပထမဆုံး အခန်း၏ ပထမဆုံး စာမျက်နှာသို့ လှည့်ကြည့်လိုက်ပြီး မှင်တက်နေသော မျက်နှာထားဖြင့် စိုက်ကြည့်နေမိသည်။</p> <p>"...ဒါက တတိယမြောက် နောက်ပြန်ဆုတ်ခြင်း မဟုတ်ဘူး"</p> <p>ပျက်စီးသွားသော ကမ္ဘာကြီးတွင် ရှင်သန်ရန် နည်းလမ်း သုံးသွယ်၏ ပထမအကြိမ် ပြင်ဆင်ချက်။ ဝတ္ထု၏ ပထမဆုံး ဝါကျကို ကျနော်ထပ်မံ ဖတ်ရှုလိုက်သည်။</p> <p>「 ထိုသို့ဖြင့် ယူဂျွန်ဟော့၏ စတုတ္ထမြောက် ဘဝ စတင်ခဲ့လေသည်။ 」</p> <p>ပထမအကြိမ် ပြင်ဆင်ချက်သည် ယူဂျွန်ဟော့၏ စတုတ္ထမြောက် နောက်ပြန်ဆုတ်ခြင်းမှ စတင်ခဲ့ခြင်း ဖြစ်သည်။</p> <p>「 ယူဂျွန်ဟော့တွင် အတွေးတစ်ခု ရှိခဲ့သည်။ 」</p> <p>「 ဒီတစ်ကြိမ်မှာတော့ အဲ့ဒီကောင် တည်ရှိမနေတော့ဘူး။ 」</p> <p> </p> <p> </p> <p> </p> <p style="text-align:center">***</p>


Save